رواية احفاد الطوبجي الفصل الثاني 2 - بقلم اميرة اسامة
أتحركت مريم بعربيتها بعيد عن مكان التصوير.
صبا كانت راكبه قدام جمب مريم و خلود ركبت جمب شمس في الكنبه.
صبا…بصت وراء لخلود و أبتسمت
لولو مش هتقولي مالك بقى
مريم…..اه صحيح ما تقولي بقى في ايه شكلك مش مظبوط وباين عليكي معيطه او عايزه تعيطي 🤨🙄
خلود….انا عايزه أعيط وبجد مخنوقه اوي يا بنات🥺
صبا….ليه بس يا قلبي الواد يوسف مزعلك ولا ايه
خلود….لا خالص مش يوسف بس في حد ضايقني بعد التصوير
شمس….في ايه يابت مالك وبعدين مين ده اللي أتجرأ وضايقك و خلاكي عايزه تعيطي
مريم…انا قولتلكم متحركش من هناك 🔪😒
صبا….بضحك البلطجي بتاعنا 😂
شمس…..مين ضايقك ما تقولي يا لولو
خلود…..انتوا اكيد عارفين الإعلاميه هنادي علام صح🥺
مريم…اعوذ بالله😏
صبا….يابت اسكتي بقى مالها هنادي دي عسوله خالص❣️
شمس….انا مش بحبها فيك كده وكل حاجه فيها مصطنعه😏
مريم….جدعه يابت يا شمس بتفهمي😒
صبا….😂😂قصدك ايه يا ست مريم
مريم….قصدي انك طيبه يا قلبي ومش فاهمه حاجه 😏
صبا….يابت انتي تعرفيها دي برنامجها ناجح جداً وبتقدم حجات حلوه أينعم انا مش من الناس اللي بتتابع التلفزيون اوي بس لما بيصادف وبشوف ليها اي حاجه على النت بتعجبني
مريم….مين قالك اني معرفهاش وبعدين واضح من كلامك انك بتقولي رأيك على برنامجها مش شخصيتها بس انا أعرفها كويس على فكره😏
شمس…والله انا معرفهاش لا من قريب ولا من بعيد بس هي شخصيتها واضحه من غير مجهود عمري ما حبيتها ولا ارتاحتلها
صبا….طيب خلونا نشوف الاول عملت ايه لخلود بطلوا رغي😡
خلود…..بصوا انا زي صبا كده كنت بحبها جداً وجات عليا فتره كنت بتفرج على البرنامج بتاعها حتى لما كانت في قناه النهار وكنت بحسها لذيذه كده ومختلفه انهارده بعد التصوير دخلت عشان اجهز لحد ما تيجوا لقتها خبطت عليا ودخلت عندي ودي اول مره كنت اشوفها بجد رغم اننا بنشتغل في قناه واحده لكن عمري ما شوفتها غير انهارده مش هكدب عليكم فرحت جداً وكنت مبسوطه مصدقتش انها تجيلي
في الاول قالتلي انها بتباركلي وكلام حلو كده وبعد كده لقتها بتقولي بس هقولك كام نصيحه بما انك لسه جديده بصراحه اتبسطت انتوا عارفين انا مش بضايق لو حد قاللي على حاجه غلط بعملها بس اتفاجئت بطريقتها بتقولي اني بكون أوڤر في ردي على الناس قالتلي بلاش تكوني قريبه منهم اوي كده كأنك تعرفيهم او انتوا صحاب واني لازم ارد على قد السؤال ويكون في حدود
شمس….مش فاهمه يعني ايه حدود 🤨 وانتي بتاخديهم بالحضن انتي بتردي عليهم بكل احترام والناس كمان باين عليهم انهم بيحبوكي و فرحانين انهم طالعين معاكي في مكالمه على الهواء
خلود…..وده اللي قولته ليها يا شمس اني بتعامل بطبيعتي قالتلي كمان اني بكون تايهه وباين اني خايـ ـفه ومتوتره
وعيني مش قادره تمسك الكاميرا
صبا….على فكره احنا قولنالك كده بردوا بس الكلام ده كان اول حلقه تقريباً بعد كده ماشاء الله كنتي راكزه جداً وباين انك محترفه ويمكن كمان اول حلقه كان خوفك وتوترك باين اول كام دقيقه وبعد كده خدتي على الجو
مريم…وحتى لو كان بان خوفها طول الحلقه ده طبيعي جداً وميعبهاش دي بتطلع هواء لاول مره في حياتها🤨
خلود…..كمان لمحت ان عشان المجال ده مش دراستي فا باين عليا اني مش محترفه وان اكيد عشان يوسف جوزي انا دخلت بالواسطه يعني
شمس….على فكره ياما ناس دخلت في كذا مجال عن طريق الواسطه ومنجحتش لان لا في قبول ولا كاريزما ولا في موهبه واظن لو انتي معندكيش كل ده مكنتيش نجحتي حب الناس ده يا خلود مش سهل اي حد يقدر يكسبه بالعكس انا بشوف ان حب الناس ده اصعب من الوسايط والشهادات والخبرات
صبا….ايوه صح شمس عندها حق وبعدين حاجه كمان الناس اللي بتتفرج عليكي يا خلود مش كلهم عارفين انتي مين ومرات مين الناس بتتفرج على حد بتحبه وخلاص يمكن القريبين منك او اللي شغالين معاكي هما بس اللي عارفين لكن الجمهور اللي بيتابع مبيبقاش عارف فهماني
شمس….يعني اللي حبك بجد يا خلود ميعرفش العلاقه اللي بينك وبين يوسف
خلود….عارفه انا رديت عليها على فكره قولتلها ان مش شرط اكون عندي خبره عشر سنين ولا شرط اكون دارسه انا حققت في وقت صغير نجاح كبير الناس حبتني معنديش اي كومنت سلبي والبرنامج بتاعي عامل اعلى نسبه مشاهده في القناه خدت حقي يعني بس أضايقت بردوا من كلامها.
