رواية احفاد الطوبجي الفصل السابع و العشرون 27 - بقلم اميرة اسامة
💔البارت السابع والعشرين💔
ذكري و موقف
أطمن الجميع علي منذر وخرج من العنايه بعد حوالي ثلاث ساعات من أستقرار حالته مفاقش ولا كان يعرف اي حاجه لانه كان واخد ادويه تخليه ينام وقت طويل لكن الدكتور قال انه بخير.
لكن فضل الكل باله مشغول مع زيد خصوصاً بعد ما عرفوا أحتمال دخوله في غيبوبه خرج زيد من غرفه العمليات بعد سبع ساعات و اتنقل علي غرفه العنايه المركزه وراح الجميع يطمن عليه
وقفوا كلهم وراء الزجاج يبصوا عليه
كان منظره صعب جداً خراطيم خارجه من بوئه و مناخيره و أجهزه كتير حواليه وسلوك متوصله بجسمه ملامحه تقريباً مكانتش باينه بسبب التورم و الزرقان والجروح.
الدموع وحالة الحزن كانت مسيطره عليهم كلهم خصوصاً لانهم اول مره يشوفوا زيد في الحاله دي طول عمره واقف قوي وثابت وديماً كان بالنسبه ليهم الضهر والسند و الحمايه بيعتمدوا عليه في كل حاجه ديماً مطمنين بوجوده وفجأه ينام قدامهم النومه دي كانت صدمه ليهم كلهم و كسره ضهر كبيره💔
وقفوا كلهم وكل واحد فيهم سرح في خياله مع موقف جمعه بزيد.
وخاصتاً البنات كل بنت فيهم جمعها اكتر من موقف مع زيد وكان بالنسبالهم ونعم الاخ الجدع اللي وقفته ضهر وسند ❣️
ملك اللي في بدايه شغلها كانت هي وياسين في بينهم مشاكل كتير ووقف معاها ضد أخوه عشانها ودعمها لحد ما قدرت تثبت نفسها وتقدر تقف علي رجلها من تاني.
خلود اللي ساعدها اكتر من مره في القضيه بتاعتها و حتي مشكلتها مع هنادي علام
شمس اللي كان ليها النصيب الاكبر في وقفه زيد و جدعنته معاها و مرتاحش غير لما جمعها بأخوه و أطمن عليها
مريم اللي قدر يصلح الموقف بينها وبين نادر و فضل واقف معاهم لحد ما خلصوا من عزيز خالص.
حتي ليلي اللي من بدايه قصه حبها لداوود كان هو ديماً همزه الوصل بينهم
عمره ما اتخلي عن حد فيهم و ديماً كان ليه موقف جميل عمرهم ما هينسوا ابداً
روح....بدموع سندت علي الزجاج زيد قوم يا حبيبي قوم عشان خاطري قوم يا ابن عمري وطمني عليك🥺
مراد....اهدي يا روح و ادعيله هيبقي كويس إن شاء الله
روح....زيد تعبان اوي يا مراد ابني مش كويس خالص💔🥺
داوود....وحدي الله يا روح هيبقي زي الفل انتي عارفه ان زيد بيتحمل وابنك قدها
روح....يارب يقوم بالسلامه 💔يارب ما توجع قلبي عليه
كاريمان....بدموع هيقوم هو ومنذر وهيبقوا بخير ان شاء الله ياروح
راجح.....بتنهيده طويله يلا يا ولاد الصبح هيطلع و قعدتنا هنا ملهاش لازمه
روح....برجاء خليني معاهم يا راجح عشان خاطري🥺
راجح....معاهم ازاي يا روح مش هينفع
روح....مش هتكلم معاهم ولا هتعبهم بس خلوني معاهم
راجح....ياروح زيد في الرعايه ومش هينفع يقعد معاه حد خالص ومنذر امير وجلال هيقعدوا معاه هتقعدي انتي ازاي معاه مرافق
قاسم.....يلا ياروح الباشا بيتكلم صح روحي ارتاحي وبكره انا هجيبك يا ستي
راجح....يلا ياولاد امير خلي بالك منهم ولو احتاجت اي حاجه كلمنا
امير.....حاضر يا عمي متقلقش
فضلت صبا واقفه باصه علبه دموعها نازله وساكته🥺
حط مراد ايده علي كتفها وخدها بهدوء ومشي بيها
مراد....يلا يا صبا ❣️
مشيت صبا معاه بهدوء وعينها علي زيد
كاريمان.....امير خلي بالك من منذر
امير....في عيني متقلقيش اطمني احنا معاه ومش هنسيبه.
