رواية مهرة النعمان الفصل السادس 6 - بقلم فريده الحلواني

 رواية مهرة النعمان الفصل السادس 6 - بقلم فريده الحلواني 

مهره النعمان فريدة الحلواني 

الفصل السادس 

امام مصنع ال النعمان

توقفت سياره دفع رباعي احدث طراز يتماشي طرازها مع قوه و صلابه صاحبها

ترجل احمد سريعا واغلق السياره ثم دلف سريعا داخل المصنع قاصدا مكتب اخيه

دلف داخل المكتب و قد صعق مما راي

فالمكتب عباره عن حطام لا يوجد به شىء سليم و كان اعصارا اصابه 

حتي الاريكه التي وجد اخيه مسطح عليها وهو واضع يده فوق عينيه كانه في عالم اخر قد اصابها التلف هيا الاخري

وكسرت ارجلها فاصبحت ماءله ولكن المتسطح فوقها لم يبالي لحالتها

فكل ما كان يبتغيه هو اراحه جسده من اثر المجهود الذي بذله في تحطيم مكتبه

وايضا اراحه راسه من مراجل النار المشتعله به

وايضا يحاول اطفاء لهيب جزء اخر في جسده لا يعلم سر اشتعاله بهذه الطريقه

الا وهو قلبه

يشعر به يان من الوجع الذي اصابه جراء ما حدث صباحا ولا يعرف سببا لتلك القبضه المدميه التي اصابته

اقترب احمد بهدوء بعد ما اوصد الباب خلفه وجلس علي عقبيه جانب اخيه ظنا منه انه ناءم 

فجاه رفع بدر يده من علي عينيه ونظر له بتيه وهو يساله : ايه الي جابك هنا

احمد : انا الي المفروض اسالك ايه الي حصل معاك يوصلك للي انت فيه ده

اعتدل بدر وجلس معتدلا حتي يفسح محالا لاخيه 

ثم وضع راسه بين يديه واردف بتعب ؛ احمد الله يخليك انا تعبااااان ومش قادر اتكلم روح شوف شغلك و سبني في حالي

احمد بحده : انت عبيط ولا بتستعبط اسيبك ازاي وانت كده 

احتد بدر وجزب نفسه من ملابسه وهو يقول : كده ازاي انت شايفني مجنون سيبوني في حاااااالي بقي 

احمد محاولا تهدءته : اهدي يا بدر انا اول مره اشوفك كده قولي في ايه وكل حاجه وليها حل باذن الله احنا من امتا بنخبي حاجه علي بعض

ثم طبطب علي فخذه حتي يحثه علي الحديث

نظره له بدر بنظره تاءهه تدل علي عدم وعيه : انا نفسي مش عارف مالي حاسس بنار جوايه حاسس اني موجوع 

في ايد ماسكه قلبي عماله تعصر فيه لدرجه ان مش عارف اتنفس

انا نفسي مستغرب من حالي

احمد : طب في حاجه حصلت في البيت عشان انا عارف ان الشغل تمام حتي لو فيه مشاكل عمرك ما هتعمل كده بسببها

بدر : انا هقولك يمكن انت تفهم مالي 

ثم قص عليه ما حدث صباحا ثم اردف : من ساعه ما ماشيت من البيت وانا علي الحال ده وكلام ستك عمال يتردد في دماغي كانه شريط وبيتعاد طب مانا ياما كلموني ناس عشان يخطبوها وانا كنت برفض من غير ماحد في البيت يعرف حتي لو حد اتقدم لجدك برده بيرفض من سكات

اشمعني المرادي 

احمد بتعقل : هتسمع مني ولا هتقفل عقلك 

بدر : هسمع هسمع يمكن ارتاح

احمد : المره دي اختلفت عشان كانت ام العريس في البيت يعني معني كده انك خفت ان مهره تعرف

