رواية احفاد الطوبجي الفصل السادس عشر 16 - بقلم اميرة اسامة
🔥البارت السادس عشر🔥
🔥🔥🔥مرحباً كارما🔥🔥🔥
أتفق الشباب انهم لازم يروحوا لفاطيما و يبلغوها أتصل أمير بيها عشان يبلغها
أمير....ايوه يا فاطيما عامله ايه
فاطيما....بخير يا امير في اخبار؟
امير....اه وكنت بكلمك عشان كده ينفع اشوفك الوقت
فاطيما...بلهفه اكيد طبعاً بس طمني الاول قولي في ايه؟
امير...خير يا فاطيما لما اشوفك
فاطيما....طيب هتجيلي نقعد في كافيه في الفندق ولا عايز تشوفني فين
امير....لا هجيلك بس ياريت تخرجيلي افضل نتكلم بره احسن تمام
فاطيما....طيب زي ما انت عايز
امير....تمام نص ساعه وهكون عندك
فاطيما....مستنياك
امير....سلام
فاطيما...سلام.
هشام.....ايه تمام
امير....اه يلا بينا نتحرك بقي
اتحركوا مع بعض ونص ساعه كانوا عند الفندق كلمها امير عشان تخرجله
امير....بتوتر انا قلقان ومش عايز اقولها
رهف ...هي لازم تعرف يا امير في كل الاحوال وبعدين مش هي اللي طالبه منك تجيبلها الاخبار
امير...ايوه بس المشكله انه موقف مش حلو وفي نفس الوقت صعبه تسافر وهي عارفه انها ممكن تلاقي حد فيهم حصله حاجه
فرح....ليه التشاؤم ده مش يمكن اهلها بخير
امير....هو انا جايب الكلام ده من عندي ما صاحب ما راد اللي قاله بيتهم متدمر
ميار....يمكن يا امير خرجوا قبل ما يحصل حاجه وبعدين مينفعش توصلها الخبر وانت قلقان كده هتخوفها اكتر لازم تحسسها ان ان شاء الله مفيش حاجه
هشام.....سيبها علي الله هكلمها معاك
جلال...طيب بس عشان هي خارجه اهي
جنه....ياحرام دي بتجري شكلها مرعوبه💔
امير...بتنهيده خير خير
قربت منهم فاطيما بسرعه وبعدين اتصدمت لما شافتهم كلهم مع بعض
فاطيما.....وقفت وبصت لامير وهشام سكتت ثواني وهي بتحاول تقرأ عيونهم
هشام....عامله ايه يا فاطيما
رهف....فاطيما وحشتيني
فاطيما....رهف 🥺 قربت منها وحضنتها انتي اكتر رجعتي امته
رهف....من حوالي اسبوعين حمد الله علي سلامتك انتي كمان
فاطيما...الله يسلمك بصت لامير في ايه يا امير طمني الله يخليك
امير.....بارتباك خير يا فاطيما متقلقيش انا مراد كلمني من شويه وبلغني اللي عرفوا بصي هو الراجل اللي حاول يعرف للاسف معرفش عنهم حاجه لان زي ما انتي عارفه الدنيا هناك مقلوبه وصعب يوصل بسهوله بس
فاطيما....بدموع ما تنطق يا امير قولي في ايه
بص امير لهشام وسكت
هشام....فاطيما هو قال لمراد ان البيت بتاعكم من ضمن البيوت اللي العاصفه أثرت عليهم
فاطيما بصريخ ماتواااااا🥺
حط امير ايده علي بوئها بسرعه وقرب منها سندت علي كتفه وهي منهاره
فرح كانت حاسه انها هتموت من الغيره وفي نفس الوقت مش قادره تضايق منها صعبانه عليها جداً
قربوا منها البنات وحاولوا يهدوها
رهف....فاطيما هو قال ان البيت وقع زي بيوت كتير يمكن خرجوا لما خسوا بالخطر يمكن انقذوهم يعني اكيد خير
فاطيما....كان قلبي حاسس ان في حاجه هتحصل يارتني فضلت معاهم💔
هشام....فاطيما احمد اخوكي معاهم يعني اكيد عرف يتصرف
فاطيما....وافرض متصرفش يا هشام افرض كان معاهم وحصله حاجه💔
طيب قولي لو روحت واكتشفت ان حصلهم حاجه هعمل ايه من غيرهم هتصرف ازاي 💔🥺 هسيبهم هناك ولا هرجعهم ازاي حد يقولي والنبي 😭
امير.....فاطيما اهدي كده وامسكي نفسك العياط والتوتر اللي انتي فيه ده مش هينفع ولا هيفيد بأي حاجه انتي كده كده طيارتك بعد كام ساعه يعني هتسافري وهتعرفي كل حاجه بس لازم تسافري وانتي قويه عشان تقدري تتصرفي
فاطيما....هتصرف ازاي يا امير وانا لوحدي هعمل ايه من غيرهم💔🥺 الناس في كل الجروبات كاتبين ان محدش لاقي اهله في ناس بتدور علي اهلها ومش عارفين يوصلوا انا حاسه ان هيجرالي حاجه🥺
فرح...احمم فاطيما اغلب الاخبار بتكون فيك يعني مش شرط يكون ده الحقيقه
فاطيما....دي مش اخبار 🥺💔 دي جروبات للجاليه المصريه والعربيه الكل بيكتب وبيقول الاخبار اللي بتحصل هناك
فرح...حتي لو مش شرط انك متعرفيش توصلي وبعدين مش يمكن ميبقاش فيهم حاجه ولو لاقدر الله حصل حاجه تكون اصابه بسيطه بس ان شاء الله مش هيطلع في حاجه وزي ما امير قالك لازم تكوني قويه عشان تعرفي تتصرفي.
فاطيما...حطت ايدها علي راسها وفضلت تعيط وتبص حواليها كأنها تايهه هعمل ايه هتصرف ازاي انا عارفه اني مش هعرف ده اختبار قوي اوي يارب بلاش تحطني فيه لاني مش قده💔🥺🥺😭
هشام....لو مش قده يا فاطيما مكنتيش زمانك واقفه قدامنا الوقت اكيد ربنا عارف انك هتقدري تتصرفي واحنا كلنا معاكي مش هنسيبك يا فاطيما
امير....فاطيما انا لو كان لسه قدامي وقت كنت سافرت معاكي بس انتي عارفه ان الاجراءات بتاخد وقت يعني هتكوني سافرتي ووصلتي
بصتله فرح وسكتت وكلمت نفسها
تسافر معاها طيب ازاي انت عمرك كا روحت امريكا وطول عمرك رافض تروحها بسبب مامتك🥺
فاطيما....انا عارفه يا امير 🥺
امير....عموما مراد قالي انه هيخلي ناس هناك تتواصل معاكي وتساعدك لحد ما تلاقيهم وانا عندي احساس انك هتلاقيهم بخير
فاطيما....يارب يا امير 🥺💔
امير....انتي طيارتك امته
فاطيما...لسه قدامي ست ساعات🥺
امير....طيب كويس لسه وقت طويل انتي الوقت اطلعي ارتاحي شويه وحضري نفسك وانا هوصل البنات وهرجعلك تاني اوديكي المطار
هشام....انا كمان هاجي معاكم
فاطيما...لا خليكم مش مستاهله انا هاخد اي عربيه متتعبوش نفسكم
هشام....تعب ايه يا عبيطه يلا اسمعي الكلام.
