رواية حكاية حلم الفصل الخامس عشر 15 - بقلم رحاب محمد

 رواية حكاية حلم الفصل الخامس عشر 15 - بقلم رحاب محمد 

(البارت الخامس عشر)

مازن مش مصدق انها وافقت عليه قرب منها بفرحه بجد يا حلم بجد موافقه 

حلم :اه موافقه انا مش هلاقي حد احسن منك فاهم ومقدر كل الي انا فيه وواقف جنبي ومتخلاش عني بس انا عايزاك تبقى فاهم ان الي  مريت بيه مع قاسم مش سهل ولا هقدر انسي فى يوم وليلة ياريت تبقا فاهم ومقدر ده ومتجيش فى يوم تزهق وتمل مني ساعدني اني انساه معاك 

 مش سهل عليه انه يسمع منها انها لسه بتحب واحد تاني ولا فى اي راجل فى الدنيا يتحمل انه يسمع الكلام ده من البنت الي بيحبها والمفروض هتبقا مراته 

بس هو حبه ليها عاميه ومخليه عايزها تبقى معاه وبس

  

مازن بحنيه عارف يا حلم كل الي انتي بتقوليه وعمري ما هتغط عليكي فى حاجه انتي مش عايزاها 

وقرب منها ومسك ايدها 

بحب انا بحبك يا حلم بحبك حب عمرك ما هتتخيليه ولا هتلاقي حد يحبك فى الدنيا دي زيي واثق ومتاكد ان حبي ليكي  

هينسيكي اي حاجه وحشه عديتي بيها وهتحبيني انا متاكد من ده

 

حلم ابتسمت وسحبت ايدها منه بهدوء ان شاء الله يا مازن ده الي انا

بتمني انه يحصل ومتاكده انك اد ثقتى فيك 

مازن بفرحه انا فرحان اوي  كفايه انك بتديني الفرصه الي كان نفسي اخدها طول عمري واكيد مش هضيع الفرصه دي من ايدي وبحماس بصي احنا ننزل مصر النهارده علشان اكلم بباكي ونحدد معاد جواز علطول انا مش عايز اضيع لحظه تاني من غيرك 

حلم بتوتر جواز جواز ايه يا  مازن الي بسرعه كده احنا لسه بنبداء 

مازن انا اسف انى ضايقتك بس انا مصدقت انك توافقي

 

حلم انا فاهمه كده بس ياريت تبقى خطوبه بس فى الاول وبعدين نبقا نحدد الجواز ده 

مازن بحنيه انا معنديش اي مانع فى اي حاجه تريحك المهم انتي تبقي قريبه مني ومبسوطه وبس 

حلم ابتسمت بود طيب احنا ممكن ننزل النهارده زي ما قولت علشان كل حاجه تتم بسرعه 

مازن بفرحه بجد طيب يالا روحي اجهزي علشان نرجع حالا  

وفعلا رجعوا فى نفس الوقت 

وصلوا عند بيتها 

حلم هتنزل من العربيه سلام يا مازن هاخدلك معاد من بابا بكره واقولك عليه 

مازن وهو بينزل من العربيه معاد ايه هو انا لسه هتسناكي تاخديلي مواعيد انا هدخل معاكي دلوقتي 

حلم بستغراب تدخل فين يا مجنون انت الدنيا ليل ومش وقته دلوقتي بكره الصبح طيب ابقى تعالا 

مازن والله ما هيحصل قولتلك انا مصدقت انك وافقتي انا هدخل وهتكلم معاه دلوقتي 

حلم ضحكت يبني انت فى  ايه مستعجل كده ليه هو انا ههرب 

منا قاعده وبقولك الصبح يعني مش السنه الجايه 

مازن سرحان فيها وفى ضحتها عاشق لكل تفصيله فيها وبحب 

انا بعد ماشوفت الضحكه الي نورتلي حياتي لو كان فيه احتمال اني اغير رايي وامشي فا حتي الاحتمال ده خلاص راح 

حلم اتكسفت ومش عارفه ترد 

يبني هتدخل دلوقتي تقوله ايه بس 

مازن اولا كده انا مش اول مره اقابل عمي ابراهيم هو عارفني كويس فا مش هيستغرب وجودي 

حلم انا عارفه كده بس انت دلوقتي هتدخل تقوله ايه 

مازن قرب منها وبصوت كله حنيه وبيبص فى عنيها هاقوله انا اسير فى حب بنتك هقول بحبها وهي بنسبالي الحياه والناس ومش عايز اي حاجه من الدنيا غيرها 

