رواية احفاد الطوبجي الفصل الثامن و العشرون 28 - بقلم اميرة اسامة
💔البارت الثامن والعشرين💔
اتصدم الجميع بمجرد ما عرفوا إن (علي) كمان تم الإعتداء عليه بعد ما كان الاغلب شاكك فيه هو واخوه.
مراد....انت متأكد يا داوود؟
داوود...والله ده اللي حصل يا مراد انا عرفت أصلاً بطريقتي أن علي في المستشفي وبين الحياه والموت والكلام اللي كان داير ان احنا اللي وراها وابوه قال ولاد الطوبجي ميعملوهاش ولما عرفت كلمت عاصم بس مجبتش سيره اني سمعت انهم شكوا فينا اتكلم معايا عادي جدا بس لما عرف اللي حصل لمنذر وزيد واضح انه اتصدم و بان علي طريقته انه اتاكد اننا ملناش يد فيها.
راجح....والله فيه الخير مهيب رغم انه مش بيطقنا بس قال كلمه حق
سالم....ايوه بس انت اتأكدت يا داوود مش عارف حاسس انها لعبه مش يمكن هما و بيبعدوا العين عنهم
يوسف....داوود قالي كده في البدايه كان شاكك انها نمره يعني بس بعتنا حد المستشفي واتأكدت
داوود....علي ضايع يا سالم ولو كانت نمره كان هيبقي شويه كدمات علي خرابيش مش هيبقي ضايع بالمنظر ده
قاسم.....يعني احنا شكينا فيهم وهما شكوا فينا وده يدل علي ان اللي عملها كان قاصد ده يحصل خصوصاً انه بالتزامن مع استلامنا المشروع
راجح....صح يا قاسم بس بردوا احنا لسه مش عارفين مين ممكن يكون عملها لازم نشوفهم ونتكلم معاهم اكيد هما عندهم رأي
داوود....بكره عاصم هيكلمني وهيجي وهنشوف معاه الدنيا فيها ايه.
نادر.....يعني كده منذر دخل في الحوار من غير اي ذنب
منذر....ايه العبط اللي انت بتقوله ده يا نادر انا بعد الكلام ده بحمد ربنا اني كنت مع زيد وانه مكانش لوحده و ياريتني كنت بداله و مشوفهوش نايم النومه دي💔
راجح...بعد الشر عليك انت وهو يا ابني
زيد هيقوم ويبقي كويس وانت كمان هتبقي بخير الحمد لله انها جات علي قد كده.
مراد...منذر اللي حصل حصل ولو علي زيد كل الدكاتره مطمننا انت بس عشان خاطرنا وعشان خاطر امك اهتم بنفسك عشان تشد حيلك الدكتور قال لازم تهتم بالتغذيه عشان كتفك يرجع بسرعه زي الاول و كويس انها جات في الشمال
منذر....شمال ولا يمين دي فيها ست شهور يا مراد
سالم....ولا ست شهور ولا حاجه شهر بالكتير وهتبدأ تتحسن وشويه شويه هتفك الحامل
منذر.....كله يهون يا سالم المهم زيد يصحي بقي💔
مراد.....ياض انا بدأت اشك فيكم والله 😂😂😂
ياسين.....لسه واخد بالك 😂
منذر...بابتسامه والله انتوا الاتنين متربتوش🙈
رن موبايل سالم في الوقت ده قام خرج بره الاوضه.
سالم.....ايوه يا حبيبي.
شمس....بارتباك سالم انت فين؟
سالم....انا في المستشفي يا شمس حصل حاجه ولا ايه؟
شمس.....طيب بص انا هقولك علي حاجه بس يعني متقلقش
سالم....بقلق في ايه انتي كويسه حد حصله حاجه😳
شمس...لا لا بص انا قمت اشوف صبا عشان هي حالتها وحشه جداً بس مش لقتها في الاوضه نزلت اشوفها تحت ملهاش اي اثر بكلمها علي الموبايل بيرن بس مش بترد ولا بتكنسل بعتلها كذا ماسدچ بتوصل بس مش بتشوفهم وانا بصراحه قلقانه عليها عارفه انها اكيد مش هتروح المستشفي الوقت لانها كانت من الصبح هناك ومش عارفه ممكن نكون فين وخايفه أسأل عليها الكل يقلق خصوصاً روح من ساعت اللي حصل وهي أول ما بترجع بتحبس نفسها في الاوضه مش بتطلع.
سالم....طيب اسمعي يا شمس انتي متأكده انها مش في القصر كله؟
شمس....بصوت واطي اه والله انا شوفتها في كل مكان حتي دخلت اوض البنات عملت نفسي بشوفهم عشان اتأكد انها موجوده ولا لا ملهاش اثر وفي الجنينه كلها مش موجوده
سالم.....طيب مش ممكن تكون عند روح؟
شمس....لا انا دخلت بردوا عند روح اشوفها كانت نايمه علي السرير خرجت علي طول ونزلت اكلمك
سالم....طيب خلاص يا حبيبي اتعاملي عادي ومتقوليش لحد انها مش موجوده انا عرفت هي فين؟
شمس....فين طيب طمني انا قلقانه عليها اوي
سالم....في الڤيلا اكيد يا شمس انا هخلص هنا وهروحلها
شمس.....طيب اجي معاك ؟
سالم.....لا يا حبيبي خليكي انتي انا هاخد مراد وهجيبها وهاجي
شمس....طيب يا حبيبي بس معلش لو لقتها فعلاً هناك طمني بس حتي لو بماسدچ
سالم....حاضر يا قلبي بس اطمني هي اكيد هناك.
شمس....يارب ماشي يا حبيبي خلي بالك من نفسك
سالم.....حاضر سلام يا قلبي
شمس.....سلام❣️
..............
