رواية قسمة ام نصيب الفصل الثالث 3 - بقلم زهرة الربيع
لما تطلعي قدام عربيتها في نص الشارع وتقتليها تبقى فعلا معملتيش حاجه
قيمت قالت بغضب …انا لا طلعت قدام عربيتها ولا قتلتها.. مراتك اللي كانت بتتكلم في التليفون ..و انا حاولت ابعد بسرعه بس هي كمان حاولي تتفداني وبعدت فوقعت في الترعه..كان مجرد حادث.. وانا صرخت وحاولت انقذها ولميت البلد كلها بس كانت ماتت دي مش مشكلتي..وانت عارف اني مليش دخل
برهان اتملت عيونه بالدموع وقعد على السرير ومقدرش يكمل وقال بتعب.. انا اللي بعتها هناك…انا..انا الي المفروض اتحاسب
قسمت بصتلو بدموع…ورغم كل اللي بيعمله معاها حسيت بحزن شديد عليه قالت بدموع… ده قدرها يا برهان باشا لو ما كنتش انت بعتها في اليوم ده ..كانت هتموت في نفس اليوم وفي نفس الساعه ..واظن مكانتش هتفرق معاك
قالت كده و لسه هتمشي مسك ايدها وقال بدموع…انا عمري ما حبيت نرمين..اتجوزتها من ضغط من ماما لانها بنت خالتي عمرها ما شافت معايا يوم واحد حلو معايا..كنت..كنت بخونها..وقاسي معاها..رغم انها كانت بتحبني قوي…صعب عليا لما ماتت …كان نفسي اقول لها ان مكانش فيها اي عيب …والمشكله كانت عندي انا انا مكنتش قادر استمر في علاقه انا ما اخترتهاش..بس ملحقتش اقولها حاجه..راحت فجأه وسابتلي وجع مش عارف اتخطاه
قسمت نزلت دموعها بحزن وقالت بسخريه.. بسيطه حاول تاني…اديك بتعمل نفس الحكايه معايا يمكن يجي يوم واموت قدامك ان شاء الله تلحق تقول لي انه مكانش عندي عيب
حرفيا شقت قلبو بجملتها اتجمد مكانه لما قالت كده و اثرت فيه جدا حس بوجع شديد وقبل ما تتحرك شدها ليه وقال بسرعه …اوعي تقولي كده تاني..انا مش هستحمل اي اذى فيكي انتي بذات
قسمت نزلت دموعها بغزاره وبعدت وقالت بوجع…بس هيه دي الحقيقه يا برهان ..وراحت ناحية الدولاب وبقت تطلع لها هدوم
برهان بصلها بدموع وقال لا..لا طبعا مش دي الحقيقه..انتي وضعك يختلف عنها ..ونزل عيونه في الارض وقال ..الوضع يختلف انتي اللي مش بتعامليني كويس وحايشه نفسك عني
قسمت ضحكه بسخريه وهي بتختار حاجه تلبسها وقالت.. واسلملك نفسي بتاع ايه قولي كده.. علشان تذلني عشان تفهمني ان انا قليله وانك لو حبيت تسجني كنت عملت كده..وان ابويا زي ما بتقول رماني ليك …بس انا عارفه كويس انو فرط في شرفي وشرفه عشان انا ما اتسجنش وكانت اي حاجه عنده احسن من اني اتتسجن
قسمت لسه بتطلع حاجه تلبسها بس اتصدمت بشده لما قرب منها وقال …هوانا لو حبيت انسى اللي فات واغير نظرتي عنك هتبقى جاهزه لكده هتديني فرصه ولا زي العاده..على فكره انا هحاول مجرد محاوله
قسمت ضحكت والتفتتلو وقالت انت خايف تقول ..انك مبقتش تحس تجاهي زي الاول وان قلبك بيتحرك ناحيتي ..ارفضك وكرامتك تتجرح صح من زمان وانا حاسه كده
برهان ارتبك جدا قدام عيونها وحمحم وحاول يبعد عيونه عنها وقال…لا طبعا انا قولتلك هحاول
