رواية حكاية حلم الفصل السابع 7 - بقلم رحاب محمد
(البارت السابع)
مها بصتله بذهول وبتحاول تتاكد انها سمعت الكلام ده منه بجد ومش بتحلم انتا قولت ايه
مصطفي ابتسم وبيقرب عليها
وبحب خارج مع كل حرف ف كلامه قولت اني بحبك وبعشق كل تفاصيلك وهكون اسعد واحد ف الدنيا لو وافقتي انك تتجوزيني
مها ضحكت بفرحه وبصوت عالي الحجر نطق ياجدعان اخيرا ونطقت عليه وحضنته جامد بعشقك يا مصطفي موافقه طبعا موافقه اني ابقا مراتك هو انت لسه بعد ده كله بتسال
حلم خرجت من مكتبها على صوت مها الي كان عالي وكانها عايزه تعرف الدنيا كلها بحبه ليها
وشافت كل الي حصل
وقاسم خرج ورا مصطفي وشاف كل حاجه هما الاتنين كانو فرحانين ليهم من قلبهم
بس كل واحد فيهم نفسه لو يكون مكانهم
قاسم اول ما مها اعترفت بحبها
بداء يصفر ويصقفلهم هو وكل الناس الي في الشركه
ايوووه بقا يا درش يا لعيب اووو
مها بعدت عن مصطفي وبتبص ع الارض باحراج لما لقت الكل حواليهم وبيتفرجو عليهم
الكل بداء يقرب عليهم وبياركلهم
قاسم بيبص علي حلم لقها هي كمان بتبصله بحزن قرب منها وابتسم مش هتيجي نباركلهم
حلم ابتسمت اه اكيد يالا
وراحو عندهم وقاسم حضن مصطفي وبهمس شفت يا لوح البت كانت بتحبك اهي من غيري كنت هتضيع خلي بالك
مصطفي ضحك اه شكرا يا كبير
مش عارف من غيرك كنت هعمل ايه
حلم حضنت مها الف الف مبروووك ي قلبي واخيرا الحجر نطق
مها ضحكت وبهمس عقبال الحيطه التاني بقا
حلم بصت عليه بغيظ لا ده مفيش منه امل خالص جبله بعيد عنك مش بيحس
مصطفي اتفق مع مها على معاد يقابل فيه والدها
وباقي اليوم مشي عادي في شغلهم
قاسم قاعد ومركز في شغله الباب خبط رد بعدم اهتمام ادخل ومرفعش عينه من الورق الي قدامه
كمال صاحبه طيب يا عم التنك بص على الي دخل حتي عبرنا
قاسم عارف صوته كويس ورفع وشه يتاكد كيمووو وقام وسلم عليه بلهفه
كمال وحشاني اووي بجد يا قاسم والله
قاسم لا ياض واضح ده انتا من ساعه ما اتخرجنا ياندل ولا سالت
مع انك ايام الجامعه كنت حقوق ومش تبعنا اصلا بس كنت لازق عندنا
كمال ضحك والله كانت احلي ايام بجد الواحد سف التراب بره
وبثقه بس ايه صاحبك بقا محامي مشهور يبني ومتعرفش تتكلم معايا دلوقتي
قاسم ضحك مين ده كمال الحمار بقا محامي شاطر
كمال ضحك متحترم نفسك يا عم بنقول بقيت محامي مشهور
قاسم خلاص مصدقك
حلم جت ودخلت علطول زي عادتها واتفاجاءت بيه ايه ده كمال وسلمت عليه
كمال ازيك يا حلم عامله ايه بقولكم ايه انتو اتجوزتو دلوقتي اكيد صح
قاسم بص لحلم بحزن
حلم يبني انتا لسه الاوهام دي في دماغك زي مهي لسه مش مقتنع اننا اخوات وبس
كمال بستغراب ينهار اسود انتو لسه زي منتو كده بنفس الاسلوب
قاسم كلامه وجعه وبيحاول يبان طبيعي ضحك والله انتا عيل مجنون يبني ما قولنالك الف مره اننا مش اكتر من اتنين اخوات وبس
كمال بصلهم بغيظ والله انتو الي مش طبعيين ده مفيش حد ف الدفعه مكنش متاكد انكم بتحبو بعض وخصوصا حلم هانم وتصارفاتها معاك
حلم ارتبكت وعايزه تغير الموضوع بقولك ايه انا مش فايقالك خالص انا همشي يعم
قاسم تمشي تروحي فين
حلم انا تعبت واليوم كان طويل جدا ومش قادره اقعد اكتر من كده وهروح
قاسم بعصبيه هو انتي ايه مش بتفهمي انا كام مره اقول مفيش زفت لوحدك
