رواية احفاد الطوبجي الفصل التاسع و العشرون 29 - بقلم اميرة اسامة
البارت 29
قاسم.....عارف يا زهره انك بتعمليها من قلبك بس لسه مشوارنا طويل مع بعض مش هسامحك غير لما احس انك اتعلمتي الدرس كويس.
......................
في غرفه مراد وتقي.
تقي...هو انا ممكن اعرف انت متعصب ليه علي الصبح كده🥺
مراد....عشان كلمتك اكتر من مره يا تقي بقالي فتره انا ملاحظ انك مهمله في صحتك جداً ومش بتاكلي الاكل بتاعك اكل اطفال مش اكل واحد كبيره
تقي...ياحبيبي هو انا يعني هقوم وانا جعانه 🥺
مراد....هو أنتي بتاكلي أصلاً يا تقي أحنا هنضحك علي بعض😡
تقي....بصوت عالي نسبياً أمال مين اللي بيقعد معاكم علي السفره يا مراد خيالي يعني😡
مراد....وطي صوتك🤨
تقي....انا مش بعلي صوتي علي فكره بس انت اللي متعصب عليا وانا مش فاهمه ايه سر عصبيتك كل ده عشان زهره قالت اني مش باكل علي فكره انا مش طفله يا مراد
مراد....لا طفله وعيله كمان بصي لنفسك في المرايه و هتعرفي وزنك نزل ازاي كذا مره تدوخي وقولتلك نعمل تحاليل وكل ما اقولك يلا انا فاضي تتهربي زي العيال بالظبط😡 اقولك طيب بلاش هبعت اجبلك اي حد من العمل ياخد العينه بتاعتك تقولي لا بخاف خايفه من شكه ابره تبقي عيله ولا مش عيله😡
تقي....انا بخاف اعمل ايه في نفسي يعني 🥺 وبعدين انا قولتلك اني كويسه ومش محتاجه لا تحاليل ولا دكاتره لو مشكلتك في الامل حاضر هقعد قدامك اكل كل حاجه تقابلني لو ده هيخليك مبسوط🥺
مراد....بغضب مسك كف ايدها هو انتي شيفاني عيل قدامك بتسكتيني بكلمتين و بتاخديني علي قد عقلي اكل أيه اللي مشكلتي معاه انا بتكلم علي صحتك اللي انا شايفها في النازل وانتي مش مساعداني عشان اعرف فيكي ايه عدم اكلك ده مش شهيه ولا انتي بتاكلي اللي بتقدري عليه وخلاص انتي مش بتاكلي لانك مش مظبوطه التحاليل هي اللي هتبين انتي فيكي ايه الدوخه اللي عندك دي معناها انك ممكن تكون الانيميا بتاعتك عاليه عندك نقص في ڤيتامين معين كلها حجات بسيطه لو أتظبطت في بدايتها ليه نستني لما يحصلك حاجه😡😡
تقي....مراد سيب ايدي من فضلك🥺
مراد....بصلها بغضب و ساب ايدها اعملي حسابك انهارده لما نخلص شغل ونطلع علي المستشفي هاخدك هناك و أعملك كل التحاليل اللازمه عشان اطمن عليكي ومش هعيد كلامي تاني انتي فاهمه😡
تقي....بعند طيب وانا مش هعمل حاجه يا مراد 🥺 انا كويسه و مرتاحه جداً ودي طريقه اكلي ولو علي الدوخه و الانيميا دي حاجه عاديه علي فكره بتحصل كل الناس واظن زهره لما اشتكتلك ماقالتش عليا انا بس قالت الكل مش بياكل كويس و ميتهيأليش حد من الشباب اتعصب علي اي بنت زي ما انت بتتعصب عليا🥺
مراد.....زهره لما اتكلمت مكانتش تقصد يا تقي اني اتخانق معاكي هي خايفه عليكي🤨
تقي...تمام وانا مقولتش حاجه وعارفه ان زهره بتتكلم عادي جداً وانا متقبله كلامها انا بتكلم عليك انت اللي مصدقت ومن امبارح وانت بتتعامل بطريقه غريبه ومن اول ما فتحت عينك وانت نازل خناق معايا🥺
مراد....يا تقي انا خايف عليكي انا كلمتك في الحوار ده كذا مره و بسيبك تهربي بمزاجي بس لما توصل ان في حد ياخد باله انك فعلاً مهمله في صحتك يبقي مش هستني ولازم اركز معاكي اكتر من كده انا سايبك تهربي وتدلعي براحتك بس معني ان زهره تاخد بالها يبقي شافتك تعبتي شافتك مش بتاكلي انا مش طول الوقت قدامك
تقي.....طيب يا مراد انا بقولك اهو اني كويسه ومش فيا اي حاجه و ليك عليا يا سيدي لما احس اني تعبانه ولا دايخه مش هحسسك بتعبي🥺
مسكها مراد من ايدها بغضب وفقد اعصابه علي الاخر😡
مراد....ده اللي ربنا قدرك عليه😡😡 انتي فاكره اني بقولك كده عشان متقوليش قدامي انك تعبانه للدرجادي انتي شايفه ان كلامي شكوي منك مش خوف عليكي😡 ايه اللي جرالك يا تقي وليه العند ده كله الموضوع بسيط علي فكره تحاليل هتتعمل اطمن عليكي مش اكتر ايه الغلط في كلامي عشان تعاندي معايا😡
نزلت دموعها وسكتت وفضلت واقفه قدامه خايفه منه ومن غضبه اللي اول مره تشوفه🥺
اتنهد مراد تنهيده طويله دموعها وجعتوا بس كان مضايق منها ومن عندها.
مراد.....انا قولت اللي عندي يا تقي انهارده هتعملي التحاليل مفهوم😡
فضلت باصه في الارض وبتحاول تسحب ايدها منه.
مراد....بصوت اعلي مفهووووووم😡
هزت تقي راسها وراء بعض بخوف وهي بتمسح دموعها بأيدها التانيه🥺
مراد....تغسلي وشك و تلحقيني عشان تفطري قبل ما نروح الشركه😡
سابها مراد وخرج بسرعه قبل ما يضعف قدام دموعها.
وفضلت تقي تعيط بعد ما خرج.🥺
...................
في الأسفل أتجمع الكل علي السفره
روح كانت قاعده جاهزه عشان تروح المستشفي قدامها فنجان قهوه و حاطه ايدها علي راسها حاسه بصداع
قربت زهره عشان تقعد حاولت تبعد عينها عن قاسم و تتلاشي اي نظره ليه وحاولت تتعامل عادي وتنسي الكلام اللي سمعهولها.
