رواية احفاد الطوبجي الفصل الثامن و الثلاثون 38 - بقلم اميرة اسامة
🔥البارت الثامن و الثلاثون🔥
قبل كام ساعه من خروج جنه و زهره
صحي الشباب ونزلوا علي تحت عشان يفطروا قيل ما يروحوا الشغل.
قعدوا كلهم ياكلوا قطع صمتهم راجح.
راجح.....ميار
بصتلوا ميار علي طول
راجح....ياسين قالي امبارح علي قرارك يا بنتي في انك هترجعي بيتكم انهارده
بص جلال وامير وفرح وجنه بسرعه لميار بصدمه😳
راجح....بصي يابنتي انا من بوم ما دخلتي البيت ده انتي والبنات اعتبرت نفسي ابوكم لا عمري اعتبرت اني حما البنات ولا عمري اعتبرتك اخت مرات ابني كلكم عندي ربنا عالم واحد وغلاوتكم واحده بس كمان مقدرش امنعك من حاجه انتي عيزاها او حباها
انا هسيبك تروحي. يا ميار بس هستناكي ترجعي يعني مش هقدر اعتبر ان بعدك ده بصفه دايمه روحي يا بنتي اقعدي وخدي. وقتك وغيري جو بس لازم تعرفي ان بيتك هنا وعيلتك الاساسيه هنا اخواتك هنا اوضتك هتفضل زي ما هي حابه تروحي وتيجي علينا فتره اعملي كده وخصوصاً في الايام اللي بنتجمع فيها يا ميار يعني متقطعيش.خالص
ميار....بحب انا مقدرش ابعدك عنكم واكيد هعمل كده بس انا مش عايزه حضرتك او روح تزعلوا مني ومن قراري ده لاني بجد بعتبرك زي مامي وبابي
راجح....منقدرش نزعل منك يا بنتي
روح....اكيد مش زعلانين يا ميار بس زي ما راجح قال هنعتبر ان بعدك ده مش بعد اصلا يعني تغيير جو وهترجعي تاني
فرح....لا لحظه واحده انتب بجد يا ميار هتمشي 🥺
بصتلها ميار بأبتسامه حزن🥺
جلال...انتي بتهرجي اكيد صح؟
امير....طيب هتمشي ليه يا ميار
ميار....مفيش والله سبب بس محتاجه اروح البيت شويه مش اكتر
جلال....طيب والقرار ده جه كده يعني فجأه احنا يابنتي كنا سهرانين مع بعض اول امبارح وبنهزر وبنضحك ومقولتيش انك هتمشي
بصت ميار بارتباك وكانت بتحاول تبعد عينها عنه.
ميار....هو فعلاً خدت القرار امبارح بليل
وعادي يعني مفيش سبب
جنه....يعني ايه مفيش سبب انتي من امبارح مش طبيعيه وبعدين حتي لو في حاجه ضايقتك عرفينا حد فينا طيب زعلك🥺
فرح...اه لو حد فينا زعلك عرفينا واكيد لو حد زعلك يبقي ميقصدش احنا كلنا بنحبك يا ميار🥺
ميار....يابنات والله ما في حد زعلني انا كمان بحبكم اوي بس البيت وحشني
ياسين.....فرح خلاص انتي وجنه سيببوا ميار وخفوا عليها شويه قالت انها هتروح شويه وهتيجي يعني الموضوع مش متحمل نضغط عليها
فرح....هو ايه اللي خلاص يعني انت موافق انها تمشي وانتي يا ملك ازاي هتقدري تسيبي ميار لوحدها
فضلت ملك ساكته وعينها كلها دموع
ياسين....فرررررررح🤨قولت خلاص
بصتلوا فرح بحزن وقامت من علي السفره طلعت علي اوضتها جري.
روح....فرح فرح.
جنه....علي فكره بقي فرح عندها حق ملك ساكته وزعلانه وميار مش طبيعيه وشايفه ان الكل موافق حتي جدو وروح انا تخيلت انهم يعترضوا بس للاسف الكل موافق
قاسم....جنه حبيبتي محدش يقدر يمنع ميار من حاجه هي عيزاها وزي ما قالوا هتروح شويه وترجع تاني فين المشكله
جنه....المشكله اننا ديما مع ميار وهي مقالتش ابدا انها عايزه تمشي ومن امبارح وهي زعلانه وبنحاول نعرف مالها وبتقول مفيش وانهارده قالت هتمشي وياسين مضايق اننا معترضين
ياسين...ياحبيبتي انا مش مضايق وعارف ان اعتراضكم حب ليها بس هي مرتاحه كده احنا هنضايقها ليه.
جلال....نقنعها يا ياسين او نعرف السبب اللي مضايقها
جنه....وليه نعرف يا جلال شكلوا مش من حقنا🥺 وبعدين إذا كان ملك وياسين معندهمش اعتراض وساكتين
ياسين....جنننننه 🤨🤨
قامت جنه بسرعه وراحت وراء فرح
قاسم....جنه
ياسين....بهدوء حقك عليا يا قاسم بس هي وفرح مش فاهمين انه غصب عني
قاسم....لا عادي وهما شويه وهيتقبلوا الوضع
ميار....انا اسفه بجد بس مقصدش ازعلكم
قاسم....انتي ملكيش ذنب يا ميار وبعدين مفيش زعل ولا حاجه هما بس مضايقين عشان اتعودوا عليكي
ميار....طيب بعد اذنكم هطلع اشوفهم.
روح....اطلعي يا ميار❣️
فضلوا باقي البنات يسألوا عن سبب قرار ميار ويشوفوا ملك مالها
شويه وخرجوا الشباب بره عشان يستعدوا للشغل.
امير.....ياسين انا حاسس ان في حوار غير اللي اتقال هي ميار زعلانه مننا في حاجه.
جلال....مش محتاجه سؤال يا امير واضحه يعني ان في حاجه
ياسين.....اه في يا جلال عايز تعرف ميار عايزه تمشي ليه؟
جلال....اه اكيد لا كلنا صحاب وديماً مع بعض ازاي قرار زي ده جه فجأه
ياسين.....ميار ماشيه بسببك انت يا جلال.
بصلوا جلال بصدمه وبعدين بص لامير
نادر....وهو جلال عملها ايه؟
زيد....خلاص يا ياسين
جلال....لا استني يا زيد خلاص ايه انا عايز افهم🤨
ياسين.....ميار بتحبك يا جلال
جلال....بصدمه انت بتقول ايه مين دي اللي بتحبني.
بص هو وامير لبعض شويه وبعدين سكتوا.
ياسين.....زي ما سمعت ميار اتعلقت بيك واللي انا شايفه ان في حاجه بينك وبين رهف انا معنديش مشكله يبقي في بينك وبينها حاجه بس علي الاقل تقول وتخلينا كلما في الصوره و أولنا ميار تبقي فاهمه عشان متسبش نفسها في وهم.