رهف....انا كمان هفضل معاها مش هسيبها وهي في الحاله دي هتصل بس بمامي وابلغها
امير....طيب كويس جدا يلا اطلعوا انتوا وشويه وهنجيلكم
رهف....هاخد بس شنطتي
راحت رهف تاخد شنطتها
قرب منها جلال وميار عينها بتراقبهم
جلال....بقولك ايه شويه وهرجع مع امير هنوصل البنات بس
رهف....طيب ادام هترجع خليك هشام وامير معاهم
جلال...لا عشان تقعدوا مع بعض شويه لوحدكم مش هينفع افضل قاعد معاكم في الاوضه يعني ساعتين تلاته كده ونرجع
رهف....بأبتسامه اه طيب تمام خلاص هستناك
جلال....بأبتسامه تمام مس هتأخر
فضلت ميار بصاله وحاسه ان هي كمان هتموت من الغيره سلموا البنات عليهم وراحوا ركبوا
لا ميار كانت طايقه نفسها ولا فرح
اما جنه كانت هاديه مش متأثره خالص وشايفه ان اللي بيحصل طبيعي و لازم يقفوا جمب فاطيما.
طول الطريق كانت ساكته وقالبه وشها
وامير حاسس بتغيرها
وصلوا علي القصر ركن هشام العربيه وركن امير كمان عربيته ونزلوا كلهم
هشام هقعد هنا استناك
امير.....طيب تمام راجعلك تاني جلال شوف حاجه نشربها
جلال....طيب
فضلوا الاربعه مع بعض في الجنينه ودخل امير وراء فرح بسرعه
امير....فرح فرح استني فرح انا بنادي عليكي😡
وقفت فرح وبصتله نعم🥺
امير....انتي مش سمعاني ولا ايه😡
فرح...سمعاك ووقفت في ايه يا امير
امير....في انك قالبه وشك وطول الطريق ساكته وانا مش فاهم ايه اللي حصل انتي. كنتي كويسه
فرح...تمام لما تبقي تفهم يا امير نبقي نتكلم
مسكها امير بغضب من ايدها استني هنا متمشيش وانا بكلمك😡
فرح....امير سيب ايدي وخليني اطلع😡😡😡
خرجت روح في الوقت ده علي صوتهم
روح....في ايه انت وهي 🤨
وقفوا الاتنين بصولها و ملاحهم باين عليها الغضب ساب امير ايدها بهدوء وحس بالاحراج اسف يا روح
روح....انا مقولتلكش تتأسف انا بسأل في ايه صوتكم طالع🤨
فرح...مفيش يا مامي بعد اذنك انا طالعه انام🥺
روح...اقفي هنا وانا بتكلم🤨
فرح...ايه اللي خصل يا مامي قولتلك مفيش
روح....وصوتكم العالي 😡
امير....خلاص يا روح انا اللي غلطان مش فرح سيبيها تطلع
روح....متدخلش انت ادام قولتلها تقف يبقي تقف وبعدين انت وهي لما انتوا مش عايزين تتكلموا يبقي الافضل صوتكم مكانش طلع ولا ايه😡
امير....صح يا روح وانا اسف انا اللي غلطان❣️
روح....بردوا تاني بتتتأسف صوتك مطلعش لوحدك يا امير هي كمان صوتها كان عالي ويلا انت وهي حد فيكم يقولي في ايه وايه شغل العيال ده😡
امير....مفيش كل الحكايه ان هي قلبت مره واحده وطول الطريق كانت ساكته ولما وصلنا نزلت ومشيت علي طول جيت وراها بسرعه عشان اعرف مالها بس مش راضيه تتكلم فا اتعصبت شويه
روح....ايه في ايه؟ مش كنتي خارجه ومبسوطه وبعدين لو في حاجه مضيقاكي متكلمتيش ليه لما سألك
فرح...يا مامي خلاص محصلش حاجه صدقيني
روح...لا حصل وصوتكم طلع يبقي حقي اعرف في ايه انتوا خرجتوا وقولتوا هشام عازكم وكلكم كنتوا مبسوطين ايه اللي حصل في الخروجه
امير...والله ما حصل حاجه وبعدين احنا بعد الخروجه قومنا مع بعض روحنا لفاطيما لان مراد كلمني عشان يبلغني ان صاحبه قدر يوصل لاخبار يعني بيتها كله أتدمر وكان من البيوت اللي العاصفه ضيعتها بس بردوا مفيش اخبار عنهم ومراد قالي أبلغها فا روحنا كلنا مع بعض نبلغها نزلتلنا تحت ولما عرفت انهارت هي تلمفروض هتسافر كمان كام ساعه سيبنا معاها رهف وانا وهشام وجلال هنرجع تاني نوصلها علي المطار وده كل اللي حصل عشان كده انا اتعصبت لان مفيش حاجه حصلت
روح....هاااا ايه اللي يعصب في اللي حصل.
