رواية حكاية اولاد عاصم الفصل السادس 6 - بقلم ايات الرحمن
حكاية_أولاد_عاصم 6
كانت واقفه وبترجع بالذاكرة لما كانت بتحرض ابنها علي مراته
مروان : مساء الخير يا امي
مساء الخير يا عين امك ما بدري
مروان بضيق : ما احنا لسه بدري اهو
ايوه الساعه 2 ونص بالليل ولسه بدري المهم هتفضل سايب الحبل لمراتك كدا لحد امتي
في اي بس يا امي
ولا حاجه يا قلب امك واحده حا،مل في الثالث ومشغله الكل خدم تحت رجليها وبتدلع دلع مالوش لازمه كدا وسايبه بنتها طول النهار كدا ولا بتسأل بتقوم تااكل وتنام تاني وكل ما اكلمها تقول مروان اللي قالي مروان ومروان انت صحيح يا ضنايا مانعها تشتغل في البيت
مروان: انا لا قولت ولا اتكلمت هي بتقول تعبانه فقولت ليها منين ما تحسي بالتعب عرفيني نروح للدكتور وحاولي ما تتحركيش كتير اعملي علي اد ما تقدري بس دا اللي قولته
امممم والست عامله بالكلام اوي لا بتعمل علي ادها ولا بتتحرك وانا طول النهار شايله شغل البيت ياابني ماينفعش كدا انا ست صحتي علي اددي ومراتك كل لما اتكلم معاها تقولي مش عاجبك امشي من البيت واشبعي بيه
لازم تقصر ليها شويه عن كدا وتفهمها ان هتطلع من الباب دا هيدخل الف غيرها اكسر لمراتك ضلع يطلع ليها 48 مش 24بس وانت حر
الدكتور خرج وقال للاسف ما قدرناش نلحق الجنين والمدام خسرت كميه كبيره من د،مها ومحتاجين 2 يتبرعوا ليها فصيلة د،مها نادره جدا وللاسف مش متوفره هنا خالص وفي خلال ساعه لو مفيش حد اتبرع هتمو،ت ودخل تاني
زين ويونس وطه كانوا بيكلموا اصدقائهم ومعارفهم وعاصم كمان ما كانش ساكت لحد ما وجدوا متبرعين وبالفعل تمت واتبرعوا لتسنيم
وبعد حوالي من ساعه الدكتور قال ان قدروا يلحقوها والغريب ان بعد 48 ساعه الدكتور قال ان هي دخلت في غيبوبه فهل هي دخلت في غيبوبه فعلا ولا لا
في غرفة مريم
كانت ماسكه زجاجه فيها سسسسم وبتبكي بقهر علي اللي عملته في نفسها واهلها انا خلاص اخدت قرار ان لازم ارتاح واريح الكل مني انا غلطت وهما اللي تعبوا سامحني يارب مابقاش قدامي اي اختيارات تانيه وشربت السسسم
عند بسنت صديقة حنين
شكلك مش ناويه تستسلمي يا حنين بسهوله كدا حبك لزين كبير وصعب اوي ينتهي بسهوله بس علي مين دا انا بسنت وهتشوفي وعملت اكونت مشابه لاكونت زين وفبركت محادثه واخدتها اسكرين وبعتتها لحنين
صدقيني انا ماكنتش عايزه اقول ليكي بس زين ماسابش ليا اي حلول انتي اكتر من اختي ومااقدرش اخونك ولا اخون ثقتك فيا جوزك عايز مني اي يا حنين انا مش من البنات دي فماتزعليش مني لو زين ماسابنيش في حالي هيكون ليا رد تاني
الكلام دا وجع حنين اوي وكمان المحادثه عباره عن اعترافات حب واسرار بينه هو وحنين قايلها ليها ومفيش حد يعرفها غير زين وحنين وبسنت بس وطبعا اللي عرف بسنت كل دا حنين لان مش بتخبي عنها حاجه
ودا في حد ذاته اكبر غلط ان مهما نكون واثقين في الاخرين ماينفعش نحكي ليهم كل حاجه عن حياتنا وخصوصا لو البيست فريند فممكن تغدر في اي لحظة من كتر ما انتي بتجملي وتشكري في جوزك قدامها فتحاول تفرقكم وتاخد مكانك
ودا اللي حصل بالفعل وبسنت بتحاول تفرق هي كمان لان من كلام حنين عن زين غير نظرة بسنت ليه جدا وبعد ما كانت شيفاه زوج صديقتها المقربه أصبحت شيفاه حبيبها وصديقتها عدوتها
حنين سابت الفون من ايديها وانهارت ليه يا زين انا عملت ليك اي عشان تعمل فيا كدا كل دا عشان اتأخرت في الحم،ل ليه بسنت كمان تاليا بتكرهني عشانك وانت معجب بصديقة عمري لييييه وفضلت تبكي كتير اوي واخيرا مسحت دموعها واتصلت عليه
بهدف ان تطلب منه الطلاق لان هو خاااين وهي خالص مابقيتش قادره تتحمل اكتر من كدا واول ما فتح قالت انت احقر انسان شوفته في حياتي مش مكفيك تاليا عايز اي من بسنت وليه عايز تكسرني اكتر من كدا
زين بنفاذ صبر : حنين انا مش رايق دلوقتي خالص والغاز مش عايز هتتكلمي علي طول ماشي مش هتتكلمي اقفلي وريحينا بعد كلمات كتير من حنين لزين اللي كان ساكت خالص وسايبها تحكي وهي من صمته اتأكدت ان هو خاين وخصوصا بعد مابعتت ليه اسكرينات بالمحادثه
لكن رد عليها بكل برود رغم العاصفه اللي جواه وقال :اقفلي دلوقتي وانا هثبت ليكي ان انتي اللي غلط وبعدها هنفذ ليكي طلبك حاضر وهطلقك وقفل في وشها
ودي هتكون بردوا اقل حاجه تحصل في واحده اسرار بيتها وجوزها مع صحبتها
هيمر 25 يوم علي كل الاحداث دي نبدء بتسنيم الاول وبعدها مريم وباقي الأشخاص
بعد مرور 25 يوم من السهر في المستشفى ومصاريف كتير الليله الواحده 3500 جنيه احد عمال النظافة في المستشفى قابلني في اول سوبر ماركت بعد المستشفى الموضوع ضروري
عاصم : ايوه انت طلبتني وقولت موضوع ضروري خير في اي
عامل النظافه :يستحسن تخرج بنتك من المستشفى في اقرب وقت
عاصم بتساؤل واستغراب : ليه
عامل النظافه : بنتك متوفيه من 25 يوم والدكاتره بيستغلوكم وبياخدوا منكم كل يوم 3500 جنيه زي ما قولت ليك بنتك متوفيه من 25 يوم وسابوها علي الاجهزه ودي مش اول مره تحصل ولما بيلاقوا ان اهل المريض بدؤا في الاسئله بيعلنوا خبر الوفاه
ولحد هنا والبارت خلص واستغلال الاطباء دا فعلا حصل جيرانا قريبتهم اتوفت وبعدها بإسبوع اكتشفوا كدا بس بعد ما سحبوا منهم مبلغ وقدره
بقلمي أيات الرحمن
•تابع الفصل التالي "رواية حكاية اولاد عاصم" اضغط على اسم الرواية