رواية ناري و جنتي الفصل التاسع 9 - بقلم ايلا ابراهيم

 رواية ناري و جنتي الفصل التاسع 9 - بقلم ايلا ابراهيم 

الفصل التاسع

وقف سيف بصدمه لما المعيد مسك ذراعه ولكم*ه بقوه لحد ماوقع عالأرض وهو بيقول للأمن حد يجي يشيل الزباله اللي هنا.. 

وبص لجمانه المرعوبه وهي بتبتصله بخوف واتكلم بجديه وهو بيشاور عليها وعلى لين انتي وهي حصلوني عالمكتب..

لين كانت هاديه على غير عوايدها وده اللي صدم جمانه وكأنها مصدومه مش عارفه تستوعب اللي حصل دموعها بتنزل بصمت..

وصلو مكتب المعيد ايهاب...

ايهاب باهتمام طلب من جمانه تقعد خد كوبايه ميه واداها لجمانه اتفضلي يامدام جمانه متخفيش .انتي كويسه.

جمانه كانت مصدومه من كل حاجه بتحصل واللي خوفها هو ايهاب عرف اسمها منين..

لين واقفه بعيد مش راضيه تقعد بتبصله بغيظ ازاي يهتم بجمانه كده وهو لازم يهتم بيها .. يعتذر منها ده ضربها ..ضربها قدام الكليه كلها...

أما ايهاب بيبص للين بغيظ ووعيد..وهي بتدير وشها عنه بخنقه..

بالوقت ده دخل انس وكان وشه مايتفسرش..

اول مافتحت الباب سأل جمانه فين .

شافها قاعده على الكرسي وهي ماسكه كوبايه الميه واديها بتترعش قرب منها بسرعه وسأل انتي كويسه حصلك حاجه.. طب ايه اللي حصل ..الخوف والقلق باينين عليه جدا..

هزت جمانه رأسها بدموع اول ما شفته بدأت تعيط مش عارفه ليه دموعها مكنتش بتنزل لحد ما شافته..

ضم رأسها ليه واتكلم بقلق ايه اللي حصل يا ايهاب انا مش موصيك ياصاحبي..

ايهاب لسا هيتكلم..

لين سبقته في واحد **** حاول ياخدها بالعافيه وضربها ..

ايها بص لللين بغيظ ولين اتجاهلته وبصت لأنس..

انس مين ده انت عرفت هو مين يا أيهاب وعمل كده ليه

ايهاب قبل ما يتكلم 

لين بمقاطعة اسمه سيف وكان بيجرجرها وراها ال***

ايهاب بانفعال لين ممكن تستكتي..

لين بصت الناحيه التانيه بزعل

انس قرب منها وشدها ليه انتي كويسه ياجمانه 

جمانه مكنتش عارفه تتكلم هزت رأسها بس ..وهي بتترعش..

ايهاب اظن لازم تاخد المدام عشان ترتاح وبعدين هنتكلم باللي حصل..ياانس..

انس هز رأسها وخدها ومشوي..وهي كانت مغيبه..

اول ما خرجوا

لين كانت هتطلع لكن ايهاب سبقها وقفل الباب بسرعه..

لين انت بتعمل ايه افتح الباب..

ايهاب ايه اللي عملتيه ده 

لين بتوتر وانا عملت ايه يعني

ايهاب والله معملتيش حاجه خالص

لين ايوووا معملتش ولو حابب تحاسب يبقى تحاسب نفسك يا ايهاب انت ضربتني وانا مش هنسى عملتك دي ابدا 

ايها بانفعال عايزاني اعملك ايه لما بشوف مراتي بتضرب راجل قدام الطلبه بتوعي..لا مش بس كده بتشتميه ... طب يالذمه فيه بنت مؤدبه تشتم ...

لين بغضب ايوا فيه انا وبعدين انا مش مراتك لسا  واظن بعد اللي حصل مش هنكمل ياايهاب قالتها بخنقه.

ايهاب بضحكه مستفزه  وهو يحاوطها عن الباب ومين قالك كده 

لين بغيظ انا اللي بقولك وابعد عني بقى ..

ايهاب احنا مكتوب كتابنا ياماما ده مش لعب عيال .

لين بدموع ابعد يأ ايهاب بقولك..

ايهاب باستفزاز وان مبعتدش ..هتعملي ايه هتضربيني  مثلا زي ماعملتي بالرجل

لين باختناق حطت أيدها على صدره عاوزه تبعده لكنه قرب منها وهو بيقول دايما بتطلعيني عن طوري يالين مش عارف اعمل معاكي ايه عشان تعقلي ولسا هنتكلم وتعند معاه اكتر  .. قرب منها اكتر وباس جمب شفيافها برقه

لين شهقت بصدمه زقته وخرجت بسرعه .. وهو بيراقبها بابتسامه وبيقول هتعملي فيا ايه تاني يالين.

********-*******-********

وصل انس قدام البيت ووقف العربيه وجمانه لسا سرحانه ..

انس همس باسمها بقلق جمانه.

جمانه مكنتش بتسمع بيقول ايه 

انس حط أيده على كتفها واتنفضت بخوف.

في ايه مالك ياجمانه..

جمانه بابتسامه باهته ممفيش ..

انس انتي كويسه 

جمان ايوا 

انس طيب ممكن ندخل البيت ونتكلم برحتنا انا عاوز افهم اللي حصل..

هزت راسها بايجاب وهي بتهمس ححاضر..

دخلت جمانه وراه وهو كان باين عليه أنه مخنوق وهو شايف خوفها وتوترها..

 طلع على الأوضه وطلب من الداده محدش يطلعلهم  ابدا.

دخلت وهو ورآها اتكلم بهدوء اغسلي وشك وتعالي نتكلم..

اول ما دخلت الحمام عيطت..عيطت جامد خايفه وتايها مش عارفه تعمل ايه ..

خبط على الباب ونده عليها جمانه انتي كويسه..

جمانه بصوت مبحوح اه انا جايه .

خرجت وباين عليها العياط..

انس كان قاعد على الكنبه تعالي ياجمانه اقعدي هنا ..

جمانه قربت وعملت زي ما قالها..

اتنهد وهو بيبصلها  واتكلم ممكن تحكيلي ايه اللي حصل.

جمان بدموع مش عارفه والله مش عارف

انس بضيق طب اهدي واتكلمي وحده وحده مين سيف.ده وعايز منك ايه.

جمانه بتوتر سيف اللي كان خطيبي 

انس ضيق حاجبيها باستغراب طب عايزه ايه وليه يعمل كده مش هو سابك يوم الفرح.

جمانه بدموع وانهيار مش عارفه والله مش عارفه هو دخل الكليه وشدني من ايدي وبقى يجرجرني وراه لو ما كانت لين موجوده و اتدخلت مش عارفه كان حصل ايه ..

شدها انس لصدره وهو بيهمس اششش اهدي انتي بتترعشي كده ليه اهدي.. انا جمبك ..

جمانه رفعت وشها وبصتله بدموع انا خايفه ..خايفه ياانس خايفه اوووي

انس قلتلك متخفيش انتي مراتي ومحدش يعرف يأذيك الا اذا..قالها بضيق..

بصت فعنيه وسألت بتوهان الا إذا ايه..

انس بتوتر انا ... مش عارف ... انتي مش على بعضك ... يعني ... ممكن تكوني حابه ترجعليه أو لسا بتحبيه يعني لو انتي حاسه انك لس بتحبيه انا مممكن ااااااا

يتبع

  •تابع الفصل التالي "رواية ناري و جنتي" اضغط على اسم الرواية