فرح...بعصبيه انت مش شايف انك غلطان😡
روح...وطي صوتك وانتي بتتكلمي😡
امير....بهدوء طيب قوليلي غلطان في ايه يا فرح غلطان يعني عشان روحت لفاطيما طيب ما كلنا كنا بعض وانتي نفسك كنتي بتحاولي تهديها لان اكيد صعبت عليكي من الحاله اللي كانت فيها ولا غلطان عشان هوصلها بيتهيألي دي اقل حاجه اعملهالها خصوصا في حالتها دي وانتي عارفه انها لوحدها وبعدين انا رايح مع هشام وجلال ورهف
فرح....والله بالسهوله دي طيب لما انت مش غلطان واقف تبرر ليه😡
امير....وهو بيحاول يكتم غضبه فرح انا عامل حساب لروح ومش عايز اتعصب
انتي شايفه اني غلطان في ايه في ان دي فاطيما مش حد تاني صح لو ده كل اللي في دماغك يا فرح فاطيما مش اكتر من صديقه وبينا عمر حتي لو مبقيناش مع بعض في بينا صداقه وعشره واحترام وبعيدا عن اي حاجه عشرتنا لبعض مش هتنتهي عشان احنا مكملناش بس واجبي ناحيتها اني لما الاقيها في ظرف زي الزفت اقف جمبها دي واحده ملهاش غيرنا الوقت اهلها كلهم هناك و يا عالم تروح تلاقيهم عايشين ولا لا
روح...ايه ساكته ليه ايه الغلط في اللي بيقوله
فرح....مامي انتي. معايا ولا معاه
روح...انا مع الحق والاصول حطي نفسك مكان البنت كل ده عشان توصيله للمطار😡
فرح....لا مش بس كده هي واضح فعلا يا امير انها مجرد صديقه عشان كده كنت مضايق اوي وانت بتقولها لو كنت عرفت بدري كنت سافرت معاكي صح😡
امير....اه يا فرح وهكررها تاني لو كنت عرفت بدري كنت روحت معاها دي واحده واقفه قدامنا منهاره وبتقول طيب افرضوا روحت لاقيتهم ماتوا هعمل ايه واتصرف ازاي وانا لوحدي هسيبهم هناك ولا اجيبهم هنا ايه مصعبتش عليكي يا فرح التوهان والضياع اللي كانت فيه ماثروش عليكي مشوفتيش بس غير اني قولتلها لولا الاجراءات كنت جيت معاكي
فرح....اه يا امير وعلي فكره انا مشكلتي مش مع فاطيما انا مشكلتي معاك انت اللي فجأه كده حبيت امريكا وبقيت عايز تسافر معاها هناك مش امريكا دي اللي انت كول عمرك كارهها بسبب ماممتك
روح....فررررررررح😡😡😡
بصلها امير بصدمه وحزن ومنطقش🥺
حست فرح بالكلمه اللي قالتها وهي كمان اتصدمت وسكتت
روح...اطلعي أوضتك ومش عايزه اشوف وشك خالص انتي فاهممممه😡
بصتلهم فرح وجريت بسرعه علي اوضتها
فضل امير باصص في الفراغ والحزن باين عليه
قربت منه روح وبصتله بحزن🥺
روح....حقك عليا انا يا حبيبي اوعي تزعل
امير...بابتسامه بسيطه حصل خير يا روح مفيش حاجه
روح...لا في وفرح غلطت ولازم تتحاسب علي غلطها🥺
امير....متجيش جمبها يا روح خلاص مفيش حاجه انا عارف انها ممكن تكون غيرانه ودي مش اول مره من يومين لما فاطيما كلمتني عشان اساعدها ونعرف اي حاجه هناك عن اهلها بردوا فرح اتغيرت وواضح ان سيره فاطيما هتكون ديماً عامله مشكله
روح....وليه تعمل مشكله فين الثقه؟
امير....صدقيني يا روح ربنا عالم ان فاطيما خرجت من حياتي وانتي عارفه كل حاجه وعارفه ان مفيش في قلبي غير فرح وبعيداً عن ثقه فرح فيا هي غيرانه عليا انا عارف بس صدقيني انا معملتش حاجه غلط ولو انتي شيفاني غلطان قوليلي
روح....لا طبعاً مش غلطان ومش هتبقي راجل لو شوفت حد محتاجلك و موقفتش جمبه البنت في موقف لا تحسد عليه وفرح نفسها لو في الموقف ده مش هتستحمل ولازم تقدر موقف فاطيما دي بنت مسافره لوحدها راحه تدور علي اهلها ومتعرفش هما عايشين ولا ميتين
امير....بس هي مش قادره تفهم ده للاسف
روح...ولا تسأل فيها وسيبهالي انا انت بس روح لفاطيما و وصلها وافضل متابعها انت وهشام واعرف وصلت لايه
امير....بأبتسامه حزن بحبك يا ورح
روح...وانا كمان بحبك ولازم تعرف ان عمر الاصول ما بتزعل وصدقني لما شخص يحتاجلك ويلجألك مينفعش تخذله عشان معني انها كلمتك رغم اللي حصل بينكم انها ملاقتش غيرك يقف معاها ويساعدها وحست انها محتاجه لمساعدتك واوعي تتخاي عنها في محنتها انا واثقه فيك يا روح
امير....عارف يا حبيبي وياريت فرح تفهم ده
روح...ولو مفهمتش عندها اربع حيطان
في اوضتها ادام مبتعرفش تتكلم وتمسك لسانها وتقدر مشاعر غيرها وبخصوص اللي قالته حقك عليا انا يا امير وهجيبهالك تعتذرلك
امير....انا مش زعلان والله يا روح خلاص .
روح....طيب يلا روح اغسل وشك كده عشان تفوق وانا هروح اسلم علي هشام انتوا ماشين امته
امير...لسه شويه كده يعني ساعه ولا حاجه ونتحرك علي الفندق
روح....طيب يا حبيبي هسلم عليه واعملكم حاجه تشربوها ومش عابزه اشوف الحزن اللي في عينك ده🥺
ابتسم امير و باس ايدها بحب وبعدين سابها ودخل جوه
وراحت روح تسلم علي هشام ❣️
..........
عدت الساعات بسرعه امير وهشام وجلال ورهف وصلوا فاطيما و ودعوها
امير....خلي بالك من نفسك يا فاطيما وهبقي معاكي بالتليفون بعتلك رقم صاحب مراد هيبقي معاكي هناك لو احتاجتيه
فاطيما...حاضر يا امير🥺💔
هشام.....اول ما توصلي امريكا طمنينا و لو وصلتي لحاجه بلغينا عشان نطمن
فاطيما...ادعولي يا هشام اطمن انا بس وهطمنكم اكيد
هشام....هتطمني ومش هتلاقي فيهم اي حاجه وحشه يا حبيبتي متخافيش
رهف...متقلقيش خير يا فاطيما
فاطيما..يارب
امير....يلا لا اله الا الله
فاطيما....محمد رسول الله
سلمت عليهم وبعدين دخلت
النهار كان طلع خلاص الساعه كانت سته الصبح
هشام....ايه يلا
جلال....هروح انا اوصل رهف وبعدين الحقك علي البيت يا امير
امير....طيب تمام
جلال...بقولك ايه انت رايح الشركه
امير....مش عارف لسه بس ميتهيأليش دماغي هتنفجر ومحتاج انام
جلال.....تمام
امير....وانت؟
جلال...لا انا احتمال اروح انهارده في ميتنج بره عشان هيعرفوا المشروع هيرسي علي مين ولازم اكون موجود
امير.....طيب خلاص اشوفك في البيت لما ترجع نبقي نتكلم
جلال....تمام يلا سلام يا اتش😉
هشام....حبيبي سلااام باي يا رهف
امير...باي سلام يا رهف
رهف...بااااي😍
....................