دخل سالم تاني علي الاوضه وراح قعد جمب مراد
مراد....بهدوء ايه في حاجه ولا ايه؟
سالم....دي شمس
مراد....اه طيب
سالم....بقولك ايه
مراد....قول
سالم....صبا مش في البيت
بصله مراد بسرعه😳
سالم....شمس دورت عليها في كل مكان
ملهاش اثر ولا بترد علي تليفون ولا علي رسايل
مراد....هتكون راحت فين؟
سالم ...الڤيلا اكيد
مراد....طيب ايه يلا نروح نشوفها
سالم.....هنروح بس متقولش قدام الباشا ولا قدام حد خلينا الاول نطمن عليها كده كده الكل ملخوم في اللي حاصل ومش هيحسوا بوجودها
مراد....مين قال ابوك وروح مهما كان فيهم لو ملمحوهاش هيحسوا علي طول
سالم....طيب خلينا نشوفها الاول ونطمن عليها وبعدين نرجعها
مراد....وهي راحت تعمل ايه لوحدها هي ناسيه انها حامل ومينفعش تبقي لوحدها خصوصاً في الوضع ده😡
سالم.....بقول ايبييييه انا مش بقولك عشان تيجي وتتعصب عليها هي اللي فيها مكفيها هتيجي معايا بلاش تتعصب عليها انت فاهم طبعاً
مراد.....يعني بزمتك بعد اللي حصل ده واحنا مش عارفين مين اللي عمل فيهم كده تقوم هي واخده بعضها وراحه الڤيلا لوحدها😡 ناقصه تهريج
سالم....ياعم هي دماغها كده انت عارف صبا حساسه واكيد مش عارفه تعبر وبعدين هي مصدومه ومش مستوعبه ان زيد في غيبوبه مش هنيجي احنا كمان ونحط عليها
مراد.....انا معرفش الكلام ده😡✋🏻
انا اللي اعرفه ان في حد كان هيموت زيد ومنذر ومش عارفين هو مين يبقي الكل يهدي ويقعد عاقل لحد ما نجيب امه
سالم...طيب وطي صوتك عشان الباشا خلينا الاول نروح نطمن عليها
مراد....ماشي يا سالم😡
سالم....فك🤨🤨
مراد....😒 ابو معرفتكم يا شيخ
ضحك سالم وهز راسه🙈
بعد وقت بسيط راح المل اطمن علي زيد قبل ما يمشوا وبعدين سلموا عليهم و مشيوا.
امير.....الليله ليلتك يا قلبي😉
منذر....🙄 ده مين انا🤨
امير....هو في غيرك😉
جلال.....خاف علي نفسك وخدلك ساتر
منذر....بضحك اتلم انت وهو عشان مروقوش
جلال....والنبي ايه وانت ماشاء الله صحتك تهد جبال😂
منذر....ياض اوعي يغرك الكام خربوش دول
امير....الحق بيقولك كام خربوش والله خايف اوريلك وشك في المرايه😂
منذر.....مش مهم الشكل المهم اني لسه بصحتي😒
جلال....واضح واضح😂😂وبعدين احنا خلاص قررنا نعمل عليك حفله انهارده
منذر....اللي هيفكر يلمسني هطلع عين أهله😡
امير.....طب بالهداوه طيب😉
منذر....ولاااا🤨😂
جلال.....متحاولش مش هنقدر نقاوم خصوصاً بالمريله اللي انت لابسها دي😂😂😂😂😂
امير....مخلياه قمر😂😂😂
منذر...اظبط ياض با وسخ انت وهو😂😂😂
امير.....يخربيتك ابعد عنه يا جلال بدل ما يقع خلاص بنهزر😂😂😂
منذر...ابو معرفتكم خلصت من ياسين وسالم عشان تطلعولي انتوا😒
امير....احنا هنستني عليك بس تخف كده ومش هنسيبك يا عريس😉
منذر.....عرييييس منيييين خلاص كان فيه وخلص🙈
جلال....احيه 🙄 لا متقولش اختي هتاخد مقلب
منذر....وانهي مقلب😂😂🙈
امير.....هو الضرب كان فين بالظبط🙄
جلال....واضح انه مكانش في وشه بس ضيعوا مستقبلوا😉😂😂😂
منذر.....اتلم ياض احنا جامدين اوي🤨
جلال...لا لاموأخذه احنا عايزين دليل😂😂😂
منذر....دليل في عينك يا جلال الكلب
جلال.....متقلقش هو كشف بسيط وكل حاجه هتخلص بسرعه
امير....اه نطمن علي مستقبل البت الغلبانه😂😂😂😂
منذر....فينك يا زييييييد🙈
امير.....مش هينقذك من ايدنا
منذر.....الله يخربيتكم طيب انا عايز ادخل الحمام الوقت هدخل ازاي بعد ما عرفت نواياكم الوسخه😒
جلال....تعالي انا هدخلك🙄
منذر....وانا اتجننت ملاقتش غيرك يا واطي😒
امير....امشي ياض محدش هيدخله غيري اسند عليا🙄
منذر....لا ياشيخ اسخن من ستي إلا سيدي 😒😒 غور انت وهو انا هقوم لوحدي
جلال....هتقوم لوحدك ماشي عرفناها هتتصرف جوه ازاي🥴🥴
منذر....ايه هتصرف ازاي دي هتصرف علي روحي يعني هتعامل😒
جلال....تتعامل ازاي🥴 ايد معمول فيها عمليه والتانيه متشلفطه هتتعامل ازاي لا مواخذه هندوس علي زرار 😂😂
منذر....😒😒😒
امير....لا ملكش حق ايه الباصه اللي بتبصها للواد دي هو قال ايه غلط 😂
منذر...خليك في حالك انت وهو انا هتصرف
جلال....طيب خليه يا امير اصل الباشا كان مركب قسطره لحد الصبح فا كان بيتعامل عادي يوريني بقي هيدخل ازاي ويطلع.....
قاطعه منذر بضحك
منذر.....بس ادام وصلنا ليطلع توقف كلام مش داخل والله لو هعملها علي نفسي ما هتساعدوني يا كلاب😂😂😂😂
امير....😂😂😂😂😂بطني منكوا لله
جلال....😂😂طب مش هنبص.
منذر.....منكم لله ما كنت خليت يوسف ولا داوود يساعدوني محترمين مش زيكم😒
امير.....هتلف تلف ومش هتلاقي غيرنا😉
منذر.....مش عايز ادخل😒
جلال....براحتك اخرك ساعه وهتيجي تبوس ايدينا عشان نساعدك😂
منذر....يلا يا واطي😂😂
...................
وصل سالم ومراد قدام الڤيلا عند زيد
مراد.....ابوك مش مبطل اتصال
سالم....رد عليه وقوله اننا بنجيب حاجه وراجعين
مراد....ايوه يا راجح
راجح....انتوا فين أختفيتوا ليه؟
مراد.....مفيش سالم بيجيب حاجه لشمس وقولنا بالمره نبص علي چورچ كده
راجح....طيب يا حبيبي خد ا بالكم من بعض ومتتأخروش انا مش ناقص عقلي يودي ويجيب يا مراد
مراد....متقلقش يا حبيبي و اطمن احنا معانا كمان الجارد
راجح....بردوا متتأخروش
مراد....حاضر يا حبيبي وراك علي طول
راجح....سلام
مراد....سلام
عايزين ننجز عشان ابوك من صوته قلقان ومش هيرتاح غير لما نبقي قدامه
سالم....طيب يلا انزل بقولك ايه انا حاسس انها مش هنا النور مقفول كله
مراد.....تعالي نشوف يمكن مش منوره النور
سالم....طيب يلا.