زهره.....روح يلا حبيبتي أفطري مينفعش تشربي قهوه علي الريق كده
روح...مش عايزه يا زهره انا عايزه بس اشرب القهوه دماغي هتنفجر
كاريمان....دماغك هتنفجر عشان مكلتيش كلي حاجه بسيطه وبعدين اشربي القهوه
روح.....مش هقدر يا كاريمان لو كلت وانا مصدعه معدتي هتتعبني
راجح....روح انتي امبارح مكلتيش اي حاجه اتحايلت عليكي كتير و رفضتي مينفعش يا حبيبتي كده غلط عليكي هتتعبي
روح.....انا كويسه يا راجح سيوني براحتي من فضلكم لو حسيت اني جعانه هبقي اكل وكملت كلامها لعايده الشغاله
عايده فين المسكن بتاع الصداع
عايده....لحظه يا روح هانم هطلع اجيبه من فوق بسرعه.
راجح....استني يا عايده متجبيش حاجه مسكن ايه اللي هتاخديه من غير اكل مش كفايه القهوه
سالم....ايه ياروح معقول محدش فينا ليه غلاوه عندك
فيروز.....مامي عشان خاطري كلي حاجه بسيطه حتي عشان تقدري تاخدي المسكن
زهره....بصي كلي من البيض ده انا عملته بالطريقه اللي بتحبيها كلي حتي حاجه بسيطه
روح كانت بتسمعهم وهي مغمضه عينه وبتقبض علي كفها بتحاول تتحكم في نفسها من الغضب
نادر.....كلي عشان خاطري يا روح يا اما كلنا مش هناكل.
فتحت روح عينها ولأول مره تتكلم معاهم بالغضب ده
روح....ما كفايه بقي😡 سيبوني في حالي انا مش عايزه اكل محدش ليه دعوه بيا كلوا انتوا حطوا لسانكم في بوئكم وخليكم في حالكم وادي القهوه كمان مش شرباها ارتاحتوا😡
قامت روح و سابتهم وخرجت علي بره
بصوا كلهم لبعض وبعدين بصوا لراجح اللي كان قاعد ساكت وثابت.
ليلي....انا هروح اشوفها🥺
راجح رفع ايده لليلي ✋🏻✋🏻✋🏻
راجح....خليكي يا ليلي سيبيها
قاسم....معلش يا باشا انت عارف ان روح مضغوطه واللي حاصل لزيد تاعبها
هز راجح راسه وقام وقف من غير ولا كلمه وخرج بره علي الجنينه وراها.
ياسين....🙄 الباشا شكله زعل
فرح....هما ممكن يزعلوا من بعض 🥺
داوود....يزعلوا ايه يا عبيطه راجح عارف ان روح مش في وعيها وعارف انه غصب عنها
قاسم....متقلقيش يا فرح الباشا لا يمكن بزعل من روح هو مضايق عشانها انتوا كنان حاولوا متضغطوش عليها الفتره دي
فيروز....منضغطش عليها ازاي يا قاسم مامي من وقت اللي حصل انا مشوفتهاش كلت اي حاجه ده تالت يوم ليها امبارح بس كانت دايخه جداً داده زينب شربتها بالعافيه عصير هو ده اللي مخليها واقفه علي رجلها
زينب...ايوه انا شربتها بالعافيه كانت دايخه جداً ولما حلفتها بحياه استاذ زيد شربت
زهره....بحزن المشكله ان روح مش بتحب القهوه لانها بتتعبها بالكتير كانت بتشرب واحده في اليوم و اوقات مش بتشربها كمان لكن من ساعت اللي طول الوقت بتشرب وده غلط
مراد....سيبوا روح عليا انا يا ولاد انا هتكلم معاها انهارده بس اتمني اللي حصل ده ميأثرش علي الباقي ياريت الكل يهتم بأكله وصحته الاكل ملهوش علاقه بالزعل احنا بناكل عشان نقدر نكمل يومنا واكيد احنا مش حمل تعب او قلق علي اي حد مش عايز المح او اسمع حد بيقول ملهوش نفس من فضلكم خليكم قد مسؤوليه الموقف اللي احنا فيه وتبقوا عارفين كويس ان اي حد هيتعب الفتره دي هو بيتعب الكل معاه سالم و ياسين ويوسف كل واحد فيكم يركز مع مراته اهتموا بصحتهم عشان الحمل وانتوا المسؤولين قدامي لو حد فيهم اهمل في صحته هسالكم انتوا🤨
صبا انا شخصياً هركز معاكي ولازم تحطي زيد في بالك قبل ما تقصري في صحتك لو البيبي اللي في بطنك جراله حاجه هتوجعي زيد اوي واظن مينفعش نستقبله بخبر يوجعه ولا ايه
صبا...بحزن حاضر يا مراد🥺
مراد.....يلا كملوا فطار عشان نشوف اللي ورانا وبعدين نروح المستشفي.
.........................
في الخارج ( في جنينه القصر)
قرب راجح من روح كانت واقفه قدام حمام السباحه.
فضل يقرب منها حاطت ايده الاتنين في جيبه و ساكت بس نظراته بتقولها انه زعلان منها.
وقف راجح قدامها و حط عينه في عينها من غير ولا كلمه.
روح....🥺انا أسفه والله أسفه.
دخلت في حضنه وانهارت من العياط
راجح.....ضمها لصدره اكتر و باس راسها طيب خلاص بطلي عياط بقي انا مش متحمل يا روح لا متحمل اشوف ابني راقد الراقده دي ولا متحمل أشوف قلبك واجعك ومفيش حاجه في ايدي اعملها ولا هتحمل ياروح يجرالك حاجه
روح....مكانش قصدي اعلي صوتي بس انا مش متحمله لا كلام ولا نصايح انا تعبانه يا راجح وقلبي واجعني اوي🥺
راجح ...بس كلنا خايفين عليكي يا قلب راجح زيد هيبقي كويس انا واثق في رحمه ربنا بس انتي اللي هتتعبي وهتقعي مني ووقتها مش هسامحك ابداً ياروح عشان خاطري لو بجد انا غالي عندك حاولي تهدي شويه حاولي تسلميها لربنا
روح...اكتر من كده🥺 ده انا بموت يا راجح
راجح.....بعد الشر متقوليش كده ياروح بالله عليكي واه سلميها لربنا اكتر من كده ابنك هيفوق ويبقي كويس بس هيفوق وانتي اللي هترقدي وده مينفعش هو محتاجك معاه لما ربنا يكرمه ازاي بقي وانتي مش هتبقي قادره تقفي علي رجلك
روح....يقوم بس هو وانا ولله هبقي بخير وروحي هترجعلي🥺💔
راجح....هيقوم ياروح والله هيقوم ادعيله وخدي بالك من نفسك عشان خاطري
روح....طيب خليني ادخلوا عشان خاطري يا راجح💔🥺
روح....حاضر يا حبيبتي هدخلك هتكلم مع الدكتور انهارده بس أوعديني الاول انك تاكلي
روح...هاكل بس دخلني 🥺
راجح....تاكلي الاول وبعدين ادخلك اتفقنا.🤨
روح....حاضر🥺
راجح....يلا امسحي دموعك دي مش عايز الولاد يشوفوكي في الحاله دي
روح....طيب متزعلش مني🥺
راجح....في حد يزعل من روحه❣️ ضمها لصدره ولف ايده علي كتفها وراح بيها علي العربيه كانوا خلصوا فطار وخرجوا
قاسم....مش قولتلك يا فروحه متقلقيش😉
فرح...الحمد لله ❣️🥺
مراد....ايه يا باشا يلا
راجح....يلا هروح مع روح وكاريمان هانم علي المستشفي وهحصلكم
داوود.....انا جاي معاك وبعدين نروح سوا علي الشركه
مراد....تمام وانا هخلص اللي ورايا وبعدين نبقي نرجع مع بعض تاني
راجح....طيب يلا اركبوا
زهره....روح هخلص شويه حجات هنا مع داده زينب وبعدين هحصلكم علي المستشفي.