جلال....اه في بيني وبين رهف حاجه بس انا مقصدتش اني أخبي لسه بدري عشان اخد خطوه زي دي رهف لسه راجعه من مده بسيطه وابوها لسه جاي هو ورامي من مفيش فا طبيعي يكون لسه بدري وبعدين احنا تقريباً الموضوع بقي جد لما سافرنا مع بعض
ياسين.....انا مقولتش انك تقول معناها تاخد خطوه بس عادي انت وهي مرتبطين ايه المشكله لما نعرف
جلال....المشكله ان رامي صاحبي يا ياسين وقبل ما اعرفكم و أنشر الخبر لازم اعرف صاحبي عشان هو ليه حق عليا
ياسين....لا يا راجل الموضوع جد من يوم ما سافرنا مع بعض ولسه فاكر الوقت ان رامي صاحبك 🤨
جلال.....انا من يوم ما رامي رجع مفيش مره خرجت فيها مع رهف لوحدي يا ياسين واظن انت عارف كويس اوي ان في العادي خروجي بيبقي مع امير والبنات وكلنا سوا وخصوصا لما رامي رجع هاتلي مره خرجت فيها مع رهف من غيره فا بلاش تلميحاتك دي يا ياسين من فضلك 🤨
مراد...في اييييييه هنقفش علي بعض ولا ايه😡
جلال....لا لحظه معلش يا مراد اصل ياسين طريقته مش عجباني
ياسين...وايه اللي مش عاجبك في طريقتي. انا بتكلم عادي معاك
جلال....طريقتك كلها يا ياسين مش حلوه انا مليش في حوارات البنات وانت عارف ده كويس دي مش شخصيتي انا اخرج اهزر اضحك اسهر يبقي ليا صحاب بنات لكن انا مليش في جو تعليق البنات ده و رهف انا بحبها من زمان علي فكره وكنت مستني الفرصه عشان اقولها والفرصه جاتلي لما رجعت مصر ومش هتسافر تاني وعرفت ان هي كمان بتحبني حتت بقي رامي مش انا اللي اقرطس صاحبي يا ياسين عشان كده احترمت اللي بينا واستنيت الوقت المناسب عشان اعرفه ومن يوم ماهو جه والمصايب نازله حوالينا من كل مكان اللي حصل لفاطيما ورامي واللي حصل لزيد ومنذر وحتي قبل ما يحصل ده كله متقابلناش غير مرتين تلاته ومش معقول اول ما يجي هروح اقوله انا بحب اختك 😡
اما بالنسبه لميار اظن علاقتي بيها كانت واضحه للكل بعاملها زي ما بعامل اي حد بهزر واضحك وبتعامل باحترام من غير ما اتخطي حدودي وكمان عمري ما عاملتها بطريقه خاصه تحسسها اني بحبها😡
سالم.....خلاص يا جلال حصل خير
جلال....لا محصلش يا سالم ياسين طريقته فيها هجوم عليا وحسسني اني كنت قاصد ان ميار تتعلق بيا علي فكره انا مش زعلان منها ولا مضايق من مشاعرها دي بالعكس لنا الوقت مضايق عشانها اكتر منك ومكنتش احب انها تضايق او تتعب بسببي بس كمان انا مليش ذنب وعايز اقولك علي حاجه يا ياسين لو ملاحظ يعني انا بقالي فتره بعيد عن ميار حتي هزاري وضحكي معاها خففتهم عارف ليه عشان امير لما عرف اللي بيني وبين رهف قاللي انه ملاحظ ان ميار بتحبني وانا يومها قولتلوا لا مستحيل وأسأله اهو قدامك لو بكدب يقولي ومن يومها حاولت اخفف كل حاجه معاها عشان متتعلقش بيا اكتر.
ياسين....يعني انت كنت عارف وامير لفت نظرك وفضلت مكمل🤨
جلال....فضلت مكمل في ايه ؟ يا بني ادم بقولك لما امير قالي كده قولتلوا مستحيل لاني محستش ولو مره بحاجه غريبه من ناحيتها و رغم كده حاولت ابعد علي قد ما اقدر.
ياسين.....طريقتك غلط يا جلال هزارك وضحكك وقربك من اي حد بالشكل ده ممكن تتفسر غلط
جلال....مش ذنبي😡 مش ذنبي اني بتعامل بطبيعتي مع اي حد يدخل حياتي انا من يوم ما جيت الدنيا وطريقتي واحده مع كل الناس مش مشكلتي ان كل واحد يدخلها يفسرها علي مزاجه وبعدين مكانش ينفع لما اعرف من امير ان في حاجه من ناحيتها ليا ابعد عنها خالص لان وقتها طريقتي اللي مش عجباك دي لما هتتغير هي هتستغربها لانها باختصار اتعودت عليها
امير....علي فكره يا ياسين الكلام ده فعلا حصل ومن يومها جلال خفف كل حاجه مع ميار حتي لما بنبقي كلنا مع بعض مش بيوجهلها اي كلام بيوجه كلامه وهزاره للكل
زيد....اهدواااااا خلاص ياسين انا مع جلال علي فكره انا مش شايف انه عمل حاجه تستدعي كل ده
جلال.....ملوش لازمه التبرير يا زيد واضح ان ياسين نسي اني اخوه ونسي طريقتي زعلان علي ميار ومضايق عشان ملك حقك بس اوعي تيجي عليا يا ياسين فاهم😡😡😡
سابهم جلال وراح علي الموتسيكل بتاعه
مراد....استني يالاااا مش هتركب مع امير
زيد....جلاااال اركب مع امير
امير...سيبوا انا رايح معاه استني. ياض خدني معاااك
جري امير ونط وراه خرج جلال من القصر وهو مضايق.
مراد....كان لازم نشد يعنيييي😡
ياسين...علي فكره انا مقصدتش اللي الغبي ده فهموا خالص
زيد....بس زعلتوا يا ياسين يلا اخلصوا روحوا وراهم متسيبوهمش
سالم....يلا يا شباب
زيد....أسبقوا انتوا وانا هشوف داوود و الباشا وفرح
بعد وقت بسيط خرج الكل وراء بعض وراحوا علي المجموعه.
..................
بعد حوالي ساعتين.
نزلت ملك جنب ميار كان واضح عليها انها معيطه.
ابتسمت ميار لروح و زهره والموجود من البنات.
ميار.....هتوحشيني يا روح❣️
روح....بأبتسامه حزينه ايه هتوحشيني يا روح دي انتي مسافره اعملي حسابك انك كل شويه هتيجي وبعدين انا لما ياسين قالي ان دي رغبتك وافقت بس موافقه مؤقته يعني سويه و الاقيكي قدامي تاني انتي فاهمه
ميار....بحب حاضر يا روح❣️
قربت منها حضنتها اوي وبدأت تسلم علي صبا وزهره وليلي وراحت علي جنه
بصتلها جنه بزعل🥺
جنه.....بردوا مش هتقوليلي مالك.
ميار.....صدقيني يا جنه انا بخير والله بس محتاجه اروح البيت شويه وبعدين اكيد هشوفكم متزعليش بقي وابقي بوسيلي فرح عشان راحت الشغل وهي زعلانه
جنه....حاضر هتوحشيني🥺
حضنوا بعض بحب وخرجوا معاها بره كان زيد قاعد في الجنينه سلم عليها
زيد....خدي بالك من نفسك يا ميار واي حاجه تحتاجيها تكلمينا علي طول
ميار.....اكيد يا زيد طبعاً
زيد.....السواق هيوصلك وهيفضل ديماً معاكي هو والجارد في اي مكان تحبي تروحيه.
