رواية احفاد الطوبجي الفصل السابع عشر 17 - بقلم اميرة اسامة
🔥البارت السابع عشر🔥
🕳️خبايا الكارما🕳️
🔥
الكل أنتبه لزيد وبدأ زيد يحكي.
زيد...طول عمري انا ومنذر سر لبعض لما الدنيا كانت تضيق علينا بسرعه كل واحد فينا يدور علي التاني عشان نشكي لبعض من اللي واجعنا يمكن بينا أسرار كتير اوي مش بس اسرار كان بينا طموح واحلام وحجات كتير اوي.
منذر طول عمري بعتبره أخ من أخواتي مرينا بمواقف كتير أوي كل مره وقفته معايا كانت بتثبتلي انه راجل و جدع ويعتمد عليه وقت مشكلتنا مع المعداوي او قبل ما الشرطه يلاقوه كمان يمكن اخواتي كانوا عارفين ان في قلق وكنت مأكد عليهم يحرصوا بس كنت ديماً في اي مناسبه اكتر حد اوصيه هو منذر كان بيبقي واقف وانا لامحه من بعيد عينه زي الردار بيأمن علي الصغير قبل الكبير حتي يوم فرحي من صبا وصيته يروح معاكم عشان ابقي مطمن يوم ما امير وجلال والبنات أتخطفوا وروحت انا وسالم زي ما المعداوي طلب مان عندي يقين ان قبل ما اخواتي يجوا ورانا هيكون هو سابقهم وفعلاً لقيته قدامي مواقف منذر معايا من واحنا صغيرين لحد ما كبرنا لو فضلت اتكلم فيها وأقول عمل معايا أيه
مش هقدر أوفيه حقه.
يمكن صداقتنا قويه لكن هي كمان غريبه والحقيقه ان غرابتها هي اللي بتميزها علي قد ما انا ومنذر كنا سر لبعض لكن الفضفضه في السر كانت مريحه بمعني ان منذر طول عمره عارف اني بحب وفي حاجه تعباني وانا كمان كنت عارف ان منذر بيحب وفيه حاجه تعباه كنا بنسمع بعض كتير اوي بس كل واحد فينا كان عارف ان في حاجه وراء اللي بنسمعه ده مخفيه لا عمره سأل في تفاصيل ولا عمري سألته كان كل اللي بيهمنا اننا نهون علي بعض مش شرط نعرف ادق التفاصيل منذر كان عارف اني بحب بس عمري ما سألني بحب مين مع اني كنت واثق انه حاسس بيا ويمكن كمان انا عارف منذر بيحب مين مع انه عمره ماقالي
انا عشت كتير اوي متخيل ان انا لوحدي اللي عايش قصه حب غريبه وفاكر اني مهما حكيت محدش هيصدقني بس منذر كان مصدقني من غير ما اقول ومش بس كده من كتر ما انا ومنذر علاقتنا قويه وشبه بعض في حجات كتير حتي قصتنا أتشابهنا فيها
بصوا كلهم لبعض باستغراب
راجح.....اتشابهتوا فيها؟ وضح كلامك يا زيد اللي فهمته ده صح؟
زيد...بأبتسامه بسيطه بص لراجح وبعدين بص لفيروز ايوه يا باشا منذر بيحب فيروز
الكل تنح من الصدمه وفضلت فيروز عينها في الارض وضربات قلبها سريعه صبا كانت ماسكه ايدها وهي كمان ساكته.
روح....منذر وفيروز؟
زيد....ايوه منذر بيحب فيروز حب مش طبيعي منذر حب فيروز من زمان بس للأسف فيروز حبت اخوه وارتبطوا ببعض انا لسه فاكر لحد الوقت يوم ما فيروز وحسام اتجوزوا منذر وقتها ساب البيت وقعد في الڤيلا بتاعتي وقتها كان متدمر مكنتش لسه فاهم بيحصل فيه ايه بس عشان انا قبله كنت في نفس حالته شكيت لحد ما اتأكدت مش هنكر اني لما اتأكدت كنت خايف علي فيروز مش خوف منه خوف من شيطانه
لان اللي بيحب بيغلط غصب عنه و بيتملكه لحظات ضعف وهو مش حاسس وممكن يعمل حجات هو مش عارف ازاي عملها.
بص قاسم بهدوء علي زهره
واول ما شافته بص ابتسمت بهدوء وبسرعه بعدت عينها عنه.
زيد... لدرجه ان عيني كانت عليه طول الوقت وكنت مقرر ان لو لمحت حب فيروز في عين منذر هخلي حسام بأي طريقه يشوف بيت تاني لفيروز
بس منذر كان قد ثقتي ومن يوم ما فيروز دخلت البيت عندهم وهو عمره ما غلط ابداً بالعكس كان بيعاملها علي انها مرات اخوه وبس وفيروز تشهد علي كلامي واظن هي اكتر حد كان هيحس لو منذر واضح عليه مش بس كده منذر كان هو ديماً حمامه السلام بين فيروز وحسام وقت اي مشكله وكان بيصالحهم لما كانت كاريمان هانم وقتها بتضابق فيروز وهو بيسمعلها كان بيقف للكل منذر حب فيروز من قلبه لدرجه انها لما اختارت غيره بعد واتمنالهم الخير لا حاول يبوظ حياتهم ولا حاول يغلط ولا حاول ياخد قلب مش ليه
الكلام كان خارج من زيد بكل صدق لكن كان يقصد كل كلمه فيه وديماً الكلام لما بيخرج مننا بصدق بيلمس صاحبه.
زيد....لما حسام اتوفي فضل منذر تحت عيني كنت هزعل اوي لو لمحت في عينه امل بيتجدد ان فيروز تكون معاه لكن منذر كان ضايع بجد وحزين من قلبه عليه وعلي كل اللي حصل بين حسام و فيروز عارف انه مهما حصل اخوه ولازم يزعل عليه بس كمان الحب شعور جوانا غصب عننا وبنستني ديماً الامل اللي يقربنا من اللي بنحبهم لكن رجع منذر تاني واثبتلي انه قد الثقه دي
انا بحكي كل ده ليه؟ اولاً عشان تعرفوا حكايه منذر من اولها لاخرها وثانياً عشان انا عايز افرح قلب منذر اللي كنت شاهد علي كل وجع عاشه يمكن فيروز عندها علم من بدري بكل اللي بقوله انا فاتحتها بعد جوازي من صبا علي طول كان مهم عندي انها تعرف قبل ما اقولكم عشان اعرف رأيها
عارف انها في البدايه اتصدمت زيكم و مستوعبتش لان زي ماقولتلكم منذر عمره ما بين حبه ليها ولا عمره كان شخص مش كويس كان بيعاملها علي انها اخته واخت صاحبه ومرات اخوه
انا طلبت من فيروز تاخد وقتها وتفكر وتسأل نفسها لو منذر اتقدملها هتوافق ولا لأ وبما ان العده بتاعت فيروز كانت هتسقط بمجرد ما هي تولد فا كان قدامها وقت كافي تفكر فيه
فيروز اختي وعمري في حياتي ما هتمنالها غير كل خير ومهما كان حبي لمنذر عمري ما هاجي عليها واظن سبق وعملتها يوم ما وقفت قدام حسام من غير ما اعمل حساب لوجود منذر
بس انا بقولها قدام المل زي ما قولتها قدام فيروز قبل كده لو في راجل في الدنيا هيقدر فيروز ويحبها بالشكل ده ويخبيها جوه قلبه مش هتلاقي غير منذر.
