رواية هو انت مين الفصل الثامن عشر 18 - بقلم سحر السحرتي

  رواية هو انت مين الفصل الثامن عشر 18 - بقلم سحر السحرتي

هو انت مين 

حلقة ١٨

شروق: ايوه يا عنود اياد وافق انك تتنازلي 

:قال لك ايه يا شروق عشان اصدق انه وافق لان مش هروح اساله  وانت عارفة السبب طبعا 

:وافق يا عنود وخلاص

 :هتقولي قال لك ايه بالحرف والا هعتبرك بتك-ذبي عليا  وخلي بالك انا عارفه هيرد ازاي فتقولي بالحرف هو قال 

:طب هقولك بس ارجوك تتنازلي ....قال لو شايفه انها عملت حاجه صح وهو ما غل-طش تروح تتنازل انا عن نفسي هي ما بقتش على ذمتي عشان المره دي اللي ما نجحش فيه يقدر ينجح

*همست لنفسها

: طول عمره دب-شه 

*ثم اكملت 

:خلاص هروح اتنازل

 :اجي لك بكرة  نروح سوا

: لا يا شروق يومين سيبيه يتربى شويه

 :يعني امتى 

:اخر يوم امتحانات عشان ما اشوفش وشه ثاني 

*انتهت من الامتحانات كان اياد يتعمد الا يدخل لجنه امتحانات هي بها وهي كانت بانتظاره لكنه لم يدخل نهائي 

*خرجت من اخر امتحان وتوجهت للنيابه لكي تتنازل وتكتب تعهد على معتز بعدم الت-عرض لها

 *علمت انه سوف يعود للجامعه لان دكتور سميح والد شروق قد قدم له اجازه حتى لا يفصل واستخدم علاقاته للموافقه عليها

بقلمي سحر السحرتي 

*عادت الى المنزل شعرت باره-اق كبير وتع-ب السنين حل عليها فذهبت في نوم عميق استمر يومين لم تستيقظ ولم تنتبه ان الهاتف قد فصل شحن 

*استيقظت لا تعرف كم استغرقت من الوقت لكنها شعرت بالجوع ذهبت الى المطبخ وقامت باعداد وجبه لذيذه 

*نزلت تحمل صينيه طعام لعم جاد

: انا جيت اكل معاك بقالي يومين نايمه بعد ما خلصت امتحانات كأني كنت في غيبوبه زهقت كمان من الاكل لوحدي قلت يا دودو ما لكيش غير الحبيب الاولي اللي دايما يقول شعر في اكلك ويشجع.... 

*وجدت اياد يخرج من داخل الورشه فاكملت بض-يق

: طب يا عم جاد بالهناء والشفاء ابقى ابعت حد بالصينيه لما تخلص

 *امسك اياد يدها 

:تعالي انا خلصت و ماشي 

*نفضت يدها بق-وه

: نفسي اتسدت 

جاد : تعالي بس يا دودو يا بنتي انا هصالحك على جوزك هي بس وزت شيطان وراحت لحالها 

*تحدثت بك-سره و-حزن

: خلاص يا عم جاد ما بقاش جوزي كل اللي بينا انتهى بس ما تقولش لحد هنا في المنطقه

*واسرعت بالعوده الى المنزل تبكي فقد اشتاقت له كثيرا ارادت منه بدلا من ان يمسك يدها ان يحتضنها ولكنها احلام 

*بعد عده ايام ذهبت الى الجامعه كان هناك ملتقى لبعض مكاتب الديكور لتوظيف حديثي التخرج 

*جلست امام احد أعضاء مكتب الديكور المشترك في الملتقى

*بدأ يقلب في السي في الخاص بها وظل يعيد النظر اكثر من مره على السن فتحدثت معه بسخافه

 :هو في حاجه حضرتك ماسك البطاقه وعمال تبص فيها بقالك ساعة هي فيها حاجه غلط

*تحدث بسماجة

:بحسب السن انت اكبر واحده في المتخرجين 

:هو الاعلان بيشترط السن انتم طالبين حديثي التخرج

: ايوه بس سنك اكبر منهم بسنتين او ثلاثه 

:هو انت جاي بتنقي عروسه هو في ايه 

:انت بتتكلمي معايا كده ليه هو في واحده جايه تعمل مقابله شغل تتكلم كده عمر ما حد هيقبلك