مراد....و بتقولي ابوك مش هيحس بوجود صبا اهو اختفينا عنه من الطريق حس اننا مش وراه
سالم.....ربنا يستر وتطلع بس جوه
قربوا من الباب رن مراد الجرس
مراد....انت مش معاك المفتاح هنا
سالم....لا مش معايا رن تاني كده بيتهيألي هي موجوده في نور بسيط فوق في الاوضه
فضل مراد يرن بعدين لمحوا نور الڤيلا من جوه بينور
مراد.....براحه الحمد لله طلعت هنا
سالم....براحه عليها هااا 🙄
مراد.....بغضب بسيط بس يا سالم😡
سالم....تمام👍🤐
ثواني واتفتح الباب اتصدموا من منظر عينها وشكلها من كتر العياط والحزن اللي باين عليها
بصلها مراد بغضب بسيط مش عارف يتعصب عليها ولا يعمل ايه اتفاجئ بيها بتترمي في حضنه وبتعيط بطريقه توجع القلب
مراد....شششش اهدي يا صبا بس يا حبيبتي كفايه عياط
سالم.....بحب طبطب علي راسها كده تخوفينا عليكي يا صبا
مراد....اهدي بقي يابنتي العياط بالشكل ده غلط عليكي قولنا هيبقي كويس الله انتي بتبشري عليه🤨
صبا....انا عايزه زيد يا مراد قولتلكم دخلوني عنده محدش فيكم رضي
مراد...يابنتي حاولنا الدكتور قال لا عشان الجرح بتاع العمليه والتلوث وبعدين سمعتي بنفسك انه قال غلط عليكي عشان الحمل
سالم.....والله ما نفع يا صبا وبعدين ما انتي شايفه احنا كمان منفعش اننا ندخل .
صبا....طيب اشوفه دقيقه بس يعني هي الدقيقه هتأثر علي الحمل في ايه💔💔💔🥺
سالم....هو مش الدكتور قال غلط يبقي مش هتفرق يا صبا دقيقه من ثانيه نستني يا حبيبتي يخرج بالسلامه من الرعايه او حتي الدكتور يقول انه عادي تدخلي
صبا....امتتتته؟؟؟ استني لحد امته قولي وقت محدد وانا والله مش هطلب منكم تاني بس قولي استني لحد قد ايه زيد دخل في غيبوبه انتوا عارفين يعني
غيبوبه يعني وقت محدش يعرفه غير ربنا يعني هنفضل قاعدين حاطين ايدنا علي خدنا
مراد....بهدوء طيب انتي شايفه في ايه في ايدنا نعمله غير اننا نستني لو في حاجه احنا مقصرين فيها قولي ونعملها
صبا...انا مقولتش انكم مقصرين يا مراد بس كمان مش حل اننا نفضل قاعدين أيدنا علي خدنا زيد حسب كلام الدكاتره كويس و حالته مستقره يبقي ليه هو في غيبوبه ملهاش اي تفسير 🥺
مش حل اننا نستني انه يفوق لوحده💔 طيب مش يمكن اضعف الايمان اننا ندخل عنده ونحاول نكلمه يمكن يكون سامعنا يمكن يستجيب يمكن لو قولتله قد ايه انا محتجاه يقوم لو روح دخلتله وقالتله انها تعبانه من غيره هيقوم لو كل واحد فينا دخل قاله قد ايه حياته واقفه من غيره هيقوم عشان هو مش هيستحمل يشوفنا في الحاله دي🥺
انهارت صبا حرفياً بعد اخر جمله خدها مراد في حضنها بكل قوته وعينه لمعت بالدموع
سالم....طيب اهدي ياصبا وانا والله العظيم اوعدك بكره هعمل كل اللي اقدر عليه وهدخلك 🥺💔 علي فكره انا كنان حياتي واقفه من غير زيد انا بحاول اكون تمام واعوض اللي هو مش قادر يعمله في رقدته بس مش عارف يا صبا زيد بالنسبالي مش اخويا الصغير
طول عمري بعتبره هو الكبير يمكن الفرق بينا بسيط بس مش السن اللي مخلي زيد بالنسبالي هو الكبير حجات كتير اوي يا صبا صدقيني لو فضلت اعدهم مش هخلص
انا لو في حد ليا أفضال كتير عليا هيكون زي عمره ما فشل مره انه يكون في ضهري ولا انا عمري ندمت اني طلبت مساعدته زيد كل حاجه ليا في الدنيا دي يا صبا واقرب واحد ليا من اخواتي وصاحبي وسري وضهري والكتف اللي بتسند عليه زيد صوته بالنسبالي امان يا صبا كفايه بس اني اسمع صوته بحس اني مطمن عشان كده انا الوقت تعبان بس بحاول اكون كويس كفايه بس اني اسمع صوته وقتها الدنيا هترجع تنور تاني يعني انا محتاج زيد يفوق زي ما انتي والكل محتاج ده🥺💔
صبا....طيب خلينا نجرب اللي قولتله يا سالم يمكن يجيب نتيجيه🥺 وحتي لو الدكتور فضل مصمم اني مش هينفع ادخل ادخل انت او مراد او خالو او روح اي حد مش مهم بس اللي يدخلوا يوصلوا اننا تعبانين من غيره🥺💔
سالم...بابتسامه هاديه نزلت دموعه تجري قرب منها باس راسها ومسح دموعها حاضر يا حبيبتي هنعمل كده بس بقي عشان عيطتيني وعيطتي مراد وهيطين عيشتنا🙈🙈
مراد....🥺💔ينفع كده
صبا....حقكم عليا🥺💔
مراد.....انا عايز اعرف انتي خرجتي ازاي وجيتي هنا ليه
صبا.....لقيت نفسي مخنوقه ومش عارفه اعمل اي حاجه جيت علي هنا كلهم كانوا في اوضهم مشافونيش
سالم...بقولك ايه اللي قدامك ده كنت جاي بهديه وبقوله براحه عليكي عشان كان ناوي يطلع عينك اول ما فتحتي الباب وانتي بتعيطتي خدك في حضنه وعيط معاكي😂😂
مراد....مقدرتش دي صبا ياض بنت اختي وبنتي❣️
صبا...بأبتسامه من بين دموعها ياريت الناس كلها في حنيه مراد ربنا يخليك لينا ياحبيبي❣️
مراد ...ويخليكوا ليا بس والله لو اتكررت تاني هعلقك احنا لسه منعرفش مين اللي عمل كده ومش عايزين نبقي قلقانين علي اي حد فهمتي
سالم....ولو ياستي حسيتي انك مخنوقه
مضايقه عايزه تمشي في الشارع حتي قوليلي وانا هعملك اللي انتي عيزاه بس اكون معاكي
صبا....حاضر🥺 هو انتوا عرفتوا ازاي اني هنا
سالم....يعني توقعت اصلك هتروحي فين غير هنا اللي فتن عليكي اصلاً شمس دورت عليكي ولما ملاقتكيش قلقت وكلمتني و أمنتني اطمنها ونسيت والله
صبا....حقكم عليا والله مكانش قصدي اقلقكم 🥺❣️
سالم....ياستي اعملي اللي يعجبك المهم انك بخير بس زي ما قولتلك اي وقت تحبي تيجي هنا عرفيني او عرفي مراد اتفقنا
صبا....حاضر❣️
مراد..طيب ممكن يلا بقي عشان خالك اصلا لما عرف اننا مش وراه علي الطريق قلق ما بالك لو عرف انك خرجتي لوحدك هيطين عيشتنا بسببك
صبا....هو معرفش اني جيت هنا
مراد...لا هو معرفش انك خرجتي من القصر اصلاً🤨
صبا....طيب انا هروح ازاي انا خايفه🥺
سالم....اهم يعملوا العمله ويرجعوا يخافوا😂😂 عموما متقلقيش انتي معايا انا والكبير 🤨
مراد....اتنيل ده هيعلقك انت والكبير ومش هيقدر يكلمها😒
ضحكوا وبعدين خدت صبا حاجتها وخرجت معاهم وراحوا علي القصر.