منذر مش بس زوج مناسب لفيروز ولا اب مناسب لفيروز الصغيره لانه في النهايه عمها منذر هيكون لفيروز حبيب مناسب وصديق واخ وزوج وراجل نطمن علي فيروز معاه لانها في النهايه عمرها ما هتفضل وحيده هي لسه العمر قدامها طويل واظن انها محتاجه تطمن علي بنتها في حضن راجل عمره ما هيعتبرها غير بنته.
فيروز من كام يوم عرفت منها انها موافقه علي منذر يمكن لما فاتحت فيروز اول مره كنت عارف انها ممكن توافق بس خلتها تاخد وقتها عشان ميبقاش موافقتها علي منذر انه زوج مناسب زي ما قولت لا انا كنت عايز فيروز تتعلق بين وتحبه لان منذر يستاهل انه يتحب كا راجل مش
كا زوج مناسب ولما قالتلي انها موافقه شوفت في عين فيروز نظره ريحتني مش هقدر اقول ان النظره دي تساوي واحد في الميه من حبه ليها لكن طمنتني وخلتني واثق ان قدام شويه فيروز هتحبه قلبها.
كمان هي طلبت مني اني مافاتحكمش
في الموضوع غير لما نادر يجي ويسمع معانا الكلام ده كله.
نادر....بضحكه عبيطه اصيله يا حييبه اخوكي😂😂😂
ابتسمت فيروز وسكتت
الصدمه اتحولت لهدوء في الملامح خصوصاً بعد كلام زيد عن منذر
روح فضلت مبتسمه ومش بتتكلم
زيد....انا تقريباً خلصت اغلب الكلام اللي عندي ولسه عندي حاجه بسيطه حابب اقولها بس الاول محتاج اسمع رأيك يا باشا
راجح....بتنهيده طويله بصلهم فضل ساكت ثواني وبعدين اتكلم فيروز كانت واجعه قلبي ويمكن من ساعت اللي حصل عمري ما حاولت ابين زعلي كنت طول الوقت ببين لها اني عادي ومش فارق معايا عشان متضعفش ولا تحس ان في حد بيشفق عليها من مجرد نظره
انا يمكن متفاجئ يا زيد انا طول عمري ابص في عين اللي قدامي افهمه من نظراته بس انا حقيقي لاول مره احساسي يخوني وعمري ما حسيت ان منذر بيحب فيروز وده يدل علي كل الكلام اللي قولته في حق منذر يمكن انا لو كنت شكيت انه بيحبها وقتها مكنتش خليت بنتي قعدت ثانيه معاه في البيت
حتي لو مكانش غلط او ضعف زي ما قولت لا انا من البدايه مكنتش هقبل الفكره فكره ان فيروز تتجوز تاني عمري ما هعترض عليها حتي لو كلنا حواليها
وانت واخواتك ديماً في ضهرها بردوا كنت هفضل قلقان عليها لان اي ست في الدنيا محتاجه راجل يكون ملازمها حياتها فا انا من ناحيه جواز فيروز موافق اما بالنسبه لمنذر
انتوا كلكم عارفين اني طول عمري بحبه من قلبي وبعتبره ابني يمكن اكتر بكتيييير اوي من حسام الله يرحمه ويغفرله طول عمري بقول انهم مختلفين ومش هكدب عليك اتمنيت كتير حسام يكون نص منذر يعني انا معنديش كمان اعتراض عليه لو هي موافقه بس كمان انا قلقان لاني اب وشاف بنته تعبت في حياتها مع حماتها
يمكن كاريمان اتغيرت كتير اوي وكلنا شايفين التغيير ده يمكن موت حسام قوي العلاقه بينها وبين فيروز اكتر بس حقي اخاف علي بنتي خصوصاً ان لو حصل نصيب في يوم من الايام ومنذر وفيروز اتجوزوا و عرفت في يوم ان كاريمان رجعت تضايق بنتي انا عمري ما هسكت
زيد....لا من الناحيه دي اطمن ويمكن هو ده النص التاني والاهم من كلامي اللي عايز اقوله
روح...قبل ما تتكلم يا زيد وتكمل كلامك حابه بس اقول حاجه عن كاريمان هي فعلاً اتغيرت الاذمه اللي هي مرت بيها كانت درس قوي اتعلمت منه كتير ومظنش انها ترجع تاني زي الاول انا ام وبفهم وحاسه بيها لاني مريت بنفس تجربتها كمان لما فيروز ولدت وقعدت معاها الاسبوع ده كله مكانتش بتسيبها لما كنت اصحي من نومي اي وقت بليل وادخل اشوفها الاقيها صاحيه يا اما واخده فيروز في حضنها عشان فيروز متصحاش يا اما
قاعده جمبها بتأكلها او تديها دواء كاريمان فرحت ببنت ابنها وكنت فاكره ان هو ده كل اللي يهمها لكن هي فاجئتني بجد بأهتمامها ببنتي وعرفت انها اتغيرت بس الفكره بقي كاريمان ممكن تتقبل فكره جواز منذر من فيروز
زيد....اهي دي بقي المفجأه اللي قولت عليها واللي انا شخصياً اتفاجئت بيها جداً امبارح لما رجعنا من الميتنج روحت مشوار قبل ما اعدي علي خلود
لقيتها بتكلمني وقالتلي عايزه اشوفك ضروري في الاول خوفت فكرت منذر فيه حاجه بس هي طمنتني وقالتلي انها عابزه تتكلم معايا قبل ما منذر يرجع روحتلها وقعدت معاها واتصدمت
فلاش باك.