قسمت ضحكت وقالت لا متتعبش نفسك وتحاول..لاني هلبس عبايتي اللي جيت بيها..وهمشي …حتى هدومك مش عايزاها هرجع البلد عند ابويا عايز تطلقني تطلقني عايز تخليني على ذمتك خليني عايز تحبسني احبسني المهم بعد كل ده اني مش هكون معاك في مكان تاني
برهان اتصدم بالي قالتو وهيه مسكت العبايه ولسه هتلبسها شدها منها وشقها نصين بغضب وقال.. ما انتيش رايحه على مكان ..انا جوزك وانا اللي اقرر
قسمت بقت تبصلو جامد بدهشه ..وهو بصلها بارتباك وقال …وما تبصليش كده
قسمت حاولت ما تبتسمش وقالت… ليه
برهان قرب اكثر وقال …بتوترني حلوه قوي وبتوتريني وانا ….انا متوتر لوحدي
قسمت رفعت عينيها ليه وقالت بيأس.. انت هتتجنن خلاص يا برهان بجد والله هتتجنن
برهان ابتسم وقال..لا انا اتجننت خلاص اتجننت في عيونك دول من اول يوم شوفتك فيه… من اول ما ابوكي وقفك زي المانيكان وقالي اتفرج عليها… فاكره
قسمت حست بغضب شديد منه ودفعته وقالت.. ما تعرفش تقول كلمتين حلوين على بعض…مستفز
برهان ضحك جامد وقعد على السرير وقال…و انتي بتموتي في الكلام الحلو ..وانا عندي كتير بس انتي الي مش راضيه
قسمت اتنهدت وقالت… والحل يا برهان..الحل ايه عشان نخلص
برهان وقف وقرب منها وقال… الحل زي ما قلتلك…انا هتقبل وجودك في حياتي ومش هضايقك… وفي المقابل انتي تحمدي ربك على اللي انتي فيه..و تسلمي …اهم حاجه تسلمي
قالت..ولو محصلش
برهان قال بغضب ..لو محصلش تستحملي بقى اللي بيحصل وتعيش هنا زيك زي الخدم
قسمت قربت منو وقالت .طب و لو انا زي ما انت بتقول كده سلمت وخليتك تعمل اللي انت عايزه وهتموت عليه من يوم ما اتجوزنا هتسيبني امشي
برهان حس بضيق شديد من كلامها وقال …وتمشي ليه
قسمت قالت…امشي لاني مش طايقاك
برهان شدها ليه وقال بس انا حاسس العكس ..حاسس انك دايبه فيا دوب بس زعلانه مني شويه ..ولو على الزعل انا كفيل بيه
قسمت وبعدت من بين ايديه وبصت الناحيه الثانيه وهي متوتره جدا ومش عارفه تبص له
ابتسم بسعاده ونام على السرير بارتاح شديد
قسمت بصتلو لقتو نايم على السرير وحاطط ايده على تحت دماغه وابتسامته مش مفارقه ما كانتش قادره تواجهه اخذت لبس بيتي عادي من الدولاب ودخلت الحمام
برهان ابتسم على شكلها وهي مكسوفه وضحك بخفه ومسك التليفون هيرن لوالدته يطمن وصلت ولا لا..بس جالو اتصال من حد من صحابه وقال.. الو
جالو صوتو بيقول ..مش هتصدق يا برهان انا اخيرا راجع القاهره
ابتسم وقال..ايه ده بجد والله ترجع بالسلامه يا امجد
امجد ابتسم وقال بإذن الله اسبوعين واوصل وحشتوني قوي وطنط شكريه وحشتني هاجي اشوفها اول ما اوصل
برهان ضحك وقال.. لا والله للاسف هي مش موجوده راحت لاختها تاخدلها اسبوعين تلاته بس اكيد هتشرفني
امجد قال..ده انت واحشني موت في موضوع مهم جدا محتاجلك فيه
برهان قال… خلاص انا مستنيك.. وقفل معاه ..ولسه هيطلع طلعت قسمت من الحمام وقفت قدام المرايه تنشفه بالسيشوار