...............
في قصر الطوبجي.
وقفت زهره في المطبخ تساعد الشغالين ومعاها داده زينب
زهره....داده زينب اخرجي اقعدي بره شويه انا واقفه مع عايده
زينب....ما انا واقفه معاكي يا بنتي
زهره....لا انتي واقفه من بدري ارتاحي شويه وبعدين انا نفسي اشوفك قاعده شويه
زينب...بابتسامه خدت علي كده والله يابنتي لو ريحت شويه اتعب القاعده بتجيب المرض واديني بمشي رجلي وبتسلي
زهره....ايوه بس لازم ترتاحي شويه يا حبيبتي
زينب....انا مرتاحه متتشغليش بالك انتي بيا وبعدين اديني واقفه معاكي بنتسلي ولا زهقتي مني
زهره....بابتسامه ياخبر طب ده انا اتعودت عليكي والله يا داده وربنا عالم انا بحبك قد ايه وبحس انك واحده مننا
زينب.....وانا كمان والله القلوب عند بعضها ربنا يسعدك يا بنتي ويريح بالك
ويبعد الهم عن قلبك
بصتلها زهره وابتسمت والدموع حجرت في عينها 🥺
زهره....الله حلوه اوي الدعوه دي يا داده جات في وقتها
زينب....ربنا يجعلك نصيب فيها يا بنتي انتي وكل اللي في البيت ويطمن قلب روح هانم علي استاذ زيد واستاذ منذر
زهره...يارب يا داده يقومهم بالسلامه بقولك ايه انا هخرج اشوف السفره واشوف البنات ماشي
زينب...روحي وانا هنا مع عايده والبنات هنخلص كل حاجه
زهره...تمام رجعالك بسرعه
خرجت زهره بره وطلعت علي فوق عشان تنادي عليهم
في الوقت ده راجح والشباب كانوا رجعوا
دخلت زهره علي روح
زهره...روح يلا يا حبيبتي العشاء جاهز
روح....مش عايزه اكل يا زهره كلوا أنتوا يا حبيبتي بالف هنا
زهره....مفيش الكلام ده يا ست روح انتي عارفه ان محدش فينا بيعرف يقعد ياكل غير والكل موجود
روح....بدموع🥺 اديكي قولتيها يا زهره هقعد ازاي وابني مش علي السفره ولا وسطنا ولا حتي قادرين نطمن عليه
زهره.....بدموع لا والنبي كفايه عياط انا تبعت وبعدين انتي بتبشري عليه هيبقي زي الفل وهينور حياتنا من تاني مش الدكاتره قالوا كده🥺
روح ...قالوا اه بس ابني في غيبوبه يا زهره انتي عارفه يعني ايه غيبوبه يارتني انا مكانه ولا اشوفه نايم النومه دي🥺💔
زهره....بحب حضنتها وعيطت🥺🥺 يا قلبي بعد الشر عليكي ربنا يخليكي لينا وتنوري حياتتا ديماً صدقيني يا روح عندي احساس انه هيقوم قريب وهيصحي اصلا مش فاكر اي حاجه غير اننا وحشنا زي ما وحشنا🥺💔
روح.....يارب يا زهره انا حاسه ان في حد بيشد قلبي من مكانه 💔حاسه ان قلبي بيتخلع من جوه احساس صعب ربنا ما يكتبه علي اي ام في الدنيا ابني راقد قدامي ومفيش اي حاجه في ايدي اعملها عشانه حاسه اني بموت والله
زهره....بعد الشر عليكي يا روح انتي في ايدك تدعيله ربنا هيسمع منك ومش هيخذلك انا واثقه ادعيله كتير يا روح ولازم تبقي كويسه عشانه انتي عارفه انك نقطه ضعف زيد لو عرف انك عامله في نفسك كده هيزعل منك 🥺
روح...غصب عني يا زهره مش قادره
زهره...حاولي والله هيبقي كويس وبكره نسمع اخبار كويسه عنه تفرح قلبنا
روح...يارب يا زهره ربنا يسمع منك🥺
زهره....طيب يلا بقي عشان خاطري
روح....صدقيني مش قادره عشان خاطري كلوا انتوا
زهره....انا هروح اقول للباشا وهو يتصرف معاكي المهم انك مش هتنامي من غير ما تاكلي 🥺
قامت زهره خرجت علي بره وراحت علي فيروز خبطت ودخلت
زهره....فيروز يلا با قلبي عشان تتعشي
رفعت فيروز وشها اول ما زهره شافتها اتصدمت وجريت عليها خدتها في حضنها
زهره...ايه ده ايه ده في ايه اهدي ياقلبي.