زيد....خير يا كاريمان هانم في حاجه
كاريمان....خير يا زيد ومعلش اني قلقتك وطلبتك تيجي الوقت بس انا عايزه اللي هقوله ده تسمعه قبل ما منذر يجي
زيد....وانا تحت امرك
كاريمان....منذر بيحب فيروز يا زيد
زيد....بصدمه سكت ثواني وبعدين ابتسم بهدوء عارف
كاريمان ...وانا عارفه انك اكيد عارف لان طول عمركم روح واحده منذر بعد ما وصل فيروز ورجع اتكلمنا سوا و ذكرت فيروز بكل خير علي اللي عملته معايا وانا تعبانه وفي وسط كلامنا قولتله ربنا يرزقها بابن الحلال وقتها شوفت منذر بيتحول وبيقولي اوعي تقولي الكلمه دي قدامها وبلاش تفتحي عينهم علي حاجه زي دي قولتله ده حقها فيروز لسه صغيره وحلوه واي حد يتمناها كلامه ليا كله كان في عصبيه واضحه وضوح الشمس لاي حد انه بيحب فيروز من قلبه لما زنقته في الكلام قاللي يعني انتي هترضي انها تتجوز حد غير حسام هترضي فيروز تتربي مع راجل غريب قولتله عادي و بعد ما العلاقه اتحسنت من تاني بينا لو فيروز اتجوزت عمرهم ما هيحرموني من بنت ابني فضل يقول كلام كتير وهو باين عليه العصبيه بصتله وقولتله طيب لما انت مضايق كده اتجوزها انت
بصلي وهو مصدوم قالي انا
قولتله اه باين عليك انك بتحبها و من اللحظه فتحلي منذر قلبه لا ل مره في حياته وعرفت انه فعلاً بيحبها وانا هكون اسعد حد في الدنيا لو فيروز اتجوزت منذر ورجعت تاني تعيش وسطنا هي وفيروز الصغيره
زيد....بأبتسامه انا شهادتي في منذر مجروحه وهكون اسعد حد في الدنيا ويمكن اكتر منك انتي شخصياً لو منذر اتجوز اختي
كاريمان....يبقي احنا متفقين يا زيد بس انا خايفه
زيد...خايفه من ايه؟
كاريمان.....انا عارفه يا زيد اني غلطت كتير اوي مع فيروز يمكن كلكم سامحتوني واولكم فيروز بس لو الموضوع ده اتفتح انا واثقه ان روح وراجح باشا هيعترضوا وحقهم لاني زمان مكنتش قد الثقه مع بنتهم وممكن يخافوا عليها مني انا كلمتك يا زيد مش عشان انت صاحب منذر بس عشان عارفه انك هتفهمني واكيد هتقدر تتكلم معاهم وتفاتحهم في حاجه زي دي صدقني يا زيد اللي قدامك دي حد تاني غير كاريمان القديمه اللي قدامك دي واحده ربنا اداها درس كبير اوي في حياتها واتعلمت منه كتير يمكن موت حسام وجعني لكن كمان الوجع فادني كتير وغيرني واول تغير حصل فيا اني اقدر النعمه وفيروز كانت نعمه مكنتش حاسه بيها وانتوا كمان نعمه يا زيد في حياتي وقربي منكم الفتره اللي فاتت علمني حجات كتير اوي مكنتش شيفاها
واهم نعمه حسيت بيها بجد ان ربنا عوضني بفيروز طول عمري نفسي يكون عندي بنت بس مكنتش حاسه ان فيروز هي نعمه ربنا عليا وهي اول حد مد ليده ليا وانا راقده رغم كل اللي عملته معاها بس هي نسيت و اهتمت بيا من قلبها اتكلم معاهم يا زيد وانا مستعده لأي ضمان تطلبوا مستعده اني اوافق علي اي شرط حتي لو حابين فيروز تسكن لوحدها معنديش اي مانع
زيد.....وانا بالنسبالي كل اللي قولتيه ده ضمان فيروز لا محتاجه فلوس ولا ضمانات ولا حتي بيت لوحدها فيروز محتاجه يس انها تعيش حياه هاديه
وعلي فكره انا اتكلمت من فتره مع فيروز علي منذر لاني زي ما قولتلك اني كنت عارف انه بيحبها ولو علي روح والباشا واخواتي انا هتكلم معاهم بكره بليل
كاريمان.....وانا هستناك ترد عليا بس كلامنا منذر ميعرفش اي حاجه عنه عشان لو الموضوع اترفض منهم او من فيروز ميتوجعش و وقتها انا وانت نتكلم معاه عشان يصرف نظر عن موضوع فيروز
زيد....لا من الناحيه دي اطمني منذر هيكون لفيروز ان شاء الله بس حتي لو وافقوا مش عايز منذر يعرف بردوا عشان في حاجه في دماغي حابب انفذها وافرحه بيها❤️
كاريمان...بأبتسامه وانا مش هتكلم يا زيد ❤️
باااااااااك.
زيد....وهي دي المفجأه كاريمان هانم مستعده لاي ضمانات عشان بس تكونوا متطمنين
راجح.....وانا مش عايز اي ضمانات يكفيني ان بنتي تكون مرتاحه ولو فيروز موافقه بجد انا كنان موافق ومش هلاقي احسن من منذر
زيد....بأبتسامه ريحي الباشا يا فيروز وقولي رأيك
بصتله فيروز وابتسمت وبعدين سكتت الكل باصصلها و مركز معاها🙈
راجح....بضحكه هاديه بيقولوا ان السكوت علامه الرضا انتي بتقولي ايه يا بنت راجح
فيروز...بابتسامه خجل وشها احمر اللي تشوفه يا بابي🙈❤️
الكل ضحك وفرحوا من قلبهم بجد وباركولها وحضنتها روح بفرحه
وبعدين حضنها راجح❤️
ياسين....بضحك اه با منذر الكلب بتحب اختي ومخبي ده خلال فيك اللي كنت بعمله واللي لسه هعمله😂
جلال....بس احنا نتفق عليه عشان يقول حقي برقبتي😂😂😂
زيد....بسعاده وابتسامه مرسومه علي وشه من غير ما يحس طيب يا باشا انا ليا طلب كمان
راجح...قول يا سي زيد ماهو مين اللي يشهد للعريس اكيد صاحب عمره🤨
زيد....انا عارف طبع منذر وعارف كمان انه مش هيتكلم الوقت خالص مش ضعف منه بس انا فاهم دماغه وعارف ان هو كمان مستني يشوف في عين فيروز انها بتحبه وتقريباً احساسي كان في محله وهو فعلا قال كده لكاريمان هانم لانه قالها انا عارف ان فيروز كانت بتحب حسام ومش سهل عليها تحب غيره عشان كده الكلام ده اولا مش عايزه يوصل لمنذر خالص ثانياً انا حابب اوي اني افاجئ منذر وبما اننا كلنا اتفقنا عليه حتي امه فا خلينا نفاجئه مفجأه عمره ما ينساها
راجح....بضحك هارف دماغك يا ابن الكلب عايزني امشي مع المثل اللي بيقول اخطب لبنتك ولا تخطبش لأبنك🤨🤨🤨
ضحك زيد بحب وقام وقف
زيد....راسك ابوسها يا باشا طول عمرك بتفهمني 🙈🙈
مراد....ايوه بس مش ممكن يزعل
زيد....منذر😂😂😂🙈 طب والنبي ابقي فكرني نجيب دكتور قلب في القاعده دي عشان انا عارف انه هيقع من طوله
روح...بعد الشر عليه
زيد....بصوا العيال دي شاور علي امير وجلال عايزين يسافروا هما وصحابهم واحنا معاهم وانا كنت وعدتهم لو المشروع بقي من نصيبنا نروح نقضي كام يوم قيل ما نبدأ فيه فا يعني انا بقول ان دي هتكون انسب فرصه نفاجئه فيها لو الكل موافق فا نسافر بعد بكره علي طول يعني ادامكم بكره كل اللي وراه حاجه يجهزها