شمس…جدعه واوعي في اي وقت تسيبي حقك اظن بعد الكلمتين دول هي كده ولعت
مريم…بضحك ولعت بس احب اقولك يا خلود ان هنادي حطتك في دماغها هي واضح من دخلتها عليكي انها فعلا حطاكي في دماغها بس بعد كلامك ليها مش هتسيبك
خلود…يعني ايه؟
مريم…..بصي يا خلود اول حاجه بعيداً عن هنادي هقولك نصيحه اوعي تنسيها وخليها ديماً في بالك انتي وصلتي في حته حلوه اوي في وقت بسيط قدرتي فعلاً تنجحي وسبب نجاحك كذا حاجه اولهم طريقتك الجميله وردودك على الناس بحب واحترام ضحكتك اللي مش بتفارق ملامحك هزارك مع الناس و طولت بالك عليهم سواء في سماعك ليهم في اي سؤال حتى لو اتكرر الف مره او سواء في ردك عليهم بتدي لكل واحد حقه ودي مش كتير بيعملوها
نجحتي في انك مش بس بتعملي اكل جميل وشكله حلو لا انتي بتعملي اكل ينفع اي حد يعمله مكوناتك مش معقده وغريبه رخيص لفئه كبيره جداً في ظل الظروف اللي البلد بتمر بيها أفكارك متنوعه بما ان الناس على طول زهقانين من الاكل ممكن بكام مكون موجودين في البيت يعملوا احلى أكله مكانتش تخطر في بالهم بعيداً بقى عن ان الاكل رخيص وفي متناول ايد الجميع اكلاتك سريعه ودي بتخدم الناس اللي بتشتغل لانهم بيبقوا جايين مش قادرين الوصفات بتاعتك لا بتاخد وقت ولا مجهود انا مليش في المطبخ وحبيته بسببك بتجبري اي حد انه يجرب ويمكن الحلقه اللي كانت ترند وكانت بجد جميله اوي اللي قولتي فيها انك عملاها للرجاله والشباب المغتربين نصايحك ليهم ايه يكون موجود في البيت ديماً ازاي ينظموا اكلهم يوم الاجازه يجيبوا ايه ويخزنوا ايه ويحضروا ايه لطول الاسبوع بجد كانت فظيعه
صبا…فعلاً والحلقات اللي بعدها شباب كتير كلموها وشكروها جداً
مريم….بالظبط فا انتي نجحتي يا خلود ونجاحك واضح للكل واسطه بقى مش واسطه المهم انك كملتي طريقك لوحدك نصيحتي ليكي بقى كملي اوعي تبصي وراكي انتي عندك حلم ومشوار نجاح لو وقفتي فيه لحظه هترجعي الف خطوه وصدقيني يا خلود الخطوه اللي بتتعمل في النجاح مبتبقاش سهله صعب اوي انك تعملي خطوه نجاح لكن سهل انك ترجعي الف خطوه من نجاحك ده لنقطه البدايه عشان كده اوعي تخلي حد يأثر فيكي اوعي حد يهزك ويخليكي تضايقي او تعيطي امسكي الارض اللي انتي واقفه عليها دي كويس خليكي ثابته متتهزيش ولا تتأثري وخلي عندك ثقه بنفسك ونجاحك ومجهودك وافكارك وراكي ملايين بتحبك مينفعش واحد بس مش بيحبك او مضايق منك هو اللي يأثر فيكي فهماني يا خلود
خلود…بحب فهماكي
شمس….حاجه كمان يا خلود مجال الاعلام عموما سواء تمثيل او برامج او اي حاجه من المجالات دي هتلاقي فيها واحد يدعمك والف عايز يوقعك الكل بينافس على ان محدش غيره يكون ظاهر وهنادي اكيد من الناس دي فكره انها تجيلك لحد اوضتك وتسمعك الكلام ده يبقى هي عارفه بتعمل ايه
خلود….انا حمدت ربنا انها مدخلتليش قبل الحلقه وإلا كان بان عليا ومعرفتش اشتغل
مريم…..عبيطه يا خلود لازم تتعودي على كل الكلام ده ومتخليش اي حاجه تأثر عليكي طول فتره شغلك وخدي بالك لو هنادي حست انك اضايقتي مش هتبطل تضايقك و اكيد هتحاول تعملها مره كمان قبل التصوير عشان تخليكي تتهزي عشان كده بقولك اوعي تقفي او تبصي وراكي ومهما سمعتي من كلام محبط متتأثريش اللي بيحبك يا خلود عمره ما هيوترك قبل ما تصوري عمره ما هيسمعك كلام يحبطك وانتي داخله هواء عشان كده اوعي تتهزي كمان في حاجه اللي زي هنادي دي ممكن تعمل اي حاجه عشان تسحب البساط اللي انتي ركبتيه من تحت رجلك مش بعيد تفضل تضايق فيكي مش بعيد تحطك في دماغها اكتر ماهي حطاكي والاهم هنادي هتظبطلك كام مكالمه زي الفل على الهواء عشان تربكك خدي بالك ولازم تكوني جاهزه لأي سؤال مهما كان سخيف
خلود…..ايه ده بجد ممكن تعمل كده لا لا ميتهيأليش
مريم….الاشكال اللي زي دي توقعي منها اي حاجه في ناس ميهمهاش انها تأذي او تجرح او تبوظ مستقبل حد المهم هما يكونوا ديماً تحت الأضواء ومحدش يجي ياكل منهم الجو
شمس…كنت هقولك كده على فكره هي مش بس ممكن تخلي حد يسأل اسئله سخيفه او ممكن تخليه يطلع يهاجمك ينتقدك على الهواء يعيب في وصفاتك
مريم…..خليكي ديماً متوقعه الاسوأ عشان تقدري تردي يا خلود
خلود…..ليه كل ده هو احنا في حرب
مريم….أسوأ يا خلود انتي بس عشان طيبه فاكره ان الناس كلها زيك في ناس معندهاش مشكله انها تدوس على الخلق المهم تحافظ على اللي وصلتله وفكره ان البرنامج بتاعك محقق اكبر نسبه مشاهدات دي واجعه هنادي اوي
صبا….طيب انا عندي فضول اعرف حاجه انا ليه حاسه من كلامك انك فعلاً عارفه هنادي كا شخصيه اوي كده يعني انا معاكي ممكن تكون مضايقه ومنفسنه من خلود بس مش لدرجه الأذى اولاً هي إعلاميه من كذا سنه اشتغلت في قناتين برنامجها ساعتين مش زي خلود ساعه واحده كمان بيتعرض في وقت تقريباً الناس كلها فاضيه فيه على عكس برنامج خلود بيتعرض في وقت الناس اغلبها مشغوله كمان البرنامج بتاعها مختلف وبيتكلم في كذا حاجه
مريم…..اهو كل اللي قولتيه ده يأكد كلامي ان هنادي حطت خلود في دماغها ورغم ان المفروض انها ناجحه لكن نجاح خلود وجـ ـعها اكتر سابت شهرتها وركزت مع خلود اللي لسه بادئه غبيه متعرفش ان ده هيوقعها بسرعه طول ما هي سايبه نجاحها ومركزه مع نجاح غيرها يبقى بتدمر نفسها
وفعلاً يا صبا انا اعرف هنادي معرفه شخصيه يمكن في حياتي شوفتها مرتين بس لا هي بتطيقني ولا انا بيطقها.
