رواية هو انت مين الفصل التاسع عشر 19 - بقلم سحر السحرتي

  رواية هو انت مين الفصل التاسع عشر 19 - بقلم سحر السحرتي

هو انت مين 

حلقة ١٩

*تحدثت ببعض الضيق 

عنود: يعني ايه مليش مكان ارجع غرفتي مثلا 

:لا احنا قلنا كل اثنين يركبوا واحد كده نقدر كلنا نركب

 :ماشي موافقه 

:بس للاسف كلهم عملوا كابلز ما فاضلش غيرك

 :يعني مفيش حد معايا ولا مفيش بيتش باجي اصلا ليا 

:لا في بس هتركبي مع اللي فاضل

 :خلاص اوكي 

:معاكي عربيه ولة تحبي تركبي معانا احنا متجمعين في كام عربيه لان المكان بعيد شويه 

 :معايا عربيتي بس اخاف تعطل بيا وانت بتقول المكان بعيد 

:طب تعالى معانا في الجيب المفتوح ولة نشوف لك عربية مقفولة 

:معاكم طبعا انا عايزه اركب الجيب المفتوح 

*ركبت معهم الى ان وصلوا لمكان السفاري 

*اخرجت نفس عميق و بق-وه وغي-ظ عندما اكتشفت ان شريكها هو اياد

: اسلام هو ما فيش بنت تبقى هي شريكتي 

:للاسف قلت لك كلهم كابلز 

:خلاص انا هرجع

 :مش هينفع انت جايه معانا وكلنا طالعين الرحله مش معقول هنسيبك تحرسي العربيات لوحدك في المكان ده  ... وبعدين انت زعلانه ليه ده دكتور اياد محترم جدا 

:معلش يا اسلام انا هستناكم هنا 

*قبل ان تكمل جملتها وجدت يد اياد تمسك بيدها و يجذبها خلفه لتركب معه بق-وة وقال

: خلاص يا اسلام اتحركوا 

:ممكن لو سمحت تسيب ايدي انا مش عايزه اركب معاك 

:المشكله فيا يعني لو حد ثاني هتركبي وراه عادي

: لو بنت هركب 

:ما انت جايه وما تعرفيش انت هتركبي ورا مين مشكلتك قله التفكير طول عمرك تصرفاتك غب-يه 

:هو انت مش كنت بطلت الدب-ش ده

 :رجعت له .. حبيته

: طب  بلاشه معايا  عشان انا بقيت واحده امها ماتت و مطلقه يعني مش باقيه على حاجه واي حد هيزعلني هحزنه على نفسه 

:يا جامد طب امسكي كويس فيا

 :مش همسك فيك سوق وانت ساكت

بقلمي سحر السحرتي 

 *تعمد اياد ان يقود بسرعه و انحناءات حتى تضطر ان تتمسك به لكنها عنيده و كادت ان تس-قط

: امسكي كويس يا عنود احسن انزلك هنا في وسط الصحراء وما تعرفيش مين ممكن يطلع لك ثعلب اسد

 :امشي وانت ساكت مش همسك 

*اوقف اياد البيتش باجي 

:انزلي ما عنديش استعداد اشيلك مص-ابه زي المره اللي فاتت 

:ماشي هنزل

 :ما ترجعيش تعيطي 

*استغل اياد وجود حرباء كبيره تقترب منها

 :انا ماشي خليكي بقى اهي بدات تندع تكير يا بيبي

 *قفزت سريعا خلفه و امسكته و احتضنته بق-وة 

:امشي امشي مش هطلع السفاري ده تاني انت فقري قوي طول عمري بطلع عمري ما شفت كميه الحيوانات المفت-رسه دي غير معاك 

*ضحك عليها ثم همس بصوت ضعيف 

:وحشتيني يا قلبي 

*ولكنها سمعته و تظاهرت بالعكس وسرحت في ذكرياتهم الجميلة سويا وقالت في نفسها 

:وانت كمان يا حبيبي وحشتني قوي بس برده هعذبك ولا يمكن ارجع بسهوله

 *ظل يمشي بشكل متعرج كي تتمسك به اكثر و تحتضنه بقوه اكبر وهي كانت تفهم ذلك وتستجيب لنجاح خطته فهي كانت تشتاق اليه مثله و اكثر 

