رواية مهرة النعمان الفصل الحادي والعشرون 21 - بقلم فريده الحلواني

 

 رواية مهرة النعمان الفصل الحادي والعشرون 21 - بقلم فريده الحلواني 

مهره النعمان فريدة الحلواني 

الفصل 21

دلف بدر صباحا الي غرفه مهرته حتي يوقظها فهي غفت في وقت متاخر بالامس 

فتح الباب دون ان يطرقه كالعاده وجدها تجلس علي فراشها و امامها الكثير من الاوراق وايضا اللاب توب مفتوح علي احدي كليبات شرح ماده الكيمياء

كانت ترفع شعرها بعشواءيه و مندمجه فيما تفعله

اغلق الباب واقترب منها ثم سحب القلم الموضوع بين شفتيها وقبلها سريعا وهو يقول : مفيش حاجه تلمس الفراوله دي غيري صباحك سكر يا حبيبي 

مهره وقد اهدته ابتسامه حلوه تنير صباحه : صباح العسل والهنا عليك يا قلب حبيبك

بدر بعد ان ازاح بعض الاوراق و جلس قبالتها قال : تسلميلي ويسلملي صباحك يارب بس هو انتي لسه منمتيش ولا ايه

مهره : لا يا حبيبي نمت ساعتين بس قلقت علي اذان الفجر قومت صليته ولقيت نفسي مصحصحه فذكرت شويه الوقت سرقني هي الساعه كام

بدر : الساعه ٨  كده مينفعش تنامي ساعتين بس احنا اتفقنا انك هتعوضي الي فاتك بس مش علي حساب صحتك يا حبيبي

مهره : تصدقني لو قولتلك اني حاسه اني نايمه بقالي يومين مش ساعتين و جوايه طاقه رهيبه عايزه اعمل حاجات كتير قلبي فرحان يابدر لدرجه اني مش عايزه انام عشان مفيش لحظه تفوت عليا وانا فرحانه كده عايزه افضل صاحيه وكل ما عقلي يكدب الي حصل ابص لدبلتك الي في ايدي واقول لا ده حقيقه مش خيال عايزه انزل الشارع وانا حاطه ايدي في ايدك عشان لما الناس تشوفنا و تباركلنا اصدق انه حقيقه مش خيال عايزه اصرخ وارقص واتنطط امممم مش عارفه اوصفلك الي جوايه بس الاكيد ان مفيش حد في الدنيا فرحان قدي

اخذها بدر بين زراعيه وهو يقول بتاثر : يابت يابت قلبي هيقف من كلامك ده براحه عليه كتير كتير ده كله عليه انا مش عارف اوفي حق ربنا ولا اشكره ازاي فالي انعم عليه بيه انتي نعمه ربنا ليه انتي جنتي عالارض يا مهره

ثم ابعدها وقبلها قبله رقيقه تناقض ما يعتمر قلبه من مشاعر عاصفه تطالب بها 

فصل قبلته وهو ينظر لها و يمرر اصبعه الابهام علي خدها الذي اصطبغ بالحمره القانيه اثر قبلته و قال : كل ما تحسي انك مش مصدقه قومي اتوضي و صلي ركعتين اشكري فيهم ربنا انه اكرمنا ببعض وادعيلي يا مهره ادعيلي كتير اليومين دول محتاج دعواتك اوووي

مهره وقد التقطت كف يده المحاوط به وجهها وقبلته قبله عميقه ثم قالت : بدعيلك بدعيلك في كل وقت وفي كل اذان وان شاء الله ربنا هيقف معاك ويكرمك لاني متاكده انك مش بتعمل حاجه وحشه فاكيد ربنا هيقف معاك 

ازمه وهتعدي وانت ادها يا قمري ياما مرت عليك ازمات وكنت اقوي منها والمره دي كمان حتي لو معرفش ايه هي المشكله الي بتواجهها او حجمها بس واثقه فيك انك قدها و هتعديها باذن الله ووقت ما تيجي تحكيلي عنها بعد ما تخلص هفكرك بالي قولتهولك دلوقت