روح.....ماشي يا زهره
ركبوا كلهم وراح قاسم علي العربيه بتاعته بص لزهره من بعيد وبعد كده خرج من القصر.
..................
منذر....احنا هنفضل قاعدين كده كتير انا زهقت
زيد....اللي بيحب الصيد لازم يتعلم يصبر
منذر.....انا بحب الصيد بس احنا بقالنا اكتر من تلات ساعات مصطدناش حتي سمكه زينه🤨
زيد....بضحك ياعم وافرض اديك قعدت تلات ساعات صابر عشان لما نيجي المره الجايه تبقي اتعودت😂
منذر.....مره جايه هي فيها مره جايه اوعي ياعم كده
زيد....بتعمل ايه يا مجنون 😂😂
منذر....هنخرج علي الشاطئ انا ابقي مجنون لو قعدت اكتر من كده وسع كده
زيد....حاسب هتموتنا 😂😂
منذر....ياعم هي موته ولا اكتر حاسب كده.
فضل القارب يتحرك بيهم وزيد يضحك وفجأه الحبل لف علي رجل زيد ووقع في المايه.
منذر....زيد زييييييد زييييييد
فضل منذر يبص حواليه بهيستريا وينادي علي زيد ولما لقاه مش بيطلع نط وراه في المايه غطس واول ما لمحه شافه بيحاول تحت المايه يفك الحبل ومش عارف راح عليه وحاول يفكله الحبل لكن كانت العقده قويه
بقي يبص عليه شايفه مش قادر خلاص يكتم نفسه وهو كمان نفسه بيروح مش عارف يتصرف ولا عارف يفك الحبل
طلع منذر ياخد نفسه اول ما حس انه بيتخنق خلاص ونزل تاني بسرعه عشان يفكله الحبل واول ما نزل لقي زيد جسمه سايب في المايه وفاقد وعيه فضل منذر يصرخ بأسمه تحت المايه صوته مكتوم وفقاعات المايه خارجه مع صريخه تحت المايه
زييييييييييييييبيد💔🥺
امير وجلال كانوا نايمين جمب بعض علي الكنبه و فاردين رجلهم علي كراسي وفجأه صحيوا علي صوت منذر
امير.....منذر😳
منذر....زيييييييدد زيييييد
جلال.....ده بيحام منذر منذر قوووم
امير.....منذر اصحي
منذر.....هااااااااه نفس طويل خرج منه اول ما فتح عينه كأنه كان بيغرق
زيد زيد زيد
امير....اهدي يا منذر انت شوفت كابوس اشرب مايه
جلال.....براحه انت بتحلم متقلقش
منذر.....زيد تعبان 💔زيد مش عارف يقوم زيد لازم يقوم
جلال....طيب اهدي ووحد الله زيد كويس انا روحت شوفته من شويه بخير والله
امير.....اهدي يا منذر ضربات قلبك سريعه اوي
منذر....اعوذ بالله من الشيطان الرچيم ودوني لزيد
امير....طيب شويه وهوديك
منذر.....قولت ودوني لزيييييد سمعتوا😡😡😡
جلال....طيب حاضر هنوديك استني اجيب الكرسي
منذر....مش عايز كرسي انا هعرف امشي😡
جلال....طيب انا بس عشان متعملش مجهود
امير.....سيبه علي راحته يا جلال هنمشيه براحه تعالي يلا قوم.
قام معاهم منذر وراحوا علي زيد
وقف منذر يشوفه من الزجاج
امير وجلال وقفوا جنبه ساكتين
سند راسه علي الزجاج وحط كف ايده السليم✋🏻 وفضل باصص علي زيد بوجع ونزلت دموعه 🥺
منذر....قوم يا اخويا قوم يا صاحبي كفايه كده بقي.💔🥺
جلال.....روح و الباشا وصلوا
بص امير عليهم ومسح منذر دموعه قبل ما يجوا عليهم.
ظهرت وراهم كاريمان وفيروز وصبا وليلي وداوود
راجح.....ايه اللي جاب منذر من غير الكرسي
امير....متقلقش عليه يا عمي منذر زي الفل قرب امير منهم بهدوء
شاف كابوس تقريباً صحي بينادي علي زيد وكان متعصب وقال انه عايز يشوفه وصمم يجي من غير الكرسي
راجح.....تمام ايه يا منذر عامل ايه انهارده
فضل منذر باصص علي زيد ومش عايز يبصلهم
منذر....بخير يا عمي الحمد لله🥺
روح....مفيش اخبار عن زيد بردوا🥺
امير....بحب هيبقي زي الفل والله وانا وجلال هنطلعه عليه 😉
جلال...اعملي حسابك يا روح انا ههريه مقالب بعرفك بس عشان متقفيش في صفه
روح.....يقوم هو بس واعملوا اللي انتوا عايزينه🥺
امير....هيقوم يا حبيبتي وينور حياتنا❣️
وقفوا كلهم في صمت يبصوا عليه وصبا وقفت زي الضايعه اللي شايفه ابوها من بعيد ومش قادره تطوله.
كاريمان....حبيبي انت كويس🥺
منذر.....بوجع لا مش كويس يا امي 🥺 هبقي كويس وروحي رايحه مني وراقده زي ما انتي شايفه💔
كاريمان.....هيبقي كويس يا حبيبي والله ادعيله بس انت
منذر....بدعيله بس غيابه طال اوي🥺
راجح....اه يا ولا 🤨 هتفضل عامل في نفسك كده لحد امته توأمك هيقوم وهيبقي كويس انت مش عارف زيد ولا ايه فوق لنفسك وخد بالك من صحتك
منذر....هيقوم ان شاء الله🥺
راجح.....يلا تعالي ارتاح في أوضتك فطر ولا لا يا ولاد🤨
جلال....لا لسه هو صحي جه علي هنا
راجح....ايه سايب معاه عيال ولا ايه يلا خدوا عشان يفطر
وانا همشي انا وداوود و هنرجعلكم تاني روح تفطري مع منذر عشان تفتحوا نفس بعض انا لسه عند كلامي لو كلتي لما ارجع هدخلك لزيد تمام
روح....حاضر🥺
داوود....لو في اي حاجه كلمونا يا امير تمام
امير....تمام يا داوود
مشي داوود وراجح وسابوهم.
جلال....يلا تعالوا نروح علي الاوضه افطروا وابقوا تعالوا تاني
كاريمان ...يلا يا روح تعالي يا حبيبتي افطري يلا يا منذر.
