رواية هو انت مين الفصل الخامس عشر 15 - بقلم سحر السحرتي

  رواية هو انت مين الفصل الخامس عشر 15 - بقلم سحر السحرتي

هو انت مين 

حلقة ١٥

اشجان: بيقولوا ان في ناس بتبقى قدمها خير بس انت اتخطبت من هنا وكام يوم والدتك ات-وفت 

:وليه شايفاها من الزاويه دي ما يمكن  دى عوض ربنا ليا حد بيحبني يقف جنبي ماما أج-لها مكتوب من زمان 

عزيز: دكتوره اشجان اظن عي-ب الكلام ده واللي بتتكلمي عليه ده دكتور زميلك وواقف كمان

: انا ما اقصدش انا بهزر عايزاها تفك شايفاها حزينه 

عنود: اللي فهمك ان ده هزار ضحك عليك وبعدين اياد الحمد لله ضيع كل احزاني لان من غيره كنت ام-وت فعلا راجل يعتمد عليه 

*ووجهت كلامها لاياد :خلصت محاضرات

: اه مروحه تحبي اوصلك

 :لسه دكتور عزيز بيقول لي انك عازمني على الغداء

*ضحك وهو يقول: هو قال كده

 :اهو قاعد هت-كذبه ده حتى دكتورنا كلنا 

:مش هك-سر له كلمه يلا بينا

 :يلا يا حبيبي 

*وامسكت يده وهي تنظر لاشجان كي تكي-دها و انصرفا لم تبتعد عنهم نظرات الغ-ل والح-قد من اشجان او معتز

*كان يمسك يدها بحب ويقبلها ودائما ما يفعل ذلك 

:تحبي نروح فين 

 : المطعم عند مستر حامد 

:بلاش المكان ده

 :ليه يا حبيبي

 :معلش كل ما افتكر الراجل اللي اتح-رش بيكي ووقتها ما قدرتش اض-ربه دمي بيغ-لي

: انت بتغ-ير عليا يا حبيبي

: طبعا يا حبيبتي

 :طب ما ض-ربتوش ليه

: وقتها كنت بخبي شعوري ناحيتك و خايف الناس تعرفه

: انا دلوقتي نفسي اقول لكل الناس اني لقيت الراجل مش اللي كان نفسي فيه لا ده جالي احسن منه كمان من اللي كنت اتمنى اتجوزه

 :كفايه كلام حلو اصل بيخليني عاوز اعمل حاجات

: حاجات ايه

: اما تكبري هقول لك

 :اخص عليك قول عشان خاطري 

*همس لها في اذنها ض-ربته بخفه في كتفه

: بتقول ليه ده كلام 

*ضحك بشده :مش انت اللي عايزه تعرفي قلت لك لما تكبري

 :مش عايزه حتى اما اكبر اعرفه يلا اكلني جعانه

بقلمي سحر السحرتي 

: ايه رايك ناخد الاكل و ناكله عندك 

:اشمعنا 

:عايز اخدك في حضني وحشتيني

: لحقت ما كنت عندي امبارح

 :بصراحه كنت ناوي ابات بس لقيت اخوك اتكسفت و روحت

 :لا ما فيش بيات وعايزه اقعد في مطعم على النيل امشي بطل دلع

: ماشي مش هزعلك

 :هو احنا هنتجوز امتى 

:مش لما انجح الاول مش باين لها تخرج 

:ليه بتقولي كده 

:مش انت مور-طني في المعرض هلحق اذاكر ازاي

: يا حبيبتي انا عارف انك هتفوزي في المعرض لانك فنانه بجد والمعارض دي لها اسمها شوفي السي في بتاعك لما ينضفله انك فايزه بالمركز الاول اي مكتب ديكور هيقبلك من غير ما يفكر غير ان دكتور عزيز كلم العميد ان اشتراكك في المعرض هيبقى مشروع التخرج

 :هو انت هتسمح لي اشتغل 

:طبعا يا حبيبتي انت موهبه نادره ولازم اشجعك واقف جنبك بس لازم ابقى مطمن للمكان اللي هتشتغلي فيه ولا تضايقي