فيروز.....ااااااه💔💔
زهره.....فيروز مالك بس في ايه طيب اهدي براحه قوليلي مالك
فيروز....تعبانه يا زهره تعبانه اوي💔 انا ليه بيحصل معايا كده ليه كل حاجه في حياتي. بتتحول من حلو لوحش انا عمري ما كنت حد وحش يا زهره لبه بيحصل فيا كده
زهره....طيب اهدي قوليلي في ايه
فيروز....في اني بقيت احس ان حظي وحش وحظ اي حد بيقرب مني بيكون أوحش بقيت أتشائم من نفسي 💔🥺
زهره...ليه بتقولي كده يا فيروز ده انتي ست البنات كلهم ومفيش حد زيك لو بتقولي علي اللي حصل لزيد ومنذر فا دي حاجه ملكيش دعوه بيها ده نصيب
فيروز.....نصيب🥺💔 وليه ميكونش انا اللي وشي وحش
زهره....ايه اللي بتقوليه ده اوعي تقولي كده وانتي ايه ذنبك وبعدين ما هو منذر الحمد لله ربنا كرمه وبقي احسن وفاق وزي الفل وإن شاء الله زيد كمان هيقوم منها🥺
فيروز....يوم ما انفصلت عن حسام وحصل اللي حصل كان وقتها فرح داوود وليلي وبسرعه اتبدل الحال من فرح لحزن يوم ما كتبنا عقد الڤيلا حصل اللي حصل لمنذر وزيد صدقيني العيب فيا انا🥺💔
زهره.....هو فعلاً العيب فيكي انتي بس في دماغك وتفكيرك لان محدش بيفكر بالشكل ده🥺
فيروز.....اكيد بيفكروا كده ولو منذر محسبهاش كده اكيد طنط كاريمان هتحسبها كده حسام مات بسببي ومنذر اتأذي بسببي انا وشي وحش علي ولادها ليها حق تخاف مني
زهره....لا معلش استني اللي حصل لحسام انتي كنتي ضحيه فيه وده نصيبه في الاول والاخر ربنا يرحمه واللي حصل لمنذر حصل لاخوكي بردوا وده نصيبهم نيجي بقي لطنط معلش هي لو هتفكر بالطريقه دي تبقي مشكلتها هي مش مشكلتك بس بصراحه انا شايفه الست بتتعامل عادي و متقبله اللي حصل بكل رضا هي بجد اتغيرت يا فيروز و ميتهيأليش انها بتفكر بطريقتك دي يمكن الاول كنت اصدق بس الوقت بصراحه لا الست طيبه ومحترمه بتحبك اوي وصراحه انا كمان بقيت احبها لما قربنا منها.❣️
الباب كان موارب شويه وفجأه اتفتح
كاريمان....وانا كمان بحبك يا زهره والله وكلامك عني ده فرحني بصت لفيروز بأبتسامه جميله كويس ان في حد متأكد وواثق اني اتغيرت 🤨❣️
ابتسمت زهره وبعدين بصت لفيروز
زهره....طيب انا هروح اشوف باقي البنات وهسيبكم شويه مع بعض بس منتأخرش عشان نتعشي😍
كاريمان.....هتكلم مع فيروز كلمتين وهنحصلك ❣️
زهره....ماشي😉❣️
خرجت زهره وقفلت وراها الباب
قعدت كاريمان جنبها مسكت أيدها وبصتلها.
كاريمان....خدت نفس طويل وبدأت كلامها❣️
لما منذر فتحلي قلبه لاول مره في حياته وقالي قد ايه هو بيحبك من فرحتي انه فتحلي قلبه نسيت انك كنتي مرات ابني الصغير ومزعلتش لحظه انك تكوني مع منذر وفي حضنه
قولت الحي ابقي من الميت ولو الميت مبقاش موجود عمره ما هيتشال من قلبي بس من حق الحي انه يكمل حياته ورسالته ويعيش و إتمنتلكم من قلبي السعاده والهنا لما وافقتي الدنيا مبقتش سيعاني اكتر مش بس عشان شوفت في عين منذر فرحه مشوفتهاش في عمره كله لا عشان كنت عيزاكي ترجعي تاني وسطنا لاني اكتشفت اني بحبك بجد مش مجرد كلام❣️
اول امبارح للحظه كده حسيت ان قلبي مش مطمن و جوايا قلق مش فهماه ولا عارفه معني الاحساس اللي حسيته لما منذر فاق لاول مره مقدرش اترجم رد فعلك مكنتش عارفه انتي مبسوطه ولا عادي طول الوقت كنت شيفاكي باصه عليه بس واقفه بعيد اه شوفتك بتعيطي.ومفحومه من العياط بس مكنتش فاهمه انتي ليه متكلمتيش معاه ليه مقولتيش اي حاجه ده إحراج من الموجودين اخواتك واعمامك و بباكي ولا لسه محبتيش منذر زي ما حبك ومفيش لهفه بينكم انا بصارحك باللي جوايا و باللي حسيته يمكن يا فيروز توقعت كل حاجه انك تكوني محرجه انك تكوني محبتيش منذر انك تكوني مش لاقيه حاجه تقوليها لكن متوقعتش ابداً انك تفكري بالشكل ده
يمكن انتي الوقت رديتي علي السؤال اللي سألته لنفسي ليه كنتي بعيد ؟
بس هتصدقيني لو قولتلك اني اتمنيت الوقت يكون اي توقع من اللي اتوقعته وميكونش اللي انتي بتفكري فيه ده
لان ده معناه انك لسه مش واثقه فيا ولا واثقه اني اتغيرت
فيروز....بدموع خالص والله 🥺 انا بس خوفت وده كان احساسي مش اكتر
كاريمان....بس احساسك غلط يا فيروز انتي ملكيش ذنب في اي حاجه يا بنتي زي ما زهره قالت بيكي من غيرك كان هيحصل كده انتي عمرك ما كنتي وشك وحش يا فيروز بالعكس انتي من اول ما اتجوزتي حسام ورزق العيله بقي يزيد يوم عن يوم ويمكن انا اول مره اقول الكلام ده بس دي حقيقه اوعي تفكري بالطريقه دي يا فيروز و اوعي تفكري اني ممكن احط في بالي الكلام ده انتي وفيروز الصغيره ماليين عليا انا ومنذر حياتنا وهتبقوا ديماً منورنها ووش الخير والسعاده علينا انتي فاهمه❣️ مسمعكيش تقولي الكلام ده تاني وبكره تروحي تصالحي منذر
فيروز.....🥺هو زعلان مني صح
كاريمان....بضحكه جميله هو مقالش بس اكيد اي ام بتفهم ابنها شوفي كنا كام واحد قدامه لما فاق ولما فضل يزعق عشان عايز يشوف زيد بس انا واثقه انه كان هيبتسم شويه لو قولتيلوا كلمه ولا لو قربتي منه
فيروز....بس انا مكنتش اقصد والله🥺
كاريمان....عارفه او بمعني اصح انا فهمت الوقت رد فعلك بس هو كمان من حقه يفهم حتب لو مش هتقولي من حقه يحس بحبك يا فيروز فهماني❣️
فيروز....بابتسامه بسيطه فهماكي ومش عيزاكي تزعلي مني صدقيني انا خوفت تفكري بالطريقه بتاعتي🥺
كاريمان....مقدرش ازعل منك ولازم تعرفي اني عمري ما هفكر بالطريقه دي اتفقنا يا أحلي بنت في الدنيا❣️
فيروز....بحب اتفقنا❣️
كاريمان....تعالي في حضني يلا😍
حضنتها فيروز و حست براحه بعد كلامها مع كاريمان❣️
.............