 :ودي مش مقابله شغل مالك ومال السن اللي مش شرط وبعدين من الاول وانا عارفه ان الملتقى ده بلح و بتبقوا محددين من الاول هتاخدوا مين بس بتيجوا دعايه لنفسكم 

بقلمي سحر السحرتي 

*كان اياد يتابعها ويضحك على اسلوبها وقبل ان تقف لتنصرف ارسل صديقه حسن لها 

:صباح الخير في ايه يا انسه صوتك عالي و متضايقه كده ليه

 :وانت مين انت كمان

: انا رئيسه و شايف انك متضايقه ممكن افهم ايه الحكايه

 *شرحت له ما حدث

 :اه هو انت باشمهندسه عنود بقى ...  طب معلش اتفضلي قوم انت يا محسن اقعد هناك مكاني

: هو حضرتك تعرفني

 :الحقيقه انا معايا كام اسم دكتور عزيز شكر فيهم وقال انك فنانه وانك اكبر دفعتك بس تقديرك ممتاز وانا الصراحه بثق في رايه جدا لاني بعمل تحريات الاول عن الطلبة قبل ما اقبل حد 

 *ابتسمت له

: يعني افهم من كده انكم فعلا بتختاروا من الطلبه

 :الصراحه احنا بناخذ المميزين زي حضرتك لما بنكون محتاجين ..... ممكن تقعدي و تكملي المقابله معايا شخصيا 

:اكيد ....  هو اللي قام ده صاحبك 

:اه و شريكي في المكتب ليه 

:رخ-م قوي بيفكرني بواحد

 *ضحك بصوت مرتفع فهو يعلم من تقصد فاست-شاط اياد غض-با وهي ابتسمت بدورها من ضحكته 

*مد يده وسلم عليها :اسمي بشمهندس حسن نبدا المقابله من الاول

: عنود الصواف

: اسم جميل و صاحبته اجمل

 :لا واضح ان المقابله مش هتكمل

: ليه دي مجامله مش معاكسه عشان افك التوتر اللي حصل 

:اذا كان كده ماشي

: السي في بتاعك ممتاز بس في سر انك متخرجه السنه دي 

:اه ظروف كانت بتمنعني ادخل الامتحان 

:ويا ترى الظروف دي لسه قائمه اقصد هتعطلك كمان عن الشغل 

*شردت وهي تقول بحزن 

:لا الله يرحمها .... لا ما فيش اي ظروف تمنعني

: احنا بنفذ مشاريع خارج المحافظه اوقات هتقدري تسافري ولة الحاله الاجتماعيه تمنع 

:لا مكتوب عند حضرتك في البطاقه ان انا انسه 

:اه بس لو مخطوبه هتبقى انسه برده كمان شايف دبلة في ايدك

:لا مش مخطوبه ولبساها عشان المضايقات اللي بتعرض لها 

 :كل تصميماتك وشغلك فوق الممتاز عندك استعداد تمضي معانا العقد

: دلوقتي

: ما نقدرش نسيب جوهره زيك من غير ما تنضم للمكتب بتاعنا

 :مش لما اشوف باقي المكاتب 

:صدقيني الراتب مغري لاننا محتاجين مهندسه بموهبتك ونشاطك

 :ممكن اقول حاجه فضوليه شويه 

: اتفضلي

 :هو انت اي شغل بتتفق بنفسك عليه 

:اه عرفتي من اين 

:اصلك شاطر قوي و اسلوبك ظريف بلاش صاحبك الثاني اسمه ايه ...  اه محسن يتفق هيبوظ كل حاجه كمان ولو هشتغل بلاش اتعامل معاه 

:هو بس مش بيحب يعمل مقابلات العمل بيحب يشتغل تخصصه بس تقدري تقولي هو والرسومات بينفردوا بنفسهم و بيعمل شغل ممتاز بكره تشتغلي معاه و تجربيه 

:ممكن اعرف الراتب كام 

:على طول كده

 :عشان اقدر افكر

: طب يا ستي الراتب ...