*توقفوا لتناول العشاء فابتعدت عنه وتناولت الطعام مع باقي الشباب وجلست تتكلم و تمزح معهم 

*كانت ملامح وجهه ح-اده وكان يش-تعل من الغض-ب لتجاهلها له وكادت أن تبدأ بالرقص معهم 

*طلب من اسلام ان يبلغ عنود انه سوف ينصرف وعليها الذهاب معه فوافقت لان لا مجال للعودة سوى معه

 *وقف اياد في منتصف الطريق والتفت اليها 

: انت كل حاجه بتض-ايقني بتعمليها النهارده ليه 

:هو انا هعمل اللي بيضاي-قك ليه واللي بتحبه ..  احنا انفصلنا خلاص وكل واحد خرج من حياة الثاني مركز ليه مع تصرفاتي و حاسس اني بتعمد اضايقك 

:انت فاهمه وعارفه ليه

 :بعشق فيك الاست-هبال بدل ما تدخل في الموضوع مباشره وتعتذر 

:عنود انا مش هعتذر انا ما عملتش حاجه 

:تمام لما انت ما عملتش حاجه عايز مني ايه

: عايز دي

 *وقام بتقبيلها بق-سوه وعن-ف عق-ابا لما سببته له من غض-ب فنهرته و ابعدته

: لو سمحت بلاش تتجاوز حدودك معايا انا كنت بسمح لك لانك كنت جوزي وكان من حقك لكن دلوقتي لا

: تعالي نطلع على الماذون دلوقتي 

:سمعتني كويس لا والف لا مش تطلقني بمزاجك و ترجعني بمزاجك

بقلمي سحر السحرتي 

*وبدات في البكاء الذي حاولت كتمانه منذ بداية رؤيته ثم قامت بص-فع نفسها بق-وة فف-زع  مما فعلته 

: بتعملي ايه 

: بعاق-ب نفسي على ضعفها قدامك لاني حذرتها تبكي انا بقيت قوية  ... انت سبتني وانت عارف اني محتاجه لك قوي سبتني اعيش لوحدي عارف احساس الوحده قات-ل ازاي 

*وضع يده على وجهها ومسح دموعها 

:عارف يا حبيبتي لاني انا كمان عشته من غيرك 

:لا انت ما تعرفش حاجه عنه لانك راجل ممكن في اي لحظه تنزل تشوف ناس وتتكلم لكن انا لا  ... عارف يعني ايه تحرمني من حضنك ومن احساس انك سندي ... عارف تغرق-ني في حبك و كاني بقيت مدم-نة الحب ده وفجأة تقطعه عني مرة واحدة 

:غص-ب عني اللي عملتيه ص-عب قوي على اي راجل يتحمله

 :وانت مش زي اي راجل وحبنا ما كانش زي اي حب  اي اثنين قبل ما يسيبوا بعض بيحصل بينهم خلافات تمهد للانفصال احنا عمرنا ما اختلفنا ولا لحظة انت كنت محسسني اني بنتك المدلعة واخد بالك من كل همسة ليا فهمني ليه

:عنود انت عرض-تي نفسك عليه وهو اته-جم عليك و لمسك 

:ما لحقش وكنت بضحك عليه مش بع-رض نفسي عليه عشانك

 :ما طلبتش منك انت عملتي عكس ما طلبت انا راجل وبحبك قوي وبغ-ير عليك قوي قوي 

*امسك يدها و قبلها

: وحشتيني قوي يا عمري 

*سحبت يدها منه

: وانا لسه مش مسامحاك لان احتجت لك كثير ايام وليالي بنام وانا بنادي باسمك وانت سبتني وعارف اني لوحدي هي دي وصيه ماما لك

: يومها قلت لك سيبيني امشي انا مش شايف قدامي وانت اللي استف-زتيني

 :هو انت بتسمي اني متمسكه بيك ومش عايزاك تنزل وانت زعلان اني بست-فزك

: اه ممكن بقى تنسي اللي حصل انا كمان هنسى

: لا انا مش بنسى وقلبي اسود افرض كان جرى لي حاجه وانا لوحدي

: يا حبيبتي كنت بسال عليك ام جابر وعم جاد

 :يا سلام ما قصرتش بصحيح  ... اياد يلا نرجع عشان انا لسه شايله في قلبي منك وانت اخترت النهايه وانا اقلمت حياتي عليها