حلم اتكسفت من كلامه وفى نفس الوقت حاسه انها بتظلمه 

معاها لانها مش حاسه باي حاجه ناحيته بس بتقنع نفسها بانه هو عارف وموافق هي مكدبتش عليه فى حاجه

 ضحكت مازن اوعي تكون ناوي تقوله كده بجد 

اعقل شويه 

مازن ضحك انا لو عليا فا  عايز اقول الكلام ده للدنيا كلها مش بس بباكي بس لو ده هيضايقك خلاص هقول الي انتي عايزاه وبس 

حلم ابتسمت ماشي طيب يالا ندخل بقى علشان انت شكلك مصمم بجد 

ودخلوا واتكلم مع بباها فى كل حاجه 

ابراهيم ابوها يعني : يا حلم انتي موافقه على كلام مازن ده ان الخطوبه تبقى اخر الاسبوع 

حلم هزت راسها بكسوف بمعني موافقه 

ابراهيم طيب يبني طلما انتوا الاتنين مصرين على كده انا معنديش مانع ربنا يتمملكم على خير ان شاء الله الف مبروك ليكم 

مازن مبسوط حاسس أنه بقا بيملك الدنيا كلها النهارده وفرحته وحبه ليها ظاهرين فى عنيه

 وبصلها بحب الله يبارك فيك يا عمي عقبال ما  تباركلنا على الفرح الكبير يارب 

 

حلم كان نفسها تسمع الكلمه دي يوم خطوبتها ليه هو واكيد حالها مكنش هيبقى كده دلوقتي كل الي مسيطر عليها هو الحزن والوجع 

بس لازم تعمل كده وتكمل من غيره بصتله وابتسمت  بحزن

................................

يارا قاعده مع باسم فى الكافيه الي بقوا يتقابلو فيه دايما

 

يارا بتعيط يا باسم بقولك امال حاسه وعارفه كل حاجه وانا مش هستحمل اشوفها كده 

باسم بخوف  ازاي يعني عارفه كل حاجه فهميني يعني امال عارفه اني انا وانتي بنحب بعض 

يارا هي متعرفش انه انا بس هي بتقول حاسه انها وحده تعرفها 

امال بقالها فتره شاكه فيك  ودلوقتي اتاكدت دي كان ناقص بس تقولي اني عرفت انك انتي 

باسم اهدي طيب ان شاء الله مش هيحصل كده وانا هتصرف 

يارا انت لو شفت كميه الوجع الي فى صوتها كنت هتعرف انا عمله كده ليه يا باسم انا حسيت وقتها اد ايه احنا وحشين اد ايه ظلمناها فى الي عملناه امال متستاهلش كل الي حسته بسببنا 

باسم قصدك ايه يا يارا بكلامك ده 

يارا بحده قصدي انت فهمتوا كويس انا مقدرش اشوفها بتتعذب وتتوجع كده واكون انا السبب كمان انا مستحيل اكون  سبب فى تعذيبها  امال بتحبك ومحبتش حد فى حياتها غيرك 

وهي الي لازم انت تكون معاها مش انا 

باسم بصدمه انتي بتقولي ايه يا يارا انتي عايزه تسبيني يعني هي بتحبني وانتي لا انا ولا حاجه بنسبالك وسهل عليكي تسبيني بالسهوله دي 

يارا بتعيط بقهر لا انا حبيتك وانت متاكد من ده كويس بس هي احق بيك مني وانت يا باسم لو بتحبني شويه فا بتحبها هي اكتر هي اول فرحه فى حياتك 

هي ام ابنك وهيفضل مكانها فى قلبك اعلي مهما حصل 

باسم غمض عنيه بحزن دي الحقيقه فعلا انا مهما حبيتك فا هي مكانتها فى قلبي حاجه تانيه هي غير اي حد بس انتي وجودك فى حياتي مهم انت

يارا قطعت كلامه انا مش اكتر من فتره غلط فى حياتك يا باسم غلطه غلطتها انا وانت بس خلاص لازم تصحح 

باسم انتي بتقولي ايه 

يارا بقول اننا لازم نبعد عن بعض وخلاص كل حاجه انتهت 

باسم بعصبيه انتي ازاي قادره تقولي كده ازاي بتقولي انك بتحبيني وعايزه تبعدي عني 

ردي عليا 

يارا بعياط زي ما بحبك بحب صاحبتي اكتر ومستحيل اكون سبب في كسر قلبها وهد حياتها 

انت لازم تفهم ده كويس يا باسم

بعدنا عن بعض مش هيم*وتنا عمر البعد ما م*وت حد واعتبر كل الي كان بينا ذكريات حلوه وخلصت