: ده مبلغ كبير

 :عشان اخر الملتقى تمضي معانا بس لازم تعرفي ان في شرط جزائي ما تقدريش تسيبي الشغل قبل ست شهور او احنا نمشيكي

: افرض ما عجبنيش الشغل معاكوا استحملكم ست شهور ازاي

 :ما احنا كمان لو شغلك ما عجبناش هنستحملك وهو غالبا مش هيحصل لان شغلك مناسب جدا لنا وانا زي ما انت شايفة ما حدش يشتغل معايا و يسيبني 

*وضحكا معا فرن هاتفه برقم اياد فاستأذن ان يرد

بقلمي سحر السحرتي 

: ايه يا دنجوان عصرك انا بقول لك توظفها ولا تعلقها بطل ضحك وياها احسنلك 

:حاضر يا فندم ابعتها ونشوف السي في بتاعها بس يا ريت تلحق لان الطلبه الممتازين قدامنا كثير في الانتظار مع السلامه ....  شفتي ناس كثير بتتحايل علينا ناخذ اولادهم يا ريت توقعي عشان اقدر اقول لهم ان خلاص عينت

: بس محتاجه اشوف اختيارات ثانيه

 :طب وقعي ولو اخر الملتقى لقيتي مكتب افضل هعتبرك ما وقعتيش كويس كده

: لا انا افضل افكر الاول خصوصا ان في شرط جزائي و الفتره طويله كل المكاتب بتكون ثلاث شهور اشمعنا انتم ست شهور ولو الموظف مش كويس تستحملوه و تدفعوا راتب ست شهور ليه 

:احنا عشان كده بنقي الموظفين كويس ولو حصلت بنوصل معاه لحل وسط ومساله ان هو يقعد ست شهور لان اوقات بنبقى مرتبطين بمشاريع معينه و بيسيبنا في نصها 

 *وقفت وسلمت عليه 

:اتشرفت بمعرفتك يا باشمهندس هلف لفه وارجع لك

 :انت بتشتري فستان عموما انا اللي اتشرفت وفي انتظارك 

*ضحكت على طرفته بصوت عالي فقط شاهدت اياد يتابعها 

*دائما صوت ضحكتها العالي تسحره وتجعله مهووس بها

*تقابلت مع هند صديقتها 

:عملتي ايه يا هند 

:معظمها مكاتب واقعه ورواتب واقعه كمان 

: هههههه طب جربي المكتب اللي هناك ده كنت بعمل لسة معاهم مقابله كويسين 

*جلست هند فشرد حسن في جمالها فقد كانت رقيقه وطيبه فعرض عليها العمل معهم فوافقت على الفور فجعلها توقع العقد قبل ان تبدل رايها فذهبت لعنود وهي سعيده

: يا بنتي مش كنت فكرتي بدل ما تدبسي 

:هو مين هيشغلني بمؤهلاتي دي وكمان الراتب كويس وشكلهم مكتب كبير ومحترم وظريف قوي 

هو مين ده اللي ظريف المكتب 

:اه امال مفكره مين 

*فنظرت عنود في اتجاه حسن الذي لم ينزل عينه من على هند 

:اااه قلتيلي من ناحيه ظريف هو دمه خفيف كمان الحقيقه انا ما بطلتش ضحك طول المقابلة 

:مش كده طب روحي وقعي العقد معاهم عشان نبقى مع بعض انا مبسوطه قوي اننا هنكون في مكتب واحد

: لا انا هفكر انا كلي امكانيات يا بنتي 

*جذبتها من يدها :تعالي بقى ما تبقيش عنديه زي اسمك

 :استني بس هسال عليهم الاول 

:هتسالي مين 

:اهو دكتور عزيز هناك

 *ذهبت لعزيز وقامت بسؤاله فكانت اجابته مطمئنه فوقعت العقد معهم 

حسن: هتبدأي الشغل معانا من بكره 

:لا بعد اسبوع

 :ليه

 :مسافره كام يوم اغير جو و افصل من الامتحانات وابدأ بعدها شغل 

:خلاص يبقى اول الاسبوع الجاي تبدأي معانا 

:شكرا لتفهم حضرتك

*قبل أن تنصرف نظرت لاياد واعطت هند ظرف تسلمه له وذهبت بسرعه 

: دكتور اياد عنود باعتة لحضرتك ده

: ايه ده يا هند 

: معرفش فيه رساله جوة قالت اوصلها لك

*فتح اياد الظرف وجده مبلغ من المال ومعه رساله 

: ده مبلغ بدل الدبلة اسفة مضطرة احتفظ بيها لها ذكريات خاصة عندي عشان خيالك ما يروحش لبعيد ماما اللي اختارتها وشكرا انك صبرت على الفلوس الفترة وشكرا كمان على كل حاجه حلوه شفتها معاك انتهت الظروف اللي تخلينا نشوف بعض ثاني اتمنى لك حياه سعيده 

