رواية ام بالاجبار الفصل السابع 7 - بقلم فيروزه

  رواية ام بالاجبار الفصل السابع 7 - بقلم فيروزه

ام-بالأجبار...

ادم ويونس في نفس الوقت قالوا ....لا...

عمتي بضحك...هو في ايه...ايه اللي لا يا عيال ...

ادم اتكلم بسرعه....اصل سما كانت بتقول انها مابتفكرش في الجواز دلوقتي...

يونس بضحك ...هو ده اللي كان قصدي عليه ...

عمي بضحك...في ايه يا عيال ...اتكلمي يا حبيبتي....

اتكلمت بكسوف ...والله يا عمتي انا مش بفكر في الجواز الموضوع ده اتقفل بالنسبالي ....

عمتي بحنان طبطبت عليه ...ليه يا حبيبتي ده انا هحطك في عيني ....والواد مهاب مفيش اطيب ولا احان منه والله ما بقول كده علشان هو ابني ...

عمي بحنان طبطب عليه....سما فاكري والواد مهاب وزين الشباب ....

ادم بحزن...ما خلاص بقي يا بابا بلاش تضغط عليها ...

يونس بحنان...سيبو القمر علي راحتها ...باله الجواز ملوش لازمه صح يا سما ...

اتكلمت بضحك...بس يابني ....اسكت انت كلامك بيعمل وش ..

عمتي بضحك...بس يا واد انت وهو علي العموم يا حبيبتي مهاب جاي علي المغرب واقاعدي معه واتكلمو وفي الاخر اعملي اللي يريحك ....

اقبل ما ألحق ارد عمي اتكلم ...

عمي بابتسامه....عندك حق يتكلموا الاول ...

ادم ...بس يا بابا 

عمي بضحك...بس انت اسكت يابني انت واخوك ..

يونس بضحك...عرفت منين اني هتكلم ...

عمي بضحك...اللي مربني قرد ...

يونس بضحك....يعني انا قرد ...

عمي بضحك....انت مجموعه قرود مش قرد واحد ...

اتكلمت بابتسامه....انا هطلع يا عمي ...بعد اذنك يا عمتي ..

وطلعت بسرعه وكإني بجري علي السلم وطول ما انا طلعه حاسه بحد بيطلع ورايه ...وانا بفتح باب الاوضه ولسه هدخل لقيت اللي بيزقني لجوه ودخل وقفل الباب ...

اتكلمت بعصبيه ....في ايه يا آدم ....

ادم بحزن....هو انتي ممكن توفقي علي مهاب ...

اتكلمت بهدوء....الله اعلم ...

قولت كده وقعدت علي السرير ...

ادم قرب مني وقعد علي الارض قدم السرير ومسك ايدي في ايدو ...واتكلم بحزن ...سما ممكن ماتوفقيش علي مهاب ...

حاولت اسحب ايدي من ايدو بس هو ماسكها جامد ...سيب 

ايدي يا آدم واتفضل أخرج من الاوضه ...

ادم بحزن...ردي عليه الاول ...

اتكلمت بحزن ....انا اصلا مش بفكر في الجواز من تاني...

ادم اتكلم بفرح ....بس ممكن تفكري صح ...

اتكلمت بهدوء...لا الموضوع مقفول بالنسبه ليا ...واتفضل سيب ايدي ....

ادم ساب ايدي وقام وقف وكان طالع من الاوضه بس قبل ما يطلع قال ....انا عمري ما كرهتك انا بس كنت خايف اتعود عليكي كنت خايف من قربك ...وخوفي خصرني كتير ...خليكي فاكره اني معاكي دايما في أي وقت محتاجه حاجه اوعي تفكري في حد غيري خليني اول اختياراتك طول الوقت وعمرك ما هتندمي ....

قال كده وطلع علي طول ...

وانا 

.

.

.

ادم يا ادم رد عليه ....

ادم بعصبيه ...عايزه ايه هو انتي مش بتزهقي طول اليوم ادم ادم ...ابعدي عني ...

قال كده وزقني بعيد...

اتكلمت بحزن شديد...انا بس كنت عايزه أسألك علي حاجه انا ماكنتش عايزه ازعجك ....

خرجت من اوضته ودموع بتنزل ...مسحت دموعي ودخلت اوضتي ...

تاني يوم كانا بنلعب انا ويونس وهو وقف بعيد ...قربت منه ..

واتكلمت بحماس...ادم تعالي العب معانا ....

ادم بغضب ...وهو انتي مش بتفاهمي ابعدي عني ...

ومشي بسرعه من قدمي ...

وانا فضلت اعيط ...

يونس بحنان طبطب عليه....القمر ماله ولا تزعلي ادم طيب بس غشيم تعالي نكمل لعب ...

وشدني وعلشان نكمل لعب ...

.

.

.