خرجت زهره من اوضه صبا وفضلت تدور عليها.
في الوقت ده قاسم كان طالع علي اوضته ولمحها من بعيد راحه جايه وشكلها قلقانه
خرجت شمس من اوضتها عشان تنزل تحت
زهره...شمس شمس
شمس....ايوه يا زهره
زهره....مشوفتيش صبا انا بدور عليها ومش لقياها
شمس....بارتباك 🙄🙄اااا اصل
زهره....اصل ايه في ايه ياشمس هي صبا مش هنا😳
قاسم....مساء الخير في حاجه ولا ايه؟
شمس....مساء النور
زهره....بسألها عن صبا
قاسم....ليه مالها صبا؟
زهره....دورت عليها في كل مكان مش لقياها
قاسم....هتكون راحت فين يعني هي طفله شوفيها تحت في الجنينه
زهره....بقولك مش موجوده انا طلعت من تحت وهي كانت في اوضتها من بدري مخرجتش
شمس....طيب اسمعيني ووطي صوتك صبا مش في البيت🙄
زهره.....مش في البيت يعني ايه راحت فين انا اخر مره سيبتها كانت في اوضتها
قاسم.....انتي عارفه هي فين يا شمس؟
شمس....ابوه انا من حوالي ساعتين دورت عليها ملقتهاش اتصلت بسالم قولتله انها مش هنا كان وقتها في المستشفي وبعدين راح هو ومراد الڤيلا بتاعت زيد ولقوها هناك
زهره....دي اكيد اتجننت لما ترجع هطين عيشتها😡
قاسم...في ايه لده كله راحت الڤيلا واهي شمس بتقولك انها كويسه ومعاها سالم ومراد
زهره....انت بتقول ايه بقولك خرجت لوحدها
قاسم....هي صبا صغيره يا زهره ولا هي محتاجه تاخد الاذن🤨
زهره.....لا ياقاسم بس لما يبقي حد طالع علي زيد ومنذر ويعمل فيهم اللي عمله و منبقاش لحد الوقت عارفين مين هو وايه مصلحته يبقي لازم نقلق و مينفعش صبا تخرج لوحدها
شمس....ماهو ده اللي خلاني قلقت وبصراحه مرضتش اقول عشان متقلقوش قولت سالم يتصرف
قاسم.....انا مجاش في بالي اللي حصل ده خالص بس المهم انها بخير
شمس....اه سالم قالي انهم داخلين علي القصر فا قولت انزل اشوفها زمانهم وصلوا.
زهره....وسعيلي بقي كده انا هنزلها😡
شمس.....بس متتكلميش قدام بابا احسن هي قلقانه منه عشان ميزعلش منها.
زهره.... المفروض تقلق مني انا😡😡
ابتسم قاسم ابتسامه بسيطه علي زهره من غير ما تاخد بالها ونزل وراهم.
.................
في جنينة القصر...
صبا كانت في حضن راجح ودموعها نازله🥺
صبا....حقك عليا يا حبيبي والله بس انا حسيت اني مخنوقه و لاقيت نفسي بروح علي الڤيلا
راجح....يابنتي انا مش مضايق منك انا بس خايف عليكي يعني انتي لو قولتي انك عايزه تروحي مكانش حد هيقولك لا بس علي الاقل يبقي معاكي الجارد او حد مننا
صبا....يعني انت مش زعلان مني🥺
راجح....مقدرش يابنت الغاليه بس هزعل لو اتكررت تاني انا مش عايز حد فيكم يحصلوا حاجه كفايه اللي حصل وفي نفس الوقت انا مبحبش اكون خانقكم ومعيشكم في رعب بس الحرص واجب علي الاقل الفتره دي اتفقنا يا صبا.
صبا....حاضر يا خالو🥺
زهره....انتي كنتي فين يا صبا🤨
صبا...بصوت واطي خبيني منها يا خالو🥺
راجح...بابتسامه مليش دعوه استلمي بقي
زهره....انتي مبترديش ليه ده انا هطلع عينك انتي بتغفليني يا صبا وبتخرجي من ورايا😡 يعني نرجع من المستشفي سوا تقوليلي هطلع انام وتضحكي عليا
صبا....🥺🥺🙄ماهو
زهره....ماهو ايه انتي مجنونه يا صبا عشان تخرجي لوحدك وبعدين ازاي محدش شافك ولا حد طلع وراكي من الجارد
صبا.....ماهما شافوني و فتحولي البوابه🥺
زهره....والله يا صبا ما عارفه اقولك ايه بس اللي عملتيه ده مش صح علي الاقل كنتي عرفتيني وكنت جيت معاكي يا ستي حتب لو مكنتيش عايزه حد.كنت فضلت في الجنينه وانتي قعدتي لوحدك
صبا....طيب خلاص متزعليش🥺
زهره....لا زعلانه ولو كان حصلك حاجه مكنتش هسامح نفسي يا صبا عشان انا مطلعاكي بأيدي لما رجعنا
صبا....قول حاجه يا خالو🥺
راجح....بلاش انا عشان هقف مع الحق🤨 زهره بتتكلم صح بس معلش امسحيها فيا انا يا زهره وسامحيها المرادي
زهره.....عشان خاطرك بس 😒 يلا اطلعي غيري بسرعه عشان تاكلي ولا اقولك روحي اغسلي ايدك واسبقينا ابقي غيري بعدين
صبا.....انا مش عايزه اكل🥺
زهره....😡
شمس....اجري بسرعه هتتحول🙈
زهره.....انا مش عابزه دلع لا منك ولا من اي حد محدش فيكم بياكل كويس من ساعت اللي حصل والاكل ملهوش علاقه بالزعل كفايه روح والحاله اللي هي فيها
راجح.....لسه مش عايزه تنزل من فوق
زهره....ولا عايزه تاكل كمان أتحايلت عليها كتير مش راضيه بص معلش انا هطلعلكم العشاء فوق وانت اكلها بطريقتك بقي عشان غلبت معاها
راجح.....طيب انا هحاول انزلها عشان متلكلوش لوحدكم
زهره....متحاولش مش هترضي متحملش همنا احنا هناكل ونتعامل بس اكلها هي
راجح....ماشي يا زهره خلاص هطلع انا
قاسم.....اطلع يا باشا❣️
مسكت زهره موبايلها اتصلت علي جنه
جنه....ايوه يا مامي
زهره....مش معقول يعني هقف انادي عليكم كأني في الشارع يلا انزلوا😡
جنه....يا مامي قولنالك ملناش نفس