*وضع قبضته على الورقة وقام بطيها بعص-بية فقد است-فذته تلك الكلمات 

: طيب يا عنود مفكره نفسك خلصتي مني

بقلمي سحر السحرتي 

*بعد ان ذهبت تحدث اياد مع حسن بح-ده

: هو انا كنت بقول لك اتعاقد معاها بس تجيب صاحبتها كمان احنا مش محتاجين حد اصلا 

:اصلها عجبتني قوي

 :هي مين دي بدل ما الط-شلك

 :صاحبتها يا عم ما انا عارف انها كانت خطيبتك ... كويس انها ما اخدتش بالها مننا 

: وهو كل واحدة هتعجبك هتعينها

:لا يا سيدي دي مختلفة حسيت قلبي بيدق جامد معاها

: طيب يا عم الحبيب أما نشوف دي اللي هت-هدك ولة هيبقى زيها زي غيرها... تعالى هنا يا استاذ محسن زف-ت كنت هتبوظ الموضوع وكانت هتمشي من الملتقى كله من غير ما تتعاقد معاكم كويس ان حسن اتصرف 

:مش انت اللي قلت لي ارسم الدور و اتقل 

:انت ترسم على الورق بس مش عارف خطيبتك عاجبها فيك ايه... وانت يا سي حسن نازل ضحك معاها

: يا عم خليك فرفوش كنت بشدها واصلح اللي بوظه الاستاذ محسن حتى مش عايزه تتعامل معاه في الشغل من أسلوبه

:هتيجي بكره الساعه كام

 :مش جايه بكره هتيجي بعد اسبوع 

:ليه من اولها 

:مسافره تغير جو من ضغط الامتحانات اقول لها لا 

:مسافره فين 

:وانا هفتح معاها تحقيق عشان تشك 

*حضر عزيز :ها يا اياد مش ناوي تغير رايك و تيجي معانا 

:فين يا دكتور

 :انت نسيت سفريه الصيف رايحين على اسكندريه 

:هي عنود جايه

 :اه دينا عزمتها و اصرت عليها لانها خلاص هتتجوز واحتمال ما يعرفوش يسافروا ثاني مع بعض 

:هي مين اللي هتتجوز

 :دينا مالك بتنسى كثير قوي ما خطيبها قدامك اهو 

*اخذ اياد نفس كبير وقال بفرحه

 :الف مبروك يا دكتور معلش بنسى فعلا

*ضحك صديقه حسن

: اظن انت مسافر يا بختك ما تاخدنا معاك 

:اه عشان تعرف انكم اصحابي 

:يعني هي مش هتعرف لما تيجي الشركة 

: هتعرف لما تمسك مشروع و تتحمس له لاني عارف انها عنديه ورد فعلها وحش وممكن تسيب الشغل حتى مع وجود الشرط الجزائي 

: ولما انت دايب كده سبتها ليه ده حتى ما فيش منها اثنين

 :حسن لم نفسك

: لميت بس الحقها لان واحده في جمالها مش هتقعد

 :حسن

 :خلاص خلاص انا رايح المكتب هتيجي 

:لا هروح اوضب الشنطه

 *في الاسكندريه تفاجات عنود بوجود اياد 

:دينا انت مش قلتي انه مش جاي

 :امبارح في اخر لحظه قال لبابا انه جاي

: وما قلتليش ليه ما كنتش جيت

 :عشان كده انا خلاص هتجوز ويا عالم هنعرف نتجمع مع بعض تاني ولة لا 

:خلاص خليك جنبي على طول عشان ما يحتكش بيا ويا رب ما يفتكرش ان انا كنت عارفه ان هو جاي وجيت مخصوص عشانه 