هنادي من الستات اللي ممكن تبيع اي حاجه عشان توصل معندهاش مبدأ النجاح والشهره والفلوس في المرتبه الاولى عندها انا اعرف هنادي لما كانت شغاله في قناه النهار في مره كان في حفله معموله للقناه وعزيز كان عارف صاحب القناه وخادني معاه وقتها هنادي سلمت علينا ومن الاخر كده لما شافت عزيز ريلت عليه 😏 وحاولت كتير معاه يمكن عزيز كان في كل الصفات الوحشه اللي تخليكي تكرهيه وانتي ضميرك مرتاح بس عشان مظلـ ـمهوش عزيز مكانش وسخ ولا ليه في السكه دي كان كل همه انه ينجح في شغله وبس وانه يحاول يخليني احبه بأي طريقه عزيز من النوع اللي بيحب الحاجه الصعبه ورفضي ليه كان مجننه ومخليه يتمسك بيا اكتر بس هنادي كانت من الستات اللي بيترموا تحت رجله وكانت بالنسباله حد رخيص وده السبب اللي خلاها تكرهني هي كانت شايفه انه بيحبني زياده عن اللزوم هي ست فيها كل المقومات اللي تخليها تلعب بأي راجل وانا زي ما انتوا شايفين عاديه جداً وبسيطه حتى في لبسي فا ازاي عزيز يرفضها ويفضل متمسك بيا ولو تفتكروا في فتره هنادي اتوقفت حوالي سبع شهور وبعدها سابت القناه ده كان بسبب عزيز لان هنادي لعبت لعبه وسخه مع عزيز كان ليها واحد معرفه هو صحفي كتب مقال عن عزيز زي الزفت وقتها عزيز رفع قضيه تعويض على الجريده دي وكسب القضيه وبعدها اتعرف ان هنادي اللي وراه وبما ان صاحب القناه كان علاقته كويسه بعزيز فا اتوقفت هنادي من القناه وسابتها خالص عشان كده هي بتكرهني وبتكره عزيز.
صبا…..يانهار اسود 😳ايه كل ده انا مكنتش اعرف ان الحكايه كده خالص صحيح المظاهر خداعه اوي
شمس…على فكره هي باين عليها جداً انها من النوعيه دي انا قولتلكم معرفهاش ومش بحبها وده بسبب القبول هي معندهاش قبول و اهي طلع ليها بلاوي وربنا ساحب من وشها القبول
خلود….انا كمان اتصدمت بجد انا كنت بحبها وبحترمها على كده بقى تفتكري هي ممكن تكون بتضايقني عشان علاقتي بيكي
مريم…ميتهيأليش ان هنادي تعرف علاقتي بيكي يا خلود ولا تعرف اني هرتبط بنادر وان انا وانتي مشتركين في نسب عيله الطوبجي هي حالياً اللي فارق معاها النجاح اللي حققتيه في القناه واللي بقى اعلى من نجاح البرنامج بتاعها بس خدي بالك هنادي مش سهله وهتفضل وراكي زي ماقولتلك هتعمل اي حاجه عشان توقعك لازم تكوني ذكيه يا خلود
خلود….طيب وبعدين انا مليش في الجو بتاع الحروب والنفسنه والاذيه والكلام ده انا مصدقت يا مريم ان ربنا كرمني وحياتي بقت اهدى
مريم …انتي عبيطه يابت فكراني هسيبك يعني انا معاكي
شمس….وانا كمان و هنشتغلها في الازرق دي عبيطه دي ولا ايه😒🔪
صبا….متقلقيش هي اصلاً متقدرش تقرب من اي حد تبع عيله الطوبجي وخلاص احنا حطيناها في دماغنا كله إلا زعل لولو😍😉
خلود…بحب أبتسمت ربنا ما يحرمني منكم ويخليكم ليا يا بنات بجد ربنا عوضني بيكم احلى عوض في الدنيا
وحاسه اني ضهري ديماً مسنود بيكم
مريم…..ويخليكي لينا يا احلى لولو انتي والبنات يابت دي وقعت في عصابه وبما انها رجعت تظهر بعامليها الزباله دي فا متقلقيش هتلاقي ديماً عفريتها في وشها والمرادي فصلها من القناه هيبقى على ايدي خليني بس اخلص من الفرح ومن نادر وانا هروقها 🤨🔪
ضحكوا البنات كلهم على مريم وفي الوقت ده جه اتصال لمريم من نادر.
مريم……ده بيجي على السيره😂 الوووووو🤨
نادر…..انتي فين
مريم…وانت مالك مش انت مرضتش تيجي معايا🙄
نادر….يابت اعقلي انتي فين بجد😡
مريم…في ايه احنا لسه في الطريق
نادر…..طيب انا قولت اقولكم بس انا رايح على المستشفى عشان لسه عارف ان فيروز بتولد
مريم….ايييييه بتولد 😳
صبا…..فيروز ولا ايه 😳😳😳
مريم…اه نادر بيقولي انها بتولد
شمس…بتولد ازاي دي لسه معادها بعد فرحكم
مريم…..معرفش هو فرح منظور 😭
نادر….انتي يابت😡
خلود…..لا تكون تعبت
صبا…ربنا يستر طيب اسأليه هي فيها حاجه
نادر…..اه يا جزمه قديمه😡😡😡
مريم…..عايز اييييه 😡
نادر….يابت خليكي معايا مش وقت رغيك ده
مريم…..بقولك ايه هي في انهي مستشفى
نادر….صبا عرفاها مش هي معاكي
مريم….نادر بيقول انك عارفه المستشفى يا صبا
صبا….اه خليكي زي ما انتي وانا هقولك
نادر….طيب خليكوا انتوا الوقت هي لسه واصله
مريم….اكيد مش هينفع طبعاً احنا هنيجي يا بومه 😡
نادر….بضحك الله وانا مالي 😂
مريم…كله منك مش انت اللي قعدت تقر فيها الصبح وتقولي اجلي المشوار لما افضى اهي الجوازه باظت خالص ياكش ترتاح😭😭
نادر…..انا مالي طيب عموماً متقلقيش هنظبط كل حاجه
مريم…..امشي من وشي يا نادر خلينا نطمن على فيروز اهم😒🔪
شمس….يابت بصي قدامك وبلاش خناق هنلبس في التاكسي 😂😂
مريم…..اتكل على الله يا نادر يلا هشوفك هناك
نادر….طيب يلا سلام
صبا….ايه فيها ايه؟ وروح عرفت ولا لا
مريم…هو ميعرفش حاجه وغالباً عرف من روح ايوه
خلود….طيب خلينا نطمن عليها ونبقى نشوف مشوارك ده بعدين.
مريم….اكيد طبعاً يلا نادر ابن حلال ويستاهل لا هيحصل لانچيري احمر ولا اسود😂😂😂😂
ضحكوا البنات عليها وراحوا على المستشفى❣️
…………..
دخلت فيروز على اوضه خاصه بعد الكشف عليها عشان تجهز للولاده دخلت الممرضه لبستها وخرجت سابت معاها منذر.