حلم انا اعملك ايه يعني منا قولت صاحبك معاك ف اكيد مش هتروح
قاسم لا يختي هروح وياريت متشغليش دماغك تاني
حلم بصتلو بغيظ وسكتت
كمال بيقرب على قاسم وبهمس كل ده واخوات هاا عيبط انا
قاسم زقه ياخي اتنيل انتا كمان انا ناقصك وعلي صوته يالا انتا هتروح معانا ده مراد هيفرح اووي لما يشوفك
كمال ايووه بقا هو ده الكلام مراد واكل مراد ودلعه
قاسم ضحك اه يطفس اهم حاجه اكله انتا بنسبالك
حلم واقفه بعيد وبتبصلهم بغل وساكته
قاسم شافها طيب بقولك ايه يالا بينا بسرعه علشان حلم تقريبا كده بتتحول
ومشيو كلهم على البيت
قاسم هتيجي تقعدي معانا شويه ولا لا
حلم ايه انت بتعزم عزومه مراكببيه كده ليه
قاسم هو انا كلمتك وبعدين انتي بتتعزمي اصلا ده انتي ناقص تيجي تباتي عندنا
حلم وأنتا مالك انا بدخل اقعد مع عمو مراد مش معاك
قاسم بياخد نفس عميق بارغ صبر بقولك ايه جايه تعالي مش جايه امشي خلصينا
حلم طيب ايه ارايك اني هدخل بالعند فيك
كمال بيتفرج عليهم وهو بيضحك انتو بجد عمركم ما هتتغيرو بس ناقص انكم تنجوزو وتجيبو عيل نسخه كده منكم
حلم بتغمض عنيها بغيظ سكت الزفت ده بدل ما اقتلهولك
قاسم بعصبيه اسكت يا زفت طول عمرك جايلبنا الكلام
كمال بيمسك نفسه من الضحك وبيهز دماغه بمعني حاضر
واخير دخلو البيت
قاسم بينادي بصوت عالي بابا يا مراد فينك
مراد صوته جاي من المطبخ انا هنا يا قاسم تعالي
دخلو عنده
كمال ايووه بقا يا عم مراد يا جامد انا نازل مصر مخصوص علشان اكلك الخطر ده
مراد فرح جدا اول م شافه وحضنه وكانه ابنه كيموو حمدله على سلامتك وحشني
كمال بيحصنه هو كمان والله انت
اكتر يا كبير
مراد اخيرا رجعت كنت سايبني مع الواد ده والاهبل التاني مصطفي لما زهقوني في عيشتي محدش بيفهمني غيرك انت
كمال بضحك حبيبي يا كبير والله هو انا ليا غيرك بس هو فين الاهبل التاني صحيح
قاسم بضحك الاهبل هيتجوز خلاص وخفو على الواد شويه
مراد وكمال بصدمه ايه هيتجوز
قاسم اه استنو احكيلكم الحكايه
وحكالهم كل حاجه
كمال بضحك طيب الحمد لله انه في الاخر نطق
مراد لا بجد فرحتله صحيح هي فين حلم هي مجاتش معاك ولا ايه
قاسم لا جت بس تلاقيها قاعده بره هخرج اشوفها واجى
وخرج يشوفها لقاها قاعده قدام التلفزيون وبتقلب فيه ومشغله حفله لايف لعمرو دياب
وقف من غير م يعمل صوت وبيتفرج عليها عنيه بتعدي على كل ملامحها الي هو حافظها وعمره ما زهق ولا مل انه يتاملها كل لحظه انه يقعد كده قدامها سنين دي قمه السعاده بنسباله
وجت اغنيه (قال فاكرينك بتحبيني عمرو دياب)
وبيفتكر كلام كمال لما بيسالو اتجوزو ولا لسه وقلبه وجعه
كان نفسو كلامه ده يبقا حقيقه
قال فكرينك بتحبيني وبينا حكايه
مهو شايفينك جايه معايا ورايحه معايا
مش فاهمنا مهو لو بينا حكايه هنحكى
كل ما نضحك علي نظراتهم قلبي بيبكي
ايوة بحبك بس مخبي الهوا جوااايا
وبيفتكر ردها عليه وعلى اي حد كان يقولها انها بتحبو من ايام الجامعه انها تضحك وتتريق
ليه كده يحلم ليه كل الناس شايفه اني بحبك الا عنيكي انتي بس الي عميا عني ليه رفضك وردك ده الي مناعني اني اقولك
كل الحب الي جوياا ليكي بخاف لتسبيني وترفضي
كل الناس شايفنا حبايب الا عينيكي
وانا من خوفي لتبعدي عني بخبي عليكي