:ما تخافيش وبعدين انت لسه منشفه راسك

 :منشفه راسي عن ايه هو كان اعتذر عن اللي عامله وانا رفضت

: اللي عمله ... ده كان رد فعل طبيعي للي انت عملتيه

 :حتى لو غلطت كان لازم يقدر اني عملت كده عشانه 

:انت بتغالطي نفسك ومعنى انه غير رايه وجه معانا يمكن عرف انك طالعه و بيحاول يتصالح معاكي

: لا خلاص مفيش صلح انا قلبي اتقفل من ناحيته

 :عيني في عينك

: لا عيني ولا بقي ... انت عارفه دماغي عنديه ...  اوعي كمان الاقي باباك جايب معتز كمان عشان تكمل

: لا بابا بعد اللي عمله بيتجنبوا خالص وكان على خلاف مع دكتور سميح انه اتوسط له عشان يفضل في الجامعه وبيفكر ينقله قسم دكتور سميح 

:طب يلا ننزل البحر

 *ارتدت مايوه سوت بنص كم و شورت طويل مجسم  رغم علمها ان ذلك سي-جنن اياد اذا راه لكنها ارادت ذلك وبشده 

*فهم اياد ما ترمي اليه فلم يتحرك ساكنا

 *لعبت مع دينا في الماء الى ان ارهقت فصعدوا ليستريحوا 

*بعد قليل كانت كره شاطئ تص-طدم بها فوجدت شاب وسيم اعتذر لها وعرض عليها ان تلعب معهم الكره الطائره فوافقت 

دينا :اقعدي هنا اتهدي شوفي بصاته هت-ولع فيكي 

:انا سنجل دلوقتي سيبيني اتبسط قبل ما اتسحل في الشغل هو مالوش اي حق عندي 

بقلمي سحر السحرتي 

 *قام اياد ليلعب هو ايضا معهم وكل برهه يصطدم بها بكتفه وكأنه يريد ضرب الكره  ويوقع عنود على الارض من دفعته 

*لم تعره اي اهتمام أو تتحدث معه لكن عندما كررها قالت بغض-ب 

:مش تفتح وتخلي بالك

 :دي منطقتي اللي بلعب فيها 

: طب خليها لك كلها هروح العب مع الفريق الثاني و سيبالك 

*نظر لها بكل تحدى نظرته الم-رعبة التي كانت تراها في الجامعه للطلبه 

: وريني هتتحركي من الفريق ده ازاي 

:وانت مالك 

:ما اسمعش الكلمه دي عشان تصرفي هيبقى وحش قدام الناس

 :وانت مين عشان تمنعني 

:هو انا منعتك مش بتلعبي العبي مع الفريق ده

: مش لاعبه لا معاك ولا مع الفريق الثاني هروح اقعد

 :احسن برده 

*عادت لتجلس مع دينا التي كانت تضحك بق-وه عليها

 :اما انت شكلك كل شويه وانت بتقعي في الارض حاجه مس-خره 

:بس ما تشحنيني بدل ما اجيبه من شعره

 :قلت لك اقعدي عارفه اللي بيضايقه و بتعمليه اهو ظبطك 

: ماشي يا اياد هوريك ... هتروحي معاهم السفاري بتاع بالليل

 :هو انت هتروحي مش كفايه اللي حصل في سفاري الفيوم

: هنا مفيش حيوانات ها جايه 

:لا خطيبي مش موافق قالي استني نطلع سوا لما يوصل بعد يومين 

:خلاص انا هطلع معاهم وانت خليك اطلعي مع خطيبك لما اروح اقول لهم يعملوا حسابي 

*اتفقت عنود ان تذهب معهم رحله السفاري في المساء 

*في الموعد المحدد في المساء كان اسلام الشاب المسؤول عن رحله السفاري يعتذر لعنود

: اسف يا عنود العدد كبير وما فيش بيتش باجي بالعدد ده كله

هل عنود ستذهب السفاري معهم وهل ستمر بسلام عكس سفاري الفيوم وما موقف اياد من ذلك

• يتبع الفصل التالي اضغط على (رواية هو انت مين ) اسم الرواية