رواية عشقت مطلقه و اولادها الفصل الخامس والعشرون 25 - بقلم مارلي ايهاب
الحلقة 25
عشقت مطلقة و اولادها
بقلم مارلي ايهاب
//////
كانت تمشي و تتسحب بخوف من ان يريها احد دخلت الي احدي الغرف و اغلقت عليها الباب بهدوء ثم توجهت الي الدولاب وقامت بفتحه بهدوء ثم فتحت الصندوق الموجود بداخله وبعدها فتحت تليفونها و قامت بتصوير محتويات الصندوق بأكمله وبعدها اغلقته بهدوء وثم خرجت من الغرفة بسرعة قبل ان يرها احد
///
في بيت تسنيم
تسنيم بحدة
انت مبتزهقش بقي انا خلاص طهقت منك
القناوي بغضب
اسمعي يا بت لما اقولك انا سكتلك كتير النهاردة هتجوزك غصب عنك
تسنيم بحدة
هو انت ايه معندكش كرامة انا ماريدكش قولتلهالك قبل سابق ميت مرة بس البعيد تقريبا مش بيحس ولا ايه
القناوي ابتسم بحدة
انتي بتغلطي فيا و انا مش هسكت عن الغلط ده كتير يا تسنيم انا استحملت بما فيه الكفاية
تسنيم بغضب
انا اللي استحملتك كتير يا عمدة و خلاص جبت اخري و ياك انت لو اخر راجل في الدنيا مش هتجوزك انا بيني و بينك حاجز عمره ما يتكسر ابدا يا قناوي مش هتجوزك و هقولك علي حاجه كمان اي واحد هيتقدم ليا هتجوزه علشان احرق دمك كمان و كمان
ثم دخلت واغلقت الباب في وجهه اما هو قال بغضب
ابقي وريني هتعملي اكدة كيف يا تسنيم
تسنيم بغضب
بكرة تشوف يا عمدة
غادر القناوي المنزل و هو غاضب بشدة
في القاهرة في بيت ايمن كان يجلس مع والدته
حسنيه بهدوء
و انت مفكر بقي لما تروح تطلب السماح منها هي هتوافق يا ايمن
ايمن بحزن
اهو مجرد محاوله يا ماما يمكن توافق
زينب بغضب
وانت بقى ما لقيتش غير ست شمس عشان تروح لها تاني ما صدقنا خلصنا منها يا ايمن
ايمن بضيق
دماغك انت يا زينب وما تتدخليش في اللي ما لكيش فيه
زينب بعصبيه
شايفه يا ماما بيقول ايه الحق عليا خايفه عليه منها دي واحده مش كويسه وبعدين عايز ترجع لها بعد ما اتجوزت راجل غيرك تقبلها على نفسك دي
حسنيه بهدوء
بصراحه يا ايمن بنتي معاها حق دي يا حبيبي اتجوزت راجل غيرك هتوافق تتجوزها ثاني بعد ما راجل غيرك قرب منها
ايمن
ايوه يا ماما انا موافق وما عنديش اي مشكله
زينب بخبث
انا هقول لك بقى انت عايز تتجوزها ليه ومتمسك بيها قوي كده
ايمن بتوتر
ليه ان شاء الله
زينب بخبث
هقول لك يا حبيبي انت شركتك خلاص انتهت واتحرقت وحتى الناس العمل اللي كانوا معاك كلهم باعوك وراحوا مع شركه شمس ثاني رغم انها نقلتها على الصعيد انت عايز تجري ناعم مع شمس علشان خاطر ترجع لك وتمسكك شركتها وتحاول تبينها يا عيني انك ندمان على السنين اللي راحت وعلى كل اللي عملته يعني ما انتاش بتحبها ولا حاجه ولا انت ندمان على اللي عملته فيها وعايز ترجع لها
ايمن بخبث
ما طلعتيش سهله يا زينب
زينب
من بعض ما عندكم يا اخويا فانا بقول لك اللي انت بتعمله ده مش هيجيب نتيجه وشمس استحالها توافق حتى ترجع لك ولا تشوف خلقتك
ايمن
امال اعمل ايه
زينب بخبث
انت لازم تحسن علاقتك باولادك ووقت ما تحسن علاقتك بيهم وتقول لهم ان انت عايز ترجع امهم هم هيوافقوا وبعد ما يوافقوا شمس هي اللي هترفض وساعتها ولادها هم اللي هيجبروها علشان توافق ترجع لك غصب عنها لان ممكن ولادها يقفوا قدامها ويجبروها انها ترجع لك يا اما بقى يسيبوها ويعيشوا معاك وهي غصبا عنها هترجع
ايمن بخبث
فكره حلوه يا بت يا زينب بس قرب منهم ازاي وهي خدتهم الصعيد
زينب
عادي سافر لها وافضل حوم حواليها كده لغايه ما تحنلك ثاني
ايمن بخبث
خلاص انا هعمل زي ما انت بتقولي وبكره الصبح هاخد اول قطر على الصعيد
في السرايا كانت شمس قاعده سرحانه قربت منها فاطمه وقالت ببرود
هو انت ناويه تطولي هنا ولا ايه متهيالي انك بقيتي كويسه اهو
شمس اتكسفت جدا
انا بدور على شقه واول ما الاقي واحده همشي على طول
فاطمه
بتدوري ازاي بقى ما انت قاعده اهو في البيت ما شفتكيش خرجت يعني
شمس بدموع
كلمت حد يشوف لي شقه انا ممكن اخد دلوقتي ولادي واروح اي فندق ما فيش مشكله
فاطمه
