رواية الجميلة و الوحش الفصل السادس عشر 16 - بقلم نونا
عصرا
في القصر في الصالون
احلام وروان قاعدين بيتكلمو
وفجأه تليفون روان رن
روان/دا فراس استني ارد عليه
روان ردت/الو ي فراس
فراس بتوتر/روان ادم عرف كل حاجه ودلوقتي هو كتله نار محدش هيقدر يسيطر ع غضبه ادخلي أوضتك ومتطلعيش منها ابدا ابدا ..انا ف الطريق سايق وآدم قدامي جاي ع القصر
روان التليفون وقع من ايدها بصدمه وقامت
احلام قامت/في اي ي روان اي الحصل
روان بدموع وخوف/ادم عرف كل حاجه عن موضوعي انا وكريم
احلام بصدمه/اي
قدام القصر ادم وصل ونزل من العربيه ورزع باب العربيه وفراس نزل من عربيته بسرعه وراح ورا ادم ووقف قدامه
فراس/ادم اهدي ..روان ملهاش زنب ف حاجه ..الزفت الصقراوي هو ال خطط ل كل دا ونا اتصرفت مع الحيوان ال اسمه كريم
ادم بغضب جهوري/اوعي ي فراس من قدامي
ودخل القصر وفراس راح وراه
وروان كان باب غرفتها مقفول و احلام كانت واقفه عنده
ادم بغضب جهوري/روااااان
روان ف اوضتها مرعوبه وبتعيط
واحلام كانت خايفه ع روان وخايفة من غضب ادم
احلام/ادم اهدي علشان خاطري
مالك وطارق طلعو من غرفتهم ع صوت زعيق ادم
طارق/في اي .اي ال بيحصل
مالك/في اي ي آدم
ادم خبط ع بابا اوضه روان بعصبيه وروان جوه بتعيط
ادم بعصبيه/اطلعي من الزفت الاوضه ي روان
فراس راح وقف قصاد اوضه روان
فراس/ادم اهدي وخلينا نتكلم بهدوء
ادم بعصبيه /اوعي ي فراس من قدامي علشان مقتلكش دلوقتي حالا
فراس /عايز تقتلني اناا معنديش مشكله بس مش هسمح لك تأذي شعره من روان
ادم بعصبيه/هقتلك انت وهي ..علشان اختي تبقي تستغفلني تاني
طارق/لا حول ولا قوه اي بالله اي ال حصل ي ابني روان عملت اي لكل دا
مالك /في اي ي آدم هي روان عملت اي .. وتستغفلك اي هي عمرها ما عملت حاجه من ورانا
ادم بغضب جهوري/والله انا برضو كنت فاكر كدا ..كنت فاكر اني مربيها كويس ..طلع عين اهلي طول السنين ال فاتت علشان ادخلها احسن مدارس واحسن جامعات..علشان تتعلم تعليم احسن مني مليون مره …وتعيش عيشه انضف من ال عشتها ..وف الآخر اكتشف انها بتقابل حبيبها من ورايا لاء وكمان راحت له بيتههه
روان ف اوضتها كانت سامعه كلامه وبتعيط وبتتمني الموت الف مره
مالك بصدمه/انت بتقول اي
طارق بغضب/اخرس ي آدم. بنتي عمرها ما تعمل حاجه زي دي ..متقولش ع اختك كدا
روان فتحت الباب ووقفت قصاد ادم بجرأه
روان بغضب/صح ..انت قدمت لي كل حاجه ..احسن مدارس واحسن جامعه وعمري ما طلبت حاجه ومكنتش موجوده..عمري ما كان نفسي ف حاجه وانت مجبتهاش ..كانت كل حاجه بتشتريها ب الفلوس كانت بتبقي عندي..طب ب النسبه للحاجات ال من غير فلوس ؟حضنك مثلا.. انك تقعد معايا وتسألني عامله اي …انت عمرك سألتني انا عامله اي ي ادم؟ عمرك سألتني انا مبسوطه ولا لاء…الاجابه لاء ..ادم بيه الحديدي مبيهمهوش غير شغله ونفسه وبس .انا مش محتاجه فلوس انا محتاجه احس ان عندي اخ بيحبني بجد…كل واحد فيكم مشغول ف حياته ونا طول عمري لوحدي..انت شغال ليل نهار ومبشوفكش غير نص ساعه ف اليوم. ومالك مشغول ف شركته وبابا من الدكاتره ل الادويه وفيه ال مكفيه ..محدش فيكم كان بيقعد معاها حتي ٥ دقايق يشوفني عامله اي ..الا مؤخرا لما احلام ظهرت ف حياتنا .غيرتك وبقيت بتسأل علينا وبتهتم تسأل علينا واذا كنا كويسين وبخير ولالا
..من اول ما اتجوزتها وجت البيت هنا وهي اعتبرتني اختها الصغيره ..عوضتني عن حجات كتير وحسستني ان عندي اخت بتفهمني بجد.