منذر....طيب اسبقوني وانا جاي وراكم
امير.....يلا هجيبك تاني يا صاحبي
منذر.....لحد ما الفطار يطلع بس 💔
فيروز....روح يا امير انا هفضل معاه وهجيبه واجي الوقت🥺
بصلها منذر وبعدين بص علي زيد
امير.....تمام با فيروز صبا مش هتيجي ترتاحي جوه شويه.
فضلت صبا باصه علي زيد دموعها نازله وساكته.
فيروز....سيبها يا امير انا هخلي بالي منها.
امير....تمام.
مشي امير وجلال وراء روح وليلي وكاريمان.
وقفت فيروز جمب منذر مش عارفه تقوله ايه ولا تبدأ كلامها بأيه.
فيروز.....منذر ممكن تيجي تقعد شويه
منذر....انا مرتاح كده يا فيروز
فيروز.....بس انا عايزه اتكلم معاك شويه ممكن🥺
بصلها منذر بحزن وهز راسه من غير ولا كلمه.
مسكت ايده وراحوا قعدوا علي كراسي في الممر بتاع العنايه قدام صبا.
قعد منذر وفضل باصص بعيد.
فيروز...منذر 🥺
بصلها منذر وسكت💔
فيروز....انت زعلان مني صح؟🥺
منذر....هزعل منك ليه يا فيروز
فيروز....اهو ردك ده لوحده يأكدلي انك زعلان🥺
منذر....صدقيني يا فيروز انا مش بفكر في اي حاجه الوقت غير ان زيد يفوق ويبقي كويس.
فيروز....عارفه يا زيد بس ده ميمنعش اني واققه انك زعلان يعني لاني مكنتش جمبك بما فيه الكفايه لما فوقت🥺💔
منذر.....وانا عاذرك يا فيروز انتي مش مضطره تبرري اي حاجه انا عارف ان كل حاجه جات بسرعه وانك لسه محبتـــ
حطت فيروز ايدها علي شفايفه بسرعه
فيروز....لا متكملش🥺🥺 انا حبيتك وانت عارف اني حبيتك يا منذر وعارف كمان اني كنت بموت عشانك انت وزيد وقلبي كان مقسوم بينكم💔🥺
بس انا معرفتش اظهر ده يا منذر مقدرتش كل اللي كان مسيطر عليا وقتها ان انا السبب في كل ده انا اللي وشب كان وحش عليك خوفي من نظرتك ونظره طنط كاريمان بعد اللي حصل خلاني مش قادره اقرب منك
خوفت انها تشوفني سبب في اللي حصلك واني وشي مش حلو عليك بعد ما اخيرا لقينا البيت في نفس اليوم يحصلك كده خوفت ترجع تتهمني من خوفها عليك زي ما كانت بتتهمني بحملي اللي مش بيكمل انا عارفه انها اتغيرت والله وعارفه انها قربت مني بس لما شوفت وجعها عليك زي ما اتوجعت علي حسام مقدرتش اقرب منك🥺🥺💔
منذر.....ايه اللي بتقوليه ده انتي ذنبك ايه بيكي او من غيرك اكيد كان هيحصل اللي حصل ده ليا ولزيد وبعدين ما انا فوقت وبقيت كويس وزيد هو اللي لسه تعبان معني كده انك وشك وحش علي اخوكي فيروز انا كنت محتاجلك حتي لو بكلمه انا روحي متعلقه بأتنين في الدنيا كلها انتي وزيد زيد قدامك مش دريان بالدنيا ومفيش غيرك توقعت انك هتبقي اول ايد تطبطب عليا وتطمني مش هكدب عليكي انا زعلت منك بجد بس متخيلتش انك بتفكري بالشكل ده
فيروز....غصب عني يا منذر اللي حصل لحسام كان بسببي واللي حصلك كمان كان بسببي
منذر.....مش صح انتي ملكيش ذنب في اي حاجه. و أي حاجه بتحصل ربنا كاتبها مش أحنا يا فيروز💔 فيروز انا حياتي بدأت ترجعلي لما انتي دخلتي فيها لازم تعرفي ده كويس
فيروز....عارفه يا منذر وعارفه كمان ان حياتي كلها اتغيرت بوجودك فيها بس انا فجأه لقيت نفسي واقفه حاسه اني مش من حقي اقرب منك عايزه اقرب واطمن عليك وألمسك واخدك في حضني عشان اتأكد انك بخير وفي نفس الوقت مرعوبه 💔🥺
ابتسم منذر بوجع وقرب ايده مسح دموعها
منذر....بطلي عياط💔
فيروز.....انا مش عيزاك تزعل مني وحياتي يا منذر🥺
منذر.....مقدرش ازعل منك يا فيروز يمكن زعلت بس لما فهمت الوقت سبب بعدك عايز اكسر دماغك دي عشان متفكرش بالطريقه دي تاني
ابتسمت فيروز من بين دموعها🥺
شدها منذر لحضنه حطت ابدها علي الحامل
منذر....ااااه🙈
فيروز.....😳اسفه والله اسفه وجعتك صح
منذر...بابتسامه جميله فداكي يا ست البنات❣️
فيروز....طيب ممكن يلا تيجي معايا عشان تفطر
منذر....ممكن❣️بس تعالي ناخد صبا عشان طول ما هي واقفه كده مش هتبطل عياط
فيروز.....طيب يلا.
..................
