رواية احفاد الطوبجي الفصل الثامن 8 - بقلم اميرة اسامة
🔥🔥البارت الثامن🔥🔥
اول موقف تحس فيه اي بنت بوجع في قلبها بيبقي إعلان صريح عن وقوع قلبها في الحب يمكن أوقات كتير مبنبقاش حاسين اننا حابين الشخص اللي قدامنا وبنعتبر ان علاقتنا بيها علاقه تعود ! تعود علي الكلام معاه تعود علي الضحك والهزار تعود اننا نشوفه بنبقي من جوانا عارفين اننا بنحبه بس حب الاخ لاخته الصديق القريب لكن اوقات كتير القلب مش بيترجم الشعور اللي جوانا صح وبمجرد ما بنحس ان الشخص ده ممكن يكون لغيرنا او نحس ان في حد جاي يشاركنا فيه بسرعه العقل بيبعت إشارات غريبه وقويه للقلب واول ما نحس ان الاشارات دي دخولها المفاجئ سببله جرح و وجع بنعرف وقتها اننا كنا واقعين في الحب من غير ما نحس وكل المشاعر اللي كنا فاكرنها مجرد تعود طلعت مشاعر حب وبنبدأ نتغير من غير ما نحس كلامنا نظراتنا ردود افعالنا قالوا زمان
القلب ليس عليه سلطاناً !
وعشان كده بمجرد ما القلب يعلن تصريح بالحب مبنقدرش نتحكم في نفسنا واي رد فعل بيخرج مننا بيكون خارج عن إرادتنا انه الحب يا ساده💔
...............
خد جلال رهف من ايدها وراح وراهم امير وفرح وجنه وهشام
امير....مراااااد مراااااد
مراد لف وراه وبص علي امير واول ما شاف رهف ضحك
مراد....يخربيت عقلك يارهف 😳🙈
رهف...مودي حبيبي عامل ايه😂
مراد....يامجنونه جيتي امته تعالي في حضني يابت❣️
امير...ايه رأيك في المفجأه دي؟
هشام....علي فكره بقي انا اللي عامل المفجأه دي مش امير
مراد...انت ولا هو المهم انها تجنن طبعاً انتي جيتي امته وفين اخوكي المجنون
رهف....انا جيت من اسبوع من حوالي اسبوع انا ومامي بس بابي ورامي قدامهم حوالي اسبوعين ويجوا هما كمان
مراد....طيب وايه زياره ولا خلاص استقرار اخر مره سافرت انجلترا انا وزيد رأفت قال انه ناوي يستقر
رهف....دي حقيقه بابي خلاص قرر انه يستقر هنا صفي خلاص كل حاجه ليه هناك بس فاضل حجات بسيطه هو ورامي بيخلصوها وهيجوا علي اخر الشهر
مراد...يوصلوا بالسلامه بجد احلي مفجأه يا رهف كلن نفسي اشوفك لما كنت هناك بس مكانش في وقت
رهف...واديني جيت اهو وقعدالكم يارب بس متزهقوش مني😂😂😂
مراد...حد يزهق من القمر ده بس كبرتي يابت واحلويتي يخربيت عقلك عارفه لو كنتي جيتي بدري شويه كان زماني اتجوزتك😉😉😂😂😂
امير....يا تقيييي😂😂
رهف...هي فين صحيح كل الاخبار الحلوه والجوازات دي انا محضرتهاش
مراد.....ما انتي اللي مكنتيش موجوده بس اخو حضرتي حاجه ونابك من الحب جانب استني اشوف تقي
تقييييي تقييييي
قربت منه تقي وهي مبتسمه
مراد...تعالي يا حبيبي اعرفك علي المجنونه رهف بنت رجل الاعمال رأفت الشامي وتبقي صديقه مقربه للواد امير. وجلال ودي بقي ياستي تقي احلي حاجه حصلتلي ❣️
تقي...اهلاً بيكي يا رهف❣️
رهف....يالهوي علي الحلاوه عملتها ازاي دي يا مودي 🙈 ايه القمر دي
تقي...حبيبتي ده من ذوقك انتي احلي
رهف...احلي ايه بقي معندكوش مرايات في بيتكم ولا ايه😂😂
مراد....مش بقولك مجنونه😂😂
رهف....والله وحشتوني اوي ❣️
امير....انتي هتفضلي ترغي كتير يلا تعالوا نروح نرقص مع العريس
رهف....يلا بينا هجيلك تاني يا مودي انت ومراتك القمر❣️
مراد....ماشي يا مجنونه😂😂😂
تقي....انا نفسي اشوف حد عاقل العيله دي تعرفه😂😂
مراد....مش هتلاقي يا قلبي كل اللي في حياتنا مجانين
تقي....هي كانت مش موجوده هنا ولا ايه
مراد....لا كانت في انجلترا والدها هاجر من فتره من حوالي عشر سنين كانوا بيجوا اجازات بسيطه بس علي فترات طويله واخر مره شوفته قال انه بيفكر خلاص يستقر تاني في مصر لان مراته وولاده مش قادرين يتأقلموا هناك ولا حتي هو وخلاص صفي كل حاجه ونازل.
تقي....هي كانت زميله امير
مراد....لا هو اخوها اللي زميل امير بس هي من سن جلال وكانت زميلته في الدراسه بس تقدري تقولي ان كلهم صحاب اوي هي بنوته عسل وشقيه زي ما شوفتي كده
تقي....فعلاً قمر خالص وشكلها بتاخد علي الناس بسرعه.
مراد...هي من ناحيه بتاخد علي الناس بسرعه فا دي حقيقه بس لو علي القمر فامفيش قمر غيرك يا قلب مراد😉
تقي....انا قمر بس عشان انت موجود في حياتي يا قلب تقي😘😘
مراد....علي الهواء متنفعش😉
تقي....لا تنفع ويلا تعالي بقي رقصني😞
مراد....بس كده يلا ياقلب مراد 😉
...........
سالم كان طول الوقت واقف يرقص مع نادر والشباب بص من بعيد لمح شمس واقفه ومربعه ايدها ورافعه حاجبها🤨
ساب الرقص وخرج بره دايره الشباب وهو مش قادر ياخد نفسه وراح عليها وهو مبتسم
سالم....فجأه حسيت كده ان النور قل طلع القمر بتاعي واقف بعيد😉
شمس....🤨لا والله ودي اتعلمتها امته؟
سالم...هي ايه🙄
شمس....الاونطه😒🔪
سالم....اونطه🤨 انا بتاع اونطه
شمس....انت عايز ايه الوقت😡
سالم...الله مالك ماتيجي تديني قلمين🤨
شمس....لا معلش مش فاضيه ويلا اتكل علي الله روح شوف كنت بتعمل ايه
سالم...اتكل علي الله ايه يابت انا جاي اشحت منك ولا ايه🤨
شمس....لا تشحت مني ولا اشحت منك سبني في حالي وروح كمل رقص ومياعه وسط البنات😒
سالم...اوبااااا ده القمر طلع غيران وانا مش واخد بالي😉🙈
شمس....ابقي ركب نضاره بقي عشان تبقي تشوف كويس😡
سالم....بابت في ايه ده فرح اخويا وبعدين انا واقف وسط الشباب البنات هي اللي بتيجي وانا مال😉
شمس.....والله لو لاقين واحد واقف معندوش استعداد للرقص مكانوش اتلموا عليك😞
سالم....الله الله ده حبيبي شكله زعلان بجد طب والله انا بهزر وبعدين انا مرقصتش مع بنات بذمتك يعني ينفع اعمل كده وازعلك
شمس....معرفش بقي شوف انت😒
سالم...لو عليا انا مقدرش علي زعلك طبعاً وعموما ياستي حقك عليا وخلاص مش هتنقل من جمبك مبسوطه كده😉
شمس....لا مش مبسوطه تعالي ارقص معايا😞
سالم....بضحك اه قولي كده بقي 😉 عموما انا اكول ارقص مع احلي شموسه هاتي ايدك يلا تعالي
خدها سالم وراح وقف مع نادر ومريم ومسك ايدها وبدأوا يرقصوا علي انغام الاغاني مع بعض.