خرجوا كلهم من المستشفي ونزل معاهم امير وجلال.
سالم.....جلال انا كلمت الدكتور عشان تقعد انت عارف مفيش غير مرافق واحد خلي بالك من منذر وابقوا اطمنوا علي زيد كل شويه
جلال.....ماشي متقلقش
سالم....لو في اي حاجه تكلمني فوراً انا هخلي امين و مصطفي وشريف بره المستشفي لو احتاجتوا اي حاجه كلموهم هيجيبوها فوراً
امير.....روح انت بس و متحملش همنا
سالم....لو عرفت ارجعلكم هرجع تمام
امير.....خليك يا سالم وتعالي بكره احنا مش هنحتاج اي حاجه ريح انت بس وتعالي الصبح
سالم....ماشي يلا سلام
طلع امير وجلال علي فوق وراحوا علي اوضه منذر كان نايم ومش دريان بالدنيا
قعدوا الاتنين والصمت كان مخيم عليهم من الحزن فضلوا ساكتين شويه
قام جلال راح وقف جنب منذر وطي علي راسه باسه من جبهته بحزن وفضل باصص علي ملامحه
جلال....ياتري مين اللي عمل فيكم كده وليه ؟
امير....علي رأي سالم مش هتفرق الوقت مين اللي عمل كده المهم انه اتجرأ وعملها💔
جلال....وديني لو اعرف بس مين اللي عملها لا هندمه علي الساعه اللي اتولد فيها
امير....هنعرف وساعتها مش هنسيبه المهم بس يقوموا بالسلامه
جلال....يارب بقولك ايه هروح اشوف زيد
امير.....استني هاجي معاك
.....................
بعد وقت بسيط وصل الجميع علي القصر قعدوا في الجنينه بحزن طلعت روح والبنات علي اوضهم.
قاسم.....قوم ريح فوق يا باشا شويه
راجح....وهتيجي منين الراحه بس يا قاسم
قاسم.....هيبقوا زي الفل يا حبيبي وإن شاء الله هتعدي علي خير
راجح....عامل زي اللي بيدور ويلف في نفس الدايره كل ما نخرج من مصيبه ندخل في غيرها بس المرادي الواقعه تقيله اوي
مراد....هنخرج منها زي ما خرجنا من غيرها يا راجح ياما دقت علي الراس طبول ودي مش اول مره
راجح.....خايف علي زيد يا مراد خايف يدخل في غيبوبه زي ما الدكتور قال
حاسس اني متكتف مش عارف اعمل حاجه ولا عارف مين اللي عمل فيهم كده.
مراد....الشرطه مش ساكته واكيد هيلاقوا اي دليل المشكله ان المكان اللي كانوا فيه مقطوع ومحدش عارف اصلا هما دخلوا الشارع ده ليه اللي هيفهمنا كل حاجه هما إن شاء الله يفوقوا علي الصبح وحد فيهم يقولنا اللي حصل
ياسين....انا مش قاصد اقلقكم بس انا صراحه قلقان حد يروح المستشفي ويعمل فيهم حاجه
سالم.....لا يا ياسين اللي عملها مكانش قاصد يموتهم هو عارف بيعمل ايه كويس وإلا كانت طلقه خايبه خلص بيها عليهم الضرب اللي خدوا مدروس كويس عارفين بيضربوا ازاي وبعدين الظابط قال انهم كانوا كتير يعني كانوا قاصدين الضرب
قاسم....وبيتهيألي اللي عملها مش بالغباء ده عشان يروح المستشفي بعد اللي حصل
سالم....عموماً انا فهمت امين و مصطفي وشريف وهما هناك عند المستشفي واكدت علي امير وجلال يعني اطمنوا
مراد...انا بس بحاول افهم اللي حصل ده و بحاول اربط كل الاحداث ببعض عشان اوصل للي عملها احنا تقريباً اغلب مشاكلنا مع الشركات المنافسه خلصانه
نادر.....بس انا مش قادر اتوقع حد غير ولاد مهيب علي وعاصم. انتوا عارفين انهم كانوا هيتجننوا لما خدنا المشروع
مراد....فكرت فيهم
راجح.....بتركيز سرح وقرب لقدام سند ايده علي التربيزه في سؤال مهم لازم الاول نسأله لنفسنا قبل ما نفكر مين اللي عملها عشان نقدر نوصل للي عملها
بصوله كلهم بتركيز
سالم.....سؤال ايه يا باشا؟
راجح.....اللي عملها كان قاصد مين؟
قاصد زيد ولا قاصد منذر
قاصد يعلم علينا بضربه لزيد ولا كان قاصد منذر وزيد كان فوق البيعه لانه معاه.
