رواية هو انت مين الفصل السابع عشر 17 - بقلم سحر السحرتي

  رواية هو انت مين الفصل السابع عشر 17 - بقلم سحر السحرتي

هو انت مين 

حلقة ١٧

*في الموعد المحدد حضر معتز وارتدت عنود ذلك الفستان الذي راها به من قبل وكان ينظر لها نظرات وق-حه كي تقوم باغراءه حتى تستطيع اخذ الفيديو 

:ايه الجمال ده انا ما صدقتش نفسي لما قلت انك موافقه

 :انا عايزه افهم فضلت تط-اردني كل شويه وتقول لي بحبك ودلوقتي بتقول عايزني ليله هو انت مشاعرك ناحيتي ايه بالظبط

: تفرق معاكي في ايه 

:عشان ادخل معاك في علاقه لازم افهم انا الاول بالنسبه لك ايه عشان سقف طموحاتي ما يعلاش واعرف آخرة علاقتنا مع بعض هتكمل ولة لا

:انا فعلا بحبك بس مكتفي بالليله اللي هقضيها معاكي 

:و خطيبتك

: مالها

 :ذنبها ايه تتجوزها وانت بتحب واحده ثانيه

 :ما انا بحبها برضو 

:ازاي بتحب اثنين في وقت واحد

 :انت بحب جمالك وجسمك هي بحب فيها المصلحه اللي باخذها منها ومن باباها غير حبها ليا واهتمامها بيا وده مش هلاقيه كثير 

: اه فهمت هو انت ضميرك ما وجع-كش وانت معاك دليل براءه اياد وهو مح-بوس ظل-م

: لو كان مش خطيبك كنت قدمت الفيديو على طول لكن لما بشوفه او اشوفك معاه بحسه انه اخذ حاجه نفسي فيها 

:للدرجه دي

: اه واكتر كفايه اني بشوف في عينيك نظرات الحب ليه اللي عمري ما شفتها ليا وده اللي بيضايقني اكثر 

:طب هجيب لك حاجه تشربها 

:بلاش تعالي اقعدي جنبي 

:خليني اجيب حاجه تهدي اعصابنا عشان نعرف نتكلم

 *بعد ان احضرت العصير حاولت اخذ هاتفه دون ان يدري كي تاخذ الفيديو لكنه شعر بها 

:انت بتعملي ايه فاكراني س-اذج و جايب معايا الفيديو عشان تضحكي عليا و تاخديه 

:سيب ايدي انا لازم اخده ح-رام عليك تشوف واحد مظ-لوم وتعمل كده

: مش قبل ما اخد اللي انا عايزه واقول لك كمان عقابا لك هاخد اللي انا عايزه دلوقتي وهمسح الفيديو و اسيبه محب-وس

:ابعد عني يا معتز ما تقربش مني 

 *وبدا يته-جم عليها لكنها قاومته فدف-عها وسق-طت على حافه الكرسي ففتحت راسها وفقدت الوعي  

*ارتع-ب معتز من منظر الدم-اء فتركها وهرب

 *استيقظت من الاغماء وجدت نفسها في المستشفى وفي يدها المحلول معلق ودينا صديقتها بجانبها 

:حمد لله على السلامه

 :هو ايه اللي حصل

: عم جاد لقاكي واقعه ودم-ك بيس-يل بلغ البوليس و جابك على هنا بعد ما شاف معتز بيجري من عندك من البيت واتصل عليا من تليفونك عشان اكون جمبك

*بكت عندما تذكرت 

:معتز معاه دليل البراءه كده اياد هيفضل مح-بوس ما قدرتش اساعده وهو محب-وس بسببي انا غبية .. غبية ... اااه يا اياد 

 :اهدي يا عنود كل حاجه هتتحل يا حبيبتي بابا خلاص هيرجع النهارده واكيد هيشوف حل او هيشهد مع اياد في النيابه  

