رواية جنون العشق الفصل السادس عشر 16 - بقلم دينا عبدالله
ياسين: مش ماشي غير لما اعرف جوري فين
كريم بنفاذ صبر: لا حول ولاقوة الابالله
ياسين بمكر: طيب انت عارف هيا بتحب مين
بصله كريم كمل ياسين بمكر: انا جوري بتحبني انا
مسكه كريم من هدومه وقال بغضب شديد: متجبش اسمها علي لسانك تاني.... لانك لو نطقتو تاني انا هقطعهولك... واحسن لك تبعد عنها احسن اخليك تندم علي اليوم اللي اتولدت فيه
بعده ياسين عنه بقوة وقال بسخرية: خوفت منك انا كدا... جوري مش هسيبها لك هيا اتخلقت ليا انا ومستحيل اخليك تاخدها مني
ضربه كريم لكمه قويه علي وشه.. نزف ياسين من بؤه من قوة الضربه وبص لـ كريم بغضب فرد له الضربه هوا كمان.... زادت الخناقه مبينهم.... اتلمو الناس وبعدوهم عن بعض بصعوبه وكل واحد بيبص للتاني بغضب وحقد
ياسين بغضب: الايام مبينا وهتشوف
كريم بغضب شديد: لو لمحتك بتقرب منها هدفنك بالحيا
ابتسم ياسين بمكر وقال: هنشوف
بعدين سابه وراح ركب عربيته ومشي.... بصله كريم بغضب شديد طلع منديل من جيبه ومسح الدم اللي نزل من انفه......
................
رجع باسل وليد علي بيته وساعده يدخل البيت.... بص لـ احمد وقال بابتسامة: عامل ايه دلوقتي
احمد بابتسامة متعبه: الحمدلله بخير
رهف: عملتو ايه
قعد وليد وقال: اتحبس يستاهل الوسخ... حسبي الله ونعم الوكيل
باسل: طيب انا لازم امشي
رهف بسرعه: خليك اقعد كل معانا الاكل جاهز
باسل: معلش لازم امشي
زعلت رهف بصله وليد وقال: انت مش هتمشي غير لما تاكل معانا ولا انت مش بتعتبرنا زي اهلك ولا ايه
باسل: طبعا انتو زي اهلي واكتر بس....
وليد: من غير بس.... جهزي السفره يا بنتي
رهف بابتسامة: حاضر
ومشيت بسرعه.... جهزت السفره وقعد باسل معاهم وكانو مبسوطين كأنهم فعلا جزء من اهله
..........
رن جرس الباب راحت كريمه فتحت الباب و ابتسمت اول ما لقيت غاده
كريمه بابتسامة: اهلا يا هانم ادخلي دا البيت بيتك
دخلت غاده قفلت كريمه الباب بصتلها غاده بعتاب وقالت: ياريت بلاش هانم دي.... نادميني باسمي علي طول غاده وانا اقولك كريمه احنا بقينا اهل
ابتسمت كريمه وقالت: حاضر
قعدت غاده وقعدت جنبها كريمه بصتلها غاده بابتسامة وقالت: والبيت دا بيتك انتي و جوري.... انا اول ما قالي كريم فرحت اوي
كريمه: ربنا يخليهولك يارب و تفرحي بيه
غاده: يارب نفرح كلنا
طلعت جوري اول ما سمعت صوت غاده وقالت بابتسامة: اهلا يا طنط
قامت غاده حضنتها بحب وقالت: ازيك يا بنتي عامله ايه دلوقتي طمنيني
جوري: الحمدلله بخير
غاده بابتسامة: بصي يا كريمه انا قولت لـ كريم و فوزي انهم يجو ونتغدا مع بعض النهارده...وانا اللي هطبخ لكم
كريمه: ازاي واحنا روحنا فين
غاده: طيب هنطبخ سوا انا وانتي
جوري بابتسامة: وانا هساعدكم
غاده: لاااااا انتي تروحي علي اوضتك وتذاكري انا عرفت من كريم ان عندكم امتحانات الفتره دي... دا حتي كريم كان عايز يجي معايا بس انا زعقت فيه وخليته يقعد يذاكر... وانتي يلا روحي شوفي مذاكرتك وانا وكريمه هنحضر الاكل
جوري برقه: حاضر
راحت كريمه و غاده علي المطبخ وبدأو يجهزو الاكل ودخلت جوري وبدأت تذاكر لحد ما يخلصو........