في شركه الباشا للجلود
في مكتب شمس مريم وميار كانوا قاعدين قدامها وهي بتفهمهم شويه حجات
شمس....بصوا يابنات كل اللي طلباه منكم ميار الورق ده هتسجلي كل الارقام اللي في الخانه دي علي اللاب وبعد ما هتخلصي الارقام اللي في الورقه اللي قدامك دي هتتصلي بيهم وتأكدي المعاد كلمتين مفيش غيرهم
صباح الخير يا فندم بأكد علي حضرتك معاد تسليم الشحن يوم وتقولي اليوم والتاريخ اللي مكتوب قدام كل رقم تليفون وتقفلي سهله؟
ميار...سهل جداً طبعاً
شمس....هو سهل بس محتاج تركيز يا ميار كل رقم تليفون قدامه تفاصيل التسليم يعني تركزي وانتي بتتكلمي عشان متقوليش معاد غير اللي مكتوب
ميار...متقلقيش والله انا هظبط كل حاجه
مريم....طيب وانا هعمل ايه؟
شمس.....انتي بقي ياستي امسكي الورقه دي كده
مريم....مسكتها🤨
شمس.....الورقه دي فيها عشر عناوين السته اللي في الاول وراء بعض دي فروع محلات تبع الشركه بتاعتنا هتروحي عليها وهتطلبي من كل فرع يديكي فواتير الاسبوع ده كله هتاخدي من كل فرع فواتير الاسبوع وتقعدي كده بهدوء تحسبي الفواتير وبعدين تاخدي الفلوس تعديها وبعد كده تمضي بالاستلام وتروحي الفرع اللي بعده تعملي نفس الكلام
مريم....أمضي؟؟🙄🙄
شمس...اه متقلقيش ده مجرد إجراء روتيني عادي جداً انا عملته كذا مره
المهم الاربع فروع اللي تحت دول مكاتب توريد جمله هتعملي معاهم نفس الكلام
مريم...طيب والفلوس هاخدها طبعاً
شمس....امال هتعديها وتديهالهم جعفر ركز معايا والنبي😭
مريم....يابت احترمي نفسك مالك بتتعاملي معايا علي اني غبيه كده😒
ميار....😂😂😂🙈
شمس....ده انتي قمر😍
مريم...وانتي يابت اتلمي متضحكيش😡
ميار.....مش هضحك حاضر😂🙈
مريم...طيب اخر سؤال🙄
شمس...قولي يا ستي
مريم....الفلوس اللي هاخدها دي هوديها البنك ولا هجيبهملك ولا هوديهم لحد🙄
شمس....لا هتجيبيهم ليا انا لان علي بال ما تخلصي اللفه دي مش هنلحق البنك احنا في العادي بنلم الفلوس كلها قبلها بيوم او اتنين و بعد كده بنروح تاني يوم مشوار البنك ده
مريم....طيب تمام جداً انا كده جاهزه
شمس....امسكي بقي ورقه العناوين دي معاكي انا مرتباهم من الاقرب للشركه للابعد عشان تنجزي وانا كلمت السواق وفهمته علي كل حاجه
مريم....تمام يا قلبي اوعوا تمشوا من غيري
شمس....بابت انتي غبيه انا مش هتحرك غير لما نجيبلي الفلوس عشان نشيلهم في الخزنه
مريم....بقولك ايه اخر سؤال وهغور من وشك🙄
ضحكت شمس وميار
شمس....قولي يا اخرة صبري😂
مريم....هي المبالغ اللي هلمها دي كتير ولا ايه🙄
شمس....لو تعبتي نفسك وبصيتي علي الاجمالي اللي كتباهولك في اخر الورقه هتعرفي انهم مليون و متين الف
مريم....احيه🙆♀️🙆♀️🙆♀️ ده ايه الثقه اللي انتي وثقاها فيا دي ده لو نادر عرف انك مسلماني المبلغ ده هيطبق في زماره رقبتك ده انا يابت بحافظ علي موبايلي بالعافيه😭
شمس.....ده انا اللي هقول احيه🙆♀️🙆♀️ مريم ابوس ايدك انا واثقه فيكي انا لولا اني عندي تسليم في المصنع مكنتش سيبتك خلي بالك والنبي😭😭
مريم....🙄 عيب عليكي احنا جامدين اوي ثقي فيا خلاص🙄😁
شمس....ربنا يستر شكل كده منذر هيفوق ويقيم علينا الحد😂
مريم....لا والله متقلقيش احنا وقت الشده هنسد في اي حاجه💪 المهم انتي هتسلمي ازاي لوحدك
شمس.....لا مش لوحدي سالم هيجيلي هو ويوسف او هو وياسين وهنحمل العربيات خير ان شاء الله
مريم....خير ربنا معاكم يا قلبي يلا عايزين حاجه عشان الحق اروح انا
شمس....لا خلي بالك من نفسك وانا معاكي بالموبايل متقلقيش وياريت تاكلي عشن زهره علي اخرها مننا 😂
مريم.....تمام متقلقيش😍 يلا باي يا ميار باي يا شموسه😘
ميار....باي يا قلبي 😍
شمس....ميار فهمتي شغلك
ميار....متقلقيش فهمت والله
شمس....طيب انا هخلص حاجه بسيطه وهقوم اروح علي المصنع الشركه امانه في رقبتك😒🔪🔪
ميار.....شركه وامانه في رقبتي 🙄 علي رأي مريم يخربيت الثقه😂🙈
شمس.....بت بقولك ايه احنا الوقت في موقف صعب لازم لما منذر يرجع يلاقي كل حاجه ماشيه كانه موجود ولازم يعرف انه اه احنا بنات بس وقت الجد بميت راجل🤨 هتقدري ولا لأ
ميار....عيب عليكي احنا جامدين اوي😍
شمس....وانا عارفه انكم قدها😍 يلا قومي شوفي شغلك
ميار....اشطا😍💪
............................
في مجموعه الطوبجي
قامت ملك من مكتبها وراحت علي مكتب راجح خبطت واول ما سمحلها بالدخول دخلت.
راجح....تعالي يا ملك
ملك....بعمليه شديده مستر راجح محتاجه امضاء حضرتك علي الورق ده
وكمان ده تقرير مبدأي بخصوص المشروع الجديد بعته المهندس سلام من شويه عايز حضرتك تشوفوا
راجح....طيب مراد وسالم مبصوش عليه
ملك.....في الحقيقه هو لسه واصلي حالاً وقولت اجي اعرضه علي حضرتك وانا بجيبلك الورق
راجح...وريني كده
ملك....اتفضل
مسك راجح الورق ولبس نظارته دقق فيه شويه وبعدين قلع النظاره
راجح.....مبدأياً الشغل تمام بس عايزك تخلي سالم يبص عليه ويقرر ده اللي زيد كان قايل عليه ولا لأ قبل ما تديله التمام
ملك.....تمام يا مستر راجح بس انا علي حد علمي مستر زيد لما كنا شغالين علي تنفيذ المشروع كان راسمه بنفس الطريقه يعني هو بالظبط اللي كان عايزه
راجح....تمام بس خلي سالم ومراد يراجعوا تاني قبل ما تردي علي سلام لانه هياخد منك الكلام وينفذ
ملك....تمام هروح اوريهولهم.
راجح....وادي امضتي اهي روحي بقي معلش لداوود ومراد خليهم يمضوا وراء امضتي وبعدين سلمي الورق ده لياسين
ملك....تمام يا مستر راجح
راجح...في اي حاجه تاني يا ملك
ملك....لا كده كله تمام
راجح...في اي مشكله في الشغل
ملك....كله تمام متقلقش
راجح....ماشي يا ملك اتفضلي
ملك.....بعد اذنك.
خرجت ملك من المكتب راحت لسالم ومراد وداوود وبعدين رجعت علي ياسين.
ياسين.....تعالي يا ملك.