زهره....والله يا جنه لو ملاقتكم قدامي الوقت حالاً ما هيحصل كويس اخلصيييي😡
سالم.....اهدي يا ابو دومه😂
نادر.....زهره عامله حمله علي القصر ولا حملة قسم الازبكيه😂😂😂
زهره...تعبت😡 كل ما اكلم حد يقولي مليش نفس مال الاكل بالزعل مش فاهمه هو احنا عاملين حفله ياكلوا اي حاجه عشان يقدروا يكملوا يومهم😡
نادر.....صحيح مال الاكل بالزعل🙄
زهره....ولا مراتك الهبله اللي هتجنني دي كمان عايشه حياتها علي الاسناكس زي الاطفال مش عارفه عايشه ازاي دي
نادر....مين دي جعفر🤨 دي جعفر بتاكل اي حاجه تيجي في سكتها انا خايف اصحي في مره الاقي دراعي ناقص😒
زهره.....دي بتضحك عليك والله ما بتاكل حاجه عدله وكل اكلها تافه اندومي وسناكس ومفيش اي حاجه مفيده بشوفها في ايدها زي العيال الصغيره بالظبط😏 ما انت لو مسيطر هتخلي بالك من اكلها
ياسين....وحد الله يا ابو دومه انتي هتوقعي الراجل ومراته في بعض😂
زهره...خليك في مراتك انت كمان هي كمان مش بتاكل بسبب الحمل وطول الوقت قرفانه ولو فضلت كده هتتعب اديني قولتلك بقولكم ايه كل واحد فيكم يكلم مراته بدل ما هرتكب فيهم جريمه محدش فيهم بياكل ولا حد بيسمع الكلام خلود وشمس وملك و صبا الاربعه حوامل والاربعه مش بياكلوا وانت يا مراد تقي اكتر منهم مش بتاكل لا سناكس ولا بتاكل خالص بقالها كذا يوم مش فاهمه بتتغذي علي الزرع ولا ايه دي كمان انا بصوا علي اخري منهم يا تظبطوهم يا هظبطهم بطريقتي😡
شمس....بضحك قلبتي عليا يا زهورتي ما كنا صحاب من دقيقتين😂😂🙈
مراد....هي صبا السبب هي اللي عصبتها😂😂😂
خرجت جنه وفرح وميار عليهم
زهره....اهم ظهروا اهلاً وسهلاً🤨
جنه....يامامي دخلتي من شويه وكلنا قولنالك مش عايزين ناكل ملناش نفس مش جعانين متعصبه ليه الوقت
زهره....عشان مبحبش الدلع مفيش حاجه اسمها ملناش نفس كلتوا ايه من الصبح عشان تبقوا شبعانين
ميار نزلت مع شمس ومريم الشركه عند منذر وانا عارفه انها مكالتش وفرح في الشغل من بدري وانتي روحتي جامعتك ورجعتي علي طول ومن الصبح مشوفتكيش كلتي بصي انتي وهي وهي تروحوا علي السفره وتقعدوا وتسمع ا الكلام بدل ما هرتكب فيكم جريمه سامعيييين😡
جنه....يا مامي 🥺
قاسم...بابتسامه جنه اسمعي الكلام انتي وفرح وميار يلا علي السفره
جنه....حاضر يا بابي مشيت وهي بتدب وبتبرطم ناقص تربطنا في الكراسي وتأكلنا غصب عننا😡
زهره.....الخطه الجايه يا جنه 🤨 هعمل كده متقلقيش
مراد....مالك يا زهره بتقولي ياشر ليه😉 اول مره اشوفك متعصبه كده
سالم....واخده حبايتين جرائه😉
مراد....لا والله بتكلم جد اول مره اشوفها متعصبه كده
زهره....بتنهيده طويله كلها حزن وبسرعه الدموع اتجمعت في عينها وصوتها اتخنق 🥺
يمكن كلكم عارفين ان روح غاليه عندي زي ما هي غاليه عليكم بس اول مره احس ان روح واخده قلبي كله ليها هي بس🥺 روح تعبانه واللي حصل مأثر عليها بشكل مش طبيعي يمكن لما أيمن الله يرحمه اتوفي رغم الحزن والوجع اللي كانت فيه بس كانت بتعافر وبتحاول متظهرش ده قدامنا حتي الاكل كانت بتهتم بالكبير والصغير وهي اللي كانت بتتحايل علينا ناكل بس اللي حصل لزيد واجع روح اوي اول مره اشوفها بالضعف ده روح هتتجنن بجد وانا مش عارفه اعملها حاجه واول مره من يوم ما دخلت البيت ده احس اني عليا مسؤوليه وحمل كبير
هي مكانتش بتشيل اي حد الهم مهما كانت بتمر بظروف مكنتش باخد بالي مين كل ومين لا حتي جنه عمري ما شيلت هم اكلها عشان عارفه ان روح مش بتحط راسها علي المخده غير وهي مطمنه ان الكل واكل وشبعان ومرتاح🥺🥺💔
حبستها في الاوضه وعدم وجودها وسطنا مأثر علينا كلنا من غير ما نحس حتي البنات يمكن زعلانين عشان زيد ومنذر بس انا واثقه لو روح بتتعامل عادي زي ما كانت كانوا هيفكوا ويبقوا احسن شويه بس هي حالتها مش حلوه والكل حزين وانا فجأه بقيت احاول اعمل زي ما كانت بتعمل ولما ركزت معاهم لاحظت انهم مش بياكلوا فعلاً
وده غلط عليهم ملهم لسه في شهورهم الاولي ولازم ياكلوا وياخدوا ادويتهم لان تقريباً كلهم بيشتغلوا انا عارفه ان النفسيه بتخلينا منعرفش ناكل بس كمان لازم نساعد بعض عشان نعدي الفتره دي 🥺 التوقيت اللي احنا فيه صعب ان حد فينا يقع او يجرالوا حاجه
مراد.....مش بقولك انك مش طبيعيه انهارده كنت عارف انك مضغوطه والله يا زهره عموماً ياستي احنا معاكي وان شاء الله الفتره دي هتعدي علي خير
سالم....بطلي عياط بقي واحنا هنظبطهم متقلقيش
زهره....انا مش مضايقه منهم يا سالم انا خايفه عليهم والله وخايفه علي روح
سالم.....متقلقيش كل حاجه هتبقي كويسه وعلي فكره لازم تطبقي الكلام ده علي نفسك انتي كمان وتاكلي كويس ولا ايه يا قاسم🤨
قاسم....بارتباك اه اكيد
بصتله زهره بحزن.