مراد....لا واحده واحده انا نش فاهم تقصد ايه؟
راجح...كلامي واضح يا مراد معني انك تتعدي علي زيد فا انت قاصد عيله الطوبجي عموماً وبما ان منذر معاه فا هينوبه من الحب جانب زي ما حصل او العكس اللي حصل ده لو مقصود بيه منذر فا اللي ضربه ضرب معاه زيد اللي اقصده ان في كل الاحوال اللي عملها يقصد طرف معين لا عيله الطوبجي لا عيله الباشا
مراد.....معلش وضح اكتر مش فاهمك يا راجح حاسس انك تقصد حاجه معينه
راجح....مراد احنا ومنذر اللي بينا نسب مش شغل شغلنا وتجارتنا بعيده عن بعض يعني اعداء الشغل والمنافسات مش مشتركين بينا كل واحد فينا ليه العالم الخاص بتاعه يعني لو اللي حصل ده حصل بسبب شغل فا لازم يكون يا اما قاصدنا او قاصد منذر
سالم....صح انا فهمتك يا باشا
مراد....تمام فهمتك بس بردوا دي هيوضحها منذر وزيد اكيد هما عرفوا مين اللي مقصود
نادر.....بس انا حاسس ان اللي عملها قاصدنا احنا منذر عمره ما كان ليه اعداء او منافسين حتي شغله بحس انه بعيد كل البعد عن جو المنافسات وشغله رايق
راجح....يبقي لسه متعلمتش حاجه يا نادر مفيش حد ناجح في شغله ملهوش اعداء وشغل منذر مش رايق وهادي زي ما انت متخيل شغل الجلود يمكن اصعب من شغلنا انت مش بتتعامل مع محلات وتجار جمله وقطاعي وشويه عمال في شركه ولا مصنع وخلصت انت بتتعامل مع فئه تانيه خالص و انا بشوف ان مش اي حد يقدر يتعامل معاهم وهي فئه عمال المدابغ والمعلمين بتتعامل مع فئه تانيه بردوا ودول اصعب في معاملتهم المعلمين العرب اللي بيوردوا الجلود ووارد جداً يكون في بينهم مشاكل وراد يكونوا حاطين منذر في دماغهم منذر مهما كان قريب مننا اللي عارف عنه كل حاجه هو زيد
سالم....انا سمعت كذا مره منذر وهو بيتكلم مع زيد في الشغل وذكر كل اللي قولت عليه ده يا باشا وكمان شمس قالتلي علي حجات شبه كده يمكن مقالتش ان في مشاكل او حاجه مش مظبوطه بس بردوا انا مش حاسس ان اللي حصل ده ليه علاقه بمنذر
راجح....هيبان كله هيبان يفوق هو واخوك بس ونطمن عليهم وساعتها اللي رقدهم الراقده دي مش هسمي عليه حتي لو كان مين
داوود....طيب تحبوا من بعيد لبعيد اراقب تحركات ولاد مهيب
مراد.....يعني لو هما با داوود تفكتر هيحاولوا يبينوا حاجه
داوود....انا بقول امها مجرد محاوله وبعدين ديماً اللي عامل مصيبه بيبقي خايف وباين عليه
ياسين.....داوود بيتكلم صح علي وعاصم هيتجننوا من وقت ما المشروع بقي بتاعنا وخصوصا علي هو عكس عاصم شويه متسرع وغضبه بيبان عليه واكيد لو هما وراء اللي حصل ده علي اكتر واحد هيفضح نفسه.
راجح.....خلاص يبقي من بكره الصبح ركزوا معاهم بس من غير ما حد فيهم يحس
ياسين.....سيبها عليا انا وداوود دي يا باشا وإن شاء الله زيد ومنذر يفوقوا ومنحتاجش للدوخه دي كلها
راجح.....يارب.