مال عليها مقبلا جبينها ثم قبل كفيها الاثنان و قال : ربنا يديمك نعمه في حياتي يا فرستي علي فكره انا عارف انك ضحيتي بمرواحك الدروس في اهم ايام عشان خاطر بس تخلي بالي رايق من ناحيتك ودي كبيره عندي اوي يا مهره متتصوريش انا حسيت انك فعلا سند ليا و انك الكتف الي هيشلني لو وقعت

ردت بلهفه : بعيد الشر عليك مالوقعه ياقمري ربنا ما يكتبها عليك ابدا و يديمك سند لينا كلنا وبعدين مفيش تضحيه ولا حاجه ده الي المفروض اعمله دي اقل حاجه اقدر اقدمهالك عشان احس اني واقفه جانبك بعدين والله العظيم انا مذاكره كويس و الحمد لله مقفله المنهج يعني مجرد مراجعه مش اكتر حتي المذكرات الي المدرسين بيطبعوها اليومين دول لو البنات راحو الدروس اكيد هيجبولي معاهم لو مراحوش ابقي انت بقي جبهالي بمعرفتك عشان بس احل الاسءله الي فيها و اشوف لو فيه حاجه واقفه معايه اراجعها

بدر : تمام يا حبيبي و بردو انا معاكي لو اي حاجه وقفت معاكي قوليلي وانا اشرحهالك

مهره بمغزي : لا انا سيبالك انت الاحياء عشان تشرحهالي بالتفصيل

انطلقت منه ضحكه رجوليه صاخبه وهو يرجع براسه للوراء من شدتها حينما فهم وقاحه ما تشير اليه

ضحكت هي الاخري حتي هدات حينما قال : ايوه كده يا فرستي عايزك جريءه معايه عايز احس انك عيزاني زي مانا عايزك 

كادت ان ترد عليه ولكن منعها اقتحام الغرفه 

شهقت ووضعت يدها علي صدرها لتهدء نبض قلبها الذي انتفض مع صوت الباب 

حينما التفت بدر وهو يصيح بجدته فمن غيرها يستطيع فعلها : يا ستي ياااااا ستي هقطع الخلف بسببك والله 

الجده : اعمل ايه وانا كل شويه المكو من حته ده انت بير السلم مرحمتوش ياولا

ضحك بدر وهو يتذكر يوم الخطبه صباحا كانت مهره في الطابق الارض بجانب السلم تجلب بعض الاشياء شاهدها بدر ولم يضيع الفرصه وقبلها حتي راتهم العمه و طارت الي الجده لتخبرها بما راته بعد ان القت عليه بعض السباب

بدر : بذمتك في حد يبقي قدامه حتت القشطه دي و يمسك نفسه

الجده : بص انا خلصت الشتيمه عليك مش لاقيه حاجه اوصفك بيها فوضت امري فيك للي خلقك و انتي يا بلوه حياتي اتلمي ياختي شويه واتقلي عليه بلاش الدلقه السوده دي يابت الهبله ابعدي عنه عشان يتجنن عليكي

صرخ بدر : اااااااااايه ياحجه انتي جايه تقوي البت عليه ولا ايه 

مهره بسهوكه حتي تمازح الجده : متخفش يا بدوري محدش يقدر يقويني عليك ابدااااااا

خلعت الجده نعلها وقذفته باتجاههم وهي تقول : ابو تربيتكم الوسخه الي اصلا مشمتوش ريحتها 

هات ياولا فرده الشبشب خليني اروح احضر الفطار مرارتي اااااااتفقعت يا ناااااااس

اخذا يضحكان عليها بقوه حتي خرجت وهي تدعي بداخلها ان يديم الله عليهم تلك السعاده التي تقطر من اعينهم