*لم تستمع لها كانت في عالم اخر فقد انه-ارت كليا فذهبت دينا لاستدعاء الطبيب الذي اعطاها حقنه مهدئه وعادت للنوم مره اخرى 

*استيقظت وجدت اياد ممسك بيدها فشعرت انها لا زالت نائمه وتحلم وتكلم نفسها

 :اسفه يا حبيبي كان نفسي اعمل حاجه عشان تخرج لكن فشلت ... انا فاشله بس اوعدك هروح لبتول و ابوس رجلها و اتنازل عن البيت بس تخرج وترجع لي يا حبيبي .... مش هسيبك اكثر من كده ...انا السبب انا ما استحق حب واحد زيك هبعد عنك عشان ما تت-اذيش بسببي

:اهدي يا حبيبتي انا هنا وموجود انا خرجت خلاص 

:الحلم ده جميل قوي انت بترد عليا قبل كده كنت بتبص لي بعتاب و تسيبني وتمشي من غير ولا كلمه 

:عنود حبيبتي فوقي انا هنا معاكي وماسك ايدك

: احلف انك هنا طب اصدق ازاي انه مش حلم

 *قام بتقبيلها قبله ملتهبه المشاعر المختلفه فهي اشتياق وحب وشكر انها صدقت برائته

  *فأدركت انه حقيقه ليس حلما فامسكت وجهه وقامت بتقبيل كل شبر فيها 

:انت حقيقي بجد انا مش بحلم 

بقلمي سحر السحرتي 

*ثم قامت باحتضانه بقوه 

:وحشتني قوي... قوي ما اعرفش اني بحبك بالشكل ده غير لما بعدت عني انا اسفه انا السبب 

 :اهدي اللي حصل كان ممكن يحصل في اي وقت ومن أي حد

: هما مسكوا معتز 

:ايه علاقه معتز 

:امال انت خرجت ازاي 

:دكتور عزيز كان مسافر في مؤتمر ولما رجع طلع انه كان حاطط كاميرا في المرسم وما قالش لحد عشان كله يبقى على طبيعته ولو حد من الطلبه او الدكاتره اشتكى يقدر يعرف مين اللي معاه حق وراح النيابه مع تفريغ الكاميرات و ذاع فيديو في الجامعه عشان الكل يتاكد من براءتي 

:والبنت اتمسكت واعترفت على بتول

 :اه اعترفت بس ما كانش معاها دليل انها اتفقت معاها فطلعت منها للاسف بس ايه حكايه معتز و اتعورتي ازاي في راسك

: اصل ... اصل

*توترت بشدة ولم تستطيع الرد فرأف اس

اياد بحالها فهي مازالت مريضة 

:واضح انه مش سهل عليك تحكي دلوقتي لما تخرجي نبقى نتكلم  ...انا هروح البيت اخذ دش واغير لاني خرجت عليك على طول لما عرفت من دكتور عزيز انك هنا في المستشفى

: لا استنى خدني معاك عايزه اروح معاك مش عايزه ابعد عنك دقيقه بعد كده 

:هسال الدكتور اذا ينفع تخرجي

*خرجت عنود من المستشفى كانت مت-خوفه من ان يعرف الحقيقه ولكن ليس هناك مفر يجب ان يعرف 

*عندما عادت احتضنته بشدة خائ-فة أن يكون هذا الحضن الاخير 

*انتظر اياد الى ان اصبحت عنود بحاله افضل 

:تعالي بقى قولي مخ-بيه عني ايه 

*بدات في البكاء بشه-قات عالية فاحتضنها كي تهدأ 

:ممكن تهدي وتحكي ايه اللي حصل بالراحه واحده واحده وانا هسمعك بهدوء ما تخاف-يش من حاجه طول ما انا جمبك

: شوف انا عارفه ان انا غلط-انه ومن حقك تزعل مني حتى لو هتسيبني حقك بس ما قدرتش اقعد و احط ايدي على خدي