يوسف....طيب يلا نقوم نريح شويه عشان ننزل بدري
راجح....انا عايز الشغل يمشي زي ما هو مش عايز حد يعرف باللي حصل ولا عايز الموظفين يوصلهم خبر خلي كل حاجه ماشيه طبيعيه وياريت الكل يبقي في الشركه قسموا نفسكم بين الشغل والمستشفي.
مراد....متحملش هم حاجه يا راجح كله هيبقي تمام يلا نقوم بقي.
طلع الكل علي اوضهم ودخل راجح علي اوضته
روح كانت نايمه علي السرير دموعها نازله في صمت
قرب منها راجح وراح قعد جمبها علي طرف السرير.
راجح....بأبتسامه حزينه مد ايده مسح دموعها قولتلك قبل كده طول ما انا عايش مش عايز اشوف دموعك دي ابداً
ولو مش هتكون دموع فرحه يبقي متنزلش يا ورح.
بصتله روح بحزن ونزلت دموعها اكتر
روح....قلبي واجعني اوي يا راجح🥺
راجح...بحب سلامه قلبك يا قلب راجح هيبقي كويس و هيقوم انتي تايهه عن زيد
روح....بصتله وقامت قعدت قدامه حتي لو قام وبقي كويس تفتكر زيد مش هيتوجع بعد اللي حصل فيه ده🥺
زيد طول عمره طيب وجدع ليه شخصيه خاصه بيه عمري ما شوفته مهزوز او ضعيف انا عارفه ان بعد اللي حصله ده هيتعب اوي🥺
راجح...مسك أيدها وابتسم ابتسامه هاديه يبقي لسه في جزء صغير مقدرتيش تعرفيه عن زيد بعد العمر ده كله قالوها زمان يا روح الضربه اللي متموتش بتقوي وزيد طول عمره قوي وراجل بعتمد عليه حتي لو اتضرب ووقع هيقوم اقوي من الاول ولازم تعرفي حاجه زيد مش هيتعب ولا هيحس بالعجز والهزيمه لانه اتغدر بيه هو ومنذر الكتره بتغلب الشجاعه يا روح وهما اتكاتروا عليهم انا بحمد ربنا انها جات علي قد كده انتي سمعتي بنفسك الظابط قال انهم كانوا حوالي عشرين شخص وده يخليني فخور بيه ابنك وقف وسطهم هو ومنذر بطولهم ودراعههم من غير لا جارد ولا سلاح انا واثق انهم عملوا كل حاجه في ايدهم وعارف انهم اللي كانوا بيطولوا منهم مكانوش بيسموا عليه رغم ان قلبي واجعني علي مناظرهم وكنت مرعوب عليهم ومش هكدب عليكي لحد الوقت مرعوب عليهم بس كمان بحمد ربنا انها جات علي قد شويه جروح و كدمات وكسر المهم ان لسه حسهم في الدنيا ودي كبيره اوي يا روح وتعرفنا قد ايه ربنا بيحبنا وكان رحيم بينا.❣️
روح....اللهم لا اعتراض بس كل اللي بتقوله ده مش صح🥺🥺💔 انا مش قادره انسي منظرهم ولا قادره انسي منظر زيد والاسلام والخراطيم دي كلها خارجه منه قلبي وجعني علي منذر بس الحمد لله هو يعتبر حالته استقرت بس ابني يا راجح الدكتور بيقول ممكن بدخل في غيبوبه ابني شكله صعب اوي مش زيد يا راجح اللي ينام النومه دي انا حاسه ان قلبي هيقف والله💔
راجح.....بحب هيقوم يا روح انتي مش بتثقي فيا وفي كلامي صدقيني انا عارف ابني كويس عارفه لو اي حد تاني غير زيد كان زماني قاعد بعيط زيك كده بس زيد قدها وهيخرج منها
روح....انت ازاي عارف تصدق اللي بتقوله ده🥺 زبد عمل استئصال يا راجح انت واعي للي حصله🥺
راجح...اه واعي ومش معترض استأصل جزء من الكلي ولو كان استئصلها كلها كان بردوا هيبقي نفس موقفي مش بمكن ده خير ليه مش يمكن الجزء ده في جسمه كان ممكن يعمله مصيبه احنا منعرفهاش ربنا مبيعملش حاجه وحشه يا روح واللي بنشوفه مصيبه كبيره بتبقي رحمه من ربنا احنا منعرفش عنها حاجه كون ان ابني لسه بيتنفس وعايش علي وش الدنيا ده عندي بالدنيا
يدخل بقي في غيبوبه يتكسر زي ما هو متكسر يعمل كذا عمليه المهم انه عايش ياروح ودي نعمه كبيره من ربنا واظن يا روح احنا جربنا النعمه دي لما اتاخدت مننا قبل كده وفاكره وجعها كان عامل ازاي موجوع عشان زيد اه مش هقول لا بس كمان وجعي اخف ياروح من انه بتاخد مني 🥺💔
روح....بدموع بعد الشر عليه💔
راجح....يبقي قولي الحمد لله وارضي باللي ربنا كتبه وهيكتبه كل اللي طالبه منك ادعيله هو ومنذر وبس واول ما ربنا هيكرمه ويفتح بس عينه حقه هيكون عنده.