بعد وقت بسيط وصل هشام امير ومشي طلع امير علي اوضته كان لسه محدش صحي ودخل خد شاور ونام
بعد ساعتين صحي الكل ونزلوا علي تحت عشان يفطروا
دخلت روح تشوف امير عشان تصحيه
روح...امير امير يلا هتقوم ولا مش رايح
امير....اممم لا مش هروح يا روح تعبان عايز انام
روح....طيب يا حبيبي خلاص كمل نوم
سابته روح ونزلت اول ما لمحت فرح نازله بعدت عينها عنها
قربت منها فرح..صباح الخير يا مامي
روح...صباح النور
فرح....مامي انا اسفه
بصتلها روح بغضب اسفه دي تقوليها لامير مش ليا🤨
فرح...مكنش قصدي والله
روح...مش فارقه كتير في النهايه غلطتي ومش اي غلط انتي و جعتي امير يا فرح
فرح...والله مكنتش عارفه بقول ايه كنت متعصبه🥺
روح....ودي تعلمك ان مهما كان غضبك احافظ علي الكلام وقبل ما يطلع مني ابقي عارفه هيعمل ايه في اللي قدامي😡
فرح....طيب هو امير كويس🥺
روح....والله لو قلقانه عليه مكنتيش ضايقتيه من الاول
فرح....يامامي انتي معايا ولا عليا انا عارفه اني غلط مش لازم تحسسيني بالذنب🥺🥺
روح...لازم تحسي بالذنب عشان متجرحيش حد تاني ولا تكرريها👌
فرح....طيب اسفه ومش هكررها والله
روح....اكيد مش هتكرريها لاني مش هسمحلك وياريت تثقي في امير وفي نفسك يا فرح وافصلي بين غيرتك والمواقف الانسانيه انتي عمرك ما كنتي قاسيه كده فاطيما في في اشد الاحتياج ان حد يقف معاها وامير مكانش يستاهل منك تدوسي علي وجعه.
فرح...بحزن حاضر يا مامي انا هحاول اتكلم معاه واعتذرله في الشغل🥺
روح....لا امير مش رايح هو نايم واهي فرصه كويسه تفضلي طول اليوم من غيره تأنبي في نفسك 🤨
بصتلها فرح بحزن وبعدين راحت علي السفره🥺
...................
زهره....حبيبي هتتأخر انهارده
قاسم...اشمعني؟
زهره....هو ايه اللي اشمعني سؤال عادي يا قاسم
قاسم....لا اصل مش ديماً بتسألي السؤال ده غير لو هتخرجي بس عموماً ممكن لسه مش عارف
زهره....ماشي يا حبيبي
اخواته كانوا مركزين معاه وهو كان هادي جداً ومش باين عليه حاجه
بعد ما خلصوا فطار خرجوا عشان يروحوا الشغل
فرح....ياسين ممكن اجي معاكم
ياسين.....اكيد طبعاً بس امير و جلال مش رايحين ولا ايه
جلال....انا رايح بالموتسيكل بتاعي وامير مش رايح انهارده عشان رجعنا متأخر
ياسين....وانت ايه النساط اللي عندك تتحسد🤨
جلال....عايز زيد يعلقني 😏 ماهو قالي لازم اكون موجود عشان لما يروحوا الميتنج
زيد....جدع بتسمع الكلام😉
جلال....اي خدمه😂😂😂
خرجوا كلهم مع بعض ملك وفرح كانوا سابقين
وياسين وراهم فجأه حس بحد بيحط ايده علي كتفه بص لقاه قاسم😏🤨
قاسم....برفعه حاجب الساعه دي بتاعتي🤨
ياسين...بص لساعته دي 🤨 دي بتاعتي انا
قاسم....ايه يعني لو عجباني مينفعش اخدها ماهو جلال مقشطك علي طول وبتسكت🤨
ياسين...بأبتسامه بسيطه ياعم متغلاش عليك خدها😏
قاسم...بحب ابتسم متزعلش يالا مني
ياسين....ايه الحاله راحت خلاص لسه فاكر اني زعلانه
قاسم...لا بقولك ايه بلاش تقطيم فيا وحيات امك انا مش ناقص
ياسين...ماشي ياعم اديني سكت😏
قاسم...ياض انت عارف اني بحبك بس انا كنت متعصب شويه ميبقاش قلبك اسود بقي يا ابو لهب😉
ياسين.....ماشي ياعم وعموما انا عارف اني كنت غلطان بس كنان كان ليا وجهه نظر
قاسم....لا وجهه نظرك دي تحطها في طيبه قلبك علي رأي سالم😉
ياسين....ايه هو طفح عليك انت كمان😂😂
قاسم...ده انتوا تطفحوا علي بلد🤨 المهم مش زعلان خلاص
ياسين...مقدرش يا حبيبي ❣️
قاسم...بحب طبطب علي كتفه وبعدين ركبوا ومشيوا كلهم وراء بعض.
فضلت فرح طول الطريق مضايقه وساكته و بتفكر ازاي تصالح امير.
...............
في مجموعه الطوبجي زيد ومراد وسالم وقاسم وداوود راحوا علي طول علي الميتنج عشان يعرفوا العرض بتاعهم اتوافق عليه ولا رسي علي اصحاب الشركه التانيه واللي تقريباً من اهم شركات مصر هي كمان
(المهيب للإنشاءات)
بدأ الميتنج وبدأت اللجنه تقول ايه المناسب في كل عرض وايه افضل سعر اتطلب وبعد مناقشه دامت حوالي ربع ساعه عن العروض أعلنت اللجنه ان المشروع هيروح لصالح الطوبجي جروب😍😍
مراد والشباب فرحوا وزيد اكتفي بأبتسامه ثقه 😎
ملامح الهزيمه اترسمت علي اصحاب الشركه التانيه الأخوه
(علي و عاصم مهيب السعيد).
الاتنين سلموا علي اعضاء اللجنه
والكل بارك لمراد والشباب بأعتبارهم مالكي مجموعه الطوبجي
خرجوا كلهم من المكان وقفوا ثواني لحد ما الامن يجيبولهم عربياتهم
علي....مبروك يا مراد باشا مع انها كانت محسومه من البدايه ومعروف ان المشروع كان للمهيب.
مراد...الله يبارك فيك يا علي بس اللي بلغك انها هترسي عليكم اكيد كان غلطان ومعلوماته كانت ناقصه
سالم...بأبتسامه بارده ياريت كان رسي عليكم يا شباب كنا زماننا بنباركلكم الوقت بس يلا خيرها في غيرها
good luck😉
عاصم ....يحقلك يا سالم باشا ماهو ده مش اي مشروع بردوا🤨 في البدايه احنا كان اول اسم يقترح للجنه بس يلا تمام مفيش مشكله بيقولوا ان المصالح بتتصالح بردوا صح😉
داوود...بعصبيه عيله الطوبجي معروفه ان مصالح الناس كلها عندها وعمرنا ماكانت مصلحتنا مع حد فا لو بتلمح بكلامك ده عن اي حاجه فا بلاش يا عاصم😡
علي.....بالهداوه يا داوود باشا عاصم ميقصدش متضيعش فرحتك وتتنرفز
داوود...الكلام ده تقوله لأخوك وتخليه ياخد باله من اللي بيقولوا😡
سالم....انت منرفز نفسك ليه بس يا باشا اعذره يا داوود الراجل بردوا رايح من ايده مشروع العمر😉
قرب عاصم بغضب مسكه علب من كتفه رجعه و أبتسم.