: يعني ايه الكلام ده 

:يعني انا مش تحت امر مزاج حضرتك تطلقني وقت ما تحب وترجع لي وقت ما تحب

: طب تحبي ارجع امتى وانا هرجع 

:ما ترجعش خالص انا هشوف حياتي واشتغل وبعدين افكر في الجواز

 :وانا هستناك

: لا ما تستناش لان لو اخترت هيبقى حد غيرك 

:مش هسيبك لحد غيري الا وانا م-يت

 :مفكر انك بالكلمتين دول هترجعني يبقى بتحلم 

:انا عارف ان دماغك ناشفه و هتتع-بيني

: ارجوك افقد الامل مني وسيبني في حالي والحمد لله خلصت الجامعه عشان ابطل اشوفك صدفه

 :مش هتعرفي تخلصي مني بالسهوله دي 

:قصدك ايه

: بعدين هتفهمي قصدي

بقلمي سحر السحرتي 

*عاد الى القياده ولم تتمسك به هذه المره لكن ظلت تعاتب نفسها 

:انت غبيه ما تبطلي دماغك الناشفه دي .. ما كنتي تترمي في حضنه و رجعتي انت نفسك ترجعي له  .... اسكتي بس انت مش هرجع بالسهوله دي عشان ما يفكرش يسيبني تاني ....  افضلي ماشيه ورا دماغك لما هتسوحك و تخس-ريه .... لا هو بيحبني ... بس ممكن يزهق ... تفتكري  .. اه  ... هو انا ليه بعمل عكس ما انا عايزه  ....عشان انت عنديه و العند بيضيع كل حاجه حلوه 

*وصلت الى مكان ركن السيارات لكن لم يصل اسلام بعد وقد اتت معه وباقي البنات فعرض اياد عليها ان يوصلها

 :ماشي

 :وافقتي يعني بسهوله المره دي ما وجعتيش قلبي

 :عشان انت السبب مشيت بدري قبلهم وانا نسيت اني جيت معاهم فلازم تكفر عن ذنبك 

:طب همشي وخليك مستنياهم

 :مع السلامه ولا يهمني وانت عارف

: دماغك دي هتج-لطني 

*تمتمت: بعد الش-ر

 :بتقولي حاجه

 :بقول بطل تتعامل معايا و هتبقى صحتك احسن 

:طب اركبي هترجعي للفندق ولا ناويه تتس-رمحي في حته ثانيه 

:هو ايه تتس-رمحي دي يا دبش-ك 

:بطلي تتعاملي معايا ومش هتسمعي الدب-ش ده

 :انا بحاول من زمان وانت اللي بتطاردني

: اه كل-ب و بيطارد عظمه

: الحمد لله ان انا العظمه

 *انتبه اياد لما قال فضحك على نفسه وعلى رد فعلها فضحكت بدورها هي الاخرى 

:مجن-ونه و عن-يده 

:ميرسي

: لا و بارده كمان

: شكرا جدا من قلبي

 *تعمدت است-فزازه ببرود رغم الن-ار التي بداخلها 

*وصلت الى الفندق 

:شكرا يا كابتن على التوصيله اتمنى ما تتكررش

 :كابتن انا دكتور على فكره 

:مش بالنسبه لي خلاص ما بقتش تدرس لي انا اتخرجت

 :طب باشمهندس حتى

: مش هتفرق ... باااي  .. حاول ما اتقابلش مع الس-حنه دي تاني 

:السح-نه دي الله يرحم كنت بتقولي شعر فيها 

:كنت يعني  زمان قول للزمان ارجع يا زمان 

 *واسرعت من امامه قبل ان يج-لط من برودها و ردودها 

*دخلت تبكي لدينا وجلست في التراس تحكي لها ما حدث 

*كان اياد يمكث في الغرفه المجاوره واستمع الى حوارها و بكائها الشديد 

:يا بنتي ما انا قلت لك انك غل-طانة ضيعت فرصه انك ترجعي له ليه

 :كده مهما يكون كان لازم يستنى معايا او يمشي شويه ويرجع لكن ده نهى كل حاجه في ثانيه بكلمه واحده انت طالق كدة بكل بساطة