روح....المهم يقوم و يكلمنا واسمع صوته🥺
راجح....هيقوم يا حبيبتي وهيفرح قلبنا يلا ارتاحي بقي شويه انتي تعبتي اوي
روح....مش قادره انام🥺
راجح....تعالي في حضني و ارتاحي ❣️
نام راجح جمبها وخدها في حضنه فضل يطبطب عليها وهو باصص للسقف ودموعه نازله بصمت رهيب
💔💔💔💔💔💔
..................
في غرفه صبا وزيد
دموعها مكانتش بتقف حاضنه التيشرت بتاعه ونايمه علي السرير وفي ايدها موبايلها بتتفرج علي الصور بتاعتهم
غمضت عينها بوجع وسرحت لبعيد🥺
فلاش باااااك
صبا......زييييييد
زيد....صباح الخير مالك يا حبيبي ليه كل العياط ده
صبا.....انا صحيت مش لاقيتك خوفت
زيد....خوفتي من ايه بس انا خرجت عشان اجيبلك الورد ده❣️
صبا.....لما صحيت ومش لاقيتك فكرت مشيت
زيد....امشي واسيبك طب ازاي❣️
صبا.....اوعي تبعد عني يا زيد انا من غيرك هضيع🥺
زيد....في حد يبعد عن روحه❣️
غمضت صبا عينها بوجع وفضلت تفتكر كل المواقف اللي مرت بينهم شويه تبتسم وشويه دموعها تنزل ومقدرتش تنام لحظه🥺
.........................
الوقت كان بيمر اللي قدر ينام شويه نام واللي مقدرش فضل صاحب يعد الساعات وخايف الموبايل يرن علي خبر مش حلو.
اما عند امير وجلال كانوا نايمين علي الكنبه جنب بعض.
ومنذر زي ما هو نايم ومش حاسس بحاجه كل ما يفوق او يتالم ينادوا علي الدكتور يحط مسكن في المحلول ويرجع تاني يهدأ خالص وينام.
فتح امير عينه ملقاش جلال جنبه بص في الحمام لقاه فاضي خرج بهدوء وراح علي زيد.
لمح جلال من بعيد ساند راسه وباصص علي زيد
قرب منه امير وحط ايده علي كتفه بصله بسرعه جلال وكانت دموعه نازله بتجري علي خده
اول ما امير لمح دموعه قرب منه وخده في حضنه وكانت أول مره جلال ينهار بالشكل ده 🥺
امير....بحزن ايه ياض بتبشر علي اخوك ولا ايه 💔
جلال....اصعب حاجه ممكن كانت تيجي او تخطر في بالي اني اشوف زبد نايم النومه دي🥺
كان ممكن اتخيلها علي اي حد إلا زيد
امير.....انا كمان مش قادر اشوفه كده ومنظره صعب بالنسبالي بس ده ياض يعني هو الوقت زمانه بيقاوح عشان يفوق ويبقي واقف وسطنا🥺
جلال....خايف عليه اوي يا امير وخايف يدخل في غيبوبه زي ما الدكتور قال
امير....مش هيدخل ياض وبعدين غيبوبه ايه احنا شوفنا زيد كان صاحي وكويس هو بس اكيد تعبان من العمليات
جلال.....يارب يكون كده زيد لو دخل في غيبوبه محدش فينا هيبقي كويس واولهم روح والباشا 🥺
امير....انت ياض فقر كده ليه علي الصبح انا ناقص انا بحاول اقنع نفسي انه هيبقي بخير عشان اليوم يعدي
جلال....انا عايزه يبقي كويس اكتر منك والله بس هو ليه مفاقش لحد الوقت🥺