منذر….فيروز اهدي ومتخـ ـافيش الدكتور بيقول ان دي ولاده و حالتك طبيعيه جداً مفيش اي قلق وسمع كمان نبض فيروز وكل حاجه تمام عشر دقايق وهيجي ياخدك
فيروز…بدموع قوله والنبي يا منذر اني مش عايزه اولد طبيعي 😭
منذر…بحب مسك ايدها فيروز الدكتور بيقول ان كده افضل وأنك مهيئه كده للولاده الطبيعي يبقى ليه نلجأ للقيصري
فيروز….😭😭😭انا خايـ ـفه يا منذر والله خايـ ـفه
بصلها منذر بتوتر بلاش تعيطي عشان خاطري وحاولي تهدي مفيش داعي للخـ ـوف الدكتور طمنك بنفسه و بصراحه هو اقنعني بالولاده الطبيعي وانا شايف انها افضل يا فيروز انا جمبك متخـ ـافيش يا حبيبتي هفضل واقف جنب اوضه العمليات
بصتله فيروز وهي دموعها نازله انا عايزه مامي يا منذر عشان خاطري😭
منذر….كلمتها والله وكلمت زيد وشويه وهتلاقيهم كلهم هنا حتى ماما اول ما عرفت قالت انها هتيجي حالاً كلنا هنبقى معاكي متخـ ـافيش
في الوقت ده دخلت الممرضه تاني عشان تقيس الضغط وتركبلها الكانولا
منذر…..للمرضه تحبي اخرج
الممرضه…لا لا خالص خليك انا بس هقيس الضغط وهنركب الكانولا
منذر…تمام
فضل منذر واقف جمبها لحد ما الممرضه خلصت
منذر….هو ايه المحلول ده
الممرضه….ده طلق صناعي يعني بيحمي الطلق شويه عندها هي فاضل حوالي سم ونص عشان الرحم يتفتح وده هيساعدها.
منذر….تمام.
وبعد حوالي دقيقتين بدأت فيروز تتعب اكتر وتصـ ـرخ من الوجـ ـع
فيروز….اااااااه نادي على الدكتور ارجوكي انا بمـ ـووووووت
منذر…..بعصبيه المحلول ده فيه ايه نادي على الدكتووووور
الممرضه…اطمن حضرتك ده طبيعي والله كلها كام دقيقه وهناخدها على اوضه العمليات متقلقش الدكتور في الاوضه بيتعقم مش هيعرف يخرج
فيروز….اااااااااااااه
منذر…..انتي مش شايفه هي عامله ازاي😡😡
الممرضه…..شايفه والله بس اطمن دقيقتين كمان و هنشيل المحلول
قرب منذر من فيروز وهي بتعيط مسك ايدها اتفاجئ بفيروز وهي بتسند راسها على صدره.
فيروز……انا بمـ ـوت يا منذر🥺💔
منذر…🥺متقوليش كده يا حبيبتي هتبقي بخير والله اتحملي شويه انا عارف انك تعبتي بس خلاص هانت حط ايده على راسها وضمها ليه اكتر كان حاسس بوجـ ـعها من كتر ما هي بتضغط على ايده وبتتألم
وبعد حوالي خمس دقايق شالت الممرضه المحلول وجابت لها كرسي متحرك عشان تقعد عليه.
مسك منذر ايدها بحب
فيروز….خليك جمبي يا منذر
منذر….انا هفضل جمب الاوضه متقلقيش لا إله إلا الله
فيروز….محمد رسول الله.
فضل واقف لحد ما اختفت ودخلت بيها الممرضه قرب من الاوضه وفضل رايح جاي بقلق
دقايق بسيطه وجات روح وزهره وليلى
روح….بلهفه منذر منذر فيروز فين طمني
منذر…بحب مسك أيدها متقلقيش لسه داخله حالاً اوضه العمليات
روح…..طيب حصلها ايه الدكتور محددلها معاد
زهره…..هي كان باين عليها التعب مش انا قولتلك حاسه ان فيروز هتولد طبيعي
منذر…..انا سألته يا روح قال انها بخير و وضعها كويس جداً حتى فيروز اتحايلت عليه كتير عشان تولد طبيعي بس هو مرضيش قالها انتي خلاص بتولدي وجربتي التعب ليه اخليكي تولدي قيصري
ليلى…..ربنا معاها ياروح اطمني هتبقى بخير والله
روح…انا قولتلها متخرجش لوحدها هي اللي صممت كان باين عليها اصلا التعب
منذر…يا حبيبتي ده نصيب وبعدين كويس اني كنت معاها
روح….انت ازاي قابلتها صحيح انا مفهمتش منك
منذر….انا مقابلتهاش انا كلمتها عشان لو فاضيه تعدي عليا عشان المفروض تاخد نصيبها من ارباح السنه ولما جاتلي تعبت وجبتها على هنا على طول
زهره….شويه وهتبقى بخير اطمني زي ما منذر قال ده نصيب هي مرعوبه من يوم ما شافتني بولد وقررت انها تولد قيصري بس ربنا ليه رأي تاني مهما ظبطناها احنا
روح….ونعم بالله ربنا يسترها يارب
منذر….أرجوكي بلاش توتر وعياط ادعيلها تقوم بالسلامه
روح….طيب قولي والنبي يا منذر هي كانت تعبانه اوي كانت حاسه بأيه
منذر…..تعب عادي ياروح بتولد المهم ان الدكتور قال ان كل ده طبيعي وان هي وفيروز بخير
وفجأه سمعت روح صوت صرخه قويه جايه من بعيد
حطت روح ايدها على قلبها بخـ ـوف🥺
روح…..بنتي🥺
ليلى…..تعالي ياروح نبعد من هنا
روح…لا انا مش همشي من هنا
منذر….اسمعي الكلام ياروح هتوتري نفسك على الفاضي هي الوقت تولد وتخرج هي وفيروز الصغيره وتبقى بخير
روح…..سيبوني في حالي والنبي انا مش همشي من هنا 🥺
ليلى….طيب تعالي حتى نطلعلها الغيار بتاعها هي وفيروز الوقت يطلبوا اللبس
روح….بدموع روحي انتي وزهره انا مش هسيب بنتي🥺
منذر…..طيب خلاص سيبوها براحتها روحي يازهره انتي وليلى حضروا لبس البيبي
زهره….طيب خلي بالك منها
منذر…حاضر
فضلت روح رايحه جايه اكتر من عشر دقايق وكل ما تسمع صوت فيروز بتصـ ـرخ تحط ايدها على ودنها بخـ ـوف
في الوقت ده جه راجح زيد ومراد وتقى وملك بيجروا عليهم وباقي الشباب وراهم
راجح….روح فيروز عامله ايه
روح….تعبانه اوي يا راجح🥺
منذر…..ياروووح روح استهدي بالله بلاش تقلقيه زي الفل والله ياعمي هي بس روح مش متحمله صريخها ومش راضيه تروح تقعد في الاوضه
زيد….طيب الدكتور طمنكم
منذر….اه والله قال انها زي الفل ومرضيش يولدها قيصري لما شاف ان حالتها كويسه.