 

باسم بنرفزه ده قرارك الاخير 

يارا ايوه يا باسم 

باسم تمام وانا موفق وكل كلمه قولتيها صح وقام بسرعه وسابها ومشي 

يارا بتبص عليه بحزن وكأنها بتودعه حطت ايديها بين وشها وبتعيط 

وجت اغنيه (انا وانت اخترنا اننا نبعد عمرو دياب ) وكانها اشتغلت مخصوص علشانها 

وعلشان تفكرها بيه وبكلامها معاه انا اسفه يا باسم بس كان لازم نبعد وانت كمان كان لازم تختار كده معايا كل املي دلوقتي انك تفضل فاكرني 

وتجيب سيرتي بالخير 

وامال انا هثبتلها بطريقتي انك خلاص رجعتلها وكل حياتها هتمشي عادي بطريقتي هي تستاهل مني كل خير مش اي حاجه تانيه انا وانت حكايتنا كان لازم تخلص زي ما اي حكايه غلط  لازم تخلص بدري وانا وانت مسيرنا هنتعود على البعد

أنا وإنت إختارنا إننا نبعد عن بعض خلاص

يبقى مالوش لازمه يبان ضعفي وضعفك للناس

وياريت اللي يجيبلك سيرتي قول كان حبيبي

وأنا هثبت ليهم بطريقتي إن الحكاية خلاص

عادي أهي خلصت زي ما كل حكاية بتخلص

اللي هيجرى و اللي هينقص منا لو إحنا مكملناش

أنا هتعود وإنت كمان لازم تتعود

عمر البعد ما كان بيموت

ماهي دنيا ولازم تتعاش 

بس انا مش هعرف انساك  طول  عمري 

عايزاك تكون متاكد اني بعدت عنك بس قلبي لسه معاك مش عارفة هيجى عليا وقت واقدر اعدى الحب ده 

أنا هفضل يا حبيبي أفتكرك عمري ما هنساك

ولا هنسى الأيام الحلوة اللي كانت وياك

هتاخدنا الدنيا وهتفرق بينا الليالي

أنا عايزك بس تكون عارف ببعد وقلبي معاك

عادي أهي خلصت زي ما كل حكاية بتخلص 

مسحت دموعها بقوه انا لازم زي ما بوظت كل حاجه اصلحها هثبتلك يا امال انك غاليه عندي وهقطع اي امل لينا فى الرجوع 

............................تاني يوم 

فى الشركه 

قاسم قاعد مع كمال فى مكتبه

كمال ممكن افهم انت عملت ايه امبارح بعد مامشيت 

قاسم ببرود وثقة :ولا حاجه وابتسم بثقه بس اهم حاجه فى الموضوع انها جت حتي مكملتش اليوم ورجعت كلامي اتسمع حتي وانا بعيد عنها 

كمال بستغراب كلام ايه وبعدين اصلا انت عرفت انها جت منين 

قاسم مهو انا كنت  عند مراد امبارح فا شفتها الصبح فى البلكونه 

كمال كنت عند مراد يخربيتك فى عريس جديد يسيب مراته ويقعد عند ابوه 

قاسم بنرفزه كمال بقولك ايه متقوليش عريس وزفت دي والنبي بتعصبني انت عارف اني ولا عريس ولا نيله ومش طايق اشوف وشها اصلا وحتي مش هرجع اقعد معاها تاني الفتره دي 

كل ما بشوفها بتعصب واحتمال اقت*لها والله فى مره فا خليني بعيد عنها احسن 

كمال ضحك يبني فى ايه تقت*لها ايه بس ما تمشي مع وضعك الحالي وخلاص بقى

قاسم بس يا كمال قفل على السيره دي بقا مش ناقصك 

وهما بيتكلموا

دخل عليهم مازن وحلم فى ايده وماسكين علبة شيكولاته 

قاسم كان بيتكلم مع كمال واول ما شافه ماسك ايدها كده اتصدم 

وكأن المشهد بيعيد نفسه مره تانيه بس المره دي العكس 

هو بيجرب ايه احاسها لما شافته بنفس المنظر مع دارين بيجرب كسرتها كانت عامله ازاي 

حلم بتبص عليه بتحدي وفرحه وهي شايفه شكله عامل ازاي وهو شايفها كده وبتثبتله ان كل كلمه قالها غلط وانه بقى ولا حاجه فى حياتها بتدوقه من نفس الكاس