امير....بحزن مش عارف بس كنان بيتهيألي ان حالته مستقره والدكتور كل شويه اشوفه يقول انه بخير وبعدين اذا كان منذر اللي خرج بره العنايه لسه مافاقش وبينيموا تاني اكيد بردوا في دواء بيدوا لزيد في المحاليل دي يساعده يفضل نايم
جلال...انا مش عارف اي حاجه وبعدين هما اتأخروا كده ليه ما يجوا بقي يشوفوا حد هنا يفهمنا🥺
امير....سالم كلمني من شويه وكان جاي ومراد بردوا قالي انه جاي وانت بطل عياط عشان روح وابوك 🥺💔
جلال....انا عايز اخويا يقوم منها يا امير وكمل بدموع كأنه طفل والنبي ادعيله يا امير يفوق بقي💔🥺🥺
نزلت دموع امير وخده في حضنه جامد وفضل يطبطب عليه
امير....هيقوم وهيبقي زي الفل والله وهينور حياتنا💔
الساعات كانت بتمر وصلوا كلهم عشان يطمنوا عليهم
وبعد فحوصات كتير لزيد الدكتور قالهم
ان زيد بالفعل دخل في غيبوبه لكنها غيبوبه مؤقته
الصدمه نزلت علي الكل وحاول راجح انه يحتوي الموقف ويطمنهم وهو اكتر واحد عايز ينهار فيهم💔🥺
روح.....لا يارب لا يارب قومهولي يارب انا مش قد اختباري فيه🥺💔
راجح....يا روح اهدي الدكتور قال قدامك ان ده زي تشتت العقل مش اكتر هو خس انه اطمن وارتاح لما وصلنالهم وبعدها استسلم وده اللي عمل الغيبوبه الاشعه اثبتت ان كل حاجه فيه كويسه والغيبوبه دي مؤقته زيد عامل زي اللي شال حمل تقيل وفجأه قرر انه يرتاح
صبا....بدموع يعني ايه يعني ايه حد يفهمني غيبوبه ازاي وليه قربت من مراد
مراد قولي غيبوبه ايه اللي الدكتور قال عليها
مراد....صبا هو بيقول غيبوبه مؤقته يا حبيبتي انتي سمعتي
صبا.....انا سمعت ااااه انا سمعت بس كمان انا شوفت شوفت زيد لما رزحنا نلحقه الدكتور كداب والله كداب هو عمل حاجه في زيد وهو في العمليه الدكتور عمل حاجه في زييييييييد
سالم.....صبا اهدي ارجوكي هيعمل ايه بس بلاش اللي بتقوليه ده
صبا....انا مش ههدي .ومحدش يقولي اهدي سالم انا كنت معاكم امبارح صح مش انت شوفته مش زيد كلمك عشان نلحقه كملت بانهيار يبقي ازاي واحد يتصل يستنجد بينا ويفضل مستني لحد ما نروحله ويقولنا الحقوا منذر وبعد كده يروح في غيبوبه حد يقنعنييييييي
ياسين....صراحه صبا معاها حق ما كلنا شوفنا يا جماعه في حاجه غلط
جريت صبا عليه ومسكت ايده🥺
صبا....صح قولهم يا ياسين اني صح قولهم ان زيد كان كويس 🥺
راجح....يابنتي اهدي قلبك هيقف متنسيش انك حامل يا صبا
صبا....قلبي يقف بس زيد يفوق ويبقي كويس والله يا خالوا زيد كان كويس هما اللي عملوا فيه حاجه
راجح...يابنتي هيعملوا فيه ايه بس زبد معاه دكاتره من اكبر دكاتره مصر وبعت جبت استشاري شافه وقال نفس الكلام لو فبه حاجه اتعملت معاه غلط تفتكري كنت هسيبهم الدكتور قال انه ممكن يفضل في الغيبوبه دي يومين تلاته اسبوع بالكتير وإن شاء الله هيبقي كويس.