في تمام الساعه الواحده ظهرا كان الجد يجلس في المحل الخاص به ومعه ياسر والجد حسين بعد ان رتب معهم بعض الاشياء الخاصه بعملهم

اخرج هاتفه واتصل باحد الارقام وانتظر الرد وحينما جاءه قال : ايوه يابني انت فين 

بدر : في المينا ياحج انا وعم حسن بنحاول نشوف صرفه للشغل المتعطل زي ما اتفقنا

الجد : طب يابني قدامك كتير الساعه واحده دلوقت المفروض نتحرك عشان نلحق معادنا زي ما اتفقنا مع ابن المحروق عابد ده  لما اتصل بيا بالليل

بدر : خلاص يا جدي انا اصلا لسه بقول لعم حسن هسيبه هو يكمل معاهم واتا هتحرك ربعايه واكون عندك بامر الله

ا

لجد : في انتظارك يابني في حفظ الله

اغلق الجد مع حفيده و ملامحه تدل علي القلق فساله ياسر : مالك يابا هو بدر قالك حاجه دايقتك ولا ايه

الجد : لا يابني بس انا الي بالي مشغول عايز اخلص مالحوار ده و خايف عليكم انا مطلعتش بالدنيا غير بيكم ولا هاممني فلوس ولا محلات انتو تحويشه عمري الحقيقيه مش هاستحمل يحصل لحد فيكم حاجه

الجد حسين : صلي عالنبي ياحمد و قول يارب انت طول عمرك بتعمل خير و ماذتش حد اكيد ربنا هيقف جانبك و يحفظهوملك بس قول يا رب

النعمان و ياسر : ياااااااارب

كانا مهره تجلس في غرفتها هي وزينه و لميس اما لوجي ومها فقد ذهبا الي الجامعه صباحا

زينه : طب انتي عايزه تريحي بدرك وتقعديلو في البيت احنا بقي ذنب امنا ايه نقعد جنبك

مهره : بت انتي ملكيش دعوه ببدر بعدين انا اتكلمت عن نفسي مقولتش لحد يقعد جانبي ياختي لسه فاضل ساعه عالدرس يعني تلحقي تغيري هدومك و تروحي متقرفيش امي بقي

لميس : واحنا من امتي افترقنا في حاجه يا ميمو 

مهره : انا فعلا مش عايزه انزل مالبيت و ماتسءلوش ليه بس مش عايزه اشيل ذنبكم بقغدتكم معايه 

زينه : طب بالامانه بدر الي مانعك 

مهره : اقسم بالله ابدا واسالي لميس هو اصلا اتفاجىء بقراري  وكان رافض كمان بس اقنعته

لميس : خلاص احنا نقضيها اون لاين وهو يبقي يجبلنا المذكرات الي تنزل ونحلها سوي وربنا معانه بقي

زينه : ماشي خلاص امري لله بس انا حاسه ان الرجاله فيهم حاجه غريبه اليومين دول علي طول اجتماعات فوق السطح و متعصبين عالاخر معانا انا قولت يمكن مصطفي متعصب عليه عشان يادبني عالي كنت بعمله معاه بسبب المحروقه سمر الكلب بس لا ده سليم كمان معانا كده في البيت حتي لوجي بتقول كل ماتتصل بيه يكلمها كلمتين ويقفل بحجه الشغل حتي لو وصلها للجامعه بتبقي حاسه انه سرحان وباله مشغول وطبعا اي واحده فينا بتسال فيه ايه الرد بيبقي واحد مشاكل في الشغل متشغليش بالك

لميس : حتي وليد كده برده بقالو فتره مش بيروح المستشفي الا لو فيه عمليه و دايما معاهم في المصنع ده حتي افتتاح الشركه اتاجل