قربت من تميمه وشالتها وضميتها لقلبي ...تميمه كبرت شويه وملامحه بدأت تظهر ....تميمه اتكلمت وانا بمسك أيدها انتي مفاجاه كبيره اوي يا حبيبتي غيرتي حياتي ....ضفتي لون لحياتي ..دخلتي السعاده لقلبي من تاني كل ما اضمك احس روحي صافيه وقلبي دافي ...انا دلوقتي عرفت انا عايزه ايه 

من الدنيا ...انا عايزه بنت وام وصاحبه واخت...عايزكي وبس 

يا تميمه...حضنتها اكتر ...وسمحت اخيرنا لدموعي بالنزول ..

بعد شويه الباب خبط وقولت ...اتفضل ...

دخل عمي بابتسامه.... حبيبتي يلا علشان نتغدا وبعدين الواد مهاب قاعد تحت ...علشان خاطري ايديلو فرصه لو ليه غالوه 

عندك ...

عمي انت عارف ...

عمي بحنان طبطب عليه....عارف بس انا اول مره اطلب منك حاجه ....

حاضر يا عمي ...

عمي بابتسامه....يلا بس غيري هدومك وانا هستنكي تحت ...

اتكلمت بابتسامه...ليه مالها هدومي يا سيدي ...

عمي بضحك...قمر بس وماله لو القمر بقي شمس ...

اتكلمت بضحك...اه من كلامك الحلو ده ...حاضر ...

غيرت هدومي ولبست فستان اسود قصير بس مش اوي وحطيت مكياج خفيف ولميت شعري كحكه ونزلت وشويه من الشعر ...ونزلت ...

اول ما نزلت اول واحد اتكلم كان عمي ...ايه القمر ده ...

خاله كان الموجودين يبصو ناحيتي شوفت نظره اعجاب وشوفت نظره حزن وشوفت نظره حب ....كل واحد منهم كان بيبص بطريقه مختلفه ...

قربت بابتسامه وسلمت علي مهاب ...ازيك يا مهاب ...

مهاب بإعجاب ...بخير يا سما اخبارك ايه ...

اتكلمت بكسوف...بخير ...

وقعدت جمب مرات عمي اللي اول ما قعدت جنبها حضنتني ..

اتغدينا وبعد الغداء عمي اتكلم ...يلا يا ولاد نسيبهم يقاعدو مع بعض شويه ...

وقام عمي ومراته وعمتي طلعوا ...

فضلت قاعده انا ومهاب وادم ويونس ....

واول ما قاموا ادم حط شال كان جنبه علي رجلي ...وقاعد تاني جنب مهاب ...

مهاب بابتسامه...هعرفك علي نفسي من تاني انا مهاب عندي ٢٩سنه شغال مهندس زراعي ...وبدور علي بنت الحلال وشكلي خالص لاقيتها...

يونس بضحك....شكلك لسه هتكمل تدوير ...

ادم بابتسامه....لاقيتها فين بس يا عم كمل تدوير اسهل..

اتكلمت بهدوء....في ايه انتو الاتنين اسكتوا...ممكن تسبوانا

لوحدنا شويه ...

ادم بعصبيه ...لا يا يتكلموا قدمنا يا بلاش ...

مهاب بضحك ...في ايه يا جماعه هو انا هكالها ماهي بنت عمي ...اهدو ...

يونس بحزن ...اتكلم واحنا معاكم ...

اتكلمت بهدوء عكس اللي حاسه بيه من انزعاج....يا جماعه سبوني اتكلم معه ولو دقيقه لوحدنا ...

ادم بحزن...ليه يا سما ....

اتكلمت بهدوء...خلاص خليكم ....

مهاب بضحك...في ايه بجد هو انا هاخدها واجري ..

اتكلمت بهدوء...خلاص يا مهاب نتكلم وقت تاني لوحدنا ...

وقمت ولسه هطلع سمعت صوت الجرس ...روحت ناحيته الباب واول ما فتحته شوفت اخر واحده كنت ممكن اتوقع اشوفها في الوقت الحالي ....

اتكلمت بصعوبه ...نور ...

نور بابتسامه حضنتني ...ايوه نور وحشتيني....

فوقت لنفسي وحضنتها .... وحشتيني اوي يا نور ...تعالي ادخلي ...

نور بحزن ...انا مش جايه لوحدي معايا جوزي ....

اتكلمت بحزن...اتفضلوا ...ودخلت وهو بعد دقيقه طلع وراها ..

اتكلمت بهدوء....عامله ايه ....

نور .... الحمد لله وانتي عامله ايه...

الحمد لله...

وهنا سند اتكلم بابتسامه....عامله ايه يا سما ...

اتكلمت بهدوء....بخير ...

والصمت حال علي المكان ....

اتكلمت بعد دقيقه ...طيب هقوم اجيب حاجه تشربوها ...

وقمت جريت علي بره واول ما طلعت ضغطت بايدي علي قلبي اللي بيدق بجنون ....

ادم بحزن...مالك وقفه كده ليه ومين اللي جام ...

دي نور وسند جوزها ادخل اقعد معاهم لحد ما اجاي وكنت لسه هامشي بس ادم مسك ايدي....