ميار....بأبتسامه طبعا مش هقدر اقول انهم ملهمش لازمه عشان هتصمموا يكونوا معايا
زيد.....نخلص من كل القلق اللي حوالينا وبعد كده ياستي هتبقي براحتك خالص
ميار....حاضر يا زيد بصت ميار لملك لقتها بتعيط ابتسمتلها بهدوء وبعدين قربت منها
خدتها ملك في حضنها وفضلت تعيط
ملك.....خدي بالك من نفسك وكل شويه تكلميني 🥺 وبكره هتلاقيني عندك
ميار....حاضر يا ملك ممكن بس تبطلي عياط وبعدين مش كنتي روحتي الشغل احسن
ملك....اروح من غير ما اشوفك🥺
روح....بطلي عياط يا ملك هي مش سافره وبعدين احنا اتفقنا انها هتروح تغير جو شويه و تيجي صح يا ميار
ميار....بحب صح يا روح❣️
ملك....خدي بالك من نفسك و اقفلي الباب عليكي كويس
ميار....حاضر متقلقيش يلا همشي بقي عشان موقفش الناس كتير
ملك...ماشي🥺
راحت ميار علي العربيه و ركبت فضلوا واقفين يبصوا عليها لحد ما السواق دور العربيه والجارد ركب قدام واتحرك السواق
خرج من القصر وفضلت ملك تعيط في صمت🥺💔
صبا.....ممكن تبطلي عياط شويه هتروح فين يعني يا ملك كام يوم وهتزهق من الوحده وترجع تاني.
ملك....اول مره هتسيبني انهارده يا صبا اول مره هنام من غير ما تكون معايا في نفس المكان🥺 خايفه عليها طول الوقت انا اللي كنت بتطمن علي كل حاجه في البيت مايه وكهربا وغاز واققل علينا بالمفتاح قبل ما ننام وهي عمرها ما عرفت تعمل كل ده وكانت بتعتمد عليا في كل حاجه🥺 هتعمل ايه الوقت
صبا....بس هي مبقتش صغيره يا ملك اكيد هتعرف تعمل كل ده يمكن عشان انتب اللي كنتي بتعملي كل الحجات دي ومش مدياها فرصه تعتمد علي نفسها مكانتش بتعمل بس الوقت هتضطر تعمل كل ده.
روح....صح يا ملك سيبيها تجرب وتتحمل المسؤوليه وتعمل اللي هي عيزاه من غير ما تحس انها مجبره علي فكره انا مضايقه انها مشيت بس كمان منقدرش نغصبها وبعدين متقلقيش عليها الجارد مش هيسيبها والسواق معاها طول الوقت وانتي وانا والبنات هنروح نطمن عليها وهي هتيجي واي وقت تحتاج اي حاجه ياسين واخواته كلهم موجودين.
ليلي....بطلي عياط بقي والله انا واثقه انها كام يوم وهتزهق وتيجي.
ملك....يارب🥺
........................
في مجموعه الطوبجي
فضل جلال يشتغل ويركز في الشغل ولأول مره كان يبقي متعصب ومضايق بالشكل ده جمع الورق اللي خلصوا وقام دخل لياسين عشان يراجعه ويمضيه
خبط وبعدين فتح
قرب من مكتب ياسين وهو وشه قالب
حط الورق علي المكتب
جلال....الورق ده خلص كلوا راجعوا وبعدين امضيه ولما تخلص رنلي عشان اوديه لمستر راجح
ياسين....🤨🤨 طيب تعالي اقعد ياض عشان عايزك
جلال....معلش مش فاضي عندي شغل
ياسين....شغل ايه ياض بقولك اقعد
جلال....لو عايزني في شغل تمام لكن اي حاجه شخصيه اسف يا مستر ياسين قولتلك مش فاضي
خرج جلال وقفل وراه وياسين باصصله بصدمه😳
ياسين....بتقولي انا كده يا جلال الكلب طب والله لا اروقك قام ياسين من مكتبه وخرج علي مكتب جلال.
ياسين.....انت ياض بتتكلم مع مديرك كده 🤨
بصلوا جلال بهدوء نعم؟
ياسين....ياض متبقاش بارد هقل منك قدام الموظفين😒
جلال....عادي مش فارقه انت لسه عاملها من شويه
ياسين....ياض انا عمري قليت منك انت حبيبي يا جلال
جلال....حبيبك ماشي هصدق بس قليت مني اه قليت يا ياسين
ياسين....قعد وبصلوا افهم يا جلال البت صعبانه عليا والله
جلال....طيب ماهي صعبانه عليا ومضايق عشانها بس مش معني كده انك تتهمني باللي هي فيه يا ياسين وبعدين يا ياسين انا مرضتش اتكلم قدام اخواتك انت عارف من البدايه ان ميار كانت مرتبطه و لما عرفناها وبدأت تدخل في حياتنا كانت خارجه من تجربه زي الزفت ميار اللي عرفتوا عنها انها شخصيه حساسه ومشاعرها متخبطه لانها كانت قريبه جدا من والدها فا طبيعي اي بنت تبقي قريبه من والدها لما يموت بتلاقيها تقرب من اي حد يقولها كلمتين حلوين لانها مفتقده ده جداً وميار عملت ده مع اللي كانت مرتبطه بيه ولا مخذلها وانا ظهرت في حياتها هي مدتش نفسها فرصه يا ياسين تحدد مشاعرها دي لو كانت فكرت شويه كانت هتتأكد ان انا وهي مينفعش نكون اكتر من اخوات صحاب بينا نسب
ياسين.....ماشي ياعم وانا معاك في كل ده وعلي فكره اتبستط انك مقولتش حاجه عن علاقتها قدام اخواتك واستجدعتك😉
جلال....طول عمري جدع يا اخويا انت عارف مشكلتي ايه معاكم كلكم معادا زيد وامير طبعاً انكم ديماً شايفين جلال علي انه تافهه وعيل مش مسؤول
ياسين.....لا طبعاً عمري ما شوفتك كده وبعدين اشمعني زيد وامير بقي🤨
جلال ...امير لانه صاحبي واقرب حد ليا وعارف كل حاجه عني و زيد لانه بيدي لكل واحد مساحته بيعرف يسمع وجه نظرك بيحترمها بيفصل بين الشخص لما بيهزر ويضحك وبين وقت الجد حافظ كل شخصياتنا وطباعنا
ياسين.....بص لو زعلتك حقك عليا بس والله ما كنت قاصد كل الحكايه اني قولتلك ان هزارك مع اي حد غريب لازم نحجمه عشان متتفهمش غلط
جلال....ده لو غريب لكن انا اعتبرت ان ميار بقت واحده مننا بقينا صحاب زيها زي جنه وفرح كلما نفس السن تقريبا بنهزر بنخرج فا طبيعي محطش بينا حدود فا دي مش مشكلتي انا قولتلك مشكاه ميار فين هي مدتش نفسها وقت ومينفعش يا ياسين ابقي خارج من تجربه زي الزفت واول ما الاقي حد يتعامل معايا بطريقه حلوه احبه.