صبا.....طيب خلوني ادخلوا والنبي🥺🥺
راجح....يا حبيبتي مش هينفع
صبا....دخلني يا مراد عشان خاطري سالم خليهم يدخلوني زي ما خليت جلال يفضل
سالم.....طيب هو انتي ممكن تهدي شوبه لو هديتي وسمعتي الكلام انا هتصرف بس انتي كده موتراني ودماغي واقفه
صبا...طيب خلاص هسكت والله بس اعمل حاجه عشان خاطري
شمس....بدموع طيب تعالي بس اقعدي شويه وسالم هيتصرف ويدخلك
زهره....يا صبا اهدي يا قلبي شويه حتي لو الدكتور سمح تدخلي غلط عشان الحمل تقريباً
صبا...لا مش غلط والنبي ما تقولي كده عشان هيسمعوا كلامك🥺🥺🥺
زهره....طيب خلاص مش هقول اسأل بردوا ياسالم لو نفع تدخل عرف الدكتور. انها حامل.
سالم....حاضر تهدي بس هي شويه عشان انا حاسس اني هجيبها من الارض 😡
جه اميره بسرعه يجري عليهم.
امير.....حد يلحق منذر بسرعه
سالم...في ايه😳
جريوا كلهم علي اوضه منذر .
منذر.....سيبني يا ياسين بقولك انت كده اللي بتتعبني
سالم....في ايه
ياسين....فاق وبيسأل علي زيد
منذر....زيد فين يا سالم 😡😡😡
سالم...في الاوضه والله زي الفل اهدي عشان ايدك يا غبي
روح....منذر والله زيد كويس يا حبيبي
منذر....ولما هو كويس قاعدين معايا وسايبينه ليه😡
سالم....ياغبي ما جزء معاك واحنا كنا معاه والله وبعدين هو لو في حاجه كنت هتلاقينا واقفين عادي كده
منذر...طيب وديني ليه اشوفه؟
راجح....اقعد يا منذر زيد كويس بقولك انت لسه عامل عمليه ومش هينفع تقوم
منذر....انا كويس ودوني لزيد
راجح....بقولك كويس اقعد
كاريمان....ياحبيبي زيد زي الفل والله
منذر.....بغضب وهيستريا بقولكم ودوني لزيييييبد زيد مش كويس انا شوفته 😡😡😡😡 زيد كان بيموت عشاني زيييييييييييد
مراد....نادوا الدكتور بسرررررعه
قبل ما يكمل مراد كلمته دخل الدكتور ومعاه الممرضين
الدكتور من فضلكم خليكوا بره الحقنه بسرعه
منذر ...لو قربت منه هقتلك انا هادي وكويس ومش هنااام اشوف زيد بعيني وانا ههدي ساااامع😡😡😡
روح....سيبوا سيبوا يا دكتور من فضلك قربت منه روح ومسكت ايده اهدي يا حبيبي والله العظيم وحيات غلاوتكم عندي زيد كويس وزي الفل وحياه غلاوه زيد في قلبي هو بخير💔🥺
بصلها منذر بوجع ونزلت دموعه تجري علي خده🥺🥺💔
حطله الدكتور الحقنه في المحلول وساعدوا سالم وياسين انه ينام تاني ثواني وغمض عينه ونام🥺💔
الكل اتنهد براحه رغم الوجع والدموع اللي نزلت
روح....يارب قومهم بالسلامه
كاريمان....يارب اللهم امين متوجعناش فيهم وتقوم يا زيد بألف خير🥺
سالم.....نهدي بقي ومش عايز اي قلق تاني كفايه اللي حاصل واللي احنا فيه ده تمام يا صبا🤨
صبا.....طيب اشوفه🥺💔
اتنهد سالم وخرج وسابهم🤨
روح....تعالي يا صبا اقعدي هخليكي تشوفيه والله 🥺
مر البوم وجه تاني يوم والوضع زي ما هو منذر فاق ونفسياً كان متدمر مش عايز يشوف اي حد ولا يتكلم مع حد خصوصاً بعد ما عرف اللي حصل لزيد صمم يشوفه كان سالم والشباب بيقعدوا علي كرسي متحرك يشوفه ويرجع تاني علي اوضته يفضل ساكت الشباب مكانوش بيسيبوا خالص وبيبدلوا مع بعض الظابط جاله عشان يفتح المحضر قال انه ميعرفش اب حد فبهم خالص وحكالهم اللي حصل انهم كانوا بيساعدوا شابين وبعد.كده الرجاله دي ظهرت وقال ان زيد ميعرفش الشابين كان بيساعدهم عادي و مكانش يعرف اي حد منهم ولا من الرجاله الباقيه والموضوع بقي غامض بالنسبالهم كلهم اكتر.