ملك.....ياسين كده الورق ده تمام مستر راجح ومستر مراد ومستر داوود مضوا عليه ومستر راجح قالي اسلمهولك
ياسين....تمام ورتيلوا التقرير بتاع سلام
ملك...اه شافوا ووريته لمستر سالم قال تمام
ياسين....طيب كويس جداً ابعتي الوقت علي طول لسلام و قوليلوا يبدأ
ملك....طيب تمام في اي حاجه عايزني فيها الوقت
ياسين.....بعد ما تخلصي معلش هتعملي الشغل بتاع جلال وتظبطي الجدول بتاع الاسبوع وعرفيني المواعيد لاني حاسس اني ضايع ومتلغبط
ملك...متقلقش انا خلصت ورقه المواعيد اول ما جيت الصبح وظبطلك كل المواعيد اللي بره الشركه اول ميتنج عندك بكره انهارده مفيش اي حاجه وشغل جلال كله انا خلصتوا
ياسين....بابتسامه تسلم ايدك يا روحي مش عارف من غيرك كنت هعمل ايه❣️
ملك...بحب انا معملتش حاجه يا حبيبي ده شغلي
ياسين....ازاي بس كفايه انك شايله شغلك وشغل جلال وجزء من شغل زيد
ملك....كلنا في نفس المركب يا حبيبي ولازم نعدي الفتره دي علي خير
ياسين....ربنا يخليكي ليا❣️ يلا روحي كملي وابقي ابعتيلي ورقه المواعيد ابص عليها بس الاول كلمي سلام
ملك....حاضر يا حبيبي❣️
خرجت ملك راحت علي مكتبها شويه بسيطه وطلع عامل البوفيه معاه عصير فريش وبسكوت
ملك.....ايه ده يا محمد؟
محمد....مستر ياسين طلبوا لحضرتك
ملك...بابتسامه طيب شكرا يا محمد
حط محمد العصير والبسكوت ومشي
اتصلت ملك بالمهندس بلغته بالموافقه علي التقرير المبدأي وبعدين خدت الورقه بتاعت المواعيد ودخلت لياسين
قربت منه وهو قاعد علي الكرسي باسته من خده وحضنته
ملك.....بحبك يا ياسين❣️
ياسين....بحب ابتسم لو اعرف اني هاخد حضن حلو كده كنت جبتلك العصير من بدري😉
ملك....ربنا يخليك ليا❣️
ياسين....ويخليكي ليا يا روحي يلا روحي اشربي العصير وكلي البسكوت وبعدين كملي شغلك
ملك....حاضر طيب انت مش عايز حاجه اعملهالك❣️
ياسين.....لا يا قلبي مش عايز علي فكره انا هخلص اللي ورايا وبعدين هطلع شويه
ملك....رايح فين؟
ياسين.....هروح لچورچ عشان منذر موصيني عليه انتي عارفه ان الراجل تعبان ومكانش ليه غير زيد ومنذر
ملك....طيب وهترجع تاني
ياسين.....اه هرجع عشان اخدك ونروح مع بعض المستشفي
ملك....لا خليك انت روح علي هناك علي طول وانا هاجي مع مراد وتقي هقابلك هناك
ياسين....ايه عايزه تخلصي مني🤨
ملك....لا والله بس مش عيزاك تفصل رايح جاي كده كده هنا رايحين هاجي معاهم
ياسين....ماشي يا حبيبي❣️
ملك...يلا خلص اللي وراك وانا هروح اشوف اللي ورايا❣️
ياسين....تمام يا قلبي
بعد وقت بسيط حوالي ساعه ونص خرج ياسين وراح لچورچ.
.........................
في قصر الطوبجي.
زهره....عايده انتي والبنات عيزاكم تطلعوا بسرعه تغيروا فرش السراير كلها وتظبطوا الاوض
عايده....حاضر يا هانم طيب اشوف الاكل الاول
زهره....لا روحي انتي وانا هتابع الاكل انا وداده زينب. داده معلش هطلع اطمن علي الولاد وهرجعلك
داده زينب.....روحي يا بنتي شوفيهم وانا مستنياكي
طلعت زهره بصت علي حور وبعدين راحت بصت علي فيروز الصغيره وبعدين اطمنت علي عدي ونزلت علي تحت لمحت امير وجلال داخلين.
زهره....ايه النور ده كله وحشتوني❣️
قربوا منها حضنوها وسلموا عليها.
امير...انتي وحشتينا اكتر❣️
جلال.....زهره انا جعان اوي
زهره....يا حبيبي عيوني حاضر هحضرلكم اكل حالاً بس الاول قولولي انتوا راجعين ليه في حاجه؟
جلال....لا بس عايزين ناخد شاور ونغير تعبنا من التغيير هناك في المستشفي
زهره....طيب اطلعوا خدوا شاور وظبطوا نفسكم وانا هطلعلكم الاكل فوق
امير....بقولك ايه بسرعه الله يخليكي عشان كنا عابزبن نريح ساعه كده وبعدين نروح
زهره....علي بال ما تخلصوا هيكون الاكل جاهز ولما تروحوا ابقوا خدوني معاكم بدل ما اروح لوحدي
امير....تمام هنام ساعه بس علي السرير الكنبه كسرت جسمنا.
زهره....معلش يا حبيبي ربنا يخرجهم بالسلامه وترجعوا تاني تنوروا القصر يلا اطلعوا عشان تلحقوا تناموا شويه
جلال....الاكل يا زهره والنبي🥴
زهره....بأبتسامه حالاً😍
طلعوا علي اوضهم وراحت زهره بسرعه علي المطبخ تحضرلهم اكل سريع
عملت لكل واحد فيهم طبق في بطاطس وبرجر وعصير وطلعته علي اوضهم
جلال.....تسلم ايدك يا زهره
زهره.....يلا يا حبيبي كل ونام علي طول
جلال....بقولك ايه ساعه وصحينا عشان ممكن مسمعش الموبايل
زهره....ماشي متقلقش هصحيك يلا كل ونام
مسك جلال ايدها باسها بحب ربنا يخليكي لينا❣️
زهره....و يخليكوا ليا يا حبيبي❣️
................
في مجموعه الطوبجي
في مكتب مراد مسك التليفون اتصل علي تقي
تقي....ايوه يا مستر مراد
مراد....تعالي علي المكتب يا تقي
تقي....حاضر
قفلت تقي وخدت نفس طويل وقامت راحت علي مكتب مراد خبطت ودخلت
تقي....بحزن من غير ما تبصله تحت امرك يا مستر مراد
مراد.....ادخلي واقفلي الباب 🤨
قفلت الباب وقربت من المكتب لمحت علي المكتب طبقين طبق في سلطه وطبق في ساندوتشات وعصير
مراد....الاكل اللي قدامك ده عايزه كله يخلص
بصتله تقي وهي في دموع في عينها🥺
مراد....رفع عينه ليها ايه سمعتي اللي قولتوا🤨
تقي....ايوه بس انا لسه مش جعانه من وقت الفطار🥺
مراد.....انا مش بحب اعيد كلامي كتير الاكل يخلص بسرعه يلا عشان ورايا شغل🤨
تقي.....حاضر قربت تقي مسكت الاطباق وراحت ناحيه الباب
مراد....استني عندك انتي راحه فين؟🤨
تقي....بدموع راحه علي مكتبي🥺
قام مراد من مكانه مسك منها الاطباق حطهم علي التربيزه ومسكها من ابدها قعدها علي الكنبه
مراد....الاكل ده هيخلص وانتي قدامي هنا تاكلي هنا كل الاكل وبعدين روحي مكتبك🤨
تقي....ليه؟🥺
مراد....عشان مش واثق انك هتاكلي الاكل ده كلي وبعدين امشي
تقي....هو انت ليه بتعمل معايا كده🥺
مراد.....والله لكل فعل رد فعل لما احس اني بتعامل مع حد كبير ومسؤول هبقي اسيبك براحتك طول ما انا بتعامل مع طفله يبقي هعاملك علي انك طفله يلا اقعدي وكلي وبطلي عياط🤨
قعدت تقي وفضلت باصه علي الأكل ودموعها نازله🥺🥺
مراد....انا قولت بطلي عياط ويلا كلي
تقي....طيب هاكل متفضلش باصصلي كده 🥺🥺
مراد.....لا هفضل باصصلك لحد ما تخلصي ويلا كلي عشان اشوف شغلي
طلع السيجار بتاعه ولعه حط رجل علي رجل وفضل يشرب السيجار وهو باصصلها ابتسم بحب عليها دموعها نازله وبتاكل زي الاطفال❣️
مراد....اشربي العصير 🤨
مردتش عليه ولا بصتله وفضلت تاكل بهدوء وهي دموعها نازله.