ياسين.....انت عندك حق علي فكره وياسيدي لو غلطت ومفهمتكش صح متزعلش ياص انا بحبك والله
جلال....بأبتسامه وانا كمان يا اخويا بحبك😒
ياسين....بضحك بس عجبتني الرسميه ومستر ياسين اللي قولتها دي 😂 اشوفك تقول غيرها يا واطي هعلقك
جلال....لا انا اعجبك اوي وانا مقموص😎😎😂😂😂
ياسين...بحب والله بحبك يا مصيبه يلا شوف اللي وراك😂😂❣️
جلال....اشطا❣️❣️
..........................
وصلت ميار بيتها طلع معاها الجارد طلعلها الشنطه.
ميار....شكراً تعبتك معايا
الجارد....مفيش اي تعب يا هانم وانا موجود تحت انا و صلاح السواق اي وقت تحتاجينا احنا موجودين
ميار....ملهوش لزوم انا كمان مش هخرج انهارده لو حابين تمشوا امشوا ارقامكم معايا كمان يعني لو احتاجتكم هكلمكم
الجارد....لا احنا موجودين ياسين باشا والباشا الكبير مأكدين علينا نفضل معاكي
ميار...بأبتسامه خلاص زي ما تحب وشكراً مره تانيه.
الجارد....العفو يا هانم لو احتاجتي اي حاجه بلغينا هنجيبهالك فوراً
ميار....تمام
نزل الجارد ودخلت ميار نورت الانوار كلها وفصلت تبص علي كل كل ركن في البيت دخلت اوضتها تبص عليها كل حاجه كانت وحشاها
بصت علي صوره متعلقه علي الحيطه بتجمعها بوالدها و والدتها وملك راحت وقفت قدامها وفضلت تعيط بوجع.
ميار....وحشتوني اوي🥺و محتجالكم اوي🥺
فصلت تعيط كتير وبعدين راحت علي السرير ونامت.
....................
عند زهره وجنه
حست جنه بتوتر وقلق لما زهره مردتش عليها فتحت الباب لكن مكانش بيتفتح في حاجه مانعه فاتحه فضلت تحاول لحد ما ظهر الكوتش بتاع زهره وعرفت جنه انها واقعه فضلت تصرخ وتقول مامي وتنادي علي حد يلحقها
بسرعه الشباب والبنات اللي موجودين في المحل جريوا عليها وبدأوا يساعدوها.
جنه....بدموع براحه عليها من فضلك هي واقعه وراء الباب متفتح جامد
الشاب....متقلقيش حاضر
حاولوا واحده واحده لحد ما الباب اتفتح جزء بسيط يا دوب شخص رفيع يدخل منه وفعلاً دخل شاب رفيع وحاول يسحب زهره بعيد عن الباب
وبعدين فتح باقي الشباب خدوها برا بسرعه قعدوها علي كرسي وجنه منهاره
شاب من اللي موجودين راح بسرعه يجيبلها مايه وبنت راحت فتحت شنطتها تجيب برفيوم
جنه....مامي فيكي ايه مامي اصحي🥺
طلعت موبايلها بسرعه واتصلت علي قاسم.
قاسم....ايوه يا حبيبي
جنه....بابي الحقني بالله عليك🥺💔
قام قاسم اتنطر من مكتبه في ايه يا جنه بتعيطي ليه😳😳
جنه....مامي تعبت
قاسم....بعصبيه وخوف وهو بياخد.حاجته بسرعه وبيخرج بره المكتب بطلي عياط مش فااااهم😡
جنه.....مامي اغم عليها وهي في البروڤا ومش راضيه تفوق🥺🥺
قاسم....طيب ابعتيلي مكانكم انا جاي حالا انتوا مش معاكم سواق او جارد
جنه....لا معانا بس تحت احنا جوه المول يا بابي🥺
قاسم....طيب يا حبيبتي اهدي انا جاي فوراً خليكي جنب مامي وانا هتصل بالجارد يطلعلك حالاً
جنه....حاضر سلام بابي سوق براحه انا معاها 🥺🥺
قاسم....حاضر يا قلب بابي يلا سلام.
نزل قاسم جري وهو بيكلم الجارد.
يوسف....قاسم بتجري كده ليه
قاسم....زهره اغم عليها في المول وجنه كلمتني وهي بتعيط
يوسف....ايه طب استني انا جاي معاك هطلع الورق للباشا بسرعه
قاسم...لا لا خليك مش هستني هطمنك بالتليفون
يوسف.....طيب استني بسسسس
قاسم.....مستعجل يا يوسف
يوسف....طيب طمني.
جري قاسم علي بره دور عربيته وطلع وطلع وراه عربيه من عربيات الجارد وطار علي المول.
بدأت زهره تفوق وتفتح عينها بضعف
الشاب....الحمد لله اهي فاقت
جنه....مامي مامي انتي كويسه🥺
مسكت زهره راسها بتعب
زهره....في ايه؟
الشاب....حمد الله علي سلامتك يا هانم
قربت بنت تديها عصير بسرعه اتفضلي اشربي ده.
الشاب...واصح ان حضرتك مكلتيش لانك دوختي واغم عليكي في البروڤا
زهره....لا خالص بس انا مش فاكره وقعت ازاي انا كنت بقيس وكويسه
جنه...طيب حاسه بحاجه الوقت.
زهره....لا لا متقلقيش انا بخير دوخه بسيطه بس بطلي عياط بقي
جنه.....بابي جاي حالاً
زهره....كلمتيه ليه انا كويسه يا جنه
طلع الجارد بسرعه وواضح عليه انه كان بيجري يدور في المحلات لحد ما لقاهم.
شريف الجارد....زهره هانم حضرتك كويسه.
زهره....بخير يا شريف متقلقش
شريف..طيب اتفضلي معايا ننزل تحت في العربيه قاسم باشا جاي حالاً
الشاب...طيب خليها تشرب العصير الاول عشان تقدر تقوم معاك.
زهره....ميرسي جداً ليكم واسفه علي الازعاج اللي عملناه
الشاب....ازعاج ايه يا هانم ده مكانكم
زهره....الحاجه اللي خدناها ممكن تطلع بيها فاتوره
الشاب....طيب قوليلي العنوان وهبعتهم لحضرتك
زهره....انا كويسه صدقني روحي معاه يا جنه يلا هاتي الحاجه وخدي الڤيزا
جنه...بدموع حاضر🥺
حاسبت جنه وخدت الحاجه شالها شريف منها ومشي معاهم لحد مكان العربيه وصل قاسم بسرعه قياسيه واول ما لمحهم جري عليهم
وراح خد زهره بخوف في حضنه
قاسم...انتي كويسه؟
زهره....متقلقش يا قاسم انا بخير والله شوفتي يا جنه قولتلك مكنتيش اتصلتي
جنه....طيب اعمل ايه انا اترعب والله 🥺
شدها قاسم لحضنه بحب.
قاسم....خلاص يا جنه انا معاكم اهدي بقي متقلقيش ايه اللي حصلك يا زهره
زهره....مش عارفه والله دوخت فجأه ومحستش بنفسي تقريباً عشان قست حجات كتير
جنه....حقك عليا انا اللي خليتك تقيسي كل الحجات دي
زهره....مفيش حاجه يا جنه انا بخير خلاص.