زيد…طيب الحمد لله خير يارب
خرجت الممرضه في الوقت ده وفي نفس اللحظه لما الباب اتفتح سمعوا صوت صريـ ـخ فيروز.
فيروزززز….اااااااااااااااااه.
روح…بنتي بنتي تعبانه والله
راجح…بقلق وهو حاطت ايده على راسه يارب عديها على خير.
روح…استني طمنيني بالله عليكي بنتي تعبانه صح
الممرضه…اهدي والله متخافيش زي الفل خلاص تقريباً الدكتور بيخلص وانا خرجت اخد منكم لبس البيبي
روح…طيب معلش عرفيها قوليلها مامتك واقفه بره خليها تطمن انا عارفه ان هي خايـ ـفه🥺🥺
الممرضه…بابتسامه هاديه حاضر عيني متقلقيش فين لبس البيبي
زهره….اهو اتفضلي
روح….متنسيش تطمنيها وخليكي جمبها عشان خاطري.
الممرضه….بطيبه طبطبت على ايدها حاضر في عيني ❣️
وفجأه سمعوا صوت البيبي😍
الممرضه….مش قولتلك اهي ولدت
روح…..بدموع وفرحه الحمد لله يارب فيروز ولدت يا زهره
زهرة…..الحمد لله يا روح❣️🥺
ليلى…بدموع حمدالله على سلامتها ان شاء الله تخرجلنا بالف خير🥺
مراد….مبروك يا جدو
راجح….براحه الله يبارك فيك يا مراد الف حمد وشكر ليك يارب
منذر سند ضهره على الحيطه بارتياح رغم القلق اللي باين على وشه
منذر……الحمد لله يارب نشفت دمي
زيد….بحب طبطب على كتفه اصلب طولك يا صاحبي😉❣️
منذر…..طول ايه بقى فيروز رعبتني انا مش عارف انا قدرت ازاي لحد الوقت اكون بالبرود ده انا شربت الخضه كلها من اولها لأخرها🙈
مراد….بضحك علقه تفوت ولا حد يمـ ـوت يا منذر بقيت عم مين قدك
منذر…بابتسامه انتم السابقون
داوود…..بس تبقى عم زيي ملكش دعوه بمراد خالص
مراد….متسمعش كلامه خليك زيي انا😂😂
نادر….هما هيخرجوها امته
ليلى….مش لسه في دكتور بيطمن على البنت وبيطمنوا على فيروز الوقت يخرجوا
في اللحظه دي البنات وصلوا
صبا….روح طمنيني فيروز عامله ايه
روح….ولدت خلاص بس لسه مخرجوش🥺
صبا…..بدموع طيب بلاش عياط بقى الوقت تخرج وتبقى كويسه🥺
شمس….طيب حد سأل عن حالتها
نادر….زي الفل والله
خلود…..حمدالله على سلامتها يا روح
زيد….انا بقول نروح على الاوضه احسن بلاش كلنا نفضل هنا ولا ايه.
راجح….اه تعالوا نستنى هناك احسن بلاش وقفتنا دي هنا
وصل جلال وامير وياسين وسالم وكانوا جايين بيجروا
ياسين…..ايه الاخبار فين فيروز
جلال….بخـ ـوف اختي كويسه صح
زيد….في ايه ياض انت وهو مالكم زي الفل
سالم…..ولدت طيب
زيد….اه الحمد لله وخدوا لبس البنت والوقت يخرجوا.
يوسف…الحمد لله يارب
امير….لما عرفنا انها ولدت قبل معادها خوفنا عليها.
روح….اطمنوا يا ولاد أختكم بخير الحمد لله.
في اللحظه دي الباب أتفتح وخرجت فيروز مع الممرضين على السرير وواحده من الممرضين كانت شايله فيروز الصغيره.
روح……فيروز حبيبتي انتي كويسه صح🥺
فيروز…بتعب ابتسمت ومسكت ايد روح بخير يا مامي🥺
روح….حقك عليا 🥺
فيروز….متعيطيش انا كويسه
راجح….باس راسها حمدالله على سلامتك يا حبيبتي.
فيروز…..الله يسلمك يابابي🥺
بصلها منذر بحب وابتسم 🥺❣️
وراحوا كلهم وراء فيروز.
فرح…..للممرضه هي دي البيبي صح
الممرضه…ايوه تعرفي تشليها
فرح…ايوه طبعاً😍 ياروحيييي دي صغنونه خالص
جلال….مسك كفها على صباعه ايه السكر ده ❣️
امير….انتي شيلاها ازاي دي بجد صغيره اوي🙈
فرح….ابعد ايدك انت وهو عنها😒🔪
مريم…ايه ده الله شكلها كيوت خالص ماشاء الله 😍 ماتبعد انت وهو كده لازقين في البت كده ليه😒🔪
جلال…..بقول ايه بلطجه من اولها هزعلك انا مصدقت بقيت خال😡
امير…ابعد عنها احسن تقطعك😂😂
مريم….مش كفايه ريحتكم سجاير ومقربين منها🔪😒
جلال…هشششش هشششش ايه فضيحه اهو بعدنا اشبعي بيها ياساتر😒
مريم…..فرح بليز عايزه اشيلها😍
فرح…امسكي 😂😂
خدوها وراحوا وراهم على الاوضه كانت عباره عن اوضه استقبال فيها باب يدخل على اوضه فيروز نقلوها على السرير الممرضين وظبطوها
وجه وراهم الدكتور طمنهم عليها وقالهم ان الاتنين بخير وتقدر تروح معاهم بس كمان ساعتين تلاته
الكل بارك لفيروز وروح مكانتش مبطله عياط كل شويه تفتكر انها مكانتش معاها وترجع تعيط
فيروز….كفايه عياط يا مامي انا بخير والله.
روح…..اترعبت لما منذر قاللي انك بتولدي عشان عارفه انه مش معادك
راجح….ربنا ليه تدابيره يا روح والحمد لله انها بخير
سالم….بس ايه ده يافيروز بقى البت الصغنونه دي اللي كانت في بطنك 😂
فيروز….بحب شوفت صغيره ازاي🥺
شمس…..هتكبر وتبقى قمر
فيروز…..دي عايزه وقت طويل لحد ما تكبر هنام جمبها ازاي دي🙈
زهره…ده لو نمتي اصلاً يا حلوه انسي حكايه النوم دي خلاص😂😂
قاسم….طيب هاتيهالها بالتدريج😂
زهره….لا لازم تعرف😂😂
فيروز….ربنا يطمنك🙈🙈
زيد….ايه يا منذر مش ناوي تشيلها ولا ايه
منذر…بصله بابتسامه كلها مشاعر متلغبطه بين الحزن والسعاده والتوتر.