برهان قال في نفسه ..وبعدين في الهم اللي انا فيه ده بقى ..واتنهد وقال… مش عارف ليه بحس انك بتتقصدي تعذبيني
قسمت قالت باستغراب .. ليه..بعذبك ازاي يعني
برهان قال …يعني لبسك الي مش لبساه ده مش عذاب بذمتك
قسمت ضحكت ضحكه جميله وقالت.. لبسي الي مش لابساه ده انت اللي جايبه وانت اللي مختاره حته حته من يومين لما قولتلي لبسي مش حلو وبيئه فاكر
برهان اتنهد وقال …جاتني وكسه عليا ..وعلى اختياراتي …بس انا مكنتش متخيل انو هيطلع عليكي كده….بقول ايه ما تيجي ناخد ماتش ودي في السريع كده
قسمت ضحكت جامد وقالت…وانا من امتى يعني سبتك تاخد ماتش في البطيء علشان تاخده في السريع
برهان قرب منها وقال…يا بت هعيدها للمره المليون انتي حقي لو اي راجل غيري كان زمان واخذ منك كل اللي عايزه ودلوقتي البيت فاضي والدتي اللي بخاف على احساسها مش موجوده ما تخلينيش اضايقك وتضايقيني
قسمت اتسعت عينيها وهي بتبص لها بخوف وقالت ..ليه هو انت ممكن تعمل كده بجد
برهان ضحك جامد وقال… انا لو اقدر اعمل كده بجد ما كنت عملتها من زمان ..مشكلتي كل ما اشوف دموعك واشوفك متضايقه بجيب ورا ..حتى لما مشيتك من البيت وخلصت.. مقدرتش استحمل نظراتك ليا وجيت وراكي منظري بقى قدام نفسي زباله
قسمت ضحكت وقالت … بس منظرك قدامي بيبقى حلو قوي ..بحس لسه فيك حته بتدي على انسان كده
برهان اتنهد وقال.. طب والحل..هنفضل كده لامتى ترفضيني واهينك وانقل من بعض هنعيش كده لامتى
قسمت قربت منه وقالت…لحد ما قلبك يدق وتتعامل معايا على اني انسانه وعندي احساس
لسه هتمشي شدها عليه وقال… طب ما انا عارف ان عندك احساس انا عايز بس اطلع الاحساس ده علشان نحس ببعض انا متاكد ان عندك احساس عالي بس مش عايزه اتحركيه
قسمت ابتسمت وقالت انا يوم ما احركه احركه لك انت
برهان بصلها بدهسه ومسكها من دراعها بغضب وقال امال عايزه تحركيه لمين يعني مش فاهم
قسمت خافت من نظراته وقالت بسرعه …مش هحركه اصلا هو اتشل اصلا يا باشا بس انت استهدى بالله
برهان مقدرش يمنع ضحكته على الكلام ده وشكلها وهيه خايفه سدها ليه بحنيه وقال وانا اوعدك هاخليه يتحرك تاني ان شاء الله حتى اجيبلو كرسي بعجل
قسمت ضحكت بخفه ونزلت عيونها
وبرهان ابتسم وقال هحاول استحملك واستحمل جمالك ده لحد ما ترضى عني بس انا بقولك اهوه هاحاول مجرد ما محاوله
قسمت ضحكت وقالت…انا فاهمه انك لسه بتحاول واخده بالي
برهان ضحك وقرب اكثر وقال طب ايه مش هتديني اي حاجه عشان المحاوله تشجيع وكده يعني
قسمت اتوترت وقالت انا..انا
بس برهان فاجأها لما مسك ايدها بحنيه وقال…اهدي انا..احم..انا مقدر الي انتي فيه..وعارف انك..انك طبيعي تخافي مني..بس بجد انا حابب ..ونفسي قوي…نصلح علاقتنا سوا يا قسمتي
بصتلو بدموع وابتسامه وقالت..بجد يا برهان
ابتسم وقال .جد اوي..وحياة عيونك الحلوين..نفسي اعوضك عن كل دقيقه اذيتك فيها…هو انا زي ما قولتلك..هحاول وانتي كمان يعني..حاولي معايا