ليلي...بضحك تبقي مصيبه لو ولدت هناك🙈🙈🙈🙈
مريم....معانا داده زينب 😂😂😂
زينب....اعمليها انتي بس وهتلاقيني معاكي
داوود...بضحك لا بقولك ايه بلاش معايا انا الصدمات دي هعمل زي ياسين ويغم عليا
ياسين....ما تهدي يا عم داوود خلاص ياسين بقي نمره🤨🤨🔪
جلال...اهدي يا عم وحش عليك العصبيه انت هتبقي اب😂😂
ياسين...ليه وانا اللي هولد ياض🤨
سالم....انت عن نفسي موافق انا محتاج السفريه دي جدا قبل الشغل
شمس....بضحك وبما ان منذر هيسافر يبقي انا كمان هسافر يبقي يعترض بقي😂😂😂😂🙈
زيد.....طيب خلاص انا بكره هقوله وطبعا هو ما هيصدق واطي وعارفه😂 وهبلغ كاريمان هانم كمان
جلال....وانا هبلغ رهف وهشام اصلا هشام ما هيصدق
روح....خليه بجيب رباب معاه فرصه كويسه تغير جو بعد قرارها ده
جلال....تمام هقوله
مراد....غريبه أهي العيله دي لما بتزعل الزعل بيجي وراء بعضه ولما بتفرح بردوا الفرح بيجي وراء بعضه معندناش حل وسط😂😂😂
يوسف....ايوه المشروع وحمل ملك وفيروز ومنذر ونشروع سفريه حلو ده حد مخبي حاجه تاني😂😂😂
داوود....يلا مين يزود😂
نادر....اه في انا لسه راجع من شهر العسل انا ومريم وهنسافر تاني🤪🤪
سالم....يا فرحتها بيك يا اهبل😂😂
يوسف...متسألش فيه ده متغاظ😂
راجح....ربنا يزود افراحنا يا ولاد و اشوفكم زي ما اتمنيت انا وروح❣️
روح...يارب يا حبيبي ويخليك لينا❣️
جلال...طيب ايه كنت سامع ان في مشروع حلو
خلود...بأبتسامه اه صح انا نسيت
جلال...ماهو الاهتمام مبيطلبش🥴
زيد...علي فكره الحلو ده انا اللي طلبته يعني ممكن مأكلكش منه🤨
جلال....لا ده انا اصور قتيل🔪🤨
سالم....المشكله انك مش حمل قلم من ايد زيد😂😂😂
زيد....بيفكرني بالراجل اللي بيقول متقدرش😂😂
راجح...ماهو ده لسان علي الفاضي 😒
مريم.....طب والله انتوا ظالمينه ده جلال ده عسل😂😂
جلال....شالله يسترك 😂😂😂 بقولك ايه ما تجيبي الكاب ده كده اجربه🙄
ياسين....انا لو منك اجري اقفل عليا اوضتي بسرعه هي بتبدأ بتجربه والله صدقيني انا دولابي كله عنده
مريم...بضحك انت هتقولي ما انا اتثبت منه قبل كده فين الكابات بتاعتي😒🔪
جلال....صلي علي النبي يا جعفر هيوقعوا بينا ولا ايه احنا في بينا كابات بردوا🤨🤨🤨
نادر....ولا ابعد عن مراتي بلاش نصب وبعدين انا منمر علي الكاب ده من الصبح😂😂😂😂
مريم....في ايه انا قاعده في محطه مصر 😒😒😒
روح....ماهو ياسين قالك دول حياتهم متكملش غير لما ياخدوا حاجه من اي حد😂😂😂😂
جلال...سيبك منهم وهاتي الكاب انتي مش عارفه مصلحتك😂😂😂
مريم...اتفضل شوفوا😒😒
جلال...اشوفوا😂😂😂 شوفيه انتي بس عشان هتبقي اخر مره😂😂
مريم....اخوك قلبني🙄
نادر....احسن عشان مرضتيش تديهولي😒😒😒
خلود....الحلو وصل😍
شمس...والاطباق كمان وصلت.
جلال...هو ده😉😉😉
.............
قرب مراد من أمير ومال علي ودنه
مراد...علي فكره شكلك وحش اوي وانت مكشر🤨
امير....ما انا زي الفل اهو فين التكشيره دي وهكشر ليه اصلا😒
مراد....مش عليا ياواد فرح حكيتلي كل حاجه وهتتجن وتصالحك البت بتحبك وبتغير عليك يا حمار😒
امير....ياعم لا تصالحني ولا اصالحها انا اصلا مش زعلان منها
مراد...امال وشك ده ايه من امته وانت بتفضل ساكت كده🤨
امير....عادي والله انا بس مخنوق شويه بس عادي هفك متقلقش😉
مراد....ابتسم بحزن حقك عليا انا يا امير لو في حد غلطان من البدايه فا اكيد هو انا💔
امير....ايه ده ايه ده ماتهدي ياعم مراد هتقلبها دراما ليه وبعدين انا ابويا عمره مايغلط ابدا😉❤️
مراد...لا غلطت ومش هقلبها دراما ولا حاجه بس دي حقيقه انا عارف ان السيره دي بتضايقك وعارف اني جزء كبير من السيره دي كلها انا كنت الغلطان فيها بس صدقني مكنتش اعرف اني هوجعك بالشكل ده كنت فاكر انك عشان معشتش معاها ولا فاكرها اصلاً انك مش هتتأثر
امير...لا بقولك ايه انا طول عمري شخص تافهه و هايف و بحب الضحك وانا والجد في بينا مشاكل فكك ياعم مراد وبلاش والنبي تعمل فيها دراما كوين مش لايقه عليك😒
مراد...كوين ايه يا ابن الكلب وانا لابس فستان😒😒
امير....😂😂😂ايوه كده هو ده مراد اللي اعرفه بس عارف يا مراد انا فعلا مضايق بس مش عشان اتجوزت و بوظتلي حياتي باختيارك🥴
مراد....😂😂😂أعترفت اني مبوظلك حياتك يا واطي المهم امال مضايق ليه
امير....حاسس كده انك بتكدب عليا🙄
مراد...في ايه؟
امير....بذمتك انا امي كانت امريكيه؟
مراد....🤨 جرب يا اخويا تستخدم الجنسيه مره واحده في حياتك بس انت اللي رافض😒
امير....مش القصه!! يعني هي الجنسيه اللي هترد علي سؤالي🤔 انا حاسس انك بتصيع عليا يا مراد
مراد.....بصيع🤨؟
امير....مش عارف شاكك فيك انا لا ابيض ولا عيني زرقاء ولا شعري اصفر مفيش فيا اي شكل يدل علي اني امي امريكيه دي خالص😒 اهو علي الاقل كنت قولت عمل فيا جميله تصدق بالله لو كانت عيني جات زرقاء مكنتش هزعل من اي حد يجيبلي سيرتها😂😂😂😂
مراد....شكلها كانت بتحبني 😂😂😂
امير....ما انت الشهاده لله تتحب يا صاحبي 😂😂😂❤️ حبيبي يا مراد بعيداً عن الهزار انا والله مش زعلان وعارف ان فرح بتحبني بس لو مكنتش عملت كده كان هيبقي صعب عليا اقف جمب فاطيما وانا مش عايز اعمل حاجه من وراها حتي لو كنت بعمل كده عشان مش عايزها تضايق كنت بردوا هحس اني مخبي عليها وانا مش حابب حياتنا تتبني علي كدب
مراد....وانت صح الكدب وحش بس كمان بلاش تتقل اوي كده البت بتحبك و انا بصراحه مبحبش حد يزعلها
امير...ماشي ياعم مش هتقل عيني يارب نرتاح بقي🤨
مراد....هرتاح يا اخويا لو شوفتكم مبسوطين
امير...ماشي يا عم هتبسط بس ابقي سد عليا وانا مبسوط و متزعلش من مقالبي 🙄
مراد....لا يا سيدي مش هزعل❤️
............
