رواية تزوجت امرأة صعيديه الفصل السادس و العشرون 26 - بقلم دينا عبدالله
بصله مسلم وهو بيقفل زر البدله وقال: انا مش زعلان من بابا.. بس مش هقدر ارجع البيت دلوقتي في حاجات لازم اعملها
خالد: حاجات اي دي
مسلم: متشغلش بالك انت
خالد بغضب: يعني ايه مشغلش بالي... طيب انت هتروح علي فين
مسلم بتفكير: شرم
خالد: هتروح شرم ليه دلوقتي وانت تعبان
مسلم: انا كويس متقلقش
خالد: طيب هاجي معاك مهو انا مش هسيبك تمشي لوحدك
مسلم: لا همشي لوحدي انا مش صغير... بعدين مي وبابا وماما محتاجينك جنبهم... وانا مش هتأخر يوم ولا اتنين وراجع
بصله خالد وهو ساكت شويه بعدين قال: ماشي يا مسلم بس هما يومين بس
مسلم: انا مش عارف مين فينا اللي اكبر من التاني
ضحك خالد وقال: انت بس انا اعقل منك
مسلم بضحك: طيب ماشي يااا عاااقل
ـــــــــــــــــــــــــــــــــــــــــــــــــــــــــــــــ
محمود: انا عارف يا عمي انه مش وقته خالص بس زي منتا عارف انا خلال الشهرين دول لازم اكون في ايطاليا وعايز مي تكون معايا مش عايز اسافر من غيرها
الحاج احمد: عارف وانت ومي ملكمش اي ذنب في اللي بيحصل شوف الوقت المناسب للفرح واحنا جاهزين
محمود بسعاده: الاسبوع اللي جاي عشان نلحق نجهز نفسنا للسفر
غاليه بحزن: مش مصدقه اني بنتي اسبوع وهتبعد عني
الحاج احمد: عايزاها يعني تفضل جنبك العمر كله
غاليه: مش القصد.... رينا يهنيهم.. بس متتأخروش علينا ابقا زورونا علي طول
محمود: ان شآء الله يا مرات عمي
غاليه بحنيه: ربنا يسعدكم يا بني
ـــــــــــــــــــــــــــــــــــــــــــــــــــــــــــــــ
*في شرم *
مسلم في التلفون: عرفت مين يا كمال
كمال: قصدك علي الراجل اللي جابلك العصير في الحفله
مسلم: اه هو بيته فين
كمال باستغراب: بس عايز تعرف عنوان بيته ليه
مسلم: مفيش بس عايز اسأله عن حاجه بس
كمال: تمام اكتب العنوان عندك
خد مسلم العنوان وقفل التلفون وراح علي العنوان بسرعه.. فتح الراجل الباب وانصدم لما لقي مسلم كان هيقفل الباب بس حط مسلم رجله في الباب منعه... وزق الباب بقوة
الراجل بتوتر وخوف: انت مين وعايز ايه
مسلم ببرود قاتل: يعني مش عارف انا مين... انت عارف كويس انا مين وجاي ليه... فلخص الموضوع واعترف وقول عملت ايه
الراجل بخوف شديد: انا والله مليش دعوه هيا اللي طلبت مني احطلك الحبايه في العصير انا مليش دعوه
مسلم: وتبقي مين بقااا
الراجل بتوتر: معرفش اسمها بس اعرف شكلها
طلع مسلم تلفونه شويه وطلع صورة جميله وقال: دي
الراجل بسرعه: ايوه هيا دي
بصله مسلم من فوق لتحت بضيق بعدين سابه ومشي.... انتهد الراجل بارتياح انه معملوش حاجه
راح مسلم شاف الكاميرات اللي قريبه من بيت جميله وعرف ان لما وصلوا بيت جميله هو كان غايب عن الوعي وشاله الراجل ودخله بيت جميله.... واتأكد انه مخنش خديجه
ـــــــــــــــــــــــــــــــــــــــــــــــــــــــــــــــ