ادم/
روان بغضب و دموع/ انا مش فاهمه انت بتلومني لي ؟مش كل دا حصلل بسببك؟ مش كل حصلي دا بسبب شغلك وبسبب حد من اعدائك؟ كل ال مصايب ال بتحصلنا وهتحصلنا بسبب شغلك ال معيشنا كلنا ف رعب .كان ممكن تسيب الشغل دا ونعيش كلنا مبسوطين بس انت اخترت الاسهل ..وبسبب انانيتك .ف مترجعش تلومني ع اي حاجه حصلت
ادم دمع ومسك قبضه ايده بغضب
ادم بغضب جهوري قرب منها/دا مش مبرر لل انتي عملتيه ..مش مبرر ل قله ادبك وقله تربيتك
فراس وقف قصاد روان وروان مسكت فيه بخوف وبتتحامي فيه
فراس وقف قدام ادم /روان متربيه احسن تربيه ومعملتش حاجه غلط..
وبص ل طارق
فراس/محدش يستجرا يلمس شعره من روان ي عمي .. روان حبت واحد زميلها ف الجامعه وكانت بتقابله . كل فين وفين ..وهو كان مفهمها انه هيجي يتقدم لها وهي وثقت فيه..وف يوم كذب عليها وقال لها انه عامل حفله لكل زمايلهم وصحابهم وهي راحت ع اساس هتلاقي كل زمايلها هناك ال ***كدب ومكنش عازم حد غيرها ..وحطلها حاجه ف العصير ونا لحقتها ورحت البيت قبل ما يلمس شعره منها
مالك بيسمع بصدمه ومش مصدق انه اخته كان هتضيع منه وحصل كل دا وهما ميعرفوش عن اختهم حاجه
طارق بصدمه/انت بتقول اي ي فراس انا بنتي كانت هتضيع مني من كام يوم ومحدش فكر يقولي
ادم بغضب وعصبيه/وفراس بيه الوحيد كان عارف كل دا ..وخبي عن صاحب عمره ..وحضراتكم جيتو من برا ع اساس كنتو ف عيد ميلاد وكدبتو عليا وانتو باصين ف عيني
وللحظه ادرك ان احلام كانت معاهم
ادم بص ل احلام
واحلام كانت واقفه بتوتر
ادم/انتي كنتي عارفه؟
احلام دمعت
ادم بعصبيه/ردي ع سؤالي انتي كنتي عارفه كل دا وخبيتي عني
احلام هزت راسها ب اه
ادم بعصبيه/حلو اوي..دا كدا حلو اوي …انا الوحيد ال نايم ع وداني يعني …مراتي خبت عليا وكدبت عليا وهي باصه ف عيني ..و صاحبي واختي كمان كدبو عليا .اقدر اثق ف مين انا دلوقتي حد يفهمني
فراس/احلام ملهاش زنب ..انا ال قلت لها متقولش حاجه علشان ردت فعلك دي ..احلام خدي روان بعد اذنك وأدخلو الاوضه
احلام كانت هتاخد روان ويدخلو
ادم بعصبيه/إياك حد يتحرك من مكانه
احلام و روان وقفو
ادم/هاخد معاد من المأذون وهتتجوزي انتي وفراس بكره
روان بصدمه/اي
وكل الموجودين اتصدمو
واكيد فراس كان بيحلم ب اليوم ال هيتجوز فيه حب حياته بس مش عايزها تتجوزه بالطريقه دي وتكرهه
مالك /انت بتقول اي ي آدم
ادم بغضب/زي ما سمعتو
طارق/جواز اي ال بكره دا من غير ما تاخد رأينا او رأي اختك
ادم بعصبيه/رأيها مش مهم ومش عايز نقاش ف الموضوع
روان بدموع/يعني اي راايي مش مهم ..انت مينفعش تاخد قرار زي دا عني ..انا مش عايزه اتجوز
ادم بغضب قرب منها/انا ماسك نفسي بالعافيه علشان مهدش القصر دا فوق دماغك ومش عايز اسمع نفسك انتي فاهمه ولا لا