قاسم....شريف هتاخد جنه وتوصلها علي القصر واحنا هنروح للدكتور يا زهره
زهره....ملهوش لزوم يا قاسم دي دوخه عاديه
قاسم....بلاش اعتراض انا جاي اعصابي سايبه
جنه....طيب هاجي معاكم
قاسم....لا روحي انتي واحنا هنطمن علي مامي ونيجي وراكي يلا اسمعي الكلام.
جنه....طيب طمنوني
قاسم....تمام يا حييبتي شريف خلي بالك من جنه
شريف....حاضر يا باشا
ركبت جنه وخد قاسم زهره وراح علي عربيته.
بصلها بحب انتي كويسه
زهره....كويسه والله ومكنتش عيزاها تقلقك
قاسم....خلينا نروح نطمن شكلك لسه التعب مقصر عليكي
زهره....حاضر يا قاسم زي ما تحب.
دور قاسم العربيه وطلع علي الدكتور.
....................
مر ساعتين كان الكل عرف ان زهره تعبت يوسف قالهم في الشركه وجنه قالتلهم في البيت الكل قلق عليها
وفضلوا يتصلوا بقاسم كل شويه وعرفهم انهم بيعملوا تحاليل طلبها الدكتور و مستنين النتيجه وانها بقت احسن كتير.
بعد وقت بسيط طلعت نتايج التحاليل خدها قاسم و طلعوا الدور التاني دخلوا مره تانيه للدكتور
خد الدكتور التحاليل منه وفضل يبص عليها في صمت حوالي خمس دقايق من غير اي كلام
وقاسم وزهره كانوا باصين عليه مستنين انه يتكلم.
رفع الدكتور وشه ليهم وملامحه مكانتش تبشر بخير.
قاسم....خير يا دكتور.
الدكتور....خير مدام زهره قولتلي الاعراض اللي حسيتي بيها دي من امته
زهره...يعني ممكن من يومين تلاته
الدكتور....اول مره تفقدي الوعي
زهره....قبل كده ولا لما تعبت
الدكتور....لو فقدان الوعي حاجه بتتكرر كتير فا قوليلي الاتنين
زهره....فقدت الوعي كذا مره بس علي فترات بعيده اوي يعني لما كنت حامل لما يجيلي دور برد وحراره ببقي مش متزنه بس بقالي فتره ده محصلش اول مره افقد الوعي انهارده ومن بدايه التعب كنت كويسه عادي
الدكتور....طيب ايه الاعراض اللي حسيتي بيها غريبه غير الترجيع والوجع اللي في المعده
زهره....يعني هو ترجيع وجع رهيب في معدتي اوقات كنت باخد حوالي اتنين او تلاته مسكن دوخه بس اه وطول الوقت حاسه اني محتاجه انام خصوصا لما برجع وبرتاح شويه.
قاسم.....كل ده مسكن ليه🤨
الدكتور....امممم طيب الترجيع مع الاكل ولا قبل الاكل
زهره....بص هو بصراحه انا لما بدات ارجع كتير واحس بخمول تخيلت اني حامل وانهارده قررت اعمل اختبار والحمد لله مفيش حمل بس انا كنت متأكده انه مس حمل لان الالم اللي في معدتي جامد مكنتش بقرف من الاكل بس مش قادره اكل شبعانه حتي لو مكلتش انا شاكه ان ممكن بكون عندي جرثومه في المعده لان من فتره كبيره جاتلي وتقريبا كانت نفس الاعراض بس الالم كان اخف.
الدكتور.....امممم تمام يا مدام زهره
قاسم...طمني يا دكتور في ايه بالظبط؟
الدكتور....طيب بصوا اولاً دي مش كل التحاليل اللي عايزها دي كانت تحاليل مبدأيه تأكد الشك مش اكتر كمان في اشعه ضروري تتعمل
زهره....بقلق في حاجه خطر ؟
الدكتور....عادةً يا مدام زهره لما بيجيلي مريض يشتكي من اي حاجه سواء عنده حاجه خطيره او مجرد تعب بسيط لازم اصارحه باللي عنده لان في امراض مقدرش اخبيها علي المريض
قاسم....بخوف بص لزهره لقاها وشها شاحب وباين انها مرعوبه قول يا دكتور.
الدكتور.....لما عملت سونار لمدام زهره كنت شاكك انه في ورم في المعده
وعشان كده طلبت منكم التحاليل فوراً
بصوا لبعض بصدمه
قاسم....يعني ايه شك حضرتك طلع في محله ولا لا.
الدكتور...بأسف للاس في ورم في المعده💔
زهره....بصوت واطي لكن مسموع كااااانسر🥺💔
مسك قاسم ايدها بسرعه وحس كأن حد ضربه علي راسه💔
الدكتور....انا اسف بس انا مضطر اصارحكم مدام زهره يمكن كلمه كانسر مرعبه لكل الناس بس خليني اقول ان الكانسر مراحل انا مش عايزك تخافي صدقيني انتي ربنا بيحبك
عادةً اكتشاف ورم المعده بيكون متأخر او لما المرض يتطور واوقات عن طريق الصدفه زي ما حصل معاكي انتي لسه في البدايه ولو مكنتيش تعبتي مكناش هنعرف ووقتها المرض كان هيتطور
قاسم....طيب يا دكتور. في علاج طبعاً انا عارف بس العلاج هيكون في جراحه
الدكتور....احتمال كبير لا عشان كده قولت ان ربنا بيحبها هو انا بس حابب اسأل سؤال امته حسيتي انك مش مظبوطه او مثلا سبب تعبك كان بسبب اكل
زهره....بصدمه حسيت بتعبي ده من كذا يوم بس كنت باخد مسكن وارتاح وأكمل باقي يومي عادي يمكن الفتره اللي فاتت كنت مضغوطه جداً ويمكن طول الوقت القولون بتاعي كان عصبي فا بدأ التعب يزيد
الدكتور....انتي مريضه قولون اصلا؟
زهره....بهدوء مميت 🥺 لا خالص انا طبيعيه ولما باكل حاجه وتتعبني بوقف فوراً
الدكتور....يعني نقدر نقول كان زعل او تفكير
زهره....بحزن الاتنين انا فعلاً كنت مضايقه الفتره اللي فاتت وعلي طول بفكر.
الدكتور....بأبتسامه يعني نقدر نقول شكراً من قلبنا للي زعلك ووصلك للحاله دي
بصت زهره لقاسم وبعدين بصت للدكتور باستغراب🥺
الدكتور....متستغربيش يمكن الزعل ملهوش علاقه باللي حصل بس لولا انك زعلتي والقولون بدأ يشد عليكي وتتعبي مكنتيش هتعرفي اي حاجه والمرض كان هيتطور لاني زي ما قولت المرض ده لعين المريض مش بيكتشفوا غير لما الاعراض بتاعته تزيد ويمكن الاعراض اللي عندك دي ملهاش علاقه بالورم ده كان نفسي اكتر
قاسم....يعني نقدر نقول ان مفيش خطر
الدكتور....طبعاً احنا لسه في البدايه خالص يمكن يكون المرض بدأ من شهور
وواضح قدامي في التحاليل انه خامل مش نشط ودي حاجه مبشره ناقص بس نعرف حجمه ونطمن انه مش في اي مكان تاني
قاسم....طيب المفروض نبدأ علاج امته؟
الدكتور....في اسرع وقت ربنا كشفلنا من غير اي مجهود المرض عشان نستعجل ليه نستني وبعدين انا بس حابب اقول حاجه انا عارف ان كلمه مريض كانسر مرعبه بس انا مش عايز اشوف ملامحكم بالشكل ده لان اكبر عامل للمرض هو العامل النفسي واحنا عايزين النفسيه مرتفعه انا قولت مفيش قلق
قاسم...ااا لا خالص هو بس الصدمه في اولها بس احنا هنكمل وزهره قويه انا عارف صح يا زهره.