: لا طبعا من حقك

 :حقي لو سمحتي لي بيه

 :يعني سمحت لك تخ-طف قلبي مش هسمح لك تطمن على مكان شغلي

: انا عارف انك مشغوله الترم ده كنت خليتك تتدربي في مكتب الديكور بتاعي

 :ايه ده انت عندك مكتب ديكور 

:اه فاتح انا و اصحابي مكتب 

:اول مره اعرف 

:مش بروح كثير احنا مقسمين المهام علينا لما بيبقى في شغل جامد بروح طبعا 

:يعني مكتب على قده و عايزني اتدرب فيه 

: هههههه لا مش على قده بس اصل بحب الرسم فبعمل شغل للبازار اللي عرفتك عليه ولما بيبقى في حاجه ليا معاهم بروح مش بحب قعده المكتب

*بعد ان تناول الطعام عادت للمنزل واياد عاد لمنزله 

*كانت عنود في الحمام خرجت وجدت اياد

 :بتعمل ايه هنا في حد يدخل كده انا غلطانه اني اديتك المفتاح ... انت قلت عايزه عشان تطمن عليا 

:ماسكه بطنك ليه و بتعيطي كمان 

:ابدا مغص و هيروح ايه اللي جابك 

:حسيت انك تعبانه قلت اتصل اطمن بس تليفونك مقفول قلقت 

:ما خبطتش ليه 

:خبطت وانت ما رديتي

 :كنت باخذ دش ما سمعتش

 :وانا ام-وت من القلق صح 

*كانت تتحدث وهي تمسك بطنها

 :ما تكبرش الموضوع يا اياد روح بقى

: انت مش شايفه نفسك تعالي نامي هعمل لك حاجه دافيه و قربة عشان المغص 

:انت عارف ده مغص ايه

 :اه يا حبيبتي عارف ما تتكسفيش انا جوزك دلوقتي 

بقلمي سحر السحرتي 

*بعد ان اعد لها المشروب و القربه احتضنها 

:ماما اللي كانت بتهتم بيا وبتعمل لي كل ده

: عارف يا حبيبتي انا معاكي و حاسس بيكي بس بجد قلقان عليك وانت لوحدك ينفع اقعد معاك او تعالي اقعدي معايا انا وبابا وماما 

:مش هينفع اسيب بيت ماما وانت مش هينفع تقعد معايا

 :ليه 

*امسكت ذقنه :الشيطان شاطر يا اودي

 : هههههه ايه اودي دي

 :بدلعك يا حبيبي زي ما انت مدلعني 

:ما تخافيش انا مسيطر وما فيش حاجه هتحصل قبل ما تخلصي دراسه ونعمل فرح كبير لاحلى عروسه 

 :انا مش خايفه منك انا خايفه عليك يا قلبي 

: هههههه خايفه عليا منك 

:طبعا ... هستهبل عليك و استغلك في شغل البيت امال دماغك راحت فين يا طعم انت 

:راحت في حته بعيده قوي

 :طب اركب تاكسي وتعال بسرعه عشان تقوم وتلحق تروح عشان عايزه انام

 :لا النهارده انت داخله جوه حضني

: لا روح يا اودي وانا بكره اجازه عشان المغص

: انا وانت بكره اجازه تعالي بقى 

*وحملها بين يديه

 :بتعمل ايه

 :هاخدك في حضني وانام اصبر نفسي اصل شكلك وانت خارجه من الحمام بالبرنس كان يجنن 

:اعقل يا اودي

 :ما انا عاقل بس بعدك هيجنني

 :ما انا جنبك اهو يلا احسن تعبانه قوي

: نامي يا حبيبتي

 *نامت بداخل حضنه مطمئنه و سعيده بعوض ربنا 

*استيقظت لم تجده بجوارها فظنت انه كان حلما لكن وجدته يخرج من الحمام

 :انت بجد معايا

: ايه بجد دي هو انا كنت حلم

 :اصل لما صحيت وانت مش موجود افتكرتك حلم 

:لا يا حبيبتي مش حلم بس ما عرفتش انام واضح انك كنت تعبانه قوي و بتفركي كثير في السرير 