بعد وقت بسيط سابت الاكل
مراد.....لسه في اكل كملي 🤨
تقي....بس انا شبعت🥺
مراد.....سمعتي اللي قولته صح🤨
تقي....مراد هرجع والله مش قادره🥺
مراد....انا جايبلك اكل بسيط الطفل الصغير يخلصه في ثواني يعني مش هترجعي ولا حاجه انا عايز الاطباق فاضيه خلصي🤨
مسحت دموعها وكملت اكل
مراد....العصير كمان يخلص🤨
خلصت تقي اكلها وشربت العصير مناخيرها ووشها بقي احمر من العياط
قامت وقفت ومسكت في ايدها الاطباق
مراد....سيبي الاطباق مكانها هما هيجوا يشيلوا🤨
تقي....حاجه تاني🥺💔
مراد....لا روحي علي مكتبك🤨
خرجت تقي من المكتب واول ما خرجت ابتسم مراد بحب واتصل علي البوفيه يجوا ياخدوا الاطباق وراح يكمل شغل❣️
....................
عدت كام ساعه وراح الجميع المستشفي.
في غرفه منذر كان تعبان جداً وبيحاول يخفي ألمه.
دخل الدكتور.
الدكتور....اخبارك يا بطل
منذر....بهدوء وتحمل تعبان يادكتور في آلم في كتفي جامد اوي والجرح اللي في صدري شادد عليا جداً
الدكتور....الالم اللي في كتفك طبيعي لان العضم بيلتئم بس متقلقش العمليه كويسه جداً انا هبعت الممرضه الوقت تديلك حقنه مسكنه بس كمان عايزين علي قد ما نقدر نخفف. المسكن احنا مش عايزين نعالج حاجه و نبوظ حاجه تانيه كتر المسكنات دي غلط اما بالنسبه للجرح اللي في صدرك
انت واخد حوالي 14 غرزه والغرز في المكان ده بتبقي صعبه شويه لانها في القفص الصدري وده مكان مفيهوش غير عضم وعضل وطبيعي كل ما الجرح بيلتئم الغرز بتشد عليك
كاريمان...طيب مفيش اي حاجه تتحط علي الجرح تسكنلوا شويه
الدكتور ...المسكن اللي هياخدوا الوقت هيسكن الوجع عموماً
سالم....طيب الجرح كويس يا دكتور ؟
الدكتور....زي الفل متقلقوش هو بيتحسن بشكل ملحوظ يومين تلاته ونفك الغرز مش هيفضل غير دراعه وطبعاً مش محتاج اقول ان التغذيه هتساعد جداً في انك تتحسن بسرعه
منذر....تمام يا دكتور
روح....طيب زيد يا دكتور ممكن تطمنا عليه🥺
الدكتور....متقلقيش العمليه بخير والحمدلله هما واضح انهم رياضين وده ساعد جداً ان الكسر ميبقاش مضاعف العمليتين ناجحين جداً انا بطمن عليه وهو بيتحسن
راجح....طيب يا دكتور احنا حابين نشوفه حتي لو دقيقه علي الاقل والدته لان زي ما حضرتك شايف هي هتتجنن عليه.
الدكتور...انا من ناحيتي معنديش مشكله بس هبلغ الدكتور الاستشاري المسؤول عن حالته هو بيمر بس علي المرضي وهخليه يجي لحضراتكم
راجح....تمام يا دكتور شكراً ليك❣️
الدكتور....العفو علي ايه هبعتلك الممرضه يا بطل تديلك المسكن
منذر....تمام يا دكتور.
في الوقت ده دخل ياسين ومعاه چورچ اللي صمم يجي معاه بعد ما عرف اللي حصل وكان هيتجنن عليهم.
ياسين....مساء الخير جبتلك حبيبك يا عم
منذر...چورچ❣️
چورچ....بدموع حبيبي يا منذر 🥺 ايه اللي جرالكم يا ابني
منذر....اهدي يا چورچ انا بخير
چورچ.....حقك عليا معرفش والله غير الوقت كنت فاكركم مشغولين في شغلكم استغربت انكم بقالكم كذا يوم متصلتزش بس قولت انتوا ميمنعكوش عني غير الشديد القوي معرفش انكم في المستشفي سامحني يا حبيبي🥺
منذر....طيب اهدي عشان هزعل منك والله.
راجح....اهدي يا چورچ هو بخير اطمن اقعد ارتاح.
چورچ...علي عيني يا حبيبي يارتني انا بدالكم فين زيد طمني عليه🥺
منذر....ادعيلوا يا چورچ
چورچ....ماله في ايه؟ هو كويس صح
قاسم.....بقولك ايه منذر وزيد موصينا عليك واحنا مش عايزينك تتعب ولولا عارفين انك هتقلق عليهم مكناش عرفناك اهدي بقي كده
راجح....زيد الدكاتره بيطمنونا عنه بس هو لسه مافاقش في غيبوبه بس الدكتور. قال انها غيبوبه مؤقته يعني هيبقي بخير إن شاء الله.
چورچ....غيبوبه يا حبيبي يا ابني عملوا فيك ايه يا زيد🥺
سالم....اطمن يا راجل يا طيب هيبقي بخير والله
ياسين....لما عرف اللي حصل بقي زي ما انتوا شايفين مرضتش اعرفه ان زبد في غيبوبه.خوفت عليه والله
منذر....بطل عياط بقي انا مش متحمل يا چورچ
چورچ....ربنا يطمني عليكم يارب ويبعد عنكم اي شر 🥺
في الوقت ده رن موبايل قاسم طلع الموبايل لمح اسم فريده قفل الصوت وشال الموبايل ثواني ورجعت اتصلت تاني خرج بره عشان يرد عليها
زهره كانت متابعاه من بعيد في صمت.
قاسم....ازيك يا فريده.
فريده....الحمد لله يا قاسم قاسم هو الخبر اللي شوفته ده صح؟
قاسم....خبر ايه؟
فريده.....زيد في المستشفي
قاسم...بصدمه عرفتي منين؟
فريده....لسه حالاً في خبر نازل ان حد اعتدي عليه وانه في المستشفي في حاله خطيره
قاسم....ازاي مين اللي نزل الخبر ده ؟ ده حتي احنا مقولناش في الشركه
فريده....يعني الخبر صح وزيد في المستشفي.