بصتلوا زهره من غير ولا كلمه وبسرعه نزلت دموعها تجري من غير اي ريأكشن.
الدكتور ...لا لا مش عابزين كده خالص قيل اي حاجه نقول الحمدلله في شويه طلبات هطلبها منك لو بتحصل تقف حالاً
اولاً التدخين يقف في خاله لو بتشربي اي كحوليات تقف
قاسم....زهره لا بتدخن ولا بتشرب بس انا بدخن
الدكتور....الافضل يكون بعيد عنها
قاسم....هبطل خالص💔
بصتلوا زهره 🥺
الدكتور....كمان لو في اي نظام غذائي بتتبعيه بطريقه غير سليمه يعني في انظمه بتمنع سكريات خالص بتمنع دخول فاكهه في نظام متقطع لا كل ده بلاش لو حابه هيكون نظام صحي يمشي مع حالتك ومع الحجات اللي محتجها جسمك الفتره دي
قاسم....تمام يا دكتور بس الاول عرفني ايه هي باقي التحاليل والاشعات
الدكتور....هكتبلك كل حاجه وحتي النظام اللي هنمشي عليه واول ما التحاليل تجيلي هعرفكم امته بالظبط هنبدأ العلاج
قاسم....طيب تمام يا دكتور.
فضلوا معاه شويه اداهم كل النصايح وكل حاجه هتتعمل وطمنهم كتير لكن الصدمه اللي كانوا فيها اكبر من اي حاجه ممكن تتقال خلصوا ونزلوا مع بعض ركبوا العربيه فضل قاسم باصص قدامه بصدمه وساكت مش عارف يقول ايه زهره كمان باصه قدامها وساكته💔
زهره....بتوهان💔 مش عايزه جنه تعرف ولا عايزه روح تعرف
بصلها قاسم بسرعه...طيب جنه ماشي بس روح مينفعش لازم تكون عارفه روح اكتر حد هيكون معانا الفتره دي
زهره....ارجوك بلاش روح لو عرفت هتتعب بلاس يا قاسم
قاسم....هنفهمها براحه بس لازم تعرف
زهره....🥺كان عندك حق يا قاسم انت وفريده سامحتوني بس ربنا لسه مسامحنيش
قاسم....بلاش الكلام ده يا زهره ربنا لو مش بيحب كان سابك خالص ربنا مش بيبتلي الا العبد القريب منه وانتي ربنا بيحبك كفايه اننا عرفنا المرض بدري
زهره.....بلاش تضحك عليا يا قاسم انت قولتها الاول ان ربنا شايلي عقاب🥺
قاسم....مش يمكن ربنا سامحك وده تغفير ذنوب مش اكتر لاي حاجه بقي مش شرط اللي حصل
زهره....انا مش زعلانه علي فكره يمكن اه اتصدمت لما عرفت بس انا عارفه اني استاهل 💔🥺
قاسم....زهره ارجوكي بلاس الكلام ده وبلاش تفكري بالطريقه دي كلنا بنغلط ولو عليا صدقيني انا مزعلتش منك عشان اسامحك انا بس كنت خايف عليكي 💔
زهره....واللي خوفت منه حصل يا قاسم
قاسم....هنعديه يا زهره هنعديه واحنا مع بعض❣️
زهره....قاسم انا عايزه اروح🥺
قاسم....حاضر يا حبيبتي حاضر❣️
..............
عند فريده كانت في السنتر بتاعها
سمعت الموبايل بيرن طلعته من جيبها شافت اسم عاصم.
فريده....الووو
عاصم....ازيك يا فريده
فريده...الحمد لله ياعاصم بخير
عاصم....اولاً انا متصل اشكرك علي الورد تعبناكي معانا
فريده....بضحك تعبكم راحه وبعدين مفيش شكر بينا .طيب وثانياً
عاصم....ثانياً ايه🤨
فريده....بضحك انت مش قولت اولاً يعني في ثانياً😂
عاصم....ايوه صح باعتباري صاحب وصديق الازمات زي ما لقبتيني جنابك كنت معدي من جنبك فا قولت اشوفك لو عندك ازمه يعني نور مقطوع مشاكل في السنتر زبونه معصلجه ومش راضيه تدفع😉
فريده....😂😂😂😂🙈 لا مش للدرجادي متقلقش كلوا تمام وبعدين انت شكلك بتحب الخناق ولا ايه
عاصم....يا باشا احنا في الخدمه لأي حاجه 😂
فريده....😂😂طيب انت بره ولا مشيت
عاصم....انا بره
فريده...طيب تعالي يلا هعملك فنجان قهوه عشان لو احتاجتك في خناقه ابقي قدمت السبت وشربتك قهوه😂
عاصم....اه وانا اقدم الاحد واتخانق طيب حلو اوي الكلام ده انا موافق بس معايا ضيفه ينفع ولا لا
فريده....ياسلام انت وضيوفك تنوروا السنتر يلا مستنياكم.
عاصم....حالاً
قفل معاها عاصم وبص لمليكه
عاصم....يلا يالوكا😉
ملكيه....يلا يا دادي😍
نزل عاصم وراح خد مليكه ودخلوا علي جوه كانت شايله مليكه في ايدها بوكيه ورد شكله يجنن
دخل عاصم ولمحتوا فريده من بعيد شافت في ايده بنوته صغيره زي القمر
شعرها اشقر وكيرلي عيونها عسلي بشرتها بيضا قلبوظه شويه كان شكلها ياخد العقل واي حد يشوفها يبقي عايز ياكلها..
حطت فريده ايدها هلي بوئها وهي بتضحك وراحت عليهم
فريده....بصت لعاصم وهي بتقعد علي ركبها ياخرابي ايه السكر ده🙈🙈
ابتسم عاصم دي مليكه او لوكا اللي يعجبك بقي ناديها بيه😂
فريده....هااااي انا فريده
مليكه....وانا لوكا😍 و ده عشانك
فريده...ياروحي علي القمر الورد ده بتاعي انا
مليكه....ايوه
فريده... طيب بلييز ممكن حضن🙏🏻❣️
مليكه....ممكن😍
حضنتها فريده وعقلها طار بيها😍
فريده....تعالوا نطلع فوق احسن
عاصم....يلا بينا.
طلعوا علي مكتب فريده فوق
قعد عاصم علي الكرسي اللي قدام المكتب وجريت مليكه قعدت علي كرسي فريده.
عاصم....لوكا ده الكرسي بتاع فريده تعالي هنا.
فريده....لا لا سيبها براحتها خالص بس الاول ممكن لوكا تقولي تشرب ايه.