علي....معاك حق يا سالم باشا وحقك علينا يا داوود باشا أمسحها فيا انا بس كمان انا عندي اقتراح ممكن يرضي الكل و أظن هيكون عرض حلو اوي ليكم لو اتفقنا.
مراد.....وايه هو الاقتراح ده ؟
علي....تتنازلوا لينا عن المشروع بالمقابل اللي يرضيكم ومش بس كده هنكتب عقد بينا طول ما المشروع ده شغال ولسه متسلمش مش هندخل قصادكم في اي مشروع يقعد بقي سنه اتنين عشره حلال عليكم كل المشاريع اللي هتاخدوها ومن غير منافسه كمان
واظن يعني انتوا مش محتاجين المشروع ده انتوا ماسكين كذا مشروع وبيتهيألي كده هيبقي كتير عليكم ومش هتقدروا تسدوا في كل المشاريع
قبل ما مراد يرد هو وداوود وسالم
وقف قداهم زيد وشاورلهم بأيده من غير ما يبص لحد
زيد.....ششششسسس رفع راسه وحط عينه في عين علي بعيداً عن كل كلامك ده ولاد الطوبجي عمرهم مكان ليهم منافس في مجالهم لان بإختصار احنا مش بنشوف حد اصلاً😉 ومش أحنا اللي نتنازل عن شغلنا لاي حد المشروع ده من الاساس احنا قولنا في البدايه اننا مش هنقدر نكون فيه ورفضناه عشان كده أسمكم اتحط الاول بس لما جالنا توصيه من جهات تقيله اننا نرجع نفكر تاني وندخل عشان احنا مطلوبين بالاسم قولنا تمام ودخلنا وبعيداً عن العرض اللي قدمناه كان المشروع هيرسي علينا بردوا عشان بس اسمنا لوحده علامه اما بقي عن عرضك لينا
فا هو مرفوض و يا مرحب بيكم قصادنا في أي مشروع ولو قدرتوا تسدوا في اي مشروع ولاد الطوبجي داخلين فيه يبقي مبروك عليكم المكسب 😉
بصله علي وقاسم بحقد😡
زيد....اه وحاجه كمان احنا لما رفضنا في البدايه مكانش عشان وقتنا ميسمحش ومش هنقدر نسد لا احنا رفضنا لظروف متخصكوش احنا كيان وورانا كتيبه تقدر تمسك ألف مشروع في نفس الوقت وتسلمه في المعاد متقلقش انت بس علينا وركزوا في شغلكم معلش بقي احنا مش هنقدر نقق اكتر من كده انت عارف كل ثانيه بتضيع في البيزنس من غير ما نستغلها ملايين بتروح وانت ميرضكش الخساره😉
ابتسم مراد وداوود وسالم من رد زيد عليهم وثواني كانوا ركبوا عربياتهم ووراهم الجارد وخرجوا من المكان.
علي....يا ابن الكلللللب😡
عاصم....وديني ما هسيبهم😡
علي.....يلا خلينا نمشي من هنا بسرعه مش طايق المكان😡
.........................
في المجموعه في مكتب ياسين وملك
كانوا واقفين بيرتبوا ورق مهم
ملك...انا تعبت🥴
ياسين....ليه مش عامله فيها جامده اشتغلي يا بت وبلاش دلع🤨
ملك....طيب انا جعانه انت مش بتتعب ابداً🤨
ياسين...لا مش بتعب وبعدين من امته وانتي بتتعبي من يوم ما جيتي الشركه دي وانتي مبتقعديش
ملك....بضحك اه يبقي انت اللي حسدتني😂😂
ياسين.....انا محصلش بس خليني اطلعه عليكي شويه اوقات كنت بتعب وتفضلي انتي تشتغلي وتقوليلي كمل جه اليوم اللي تقعي تحت ايدي🧐
وقفت ملك قدامه وهي بتضحك
ملك...بس كده ظلم انت معندكش اخوات بنات ولا ايه🥺😭
ضحك ياسين وبصلها طيب خلاص صعبتي عليا تعالي
ضحكت ملك و قربت منه سندت علي كتفه كان لازم يعني اهيس عشان اصعب عليك يا مفتري 😂😂
حس ياسين ان جسمها تقل عليه اوي
ياسين....لا بقولك ايه ابعدي والا انتي عرفاني ما هصدق😂😂😂
فضلت ملك ساكته
ياسين....انت يا بت قومي بلاش دلع اهو انتي اللي بتقربي مني ويجي جلال يقفشنا تفضفي تقوليلي انت السبب😂
دخل عليهم جلال في الوقت ده.
جلال....الله يخربيتكم انتوا مبتتهدوش طيب اجيبلكم عسكري يقف معاكم هنا محرم ولا اطلب بوليس الاداب واريح نفسي😂😂
ياسين...والله لسه بقولها والمرادي انا برئ هي اللي قربت مني بس هااا😂😂
جلال....قومي يا اختي قومي قفشتكم واللي كان كان 😂😂
ياسين...ملك 🤨 ملك حس انها هتقع منه مسكها بسرعه الحقني يا جلال
جلال....ايه ده في ايه دي اغم عليها ولا ايه
ياسين...مش عارف شالها ياسيم وحطها علي كنبه جلد وفضل يخبط علي وشها
ملك ملك فيكي ايه ملك لو بتهزري بلاش الهزار ده
جلال...بتهزر ايه ياعم دي وشها ابيض بجد
ياسين...هات مايه او البرفيوم بسرعه
جري جلال جاب البرفيوم وجابلها كوبايه مايه
ياسين....جلال بهدوء كده اتصل بالدكتور بسرعه
جلال....طيب لحظه خرج جري نادي علي تقي وفرح يكونوا معاها لحد ما الدكتور يطلع.
دخلوا البنات جري وهما مخضوصين
فرح....ايه ده مالها
ياسين...مش عارف
تقي....هي تعبت طيب
ياسين....والله ما عارف احنا كنا بنضحك وقالتلي انها مش قادره وجعانه وكنا بنضحك فجأه لقيتها كده
تقي....يمكن هبوط رش طيب علي وشها مايه تاني
فضل ياسين يرش عليها مايه والبنات يحاولوا لحد ما عينها فتحت بهدوء
ياسين....ملك انتي كويسه يا حبيبتي
ملك....امممم في ايه
فرح...ارفعها يا ياسين طيب
دخل جلال في الوقت ده ومعاه الدكتور
حكاله ياسين اللي حصل قاس لها الضغط وكشف عليها
تقي...خير يا دكتور فيها ايه؟
الدكتور....ضغطها واطي بس مش للدرجه اللي تقلق كمان سكرها واطي لكن مش للدرجه بردوا ياريت بس تشرب عصير حالا
ياسين...طيب اوديها مستشفي.