.................
باسل بصدمه: مشيو ليه حصل ايه
حكت له مرفت علي كل حاجه حصلت من لما اتسممت جوري لحد ما طردو ساره من البيت... مكنش مصدق ان كل دا حصل في غيابه
اسيل بدموع وحزن: انا عايزه جوري... رجعولي جوري عندي
مسحت مرفت دموعها بحنان وقالت: متخافيش هترجعي تشوفيها تاني
رجع ياسين البيت اتخضت مرفت من شكله اثر ضرب كريم ليه والدم اللي نزل علي هدومه من بؤه
جريت عليه بخوف وقالت: مالك حصل لك ايه
ياسين بضيق: متقلقيش خناقه بسيطه
باسل: ومين دا اللي عمل فيك كدا.... انت مش هتتعدل ابدا
ياسين بضيق: باسل انا مش ناقصك خالص
وسابهم وطلع علي اوضته وهوا بيتواعد لـ كريم... بصتله مرفت وقالت: ربنا يهديك ويصلح حالك يا بني
..............
جي فوزي ومعاه كريم وقعدو علي السفره وحطت غاده و كريمه الاكل جت جوري رحبت بيهم باحترام وقعدت جنب كريمه.... بصلها كريم وافتكر كلام ياسين كان مدايق من اللي قاله بس مبينش وابتسم لها
بعد ما خلصو اكل... قعدو في الصاله مع بعض وفوزي شكر في الاكل لانه كان شهي و مظبوط
غاده: كريم قالي انك مصره وعايزه تشتغلي صح
كريمه: ايوه لان قعدت البيت مش هتنفع
غاده: طيب بصي انا اخويا عندو مطعم بس هوا مسافر والمطعم مقفول وقالي لو عايزه افتحه في اي وقت براحتي... ف انا فكرت اي رايك نفتحه انا وانتي ونشتغل فيه سوا واهو نتسلي بدل قعدت البيت..... وان شاء الله اللي هنكسبه كل شهر هنقسمه بما يرضي الله ما بينا ها قولتي ايه
فوزي: والله فكره مش كويسه
كريمه بابتسامة: وانا معنديش مانع
غاده: طيب علي بركة الله ننزل ان شاء الله من بكرا نجهز كل حاجه اتفقنا
كريمه: اتفقنا
حس فوزي ان كريم مش واخد راحته فقال: خد جوري واقعدو اتكلمو سوا علي راحتكم
هز كريم راسه بابتسامة.... خد جوري وراحو قعدو في البلكونه... حست جوري انه عايز يقول حاجه.... لاحظت علامه في وشه مكان ما ياسين ضربه
جوري بقلق: انت كويس هوا انت اتخانقت مع حد
بصلها كريم وقال: اه... عايزه تعرفي مع مين
بصتله جوري باستغراب من نبرة صوته وقالت: مين
كريم: ياسين
انصدمت جوري و معرفتش تقول ايه... لاحظ صدمتها وقال: جوري قوليلي بصراحه في بينكم حاجه
اتوترت جوري بعدين قالت: حاجه زي ايه يعني
كريم: انتي بتحبيه
بصتله جوري بشده من غير ما ترد... قلق من سكوتها وقال: جوري ردي عليا وارجوكي متكدبيش و قوليلي الصراحه... انتي بتحبيه ولا لا
جوري: انت جبت الكلام ده منين
كريم: ياسين قالي انك بتحبيه وعمرك ما حبتيني وكمان هددني انه هياخدك مني
انصدمت جوري مكنتش تتخيل ان ياسين هيعمل كدا... مسك ايدها بحب وحزن وقال: ارجوكي قوليلي الصراحه... من غير كدب انتي بتحبيه
بصتله جوري شويه بعدين قالت...............
- يتبع الفصل التالي اضغط على (رواية جنون العشق) اسم الرواية