وكمان كلام ستك عنها اكدلك الي انتي مش عايز تعترف بيه ان البت كبرت واحلوت

هدر به بدر وهو يلكزه في كتفه ويصيح به : مااااتلم نفسك ياض يا عرس انت ايه احلوت دي

ضحك احمد : خلاااص يا عم انا اسف مقصدش بلاش طوله لسان اهلك دي

المهم انتي بقي خفت ان الستات في البيت يعرفوها ان بيتقدملها عرسان خصوصا انهم قالولك انهم فاتحوها قبل كده وهي رفضت 

كل ده ميفهمكش مالك

نظر له بدر بتصنع الجهل وقال : لا مش فاهم 

احمد بعد ان ابتعد عنه حتي لا يطاله غضبه بعد الذي سيتفوه به

بص يا بدر مالاخر كده انت بتحب مهره 

انتفض بدر وصاح به : انت هتخرف ولا ايه متخلنيش اندم اني كلمتك دي بنتي يا عاااالم

احمد بحده حتي يفيق ذلك الابله : بقولك ايه فوكك من النغمه دي اه انت ربتها بس انت ابن عمها وتحللها والا مكنتش كتبت عليها عشان مش قادر تستحمل سواد الليل الي هتنام فيه بعيد عنها

انت قافل عليها وبتغير عليها مالهوا دانت مانع حد مننا يسلم عليها بالايد حتي وليد الي انت عارف انه اخوها في الرضاعه منعته

ده انت يا فاجر بتهد الدنيا علي دماغها لوحضنت جدها ولا حد من عمامها

طب لوجي اختك مش بتعمل معاها كده ليه

بدر بحده : لا بعمل معاهه بس لوجي عندها ابوها انما مهره ملهاش غيري

احمد : لا ليها ليها جدها واعمامها مش هقولك احنا

بس انت مش قادر تتقبل الفكره انت عايزها ليك لوحدك تحت اي مسمي انت بتقنع بيه نفسك 

طب انا مش هتكلم عنك انا هسالك يا معلم بدر يالي من بصه بتفهم الي قدامك 

و صعت صياعه السنين مع البنات ايام الجامعه عايز تفهمني انك مش اخد بالك من حب مهره ليك برغم انك اكتر واحد فاهمها وحافظها 

زاغ بدر ببصره واردف : عارف وحاسس بس هي في مرحله مراهقه واكيد لما تكبر مشاعرها هاتتغير

احمد : برغم ان مش مقتنع بحكايه المراهقه دي لان مهره دماغها توزن بلد دي تربيتك يابني بس هسالك سؤال وهسيبك ترد عليه بنفسك

بعد سنه ولا اتنين لما البت تزهق منك وتفقد الامل فيك لانها انسانه برده وكرمتها هتوجعها من كتر صدك ليها فتقرر انها توافق علي اي حد مالي بيتقدملها

انت بقي هتقدر تطلقها وميباقش ليك اي حق فيها

هتقدر تسلمها بايدك لواحد غيرك يبقي كل دنيتها مكانك

طبطب علي كتفه واردف شوف اجابتك عالكلام ده وانت هتعرف ايه الي فيك 

سلام 

ثم تركه شارد ومبهوت تماما من حقاءق رماها اخيه في وجهه وتركه يغرق في بحر افكاره

بعد ان بكت مهره في احضان لوجي لفتره ليست بالقليله وقد بكت ايضا لوجي حزنا علي اختها وصديقتها الاقرب لقلبها

ابعدتها قليلا ولكنها مازالت تحتويها وسالتها : ها احسن شويه

ابتعدت مهره واستندت علي ظهر الفراش وردت بتعب : اه الحمد لله 

لوجي : طب ناويه علي ايه مينفعش حد يعرف انك عرفتي خصوصا بدر

مهره بعد ان استعادت بعض من قوتها اردفت : انتي هبله يا لوجي ده بدر بالذات مينفعش يعرف اني عرفت حاجه