مش هعرف صغيره اوي
روح……تعالى انا هشيلهالك يلا افرد ايدك
منذر….مابلاش ياروح والنبي🥺
راجح…اتدرب يا وحش عشان لما تبقى اب.
ابتسم منذر وقرب من روح حطتها في ايده اول ما شافها فضل ساكت ومصدوم وباين في عينه الدموع
منذر…🥺🥺🥺🥺🥺 حلوه اوي
زيد…بحب مسك كتفه طالعه لامها😉
بص منذر على فيروز ورجع بص لفيروز الصغيره
روح….انتوا نسيتوا تأذنولها
زيد….عمها يأذنلها يلا يا منذر❣️
بصله منذر كأنه تايه من دوامه المشاعر اللي حاوطته بعد شويه عن الدوشه ووقف في ركن وقرب من ودن فيروز وبدأ يأذن في ودنها بهدوء وبعد ما خلص همسلها🥺
منذر….نورتي الدنيا يا حبيبه قلب بابي نورتي دنيتي يا احلى فيروز🥺❣️
فيروز كانت باصه عليه من بعيد وشايفه الدموع اللي في عينه 🥺
في اللحظه دي وصلت كاريمان.
كاريمان…..مساء الخير طمنوني
روح…تعالي ياكاريمان فيروز ولدت الحمد لله
كاريمان….بدموع الف حمد وشكر ليك يارب
راجح…..هات فيروز الصغيره لكاريمان يا منذر
كاريمان…..خلوني اطمن الاول على فيروز الكبيره
ابتسمت فيروز ليها بحب وقربت منها كاريمان مسكت ايدها باستها
كاريمان….حمدالله على سلامتك يا حبيبتي
فيروز….الله يسلمك يا طنط
كاريمان…..ازاي ولدتي بدري انتي تعبتي ولا حصلك ايه
فيروز…..تعبت شويه وبعدين جيت هنا قالوا ولاده
كاريمان….لما عرفت انك بتولدي دمي نشف واترعبت عليكي الحمد لله انك بخير يا بنتي طول الطريق والله بدعيلك تكون ولادتك سهله🥺
فيروز….ربنا يخليكي ليا يا طنط
منذر….ايه مش هتشوفي فيروز الصغيره يا امي.
كاريمان…بدموع طبعاً هشوفها خدتها منه وفضلت بصالها ودموعها نازله🥺
فيروز…..ايه رأيك صغنونه اوي صح
كاريمان…..هتكبر وهتبقى زي القمر وبعدين هتطلع وحشه لمين امها زي القمر🥺
فيروز….يعني شبهي
كاريمان…..هي لسه ملامحها اكيد مش ثابته بس أقولك على حاجه
فيروز….قولي
كاريمان….كلها منذر وهو لسه مولد بالظبط حتى طبع الحسن خدتها منه🥺
ابتسمت فيروز وبصت لمنذر
ابتسم منذر انا كنت زي القمر كده
كاريمان…..طيب بكره تشوف وبعدين هنروح لبعيد ليه هبقى اوريكم صوره وهو صغير هتعرفوا انها نسخه منه
راجح…..تتربى في عزنا يارب ياكاريمان
كاريمان….يارب.
مر حوالي 3 ساعات اطمن الدكتور على فيروز كذا مره وبعد وقت بسيط كتبلها على خروج روحوا كلهم مع بعض على القصر جنه و ميار كانوا في البيت محدش راح ياخدهم اول ما شافوها رجعت جريوا على فيروز الصغيره
جنه…..الله دي جميله اوي هاتيها يا مامي والنبي
فيروز…بتعب اه ياجزمه قديمه بدل ما تطمني عليا🥺🥺
جنه….بضحك 😂😂😂حبيبتي ياروزا ما انتي زي الفل اهو وبعدين مش لازم نرحب بضيفتنا القمر دي😍
ميار…..مبروك يافيروز جميله خالص والله ماشاء الله
فيروز…..عقبالك ياميار وعقبال ملك ما تخليكي خاله قريب
ميار….يارب.
ملك…..اخلي ميار خاله دي مجنونه مش بعيد تاكلها وانا بقولك اهو خدي بنتك منها عشان دي مجنونه😂😂
زهره…..ايوه وانا شاهده مبوظه خدود عُدي من البوس😂😂😂
ميار….بصوا انا بحبهم وهما رايقين كده وساكتين بس لما بيزنوا مش بعرف اتصرف😂😂😂
زهره….بكره تتعودي.
جلال….انا في سؤال هتجنن وأسأله من ساعت ما عرفت ان فيروز بتولد😂
بصوله كلهم.
قاسم….سؤال ايه يا مصيبه
جلال….هو كده فرح نادر ومريم هيتأجل ولا ايه 😂😂😂
نادر…..ده على جثتي غور ياض من جمبي😡
مريم….اكيد طبعاً لحد ما نطمن على فيروز وبعدين كلام في سرك اخوك ابن حلال ويستاهل عشان مش سالك من ناحيتي😂😂😂😂
فيروز…..مفيش حاجه هتتأجل كل حاجه هتمشي زي ما كانت الدكتور قال يوم ولا اتنين وهبقى احسن وحتى لو مقدرتش الدنيا مش هتقف فرح نادر هيتعمل وهيفرح هو ومريم
نادر…..كلام ايه ده انا بهزر طبعاً مفيش فرح هيتعمل من غيرك وبعدين مش هيحصل حاجه لو أجلنا أسبوع كمان
فيروز…..وانا قولتلك مفيش حاجه هتتأجل
راجح…بلاش تسبقوا الاحداث الفرح معاده هيبقى زي ماهو لسه فاضل حوالي 8 ايام يعني هتبقى فيروز كويسه
زهره…..ايوه فعلاً انا من تاني يوم ولاده
كنت كويسه جداً وحاسه ان مفيش اي حاجه روح هي اللي كانت بتقعدني هي وداده زينب على قد ما الولاده الطبيعيه متعبه بس بعد الولاده بنكون احسن فا ان شاء الله تكون بخير
فيروز….انا من الوقت كويسه ومش مصدقه اصلا اني ولدت ومستعده كمان ياسيدي على الاقل يبقى اول فرح لفيروز تحضره.
كاريمان…..قولي ماشاء الله هتحسدي نفسك ولا ايه
فيروز….لا بس عايزه اطمنه عشان انا عارفه اخويا مجنون وممكن يأجل
منذر….خلينا زي ما الباشا قال كله يبقى زي ماهو ويوم الفرح اكيد هنكون مهتمين بفيروز واي وقت هتحس بتعب نرجعها
روح…ان شاء الله مش هيبقى في تعب يومين تلاته كده ونطمن عليها تاني
كاريمان…..قلبي عندك يا روح عارفه انك بقيتي مشغوله اكتر الوقت
روح….المهم انها بخير دي اهم حاجه.