الدكتور.....مش مستاهله بس التحاليل دي لازم تعملها ضروري
ياسين....تحاليل وبتقولي مش مستاهله تحاليل ايه دي
الدكتور...بابتسامه يعني انا شاكك ان مدام ملك حامل🙄
بصوله كلهم بصدمه حتي ملك اتصدمت
تقي....ايه بجد الله😍😍
ياسين....انت متأكد
الدكتور.....احتمال كبير يكون حمل بس التحاليل هتأكد الشك ده
وصل مراد وزيد والشباب في الوقت ده لمحوا الباب بتاع ياسين مفتوح وكلهم جوه دخلوا بقلق لما شافوا الدكتور
سالم...في ايه يا ياسين مالها ملك
فرح...الدكتور بيقول ان ملك شكلها حامل😍😍
سالم...بجد😍
مراد...الاخبار الحلوه كلها بتيجي وراء بعض.
الكل بارك لملك وياسين بفرحه
زيد....طيب خدها يا ياسين وروح اعملها التحاليل اللي قال عليها واطمن عليها بردوا
ملك...بسعاده باينه غلي ملامحها لا لا مش وقته احنا لسه عندنا شغل ممكن لما نخلص
داوود....ياستي احنا جينا خلاص ملكيش دعوه بالشغل
مراد....يلا قوموا روحوا احنا موجودين
وخد تقي معاك لو مش هتعرف تكون لوحدك
تقي....اكيد طبعا انا فاضيه خلاص وخلصت😍😍😍
ياسين...طيب عملتوا ايه طمني
زيد...عيب عليك مش محتاجه سؤال😉
ياسين...الحمد لله
جلال....يارب يا ملك تطلعي حامل بجد ويكون ولد وتسموا لهب عشان ياسين يبقي اسم علي مسمي ابو لهب😂😂
ضحكوا كلهم وبعد وقت بسيط خرج ياسين وملك وتقي من الشركه عشان يطمنوا.
خرج يوسف وراجح وهما واقفين بره
بيتكلموا
يوسف....ملك بجد حامل😂
زيد....لسه مش متأكدين خرجوا الوقت هيعرفوا و يطمنونا
يوسف....يلا خير ان شاء الله
راجح.....يارب شكلها كده الاخبار الحلوه بتيجي وراء بعض
مراد...لسه قايل والله❣️
جلال...بمناسبه الاخبار الحلوه دي ما تخلوني اروح مش قادر خلاص هموت وانام
مراد.....روح يا اخويا حد ماسكك
زيد...لو خلصت امشي
جلال...بجد اه خلصت والله
زيد....طيب انا خارج مشوار معاك عربيتك ولا اوصلك
جلال...لا معايا
يوسف.....زيد انت هتيجي علي هنا ولا هتروح
زيد....لا اكيد هروح
يوسف....طيب ينفع اطلب منك طلب
زيد....اكيد
يوسف...انا لسه مخلصتش وورايا شغل كتير وخلود لسه قافله معايا وبتقول ان العربيه بتاعت السواق عطلت وراح يعملها كلمها قاللي قدامه اكتر من ساعتين وهي طلعت هواء الوقت ولما تخلص هتفضل قاعده كتير
زيد....اخلص بلاش رغي عايزني اعدي عليها يعني
يوسف....بضحك يخربيت اللي يزعلك اه بالله عليك
زيد....خلاص ياعم هجيبها متقلقش
يوسف...حبيبي😉❣️
..................
في تركيا
نادر....يابت استني انتي مبتتعبيش😭
مريم....انت مالك عامل زي الراجل العجوز كده ليه 😂
نادر....البركه فيكي ضيعتي صحتي من بوم ما اتجوزتك وانا بجري يابت ده انا لو بجري علي اكل عيشي مش هتعب كده😭
مريم....😂😂😂مش انت قولتلي هعملك اللي انتي عيزاه
نادر....ايوه يعني اخرجك خروجه حلوه ادلعك 😉 أكلك اكله حلوه إنما انتي يا اللي ربنا ينتقم منك سحلاني وراكي في كل اسطنبول ندور علي الشوارع والبيوت بتاعت المسلسلات التركي واخر حاجه وصلتها معاكي مخلياني ادور علي الواد بتاع الايس كريم الملزق اللي بيفضل يرقص انتي قولتي بيغني بيقول ايه🤔🤔🤔
مريم...والله شكلي حبيتك نوتيلا لك يخربيتك😍💃💃
نادر....بضحك طيب يلا يا نوتيلا😉😍
بعد لف كتير اخيراً وصلوا لبائع الايس كريم المشهور مريم كانت طايره من الفرح وققوا يشتروا ايس كريم وشغلوا الاغنيه فضلت مريم ترقص الرقصه الشهيره مع بائع الايس كريم ونادر واقف يضحك عليها وعلي جنانها مسكته من ايده وفضلوا يرقصوا سوا وقضوا وقت حلو واتصوروا معاه وبعدين مشيوا😍
...............
في مجموعه الطوبجي حاولت فرح تتصل علي امير كذا مره بس مكانش بيرد سابت الموبايل بعصبيه وفضلت تكلم نفسها
فرح....ماشي يا امير افضل كده عامل فيها مقموص😡 خلاص عرفت اني غلطت واديني اهو بتصل بيك عشان اصالحك مش بترد ليه اكيد مش كل ده نايم يعني😡
خرج مراد من مكتبه لقاها بتكلم نفسها
مراد....بنت اخويا اتجننت وانا عايش دي مهزله🤨
فرح...مراد🙄 كنت عايز حاجه
مراد...اه بس مش مهم بتكلمي نفسك ليه الواد امير شكله مزعلك الواطي ده
فرح....لا انا اللي مزعلاه يا مراد🥺 وبتصل بيه عشان اصالحه بس مش بيرد
مراد....عملتي ايه يا مصييه
وقفت فرح حكيتله اللي حصل كله وبعدين بصتله
فرح....والله يا مراد ما كنت اقصد اضايقه ولا عاره قولت كده ازاي بس بجد كنت مضايقه
مراد....بأبتسامه طيب خلاص حصل خير هو اكيد هيروق و يكلمك وبعدين انتي عندك حق ابن الكلب ده طول عمره رافض يروح امريكا بسببها الوقت موافق ولا يكونش حن لامه😡
فرح...بضحك ده واضح ان مش انا بس اللي غيرت علي امير ولا امير اللي كان غيران عليك من تقي ده في واحد تاني غيران علي امير😂😂🙈
مراد....🙄وانا هغير ليه يعني هي مثلا كانت عايشه عمرها كله ليه ولا ربته ولا كانت بتسهر في تعبه وتشيل همه ولا تعرف حاجه عنه 🤨اه غيران عليه فيها حاجه دي
فرح...بضحك انا قولت حاجه😂🙈
مراد....اضحكي اوي ابقي شوفي مين هيقف معاكي😒
فرح...طيب خلاص حقك عليا😂😂
مراد....بأبتسامه ماشي يا ستي وعموما يمكن الكلمه تكون تقيله عليه بس انتي عارفه ان امير طيب هيروق وينسي امير بيحبك يا هبله
فرح....وانا كمان والله وعموما انا هصالحه لما نرجع😍 قولي بقي كنت عايز ايه
مراد....نسيت حرق دمي ابن الكلب اه اه كنت عايز قهوه😉
فرح...😂😂😂عيوني😍
................