لوجي بحيره : طب انتي ناويه علي ايه 

مهره : مش عارفه بس كل الي نفسي اعمله اني اطبق في زماره رقبته اطلعها بايدي

ليه كده هنت عليه يعزبي كل ده واوعي تقولي ميعرفش بحبي ليه ده كلكم ملاحظين ده عم عبده بتاع السوبر ماركت الي علي اول الشارع عارف يبقي هو الي حافظني اكتر من نفسي ميعرفش

ثم اردفت بحزن يقطر من حروفها

طب ليه كده يابدر ده انا مش بشوف الدنيا غير بعيونك انت حياتي كلها مختصره علي حروف اسمك

هنت عليك تشوف حبي ليك في عيوني وتهرب منه

وكل ما احاول المحلك تغير الكلام كانك مش واخد بالك 

طب مصعبتش عليه ده دايما يقولي لما بتتعبي بشويه برد بحس ان انا الي تعبان معقوله محستش بوجع قلبي

انا هتجنن انتي عارفه انا بحبكم اد ايه و اقسم بالله بتمني لكم الخير وبفرح لفرحكم بس غصب عني حسيت اني اقل منكم كلكم عشان كل واحد من الشباب شاف فيكم الي بيتمناه وانها نصه التاني

طب هو انا وحشه اوي كده عشان ميبوصليش ولا مستاهلش اتحب

نهرتها لوجي سريعا حتي تفيق مما هي فيه :

ايه الهبل الي بتقوليه ده امال لو مكونتيش احلي واحده فينا غير جدعنتك مع الصغير قبل الكبير واصلا احنا بنعتمد عليكي في حل مشاكلنا برغم انك اصغر واحده فينا كنتي قولتي ايه: تعالي نتكلم بالعقل شويه هو برده غصب عنه شايف ان مينفعش يربيكي وفي الاخر يحبك كده عادي 

انتي طفله بالنسباله يا ميمو 

انتفضت مهره من مكانها بعد ان نفضت ضعفها بعيدا

طب وحياته عندي ان ما خليته يجي لحد الطفله الي بيقول عليها دي بنفسه ويعترف بعشقها مش بس حب مبقاش انا مهره 

و هاخليه يشوف مهره تربيه ايده هتعمل ايه

لوجي ممثله الرعب : يالهوي يابت انتي ناويه علي ايه مع اخويا 

مهره : علي كل خير ان شاء الله والحمد لله انه جوزي عشان يبقي كله بالحلال

لوجي : يعني ايه مهره مش فهماكي

مهره : يعني هلعبه عالشناكل يا قلب اختك

ثم فركت كفيها ببعضهم دلاله علي بدء المعركه واكملت

يلا استعنا عالشر بالله والله صعبان عليه يا بدوري كنت جدع وطيب بس انت الي جبته لنفسك

ههههههههههههههه

ضحكت الفتاتان معا و هم يتخيلان ما هم مقدمين عليه

مهره بعد ان فكرت قليلا قالت : بقولك يا لولو تعالي معايه ننزل قوضتي عشان عايزه انزل شنط شواري من فوق الدولاب

لوجي باستغراب : ليه هو انتي جبتي حاجه جديده و عايزه تشليها

مهره بخبث : لا ياختي وانا من امتي بشتري حاجه لشواري انتي ناسيه ان هو الي بيشتريلي كل فتره حبه حاجات حتي منع عمتك او تيتا انهم يشترولي حاجه

لوجي : امال ايه فهميني مش مرتحالك

غمزت لها مهره بشقاوه وقالت : انا هطلع منهم كام حاجه كده لزوم الخطه عشان نويت اقرا الفتحه علي ميكي وبطوط 

وابدا بقي اوريله ان العيله كبرت خلاص ودي اول خطوه والباقي ييجي عالهادي واما نشوف نفس مين فينا اطول