............
في وسط كا ياسين وملك واقفين وسط دايره الرقص حوالين نادر ومريم لمح ياسين رهف بترقص مع جلال وامير والبنات
ياسين.....ايه ده انتي رهف😳
رهف....ياسيييين 🙈
امير....شوفت التغفيله بتاعتها هي وهشام😂😂😂😂
ياسين....احلي تغفيله والله انا قاعد اشبه عليها عرفتها من صوتها😂😂 عامله ايه يابت يخربيت عقلك كبرتي
رهف....الحمد لله انت عامل ايه
ياسين...زي الفل ملك دي رهف صاحبه امير وجلال دي ملك مراتي
رهف...اهلا بيكي يا ملك❣️
ملك....اهلاً بيكي انتي يا رهف
رهف....ياخربيت كده هو كل الموزز بتوعكم قمرات كده لسه شايفه تقي مرات مراد بردوا مش كده دي والعه معاكم
ياسين.....😂😂الله يخربيت عينك بس ايه رايك في القمر بتاعي ده
رهف....مش محتاجه رأي زي القمر طبعا كان نفسي اكون في فرحكم اوي والله
ملك.....حبيبتي يارهف انتي اللي قمر وبعدين اديكي عوضتيها اهو❣️
ياسين.....لحقتي فرح اهو ياستي اتبسطي 😉
رهف...بقولكم ايه انا خلاص استقريت في مصر وبقيت قاعده علي قلبكم عايزه كل افراحكم بقي اللي اتصورت اشوفها مليش دعوه
ياسين...بس كده عنينا للقمر ❣️
ملك كانت واقفه عينها في كل مكان بتدور علي ميار مكانتش لقياها معاهم
ياسين...ايه ياحبيبي بتدوري علي ايه؟
ملك....ابداً بس بشوف ميار
ياسين....تلاقيها هنا ولا هنا هتروح فين
ملك....هي كانت طول الفرح مع جلال وامير والبنات
ياسين...تعالي نشوفها طيب
ملك....بأبتسامه بسيطه لا لا خلاص الوقت تظهر هتروح فين يعني
بعد وقت بسيط لمحت ملك ميار قاعده علي تربيزه بعيد عن الدوشه مع كاريمان وروح ورباب
انسحبت بهدوء من جمب ياسين وراحتلها.
ملك....ميار ايه يا حبيبتي قاعده كده ليه.
ميار....بابتسامه بسيطه ابداً يا ملك تعبت بس شويه
ملك....فيكي حاجه؟
ميار....لا لا خالص صدعت بس من الدوشه والجو حر اوي فا قولت ارتاح
بصت ملك في عينها ابتسمت ميار بارتباك وفضلت تبعد عينها عن ملك.
ملك.....انتي في حاجه مضيقاكي يا ميار في حد ضايقك
ميار....ضايقني؟ لا خالص ليه بتقولي كده كل الحكايه اني برتاح شويه
ملك....ماشي يا حبيبتي انا بطمن عليكي بس
ميار....متقلقيش يا مامي❣️ انا كويسه
ملك...بحب باستها من خدها يارب ديماً يا قلب مامي هروح اشوف مريم
ميار....ماشي شويه وهاجي وراكي
ملك...تمام يا قلبي متتأخريش
.................
قرب منذر من ضهر فيروز وهي واقفه وسط دايره البنات حوالين مريم
منذر....ممكن تيجي تقعدي شويه
بصت فيروز وراها بسرعه وابتسمت من غير ولا كلمه
منذر...يعني لو حابه 🤨 كل الحكايه اني مش عايزك تتعبي
فيروز....بهدوء وابتسامه جميله وإحراج بسيط بس انا كويسه متقلقش
منذر.....ايوه بس بردوا كده مش صح😒
بصتله فيروز 🙄
منذر...اقصدي يعني اللي هيشوفك واقفه كده هيستغرب انك والده بقالك اسبوع انا خايف يعني عليكي من عيون الناس 🙄
فيروز....بضحك متقلقش مش هيجرالي حاجه😎🙄
منذر....بغيره بسيطه سكت شويه وبعدين قرب تاني من ودنها 😡 ايوه بس في شباب كتير وانتي واقفه لوحدك تعالي يلا فيروز اقعدي شويه 🤨
ابتسمت فيروز بهدوء وهزت راسها وخرجت من الدايره بتاعت البنات وراح وراها منذر.
فيروز....ها هنا كويس ولا تحب اروح اقعد علي التربيزه🙄
منذر...بابتسامه جميله انا بقول تاخدي فيروز في حضنك وتطلعوا ترتاحوا كفايه كده بقي😉🙄
فيروز....امممم قول كده بقي انا قلقان اتعب وابوظ عليكم الفرح ومتعرفش ترقص معاهم🤨
منذر.....هو ده اللي فهمتيه من كلامي😒 امشي يا فيروز روحي اقعدي مع روح وكاريمان
فيروز....لا انا واقفه مش هقعد🙄
منذر....🤨
فيروز....بضحك مالك باصصلي كده ليه
منذر....اول مره تبقي عنديه كده🤨
فيروز....ليه بس وبعدين هو انا عشان ديما بقول حاضر مينفعش اعترض🙄
منذر....انا مقولتش كده بس اشمعني جيتي في دي وعندتي😡
فيروز....بضحك مالك يا منذر انت عايز تتخانق معايا صح😂😂🙈
منذر...بضحك انا لا والله😂
فيروز....طيب امال ايه خلاص روح انت لصحابك وانا واقفه هنا
منذر....مش هسيبك لوحدك إلا لو روحتي قعدتي
فيروز...يعني هي مشكلتك كلها في وقفتي لوحدي😂
منذر...اه اعتبريني مجنون وخديني علي قد عقلي🤨
فيروز....ماشي يا مجنون هروح اقعد كده كويس
منذر.....كده قمر❣️
ابتسمت فيروز بإحراج و صدمه من رد فعل منذر و سابته وراحت قعدت معاهم علي التربيزه 😊
الوقت كان بيعدي بسرعه واخيراً الفرح خلص وودعوا كل المعازيم ومبقاش غيرهم هما.
دخلوا كلهم جوه القصر باركوا تاني لمريم ونادر الفرحه كانت باينه علي ملامح الجميع.
راجح.....يلا يا عريس خد عروستك واطلعوا متعبتوش من الرقص ولا ايه.