مهره : طب ما بدل ما تزنو عليهم وتقرفوهم في عيشتهم اكتر ما هما الدنيا قرفاهم اهدو شويه وبطلو اساله وخالي بالهم يروق عالاقل من ناحيتكم لحد ما الغمه دي تعدي

زينه : بامانه الله يا ميمو انتي متعرفيش حاجه يعني بما ان بدر مش بيخبي عنك حاجه

مهره : والله ما قالي حاجه بس انا حاسيت بردو بس مردتش اتقل عليه بالسؤال هو لو حابب يقول كان هيقول لوحده بس انا حبيت احسسه اني جانبه في كل الاحوال لو باقل شىء وهو اني اهون عليه الي بيشوفه بره البيت

لميس : والله يا ميمو لو كل البنات عندها نص عقلك و تفهمك مكانش البيوت خربت 

وكان نسب الطلاق قلت لو فعلا كل واحده تقدر ظروف جوزها و تتفاهم معاه ليه لا ادام هو بيعاملها بما يرضي الله وبيراعيها ويحبها

انا عن نفسي هحاول اعمل زيك مش عيب لما نلاقي حد بيعمل حاجه كويسه و نقلده

قبلتها مهره بمزاح و قالت : حببتي يا بسكوته ده انتي العقل كله مش محتاجه تقلديني دانا الي نفسي اتعلم الرقه منك بدل ما الولا يفتكرني صاحبو 

زينه ولميس ههههههههههههههه

زينه : ربنا يفرح قلبك يا ميمو طلعتي انتي صح وكلنا غلط كنا فاكرينك بتتوهمي ان بدر بيحبك واستحملتي رزالتنا عليكي وكلامنا السم معاكي وفي الاخر طلعتي انتي الي صح واحنا الي غلط 

انا ببقي قعده مزهوله من الي بيعمله بدر معاكي قدام الناس ولا بيهمه حد كانه مش شايف غيرك او مصدق تبقي ليه فعايز يبين للناس كلها قد ايه هو بيحبك ربنا يهنيكم ويسعدكم يا رب

مهره ولميس :  اللهم ااااامين

في سياره بدر التي كان يقودها و بجانبه يجلس النعمان وبالخلف عمه ياسر  

منطلقين بها نحو الشاليه الخاص بهم في الساحل الشمالي 

الجد : اكدت عالرجاله يابدر ميتحركوش من عند البيت انا خايف يابني من غدرهم

بدر : متقلقش يا جدي مصطفي ووليد هناك و ذمان ديجو والرجاله الي تبعو راحولهم و مش هيتحركو مالشارع غير لما نرجع كله متامن ياحج سيبها علي الله

ياسر : احنا كل حاجه بنعملها بتخليهم ياخدو مننا الامان حتي حركه بدر بتاعه المينا لما راح الصبح عمل نفسه بيحاول يخلص ورق البضاعه الي عطلوهولنا ده ياكدلهم بردو ان احنا مش ناويين علي الغدر

الجد : علي الله يابني فوضت امري لصاحب الامر 

ساد الصمت قليلا حتي صدح هاتف الجد فتح الخط وقال : خير يا عابد 

عابد : ابدا ياحج بطمن اتحركتو ولا لسه 

الجد برغم انه يعلم انهم يراقبوه الا انه رد عليه وقال : اه اتحركنا من نص ساعه 

عابد : طب ياحج ارجوك متجبش سيره الراجل الي عندك ولا تسجيل الفيديو قدام الراجل الكبير الي هتقابلو دلوقت عشان متتسببليش في اذي منه واكيد هيفكر اني اقنعته يقابلك عشان خايف من تهديدك وكده كل حاجه هتبوظ

النعمان : متخافش يا عابد سرك في بير وبعدين انت مش جاي معاه ولا ايه

عابد : لا هو حابب المقابله انهارده تبقي لوحدكم ولو حصل واتفقتم عالشغل اكيد هبقي موجود