لوجي : يخرب بيتك دماغك دي ايه سم

بس يا فالحه انتي ناسيه حاجه لو حد من ستات البيت وبالذات عمتك شافوكي باللبس ده هتقوللهم ايه

مهره بغيظ : انتي هبله يابت وهو انا هلبسه قدامهم احنا اصلا بنقعد معاهم بره قوضنا بالاسدال انما جوه قوضتي ببقي براحتي واصلا بدر مانع اي حد يدخلي من غير مايخبط حتي تيتا

وبعدين انا مش هلبسهم في اي وقت وكمان مش هلبس قمصان نوم مش للدرجه يعني

انا مثلا هطلع طقم هوت شورت او كاش مايو حاجات تبان عاديه بس في نفس الوقت تولعه فهمتي

لوجي ببلاهه : يخرب بيتك وبيت دماغك ده انا لما شوفتك وانتي عماله تعيطي وتولولي من شويه قولت البت هيجيلها انهيار عصبي ومش هتقوم منه

مهره : انتي هبله يابت انتي فكراني فرفوره دانا مهره النعمان عارفه يعني ايه

يلا بقي كفايه رغي

دجت ساعت العمل ههههههه

وبالفعل قامت الفتاتان وتوجهن الي الاسفل حتي يقوما بما اتفقا عليه

اخرجت مهره بعضا من ملابس عرسها فاستغربت لوجي من اختيارتها وقالت : ايه يابت قله الادب دي ده اللانجري ارحم من الي مطلعاه ده

مهره بغمزه : مش هو الي منقيهم بنفسه خليه يتمتع بشوفتهم عليه واهو كله بالحلال يا معلم هههههههههههههه

بعد فتره قبيل معاد الغداء اتصل الجد ببدر لكي يطمان عليه وكان قد فتح هاتفه

الجد : الو يابدر فينك يابني من الصبح

بدر بارهاق : في المصنع ياجدي في حاجه ولا ايه

الجد وقد قرر ان لا يخبره انه علم بما حدث : ابدا ياحبيبي انا بس عشان مشفتكش من الصبح وانت متصلتش خالص فابطمن عليك

بدر : تسلملي ياجدي بس عندنا طلبيه مستعجله فواقف علي ايد العمال عشان ينجزو

الجد : طب يلا تعالي اتغدي وابقي ارجع تاني

بدر بتهرب : اااا معلش ياجدي مش هاينفع هبقي اكل اي حاجه هنا مش هاقدر اسيب الشغل

الجد وقد قرر ان يتركه ينفرد نفسه حتي يستعيد توازنه

براحتك يابني الله يقويك اشوفك بالليل 

اغلق بدر مع جده وهو في حاله شرود تام يشعر انه لا يستطيع رؤيتها امامه الان حتي لا تقرا ما بداخله فهي الوحيده التي تعرف ما به وتفهمه دون حديت

قال لنفسه ما بك بدر التلك الدرجه اصبحت مشاعرك مكشوفه امام الجميع بعد ما شيدت حصونا صلبه حول قلبي حتي لايكشف ما بداخله

ايظنون اني لا اريدها

اكيد اصابهم الجنون من يعرف مهره ولا يقع في عشقها دون ان يدري

انا غارق بها كل ما بها يجعلني صريع هواها

لا اطيق لمس احدا لها حتي لو مجرد سلام

انا متيم بها ولكن ماذا ساقول لابيها حين اقابله يوم الموقف العظيم ااخبره انني طمعت في ابنتك التي تركتها امانه في عنقي ويعلم الله اني فعلت كل ما بوسعي واكثر حتي احافظ عليها

فهي حتي دون وصايتك هي جوهره نادره اخاف عليه من ان تخدش 

فما انا بفاعل

كنت داءما اصبر نفسي انها مازالت صغيره

ولكن المليحه كبرت واصبحت هدف لكل من يتمني اقتناء الجواهر النادره

فما حجتك الان يا بدر

ستستطيع تركها لرجل اخر ينعم بها ام ستدعها تجلس جانبك دون ان تبني لها حياه مثل قريناتها