نادر....انا عن نفسي تعبت ومحتاج ارتاح بس عشان نكون علي نور بالصلاه علي النبي كده يا راجح باشا هو سؤال هيحدد اطلع ولا اخد عروستي في ايدي وامشي🤨
ضحكوا كلهم علي نادر
مراد...ايه يا عريس عايز ترجع في كلامك ولا ايه😂😂
نادر....لا بس عشان نبقي علي نور يا عم مراد دي ليله العمر لا مو اخذه🤨
راجح...في ايه يا ابن الكلب مالك 😒
نادر....بص بقي يا باشا انا كان ممكن اخد مريم ونقضي يومنا في اي فندق او اي مكان تعبنا بكل احترام بس انا مرضتش وقولت اول يوم لينا لازم نبدأه في المكان اللي هنعيش فيه بس وربنا يا باشا لو حد من ولادك رخم عليا لا هاخدها وامشي 🤨🤨
زيد....اه ده خايف من جلال اكيد😂
جلال....انا اتنيلت نطقت 😒
نادر...هو جلال بس ده كلهم🤨
قاسم....ماهو سبق وعملتها في اخواتك جالك يوم كله يردلك الدين😂😂
سالم...ايوه ولو كنت قدمت السبت كان زمانك لاقيت الحد
نادر...باااااس لا سبت ولا حد هي بانت الفرح خلص وهتكملوا علينا الحفله وانا موقعي هذا بنسحب يلا يابت قدامي🤨
راجح...استني يا صايع 😒 يلا علي اوضتكم فوق ومحدش هيجي جمبك اصلا كلهم تعبانين مش شايف مناظرهم
نادر....وهما دول بيتعبوا عموما انا هسيبها عليك سيطر بقي😎
روح....اطلع يلا وملكش دعوه انا هسيطر😂😂
نادر....وانا بثق فيكي يا روح❣️
راجح....يعني مبتثقش فيا يا واطي🤨
نادر...اجري يا مريم
مريم....متشدنيششششس هقع يخربيت الفستااان
نادر...يابت اجري😂😂
مريم....يخربيييييتك😂😂😂
مراد.....جوز مجانين والله😂😂
راجح...بحب ربنا يسعدهم يارب ❣️
منذر...مبروك يا باشا مبروك يا روح ربنا يتمملهم بخير يارب يلا انا همشي انا بقي
راجح....استني هنا تمشي فين انت هتفضل معانا انهارده
منذر....لا افضل ايه بادوب اروح هجيلكم بكره بقي😉🙄
راجح....طيب وفرقت كلها كام ساعه بلا اطلع بلاش رغي
منذر...ايوه بس
زيد....اطلع بقي فرقت ايه صحيح كده كده كنت هتيجي تقرفنا بكره🤨
منذر....سامع يا باشا🤨
راجح....بيحبك يا واد وبينكشك❣️
منذر...ولنا كمان بحبه طيب خلاص تمام هفضل
امير.....تنام معايا ولا مع جلال
منذر....لا بلاش جلال مش ناقصه مقالب 😒🔪
جلال...ياعم احسن انت تطول تنام جنبي😒 يلا تصبحوا علي خير انا فاصل
روح....ليك حق ما انت متهدتش لحظه انت ورهف المجنونه🤨
جلال....😂😂😂 تيجي منك باروح ماشي ملحوقه
روح....يلا اطلع بلاش رغي دماغي هتنفجر من الصداع.
جلال...تصبحوا علي خير.
طلعوا كلهم ناموا كان يوم سعيد علي الجميع لكن ختم بوجع لميار وفضلت ساكته طول الوقت بتكتفي بس بابتسامه عشان محدش يحس بيها.
..................
في غرفه ياسين وملك
قعدت ملك علي السرير وهي سرحانه
خرج ياسين من الحمام بعد ما خد شاور وراح نام جمبها بتعب
ياسين....ايه يا حبيبي مالك
ملك....مفيش مصدعه بس
ياسين...انا كمان دماغي هتنفجر بس انا اقصد حاسس انك فيكي حاجه مره واحده كده لقيتك سكتي
ملك....ابداً بس مش عارفه يا ياسين حاسه ان ميار فيها حاجه؟
أتعدل ياسين وبصلها فيها حاجه ازاي مش فاهم🤨 ماهي طول الفرح كانت مبسوطه وبترقص مع البنات
ملك....ايوه بس مره واحده قفلت وفضلت باقي الفرح قاعده لوحدها وساكته
ياسين....طيب مسألتيهاش مالها؟
ملك...سألتها قالت مصدعه
ياسين....طيب ما يمكن مصدعه اصلا كلنا مقعدناش ومن بدري في الدوشه دي وامبارح محدش فينا نام وقت كويس
ملك....انا بحس بأختي يا ياسين الحكايه مش حكايه صداع
ياسين....امال حكايه ايه؟ تقصدي حد زعلها يعني؟
ملك....ولا كده كمان بس يعني هو مجرد احساس مش اكتر انا حسيت ان ميار اتغيرت من اول ما رهف جات يعني كلهم أتلهوا معاها وهي خدت جمب قولتلك يا ياسين وانت مصدقتنيش اني خايفه من قرب ميار وجلال
ياسين...بأبتسامه ايه العبط اللي بتقوليه ده يا ملك انتي فاهمه غلط ولو زي ما بتقولي ده السبب اللي زعلها يبقي هي كمان فاهمه غلط رهف مجرد صديقه قريبه منهم رامي اخوها صديق مقرب لامير زي هشام كده هما التلاته صحاب من زمان رهف كانت من سن جلال وكانت زميلته وبينهم صداقه كبيره حتي يمكن كانت اقرب صاحبه لفرح فا علاقتهم علاقه صداقه مش اكتر
ملك....حتي لو زي ما بتقول يا ياسين بس فكره ان ميار تتأثر بالشكل ده ويبان عليها فا هو ده اللي كنت خايفه منه يمكن قولتهالك قبل كده وهقولهالك تاني جلال دي طريقته مع الكل ويمكن انا لاحظت انه وهو معاها طول الفرح هو هو جلال متغيرش فيه حاجه نفس الضحك والهزار يعني معملش الحاجه اللي تحسسني انه مهتم برهف
ياسين....عشان كده قولتلك انتي فاهمه غلط انتي وهي كل الحكايه ان هو اكيد فرحان لانها بقالها كتير بره وبعدين انا كمان اتفاجئت وفرحت لما شوفتها لانها بنت جميله تتحب فعلا وطيبه اوي فا طبيعي لما حد يغيب عنك ويفاجئك بتفرحي ولا ايه
ملك...معاك حق ويمكن ميار تكون اضايقت لما فضلت لوحدها انت عارف ان ميار اتعلقت بيهم هما اكتر من اي حد تاني لانهم قريبين من سنها
ياسين...يمكن بس عموما انا بقولك اهو ان رهف مش اكتر من مجرد صديقه
ملك....تمام يا حبيبي
ياسين...بحب اطمني عليها يا ملك ولو علي جلال وامير والبنات فرحتهم دي مؤقته لما رهف تبقي موجوده معاهم علي طول هتلاقيهم زي ماهما وبكره كمان ميار تحبها زي ما بتحبهم
ملك....يارب يا حبيبي❣️
..................