النعمان : ماشي يا عابد ربنا يقدم ما فيه الخير سلام

ثم اغلق الخط وساد صمت متوتر حتي مضت نصف ساعه وها هم علي مشارف القريه السياحيه وحين تخطو بوابتها اخرجو هواتفهم واغلقوها نهاءيا بناء علي طلب مسبق من عصام عن طريق عابد الذي ابلغهم وقت تحديد الموعد ان عليهم فور وصولهم القريه القابع داخلها الشاليه تغلق الهواتف واذا ما ترك احد هاتفه مفتوح يصبح الاتفاق بينهم لاغي

بعد عشر دقاءق اخري وصل بدر امام البوابه الخارجيه للشاليه وصف سيارته بجانبها نظر حوله حتي يستكشف ما اذا كان يوجد شىء مريب ولكن وجد كل شىء طبيعيا حتي انه لا يوجد اي شخص علي شاطىء البحر فوجهت الشاليه و بوابته تطل علي البحر مباشرتا بمعني انك تخرج من الباب تمشي عاي ممر حجري صغير تصبح بعدها فوق رمال الشاطىء والجهه الخلفيه للشاليه عباره عن جراج للسيارات خاص بهم ولا يوجد باب للدخول او الخروج غير المواجه للبحر

ترجلو من السياره و دفع بدر الباب الحديدي الخرجي وجده مفتوح وعندما دلفو وجدو حديقه الشاليه مايءه بالحرس المسلح و باب الشاليه الداخلي مفتوح

غضبو كثيرا و قال بدر بعصبيه : نهار ابوكو اسود انتو احتليتو المكان ولا ايه

احد الحراس : امشي وانت ساكت احسنلك

التفت له بدر و امسكه من تلابيبه وهو يصرخ به : انت بتقول لمين كده يا عرس يا كلب سيدك انت 

في تلك اللحطه التف حولهم باقي الحرس وقد رفعو جميعا اسلحتهم في وجههم

سمع عصام الذي كان يجلس بالداخل صوت شد اجزاء الاسلحه فخرج ووقف امام الباب بكل غرور وهو يامر  حراسه بخفض اسلحتهم 

ففعلو ذلك دون حديت

نظر في عين النعمان بتحدي وليري اثر المفاجاءه عليه فهو كان من المتفق عليه ان النعمان هو من سياتي اولا وينتظره ولكن عصام قرر ان ياتي اولا ويقتحم المكان حتي ياتي النعمان بعده منها ان يتاكد من خلو المكان من اي اجهزه تنصت و منها ان يوصل رساله للنعمان و حفيده انه يستطيع الوصول لداخل منازلهم بكل سهوله فالمعني من تلك الحركه كبير وخطير

ولكن صبرا صبرا 

الجد حينما شاهد عصام وتاكد من هويته تفاجا كثيرا فهو مسؤول كبير في الدوله وله شان كبير فما يملكه يكفي و يفيض فما الذي يجعله يسلك تلك الطرق الشاءنه لا باس بالطبع انه الطمع

استجمع الجد نفسه سريعا وقال : كنت متاكد انك حد كبير في البلد 

ضحك عصام و قال : طول عمرك زكي يا نعمان

بدر بعصبيه فهو لا يخاف من احد : اسمه الحج ها الحج احمد النعمان انتو مش اصحاب عشان تشيل التكليف بنكم يا ريت كل واحد يلزم حدوده

نظر له عصام بتركيز واعجاب خفي وهو يقول : تمام يا بشمهندس اتفضل يا حج البيت بيتك ولا هنفضل وقفين مع الحرس هنا

قال هذا واتجه للداخل واعقبه بدر والجد و ياسر الذي قال بغيظ وهو يسير معهم : بيعزمنا علي بيتنا ابو بجاحه اهلك والي جابوك يا شيخ