خالد بهدوء: يعني عملتيها
مي: اه عملتها في نفس اليوم اللي قولتلك عليه
خالد: طيب انتي كويسه مفيش اي حاجه
مي: اطمن انا كويسه كانت عمليه بسيطه خالص
خالد: تمام.... ميعاد الفرح اتحدد الاسبوع اللي جاي
هزت راسها بابتسامة... حضنها خالد وقال بدموع: هتوحشيني اووي
دموعها نزلت وقالت: وانت كمان
بعدها ومسح دموعها بحنان وقال: لو احتجتي اي حاجه اتصلي بيا ومتتردديش ولو محمود زعلك كلميني وانا هتصرف معاه.... وخلي بالك من نفسك... عارف ان لسه فاضل اسبوع علي الفرح علي الكلام ده... بس هبقا مشغول ومش هيبقا عندي وقت اقعد واتكلم معاكي كدا
مي بابتسامة ودموع: انت اغلي واحد في حياتي يا خالد ومش عارفه من غيرك كنت هعمل ايه
خالد بابتسامة: مش عايز اشوف دموعك تاني وانا هفضل دايما جنبك
مي بحزن: كان نفسي خديجه تبقي معايا بجد وحشتني اوي
خالد بأمل: ان شآء الله هترجع ادعي انتي بس
مي بحزن: كنت اتمني اشوفها قبل ما اسافر
خالد: وانا كمان بتمني ترجع بسرعه عشان مسلم زعلان من غيرها اوي
ـــــــــــــــــــــــــــــــــــــــــــــــــــــــــــــــ
مسلم: هاا فهمت هتعمل ايه
اشرف صاحب مسلم: عييب عليك دي سكتي اطمن... بس اعرف انت ليه عايز تعمل فيها كدا
مسلم: قرفاني في عيشتي وعايز أربيها
اشرف وهو بيغمز: تمام يا صاحبي
*في الليل في قاعة السهر *
كانت جميله قاعده وبتشرب بمزاج... شافها اشرف... راح قعد جنبها علي البار بصتله بطرف عينها بعدين بصت بعيد بتجاهل
غمز اشرف للراجل اللي واقف في البار بيقدم المشروب.. هز الراجل راسه وحط حباية برشام في الكاسه وقدمها لـ جميله.. اخدتها وشربت منها علي طول
شويه وحست بدوخه وفقدت تركيذها وكانت هتقع مسكها اشرف وشالها وطلع من القاعه حطها في عربيته وطلع علي شقته
دخلها اوضة النوم وكانت غابت عن الوعي حطها علي السرير ونزل... كان قاعد مسلم وشاور بايديه علي واحده انها تطلع فوق وتشوف شغلها... هزت راسها وطلعت
قعد اشرف جنب مسلم وقال: البت حلوه اووي متسيبني استمتع بيها شويه
بصله مسلم وقال: انت يا بني هتفضل صايع كدا علي طول مفيش بيت هيلمك
ضحك اشرف وقال: لا متقلقش هفضل كده
مسلم بضحك: ربنا يهديك
شويه ونزلت الست دي وقالت: اطمن امان
قام مسلم وقال: يعني ايه
الست: يعني البنت دي.. بنت بنـ وت مفيش راجل لمسها
مسلم: انتي متأكده
الست بثقه: طبعا متأكده
طلع مسلم مبلغ من الفلوس وعطاهم للست دي... خدتهم وقالت: تشكر يا بيه
وطلعت... قعد مسلم وهو مرتاح ومبسوط انه اتأكد للمره التالته انه مخنش خديجه
اشرف: هتعمل معاها اي
مسلم بمكر: نفس اللي عملته معايا بس انا هكون مأدب عنها
بعد فتره صحيت جميله وهي حاسه بصداع جامد... انصدمت لما لقت نفسها في اوضه غريبه وكانت لابسه قميـ ص نوم احمر بصت لنفسها بصدمه كبيره وهي مش فاكره اي حاجه
ذادت صدمتها اكتر لما لقيت بقعة دم علي السرير دليل انها خسرت شرفـ ها