:اسفه يا حبيبي اصل الوجع بيبقى صع-ب قوي

 :ولا يهمك اهم حاجه عندي اني كنت جنبك وانت في حضني

 :اودي

 :عيوني عايزه ايه 

:شيكولاته ممكن تجيبها من التلاجه

 :اخ اللي كانت اخر واحده اكلتها 

*بصت بحزن :بالهناء والشفاء 

:ما تزعليش هنزل اجيب لك غيرها

: معلش اصل ببقى محتاجه شوكولاته الفتره دي

 :ولا يهمك انا نازل اصلا اجيب شويه حاجات للبيت محتاجه حاجه ثاني

: هتجيب ايه انا عندي كل حاجه 

:الثلاجه فاضيه يا دودو مش هتاخر

بقلمي سحر السحرتي 

 *قبلها في راسها القبله التي تسعدها وتشعر بحنانه واهتمامه تشعر انها مدللته 

*قامت و اغتسلت وارتدت فستان جميل مكشوف الذراعين وقصير لا ترتديه الا في المنزل فقد اصبحت لا تخجل منه و ارادت ان يراها جميله عوضا عن ليله امس عندما كانت مريضه و تتالم

*دق جرس الباب ذهبت لتفتح 

:ايه يا حبيبي انت مش معاك مفتاح .... معتز 

*ادركت ما ترتديه من نظراته لها فاغلقت الباب سريعا في وجهه

 :ثواني يا معتز 

*وارتدت الاسدال ثم فتحت 

:خير يا معتز جاي ليه 

:هنتكلم من على الباب كده مفيش اتفضل

 :انا لوحدي لما اياد جوزي يرجع 

:جوزك انت خلاص اتجوزتيه رسمي و فعلي

*فهمت ما يرمي إليه 

:شيء ما يخصكش جاي ليه 

:جاي افكرك باللي بينا 

:ما فيش حاجه كانت بينا غير انك كنت خطيبي وخلاص فضيناها  حتى ما بقتش الدكتور اللي بيدرس لي هو ده اللي جابك

: اه انا لسه بحبك افسخي خطوبتك ونرجع لبعض 

:اياد مش مجرد خطوبه اياد النفس اللي بتنفسه و عيب الكلام ده انتم زمايل 

:بتحبيه اكثر مني

: انا ما حبيتكش اصلا كان مجرد اعجاب حطيناه في اطار اجتماعي اسمه الخطوبه وانتهت ونبهت عليك اكثر من مره تبعد عني ولو اعرف انك انت اللي بترن الجرس ما كنتش فتحت مع السلامه بقى اصل جوزي بي-غير عليا 

*لم تنتظر رده و اغلقت الباب في وجهه 

*كان اياد يستمع لها بكل حب وفخر لكنه اختبا قبل ان يراه معتز اراد اختبارها هل ستخبره ام ستخفي عليه 

*رن جرس الباب ففتحت بعصبيه

: قلت لك ... اياد حبيبي انت مش معاك مفتاح 

:معلش شايل اكياس كثير 

:طب ممكن تبقى تقفل البوابه وانت ماشي كويس

: ليه هو في حد جه

: بصراحه من غير ما تزعل 

:اه قولي

 :معتز جه هنا

 :كان عايز ايه

 :كلام اهبل هو من يومه تافه *بكل جديه :عنود ممكن اعرف كان جاي ليه وانت لوحدك في البيت

: انا خايفه تزعل بس مش عايزه اخبي عليك حاجه مهما كان

 :جاي ليه وانت لوحدك في البيت مهما كان لازم اعرف لاني راجل ولة مش معتبراني كده 

:لا يا حبيبي ما تقولش كده هحكي لك طبعا

بقلمي سحر السحرتي 

*روت له ما حدث وهي تخلع الاسدال 

:هو ده كل اللي حصل

 :هو شافك كده 

:كده ازاي 

:بالفستان ده

: حقك عليا انا فكرته انت و قفلت بسرعه و جريت لبست الاسدال بس اخر مره مش هعملها تاني حتى لو انت مش هفتح لحد بالشكل ده 