مريم….طيب بما ان مفيش اي حاجه هتتأجل الفتره دي وبما اني خلاص كلها اسبوع واجي هنا انا وداده زينب انا بقول اخلي داده زينب تيجي تقعد معاكي ياروح وتساعدك انتي عارفه ان داده زينب في المواقف اللي زي دي بتقدر تتصرف
راجح…..طيب كويس اهي محلوله وتيجي تساعدك شويه ياروح
كاريمان….ولو مش هكون تقيله عليكم افضل انا كمان مع روح
روح….بتقولي ايه بس يا كاريمان من غير اي حاجه انا اصلا كنت هقولك تفضلي هنا عشان تبقي جمب فيروز الصغيره
كاريمان…..حبيبتي ياروح كلك ذوق انا اه محتاجه اكون مع فيروز الصغيره بس انا عايزه اقعد اكتر عشان فيروز نهتم بيها كلنا وبأكلها عشان تشد حيلها بسرعه وتحضر فرح اخوها وتفرح معاه
راجح…بإبتسامه ربنا يديم الحب ولمه العيله الحلوه دي بينا المهم انا جعان مش هتأكلونا ولا ايه.
روح….اكيد بقى هنجيب جاهز انا لما عرفت ان فيروز بتولد سبت كل حاجه انا والبنات وجرينا.
راجح…..امري لله رغم اني مش بحب اكل الشارع ده خالص بس كله يهون عشان خاطر عيون فيروز الكبيره والصغيره❣️
خلود….طيب بما اننا لسه راجعين كلنا فا حضرتك والشباب تطلعوا كده تاخدوا شاور وتشربوا قهوتكم بره في الجنينه وسيبوا حكايه الاكل دي عليا انا.
روح…..لا طبعاً انتي خلصتي شغلك وبعدين جيتي على المستشفى انهارده راحه
خلود…..انا زي الفل وبعدين انا عارفه ان بابا حبيبي ملهوش في اكل الشارع خالص خليكي انتي بس مع فيروز وانا هعملكم احلى اكل😍
راجح…بحب حبيبتي يا خلود ربنا ما يحرمنا منك ولا من اكلك❣️
يوسف…..يلا انا هغير وهاجي اساعدك
ملك….لا انت معاهم بره انا والبنات اللي هنساعدها يلا يا لولو
خلود…يلا😍
ابتسمت روح لراجح
راجح….ربنا يخليكوا لينا يا حبايبي واشوفك اسعد الناس❣️
…………..
طلعوا الشباب يغيروا وطلعت روح وكاريمان مع فيروز
اتصلت مريم بداده زينب تبلغها تحضر شنطتها وبعتلها نادر سواق يجيبها
وبعد كده راحت على المطبخ تساعد البنات.
………………
زيد خرج هو ومنذر بره في الجنينه
فضل منذر يشرب السيجاره بشرود
زيد….ايه يابطل مبروك
منذر….مبروك علينا كلنا
زيد….مالك ساكت ليه؟
منذر…..بتنهيده بص لزيد عارف ان ربنا مش بيعمل حاجه وحشه بس كنت اتمنى حسام يشوف بنته
زيد…بحب الله يرحمه اديك قولت ربنا مش بيعمل حاجه وحشه وبعدين انت وهو ايه مش واحد
منذر….اكيد واحد ربنا يرحمه انا واثق انه لو كان عاش لحد اللحظه دي كان فرح اوي
زيد…..هما مش بيقولوا ان اللي خلف مماتش جات اللي شالت اسمه يا صاحبي
منذر….هي جات شالت اسمه بس ملاقتش معاها صاحب الاسم🥺
زيد….يمكن كلامك صح بس ربنا عوضها بكتير اولهم انت ياصاحبي وانا وخلانها وجدها اطمن ربنا عوضها بناس كتير بتحبها
منذر….الله يرحمه ويغفرله
زيد…..يارب بلاش بقى جو النكد ده الله يرضى عنك عشان مزعلكش😒
منذر….بضحك في ايه يا جدع انت بتقلب بسرعه كده ليه
زيد…..ما انت السبب خلينا نخرج بقى بره الدايره دي يا صاحبي عشان خدت مننا كتير واظن لو فيروز الصغيره صعبانه عليك اوي كده بدل ما انت واقف جمبي تعدد زي النسوان عوضها😡
منذر….😳😳اعدد زي النسوان
زيد….اه مصدوم اوي انت مش واقف تعدد جمبي🤨 بقولك عوضها
منذر…..اعوضها عن ابوها يا زيد طب ازاي
زيد…..اه تعوضها زي الناس هي جات وملاقتهوش ولا تعرفه كل اللي هتعرفه عنه انها شايله اسمه وبالكتير اوي هتعرفه من كام صوره بس انت اللي باقي ليها الاب مش اللي بيخلف يا منذر الاب اللي بيربي ولا انت ناوي تشيل ايدك من تربيه فيروز🤨🤨 قول قول لو ناوي احنا نسد
منذر…بضحك مابراحه عليا شويه يا عم زيد انا مش قدك🙈
زيد….انت عايز ميت قلم على وشك عشان تفوق 😡
منذر….في ايه يا جدع مالك مش طايقني كده ليه انهارده مش كفايه الخضه اللي خدتها من فيروز
زيد….تستاهل فرحان فيك والله😒
منذر…..تشكر ياعم عموماً يا سيدي من غير ما تقول فيروز في عيني وهعمل كل حاجه اقدر عليها عشان أعوضها
زيد…اهو ده الكلام مش واقف تعدد جمبي🤨🤨
منذر….ماشي ياعم بقولك ايه انا في حاجه كده عايز اعملها بس تكون مفجأه
هتساعدني فيها ولا هتفتن
زيد….عيب عليك هفتن طبعاً🤨🤨
ضحك منذر وضـ ـربه على كتفه😂
زيد…من امته ياواطي بخرج سر بينا😏
منذر…ماشي ياعم بص بقى فرح نادر مش هيتأجل وتقريباً هيبقى يوم سبوع فيروز واكيد مش هيبقى في وقت نحضر لاي حاجه غير الفرح
عشان كده انا كنت عايز نعمل مفجأه لفيروز تاني يوم فرح نادر ومريم كده كده الفرح هيكون هنا في القصر والشركه بتاعت تجهيزات الفرح هتكون مظبطه الدنيا يعني مش هتحس بينا ان في حاجه مش طبيعيه بتحصل هتفق انا معاهم انهم بظبطوا الدنيا وانت عليك انت وصبا والبنات تخلوها متخرجش ولا تشوف بيحصل ايه ونعملها احلى سبوع ايه رأيك
زيد…موافق طبعاً حلو اوي خلاص سيب عليا الحوار ده انا هفهمهم كلهم من غير ما فيروز تحس
منذر….خلاص هعتمد عليك وسيب انت الباقي عليا
زيد…..قدها يا صاحبي 😉
…………….