طلع اشرف من الحمام وهو بينشف شعره بصلها بمكر وقال: الجميل صحي
قامت وقفت قدامه وقالت بغضب شديد: انت عملت فيا ايه
اشرف بمكر: ايه هو انتي مش فاكره عملتي ايه... دانتي طلعتي شقيه اوي
بعدين سابها وطلع من الاوضه ونزل تحت... وقفت مصدومه من اللي قاله حاولت تفتكر حصل اي بس مش قادره تفتكر اي حاجه.. نزلت وراه بسرعه... وانصدمت لما لقيت مسلم قاعد جنب اشرف وبيضحكو مع بعض
وقفت قدامهم وقالت بصدمه: مسلم
بصلها من فوق لتحت بقرف وقال: انتي صحيتي
جميله: انت بتعمل ايه هنا.. انت تعرف الشخص ده
لبس اشرف بدلته وقال: هستناك في العربيه متتأخرش
بعدين طلع اشرف بصلها مسلم وقال: اه اعرفه وعلي فكره انا كنت معاه وانتي كنتي معانا احنا الاتنين مقولكيش بقاا انتي عملتي ايه.... دا عملتي عمايل
جميله بدموع وغضب شديد: انت ازاي تعمل معايا كده
مسلم ببرود: عادي مش نمنا مع بعض قبل كده يبقي عادي لما انام معاكي تاني اي المشكله
كانت هتتكلم بس منعها وهو بيقول: علي فكره كل اللي حصل بينا امبارح متسجل صوت وصوره وبضغطه مني افضح اللي خلفوكي علي النت
جميله بغضب ودموع: انت عايز مني ايييييه
مسلم بقوة: عايز الحقيقه.. مين اللي طلب منك انك تعملي كده معايا
جميله وهي بتتظاهر انها معرفاش حاجه: انت بتتكلم عن ايه
مسلم بقوة وغضب: انتي هتستعبطي يا روح امك
سكتت شويه وقالت: بدموع: والله انا مليش دعوه اكرم هو اللي قالي اعمل كده.... دي مشكله بينك وبينه انا مليش دعوه انا عملت بس اللي هو قالي عليه... مفيش حاجه حصلت بيني وبينك وقتها دي كانت تمسليه مني عشان اكرم يدمرك ويفرقك انت ومراتك بس والله العظيم انا مليش دعوه
مسلم بغضب شديد: متحلفيش كدب عشان انتي زباله زيه.... مكان اكرم فين
جميله بدموع وخوف: معرفش هو مش بيبقي في مكان واحد
مسلم بغضب: ماشي الفيديو هخليه معايا ولو عرفت انك عملتي حركه غدر منك كدا ولا كدا مش هتردد لحظه واحده في نشر الفيديو ده..... ولو اتنشر هيجيب مشاهدات عاليه اوووي اصلك كنتي شقيه اوي معانا احنا الاتنين
بصتله بغضب ودموع ومقدرتش تتكلم
مسلم بمكر: سلام ياااا جميله
بعدين سابها وطلع... وقعت علي الارض وهيا بتبكي جامد علي غبائها وعلي اللي عملته وعلي حياتها اللي خربت ومستقبلها اللي ضاع
ركب مسلم العربيه بصله اشرف وضحك وقال: بلعت الطعم
ضحك مسلم وقال: اه وصدقت كمان
اشرف بضحك: غبيه اوي البت دي... تفتكر هتعرف ان اللي علي السرير دا صوص فروله مش زي ما هيا فاكره
مسلم بضحك: لا لا مظنش انها تفكر كدا
اشرف: دنتا طلعت خبيث اوي... ازاي قدرت تقنعها ان حصل بينا حاجه احنا التلاته.. دا ابليس نفسه يقفلك ويحييك علي خبثك يا اخي
فتح مسلم التسجيل وسمع اعتراف جميله بعملتها هيا واكرم.. ودا كان الدليل انه بريئ ومخنش خديجه زي ما الكل فاكر
- يتبع الفصل التالي اضغط على (تزوجت امرأة صعيديه ) اسم الرواية