قرب يوسف من زيد وبصله بحب
يوسف....رغم انها جات متأخره من امبارح بس كان لازم اقولك شكراً❤️
زيد....وهو بياكل بصله ورفع حاجبه🤨
هي ايه دي اللي جات متأخره. شكراً علي ايه؟
يوسف.....خلود حكيتلي اللي حصل مع هنادي واللي انت عملته معاها
زيد...عيب يا اهبل خلود اختي ومرات اخويا وواحده مننا يعني مستحيل اخلي حد يدوسلها علي طرف واقف اتفرج وبعدين انت عارف اني مش بطيق حد يجي جمب بنت من بنات الطوبجي
يوسف...عارف يا حبيبي والله وبحمد ربنا اني قولتلك تروحلها عشان انا عارف ان سيره اهل خلود بتوجعها يمكن خلود وقفت علي رجلها وبقت اقوي بكتير من الاول والشغل كمان اداها ثقه كبيره في نفسها بس انا عارف ان لسه في حته ضعيفه جوه خلود
زيد....وانت لازم تكسر جزاها الضعف ده وتفضل ديماً في ضهرها يوسف خلود بنت حلال وطيبه اوي وعندها اصل مكانس في عيلتها بس زي ما قولت هتفضل ديماً حاسه بالوجع مهما كبرت و نجحت وحياتها بقت افضل صدقني الوجع اللي بيكون من الاهل عمره ما بيروح عشان كده لازم نحسسها ديماً انها مش لوحدها وانها ليها عيله وسند ولازم انت تكون ليها الحضن الدافي والامان واوعي يا يوسف تكون انت في يوم سبب وجعها عشان وقتها هتتعب اوي
يوسف...مستحيل انت عارف اني بحبها خلود لسه بريئه وعلي طبيعتها ورغم كل اللي مرت بيه برائتها متأثرتش
زيد....وده اللي اقصده حلو انها تفضل كده بس كمان لازم انت تقويها وتحفزها اكتر متخليهاش تتأثر بأي مشكله وتبين ضعفها مينفعش تبقي شايله اسم الطوبجي وحاجه تهزها خد بالك انا عارف ان هنادي خافت من الكلمتين اللي قولتهم وواثق انها مش هتقرب من خلود تاني بس كمان انا مدخلتش جوه دماغها ومش ضامنها اللي زي هنادي مش سهل تستسلم ومنعرفش آذاها ممكن يوصل لفين
يوسف....قصدك ايه ؟ ممكن تأذي خلود؟
زيد...متقدرش بس لازم نحرص انا مبقتش اثق في حد يا يوسف والشخص اللي بطبعه وسخ و مؤذي توقع منه اي حاجه
يوسف....طيب ايه رأيك اخلي جارد من الجاردات يبقي ديماً وراها
زيد....اللي تشوفه براحتك طبعاً بس ميتهيأليش هنادي تأذيها بالشكل ده هنادي اخرها تضربها في شغلها لان هو ده الهدف اصلاً فاهمني بس بردوا متقلقش هعدي فتره كده وهعمل لخلود زياره تانيه في شغلها وتكون معايا خليها تخاف طول ما هي شيفانا قريبين من خلود
يوسف....ماشي ربنا يستر
زيد....متقلقش انت بس وزي ما قولتلك خليك في ضهرها ديماً❤️
يوسف...ربنا يخليك لينا يا حبيبي وتفضل ديماً في ضهرنا
زيد....و يخليكم ليا يا يوسف❤️
بعد وقت بسيط طلعوا كلهم علي اوضهم وخلصت سهرتهم مع بعض
.............
في غرفه قاسم وزهره.
دخلت زهره خدت شاور ولبست لانچيري هي عارفه ان قاسم بيحبه وبعد شويه خرجت وراحت قعدت جمبه علي السرير رفعت ايده ودخلت جوه حضنه
في البدايه حس قاسم انه مش مرتاح في نفور كان عارف ان النفور ده مش كرهه بس لانه لسه معرفش الحقيقه حاسس انه مش مرتاح.
زهره.....وحشتني اوي❤️
قاسم...بابتسامه بسيطه ياسلام ما انا علي طول جمبك
زهره....هو لازم تكون بعيد عشان توحشني انت علي طول واحشني❤️
قاسم....امال فين عُدي؟
زهره.....مع الناني بتاعته هينام معاها انهارده
قاسم....اشمعني🤨
زهره...قامت نص قومه وسندت علي صدره🤨 هو ايه اللي اشمعني هو انا اجيبه هنا تقولي انه واخدك مني اخليه ينام في اوضته مع الناني تقولي اشمعني؟
قاسم...لا مقصدش بس انا عارف رايك في الموضوع ده وعارف كمان انك بتحبي انه ينام هنا عشان كده سألت
زهره....بس انت واحشني اوي وقولت يعني اكيد انا كمان وحشاك ولا ايه
فضل قاسم باصصلها وساكت فهم قصدها بس مقدرش يرفض هي مهما كمان مراته وليها حق عليه والاهم انه رغم انه حاسس انها ممكن تكون عملت كده إلا انه بيحبها يمكن مصدوم ويمكن زعلان منها بس مش هيقدر ينكر انه حبها بجد من قلبه.
زهره....ساكت ليه موحشتكش🥺
ابتسم قاسم بهدوء ورجع شعرها براحه وراء ودنها.
قاسم....اكيد وحشتيني❤️
ابتسمت زهره و طفت النور وراحت معاه في دنيا تانيه
بعد مرور وقت طويل رفعت زهره نفسها وسندت علي ضهر السرير
بصت علي قاسم كان غرقان في النوم بعد ما قضي معاها وقتهم ابتسمت ابتسامه راحه قبول قاسم او رفضه انه يقرب منها كان بالنسبالها رد علي كل الاسئله والخوف اللي جواها لكن قاسم قبل وهي حست براحه كبيره
قربت زهره ايدها من شعره بهدوء وبعدين سرحت وراحت في دنيا تانيه
فلاش بااااااااك🔥🔥🔥🔥
بخطوات بطيئه و مرتبكه وقفت قدام الباب وفضلت واقفه ساكته بمجرد ما لمحت فريده وهي واقفه قدامها بتضحك
ابتسمت فريده وهي بتابع الشغل لفت وشها ناحيه الباب وفجأه اختفت الابتسامه و أتغيرت ملامحها اول ما لمحت زهره وكأن حد ضربها بقوه علي راسها🥺💔 أرتبكت وحست انها بتتخنق الهواء حواليها بيتحبس لفت وشها بسرعه ومشيت بخطوات سريعه وهي حاطه ايدها علي رقبتها بخنقه
طلعت بسرعه علي الدور التاني ودخلت علي مكتبها مسكت بكف مرتعش كوبايه المايه وفضلت تشرب وهي المايه بتقع منها سابت الكوبايه وفضلت تتنفس بسرعه وفجأه الباب خبط واتفتح قبل ما تأذن فريده
لمحتها فريده قصادها فضلت واقفه مصدومه ومش بتنطق دخلت زهره وقفلت وراها الباب و مشيت بخطوات هاديه لحد ما راحت وقفت قدام مكتبها
زهره.....ازيك يا فريده
فضلت فريده ساكته و حاسه ان الدنيا بتدور بيها وكأن السنين رجعت بيها وكل الاحداث اللي حصلتلها بتهاجم عقلبها بطريقه مرعبه💔
زهره....ايه مش هتردي السلام؟
فريده.....جايه ليه يا زهره؟🥺
زهره....هتصدقيني لو قولتلك مش قادره احدد بالظبط ايه هو سبب زيارتي ليكي بس كل اللي انا عايزه اقوله ان زيارتي ليكي بعد كل السنين ده عمري ما توقعتها يمكن في البدايه اول ما اتجوزت قاسم كنت طول الوقت حاسه انك هتظهري ومش هكدب عليكي كنت خايفه تظهري ولما السنين عدت وانتي اختفيتي وبقيتي ماضي أرتحت بس متوقعتش بعد العمر ده كله انك تظهري تاني في حياتنا.