واما يقولوا بتحبيني بنعديها لكن بيني وبيني بعيشها وبفرح بيها
ايوة بحبك بس مخبي الهوا جوايا
بيبص عليها لاقيها سرحانه ضحك بحزن يترا سرحانه في ايه
يعني ممكن تكون زيي بس ازي وهي انا ببقا معاها وبسرح فيها وبرضو مش بتفهم
وساعات بنسي واسرح فيكي وفي هواكي
وتفاجئيني فينك اقولك ايوة معاكي
يبقي الحب ده كله في قلبي مش فاهماني
ده انتي في توهة مش هما اللى في عالم تاني
ايوة بحبك بس مخبي الهوا جوااايا
حلم بتبص جنبها لقيته واقف استغربت ايه ده انتا هنا من امتا
قاسم انا هنا من بدري
حلم غريبة محستش بيك خالص يعني
قاسم بحزن انتي عمرك ما حسيتي بيا اصلا
حلم بستغراب ايه
قاسم متاخديش ف بالك مراد كان بيسال عليكي فا جيت اشوفك
حلم قامت وبتتحرك ناحيه المطبخ معلش بقا حبيت اقعد اسمع اغاني شويه وهروح اشفو اهو
.........................عند امال
بيلبسو وخارجين
امال باسم ايه رايك ف الفستان ده حلو
باسم قرب منها وبهدوء حبيبتي قمر في اي حاجه طبعا
امال ابتسمت انا بحبك اوي يع باسم اوعي ف يوم تفكر تبعد عني انا من غيرك ممكن اموت
باسم ايه الكلام الي بتقوليه ده انا ابعد عنك ليه بتقولي كده ي امال ده انتي حبيبتي ومراتي وام ابني واحلي زوجه ف الدنيا كلها
امال ابتسمت باطمائنان لا انا بس كنت بطمن
باسم ابتسم بحب لا من الناحيه دي اطمني جدا
صوت الباب بيرن
امال بتبعد عن باسم
شدها من ايدها خدي هنا رايحه فين
امال بتضحك رايحه افتح الباب
باسم بيقرب منها سيبك من الباب مودي اكيد هيفتح
وفعلا مودي فتح وصوت يارا بتتكلم معاه
امال ايه ده صوت يارا ايه الي جابها دلوقتي غريبه
باسم بعد عنها وراح يكمل لبسه ولا غريبه ولا حاجه انا كلمتها علشان تيجي معانا مش هنبقا بنخليها طول اليوم بمودي وبتساعدنا كتير كده ومنفرحهاش بحاجة
امال اضايقت من اهتمامه بيها وبتحاول تبين عكس كده اه فعلا عندك حق انا ازاي بنسي كده
باسم خلص لبس ورايح ناحيه الباب طيب كملي لبس انتي بقا وانا هطلع اقعد معاه لغايه م تخلصي
وطلع لقاها قاعده مع مودي اول م شفها ابتسم وهي كمان
باسم روح ي مودي خلي مامي تظبطلك هدومك الولد مشي عند مامتو
يارا بابتسامه ايه القمر ده بجد الطقم عليك تحفه
باسم بجد وبعدين هو لو حلو ف ده علشان هو ذوقك اصلا
يارا بابتسامه هاديه لا ابدا الفكره ف ان الي لابس الحاجه هو الي بيظبطها
باسم قرب منها ومسك ايدها بسرعه يارا انتي بجد وجودك ف حياتي فرق كتير
..............................عند قاسم
قاعدين كلهم على السفره وبياكلو وبيفتكرو ذكريات قديمه وبيضحكو
قاسم بضحك لا ده كمال كان مسخره طول عمره وفاضحنا في كل حته
كمال انا ماشي يعم تكشر
قطع كلامهم صوت جرس الباب
قاسم ده مين الغلس الي جاي دلوقتي
مراد انا هقوم افتح
قاسم لا خليك انتا يا بابا انا هشوف وفتح الباب ووقف مصدوم ومتنح
حلم من بعيد مين يا قاسم
مفيش رد ده ماله ده واقف عنده كده وراحت هي عند الباب واول ما شافت مين بدهشه انتي 😯
حكاية_حلم
يترا شافو مين ع الباب وليه مصدومين كده🤔
وباسم قصدو ايه ب الي قالو ل يارا وهي هيكون رد فعلها ايه🤔
يارب البارت يعجبكم 😔
مستنيه رايكم 😔
والتفاعل اكيد ياجماعة لو سمحتوا
•تابع الفصل التالي "رواية حكاية حلم" اضغط على اسم الرواية