*بهدوء مج-بر عليه لتتمكن من التحدث

: هو ايه اللي ممكن يخليني اسيبك يا حبيبتي 

 :هو انا كان ممكن ادي البيت لبتول بس كان المقابل ان البنت هتتنازل بس ما كانتش براءتك هتظهر وتفضل الناس شاكة انك عملتها

*امسكها من ذراعها بق-وه لم يستطع تمالك نفسه وهي تماطل في الرد

:هو ايه اللي ممكن يخليني اسيبك انطقي

*تحدثت بتوتر وخ-وف شديد

: ما انا جايه لك في الكلام بس بشرح لك اسبابي عشان تقدر انا عملت كده ليه

 :مش عايز شرح عايز اعرف وافهم ايه اللي حصل

: طب قول انك مسامحني ومش زعلان مني

 *بصوت ع-الي وح-ده 

:مش هقول قبل ما اعرف لاني حاسس انك عملتي مص-يبه انطقي بقى وقولي 

*بدات تتوتر أكثر 

: هقول حاضر بس اهدى الاول 

*جز على اسنانه 

:اتني-لت قولي بقى بدل ما اتج-نن عليك 

*جلست بعيدا عنه وروت له ما حدث ووجهها في الارض من الخجل 

*بعد ان انتهت قام بمسك احدى الانتيكات وقام بقذف-ها في الحائط بق-وه فانك-سرت واحدثت صوت قوي فزع-ت واترع-بت

 *تحدث بصوت ع-الي وعيناه حمراء من شدة الغض-ب

: انت عارفه انت كان ممكن يحصل لك ايه ... كان ممكن يعت-دي عليك ولو ما عملهاش كان ممكن تم-وتي ودم-ك يتصفى وانت مغمى عليك و لوحدك قبل ما عم جاد يشوفه بيجري من عندك ويطلع يلحقك

: ما كانش ممكن اسيبك محب-وس و اسكت واختي السبب 

*بصوت اع-لى وح-دة مفرطة

: قلت لك ما تعمليش حاجه ما سمعتيش الكلام ليه اهي براءتي ظهرت من غير ما نحتاج لسي زف-ت  او بتول 

:لو كان في ايدي اض-حي بحياتي عشان تخرج ما كنتش هتاخر 

:و هعمل ايه وانت مي-ته لما تض-حي بحياتك استفدت ايه  وانت مش في الدنيا معايا 

:سامحني حقك عليا انا عارفه اني غل-طانه

: غلط-انه دى تتقال على حاجه بسيطه .... انت غل-طك مش اي غل-ط انت مستوعبة ايه اللي حصل 

*امسكها من ذراعها بقوه وقاوم الا يقوم بض-ربها 

:عارفه يعني ايه راجل يعرف ان مراته عرضت نفسها على واحد عشان يطلع براءه انت صغرتيني قدام نفسي قوي

 :ما تقولش كده يا اياد

: لا اقول كفايه احساسي بال-ذل وانت شايفاني مح-بوس مش قادر احميكي و سايبك لوحدك تخيلي بقى تزودي الطين بله باللي عملتيه 

:ما كانش هيقدر يعمل معايا حاجه انا قاوم-ته 

:كان لغايه امتى المق-اومه ده السبب اللي خلاه سابك انك وقع-تي و اتع-ورتي غير كده ما كانش في حاجه هتوقفه غير انه ياخذ اللي هو عايزه .... عارفه يعني ايه متخيلة احساسي 

:صدقني ما كنتش هستسلم وكنت هلم عليه الناس انا خليته يجي في وقت والناس لسه موجوده و صاحيه 

:وده بقى بتسميه ذكاء ولة شطاره كل اللي عملتيه غب-اء ما فكرتيش في اي حاجه ولا في عقبات اللي انت عملتيه ولا في مشاعري  