وطلع برا القصر بغضب وكل كلمه روان قالتها بتردد ف دماغه
واحلام خدت روان ف حضنها وروان عيطت
مالك راح ل روان
روان ب دموع/انا اسفه
وبصت ل طارق
روان/انا اسفه ي بابا ع كل حاجه عملتها..يارتني كنت مت قبل ما اخذلكم كدا
طارق /بعد الشر عليكي ي نور عيني اوعي تقولي كدا تاني
مالك حضنها وروان حضنته بقوه وعيطت
مالك/احنا ال اسفين ع كل مره بعدنا عنك فيها ومكناش جمبك
وباس راسها
وطلعت من حضنه وحضنت طارق وطارق حضنها بقوه وملس ع شعرها
طارق/الحمد لله انك بخير وف حضننا ..الحمد لله الف مره
روان بدموع طلعت من حضنه ومسكت ايده/ بس انا مش عايزه اتجوز ب الطريقه دي ي بابا..انا مش عايزه ادم يعاقبني ب الطريقه دي
فراس /متقلقيش مش هتعملي حاجه غصب عنك..انا هتكلم مع ادم وهحاول أقنعه
طارق اتنهد/معتقدش حد يقدر يوقف ادم عن ال بيعمله
قدام القصر ف الجنينه
ادم بغضب طلع السلاح من ورا ضهره وضرب طلقات ف الهوا
احلام بقلق طلعت من القصر وراحت له
احلام /ادم
ادم لف لها
ادم بغضب/انا مش قادر افهم ازاي تكدبي وتخبي عليا …هااا ازاي
احلام بتوتر /انا اسفه انا كان لازم اخبي علشان خفت من ردة فعلك لما تعرف
ادم بعصبيه/انتي كدبتي عليا وانتي باصه ف عيني..خبيتي عليا ونتي اكتر واحده بثق فيا ف الدنيا دي …و دلوقتي فهميني ازاي هقدر اثق فيكي تاني
احلام دمعت/انا ا
ادم بيحاول الهدوء/بعد ما نخلص من موضوع كتب كتاب كتابهم هنبدأ ف اجراءات الطلاق علشان نتطلق
احلام بصدمه وبتحاول تستوعب/ن نتطلق؟
ادم بغضب/اه نتطلق…انا مقدرش اعيش مع واحده مبثقش فيها
و فتح باب عربيته وركبها ومشي
واحلام دمعت
جوه القصر
روان في غرفتها منهاره من العياط وفراس مشي و طارق دخل غرفته يصلي
ومالك قاعد ف الصالون وسرحانه
فجأه الخادمه راحت له و ف ايدها ظرف صغير
الخادمه/الظرف دا وصل ل حضرتك ي مالك بيه
مالك انتبه واخد منها الظرف
وفتحه وكان في فلاشه
مالك باستغراب/مين بعته
الخادمه/مبعوت مع بريد
مالك قام ودخل غرفته
وجاب الاب توب وقعد ع السرير وحط الفلاشه ف الاب توب
وظهر له فيديو
و مالك فتحه
مدحت قاعد ع مكتبه وجنات قاعده قصاده
مدحت/كل ال عليكي هتروحي تشتغلي عنده ف الشركه وتقربي منه لحد ما يقع ف حبك وبعدين تسبيع وتختفي من حياته تماما
جنات بصدمه/اي
مدحت/اي انتي هتعملي اي يعني .كل ال هتعمليه هتوقعيه ف حبك وبس .هديكي مبلغ تجيبي بيه لبس نضيف تلبسيه لما تشتغلي عنده ف الشركه .و هزور لك cv محترم علشان يقبلك ع طول
جنات اتنهدت/ونا موافقه
مالك كان بيشوف الفديو بصدمه و دمع
معقوله كل ال عاشه معاها كان كدب وبس
في اليوم التالي
دا كان اسوء يوم عدي عليهم كلهم