بدر بضحك : شيخ ايه ده شيخ منصر يا عم

دلف الجميع وجلسو في الصالون المتواجد في البهو

عصام : مبدايا انا بعتزر طبعا علي دخولي هنا بدون استاذان بس بما انكم خلاص عرفتو انا مين فاكيد هتعزروني في اي طريقه احاول اامن بيها نفسي ولا ايه

النعمان : انت مش محتاج تامن نفسك يا سياده الوزير لان كلمتي هي الامان الوحيد ليك المهم ندخل في الموضوع طلباتك

عصام : طلباتي انت عارفها ياحج وعالعموم هقول تاني انا محتاج اخرج شحنه اثار في وسط الانتيك الي حفيدك بيصدرو لبره 

بدر : هي مش كانت حته قد الكف بقدره قادر بقت شحنه انت حطيتها في الرده ففقست ولا ايه

ضحك عصام بسماجه وقال : دم خفيف يابدر والله ولا ياسيدي مفقستش ولا حاجه هي فعلا شحنه تقدر تقول مقبره كامله بس عابد حب يبسطلك الموضوع في الاول

النعمان : حته زي ميه يا بدر خلينا في الاهم دلوقت 

عصام : وايه هو الاهم ياحج

في تلك الاثناء كان يوجد داخل البحر علي بعد مسافه بعيده الي حد ما لا تتيح لمن يقف علي الشاطىء رؤيه من بداخل هذا اليخت الفاخر ولكن يبدو من مظهره انه مملوك لاحد الاثرياء ويقام عليه حفلا صاخب

وفي اعلي سطح اليخت كان يوجد رجلان متسطحان علي بطنهما وبيد كل منهما اله تشبه المنظار ولكنها صغيره و مختلفه فهذه الاله تستطيع من خلالها الرؤيه الي ابعد من خمسه كيلو مترات كانا يراقبان من خلالها الشاليه الخاص بالنعمان ويشاهدو كل من بالداخل بوضوح 

و ما هما الا ظابط من جهاز الامن الوطني و الاخر من جهاز المخابرات العامه قد استعان بهما اللواء رشدي لخطوره هذا التنظيم فهو يحتاج امكانات خاصه ليست موجوده لدي جهاز الشرطه العادي فهو اكتشف ان هذا التنظيم لا يقتصر علي تهريب الاثار فقط بل ايضا سلاح و مخدرات و تجاره اعضاء وبشر لم يتركو شىء بشع الا وفعلوه لذلك توجب عليه التعاون مع اجهزه امنيه اكثر دقه وسريه ايضا فرجال المخابرات او الامن الوطني لا يظهرون بشخصيتهم الحقيقيه فمن الممكن ان يكون زميلك في العمل بالنسبه لك مجرد موظف عادي في احدي الشركان سواء العامه او الخاصه و في الحقيقه هو ظابط مخابرات 

محمود ظابط امن وطني : ايه ده شايف الي انا شايفه يا حازم

حازم ظابط مخابرات : ابن الكلب وزير طلع وزير الي يشوفه في برامج التلفزيون وهو بيتكلم عن الشرف و حب البلد يقول عليه ولي من اولياء الله الصالحين

محمود : طب هنفذ دلوقت ولا ايه

حزم : مفيش ولا ايه حالا هنتحرك قبل ما المقابله تنتهي وانا مفهم بدر يماطل معاه مش اقل من ساعتين

محمود : تمام ربنا معانا يلا اتصل برجالتك خليها تنفذ

نرجع الي شاليه النعمان 

بعد مباحثات استمرت اكثر من ساعتان ونصف قد حان الوقت وقرر الجد انهاءها

الجد : اسمعني يا عصام بيه اخر كلام عندي هو ..........

ماذا سيكون قرار الجد يا تري

سنري

انتظرووووووني

بقلمي /  فريده الحلواني

متابعة القصة على مدونة كوكب السكر في جوجل

  •تابع الفصل التالي "رواية مهرة النعمان" اضغط على اسم الرواية