ادم بحزن....علشان خاطري غيري الفستان ...

اتكلمت بهدوء...ليه ماله الفستان ....

ادم بحزن...ممكن لمره تسمعي كلامي من غير اساله ...

حاضر ....

وطلعت لبست فستان طويل ...ونزلت قدمت لهم حاجه حلوه وقعدت ....

ادم ...عامل ايه يا سند ...

سند بابتسامه...بخير وانت ...

ادم ... الحمد لله....

سند بابتسامه....كنت عايز عمي في حاجه ....

اتكلمت باستغراب....عايز عمي ...

سند بابتسامه...ايوه ...

ادم بحزن...حاضر اتفضل في الصاله ...

طلعنا كلنا لبره لاقينا عمي ماسك ودان يونس وبيشد فيها علي اللي عملوا مع مهاب ...واول ما شافنا ساب يونس ..

وراحب ب سند ونور ....

سند بابتسامه....كنت جاي النهارده يا عمي طلب ايد سما ...

انا سكت من الصدمه ...

عمي بضحك....هو ده وقت هزار يابني ...

وهنا اتكلمت نور بحزن ...احنا جاين النهارده علشان سند يتقدم لسما ...

عمي باستغراب....هو الكلام ده بجد ولا هزار ....

ادم بعصبيه....هو في أي ...

سند بابتسامه...ولا حاجه جاي بطلب ايد سما ...

عمي ...انا مش عارف اقولك ايه يابني ...

ادم اتكلم بسرعه ....تقوله طلبك مرفوض....

سند بابتسامه....هااا ايه رايك يا عروسه....

في ثانيه كل الأنظار بقت عليه ....

وقبل ما ارد اتكلمت نور ....ارجوكي توفقي يا سما ولو علشان خاطري ...

عمي بحزن ....انا مستغراب والله في ايه يا بنتي ....

نور بحزن...ولا حاجه يا عمي...بس عايزه سما متترددش وتوفق ...

اتكلمت بحزن....سبوني يومين افكر ....

ادم بحزن....تفكري هو انتي ممكن توفقي علي الجنان ده ...ردي عليه ...

سند بغضب ....اتكلم معها براحه وبعدين انت مالك ...دي حياتها ...

عمي بحنان طبطب عليه....اعملي اللي يريحك ....

بعد كلامي ده مشيوا علي طول وانا طلعت علي اوضتي انا وعمي ....

عمي بحنان حضني ....في ايه يا حبيبتي....

اتكلمت بدموع ....مش عارفه بس انا بحبه ...كل ما بشوفه بحس قلبي ضعيف ...بحس بنغزه قويه في قلبي احساس حلو و مر ...كأنه الجنه والنار ....انا فضلت سنين بتمني يرجع بيه الزمن واوفق علي حبه ...

عمي بضحك....ياااه لدرجه دي بتحبيه ...بس هتقدري تعيشي مع ضره وكمان كلام الناس ....

دموعي زادت ....مش عارفه مش عارفه ....خايفه اندم وخايفه أخصر ....مش حاسه بحاجه غير الخوف ....ومن بعيد وقفه فرحه مستخبيه خايفه تظهر ...

عمي بحنان....انا معاكي اي كان قرارك ....خدي وقتك وفاكري ...

طلع عمي وانا فضلت افكر لحد عيني ما راحت في النوم ...

وانا في عز نومي حسيت بحد بيحضني فتحت عيني مره واحده وحاولت ابعد ....

خلينا كده شويه اول مره اخاف ..اتكلم وصوت الدموع خناقه ....خايف اخصرك ...خايف انا حاسس اني ضعيف اوي 

كاني ورقه مستنيه شويه هواء يرجعواها لمكانها ...انا بحبك 

ايوه بحبك من اول يوم شوفتك فيه بحب كل تصرفاتك بحب كلامك بحب صوتك وقربك بحب ضحكتك اللي ماببقش عايز حد يشوفها غيري ببقي نفسي ادخلك بين ضلوعي ....واضلل عليكي بقلبي ....

مش عارفه انا ساكته ليه مش قادره اتكلم وكإني فقدت قدرتي علي الكلام كل اللي بعمله اني بسمعه وبس ...

مش عايز رد منك علي كلامي كل اللي عايزه انك تكوني ليا تكون علي اسمي ....وساعتها بس هحس بالامان لاول مره في حياتي ....انتي راحتي وجنتي وناري ...انتي حلو الدنيا يا سما طول السنين اللي فاتت وانا مقرار اني مش هتجوز 

هستنكي حتي لو وصلت للستين ....كنت هستنكي ..حبيني 

ولو واحد في المئه من ما انا بحبك خليكي معايا ...وانا هخليكي تحبيني اديني فرصه 

حاولت ابعد عنه ولكنه كان متمسك بيه جامد ودفن رأسه في رقبتي ...

خليكي كده ولو لاخر مره بحبك 

• يتبع الفصل التالي اضغط على (رواية ام بالاجبار) اسم الرواية