روان ف اوضتها بتعيط طول الليل .ومش عايزه ادم يجوزها فراس غصب عنها وشايفه ان كدا ادم حط فراس قدام الأمر الواقع ويمكن هو مش عايزها
وف احلام ف اوضتها نايمه ع السرير بس صاحيه ومنامتش طول الليل
وآدم مرجعش القصر من امبارح
ومالك ف اوضته منمش طول الليل
وطارق من الصبح بيقرأ قرآن وبيدعي ربنا يهديه له عياله
عصرا ف القصر ف الصالون
طارق قاعد
ومالك واقف و ادم وجمبه فراس واقفين ومستنين المأذون
و احلام مع روان ف غرفتها
طارق/فكر ي ابني الله يخليك ..اختك يمكن مش عايزه تتجوز بطريقه دي
مالك/مش من حقك تجوزها غصب عنها ي آدم
ادم بغضب/ لاء من حقي ومش عايز اسمع نقاش ف الموضوع دا
طارق اتنهد
و رضا دخل ومعاه المأذون
المأذون/السلام عليكم
طارق/وعليكم السلام اتفضل ي شيخنا
رضا/اتفضل اقعد هنا ي شيخنا
المأذون قعد
في غرفه روان
كانت لابسه دريس ابيض سمبل وقاعده ع السرير ضامه ركبتها ل صدرها و بتعيط واحلام قاعده جمبها
احلام/كفايه عياط ي روح قلبي ..انتي هاريه نفسك عياط من امبارح حرام عليكي نفسك
روان بدموع/ انا وحشه اوي ي احلام. بوظت كل حاجه بغبائي .. و ادم زعلان مني ومش عايز يشوف وشي ف البيت دا تاني علشان كدا اختار يجوزني فراس وابعد من البيت دا
احلام مسكت ايدها/لاء طبعا اي ال انتي بتقوليه دا ..آدم بيحبك حتي وهو زعلان منك لسه بيموت فيكي … انا حاسه بيكي علشان اتحطيت ف الموقف دا زيك ..وكنت مقهوره زيك واكتر بكتير منك .كنت فاكره ان الحياه هتسود ف وشي بس بعد كدا عشت احلي ايام حياتي مع ادم
هو اكيد شايف ان دا احسن ليكي والا مكنش عمله
روان /
احلام/.وبعدين انتي بتكرهي فراس للدرجه دي يعني مش عيزاه؟
روان/لاء طبعا مبكرهوش ..فراس دا هو ال مربيني مع ادم .ادم مكنش بيأمن عليا الا مع فراس ونا كمان بحس ب الإمام مع فراس وبثق فيه اكتر من اي حاجه. بعتبره اخويا وصحبي وبحترمه جدا زي ادم ومالك بس انا مش شيفاه غير اخويا..وبعدين هو زمبه اي ادم يدبسه تدبيسه زي دي ويخليه يتجوزني غصب عنه
احلام ابتسمت/دا انتي احلي تدبيسه ف الدنيا والله..وشكلك زي القمر كمان ف الدريس الأبيض دا
روان ابتسمت وحضنتها/ربنا يخليكي ليا
احلام ابتسمت
روان طلعت من حضنها/واسفه علشان عملت لك مشكله مع ادم ..اسفه انه عايزكم تطلقو بسببي
احلام/متشغليش بالك ب الكلام دا دلوقتي..أمسحي دموعك و يلا ننزل علشان هما مستنين تحت
روان اتنهدت ومسحت دموعها
ف الصالون الكل مستني
فجأه روان واحلام طلعو من الغرفه ونزلو ع السلم
فراس بص ع روان ب اعجاب
الدريس الأبيض شكله تحفه عليها و كان شكلها زي القمر ومش عارف يشيل عينه من عليها
و ادم بص ع احلام
لابسه دريس اسود وفارده شعرها وكان شكلها حلوه اوي ك العاده
واحلام بصت له وبصت ف عينه وهو بعد عينه عنها
وراحو لهم
ادم/ابدا يلا ي شيخنا