*احتضنها وامسك وجهها بكلتا يديه وقبلها قبله شغف 

:انت لابسه كده عشان تجننيني 

:لا عشان اعتذر عن شكلي امبارح وانا تعبانه

: يعني كل لما تبقي تعبانه هتحلوي كده ثاني يوم

: هههههه انت عايزني اتعب على طول ولة ايه 

: لا بعد الش-ر عنك بس ممكن تغيري وتعملي الحاجات دي لما نتجوز عشان اعصابي مش مستحمله حلاوتك دي

 :حاضر مش زعلان مني

 :هزعل ليه 

:عشان معتز جه

 :هو انت اللي قلتي له تعالى ولة جه من نفسه

: هقول له تعالى ليه

 :خلاص كنت هزعل لو خبيتي عليا

: انا من يوم ما حبيتك وانا قررت اني مش هخبي حاجه عليك

 :توعديني نفضل كده على طول 

:اوعدك يا حبيبي ... طب ابق بقى

:اقب بايه

: بالشوكولاته ويا رب تكون جبت كتير تعويض عن اللي اكلتها 

:هي واحده كلتها جبت مكانها واحده هتنهبي

 :كده زعلانه منك

: لا يا حبيبتي ما اقدرش روحي غيري وتعالي جبت لك كثير 

:يعني الاكياس دي كلها شوكولاته

: نفسك طبعا لا ده اكل عشان اعرف اكل

 :تاكل ايه انت مفكر نفسك هتقعد هنا 

:بعد معتز ما جه اكيد لازم اقعد هنا 

:بس

: من غير بس يا عنود مش هقرب لك غير بعد الفرح ما تخافيش بس انت مراتي مش خطيبتي وممكن زي معتز ما اتجرأ يجي لك وانت لوحدك اي حد ثاني يستغل ده 

*وجدها تتمتم :مالك بتبرطمي ليه

 :مش عايزه اشيل مسؤوليه حد معايا وانت عارف الترم صعب 

:هعمل معاك يا حبيبتي هساعدك ولو ما قدرناش نشوف حد 

:هو انت معاك فلوس للمصاريف دي كلها 

*نظر لها باستغراب :يعني ايه الحمد لله معايا كثير انت مفكراني فقير

 :لا اصل لما لقيت الشقه صغيره افتكرت ان فلوسك على قدك 

:ااااه ... لا يا حبيبتي معايا كثير بس بحب قرب بابا وماما مش اكثر وعندي شقه في كومباوند بس بعيد عن الجامعه 

:طب و هتعمل ايه دلوقتي معاهم لما تقعد هنا 

:كلمت اخويا يعمل لهم زياره على بال الترم ما يخلص و ينزلوا على الفرح و مسافرين كمان اسبوع 

*احتضنته بحب :انت ما فيش حاجه ما فكرتش فيها 

:الحاجه الوحيده اللي بفكر فيها دلوقتي انك تجري تقلعي الفستان ده فاهمه احسن اقلعه لك انا