 

مازن سلم على كمال 

كيمو زيك يا راجل عاش من شافك 

كمال واحشني يا جدع والله بس انت الي مش بتسال خلي بالك 

مازن يالا بقا معلش تتعوض 

انا جاي وجايبلكم خبر حلو 

وبيبص على قاسم بتحدي وبيقرب منه وبيمد ايده بعلبة الشيكولاته 

اتفضل يا قاسم شوكليت بمناسبه خطوبتي انا وحلم 

قاسم كأن حد رماه فى بير غويط 

وقعت الخبر على سمعه وقع الصاعقه وبييلع ريقه انت بتقول ايه 

مازن ابتسم ومسك ايدها جامد وكأنه بياكدله كلامه : انا وحلم خطوبتنا الخميس الجاي والموضوع جيه بسرعه طبعا فا قررنا اننا نعزم كل الي فى الشركه بالطريقه دي وطبعا انت مهم جدا انت فى مقام  اخوها تمام فاكان لازم تكون اول واحد نعزمه على الفرح 

وبيوجه كلامه ل كمال وطبعا انت كمان يا كمال مش محتاج اقولك 

قاسم واقف وحاسس انه فى كابوس ومش عارف يصحي منه 

وكأنه مش معاهم ولا سامعهم

 كمال رد على مازن علشان يخليهم يخرجوا من عنده بسرعه لان شكله لا يبشر بالخير ابدا 

 

الف مبروك يا مازن واكيد هنحضر ان شاء الله 

حلم ببرود وابتسامة ذات معنى : مستنينكم يا كمال وخصوصا قاسم طبعا مش هينفع اخويا ميكونش موجود 

قاسم  بقى فى قمه غضبه وبيصغط على شفايفه بغل 

حلم عارفه انه بركان غضب ومش متوقعه ممكن يعمل ايه

مسكت ايد مازن بشده وكأنه امانها الوحيد يالا يا مازن علشان احنا لسه هنعزم الناس وخرجت بسرعه معاه من الاوضه تجنباً لرد فعل قاسم  

قاسم واقف مكانه وساكت وبيبص على اثرهم

 

كمال ييبصلوا وخايف من سكوته ده هو عارفه لما يسكت بيبقى  بيخطط لكوارث فى دماغه

كمال بخوف قاسم انت كويس 

قاسم  بصله وسكت 

كمال يبني انت فى ايه انت ساكت كده ليه قاسم بص ابعد عنها وملكش دعوه بيها سيبها فى حالها بقا وخليها تشوف حياتها وانت كمان خليك فى حياتك مع دارين وارضي بيها 

وكأنه داس علي زرار لانف*جار الغضب فيه

قاسم بزعيق متجبليش سيره الزفته دي هي السبب فى كل الي انا فيه انا مش بكره حد فى الدنيا  ادها هي السبب هي الي ضيعتها مني 

كمال حتي لو هي دلوقتي مراتك ولازم تقبل ده وتعيش معاها على انك جوزها 

حد من الموظفين كان داخل المكتب ل قاسم وشافه وهو بيزعق كده ورجع تاني بس سمع كلامه

قاسم  رمي كل الحاجه الي على المكتب بغيظ وزعق بصوت عالى :متقوليش مراتك هي لعمرها كانت ولا هتكون انا افضل اني اقت*لها ولا اني اعيش معاها باقي عمري يا كمال سامع لو الحل الوحيد الي هيخلصني منها هو الم*وت فا انا هعمل كده 

كمال بنرفزه بس بقى كلامك المجنون ده فى ايه ما تعقل بقى اعقل ياخي انت مفيش فايده من الكلام معاك ابدا

 وسابه وخرج من المكتب وهو متعصب 

 