فريده....ايه كنتي فكراني موت ولا اتمنيتي اني اموت🥺
زهره....انا عمري ما اتمنيت ليكي غير كل خير
فريده.....بضحكه وجع و سخريه 💔 واضح بس بيقولوا ان ربنا أعلم بالنوايا وواضح ان نيتك في الخير اللي اتمنتيه ليا كانت بالعكس
زهره....انا واثقه اني مهما قولت مش هتصدقي بس دي حقيقه ولازم تعرفيها انا عمري ما كرهتك يا فريده ولا عمري اتمنيت اذيتك🥺
فريده....بجد 🥺💔 امال لو كنتي كرهتيني و اتمنتيلي الأذي كنتي عملتي فيا ايه يا زهره انا بسببك بقيت بني أدمه غير مُتزنه اللي قدامك دي جسمك بيتحرك من غير روح واحده عايشه عشرين سنه علي المهدئات مفيش مهدئ الطب اخترعه إلا وكنت انا اول حد اجربه💔 اللي قدامك دي بسببك عاشت عمرها كله جرحها بينزف🥺
زهره....بأرتباك ووجع محبتش تظهره فريده انا مش جايه اسمع اي كلام عن الماضي
فريده...امال جايه ليه يا زهره؟
زهره....جايه اعرف رجعتي ليه؟ وليه رقمك في موبايل جوزي🥺
فريده....ياااااااه انتي جبتي منين كل الجحود ده🥺 لو انتي مش جايه تسمعي كلام عن الماضي يبقي سؤالك ده يا زهره ملهوش إجابه عندي ومش من حقك تسألي اي سؤال لان باختصار اي سؤال هتسأليه إجابته هتتعلق بالماضي يا زهره🥺
زهره.....لو جايه تبوظي حياتي انا مش هسمحلك يا فريده وصدقيني وقتها هتعرفي معني الجحود بجد وحتي لو عمري ما اتمنتلك غير كل خير وقتها مش هشوفك يا فريده🥺
فريده....وانتي من أمته شوفتيني ياصاحبه عمري؟ من امته حسيتي بيا🥺؟ عارفه يا زهره اللي وجعني طول السنين دي وجرحي اللي بينزف ده صدقيني مش سببه قاسم💔
انا وجعي كان بسببك انتي اوقات كتير الوجع بيفضل جوانا ومش بيروح لما بيجي من اقرب حد كنا فاكرينه الامان
بالنسبالنا الوجع بيفضل مرهون باخر نفس لينا في الدنيا لما بنقول ان الشخص ده عمره ما يخون ولا يغدر ولما بيعمل كده بنصحي علي قلم يفضل معلم علي وشنا طول العمر
انا اتمنيت كتير ان كل اللي حصل يكون حلم يا زهره 💔 يمكن وجعي من قاسم بسيط مسمعنيش وصدق وبعد بس عادي ممكن اعدي وفي النهايه ده راجل وعادي راضيه انه مكانش نصيبي بس وجعي ان لما قاسم مسمعش ومصدقش وبعد كان بسبب صاحبه عمري🥺 وجعي مكانش هيطول يا زهره لو كان قاسم راح لاي حد تاني وفضلتي انتي معايا وقتها كنت هلاقي اللي يطبطب عليا و ياخدني في حضنه وينسيني الوجع واكمل حياتي وانا موجوعه من شخص واحد بس حبيته من قلبي لكن اني اتوجع من اقرب اتنين ليا دي كانت كبيره اوي عليا يا زهره🥺💔
زهره.....وهتفرق في ايه يا فريده لو قاسم معايا ومش مع غيري في النهايه انتي قولتيها قاسم مش نصيبك ولازم ترضي
فريده....بالسهوله دي؟💔🥺
شايفه انها عادي انك تخوني صاحبه عمرك و توجعيها و تتهميها في شرفها وتقولي هتفرق في ايه🥺
انا نفسي اعرف يا زهره انتي ازاي قدرتي تنامي عشرين سنه وانتي عارفه انك ظلماني🥺 ازاي قدرتي تكملي حياتك وانتي عارفه ان في واحده اتوجعت علي ايدك ومش اي واحده دي كانت أقرب ليكي من نفسك💔
بصتلها فريده بقهر ومقدرتش تمسك دموعها اللي حبستها طول السنين دي وفجأه دموعها بقت أنهار🥺💔
فريده.....ده انا عمري ما حبيت حد قدك كنتي اقرب ليا من اماني اختي💔 كانت بتغير عليا من قربي ليكي
عمرك يا زهره ما أحتاجتيني وقولتلك اني مش فاضيه عمري ما كنت مش جدعه معاكي شوفتي مني ايه يخليكي تقسي عليا بالشكل ده💔🥺
ده انا كان اهون عليا تيجي تقوليلي انك بتحبي قاسم وانا والله العظيم كنت هبعد عنه كان ممكن اضحي بحبي ليه عشان بس صارحتيني من غير خيانه
قوليلي يا زهره💔🥺 لما كنت باجي اقولك قد ايه بحب قاسم كنتي بتفكري في ايه وقتها؟ لما كنت باجي احكيلك عن مشكله بينا وكنتي بتنصحيني اعمل ايه كنتي بتروحي لقاسم من ورايا تقوليله ايه عني 💔
كنتي بتشوفي قاسم ازاي يا زهره؟
ضاقت بيكي الدنيا يا زهره وملاقتيش غير قاسم💔 ليه استكتري حبه ليا وليه استكترتيه عليا🥺
طيب ليه لما حبتيه معملتيش اي حاجه في الدنيا عشان يكون ليكي غير انك تتهميني تهمه زي دي انتي كنتي بتقولي ديماً مش هيفرقنا عن بعض غير الموت
وانتي كنتي مقرره انك تفارقي بس فراقك بالطريقه دي قتلني💔🥺
لما بعدتي يا زهره عشان تقربي اكتر من قاسم مكنتش بوحشك🥺 كلامنا مع بعض بالساعات مكنتيش بتفتقديه🥺
وانتي بتتفقي مع حاتم يا زهره ازاي تدمروا حياتي انا وقاسم وتبعدونا عن بعض مفتكتريش ليا اي حاجه حلوه
ده انا كل مواقفي معاكي متتنسيش يا زهره فاكره لما ابوكي مات واحنا في اخر تانيه ثانوي فاكره كنتي منهاره ازاي
فاكره انا عملت ايه عشان أطلعك من اللي انتي فيه و أخليكي تقدري تتخطي موته و تذاكري و تنجحي عشان تفرحيه
طيب فاكره لما هو كان عايش كان بيقولك ايه عليا🥺💔
كان بيقولك فريده دي اختك اللي مخلفتهاش اللي هتفضل في ضهرك طول العمر وهي عوض ليكي عن وجودك في الدنيا من غير اخوات💔
عملتي انتي ايه🥺 بعتيني يا زهره كنت اخت ليكي وانتي عمرك ما كنتي غير السكيـ ـنه اللي بتـ ـدبح فيا💔
انتي خلتيني يا زهره عشرين سنه لسان حالي بيقول ثلات كلمات