خلصت خلود الحلقه وكان باين عليها انها مضايقه جداً تاني مره تتكرر ان حد يتصل عليها ويحرجها علي الهواء ومش بس كده حتي الصفحه الخاصه بيها فجأه بقي عليها كومنتات تضايق
لبست وبعدين خرجت تستني زيد بره كانت مش عايزه تفضل في الاوضه
ولسوء حظها قابلت قدامها هنادي.
هنادي....هاي يا خلود😉
خلود...😒اهلا يا هنادي
هنادي....ايه مالك شكلك مضايق
خلود....خدت نفس طويل وبعدين بصتلها انتي ايه مشكلتك معايا يا هنادي؟🤨
هنادي....مشكلتي معاكي؟ مش فاهمه وانا هيبقي ليا مشكله معاكي ليه
خلود....هنادي بلاش نلف وندور في الكلام خلينا نتكلم بصراحه انا مليش اعداء ولا عمري كان ليا اعداء ومحدش ليه مصلحه في المكالمات السخيفه والكومنتات الاسخف علي صفحتي غيرك يعني واضحه اوي انها حمله معموله ضدي واظن كل الكلام اللي بيجيلي هو نفس الكلام اللي قولتيه اول مره شوفتك فيها خايفه مذبذبه مش محترفه وكلام كتير سمعته منك يوم ما جيتي اوضتي اول مره🤨
هنادي....هو انا عشان نصحتك قبل كده يبقي انا اللي عامله حمله عليكي وبعدين ادام نفس الكلام اللي قولته هو اللي بيتقالك يبقي انا كنت صح والناس شافت اللي انا شيفاه
خلود...اشمعني بعد كلامك معايا انا بقالي كذا شهر بشتغل في القناه وعمري ما شوفت اتصال زي الاتصالات دي ولا عمري كان عندي كومنت واحد يحرق الدم مين ليه مصلحه غيرك
هنادي....وانا مصلحتي ايه ياخلود اظن انتي عمرك ما هتكوني منافسه ليا ومش شرط ان لما حد ينتقدك يكون عدو ليكي بس لو علي الاعداء اظن انتي ليكي اعداء غيري😉
خلود...بعصبيه بسيطه انا عمري ما كان ليا اعداء🤨
هنادي....ده بأماره ايه 😉 بأماره عيلتلك اللي كانوا ناويين يموتوكي ويلبسوكي قضيه قتل بنت خالتك ولا باماره ابن خالتك حسين فكراه اظن انتي ليكي اعداء ومن زمان اوي يا لولو
فضلت خلود بصالها بصدمه عينها بتلمع بالدموع ومش قادره تنطق🥺
هنادي....بأبتسامه شر قربت منها ووقفت قدامها مباشرةً بلاش انا يا خلود عشان انا قرصتي وحشه واوعي تفكري انكي هتقدري تاخدي مكاني في القناه هقطع رجلك😡 واعملي حسابك هفضل وراكي لحد ما ترفعي الرايه البيضا ماشي يا لولو باي😉
مشيت هنادي وفضلت خلود علي نفس وقفتها لثواني حست ان الهواء اتسحب من حواليا مسكت رقبتها بخنقه وفضلت تخرج علي بره وهي دموعها بتجري بوجع🥺
فجأه لقت زيد قدامها واقف قدام العربيه.
خلود....اسفه يا زيد وقفتك🥺
زيد...لا عادي انا لسه جاي بس استني انتي بتعيطي؟😳
خلود....مفيش حاجه يلا مشيني من هنا بسرعه ارجوك
زيد...انا مش همشي غير لما اعرف في ايه🤨
خلود...هقولكزبس عشان خاطري مشيني من هنا بسرعه مش قادره اتنفس
زيد...طيب طيب اهدي اركبي.
ركبت خلود واتحرك زيد مشي كام متر وبعدين وقف علي جنب فضلت خلود تعيط كتير ومنهاره مش قادره تمسك نفسها وهو سايبها تعيط اول ما حس انها هديت بصلها.
زيد...ها هديتي شويه ؟
خلود....ايوه🥺
زيد...احكيلي بقي ايه اللي حصل ومين ضايقك؟
خلود....هو انا ليه بيحصل فيا كده🥺 انا مش طالبه اي حاجه من الدنيا غير اني اعيش وترجعلي حياتي اللي اتسرقت مني مش طالبه اكتر من اني اشتغل و احقق حلمي وارجع ثقتي في نفسي ليه الناس وحشه كده ليه لما بيلاقوا حد ضعيف بيستقوا عليه عشان بس هو بيحاول ينجح🥺
زيد...محدش يقدر يستقوي عليكي طول ما احنا كلنا جمبك انتي بس اهدي وفهميني حصل ايه
حكيتله خلود عن مقابله هنادي ليها اول مره وعن الاتصالات اللي بتجيبلها وعن اللي مريم قالته عنها وعن اخر مقابله ليها من دقايق
خلود....والله يا زيد انا مليش علاقه بيها ولا عمري فكرت اضايقها بالعكس انا اول نره شوفتها كنت مبسوطه بس مكنتش اعرف انها بالشر ده🥺🥺
زيد....بص قدامه وسكت ثواني وبعدين دور العربيه ولف من تاني
خلود....زيد انت رايح فين انت راجعلها ولا ايه🥺
زيد....اللي زي هنادي دي لو موقفتش عن حدها بتتمادي وانا مبكرهش حاجه في حياتي قد البني ادم اللي بيتمادي في وساخته🤨
خلود...بلاش يا زيد بالله عليك انا مش عايزه مشاكل
زيد...متقلقيش ومش عايزك نكون خوافه كده انتي مرات يوسف الطوبجي يا خلود عيب بطلي عياط😒
هزت خلود راسها وفضلت ساكته🥺
رجع تاني زيد قدام الاستديو ركن وبصلها
زيد....بابتسامه انا سايب العربيه دايره شغلي اغاني وخليكي قاعده في التكييف وروقي علي نفسك مش هتاخر😉
ابتسمت خلود وفضلت باصه عليه لحد مانزل ودخل جوه
قرب زيد من الامن وقفوا
زيد....زيد الطوبجي كنت عايز اقابل الاستاذه هنادي علام من فضلك
الامن...لحظه ابلغها
ثواني ودخل زيد بعد ما هنادي قالتلهم يدخلوا كانت مستغربه ومش فاهمه اي حاجه اول ما زيد دخل وشافته ابتسمت بجرأه وثقه وراحت عليه
هنادي....اهلا زيد باشا
زيد....من غير ما يمد ايده اهلا بيكي
بصت هنادي بإحراج علي ايدها وبعدين سحبتها تاني وابتسمت عشان تداري احراجها اتفضل اقعد تحب تشرب ايه
زيد....انا مش جاي اشرب ولا اقعد انا جاي عندي كلمتين ليكي هقولهم وهمشي علي طول.