قاسم بغل ماشي يا حلم ابقي وريني بقى هتتجوزيه ازاي 

وفاتت بقيت الايام مفيهاش اي شي يذكر حلم بتجهز  ليوم الفرح ومها وامال بيساعدوها

وريان زي ما هو بيروح يقعد عند بباه من يوم ما اتخانق مع دارين مرحش عندها تاني 

وجيه يوم الفرح 

حلم لبست وجهزت وقاعده فى اوضة الاوتيل الي فيه الفرح ومعها مها ومستنيه مازن يطلع علشان ينزلوا القاعه قامت  وبتبص عغ نفسها في المرايه بحزن وبتسال نفسها ليه مش مبسوطه ليه لسه مش حاسه باي حاجه ناحية مازن برغم حبه واهتمامه بكل تفاصيلها نزلت دمعه ثائره على خدها وحطت ايدها على قلبها بتهدي من سرعه دقاته بمجرد ما فكرت فيه لسه بحبه بعد كل الي عمله وسمعته منه لسه بتحبه لسه بتمني انه هو الي يكون العريس النهارده مش مازن

مها قطعت تفكيرها وهي بتنادي عليها حلم يا حلم انتي يبنتي سرحانه فى ايه 

حلم اخدت بالها ليها اخيرا هاا لا ولا حاجه

مها طيب بقولك مصطفي كلمني وقالي عايزني فى حاجه ضروري فا انا هروح اشوفه عايز ايه وارجعلك ماش

ي 

حلم طيب بس متتاخريش علشان مازن اكيد خلاص جاي علشان ننزل 

مها ماشي مش هتاخر وخرجت 

بتكلم مصطفي فى التليفون ايووه يا مصطفي انت فين مش قولتلي انك قصاد الاوضه 

مصطفي لا منا لقيتك اتاخرتي فا نزلت تحت تعاليلي بقا

 

مها يوه يا مصطفي مش عايزه اتاخر على حلم وبتكلمه لغايه ما وصلت عنده 

مصطفي اول ما شافها ابتسم  وبيبصلها بحب ايه القمر ده

 

مها ابتسمت بحب يلسلملي انا القمر حبيبي 

مصطفي بيغمزلها والله انا رايي نروح بقا نشوف حالنا بلا فرح بلا بتاع 

مها ضحكت طيب وليه ما حنا هنروح بعد الفرح انت مستعجل ليه 

مصطفي والله انا بقول ناخد اليوم من اوله احسن 

مها بدلع بس بقا يا مصطفي الله 

انتبهت بفزع  كنت هنسي حلم يخربيتك انت كنت عايزني فى ايه قول بسرعه خليني امشي 

مصطفي بحزن مصطنع يخربيتي 

انا يخربتي ماشي يا مها شكرا مش عايز منك حاجه اتفضلي امشي 

مها عارفه حركاته كويس ضحكت وقربت منه وباس*ته من خده بخفه انا اسفه ده كله الا بيتك ده مهو بيت حبيبي 

مصطفي اخد نفس بعمق يبنتي انا بقول نروح نشوف بيتنا ده بقا اصله وحشني اووي 

مها ضحكت وغمزتله بدلع وانا كمان بيتن وحشني اوي بس نصبر شويه معلش 

مصطفي اوووف ماشي التليفون بتاعه رن مره وقفل 

مها هاا يا مصطفي قولي بقا كنت عايز ايه 

مصطفي بتلقائية لا مخلاص رن يعني خلص 

مها بستغراب يعنى ايه 

مصطفي اخد باله من الكلام بقولك يعني خلاص شفت القمر انا كنت مكلمك علشان وحشتني وعايز اشوفك 

مها ابتسمت بحب انت كمان كنت وحشتني وباس*ته من خدو بسرعه بحبك اوووي يا طوفي 

وجريت من قصاده علشان تروح لحلم 

مصطفي ضحك بحب وانا بعشقك يا قلب طوفي بس ماشي على الحركه دي لما نروح نتحاسب 

مها طلعت الاوضه وبتنادي على حلم مش لاقيها حلم يا حلم انتي يبنتي رحتي فين وبتبص عليها فى البلكونه مش لاقيها فى كل حته فى الاوضه برضوا مش موجوده 

قلقت عليها ايه ده هتكون راحت فين دي بس رنت على تليفونها شافته على السرير فى الاوضه 

مها بخوف ايه ده بقا كمان فونها مش معاها هتكون راحت فين يمكن خرجت ل مازن 

باب الاوضه بيخبط

 

مها اهي جات الحمد لله وبتفتح انتي كنتي فين يا زفته

سكتت لما شافت  مازن وبباها 

مها باحراج انا اسفه والله كنت فاكره حلم 

مازن بقلق حلم ازاي يعني هي حلم مش جوه 

مها لا انا فكرتها معاك 

ابراهيم بزعيق يعني ايه مش جوه هتكون راحت فين يعني😳

  •تابع الفصل التالي "رواية حكاية حلم" اضغط على اسم الرواية