لوكا.....شوكلت❣️
فريده....بس كده ياخرابي علي السكر اللي عايز يتاكل ده🙈🙈
طلبت فريده قهوه ليها ولعاصم والشوكلت لمليكه وراحت قعدت قدام عاصم
فريده....بضحك قولي بقي انت جايب السكر دي منين اوعي تكون سارقها 😂من مامتها🙈
عاصم....بأبتسامه جميله لا ياستي مش سارقها دي بنتي❣️
فريده....بتتكلم جد انت عندك بنوته سكر كده ❣️
عاصم....ايوه هي احلي صح🤨
فريده....بصراحه🙄
عاصم....لا خلاص شكلك هتصدميني😂
فريده....هو انت حلو مش هنختلف بس مليكه احلي اكيد شبه مامتها
مليكه....مامي في الجنه دادي قال كده
بصتلوا فريده بصدمه.
عاصم....هز راسه بابتسامه بسيطه للاسف
فريده....انا اسفه بجد مقصدتش🥺 لوكا ممكن اخد حضن تاني
مليكه....ممكن بس بشرط
ضحكت فريده وعاصم عليها
فريده....بس كده قولي الشرط
مليكه....عايزه روچ😎
ضحكوا الاتنين من قلبهم عليها
فريده قامت من مكانها وحضنتها
فريده....بس كده كل الوان الروچ تيجي لاحلي لوكا بقولك ايه ايه رأيك نحط روچ ونحط مانيكر ونبقي احلي لادي في الدنيا موافقه.
مليكه...بحماس اوك😍
فريده....طيب ممكن نستأذن دادي
مليكه....دادي ممكن🙄
عاصم....ممكن ياروح دادي بس يعني ممكن اللادي لوكا متحطش حجات كتير🤨
مليكه....اوك دادي😍
فريده...بابتسامه هنزلها للبنات وهاجي متقلقش عليها
عاصم....بأبتسامه تمام
نزلتها فريده للبنات تحت وطلبت منهم يظبطوها بس بحجات لسنها و وصتهم يخلوا بالهم منها وطلعت عاصم كان واقف شايفهم من الزجاج فوق وبيضحك.
طلعت فريده وراحت قعدت قدامه دخلت وراها بنت بالقهوه.
فريده...هتعبك معايا معلش نزلي الشوكلت للقمر الصغنن اللي تحت
عاصم.....وقعتيني في مشكله ووقعتي نفسك كمان
فريده....مشكله ايه
عاصم....طاوعتي مليكه في اكتر حاجه مش برضي اعملها وبعد كده مش هتبطل تقولي انها تجيلك
فريده...بابتسامه طيب ودي مشكله يا سيدي انا موافقه تجيلي كل يوم اقولك روح شغلك وسيبهالي🙈🙈
عاصم....هي حلاوه البدايات دي انا عارفها🤨
فريده...حرام عليك دي سكر خطفت قلبي والله ربنا يحميها ياعاصم انا مكنتش اعرف انك عندك بنوته
عاصم....معنديش غيرها اصلاً
فريده....طيب وهي بتتعامل ازاي معاك يعني اللي اعرفه انك عايش مع والدك واخوك
عاصم...لا مع مليكه متقلقيش هي اللي بتربينا🤨
فريده....😂😂جدعه 💪
عاصم....طبعاً لازم تشهدلها.
فريده....اكيد طبعاً🙈
عاصم....بص عليها من فوق ورجع بص لفريده مامتها اتوفت بعد شهور من ولادتها
فريده....كانت تعبانه
عاصم....جالها اكئاب حاد بعد الولاده اصلا مليكه حملها حصل بصعوبه حاولنا كتير ومنفعش لحد ما عملنا حقن مجهري وربنا كرمنا بيها يعني كانت اكبر فرحه بس رغم الفرحه مامتها مفرحتش بيها بسبب الاكتئاب ويمكن تكون مشالتهاش مرتين علي بعض بعد الوفاه فضلت عايش بيها وطبعا مع وجود مربيه بس قررت من زن الباشا اتجوز تاني وفعلا اتجوزت كان لوكا عندها 3 سنين بس للاسف مكانتش بتعاملها كويس خالص يعني بتفكر في نفسها اكتر سفر وخروج وسهر لحد ما في يوم ضربتها بالقلم.
فريده....الملاك دي تضرب🥺
عاصم....للأسف وكانت صغيره بتزن عيزاها تصحي تقعد معاها طلقتها فوراً وبس من يومها واحنا عايشين 3 رجاله واحلي بنوته في الدنيا.
فريده....بجد اضايقت اوي عشانها مش معقول حد يكون قلبه قاسي علي بنت صغيره كده.
عاصم....نصيبي انا وهي بس الحمد لله مبسوطين ومغلباني زي ما انتي شايفه مابتصدق تلاقي حد يطاوعها
فريده....بأبتسامه حزن🥺 انا موجوده اي وقت يا عاصم بجد انا حبيتها هي تدخل القلب من غير استأذان
عاصم....وهي اكيد حبتك بعد الروچ والمانكير🤨
فريده....😂😂😂بس قولي صحيح🤨 انت قولت انك عديت بالصدفه
عاصم....حصل🤨
فريده....اممم امال الورد ده جه ازاي
ضحك عاصم بإحراج و فرك بصباعه فوق عينه🙄🤨😂
عاصم....بصراحه🤨
فريده ...بصراحه
عاصم....يعني خرجت انا ولوكا وجيتي في بالي قولت اجي اشكرك علي الورد واجيبها معايا مش عارف اوديها فين
وبعدين كمان جعانين 🙄 اوي😎 فا قولت يمكن توافقي تيجي معانا
فريده ...بأبتسامه اممم وانا موافقه عشان لوكا
عاصم....🤨ماشي عشان لوكا عشان لوكا المهم ناكل انا واقع من الجوع
فريده....خلاص خلص قهوتك تكون الليدي لوكا خلصت ونروح سوا
عاصم....بأبتسامه جميله تمام
...................
وصل قاسم وزهره علي القصر دخلوا مع بعض ملامحهم كانت غريبه وحزينه
رغم الابتسامه المصطنعه اللي رسموها قدام الكل.
راحت عليها روح والبنات يطمنوا عليها
راجح...ايه يا قاسم طمني
قاسم....بص علي جنه خير يا باشا متقلقش معدتها تعبانه شويه مش اكتر.
بصلوا راجح بعدم تصديق.
روح....طيب وليه اغم عليها
قاسم....عادي داخت في البروڤا مش اكتر.
بصتلوا روح وهزت راسها بمعني. في ايه.
قاسم....جنه طلعي مامي ترتاح شويه عشان كانت لسه دايخه ساعديها تغير بس
جنه....حاضر يلا يا مامي.
طلعت زهره مع جنه وفضل الكل باصص لقاسم.
زيد....ايه يا قاسم زهره كويسه صح.
هز قاسم راسه بمعني لا💔💔💔
روح...بخوف قربت منه ومسكت ايده في ايه يا قاسم زهره فيها ايه.
بص قاسم لروح ومسك ايدها
قاسم.....خليكي جنبها الفتره دي ياروح انتي والبنات زهره محتجالكم اكتر من اي وقت
صبا...في ايه يا قاسم مالها زهره بلاش تخوفنا🥺
مراد....في حاجه مش حلوه في التحاليل.