رفع وجهه للسماء يتوسل الي ربه ليريحه

ياااااااااا الله ساعدني

لا انا قادر علي قربها وخيانه الامانه ولا انا بقادر علي تركها 

اجرني يا الله

في منزل النعمان اجتمعو كالعاده علي طاوله الطعام مع استغراب الجميع من غياب بدر الا هي فكانت متيقنه انه لن ياتي اليوم حتي يهرب منها اذا ما سالته عن حاله

قالت في نفسها وهي تتصنع تناول الطعام امامهم

مااااشي يا قمري هتروح مني فين انا وانت والزمن طويل ثم ضحكت حينما تذكرت سبب تسميتها له بقمري

فلاش باااااك 

______________

خرجت طفله ذو ثلاث سنوات من غرفتها وهي تفرك في عينيها ببراءه وتوجهت الي الغرفه المقابله لها وسحبت كرسي صغير قد وضعه بدر لها بجانب باب غرفته حتي يتثني لهاالوقوف عليه  لفتح الباب ومنع اي حد ان ينقله من مكانه

صعدت فوق الكرسي وفتحت الباب ثم نزلت و ارجعته مكانه ودلفت للداخل

كان بدر يتسطح علي فراشه يتصفح هاتفه بملل 

اعتدل فور رؤيتها وهي متجه نحوه رفعها ووضعها علي ارجله وضمها بحنان وهو يمسد علي شعرها ويقول : مالك يا فرستي ايه الي مصحيكي دلوقت

مهره : مس عالفه انام فجيت بس تده(مش عارفه انام فجيت بس كده )

بدر بحنيه طب تعالي نامي جنبي وانا هحكيلك حدوته

مهره : لا مس حايسه حتوته انا خايسه احلف حاجه تانيه(لا مش عايزه حدوته انا عايزه اعرف حاجه تانيه)

بدر باهتمام : ايه يا حبيبي قولي

مهره : هو يعني ايه مهله وانت ليه بتقولي فلستي( يعني ايه مهره وانت بتقولي فرستي )

بدر :  المهره دي تبقي بنت الحصان العربي الاصيل ولما تكبر بتبقي فرسه فهمتي

فكرت قليلا ثم اردفت : طب يحني ايه بدل(طب يعني ايه بدر)

بدر : مش انتي بتشوفي القمر في السما

هزت راسها علامه الموافقه

اكمل هو اهو القمر لما بيبقي  كامل ومدور كدا في السما بيتسمي بدر فهمتي

سكتت قليلا تفكر ثم قالت : طب مس انت مس تخلي حد يقولي فلسه غيلك

اوما لها بدر موافقا

اكملت هي خلاث يبقي انا هقولك قملي و مس تخلي حد يقول تده غيلي اتفقنا

ضحك بدر عاليا وقبلها بقوه علي خدها وقال : والله انتي الي قمري ودنيتي خلاص موافق بس بشرط

مهره : سلط ايه

بدر : متقوليش قمري دي قدام حد تقوليها لما نبقي لوحدنا بس ده سرنا الصغير قولتي ايه اتفقنا

ارتمت مهره داخل حضنه الدافىء وقالت وهي تتثاءب : اتفقنا يا قملي

(اتفقنا يا قمري ) ثم غاصت في نوم عميق 

رجعت الملبحه من زكراها المحببه الي قلبها وهي تتوعد له بما يجعل النوم يهرب منه والدنيا تديق به حتي لا يجد ملجا له الا هي 

فماذا ستفعل يا تري

سنري

انتظرووووووني

بقلمي / فريده

  •تابع الفصل التالي "رواية مهرة النعمان" اضغط على اسم الرواية