والله يبقى كويس قوي بس ما تروحيش تجري على الكرناوي وتقولي له ان انا اللي طردتك او ان انا اللي قلت لك تمشي
شمس طلعت بسرعه على اوضتها من غير ما ترد عليها لمت كل هدومها
فاطمه
في داهيه تاخدك
في اوضه شمس
همس
هو احنا رايحين فين يا ماما
شمس بهدوء
رايحين يا حبيبتي قلت لها نقعد فيه كم يوم كده لغايه ما اشوف شقه
همس
طب واحنا هنسيب هنا ليه هو في حاجه حصلت
شمس بضيق
ما فيش حاجه يا همس بس يا حبيبتي احنا مش هنفضل طول عمرنا قاعدين ومتقلين على الناس لازم نمشي بقى كفايه كده
همس
اللي تشوفيه يا ماما
شمس جهزت نفسها واولادها واخذت شنطتها ونزلت من الاوضه وهي ماسكه الشنطه وفاطمه شافتها
فاطمه ببرود
بالسلامه
شمس خدت ولادها وخرجت بره السرايا وركب التاكسي يوصلها على اي فندق
وبعد شويه التاكسي وقفها قدام فندق ونزلت وحجزت فيه
الاستقبال
هتقعدي قد ايه يا فندم
شمس
ما اعرفش بس حوالي يومين ثلاثه كده
الاستقبال
تمام يا فندم
وجهز لها الحجز ووصلها لغايه الاوضه
في السرايا رجع القناوي ودخل على مكتبه على طول
وفاطمه كانت قلقانه يسالها على شمس
وبعد دقائق القناوي قال بعصبيه
فاطمه تعالي هنا ضروري
فاطمه بخوف
ايه هي البنت دي قالت لي ولا ايه يا نهار اسود
ودخلت المكتب وهي قلقانه وحاولت ما تبينش
فاطمه
نعم يا قناوي في حاجه ولا ايه
القناوي مسك ايديها بحده وقال
انت عارفه لو ما بعدتيش عن تسنيم انا هعمل فيك ايه اقسم بالله لاطلقك
فاطمه بعصبيه
هو فيه ايه هو انت كل حاجه هتهددني بالطلاق يا قناوي وبعدين يا راجل انت ما عندكش دم ولا ايه جاي بتكلمني على واحده بتخوني معاها
القناوي
انا اللي عندي قلته جمال اللي انت بعتيه علشان خاطر يتجوزها انا علمته الادب ومحجوز عندي المره الجايه هطلقك يا فاطمه
فاطمه
طلقني يعني انت شايف العيشه معاك حلوه قوي انا اساسا مش رايداك ولا رايده اعيش معاك ولو بعمل كده بعملها علشان خاطر منظري قدام اهل البلد لما يشوف العمده الكبير بيتجوز علي بعد العمر ده كله مش عايزه الناس تتكلم عني ويقولوا فضل عني الخدامه يعني مش بعمل كده علشان حبي فيك مثلا
القناوي
كلامك ده كله ما يفرقش معايا حاجه انا قلت لك اللي عندي ابعدي عنيها وما لكيش صالح بيها واصل
فاطمه
ماشي يا قناوي اي امر تاني
القناوي بغضب
لا غوري من هنا
فاطمه خرجت وهي متضايقه
في اوضه سلطان كانت قاعده فرحه وبتقول بخبث انا لازم اقنع سلطان في اسرع وقت
وبعد شويه دخل سلطان الاوضه
فرحه بخبث
اهلا يا حبيبي اتاخرت كده ليه لقيت شغل ولا لا
سلطان بغيظ
ما لقيتش حاجه يا فرحه ودمي محروق حاولت اتكلم مع ابوي وخليه يسامحني ويرجعني الشغل ما رضيش وتخيلي قالي ايه
فرحه
قالك ايه يا سلطان
سلطان بغل
بيقول انه هيبدا يعلم اسر وكل حاجه تخص الشغل وان هو اللي هيمسك كل حاجه مكاني وان انا مش هيبقى ليا اي حاجه والله كل حاجه بتضيع مني اخويا هياخد مني كل حاجه
فرحه بخبث
ما انا قلت لك قبل سابق يا حبيبي قلت لك ابوك اول حد هيبيعك ولولا انك عملت ايه اللي انا قلت لك عليه كان زماننا احنا الاتنين مرميين في الشارع ما لناش مطرح نقعد فيه بس انا مستعده اساعدك واجيب لك حقك كمان
سلطان
انت هتعمليها كيف بقى
فرحه بخبث
في حلين ما لهمش ثالث وانت بقى لو ما سمعتش كلام المره دي يبقى انت اللي هتخسر كل حاجه وانت حر انا كده كده مش خاسس علي حاجه
سلطان بضيق
اتكلمي بقى قولي رايده ايه بالظبط بلاش كلام كتير
فرحة بخبث
انا هقولك اول حل ترفع قضية حجر علي ابوك و التاني بقي تمضيه علي تنازل عن كل حاجه من غير ما ياخد باله و تنقل كل حاجه باسمك و ساعتها بقي انت هتبقي الكل في الكل و محدش هياخد منك حاجة و كلهم هيبقوا خدامين تحت رجليك و محدش فيهم هقدر يرفع صوته فيك بعد اكدة يا حبيبي ايه رايك بقي في تفكير مرتك حبيبتك
سلطان......
ان شاءلله هنزل بكرة و يوم الاربع مكان يوم التلات اللي فات البارت اللي منزلش اتمني البارت يعجبكم
ياتري سلطان هيوافق ولا لاء
•تابع الفصل التالي "رواية عشقت مطلقه و اولادها" اضغط على اسم الرواية