في غرفه مريم ونادر.
مريم....يخربيتك 😳 انت بتمسكلي الفازه يا نادر🙆♀️🙆♀️
نادر...يابت هحدفك بيها وربنا فرهدتيني🤨
مريم...بضحك هو حد قالك اجري ورايا😂😂😂😂
نادر....هو حد قالك انك في الملاهي يابت انتي في اوضة نومنا ودي اول ليليه نقضيها تحت سقف اوضه واحده🥴🥴🥴
مريم....علي فكره بقي انت كداب سبق وسقف الاوض كلها ووقع علي نفوخنا في تركيا😒🙄
نادر.....يابت افتكري حاجه عدله خلي ليلتنا تسلم يا بومه🤨
مريم....😂😂😂طيب انت عايز ايه الوقت🙄
نادر...عايز امارس حياتي كازوج ليله دخلته انهارده عشان اتخمد جسمي مكسر من الرقص ياللي منك لله هدتيني كل ما اقعد تقوميني😭
مريم....ااااه قول كده بقي يعني. عايز تأدي واجبك زي اي زوج مصري اصيل وبعدين تديني ضهرك🤨
نادر.....مشكلتك في ضهري خلاص هديكي وشي🙄
مريم....علي جثتي يا نادر ومش هتقرب مني 😒🙄
نادر...يابت دي تضيع فيها ارقاب عيب عليكي
مريم.....وانا قولت لا 🙄
نادر....لا بقولك ايه انتي لو دماغك دماغ عنف ونيتك شمال فا نأجل العنف وقت تاني انا مفرهد هنام منك🤨
مريم...بضحك نام حد قالك اصحي وبعدين عنف ايه يا قليل الادب😂
نادر....امال انتي دماغك ايه اصلي بصراحه اوقات بحس اني مش فاهمك🥴
مريم....ملكش دعوه بدماغي ويلا نام
نادر....مش هعرف انام🙄
مريم.....ليه ان شاء الله ؟
نادر...قولتلك علي جثتي اليوم ده يروح كده انا عريس يا ماما😡
مريم...اه قول بقي انك عايز قلة ادب😳
نادر...بابتسامه قرب منها يابت هو في احلي من قلة الادب انتي بس لو تستهدي بالله وتركني جعفر اللي جواكي ده علي جنب ليلتنا هتسلك🥴
مريم...😂😂😂🙈 والله هنادي علي روح
نادر....طب جربي كده ونادي عليها والله هتيجي تعلقك بدل النجفه يابت ده انا الحته الشمال عندها😂😂
مريم....يعني ده اخر كلام عندك🤨
نادر....اه هتنادي عليها ولا ايه🙄
مريم...لا هتعلقني في النجفه😞
نادر....حلو بدأتي تفهمي ايوه كده ربنا يهديكي🙄
مريم...ايوه بس مش معناه انك هتقرب مني🔪🔪😒
نادر....ياللي منك لله يابت تعبت منك اكل وكلتي صلي وصلينا جري وفرهدتيني ندخل في اهم مرحله بقي
مريم....🙄🙄نادر
نادر....الله يقطع نادر علي الله جابوا نادر عايزه ايه يا بلوه حياتي🥴
مريم....انا خايفه😞
نادر...😳🙄🙄 خايفه من ايه يابت
مريم....هكون خايفه من ايه يعني بلاش غباء بقي 😒😒🔪
نادر....ماكنتي عامله فيها كيوت من شويه وهتعيطي بيت امك يا جعفر ايوه حضرتك خايف من ابه يا جعفر🤨
مريم....مش جعفر اللي خايف،😞
نادر....معلش نسيت ده يتخاف منه صحيح امال مين اللي خايف قرينك
مريم...لا مريم هي اللي خايفه يا نادر🥺
نادر....🤨🤨وده بجد ولا تغفيله وهلاقي جعفر بيعمل مقلب
مريم....نادر انا بجد خايفه 🥺
بصلها نادر بجد وابتسم خايفه من ايه ياعبيطه؟
مريم....بتنهيده طويله يعني انا عارفه انك ممكن تكون مستغرب من كلامي وبتقول ايه اللي المجنونه دي بتقوله والمفروض ان الخوف ده يكون لبنت مسبقش ليها الجواز بس انا بجد خايفه يا نادر 🥺 ويمكن كمان خوفي يكون اكتر من اي بنت متجوزتش قبل كده
نادر....مريم اهدي طيب وبلاش تعيطي حبيبي لو بجد مش عيزاني اقربلك انسي كل الهزار والكلام اللي قولته مش هقربلك يا ماما خلاص بس بردوا من حقي اعرف خايفه من ايه صح؟
مريم....طيب هو انا لو قولتلك ان خوفي مرتبط بسيره عزيز هتزعل🥺
نادر...اتنهد تنهيده طويله ومسكها من ايدها وقعدوا علي حرف السرير لا يا حبيبي مش هزعل بس علي الاقل اعرف ايه اللي مخوفك اوي كده عشان اقدر ابعد عنك الخوف ده صح مع اني يعني بدأت افهم ايه السبب اللي مخوفك
مريم....وانا عارفه انك هتفهمني يا نادر بس هو غصب عني 🥺 عزيز خلاني عندي فوبيا من العلاقه عموماً سنين كتير عدت و اليوم المشؤوم ده مش راضي يطلع من عقلي حتي وانا في عز فرحي وضحكي بلاقي هجمات لعقلي عن اليوم ده بشوفه وهو داخل عليا الاوضه وانا بصرخ ومحدش سامعني حتي بعد جوازنا كل مره يقرب فيها مني كان بيكرر نفس اليوم متغيرش
انا عارفه اني مكانش ينفع اقولك كلام زي ده في الليله دي بالذات بس والله يا نادر انا كنت مستنيه اليوم ده اكتر منك كفايه اني اكون معاك وبقيت مراتك بس لما دخلنا الاوضه حاولت اضيع وقت علي قد ما اقدر بس خلاص مبقاش في حاجه اعملها وبجد خايفه🥺
نادر....بحب مسك ايدها باسها ومسح دموعها وبعدين قرب راسها من صدره
طيب اهدي وبلاش عياط لو بجد بتحبيني ولو كنت خوفتك مني فا انا اسف وانسي كل اللي قولته ده كان هزار الموضوع مش تأديه واجب يا مريم ولا الجواز وقفله الباب علينا دي بينتهي بعلاقه وخلاص الحكايه خلصت لا خالص العلاقه عمرها ما كانت نهايه قصه الحب يمكن مش هكدب عليكي انا كنت مستني اليوم اللي تكوني فيه في حضني ومراتي واعمل معاكي كل حاجه ربنا حللها لينا كازوج وزوجه بس ده عشان بحبك يا مريم عشان عايز حضن مريم مش حضن اي ست والسلام
بس لازم تعرفي ان اي قصه حب في الدنيا عبيط اللي يفكر ان نهايتها مأذون و أوضه نوم مقفوله و علاقه وخلصت الحدوته لا... لسه يا مريم الحدوته ما بدأتش عشان تنتهي وعايزك تعرفي حاجه مهمه اوي يا مريم انا عمري ما هسمح لنفسي اني اقرب منك لو انتي مش عايزه ده واكتر