نزل جلال من اوضته على تحت قربت منه ميار وفرح
ولع جلال سيجاره ووقف يشربها ويضحكوا مع بعض مكانش واخد باله من زيد ومنذر كانوا واقفين بعيد
جلال….ااااه
ميار….في ايه مالك قاعد تهرش في رجلك كده ليه
فرح…..يخربيتك يا جلال عامل زي الجربان كده ليه جسمي وجعني بسبب هرشك ده😭😭
جلال…اتنيلي اسكتي انتي وهي انا مش بهرش بس باين دوست على حاجه عورتني
ميار….احسن انا من يوم ما جيت هنا عمري ما شوفتك بتلبس حاجه في رجلك ومش عارفه بتقعد ازاي كده😒
فرح….ده معفن مامي غلبت معاه بسبب الحوار ده😂😂😂
جلال….ولا لما رجلي بتتوسخ بيبقى يوم مهبب😂😂😂
فرح….اه مشوفتيهوش وهو رجله مطينه😂😂
ميار….لا شوفته من كام يوم وهي روح بتجري وراه الجنينه كانت مرشوشه كلها مايه ورجله كانت مطينه😂😂
جلال….والله ما حد فيكم بيفهم هو في احلى من انك تمشي كده حر من غير قيود انا هاين عليا امشي من غير هدوم والله😂😂😂
فرح….يا ابني احترم نفسك😂😂😂
……..
زيد….اه يا واطي يا جزمه😡
منذر….انا😳😳😳
زبد….اتنيل انت كمان انا بقول على جلال الكلب اللي واقف مستخبي وسط البنات وبيشرب سيجاره
منذر….ياعم سيبه متبقاش عامل زي قباض الارواح كده😂😂😂
زيد….اسيب ايه هو ده بيسيب حد في حاله تعالى معايا اما نشتغله شويه الوقت يخبيها في ايده خلينا واقفين لحد ما تحرقه😂😂
منذر…..يلا هو ابن حلال ويستاهل😂
لمحهم جلال من بعيد
جلال….😳😳😳بصوت واطي يا اختاااي
ميار…..في ايه؟
جلال….هاااا🙄 لا مفيش معلش امسكي كده السيجاره دي
ميار…..سيجاره ايه اللي امسكها انت عبيط 🤨
جلال….يابت اسمعي الكلام متخلنيش اتغابى عليكي هغسل رجلي بسرعه
مسكت منه ميار السيجاره 🙈
فرح….هشوفهم بسرعه عشان همـ ـوت من الجوع.
ميار….ماشي هاجي وراكي
جلال راح يغسل رجله في الجنيه وبص من بعيد على زيد ومنذر🧐🧐
جلال….عيني عليكي يا ميار بس يلا انتي بنت حلال وتستاهلي😂
قرب زيد ومنذر من ميار واول ما شافتهم وشها جاب الوان فضلت تبص للسيجاره وتبصلهم ومنذر واقف كاتم ضحكته.
ميار…..ااااا لا بقولكم ايه محدش فيكم يبصلي كده دي والله مش بتاعتي😭
زيد….انتي مسكاها في ايدك ليه🧐
ميار…..ده جلال اللي منه لله قاللي هيغسل رجله عشان في حاجه عورته وادهالي
زيد…وانتي صدقتيه طب ده واطي و اكيد الصايع ده لمحني من بعيد ولبسها فيكي
ميار….مش مهم المهم انكم عارفين انها مش بتاعتي😭😭😭
زيد…عايزه تخرجي من الموقف وتجيبي حقك🧐
ميار…..بسرعه الله يخليك
هعمل نفسي دخلت واول ما يجي متتكلميش ادهاله بس اتفقنا😂
ميار…..بس كده عز الطلب بس تردلي حقي
زيد…..علقه بس اياكي تمسكي سيجاره في ايدك تاني🤨
ميار….لا والله اول واخر مره🙈
زيد….طيب يلا هعمل نفسي دخلت اتفقنا
منذر….بضحك الله يرحمك يا جلال😂😂
دخل زيد ومنذر وقفوا جمب البوابه
قرب جلال وهو بيضحك بهدوء فرحان انه مقفشهوش لانه مش بيشرب قدام زيد
جلال….ايه زيد فين هو ومنذر
ميار….دخلوا امسك سيجارتك دي😡
جلال….طيب براحه متزوقيش😒 واقفه ترغي لحد ما نصها خلص منك لله
ميار……🤨🤨🤨 تصدق بالله انت تستاهل كل خير
جلال….طول عمري بس ليه
قفشه زيد من قفاه عشان هتتعلق يا ابن راجح🤨🤨🤨
جلال….احيه😳 تصدق بالله هتصدق ان شاء الله بقالي ساعه بقنعها ان السجابر مضره بالصحه وهي راسها جزمه قديمه انت عارف الكيف بيذل😁
منذر…..بضحك انت عيل مترتبش والله😂😂😂😂😂😂😂😂😂
ميار…..الكيف بيذل صح😂😂😂
زيد….انت ياض مش راجل عشان تخلع مني تمسكها لميار🤨
جلال….صلي عالنبي ياعم انت مش مصدق اخوك ولا ايه اسمع مني دي بتعتها وبعدين المفروض تشكرني كانت بتشرب نوع مهبب خلتها تشرب حاجه اجنبي😁😁
زيد….بضحك طيب اعمل فيك ايه حتى المواقف اللي بتتحط فيها غصب عنك بتخرج منها بمقلب
جلال…..اخر مره وبعدين ياعم انت طلعتلي منين انا هربان عشان مشربهاش قدامك انت والباشا و داوود طلعت قدامي زي القضاء المستعجل
زيد….ده عشان انت نيتك شبه وشك مش سالك ياض🤨🤨🤨
منذر…..يعني انت بتشربها قدام الكل ومش بتشربها قدام زيد وداوود وابوك اشمعني عايز اعرف
جلال….يا اخي تحس كده فيهم هيبه وبعدين تحسهم محترمين يجبروك تحترمهم😂😂😂
زيد….بضحك امشي من قدامي عشان هضربك والله😂😂😂
جلال…طيب ما تعملها جميله وتدخن انت السيجاره فاضل فيها كام نفس ده مال غلابه😂😂😂😂
زيد…..هضربه والله😂😂😂
منذر….خلاص بقى خليها عليك تعالى ندخل هتعمل عقلك بعقله وبعدين صعب عليا السيجاره طارت منه😂😂😂
زيد….ثواني والاقيك ورايا😒😒
جلال…..نفسين وهتلاقيني في ديلك😂😂😂😂😂😂
وقف زيد وبصله🤨🤨🤨
جلال…..سلاموا عليكواااا
- يتبع الفصل التالي اضغط على (رواية احفاد الطوبجي) اسم الرواية