و روان قعدت وفراس قعد
والمأذون بدأ الإجراءات
و ادم ومالك مضو ك شهود
المأذون/بارك الله لكما وبارك عليكما وجمع بينكما في خير
طارق/مبروك ي حبيبتي
و ادم ساب القصر وخرج و روان كانت بتبص عليه وهو بيخرج حتي مبصش ف وشها ولا ودعها قبل ما تمشي
المأذون قام/يلا عن اذنكم والف مبروك
رضا ل المأذون/اتفضل ي شيخنا
ووصل المأذون ل برا
طارق باس راس روان وحضنها
وروان حضنته بقوه ودمعت
مالك حضن روان
مالك/الف مبروك
طارق سلم ع فراس/الف مبروك ي ابني ..مش هوصيك ع بنتي
فراس/مش محتاج توصيني ي عمي
ومالك سلم ع فراس وبارك له
مالك /اختي امانه عندك ي فراس
فراس/متقلقش عليها
احلام حضنت روان بقوه
و روان حضنتها و دمعت
ع المغرب ف القصر
فراس اخد روان ومشيو
وطارق ومالك قاعدين ف الصالون
في غرفه احلام
غيرت هدومها وجهزت شنطتها و بصت ع الغرفه ل اخر مره وبصت ع ايدها ال فيها خاتم الجواز وخلعته من ايدها ودمعت وحطته ع الكومودينو
احلام نزلت من فوق والخادمه قدامها بتنزل لها شنطه هدومها
طارق/اي دا ي احلام
مالك قام/انتي راحه ع فين
احلام ابتسمت بوجع/همشي خلاص..انا و ادم هنتطلق ..انا فكرت انه قالكم
طارق بصدمه/طلاق اي ..لا مقلناش حاجه زي دي
مالك/بطلي هبل ي احلام وخدي شنطتك و اطلعي ..طلاق اي ال بتتكلمو عنه
طارق/استهدي ب الله ي بنتي دا بيتك ..مش المفروض تمشي منه مهما حصل
احلام ابتسمت/انا مبسوطه اوي اني عرفت عيله زيكم ..اب تاني زي حضرتك ي اونكل واخ زي مالك و اخت زي روان..بس انا لازم امشي
وحضنت طارق وطارق حضنها بقوه وباس راسها
طارق/دا انا ال فخور ان عندي بنت زيك
احلام ابتسمت وطلعت من حضنه وسلمت ع مالك
مالك/طب خليني اوصلك انا
احلام/لاء مفيش داعي انا طلبت تاكسي ومستنيني برا ..عن اذنكم
واخدت شنطتها وجرتها وراها وطلعت برا القصر
مالك بغضب/ادم بيدمر حياته ومش عارف هو بيعمله اي بسبب غضبه ال ماليه
طارق اتنهد/عمره ما هيلاقي واحده تحبه زي احلام ربنا يهديهم يارب
عند احلام قدام القصر
رضا راح لها بسرعه ياخد منها الشنطه
رضا/عنك ي احلام هانم ..تعالي اوصل حضرتك انا
احلام ابتسمت/شكرا ي رضا التاكسي مستنيني اهو..ممكن بس تحط الشنطه دي ف التاكسي
رضا/امر حضرتك
عند آدم واقف ف شباك اوضه مكتبه وبيراقب احلام وهي ماشيه ودمع ومسك قبضه ايده وخبط ع الحيطه بغضب
عند رضا تحت اخد الشنطه حطها ف التاكسي واحلام ركبت و التاكسي انطلق ورضا ركب عربيته وراح وراها زي ما ادم أمره علشان احلام تفضل ف امان
عند احلام ف التاكسي
سانده راسها ع الشباك وسرحانه
وموبايلها رن وكانت مريم
احلام/الو
مريم بابتسامه/وحشتيني موووت .انا رجعت من اسكندرية ولازم اشوفك
احلام/انا ف التاكسي وراجعه ع بيت بابا اهو
مريم/انتي مال صوتك