ليه؟ ومن امته؟ وازاي؟💔🥺
يمكن الاقي سبب واحد يبررلي خيانتك
لو فاكره ان حبك لقاسم حجه تبرري بيها خيانتك ليا يبقي خيانتك يا زهره هتدي حجه لكل حد عايز يخون 💔
وما دام اوفي البشر خانوا يبقي حرام نلوم الباقي عن خيانتهم 💔
ومن الليله اللي عرفت فيها خيانتك من حاتم قولت كلمه واحده مبروك علي كل خاين يتعذب بالغصه اللي هيسيبها في حلق اللي خانه💔
زهره....بدموع لوفاكره اني طول السنين دي كنت عارفه اعيش مبسوطه تبقي غلطانه لو فاكره اني كنت بعرف انام وانا عارفه اني ظلماكي تبقي غلطانه ولو فاكره انك طول السنين دي عمرك ما جيتي في بالي وكنتي بتوحشيني بردوا تبقي غلطانه
بس انا حبيت قاسم اوي🥺💔 حبيته اكتر نفسي حبيته لدرجه اني مكنتش قادره اتخيل حياتي اللي جايه من غيره
اني عمري ما اتمنتلك اي حاجه وحشه ولا عمري اتمنتلك الوجع بس انا مش عارفه ازاي و امته وليه حبيته💔
يمكن اكون غلطت و خونتك بس صدقيني كان غصب عني احنا القدر اختارنا عشان نحب نفس الشخص
لما كنتي بتيجي تقوليلي قد ايه بتحبي قاسم وقاسم بيحبك وقتها انا كنت بحبه لما كنتي بتيجي تحكيلي عنه وقتها كنت بحبه لما كنتوا بتزعلوا من بعض كنت بحبه لما كنت بشوفك معاه طول الوقت كنت بحبه وكنت بتعذب عشان هو مش معايا ولا في حياتي 💔
صدقيني يا فريده طول الوقت اللي كنت بحب فيه قاسم عمري في مره ما فكرت ازاي ابعدكم عن بعض كنت كاتمه حبه جوايا وساكته🥺💔
انا مرتبتش لأي حاجه يا فريده حاتم هو اللي رتب لكل حاجه حاتم هو الوحيد اللي حس بحبي لقاسم وهو اللي جالي انا مرحتلهوش🥺
فريده....و قالك علي خطته وانتي وافقتيه انتي بتبرري ايه💔🥺 انتي وافقتيه علي كل حاجه
زهره....ايوه وافقته🥺💔 وافقته وانا واعيه للي بعمله حب قاسم في قلبي عماني عن اي تفكير غلط كنت عارفه اني بغلط بس مكنتش بسمع لضميري ومكانش جوايا غير صوت واحد بس قلبي💔 حاتم هو الشيطان اللي وسوسلي يا فريده هو اللي خلاني افرح بالامل وامسك فيه بأيدي هو اللي صحي شيطاني اللي جوايا واللي عمري ما اتقابلت انا وهو غير وانا بعمل معاكي كده🥺 حاتم بيا او من غيري كان هيبعدك عن قاسم لانه كان بيحبك بجنون قالي علي خطته ومش بس كده حاتم وقتها قبل ما يجي و يعترفلي و يدخلني لعبته كان عامل حجات كتير و قايل حجات اكتر عنك لقاسم عشان يشككه فيكي قاسم لو كان بيحبك بجد مكانش صدق عنك اي حاجه💔🥺
فريده....بإنهيار لاااامش صح 🥺💔
انتي عارفه ان الشك بيدمر اي علاقه في الدنيا ومهما كان الراجل بيحب الست لو شك فيها العلاقه بتتهز وارد ان الراجل يشك في الست وحبه ليها يبقي علي كف عفريت بس كان ممكن مع الوقت يهدأ ويعرف الحقيقه انتوا مكفاكوش اللي عملتوا مكفكوش انكم تتهموني بحاجه زي دي روحتي انتي وسمعتي كلام حاتم لان كلامه كان علي هواكي وفضلتي بكلامك تدمري علاقتي بيه اكتر وحاتم عمل زي اللي قتل القتيل ومشي في جنازته وصله لهدفه وفضل يحاول هو كمان يزود النار اللي قادت في قلبه ومن ناحيه تانيه كان هو الايد اللي بتطبطب عليا 💔🥺 الزن علي الودان امر من السحر وانتوا ذنيتوا علي ودن قاسم لحد ما بطل يسمع صوتي خالص💔🥺
انا في البدايه قولت لما يهدأ هكلمه بس كل يوم بيعدي كنت بشوفه بيبعد حاولت كتير اقوله الحقيقه وكل مره كنت بحاول كان يسمعني كلام عمري نا توقعته يطلع منه شوفت في عين قاسم نظرات احتقار تقتل اي بني ادم شوفته وهو بيمشي وبيسبني وبيروحلك 🥺
جيتلك اكتر من مره في الاول كنتي بتتحججي وتقولي مش فاضيه ويوم ما قررت اجيلك واترمي في حضنك ادتيني ضهرك وقولتيلي مش عايزه اعرفك انتي خونتي حب عمرك هتعملي معايا انا ايه🥺
والمصيبه ان انتي الوحيده اللي كنتي عارفه اني معملتش كده ولما سمعتيني كلامك وبعدتي عني وحسستيني اني رخيصه كنتي عارفه انك ظلماني💔
كنت بموت في الثانيه الف مره وانا شايفه اكتر اتنين في حياتي حبتهم بعدوا عني ماشين جمب بعض وبيقربوا لبعض كل يوم و صداقتهم بتقوي اكتر وانا فجأه بقيت شخص منبوذ والكل بيحتقره علي ذنب انا مرتكبتهوش🥺
قبل ما اعرف الحقيقه يا زهره عشت أسوأ ثلاث سنين في حياتي وانتوا مش جنبي لحد ما اتخرجنا وانتوا اتجوزتوا كنت لسه بعيش نفس السواد🥺
لقيت حاتم واقف جمبي ومش سايبني اتجوزته وانا معرفش حقيقته
وبعدها عشت اسود سنه دمرت كل اللي جه من حياتي بعد كده لما عرفت الحقيقه💔
اللي يوجع في كل الحكايه دي يا زهره مش بس اللي انتي وحاتم عملتوا
لا اللي يوجع بجد انكم لما عملتوا كده كنتوا فاكرين انكم بتحبونا بجد انتوا لو كان قلبكم عرف طعم الحب عمره ما كان هيروح لطريق الخيانه لان الحب والخيانه عمرهم ما هيتجمعوا جوه قوس واحد مقفول عليهم💔
الحب والخيانه عمرهم ماكانوا طريق واحد هيفضلوا طول العمر طريقين عكس بعض🥺
انا حبيتك يا زهره لدرجه اني بعد ما اكتشفت خيانتك ليا مقدرتش أدمر حياتك زي ما انتي عملتي💔