زهره....يلا اسبقوني علي السفره هحضر بس اكل لروح ولبابا وهحصلكم🥺
دخلت زهره قدامهم وسابتهم
مراد...خف عليها شويه يا قاسم مش وقته زهره علي اخرها وشكلها تعبانه ومضغوطه ويمكن اللي قالته ده كله واحد في الميه من اللي جواها عشانك
قاسم....بتنهيده طويله عارف يا مراد بس صدقني مفيش حاجه في ايدي اعملها الوقت انا بحاول بس مش عارف مش قادر اشوفها كده وفي نفس الوقت لما بفتكر كل اللي حصل مبقدرش اكون جمبها بالشكل اللي لازم اكون جمبها بيه
سالم.....علي الاقل في الظروف دي يا قاسم زهره من يوم اللي حصل لزيد ومنذر وهي شايله كل حاجه علي راسها وبصراحه شايفها مش مقصره مع اي حد بتهتم بالكل من اكل وشرب لطبطبه
بلاش تضغط عليها اكتر
قاسم....انا لا ضغطت ولا عملت اي حاجه انا في حالي يا سالم
سالم....عارف بس في حالك في التوقيت والظروف دي زهره ممكن من كتر الضغط والتفكير تقع مننا
مراد....سالم بيتكلم صح خف عليها شويه حتب لو مش هتتكلم بس علي الاقل الضغط اللي بينكم يهدأ
قاسم....ماشي يا مراد هحاول💔
...................
في المستشفي
امير.....جلال غطي منذر كويس عشان ميبردش
جلال....صعبان عليا اوي كل ما افتكر شكله وهو بيبص علي زيد قلبي يوجعني اكتر ما هو واجعني
امير.....منذر وزيد قريبين من بعض اوي يا جلال واللي بينهم بجد انا عمري ما شوفته
جلال....معاك حق نفسي اصحي الصبح والاقي زيد فاق بجد كلنا تعبنا اوي🥺
امير.....هيفوق باذن الله والكابوس ده يخلص وحشني اوي ابن اللذينه انا عارف اني بحبه بس مكنتش اعرف اني بحبه بالشكل ده ربنا يقومه بالسلامه ونرجع بيهم بقي علي البيت💔
رن موبايل امير في الوقت ده
جلال....دي فاطيما بتتصل
امير.....هات كده الموبايل.
فاطيما.....الوو
امير....اذيك يا فاطيما
فاطيما....الحمد لله يا امير
امير....اسف يا فاطيما والله عارف اني مقصر معاكي انتي ونور بس غصب عني والله اكيد عرفتي اللي حصل
فاطيما....بلاش الكلام اللي بتقوله ده عرفت ايوه من رهف ورامي ومرضتش اكلمك عشان عارفه انك مشغول وسامحني والله با امير عايزه اجيلك واطمن عليهم بس مش عارفه اسيب نور خالص
امير....لا طبعاً تسيبيه ده ايه احنا عارفين الظروف يا فاطيما خليكي معاه طبعاً
فاطيماً طيب طمني هما عاملين ايه وعرفتوا مين اللي عمل كده ولا لا
امير....زيد لسه في غيبوبه ومنذر يعني زي ماهو بس الدكتور بيقول انه بيتحسن ولسه منعرفش اي حاجه عن اللي عملها.
فاطيما....ربنا يطمنكم عليهم يارب وإن شاء الله تعرفوا مين اللي عملها
امير....يارب المهم طمنيني علي نور
فاطيما....زي ما هو يا امير مفيش اي تحسن خالص
امير....حقك عليا الظروف جات كده كنت ناوي انا والشباب منسيبكوش خالص بس اديكي شايفه اللي حصل
فاطيما....من غير ما تقول يا امير عارفه والله ومقدره وكمان انا قولت لنور اللي حصل عشان يبقي عارف انتوا ليه مش بتيجوا اينعم انا عارفه انه في عالم تاني خاص بيه بس علي الاقل لو واعي شويه يبقي عارف سبب غيابكم
امير.....اطمن بس علي زيد وهجيله ومش هنسيبه انا والشباب غير وهو احسن من الاول
فاطيما....يارب يا امير المهم خلي بالكم من نفسكم.وهبقي اتصل تاني اطمن علي زيد
امير.....تمام يا فاطيما خدي بالك من نور ولو احتاجتي اي حاجه كلميني وانا هبعتلك هشام او رامي
فاطيما....حاضر ومتقلقش هما مش سايبني والله
امير.....تمام يا فاطيما
فاطيما.....يلا مش هعطلك بقي هبقي اطمن عليك تاني
امير.....تمام يلا سلام
فاطيما....سلام
.........................
طلع الجميع علي اوضهم عشان يناموا ويرتاحوا
دخلت زهره خدت شاور وبعدين خرجت كان قاسم لسه مطلعش
فضل عُدي يعيط ومش راضي يسكت وهي هتموت وتنام
دخل قاسم في الوقت ده من غير ولا كلمه طلع هدوم وراح علي الحمام
ولسه العياط مستمر وهي بتحاول تسكته وبتغمض عينها وتفتحها مش قارده
خرج قاسم من الحمام بص عليها بطرف عينه لقاها بتقاوم النوم وشكلها مرهق بجد
قامت وقفت خدت الببرونه بتاعته وراحت علي الباب عشان تخرج
قاسم.....لحظه انتي راحه فين؟
زهره...هاخد عدي واخرج عشان تعرف تنام
قاسم....هو تعبان؟
زهره....لا بس بيزن
قاسم.....طيب هاتيه
قرب منها وخدوا
زهره....ليه؟
قاسم....هو ابه اللي ليه هاتيه ونامي.
زهره....ااااا لا انا هنيمه نام انت
قاسم....🤨انتي سمعتي انا قولت ايه صح
زهره...مش هينام معاك يا قاسم مش هتعرف تنيمه
قاسم....دي.مشكلتي انا بقي روحي نامي يا زهره انتي مش.عارفه تفتحي عينك🤨
بصتله زهره وسكتت خدوا قاسم وخرج بره الاوضه
اول ما خرج ابتسمت زهره بحب وراحت علي السرير ❣️
بعد حوالي نص ساعه دخل قاسم بهدوء الاوضه كانت رايحه في سابع نومه
حط عدي جمبها براحه بعد ما نيموا
بصلها شويه ابتسم وبعدين راح نام مكانه❣️
- يتبع الفصل التالي اضغط على (رواية احفاد الطوبجي) اسم الرواية