*بدموع و قه-ره من انه لا يقدر ما فعلته

:لا ما فكرتش التفكير عندي اتش-ل وانا شايفاك محب-وس

*تركها وقال بأل-م

: انا ماشي مش هقدر اقعد 

*امسكت يده وهي تبكي

: لا يا اياد سامحني ارجوك مش هعمل كده تاني

: ما بقاش يفرق معايا تعملي كده او لا ... عارفه احساسي ايه دلوقتي 

: عارفه انك زعلان مني 

:لا مش عارفه حاجه... عارفه انا كنت بجاهد نفسي ازاي عشان ما المسكيش قبل الفرح وانت مراتي حلالي وبحبك ... عارفه متخيل معتز مسكك ازاي من نظراته الوق-حة اللي كنت بشوفها في عنيه لك قبل ما اخطبك ولم نفسه بعد ما خطبتك .... انا ماشي يا عنود 

:يعني ايه هتسيبني للابد

: ما اعرفش مش قادر اخذ قرار 

: لازم اعرف هتعمل ايه

*كان يتحكم في غض-به وهو يكور قبضة يده بشدة 

:سيبيني امشي دلوقتي عشان لو اخذت قرار دلوقتي وانا متضايق مش هيبقى في صالحنا احنا الاثنين

 *دخل غرفته ووضع ملابسه في حقيبه

: انت مش راجع ثاني بقى

 :ما اعرفش بس اكيد هاخذ وقت كلمي ام جابر تيجي تبات معاكي

: اذا انت ماشي و سايبني يبقى ما يخصكش اعمل ايه 

*ارادت استفزازه كي يبقى ولكنها لم تنجح

 :انت حره اعملي اللي انت عايزاه ... ما انت بقيتي دلوقتي ما بتعمليش غير اللي انت عايزاه 

*امسكت يده :انت ليه مش مقدر ان اللي انا عملته ده كان علشانك عشان اقدر اساعدك اه غلطت بس كان غرضي صح 

بقلمي سحر السحرتي 

*نظر لها بغ-ضب ثائ-ر 

:  سيبي ايدي مبدأ الغايه تبرر الوسيله ده ما ينفعش معايا انا راجل وبغير على مراتي جدا قلت لك قبل كده انا كنت هم-وت وانا شايف الراجل بيت-حرش بيكي وانت مش مراتي امال لما اعرف ان كان في واحد عايز يع-تدي عليك و سيادتك اللي جايباه كمان وموجهاله الدعوة 

: قلت لك عشانك 

: انا حتى لو كنت هاخد اع-دام ما كنتيش عملتي كدة يا ريتني فضلت مح-بوس ابعدي عني و سيبيني امشي مش طايق ابص لك 

*ارتمت داخل حضنه لعله يتراجع وهي تبكي 

:ما تسيبنيش يا اياد ارجوك انا بحبك مقدرش ابعد عنك 

*ابعدها من داخل حضنه بع-نف 

:سيبيني دلوقتي يا عنود انا مش شايف قدامي عشان ما اعملش حاجه نندم عليها احنا الاثنين بقولك 

:مش هسيبك انا ما صدقت انك رجعت ليه 

*تمسكت به وكأنها طفله تتمسك في ابيها لكنه ابعدها 

:مش هسيبك بقول لك مش هسيبك انت جوزي ولازم اعرف انت رايح فين و هترجع امتى 

:مش عارف ومش مضطر اقول لك 

: طول ما انت جوزي لازم اعرف كل حاجه عنك 

*استفزته هذه الكلمه فهي لم تقدر انه زوجها ولم تفعل ما طلبه منها بل اسا-ءت التصرف فرد عليها بمنتهى الغ-ضب 

: انت طالق يا عنود 

*نزلت عليها الكلمه كالص-اعقه تركت يده و كأن الزمن توقف والكلمه تتردد في راسها كصدى الصوت

: طالق  ...طالق ... طالق 

*لقد قالها مره واحده ولكنها تكررت في اذنها الاف المرات 

*تركها وانصرف وهي ظلت باقيه في الارض تبكي ندم-ا وال-م الفراق يحر-قها

 *مر عليها يومان لا تعرف عنه شيئا وهو ايضا لا احد يشعر كيف مر عليهم تلك الأيام هل مرت شهور ام سنين