*اسرعت من امامه وهي تضحك 

:اعمل الاكل بقى على ما اغير 

:استغلاليه 

:انا اليوم ده ماما كانت بتعمل كل حاجه عشان ببقى تعبانه 

:وحياتك ومن غير اليوم ده كانت بتعمل كل حاجه ما هي حكيت لي هتس-تهبلي

: يا فاقسني وبعدين انا بخليها تسلي وقتها

: وانا دلوقتي بسلي وقتي انا كمان 

: طبعا مش هاخد وقت على ما اغير هدومي سلي نفسك

*اعد وجبه خفيفه و تناولا الطعام 

:ناويه تعملي ايه للمعرض 

:في كام فكره بعد الاكل هوريهم لك

: لا بعد الاكل هننزل نتفسح شويه انا بقالي كتير ما خرجتش معاكي

 :امال خروجة امبارح دي كانت ايه 

:هي كانت امبارح مش من شهر 

:لا كانت من شهرين هههههه هتوديني فين 

:مش عارف تعالي نلف نشوف هنروح فين وبعدين هعدي اجيب شنطه هدومي 

:انت مصر 

:عنود مش هنتناقش ثاني شوفي هتنيميني فين

 :اختار اي اوضه 

:من كترهم يعني

 :اه بيت جدو كبير ما انت شايف

: شايف انك قافله كام اوضه عشان ما تنظفيش كثير 

:مش بنستخدمهم من ايام ماما هتعب نفسي ليه مع الشغل 

:صحيح بمناسبه الشغل وقفي بقى

: ليه

 :عشان انت يا حبيبتي بقيتي مسؤوله مني وكمان عشان تركزي في مذاكرتك 

:معلش يا اياد انت هتبقى مسؤول عني بعد الفرح انما دلوقتي لا وبعدين انت ناسي في حاجات محتاجه اشتريها لجهاز العروسه 

:هو انت ما ينفعش اطلب منك طلب وتقولي حاضر على طول 

:عشان الطلب بيبقى ص-عب تنفيذه

: انت بتعملي فرق بينا

: لا بس مش بحب استغل حد 

:هو انا اي حد وبعدين ما انت مستغ-لياني اهوه

 :فين ده

 :مين اللي عمل الاكل وغسل المواعين 

: هههههه مش بعودك على المسؤوليه اللي هتشيلها

: لا بجد هي دي المسؤوليه اللي هشيلها 

:مش انت بعظمه لسانك قلت هساعدك

 :مساعده اعمل معاكي مش كله 

:يعني يوم انت ويوم انت

 : هههههه ما فيش انت في الايام 

:لا مين قال انا هشرف عليك

 :انا بتكلم بجد وقفي شغل لبعد الامتحانات 

:سيبني في المساله دي على راحتي ومش هقصر في المذاكره زي طول عمري والا الجواز هيتاخر لبعد الامتحانات على ما اجهز نفسي

: لا وعلى ايه بس البيت و طلباته مسؤوله مني

: ليه بقى مش اتفقنا

 :مش قاعد معاكي هتصرفي انت عليا كمان 

:خلاص اتفقنا هروح البس مش لازم تغسل الاطباق دي

 :هتغسليهم ليه كده بس يا حبيبتي تتعبي

:لا طبعا لما ترجع تكمل شغلك انا مش ديكت-اتوره 

:هي دي الديمقراطيه ولة بلاش 

*ذهبا في نزهه وعادوا دخل اياد في غرفه مختلفه عن غرفه عنود ... لكنه عاد الى غرفتها بعد ان نامت وضمها بداخل حضنه و نام بجوارها 

*استيقظت وجدته يحتضنها قبلته في خده 

:احلى صباح ما نمتش في غرفتك ليه هتخالف الاتفاق من الاول

 :عندك مشكله اني انام جنبك محتاج اخذك في حضني

: لا بس خايفه

 :هو انت مش بتثقي فيا

 :واثقه طبعا

: امال ايه مش اديتك كلمه يلا عشان ما نتاخرش على الجامعه و تعرضي لوحه المعرض على دكتور عزيز 

*وصلا إلى الجامعه تعمد اياد امساك يد عنود امام الجميع كي يعلم كل فرد خاصه معتز انها حبيبته وزوجته 

*نده اياد على معتز أمام عنود 

: خير يا معتز عنود قالت انك جيت تسال عليا عندها كنت عايز حاجه 

: لا ابدا كنت هسالك على حاجه في المنهج بس اتصرفت لما مالقيتك موجود 

: وما اتصلتش على الموبايل ليه بدل المشوار 

: اصل كنت جمب البيت في مشوار وتليفوني كان فاصل شحن

: تنور في اي وقت هتلاقيني على طول هناك بس كنت روحت مشوار بس معلش ابقى اتصل احسن تكون عنود لوحدها 

*أراد أن يتأكد معتز ان عنود لا تخفي شئ عنه وأنها أصبحت زوجته ومسؤولة منه بطريقة غير مباشرة حتى يلتزم حدوده