مريم....نادر انا مقصدش اجرحك ولا اجي علي كرامتك وصدقني الموضوع مش اني مش عيزاك تقربلي🥺
نادر....انا عارف يا حبيبي انا مقصدش كرامه خالص انا اقصد اني عمري ما هعمل معاكي علاقه عشان اكون مبسوط لازم احنا الاتنين نكون مبسوطين ولازم تكوني انتي مهيأه نفسياً للعلاقه دي اكتر مني انا مش زعلان يا مريم انا مقدر وعارف كل الظروف اللي مريتي بيها وحقك لان اللي مريتي بيه مكانش سهل علي اي بنت في الدنيا بس كمان انتي هتعدي من الحاله دي وزي ما بدأتي تعيشي حياتك وسطنا طبيعيه وترجعي لمريم بتاعت زمان اللي بتحب الضحك والهزار اللي كلها طاقه لازم ترجعي لحالتك الطبيعيه كا زوجه عارف ان عزيز دمر الجزء ده فيكي بس انا بوعدك اني هرجعه تاني لطبيعته
مريم....بس انا مش عايزه انكد عليك في يوم زي ده🥺
نادر...ومين قالك بس اني ممكن اتنكد عشان حاجه زي دي لو علي العلاقه يا مريم فا دي هتيجي هتيجي ده احنا لسه اول يوم بنبدأه في حياتنا الجديده
انا الحمد لله راضي جداً علي كل الخطوات اللي ربنا حققهالنا واهمهم انك بقيتي بتاعتي 😉 ومراتي واهو بقينا تحت سقف واحد بس مش واقع🤨
ابتسمت مريم من بين دموعها🥺❣️
نادر.....انا ممكن اصمم اخد منك اللي انا عايزه يامريم وده حقي كا عريس ليله دخلته بس وقتها هخسر قلبك اللي بقي ملكي ودي حاجه مستحيله عشان وقتها هتكرهيني وهتكرهي العلاقه اكتر فا انسي الوقت اي حاجه كفايه انك في حضني ومع الوقت او لما تحسي انك مستعده انا كمان مستنيكي ولو حاسه انك محتاجه تروحي لدكتوره يا مريم معنديش اي مانع ومش هرفض عشان ده حقك عليا انا مش عابز اب حاجه من الدنيا غير اني اشوفك بتمارسي كل حاجه في حياتك طبيعي ووعد مني يا مريم عمري ما هجبرك علي اي حاجه انتي مش عيزاها اتفقنا.❣️
هزت مريم راسها وبدون مقدمات دخلت في حضنه
مريم...انا بحبك اوي يا نادر🥺❣️
ضحك نادر بهدوء ولف ايده عليها وانا كمان بحبك يا مريومه❣️❣️
وفجأه نطرها من حضنه🤨🤨
مريم...😳😳😳ايه
نادر...بس وربنا يامريم لو حد عرف بأتفاقنا ده لا هنفخك وانا اللي هعلقك في النجفه مش روح 😡😡
مريم....بضحك لا والله مش هقول🙈
نادر...ايوه كده مش ناقص جرسه ده زمان اخواتي اللي منهم لله فاكرني هايص هنا هي عين جلال رشقت انا عارف🔪🔪😒😡
مريم...😂😂😂🙈خلاص مش هقول حاجه بس بجد انت مش زعلان🥺
نادر.....🙄🙄😒 لا يا اختي مش زعلان اصلا مفياش حيل كفايه الفرهده اللي فرهدتهالي في الرقص😒🔪
مريم....🙄ما انا كنت بعمل كده عشان تطلع تنام
نادر....ماكان من الاول يا اختي حكتيلي مأساتك وانا كنت فهمت وقولتلك تمام لازم الفرهده😡😡😡
مريم....طيب انت رايح فين😂
نادر...هتخمد خلاص هي الليله منظوره من اولها 😒
مريم.....طيب مش هتقعد معايا شويه نتفرج حتي علي فيلم🙄🙄
نادر...فيلم 😒 انا يتقالي ليليه دخلتي نتفرج علي فيلم نامي يامريم نامي الله يباركلك بدل ما اتهور واخليكي تحلفي بحياه عزيز😒🔪
نام نادر وغطي وشه وفضلت مريم تضحك عليه.
رفع نادر الغطاء وبصلها🤨
نادر....مبسوطه هاااا🤨
مريم....🙄🙄😂😂🙈اه
نادر....بحب ضحك❣️🤨 طيب تعالي يلا في حضني حضن برئ هو لا هيبقي حضن ولا دخله 😒
مريم....بحب دخلت في حضنه ضحك نادر وباسها من راسها وحضنها اوي ونامت مريم علي صدره في راحه وامان❣️
....................
في صباح يوم جديد منذر صحي من بدري هو وزيد والشباب عشان يشوفوا تجهيزات السبوع التيم المنظم للحفلات جهز الجنينه علي اكمل وجه الجنينه كلها اتزينت بالبلالين البينك والابيض والورد من نفس اللون حتي حمام السباحه اتملأ بلالين المنظر كان شكله مبهج لدرجه كبيره وقرر منذر يعمل حاجه مجنونه لاول مره في حياته وهو انه يدبـ ـح بأيده وطبعاً عشان عقيقه فيروز الصغيره و وصي الجزار اللي هيقف معاه وهو بيجرب تجربه الدبـ ـح لاول مره انه يدبـ ـح هو دبايح تانيه وتتوزع علي اهل الله فرحته كانت ظاهره عليه من غير اي مجهود
اما عن فيروز فا فضلت نايمه لحد الضهر ومحدش رضي يصحيها غير لما كل حاجه تجهز.
ياسين.....واد يا منذر انت بجد هتدبـ ـح بايدك🤨🙄
منذر...بضحك والله دي اول مره بس اه هعملها ان شاء الله😂
زيد....واد يا ياسين انت مش عاجبني ولقب ابو لهب ده مبقاش لايق عليك مره يغم عليك وهي زهره بتولد والوقت شكلك خايف😂😂😂
جلال....ياسين توتو😂😂😂
ياسين.....اتلم ياض بدل ما اروقك🤨
جري جلال من جمبه وهو بيضحك
زيد...عنده حق مالك ياض انشف كده🤨
ياسين.....يا جدع انا عندي فوبيا من
الــ ـدم والله 🙄
منذر....عشان كده معندكش دم😂😂😂
ياسين...اه هي الحفله عليا صح طيب انا داخل جوه داهيه تاخدكم😡
زيد....تاخد مين يالا🤨
ياسين....منذر وجلال🙄😒
زيد....اه بحسب🤨
منذر...ته وانا عادي يعني الاحترام معداش علي بيتكم خالص مره يقلعني المايو ومره يقولي داهيه تاخدك 😒
زيد....نانت اللي بتسكتلهم😂😂
منذر...لا ما انا مش هسكت تااااني🤨😡
زيد...اتنيل دخل مش سامعك😒
منذر....طيب يلا ياعم خلينا ننجز هي فيروز صحيت ولا لا
زيد...معرفش لحد من شويه مكانتش صحيت بس متقلقش حتي لو صحيت البنات هيشغلوها باي حاجه هما فاهمين
منذر....طيب تمام.
............
دخل جلال جوه لقي امير وفرح وجنه وميار قاعدين ويوسف وخلود واقفين ساندين علي الكراسي جمبهم وبيتكلموا.