زهره....اماااال رجعتي ليه🥺 رجعتي عشان تصحي الوجع ولا عشان ترجعي حقك في قلب قاسم فريده انا طول عمري بكره الخيانه والغدر لاني باختصار دوقت طعمهم لما غدرت وخونت اقرب حد ليا كنت لما بفتكر اللي عملته فيكي بقرف من نفسي كرهت صفات كانت فيا حاولت علي قد ما اقدر امحي من ذاكرتي اللي عملته معاكي بس معرفتش و مكانش في حاجه في ايدي غير اني اكرهه صفات معرفش ازاي أتزرعت جوايا🥺
صدقيني انا مقصدتش كل ده يحصل مقصدتش اوجعك انا حبيت والحب خلاني ضعفت وفرحت بالامل اللي حاتم أدهولي 🥺
فريده....بوجع مش مبرر ابداً ومهما قولتي يا زهره مش هتصعبي عليا كنت اتمني ألمح في كلامك ذره ندم او احس ان ضميرك واجعك بجد عشاني بس للاسف انتي جايه تعرفي انا رجعت ليه وعشان اريحك يا زهره انا قولتلك ان بعد ما اكتشفت خيانتك عمري ما فكرت اني ادمرك زي ما دمرتيني ولو جايه تطمني علي مستقبلك مع قاسم فا ارتاحي يا زهره🥺💔 انا مش جايه اخده منك ولا جايه ادوقك من نفس الكاس ارتاحي يا زهره ومبروك عليكي قاسم ومبروك عليكي عذاب ضميرك اللي انا واثقه انك لسه مصحتيهوش
امشي يا زهره امشي ومش عابزه اشوفك في حياتي تاني حتي لو صدفه
امشيييييييييي🥺💔
بصتلها زهره بوجع وبسرعه خدت شنطتها ونزلت جري خرجت من المكان ركبت عربيتها واختفت ومشافتش زيد
اللي وصل قبلها بثواني واولوما شافها بتدخل وقف وفضل مستنيها تخرج عشان يقابل فريده💔
بااااااااااك فاقت زهره وهي دموعها نازله قامت بهدوء من جمب قاسم وراحت علي الحمام نزلت تحت المايه يمكن تبرد النار والوجع اللي هي حاسه بيه💔
عند فريده كانت نايمه علي سريرها وباصه للسقف ودموعها نازله وشارده في كل احداث اليوم🥺💔
فلاش باك...
بمجرد ما زهره خرجت من المكان حست فريده ان ضغطها بيوطي وسواد بينزل علي عينها وفجأه الدنيا لفت بيها
ووقعت من طولها💔
في الوقت ده بمجرد ما زهره مشيت بالعربيه قدام زيد
نزل زيد بهدوء ودخل سأل عن فريده بنت من البنات اللي بيشتغلوا معاها وصلوا لحد مكتبها واول ما البنت خبطت عليها وفتحت صرخت لما شافت فريده واقعه علي الارض جريت عليها هي وزيد وحاولوا يفوقوها لكن مكانتش بتستجيب
نقلوها بسرعه علي اقرب مستشفي وزيد مش فاهم ايه اللي حصل بينهم يوصلها للحاله دي بعد ما فاقت والدكتور طمنهم عليها دخل زيد بهدوء عليها.
زيد....حمدالله علي سلامتك يا مدام فريده ؟
بصتله فريده بصدمه🥺 وسكتت
زيد....ادام سكتي يبقي انتي شكلك عرفاني صح؟
فريده.....زيد الطوبجي أخوا قاسم الطوبجي 🥺
زيد....بالظبط
فريده....عايز مني ايه ؟ ارحموني بقي لو انت كمان جاي تعرف انا ظهرت ليه فا اطمن انا مش جايه ابوظ حياه اخوك ولا مراته🥺 بس ابعدوا عني كلكم
زيد....انا مش جاي اقولك كده يا فريده
فريده...امال جاي ليه ؟ وايه سبب زياره زيد الطوبجي ليا ماهو طبيعي معني وجودك هنا واحنا عمرنا ما كان لينا علاقه ببعض يبقي انت عارف اللي كان بيني وبين قاسم وعارف الحكايه واكيد قاسم حكالك كل حاجه ووجودك هنا ملهوش اي سبب غير انك جاي تسأل انا راجعه ليه وانا اختصرت عليك الطريق وبقولك اطمن قاسم بره حياتي من عشررررريني سنه🥺💔
زيد....يمكن انا عرفت الحكايه من قاسم وانا اللي حاولت اعرف لان قاسم متغير بقاله كام يوم ولما حكالي قررت اني اجي من غير ما يعرف يمكن اتصدمت لما لمحت زهره داخله وفضلت واقف لحد ما خرجت عشان اجيلك بس انا مش جاي اقولك انتي راجعه ليه لان مفيش حد فينا ليه الحق يقولك سؤال زي ده.
فريده....امال جاي ليه يازيد💔🥺
زيد.....هقولك يا فريده جاي ليه يمكن انا مصدقك ولما سمعت قاسم مكدبتكيش بس كمان مجتش اقولك ابعدي ولا قربي ولا عايز اعرف انتي راجعه ليه؟ بس جاي اقولك ان حتي لو زهره غلطت فا اكيد تصليح الغلطه دي ميفعش بكون خراب بيتهم بعد العمر ده كله خصوصاً ان بقي في بينهم ولاد
فريده....ومين قالك اني راجعه اخرب بيتهم🥺💔 كنت عملتها لما عرفت الحقيقه زمان
زيد....عارف بس كمان قاسم ناوي يواجهه زهره وانا واثق ان اخويا لو عرف الحقيقه مش هيقدر يبعد عنك اه مش هيخرب بيته بس كمان احتمال كبير البيت ده ميفضلش زي ما كان
فريده....وانت جاي تقولي لو ده حصل حاولي تصدي قاسم و تبعديه و متخليهوش ياخد الفرصه دي صح؟
زيد....يمكن كلامك صح بس...
فريده...بمقاطعه من غير بس انا قولت لاخوك بلاش مواجهه عشان عارفه انه وارد يتعب في حياته بس لما شكيت للحظه انه فاكرني بقول كده عشان انا بكدب قولتله خلاص واجهها ودي كانت اول مره ادافع فيها عن نفسي عشان مظهرش كدابه بس اطمن يا زيد حتي لو حب اخوك لحد يومنا ده جوه قلبي لازم تعرف اني مستحيل ارجعه تاني في حياتي مش بس عشان حياته ومراته و ولاده لكن عشان زمان هو سابني في نص الطريق من غير مايديني فرصه اقول الحقيقه تفتكر بعد عشرين سنه لما قاسم يعرف الحقيقه صدفه هرجعه حياتي يمكن كان ممكن ارجعه لو كنت حسيت انه دور عليا زمان وحاول يسمع مني لكن اخوك عرف الحقيقه بالصدفه ولولا الصدفه دي كان زمانه مصدق اني عملت كده🥺
بصلها زيد بوجع وووو💔🥺
- يتبع الفصل التالي اضغط على (رواية احفاد الطوبجي) اسم الرواية