احلام/انا و ادم هنتطلق
مريم بصدمه/اي
احلام بدأت بطنها توجعها وحطت ايدها ع بطنها بوجع
احلام /اااه
مريم بقلق/في اي ي احلام مالك
احلام بوجع/بطني مش عارفه مالها وجعاني اوي
سواق التاكسي بص ل احلام من المرايه
السواق/حضرتك كويسه ي مدام
مريم بقلق/احلام خلي السواق يوصلك ع أقرب مستشفى ونا هجيلك فورا
عند آدم ف القصر
دخل غرفته
وبص ع الاوضه
احلام سايبه اثر ف كل حتي ف الاوضه
ع الكنبه في ألوان وورق وتصاميم
و ع السرير الكتاب ال اخر مره كانت بتقرأ فيه
و بص ع الكومودينو لقي خاتم الجواز بتاعها
راح مسكه
و بص ع التسريحه فرشه شعرها وميكب والبرفان بتاعها
ادم راح عند التسريحه ومسك علبه البرفان وغمض عينه وشمها
ادم موبايله رن
ادم طلع الموبايل من جيبه
ادم/ايوا ي رضا .احلام وصلت البيت
رضا/احلام هانم بدل ما ترجع البيت غيرت طريقها وراحت ع المستشفى
ادم بصدمه و بقلق/اي؟ انت بتقول اي
رضا/بس متقلقش عليهل هي ماشيه ع رجلها و كويسه
ادم بقلق/ادخل فورا المستشفى واعرفلي مالها ..حالا
رضا/حاضر ي آدم بيه
عند احلام ف المستشفى
ف غرفه الدكتوره
احلام نايمه ع السرير والدكتوره بتكشف عليها
ومريم قاعده ع الكرسي
الدكتوره ابتسمت/خلاص خلصت
احلام قامت وعدلت هدومها و لدكتوره راحت ع مكتبها وبدأت تكتب ف الروشته
احلام راحت قعدت قصاد مريم
مريم /طمنينا ي دكتوره احلام مالها
احلام/في اي ي دكتوره انا اول مره بطني توجعني بالشكل دا
الدكتوره ابتسمت/متقلقوش دا طبيعي جدا ف الشهور الاولي ..مبروك ي احلام انتي حامل
احلام بصدمه/اي انا حامل
مريم بفرحه/بجددد
احلام دمعت بفرحه ومش عارفه تفرح ان ف بطنها بيبي من حبيبها ادم ولا تزعل ان البيبي هيجي يشوف اهله متطلقين
مريم راحت حضنت احلام بفرحه
مريم/مبروك ي روحي الف مبروك
وطلعتها من حضنها
واحلام بابتسامه و دموع حطت ايدها ع بطنها
الدكتوره/وانتي بطنك وجعتك ب الشكل دا علشان انتي تقريبا عشتي استرس او توتر ومينفعش خالص ف الفتره دي تتوتري او تتعصبي لان غلط جدا ع صحتك و ع صحه البيبي ..و دي ادويه هكتبهالك لازم تجبيها
وكتبت الروشته
مريم خدت الروشته من الدكتوره بابتسامه
مريم/تمام شكرا ليكي ي دكتوره بجد
وبعد شويه احلام و مريم طلعو من المستشفى و ركبو التاكسي ال كان مستنيهم وانطلقو
و رضا نزل من عربيته ودخل المستشفى يعرف احلام كشفت مع انهي دكتوره بالضبط
بعد نص ساعه ف غرفه ادم
خد شاور وطلع من الحمام بعد ما غير هدومه ل بنطلون اسود وتيشرت اسود بنص
و مسك موبايله يرن ع رضا يتطمن ع احلام
ادم/طمني احلام بخير
رضا/اه ي آدم بيه متقلقش احلام هانم بخير ..احلام هانم حامل
ادم بصدمه /اي ..حامل
- يتبع الفصل التالي اضغط على (رواية الجميلة و الوحش) اسم الرواية