قاسم....بتنهيده ايوه يا فريده
فريده....طيب حصلوا ايه ومين دول
قاسم....منعرفش لسه يا فريده
فريده...طيب هو ايه اللي حصله؟
قاسم...متبهدل يا فريده وللاسف دخل في غيبوبه
فريده...انت بتقول ايه وحصل امته ده كان لسه مكلمني من كام يوم
قاسم....من حوالي تلات ايام طلعوا عليهم ناس هو ومنذر خطيب فيروز اختي والاتنين اتبهدلوا بس حاله منذر افضل شويه من زيد
فريده.....انا اسفه والله يا قاسم مكنتش اعرف انا لسه شايفه الخبر حالاً
قاسم....اهو انا معرفش ازاي الخبر ده اتسرب اصلاً احنا حاولنا نخبي اللي حصل عن الصحافه
فريده...هبعتلك الوقت الخبر وحاول تتواصل مع الجريده اللي نزلته واعرف مين اللي سرب الخبر ده
قاسم....تمام ابعتيلي علي طول
فريده...حاضر قاسم
قاسم...نعم يا فريده؟
فريده....هو انا ينفع ابقي اجي اشوفوا حتي لو بليل؟
قاسم....اكيد يا فريده شوفي هتيجي امته وانا هستناكي
فريده....لو ينفع انهارده هاجي
قاسم....تمام يا فريده هستناكي يلا هقفل الوقت
فريده....تمام سلام يا قاسم
قاسم....سلام يا فريده.
..................
دخل قاسم علي الاوضه وبصلهم
قاسم...في مشكله حصلت
بصوله كلهم
سالم....مشكله ايه؟
قاسم.....نزل خبر عن اللي حصل لزيد ومنذر.
راجح....ازاي ومين اللي نزلوا
ياسين.....محدش يعرف غيرنا ومفيش اي حد من الصحافه عرف
قاسم....مش عارف هتواصل مع الجريده اللي نزلت وهعرف
سالم....لا سيبلي انا بقي الموضوع ده
راجح...مش عايز مشاكل يا سالم
سالم....مش هعمل مشاكل يا باشا بس افهم امير انت وجلال في اي حد غريب جه هنا
امير....لا خالص والله
سالم....اه يا ولاد الكلب يبقي مفيش غير اللي عملها اصلاً 😡
مراد...حتي لو عادي مش مهم اللي حصل حصل خلاص
ياسين....بس ده في مصلحتنا غلي فكره لو عرفنا مين اللي وصل الخبر هنقدر نوصل للي عملها.
داوود...علي فكره عاصم كلمني وجاي في الطريق وبيقوا انه شاكك في حد
مراد...طيب كويس ادينا مستنين.
دخل الدكتور. الاستشاري في الوقت ده ومعاه دكتور تاني المسؤول عن المرضي في العنايه.
الاستشاري...دكتور عز بلغني انكم عايزني
راجح....ايوه يا دكتور يعني كنا بنقول لو ينفع ندخل لزيد ومش هنتعبه علي الاقل والدته
روح...ارجوك يا دكتور اطمن عليه واشوفه من قريب🥺
صبا...بدموع وانا والنبي يا دكتور🥺
الاستشاري....انا حالياً معنديش مشكله انا كنت رافض في البدايه لان حالته مكانتش تسمع يعني هو عامل استئصال واكيد كان صعب ادخلكم عشان الجرح ميتلوثش هي مش عمليه عاديه وطبيعيي انا بمنع اي دخول للمريض في حالتين سواء استئصال او زرع اي عضو في الجسم لان في الحالتين دول الجسم مبيبقاش لسه في خالته الطبيعيه انك تشيل جزء من الانسان او تحط جزء بيحتاج وقت لحد ما الجسم ياخد علي الحاله الجديده ويتأقلم فا بيبقي التلوث والعدوي سهل جداً ان المريض يتعرضلها بس هو حالياً حالته مستقره الجرح بقي افضل كتير والجسم تقبل الجزء اللي اتشال منه
روح....يعني ينفع نشوفه🥺
الاستشاري...من ناحيتي انا تمام
الدكتور المسؤول عن الرعايه...انا من غير ما تطلبوا كنت هطلب منكم ده ضروري
راجح....مش فاهم يا دكتور ؟
الدكتور....سبق وقولت لحضراتكم ان الغيبوبه اللي استاذ زيد دخل فيها ملهاش تفسير بالنسبالي لان حالته كويسه جداً ومكانش في اي مبرر لدخوله في غيبوبه بس ديماً بنعتمد في الحالات الخاصه اللي زي دي علي الطب النفسي وبما اني المسؤول عن الطب النفسي لحاله لاستاذ زيد فا انا حابب اطمنكم هو بخير جداً ويكاد يكون واعي حالته بالنسبالي غريبه مقاوم من الدرجه الاولي وفي نفس الوقت مستسلم جداً رافض انه يفوق وده معناه انه مضغطوط بشكل كبير جداً عقله في صراع ما بين انه يفوق وبين انه يستسلم مقدرش اسيبه كده وفي نفس الوقت مفيش حاجه في ايدي اقدمهاله طبياً تساعده انه يفوق مفيش غير حل واحد او تجربه لو نفعت يبقي هيقوم وبسرعه وانا عندي يقين تام ان التجربه دي هتنفع
مراد...تجربه ايه يا دكتور.
الدكتور....استاذ زيد في صدمه ومحتاج انه يفوق منها وده مش هيحصل غير لو حد فيكم دخلوا وعشان منبقاش بنتعبه انا محتاج اللي يدخلوا ويحسسوا انه جنبه يكون حد قريب منه جداً زي ماقولت هو يكاد يكون واعي بيستجيب لكل حاجه بنعملها معاه بشكل ملحوظ وده يثبت كلامي محتاج بس شخص او اتنين يدخلوا عنده يحاولوا يطمنوا بس من غير اجهاد
روح....انا انا امه🥺 انا عارفه لو دخلتله هيفوق🥺
صبا.....وانا كمان 🥺
الدكتور....احنا هنحاول معاه وان شاء الله التجربه دي هتساعده شويه
راجح....دكتور صبا مراته بس هي حامل
الدكتور....لو الحمل في الاول بلاش افضل
صبا....مش هقعد.كتير والله🥺
منذر...بوجع دكتور🥺 انا عايز ادخل لزيد انا عارف اني لو دخلتلوا هيقوم انا واثق ان زيد فكر اني جرالي حاجه خليني ادخلوا انا واطمنوا💔
مراد....بيتهيألي نبدأ بمنذر احنا قولنا لحضرتك لما وصلناله كان واعي ومكانش بيقول غير منذر الحقوا منذر
الدكتور.....لو اللي متوقعه صح يبقي صدمه استاذ زيد في احساسه انه خسرك خلينا نبدأ بيك❣️
منذر....وانا جاهز🥺💔
- يتبع الفصل التالي اضغط على (رواية احفاد الطوبجي) اسم الرواية