قسمت ضحكت وقالت..حاضرر هحاول
بقلم…زهرة الربيع
ابتسم وقال يلا بقى ..اهدي ..غيري الهدوم دي والبسي حاجه هنخرج..بما ان ست الكل سابتنا ناخد راحتنا اسبوعين خلينا نخرج واوريكي المدينه
قسمت قالت بسعاده..بجد..بجد هتخرجني
برهان ابتسم على سعادتها وقال..اه..هخرجك.. واهخرج معاكي بره دوامة الكئابه دي انا امبارح..امبارح خوفت عليكي اوي قلبي اتقبض لما حسيت ممكن افقدك..مش هستنى لحد ما تروحي مني… يلا يا قسمتي البسي بسرعه
جريت بسعاده وقالت …هوا
برهان ضحك واتنهد بارتياح وحاسس بامل شديد في علاقتو معاها
واستمرت الايام بنهم وعدو اجمل اسبوعين عليهم فسح وخروجات واجمل اوقاتهم سوا رغم انها كانت لسه بتمنعو يقرب منها بس كانو مبسوطين وكان برهان صابر عليها ومش بيزعلها
في يوم كانو قاعدين في الاوضه وبيلعبو جيمز
قسمت اتنهدت بضيق وقالت..دي سابع مره تغلبني حاسه اني مش بعرف العب
برهان ضحك بشده وقال..حاسه طب كويس انك لسه في مرحلة الاحساس..وبعدين ما انا على طول بتغلبني عيونك وعادي اهوه
قسمت ابتسمت وقالت..كلامنجي اوي يا باشا
برهان ضحك وقال..الباشا مش قادر يتخطى سحرك ..هو انا..هطول الرضا امتى.. ماانا اهو كيوت وبسمع الكلام وبقيت دايب فيكي دوب…وبتمشي في جسمي زي المكروب
قسمت ضحكت جامد وقالت..ميكروب يا برهان ده ايه الرومانسيه دي
برهان شدها عليه بقوه وقال..الرومانيسيه انتي رفضاها ولسه بيتكلمو الباب خبط بعدت بخضه
مسح على وشو بخنقه وقال..مييين
الخدامه قالت بتوتر…يا باشا فيه شاب بيقول انو زميلك وصاحبك راجع من لندن وحضرتك مستنيه
ضرب على جبينه وقال ياخبر ده قايلي من اسبوعين…نسيت هنزل اقابلو وارجعلك
قسمت ضحكت.. وهو لبس ونزل
وصل الصالون وكان مستنيه شاب في الثلاتين وقف وسلمو على بعض وقال..اهلا..اهلا يا امجد ليك وحشه والله
امجد قعد وقال وانت والله وبقم يتكلمو سوا
قسمت نزلت ودخلت المطبخ بقت تجهز لهم ضيافه مع الخدم
وامجد كان بيتكلم مع برهان وقال..بص ياسيدي قبل ما اسافر روحت الارياف في عزبة جدي قعدت فتره وكانت فيه بنت جميله هناك كل يوم ترعى اغنامهم بجد البنت دي رقيقه وجميله انا وعدتها اني لما ارجع هروح اخطبها وانا اصلا بحبها ومش قادر انساها عايزك بقى تيجي معايا نخطبها لان اهلي رافضنها علشان من الارياف وكده
برهان اتنهد وقال…تفكير عقيم..انا نفسي كنت بفكر كده لحد ما ربنا هداني.. جاي معاك متقلقش انا اصلا يمكن اعرف اهلها لان على حسب وصفك هيه من نفس بلد مراتي
امجد قال بسرعه..هيه فين مراتك صحيح…متعرفناش يعني
برهان نادى لقسمت وقال..قسمت…قسمت تعالي
امجد قال بهمس..قسمت
قسمت اخدت العصير ودخلت وهيه عيونها في الارض وحطتو على الطاوله وبرهان بيقول…سلمي على امجد يا قسمت
امجد كان بيبصلها بصدمه وزهول وقسمت رفعت عنيها ليه واتصدمت بشده لما لقتو نفس الشخص الي كان عايز يتجوزها
ووووو
- يتبع الفصل التالي اضغط على (رواية قسمة ام نصيب) اسم الرواية