بقلمي سحر السحرتي 

*لم يذهب احد منهم الى الجامعه خلال اليومين انتهت عنود من لوحه المعرض كي تفرغ كل طاقه الغ-ضب و الح-زن في العمل 

*ذهبت  الى دكتوره عزيز في اليوم الثالث لتسلم له اللوحة

:ياه بالسرعه دي لحقتي خلصتيها 

:اه يا دكتور لسه زي ما وعدتني الامتيازات اللي معاها 

:اه طبعا 

:طب استاذن انا

 :مش هتستني لما اياد يجي بعد المحاضره عشان يستلمها لو فيها حاجه 

:معلش مستعجله عندي محاضره مهمه يا ريت يا دكتور لو فيها حاجه حضرتك ابعث لي وابقى بلغني 

*مرت الايام ثقيله لم تتقابل مع اياد فهي تعرف جيدا جدوله وكانت تذهب اما بعده او قبله حتى لا تقابله ويعتقد انها تط-ارده

*التزمت بالمحاضرات و بتنفيذ بعض المشاريع التي كلفت اليها حتى تنتهي من الباقي لها حتى تستطيع الابتعاد عن حبه و اشتياقها له 

*اصبحت مط-فيه الضحكه لا تعرف طريقها كما كانت لقد كان الحب يشعها نورا 

*الدموع كانت صديقتها الوحيده 

*ظل التفكير فيما حدث يره-قها ... هل ما فعلته خطا فعلا؟...  هل رد فعله كان  خطا او ظ-لم لها ؟ ...  هل كان اياد مجرد مرحله كي تعبر مرحله حزنها على والدتها ؟ .... هل سيعود مره اخرى؟ ولو عاد هل ستصبح علاقتهم كما كانت؟ ... هل ستسامحه على تركه لها؟ 

*حاولت ام جابر ان تقيم معها لكنها رفضت بشده وكان اياد هو من دفعها لتذهب لعنود وفهمت هي ذلك 

*ارسل لها معتز من الس-جن يريد ان يراها فذهبت اليه

: نعم خير باعت لي ليه

: ارجوك تتنازلي مستقبلي هيضيع 

:وبالنسبه لمستقبلي اللي ضاع اعمل فيه ايه جوزي اللي طلقني  و بعد عني 

:عنود هعوضك اعمل اي حاجه

 : ايه اللي ممكن تعمله تاني كفايه انت سبت مظ-لوم يتس-جن عشان كنت طمع-ان في مراته بتعتب عليا اني اسيب مج-رم يتس-جن  ... اسفه ما بقتش اسامح خليك يمكن الح-قد اللي جواك يتعدل في السجن مش بيقولوا تهذيب واصلاح

: عنود حرمت انا ذقت طعم الس-جن انا كده هترفد من الجامعه وده حلم حياتي 

: وما فكرتش ليه وانت بتطلب من واحدة تسيب جوزها... وما فكرتش ليه قبل ما تته-جم عليا ويا عالم كنت وصلت لايه ...هفكر واشوف لكن ما اوعدكش

 *عادت الى المنزل وجدت صديقتها دينا في انتظارها هي وشروق خطيبه معتز 

:تعالوا اتفضلوا مستنيين من بدري 

دينا :لا مش من بدري .... عنود شروق جايه عايزه تطلب منك طلب 

:و جايباك واسطه يعني قولي يا شروق خير عايزه ايه

: انا عارفه ان معتز غل-ط بس ممكن تتنازلي انا بحبه ما اقدرش استغنى عنه

: انت عارفه غير انه اته-جم عليا وفتح دماغي عمل ايه كمان خ-رب بيتي قبل ما يبدا  اياد ما قدرش يسامحني