جلال....انتوا لسه ملبستوش ؟
بصت ميار عليه بطرف عينها وسكتت
جنه....نفطر طيب انا جعانه اوي
جلال....لا ده انتوا هتاكلوا اي حاجه انهارده في السريع كده عشان منذر عاملكم وليمه شوي وكلام كبير
جنه....والله ده علي بال ما يتعمل الاكل ده اكون موت قدامكم هنا🙄
امير...انتي يا بت بقيتي طفسه كده ايه اللي جرالك
جنه...بضحكه عبيطه جلال وميار نشروا عدوتهم😁😁
بصتلها ميار وضحكت بهدوء ❣️
جلال...احنا اللي عديناكي😒
جنه...اه تنكر انا اصلا معروف عني اني مش باكل كتير🤨
فرح....وانا شاهده😂 بس ده ميمنعش انك بقيتي طفسه😁
جنه....اهدي ياعمتي😒😒
فرح...😳😳😳انتي قولتي ايه😡
جنه....🙄🙄لا مقصدش اهدي اهدي
امير...😂😂😂😂
جنه...مسكها بدل ما انت قاعد بتضحك هتتحول عليا😂😂😂
امير....مسك ايدها خلاص ياقلبي اهدي
يوسف....قلبك مين يا اروح امك اظبط🤨🤨
امير....انت لسه واقف يخربيتك😂😂
خلود...بضحك ايه ده يوسف بيغير علي فرح😂😂😂😂🙈
يوسف....نعم🤨
خلود...انا نطقت🙄😂😂
يوسف....الواد بيقولها قلبي وناسي اني واقف 🤨🤨
امير....وانت ايه اللي مضايقك يابارد😒
يوسف...شوف قلة الادب 😒
فرح...انتوا بتتخانقوا علي قلبي وسبتوا كلمه عمتي😡😡😡
يوسف....ماهي لايقه عليكي🙄😒
جلال....شوفتي عشان تعرفي قيمتي انا الوحيد اللي بفكرك علي طول اني عمك😒
جنه...انت حبيبي😍😍
يوسف...تعالي نطلع نلبس دي عيله مروستان😒😒🙄
خلود....😂😂😂طيب يلا.
يوسف...قال قلبي قال قوم ياض اقعد بعيد شويه😒
امير....ما تاخديه بقي يا خلود بعيد الله يباركلك😂😂😂
خلود...خلاص طالعه بيه اهو😂😂😂
يوسف....ياقلبي🥴😏
امير...انا عوجت بوقي كده😂😂😂
جلال كان واقف ساند علي ضهر الكرسي ومربع عينه بص علي ميار وصفرلها.
جلال....اييييييه فينك
رفعت ميار وشها وابتسمت بهدوء ايه
جلال...جتك اوه اسمها ايه😒 ايه ساكته ليه
ميار...مفيش تمام مصدعه بس
فرح...مصدعه من امبارح ست الكئيبه دي من امبارح وهي كده اتجننت معانا شويه وبعدين عملت فيها ست مُسنه
امير....لا ميار شكلها مضايقه من حاجه🤨🤨🤨
ميار....انا لا خالص هضايق من ايه بس كل الحكايه اني بجد مصدعه بس هبقي تمام يعني افوق بس
جنه...تلاقي الرخم ده زعلها ولا عمل فبها مقلب من مقالبه.
جلال...يابت احترميني انا عمك رخم ايه وبعدين انا جيت جمبها والله ما كلمتها انا قعدت لحظه اصلا كنت مريحكم مني علي الاخر🤨
امير...ايوه يا اخويا نسيت نفسك مع رهف المجنونه🤨
جنه....علي اساس ان احنا قعدنا 😂
جلال....كانت وحشاني اوي والله واتبسطت من مفجأه الواد هشام.
فرح....هي جايه انهارده بجد؟
امير....اه قالت واكيد هتيجي دي بقت لاجئه خلاص.
ميار....قامت وقفت بهدوء احمم ااه حد يشرب قهوه معايا
جنه....خديني معاكي اروح اقول لروح تأكلني 🙄
جلال.....اعمليلي معاكي يا ميار❣️
ابتسمت ميار بأرتباك وخنقه هزت راسها وراحت علي المطبخ مع جنه.
جلال....انا طالع اغير في السريع
امير....جاي وراك.
جلال....ماشي يا قلبي😉😉
امير....😂😂😂شايفه اخوكي😒
فرح....احسن وانت بتقول قدام يوسف اوي 😡
امير...طب وايه يعني🤨
فرح....هو ايه اللي ايه يعني 😒
امير....طيب ما انتي قلبي😉
فرح...بكسوف انا طالعه اجهز نفسي🙄
امير....اهربي اهربي لحد ما تطيريني من ايدك🙄
وقفت فرح وبصتله لحد ما ايه🤨
امير....🙄😁
فرح....ماشي يا امير 😒
امير....فرح فروحه
فرح...نعم🤨
امير....بحبك😉
ضحكت فرح وقالتله بشفايفها وانا بحبك😍
امير....مجنونه 😂😂😍
...................
عدي حوالي ساعه بقت الساعه حوالي 2 بعد الضهر كانت فيروز صحيت وحاسه من طريقتهم وارتباكهم ان في حاجه غريبه .
فيروز.....مالكم🤨
صبا....🙄ايه في ايه مالنا.
فيروز....مش عارفه حساكم عاملين عامله
صبا....🙄🙄هو حد قالك حاجه
زهره....ياختاااااي حد يشيل صبا من هنا 😂😂😂😂هيكون في ايه يعني يا قلبي ملقيناش حد نرخم عليه جينا نرخم عليكي.
فيروز...امال صبا بتقول حد قالك حاجه علي ايه.
ليلي....😂😂😂🙈🙈🙈
زهره....دي صبا 🙄 حد ياخد علي كلام صبا🥴 وبعدين انتي مش شوفتيني بصوت منها الوقت عشان كلمتها دي لو مفيش حاجه هتخليكي تشكي ان في حاجه😂😂
صبا....🙄😁😁😁
فيروز....طيب ومالكم لابسين كلكم ابيض ليه😒
ليلي.....لا دي صدفه 🙈🙈 بس مفيش مانع تلبسي انتي كمان حاجه بيضاء
صبا....هي مش هتلبس الفستان اللي روح جابته🙄🙄🙄🙄😁
زهره....يا ختاااااااااي
فيروز...فستان ايه🙄🤨🤨 بت انتي وهي في ايه
صبا.....امشي صح امشي 🙄🥴
ليلي....😂😂😂ياريت والله
زهره...خرجي البت دي بره هتنقطني😩😩😩😩 عامله زي يونس الشلبي مدهوله في نفسها وفضيحه😂😂
صبا.....تصدقوا انا ماشيه وسيباكم😒
فيروز...استني هنا بجد في ايه.