*التقت عنود بهند بعدها فسحبت يدها منه

:عن اذنك يا دكتور هروح مع هند 

:ماشي انا عندي شغل كثير النهارده ابقي روحي اول لما تخلصي 

بقلمي سحر السحرتي 

*ذهبت و احتضنتها هند 

:يا بنت الايه انت عملت فيه ايه ده كان ك-شري و بيضحك بالعافيه صحيح ما محبه الا بعد عدا-وه

: ده طيب قوي بس لازم يعمل كده عشان الطلبه تهتم وتذاكر

: ما في دكاتره كثير مش بيعملوا زيه و بيهزروا معانا

: اصله وسيم قوي زي ما انت شايفه لو هزر البنات هتاخذ عليه وحوارات كثير وهو في غنى عنها

 :عندك حق هو الصراحه مز قوي واللي بعدني عنه انه رخ-م 

:عيب ما تقوليش كده

: اللي هو مز ولة رخ-م 

: هههههه انت هتعاكسي خطيبي قدامي

 :تعالي احكي لي واحنا رايحين المحاضره كله بالتفصيل الممل 

:اللي هو ايه

 :ش-راره الحب من اين بدات

 :دي ما طلعتش ش-راره دي طلعت ن-ار مولعه 

:اعرف كله بالتفصيل 

:طب تعالي امشي بعد المحاضره 

*صعدت عنود لاياد في مكتبه بعد أن انتهت من محاضرتها

: ما تتاخرش النهارده عامله لك مفاجاه

: حاضر يا حبيبتي 

*اعدت عنود عشاء رومانسيا كانت قد قامت باعداد بيتزا 

*عندما دخل اياد شم رائحه  مخبوزات رائعه فاندهش من هذا العشاء الذي اعدته عنود وكان سعيدا جدا بها فقد رتبت لعشاء رومانسي وارتدت فستان غاية في الروعة ومكياج بسيط 

اختارت عنود اغنية خاصه ورقصت مع اياد عليها لتعبر له عن حبها له ( اغنيه ٦٠ دقيقه لأصالة)

$ممكن تخلينى فى حضنك $محتاجه اني اسمع صوت قلبك

$نبضه بيحييني نبضة بيحيينى

$اصل انا لما بكون متشافه بتوتر اصل انا خوافه 

$فى حضنك احمينى في حضنك احميني

$والساعه اللى بعيشها في قربك 60 دقيقة حياة

$لو والوقت الضايع طول بعدك من عمري انا مش حسباه

:ياااه يا عنود مفاجاه هائلة يا ترى لما نتجوز هتعملي كده 

: طول ما انت بتحبني ومهتم بيا اكيد انا كمان مش هحرمك من اي حاجه تسعدك

: بحبك دي كلمه مش بتعبر عن اللي جوة في قلبي لك ده عشق قولي اندماج روحين اكيد بس المؤكد أنها حاجه اكبر من الحب

*بدا يقبلها عدة قبلات متفرقة على وجهها و رقبتها بحب وحنان

*كانت عنود تشعر بسعادة بالغة معه فقد كان يفهمها و يحتويها و يعوضها عما مرت به

: كفايه يا اودي 

: مش قادر انت كل ما يمر الوقت بحس انك بتسحريلي وبتعلق بيكي أكثر 

: اياد كفايه بلاش تهور انت وعدتني بعد الفرح 

: اسف اوقات بحس اني متهور بجد من جمالك

: ولا يهمك يا حبيبي انا بفكرك بوعدك لاني بحلم البس الفستان الابيض انت عارف حلم كل البنات

: وانا عند وعدي هعمل لك فرح كبير اول ما تخلصي الامتحانات 

 *مرت الايام بعد اسبوع اتت الرياح بما لا تشتهي السفن 

بقلمي سحر السحرتي 

*ذهب اياد لمرسم الجامعه لم يكن وصل اليه احد بعد فأتت احدى الطالبات وكانت تص-رخ

لماذا تص-رخ هذه الفتاة وما الذي ستؤول اليه الامور

• يتبع الفصل التالي اضغط على (رواية هو انت مين ) اسم الرواية