:ارجوك سامحيه بقول لك انا بحبه

 :واذا كان هو مش بيحبك

 :عارفه

*بص-دمة مما سمعته 

: وقابلة تتستمري معاه ... طب انا هسمعك يوم الح-ادثه قال ايه اذا مصره تكملي 

:مش عايزه اسمع

 :لا هتسمعي اقول لك هبعت لك التسجيل اقعدي مع نفسك اسمعي و قرري .. وعلى فكره التنازل مشروط ان اياد يوافق لان هو كمان فضل مح-بوس ظل-م وخطيبك كان معاه دليل البراءه غير انه لما اته-جم عليا وقتها كنت مراته فهاتي موافقه اياد هو كمان 

:يعني لو جبتها هتتنازلي

: اه هتنازل لو انت مصره تفضلي عام-ية  عينك انت مسؤوله عن اختياراتك انا خاي-فه عليك بس واضح انك مش خاي-فه على نفسك 

*ذهبت شروق لمحاوله اقناع اياد بالتنازل وجلست دينا مع عنود

بقلمي سحر السحرتي 

 :هو انتم لسه زعلانين مع بعض بكره هترجعوا 

:لا مش هنرجع هو شايف اني غلط-انه وانا شايفه اني عملت كده عشان انقذه

: طب تحبي اخلي بابا يتدخل و يفهمه ويصلح ما بينكم

 :لا يا دينا ارجوكي انا عايزاه لما يفكر يرجع يبقى قراره هو .... لو رجع بقى و لقاني زي ما انا

: دي ازمه و هتعدي 

:عارفه المقوله بتاعه وهي بتعدي داس-ت علينا فرم-تنا 

*بكت وهي تكمل حديثها 

:هو سابني في اكثر وقت كنت محتاجه له فيه احساس الوحده ده ص-عب قوي ... عارفه اوقات بحس ان ممكن ام-وت ما حدش يحس بيا زي ما حصل لما معتز عورني 

:ما تقوليش كده هو مش كانت في واحده بتقعد مع طنط ما تجيبيها

 :انا الفتره دي شايله نفسي بالعافيه عشان مشاريع الجامعه عايزه اخلص بقى وهانت اخر حاجه وتبدا امتحانات اخر السنه 

:هو انت من يومها ما شفتهوش

 :لا  ... بس كل اما يوحشني بعمل زي المراهقين استخبى و اشوفه وهو خارج من المحاضره .... حتى المعرض ما روحتش مش عايزاه يفكر اني بض-غط عليه عشان يرجع هو خد قراره

:اخده وهو زعلان واكيد قرار متسرع

: مش مهم اخده ازاي المهم انه ما قدرش اني عملت كده ليه....معلش ممكن اطلب منك طلب 

:خير عايزه حاجه 

:اه تعالي ادخلي المرسم له ادوات غاليه رجعيها عشان في طلبه هتأجر المرسم وانا ما رضيتش اتصل عليه يجي ياخدهم لاحسن يحس اني بتلكك عشان اكلمه  

:حاضر هاتي كل حاجه عايزه تديها له

 :كان نفسي اخليها بس بقى لازم اتخلص من اي حاجه تفكرني بيه تصدقي ان انا عامله حكايه موافقته على موضوع معتز يمكن يرجع يتكلم معايا 

: ربنا يهدي الامور ما بينكم يا حبيبتي و ترجعوا لبعض

: اه معلش كمان ممكن تاخدي الشبكه ترجعيها له بس مضطرة اسيب الدبله عشان انا ما قلتش للناس هنا ان انا اتطلقت عشان ما حدش يحاول يته-جم عليا و هبعت له فلوسها اول لما يبقى معايا

 *في اليوم التالي اتصلت عليها شروق لتبلغها راي اياد

عنود اخطأت هل يستحق خطأها رد الفعل هذا من اياد وهل سيعود لها ومن منهم خطاه اكبر

• يتبع الفصل التالي اضغط على (رواية هو انت مين ) اسم الرواية