زهره....اااا🙄🙄🙄😭😭😭
ليلي....بصي انا هقولك بس كأنك متعرفيش
بصتلها زهره وهي بتبرقلها😳
ليلي....خلاص بقي هي حست بصي يا ستي روح اشترتلك فستان هديه كانت نفسها تلبسيه وقت سبوعك وبما ان سبوعك كان امبارح فا خلاص كل حاجه اتلغبطت كانت نفسها تلبسيه ونلبس كلنا ابيض ونتصور مع بعض بس لما لقت ان الوقت راح في الفرح زعلت وبصراحه احنا قولنا والله ما نزعلها ابدا واتفقت مع زهره والمصيبه دي نلبسك من غير ما تاخدي بالك ان في حاجه عشان نفاجئ روح🙄
فيروز.....يا روحي يا مامي طيب وزعلت ليه بس البسه ونتصور خلاص ولا تزعل نفسها😍
زهره....طيب يلا روحي جهزي نفسك وانا هروح اشوف فيروز الصغيره
صبا....كيب انا هروح اقول للي ملبسش ابيض يلبس بسرعه🏃🏃🙄🙄
زهره....منك لله يا مدهوله🙈🙈
فيروز...😒🤨🤨
ليلي....😁😁😁دي مجنونه هناخد علي جنانها
فيروز.....طب والله فكره 🙄 نتصور كلنا واحنا لابسين ابيض
ليلي....لا انتي فستنانك مش ابيض كله ده نصين نص ابيض ونص بينك😍
زهره....هروح اجيبه بسرعه واجيلك❣️
فيروز....اوك❣️
...........
صبا راحت بسرعه علي اوضتها و وقفت تكلم نفسها والله ما هعبركم تاني 😒 اصلاً لولا اني روحت معاكم مكنتوش عرفتوا تتصرفوا🤨
قال وزهره هانم بتقول عليا يونس الشلبي 😒😒🔪 انا كنت قولت ايه يعني
دخل زيد في الوقت ده عشان يغير و لمحها واقفه تكلم نفسها
زيد...🤨🤨🤨🙄
صبا....و قال ايه قال يعني الحكايه اللي حكتها ليلي فيروز هتصدقها😏
زيد....صبا 🧐🙄
صبا....عااااااا🙈
زيد...في ايه يا مجنونه🤨
صبا....خضتني😡
زيد....انا بردوا انتي بتكلمي نفسك يا صبا🙄
صبا....انا ده ولا عمري😒🙄
زيد...بضحك قفل الباب ودخل ولا عمرك ايه ما انا دخل وانتي بتكلمي نفسك وبتخانقي دبان وشك😂😂😂
صبا....😒🙄عادي يعني انا بحب اتكلم مع نفسي سعات
زيد....بضحكه عاليه ساااااعات ساعات يا مفتريه😂😂😂😂
صبا....ايه ده انت بتصحك علي ايه😒
زيد....اصلك بتقولي ساعات😂 انا منين ما ادخل عليكي الاقيكي بتكلمي نفسك ده حتي وانتي نايمه بتتكلمي
صبا....🙄😒انا بتكلم وانا نايمه بجد؟
زيد....اه والله😂🙈 واول امبارح خلتيني قومت قاطع الخلف لاقيتك في عز نومنا بتقولي لااااااا😂🙈
ابتسمت صبا وبصتله بطرف عينها🙄😂 علي فكره بقي انت بتكذب
زيد....😂😂🙈وحيات صبا عندي ما بكذب المهم القمر بتاعي بيتخانق مع مين😍
صبا...😞زهره وليلي🙄
زيد....عملولك ايه طيب؟
صبا....بيتريقوا عليا وزهره بتقول عليا يونس الشلبي وكمان بتقولي يا مدهوله😞
زيد...😂😂😂😂😂😂😂🙈 طيب عملتي ايه اكيد و قعتي بلسانك في حاجه اوعي تكوني قولتي فيروز حاجه🤨
صبا...أنا🙄 ده ولا عمري
زيد....ولا عمري يبقي بوظتي المفجأه🙈 اقولك انا مش هتكلم انا هرزح ادور علي مكان استخبي فيه من منذر😂
صبا...وهتسيبني🥺
زيد....اه هسيبك عشان تتعلقي 🤨 بوظتي المفجأه ياصبا🤨
صبا....هو انا مبوظتهاش والله 🙄 بس يعني بتقولي انا مش مطمنالكم فا قولتلها ايه ده هو حد قالك حاجه😞 بس انا مقصدتش فكرتها عارفه حاجه والله ولعدين شكت في اللبس فا عكيت الدنيا اكتر بقي انا مالي 🥺
زيد....بضحكه كلها حب ❣️ اه انتي مالك طبعاً انتي مفيش برائتك وبعدين هما اللي خدوكي معاهم🙄🤨
صبا....اه شوفت وانت كمان السبب علي فكره😡
زيد...الله طب و انا مالي🤨
صبا....مش انت اللي فضلت تقولي عطلي فيروز عطلي فيروز
زيد...قولت عطليها مش شككيها😂
صبا....😒😒😞😞 انت جاي اوضتي ليه الوقت وقطعت عليا الخناقه🔪😡
زيد....جاي البس يا مجنونه❣️
صبا....طيب البس يلا🥺
زيد....بوظتي الدنيا وأرتاحتي🤨😂
صبا....🙄 انا نطقت هي اللي فهمت لوحدها ان في حاجه بتحصل
زيد....طيب تخفي بقي من قدامها خالص عشان لو شافتك هتمسكك ومش هتسيبك غير وهي موقعاكي في الكلام يا عاطف يا سكري😂😂😂🙈
ابتسمت صبا غصب عنها وبصتله
صبا....انت بتتفق مع زهره عليا صح🥺
زيد....صبا تعالي اقولك
قربت منه صبا 😞😞 نعم
شدها زيد لحضنه وقفل عليها بأيده بكل حب
زيد.....انا بحبك اوي ❣️
حضنته ولفت ايدها علي ضهره
صبا....وانا كمان بحبك اوي اوي❣️
زيد....البس وننزل مع بعض؟
صبا....ماشي انا اصلا مكنتش ناويه اخرج من الاوضه عشان مبوظش الدنيا🙈🙈
زيد.....خلاص ننزل سوا😂😂🙈
.................
خرج نادر ومريم من لوضتهم وهنا لابسين ابيض هو بنطلون ابيض وقميص ابيض زرايره مفتوحه وهي فستان ابيض قصير 🤍
جلال....صباحيه مباركه يا عرسااااان
سالم.....صباحوا ابيض😉
نادر....صباح الخير يا اخويا منك ليه😒
شمس....صباح النور علي احلي عروسه
مريم....شموستي الحلوه صباح الفل
سالم....ايه 😉
نادر....ايه😒🤨
سالم....وشك منور
جلال...الله مش عريس.
نادر....بصوت واطي مريم بس اللي سمعاه عاجبك كده ياللي منك لله نازلين نق وقر علي الفاضي😡😒
مريم....بضحك الله وانا مالي😂🙈
مراد.....ايه ده اوبااااا العريس صباحيه مباركه
مريم...الله يبارك فيك يا مراد
نادر...بتباركي علي ايه يا اختي😒
خبطته مريم بكتفه في جنبه وهي بتكتم ضحكها🙈🙈🙈
نادر....اااه كمان ليكي عين تبلطجي🤨
جلال....انتوا خارجين من اوضتكم تتوشوشوا راعي ان في سناجل معاك ياعم🥴 انا والغلبان امير ومنذر كمان يعني معاك 3 سناجل😂😂
نادر.....بصوت واطي لسه اربعه 😭😭
مريم....😂😂😂😂🙈
سالم....انتي بتضحكي علي ايه الواد ده بيشتم فينا صح🤨😂
مراد...اكيد مش شايفه بيبرطم ازاي😂
مريم.....لا والله مش بيشتم 🙈🙈😂
شمي....طب يلا يا مصيبه ننزل تحت فيروز خلاص هتنزل.