الدكاتره طمنوهم علي حاله زيد انها مستقره و الغيبوبه مؤقته ومفيش اي قلق خالص.
لكن فضلت حاله الحزن موجوده رغم الراحه البسيطه اللي طمنت قلوبهم بعد كلام الدكاتره
في المساء في غرفه منذر
وصل الشباب بعد ما خلصوا شغلهم عشان يطمنوا عليهم.
منذر مان قاعد ساكت وحزين
مراد....يا ابني كل متتعبش قلبنا بقي
ياسين....وسعلي كده انا هأكله🤨
امير....اه والنبي عشان بيغلب اهلنا
منذر...انا مش جعان والله سيبوني براحتي الله يخليكم💔
ياسين....عايزني اسيبك تاكل وانت ساكت
راجخ...يلا با حبيبي كل عشان تبقي كويس امك هتتجنن عليك يا منذر
منذر....بدموع في عينه مليش نفس انا مش عايز اي حاجه غير اني اشوف زبد بيفتح عينه بس 🥺 انا السبب انا عارف ان زيد كان ماسك نفسه عشاني بس انا استسلمت بسرعه وهو مقدرش يكمل بعدي
جلال....ياعم استسلمت ايه بس ده انت وشك بقي شبه خريطه العالم 🥺
ضحكوا ملهم غصب عنهم😂😂
سالم...والله عنده حق انت كويس انك استسلمت عشان يسيبوكوا وإلا كنا زمانا بندور علي ملامحك😂😂
راجح....كله نصيب يا منذر واللي حصل ده ربنا كاتبه ومقدره ادينا اهو اتطمنا عليك عقبال ما نطمن علي زيد وقلبنا يرتاح
مراد.....انا مستني اطمن علي زيد ومش هسكت لحظه لحد ما اجيب اللي عملها وهنروق عليهم مع بعض
سالم.....هنعمل حفله علي الضيق بس خد بالك هتبقي بارتي جامده من غير هدوم😉😉
ابتسم منذر غصب عنه💔
ياسين.....ابسط ياعم وهنخليك انت وزيد تقعدوا وترتاحوا واحنا هنعلم عليهم 😉
منذر....يقوم هو بس وكل حاجه تبقي سهله💔
سالم.....هيقوم اطمن بقولك ايه متشلش هم الشغل شمس ومريم وميار اخت ملك وفيروز مولعين الدنيا وانا والشباب مش سايبنهم وعرفت من شمس ان في طلببه المفروض كانت هتتسلم اخر الاسبوع متشلش هم كله تحت السيطره
نادر....اه انا ويوسف متابعين ومظبطين العربيات وكله تمام اطمن
منذر....ربنا ما يحرمني منكم ابدتً بس معلش انا ليا طلب بعيد عن الشغل
سالم....اطلب عيني
منذر...عايز حد يطمن علي چورچ انتوا عارفبين انه تعبان وملهوش غيرنا
قاسم.....خلي چورچ عليا انا هطمنه و اطمن عليه واشوف لو محتاج حاجه
منذر....ماشي يا قاسم
في الوقت ده دخل يوسف وداوود
داوود.....مساء الخير
راجح...فينك كل ده
داوود....عندي اخبار مش عارف تتسمي حلوه ولا وحشه ولا انا فاهمها اصلا
مراد....خير في ايه ؟
داوود.....علي اخو عاصم 🙄
سالم....هما اللي عملوها صح😡
داوود.....عملوا ايه بس ده علي واكل نفس العلقه اللي منذر وزيد كلوها وبين الحياه والموت 🙈
مراد.....انت بتقول ايه وحصل امته؟
يوسف....احنا عرفنا بالصدفه الوقت علي أتضرب في نفس اليوم اول امبارح بس عاصم مكانش معاه داوود كلمه وعرفنا منه اللي حصل بالتفصيل والمشكله ان عاصم كان شاكك فينا احنا ولما عرف اللي حصل اتصدم وقال انه هيجيلنا بكره ويتكلم معانا
بصوا كلهم لبعض بصدمه 😳
و اتأكدوا ان اكتر حد كانوا شاكين فيه مطلعش هو 🙈
- يتبع الفصل التالي اضغط على (رواية احفاد الطوبجي) اسم الرواية