قاسم.....زهره عندها كانسر في المعده
البنات كلهم خرج منهم شهقه مصحوبه بصدمه
روح.....اييييييييه لا لا لا اوعي تقول كده اكيد في حاجه غلط
قاسم....روح عشان خاطري مش عايز جنه تعرف خدها في حضنه بسرعه وفضلت روح تعيط بوجع 💔
راجح...اللهم لا اعتراض اللهم لا اعتراض
زيد....طيب التشخيص اكيد
قاسم....ايوه يا زيد اكيد
مراد.....طيب وقالك هو في انهي مرحله
قاسم....بيقول انه في الاول خالص وان تعبها اللي خلانا نكتشف ده ولولا التعب كان المرض اتطور
مراد....طيب الحمد لله يعني نسبه الشفاء موجوده وكبيره صح
قاسم....هو قال كده بس المرض نفسه يا مراد صعب💔🥺
راجح.....اجمد يالاااااا مراتك الوقت محتجاك اكتر من اي وقت واوعي سامع اوعيييي تحس زهره بضعفك فاهم يا قاسم
زيد....قاسم زهره لو فضلت شيفك كده هتتعب اكتر ومش بس قاسم كلنا يا جماعه وانتوا يابنات بلاس نظرات الحزن والشفقه دي صدقوني مش بتشفي مريض هي عيزاكم تقوها تشجوعها فاهمين..
طلعت صبا بسرعه علي اوضتها وهي منهاره💔
فيروز.....طيب هي هتبدأ علاج امته🥺
قاسم....لما نعمل باقي التحاليل والاشعات هيعرفنا
راجح....يبقي تعمل كله فوراً مش عايزين نستني ماشي كام شهر يعدوا وهتبقي زي الفل
قاسم....يارب بس تاني مش عايز جنه تعرف فرح انتي وامير وجلال اوعوا تغلطوا قدامها ماشي
امير....متقلقش.
فرح....حاضر🥺
راجح....روح روقي زهره محتجالك انتي كمان زي ما محتاجه لقاسم
روح....حاضر يا راجح🥺💔
ليلي....بدموع طيب انا هطلع اساعد جنه
داوود...استني تساعديها ايه وانتي بتعيطي كده بلاس عياط بجد جنه ممكن تنزل اي وقت اهدوا يا جماعه ووحدوا الله خلاص اللي حصل حصل والحمد لله هي لسه في الاول ونسبه الشفاء كبيره وسريعه
سالم....خير يا قاسم خير كلنا معاها وهتعدي
قاسم....يارب يا سالم يلا انا هطلع اشوفها واه صحيح الورقه دي يا روح الدكتور كاتب فيها نظام غذائي قال انها لو اتبعته في الفتره دي هيساعدنا اكتر في مرحله العلاج
راجح....شوفي ياروح اي حاجه تحتاجها واعمليها
روح....من غير ما تقول تمام متقلقش كله خير ان شاء الله🥺
قاسم....بحب باس راسها روقي ياروح نفسه زهره لازم تكون افضل يعني زي ما زيد قال الحزم مش هيعمل حاجه احنا عايزين نفسيه مرتفعه عشان مرحله العلاج تكون افضل
روح....ان شاء الله يا قاسم خليك جنبها يا حبيبي🥺
طلع قاسم وفضل الكل ساكت وحزين
.............
عند ميار صحيت من النوم لقت نفسها لسه بهدومها قامت خدت شاور وخرجت اتسرحت وراحت علي البلكونه فصلت قاعده سرحانه تفكر هتعمل ايه وتعدي الوجع ازاي قررت انها لازم تشتغل واللي كان في بالها وقتها فاطيما ونور وقررت تكلم فاطيما.
مسكت موبايلها واتصلت عليها.
في الوقت ده فاطيما ونور كانوا قاعدين بيتعشوا ومشغلين فيلم اجنبي قدامهم.
رن موبايل فاطيما
فاطيما...دي ميار.
بصلها نور بانتباه وافتكر اخر مره شافها وهي بتعيط اممم طب ردي
فاطيما....الووووايوه يا ميار
ميار...عامله ايه يا فاطيما
فاطيما....بخير الحمد لله
ميار....ونور اخباره ايه
فاطيما....احسن كتير انتي عامله ايه
ميار...انا بخير الحمد لله الاول انا صحيتك او قلقتك
فاطيما....لا خالص انا صاحيه وبتعشي كمان تعالي يلا اتعشي معانا😍
ميار....بابتسامه بالف هنا طيب خلاص هكلمك بعدين
فاطيما....لا لا استني انا خلصت ومعاكي
ميار....كيب انا مش هطول عليكي بس كنت بكلمك بخصوص الشغل انا كنت قولتلك لو احتجتيني هكون جاهزه ولنا حالياً جاهزه وخلاص منذر رجع الشغل وحالياً انا اللي محتاجه شغل يعني لو في حاجه اقدر اعملها
فاطيما....بتتكلمي بجد يا ستي انا اللي محتجاكي والله مش انتي
ميار....بفرحه بجد يعني هشتغل معاكي
فاطيما.....طبعاً بصي انتي تقدري تجيلي بكره لان انا بعد بكره هبدأ انزل فا لو بكره فاضيه تجيلي ونتكلم انا وانتي ونور لان في حجات انا كمان لسه مش فهماها ونور هيفهمنا نعمل ايه ايه رأيك؟
ميار....انا جاهزه طبعاً خلاص هجيلك بكره بس عرفيني بتصحوا امته
فاطيما....لا احنا بنصحي من بدري تعالي الوقت اللي يريحك
ميار....طيب اربعه مناسب
فاطيما....جداً ولو عايزه قبل كده اوك واعملي حسابك هنتغدي سوا
ميار.....بأبتسامه تمام ولو احتاجتي اي حاجه عرفيني❣️
فاطيما....ماشي يا حبيبي يلا تصبحي علي خير
ميار....وانتي من اهل الخير.
قفلت ميار وهي مبسوطه وقررت انها تبدأ كل حاجه من البدايه خالص.
نور....ايه الحكايه
فاطيما....ابدا كانت قالتلي لو محتاجه مساعده هي موجوده بس بعد ما منذر يستلم الشغل وتقريبا كده منذر رجع فا بتكلمني عشان الشغل.
نور....امممم طيب كويس بس تحسيها غريبه كده صح
فاطيما....غريبه ازاي دي ميار جميله خالص
نور....لا اقصدي يعني بحسها غريبه اللي هو تحسي انها حزينه وشويه تضحك ودمها خفيف.
ميار....مش عارفه بس الكام مره اللي شوفتها هي دمها خفيف وعشريه زي باقي الشله يعني و لما كنا سهرانين معاهم كانت بتضحك وتهزر يعني بيتهيألي مش حزينه خالص.
سرح نور وافتكر ميار وهي بتعيط وسامع صوتها منهاره
نور....🙄يمكن خلاص تيجي بكره ونتكلم في الشغل
فاطيما.....تشرب نسكافيه بقي ونكمل الفيلم.
نور.....تمام يلا قومي❣️
قامت فاطيما وفضل نور سرحان
- يتبع الفصل التالي اضغط على (رواية احفاد الطوبجي) اسم الرواية