مريم.....يلا بينا
نزلوا علي تحت الكل باركلهم ونادر بيبتسم ويرجع يبهدل في مريم بصوت واطي😂🙈
في الوقت ده كان هشام ورهف وصلوا سلموا عليهم كلهم ووقفوا يستنوا فيروز
طلع زيد حط شريط ستان باللون الابيض علي عينها ونزل بيها تحت.
فيروز....زيد هو في ايه؟
زيد....هتعرفي الوقت
فيروز....طيب انا خايفه اقع
زيد....لا انا ماسكك كويس بس ايه القمر ده والفساتين الحلوه دي
فيروز....بجد حلو ده ذوق مامي❣️
زيد....يبقي اكيد حلو ادام ذوق مامي بقولك ايه يلا احنا نزلنا و هنخرج علي الجنينه خدي بالك
فيروز...اوعي تسيبني يا زيد
زيد...مقدرش اسيب القمر شاورلهم زيد من بعيد عشان يسكتوا🤫
فيروز....زيد؟
زيد...هاااا
فيروز.....هو انا ليه حاسه بمقلب من مقالب جلال وبعدين مراتك العبيطه هي اللي شككتني ان في حاجه
زيد...😂😂طيب وحد يعتب علي صبا بس عموما متخافيش مفيش مقلب هي مفجأه حلوه وهتعجبك
فيروز....ربنا يستر طول ما جلال بعيد عن المفجأه اكيد هتعجبني بس هما فين ملهمش صوت ليه؟
زيد....باااااس🤨في ايه ايه الرغي ده كله بت يا فيروز متقعديش مع صبا كتير 😂😂😂
فيروز....اه انا حاسه عدتني والله😂😂😂
زيد....طب ايه جاهزه.
فيروز....جاهزه.
زيد....يلا واحد اتنين تلاته فك زيد الشريط الستان مكانتش عارفه تفتح من النور بس سمعاهم بيسقفوا وبيصفروا وفجأه الدي چي شغل اغنيه السبوع بتاعت حماده هلال لمحت منذر واقف و شايل فيروز وملبسنها فستان صغير لونه ابيض في روز
والكل واقف يغني مع الاغنيه جلال وامير والبنات بيرشوا اسبراي الفوم في الجو وهي بتضحك ومصدومه وعينها مدمعه ولحد الوقت مش مستوعبه ان اللي عمل كل ده منذر هي فكراه عارف وبس
قربت منها روح وخدتها في حضنها وفضلوا يتحركوا بهدوء علي الاغنيه ويغنوا ومعاهم البنات.
كل حاجه في المكان كانت مبهجه جداً تربيزا طويله مفروشه بالتل الابيض عليها سبوع وحواليها كب كيك باللون البينك وفي الوسط تورتايه دورين لونها بينك فاتح واخرها محطوط بيبي نايمه علي وشها من عجينه السكر شكلها يجنن❣️
قرب منها زيد وخدها تحت كتفه بحب وقرب بيها من منذر
ابتسم منذر بحب وشيلها فيروز
قربت منهم كاريمان فضلت تغني معاهم وهي حضناها
وبعد ما الاغنيه خلصت كلهم فضلوا يسقفوا وباركولها تاني الكل كان مبسوط ولبسهم الابيض كلهم خلي شكلهم مبهج اكتر.
فيروز.....انا مش عارفه اقولكم ايه
ربنا يخليكم ليا بجد انا مبسوطه اوي حاسه ان قلبي هيقف من الفرحه ❣️🙈 انا كان نفسي اوي اعمل لفيروز سبوع بس للاسف ولدت قبل الفرح وكمان السبوع كان امبارح يعني يوم الفرح بس قولت مش مهم خلاص فرح نادر ومريم اهم ونعوضه في عيد ميلادها بس بجد انا اتصدمت متخيلتش انكم عاملين مفجأه حلوه بالشكل ده🙈🙈❣️ ده زي ما تخيلت شكله بالظبط
روح....فيروز التجهيزات والسبوع وكل حاجه انتي شيفاها حتي فستانك وفستان فيروزه حتي اللبس الابيض والفكره الحلوه دي مكانتش فكرتنا كان في دبايـ ــح من بدري بتجهز و بصراحه كل الحجات دي كانت فكره وتجهيز وتنفيذ منذر احنا كل اللي عملناه اننا سكتنا ومقولناش المفجأه❣️ فا لو في حد المفروض تشكريه اكيد هو منذر
بصت فيروز بصدمه علي منذر😳
منذر....❣️😉
زيد....فعلاً يا فيروز دي فكرته وهو اللي فكر اننا نستغل تاني بوم الفرح علي طول عشان لو شوفتي حد من الفريق بتاع التجهيزات متبقيش شاكه في حاجه وتفكريهم بيشيلوا مُعداتهم ومش بس كده هو رفض اننا نشارك معاه في اي حاجه وقال انه حابب يكمل فكرته كلها ويفرحك انتي وفيروز❣️
فيروز.....🥺 حست ان الكلام وقف في حلقها مش عارفه تقوله ايه ومحرجه جدا كلهم حواليها كانت متلغبطه
مراد.....البت اتصدمت😂😂
راجح....هي مفجأه حلوه بجد تسلم ايدك يا منذر وانا اللي بشكرك يا حبيبي عشان خلتني اشوف فرحتها في عينها
منذر...تشكرني علي ايه بس يا عمي دي حاجه بسيطه وبعدين انا كمان كنت حابب افرح بفيروز ❣️
فيروز....انا مش عارفه اقول اي حاجه
منذر...بابتسامه وانا مش عايزك تقولي اي حاجه المهم تكوني مبسوطه❣️ ويلا بقي نكمل حفلتنا
زيد....يلا بينا😉❣️
قربت صبا من ودن فيروز
صبا....قعادين تضحكوا وتتريقوا عليا من الصبح صح😒😒 بس فاكره بقي امبارح واحنا بنتكلم بعتلك كده رساله صغيره. بس اكيد مش فهمتيها
فيروز....رساله ايه يا جهبز😂
صبا...اتريقي اتريقي انا قولتلك في مواقف وحجات تفرح منذر هيثبتلك فيها حبه اظن مفيش اكتر من كده😉
بصتلها فيروز وهي مبستمه وعينها فيها لمعه جميله وبعدين بصت من بعيد علي منذر ❣️
بص منذر عليها من بعيد وابتسم بحب
.............
رهف....الله انا عابزه سبوع😍
مسكها جلال من ايدها وجريوا علي التربيزه 🙈
زهره....الحقي يا روح ابنك هيبوظ الدنيا
جلال....اجري يخربيتك زهره قفشتنا😂😂😂😂😂😂
لمحتهم ميار من بعيد وبعدين قامت دخلت جوه 💔
- يتبع الفصل التالي اضغط على (رواية احفاد الطوبجي) اسم الرواية