انا عمري في حياتي ما استخدمت اسمي ولا سلطتي بحب ديما اكون انسان بسيط وعادي لكن احياناً في اشخاص بيضطروني ألجأ لحجات انا مش بحبها
هنادي...مش فاهمه ممكن حضرتك توضح
زيد...خلود الطوبجي اظن تعرفيها ومين ميعرفش خلود الطوبجي
هنادي...ااااه فهمت
زيد...براڤو عليكي شيلي خلود من دماغك خالص بصي انا ممكن اتهاون في اي حاجه في الدنيا إلا حاجه واحده بس عيلتي خلود مش بس مرات اخويا خلود اختي واسمها مقرون بعيله الطوبجي واظن انتي تعرفي مين عيله الطوبجي كويس
هنادي....بعصبيه وأرتباك هو حضرتك جاي تهددني في مكان شغلي🤨
زيد....لا زيد الطوبجي عمره ما كان ليه في التهديد والاسلوب الرخيص اللي انتي بتعمليه انا بنفذ وقادر حالا بمكالمه اشيلك من القناه ومش بس القناه قادر اشيلك من كل قنوات الاعلام بس قولتلك انا قبل ما باخد خطوه التنفيذ بحب اخد اهم خطوه وهي التحذير وانا بحذرك خلود واحده من عيلتي وانا عيلتي خط احمر اظن كلامي وصل ومش من مصلحتك انك تشوفيني هنا مره تانيه تمام
سابها زيد من غير ما حتي يقولها سلام وخرج بهيبته المعتاده زي ما دخل راح علي العربيه وهو مبتسم
زيد....اتأخرت عليكي
خلود....لا بس انت عملت ايه🙄
زيد...كل خير مش هتفكر تقرب منك تاني انا واثق بس انا ليا عندك طلب
خلود...بأبتسامه اكيد
زيد....انتي بقيتي واحده مننا واسمك بقي مكتوب علي عيله الطوبجي وانا محبش اشوف بنت من بنات الطوبجي ضعيفه او بتخاف بنات الطوبجي مفيش حاجه تخوفهم او تكسر عينهم مفهوم يا خلود
خلود....بابتسامه شكر وامتنان مفهوم يا زيد وبجد مش عارفه اقولك ايه
زيد...بابتسامه جميله بيقولك ان مبقاش في حد في الزمن ده بيعمل حاجه لله وللوطن لازم يكون في مصلحه وانا بعد اللي عملته في هنادي جوه حقي اطلب مصلحتي🤨
خلود...بضحك بس كده اتفضل😂🙈
زيد...انا مليش في الحلو بس بكره بالذات ليا مزاج اكل حاجه حلوه خصوصا ان نادر ومريم هيوصلوا القصر وكمان بكره بليل هعمل اجتماع عائلي كده ولازم يكون في حاجه حلوه😉
خلود...بضحك بس كده عيوني يا اجدع اخ في الدنيا😍
ابتسم زيد براحه وبعدين دور العربيه وطلع
.....................
في بدايه يوم جديد.
و امام بيوتي صالون فريده لاشين
بخطوات بطيئه و مرتبكه وقفت قدام الباب
ابتسمت فريده ولفت وشها ناحيه الباب وفجأه اختفت الابتسامه و أتغيرت ملامحها🥺🥺
🔥بصتلها زهره و قربت منها🔥
🔥🔥🔥🔥🔥
................................
في المساء اتجمع الكل في قصر الطوبجي اتأكدوا من خبر حمل ملك بعد نتائج التحاليل هي وياسين كانوا طايرين من الفرحه و ميار كمان كانت مبسوطه جداً والكل فرح بالخبر وباركوا ليهم من قلبهم اتبسطوا من وصول نادر ومريم 😍♥️
اتعشوا مع بعض وبعد العشاء خرجوا بره في الجنينه يشربوا القهوه عشان زيد قال انه عايزهم في موضوع مهم
وقبل ما يقعد الكل ويبدأ زيد كلامه
قربت فرح من امير
فرح....هتفضل مضايق كده كتير انا من امبارح بتصل بيك كتير اوي عشان اصالحك وكلمتك لما رجعت وبردوا مش راضي تتكلم🥺
امير....وانا مش زعلان يا فرح عشان تصالحيني
فرح....بس انا عارفه اني زعلتك
امير....دي مشكلتك يا فرح
فرح....امير متبقاش رخم وخلاص بقي حقك عليا🥺
امير....حقك عليا دي تقوليها يافرح لما تبوظيلي حاجه لما اقولك اعملي حاجه ومتسمعيش كلامي مش لما تقولي كلام يوجع💔
فرح....والله ما كنت اقصد يا امير انا كنت متعصبه
امير....تمام و خرجتي عصبيتك عليا وبقيتي زي الفل دي اهم حاجه💔
فرح....لا انا مش عيزاك تزعل قولي اعمل ايه عشان تصالحني🥺
امير....فرح قولتلك اني مش زعلان
فرح...طيب ووشك ده كده من عند ربنا وطريقتك دي كده مش زعلان🙄
امير....فرح ارجوكي انا مزاجي مش رايق خالص سبيني لما اهدأ هتلاقيني زي الفل من غير ما تصالحيني تمام انا رايح اقعد معاهم
فرح...امير امير🥺🥺
قعدوا كلهم مع بعض
راجح...ها يا زيد موضوع ايه اللي عايزنا فيه؟
جلال...اكيد هيقولكم علي السفر 😍
راجح...سفر ايه؟
زيد.....لا مش موضوع السفر يا جلال
وبخصوص موضوع السفر ده انا عن نفسي معنديش مانع جلال وامير والبنات عايزنا ناخد يومين تلاته كده ونطلع اي مكان قبل ما الصيف يمشي وانا قولتله نعرف بس هترسي علي ايه في المشروع ولو وافقوا تمام فا لو الكل موافق يبقي نسافر كام يوم
راجح....اللي يريحكم اعملوا اللي انتوا عايزينه
زيد...طيب نسيبنا من موضوع السفر الوقت عشان عندي موضوع اهم منه
روح...خير يا زيد؟
بص زيد لفيروز وابتسم ابتسمت فيروز وفضلت حاطه وشها في الارض ومشبكه ايدها بتوتر🙈
زيد....الموضوع بأختصار بخصوص منذر وفيروز
راجح...مش فاهم ايه منذر لسه بيتكلم في حوار النسبه والارباح
زيد...لا انا هحكيلكم كل حاجه من البدايه بس مش عايز اي حد يقاطعني من فضلكم❤️
روح....سامعينك يا زيد قول.
- يتبع الفصل التالي اضغط على (رواية احفاد الطوبجي) اسم الرواية