: و ناويه ترجعي امتى 

:مش عارفه يمكن اجن-نه شويه ويمكن لا

 :لا ايه انت مش بتحبيه انت بتعشقيه 

:برضو لو ده ك-سر قلبي ببعده عني

 :انت غل-طانة و بتكابري انا داخله انام مش هتنامي 

:لا احمد بعث لي رساله بابا هيكلمني فيديو كول

: هو عرف بموضوع مامتك اه بس ما عرفش بطلاقي لانه تعب بعد خبر ماما فقلنا كفايه عليه خبطه واحده 

صح:خلاص ارجعي وكأنه ما حصلش

 :روحي نامي احسن و بطلي تقولي ارجعي دي مش راجعه غير لما يعرف قيمتي ويفكر مليون مرة قبل ما يسيبني

: انت حره دماغك دي هتوديكي في داه-يه 

: شكرا على مدح حضرتك 

: ايه ده انت باردة قوي كده ليه النهارده 

:بجد اسلوب جديد بحاول اتقنه عجبك

: عجبني ايه ده فرستي

: هو ده المطلوب 

*ذهبت دينا للنوم واتصل أحمد عليها وتحدثت مع والدها 

:بابا حبيبي ازيك عامل ايه وحشتني قوي

 :كويس يا حبيبتي انت عامله ايه و بتول كويسين مع بعض

: اه كويسين قوي بس انت عارف بتول بتلف حوالين نفسها من العيال 

:مش المفروض كبروا

: انت عارف انها مدلعه وكانت راميه المسؤوليه على ماما

: الله يرحمها يا حبيبتي وعامله ايه مع جوزك مفيش مره يستنى عشان يكلمني و اتعرف عليه

: معلش يا بابا انت عارف ان المكالمه بتاعتنا بتبقى متاخره عشان  فرق التوقيت وبتبقى كل فترة طويلة هحاول مره ثانيه اخليه يسهر معايا عشان يكلمك 

:خلاص يا حبيبتي بلغيه اني نفسي اتعرف عليه وخلي بالك من نفسك انا نازل الشغل هحاول اكلمك ثاني

: يا ريت يا بابا انا هبقى اسهر عشان اكلمك فرق التوقيت ده مخليني مش عارفه اشبع منك وخلاص الحمد لله خلصت مذاكره وامتحانات

 *استمرت المكالمه مع احمد بعد ان نزل والدها للعمل وكان اياد مازال يستمع اليها 

احمد: مالك يا عنود شكلك مش مبسوط

: احمد هو ممكن اسافر عندكم انا تعبت هنا قوي لوحدي 

*ارتع-ب اياد عندما استمع انها تريد السفر

: تسافري ازاي هو انت اتصرفتي في اسمك الممنوع من السفر

: لا هجره غير شرعيه بس ما كنتش عارفه اسافر  زمان انا وماما لان صحتها ما كانتش هتسمح

: هو انت اتج-ننتي هجره غير شرعيه ايه اللي انت عايزه تسافري بيها  وانت بنت لوحدك مش هتعقلي بقى و تفكري في نتيجه تصرفاتك ما ده كان سبب الخلاف بينك وبين اياد انت مش بتعرفي تفكري 

*بكت وهي تقول

: ما حدش فاهمني ولا حد مقدر اللي عملته ده عشان غيري كل الناس مطلعاني غلط-انه

: ما انت فعلا غلط-انه عايزانا نسقف لك

 :لا مش عايزه حد يسقف لي عايزه حد يفهمني يفهم اسبابي يطبطب عليا مش كلكم عليا بجد تعبت ومش مبينه ده انا تعبت من يوم الأزمة واتمرم-طت كثير و كأن الحياة مش عايزاني افرح اول ما لقيت حد يحبني وأحبه امي راحت مني وشوية وهو كمان راح

بقلمي سحر السحرتي 

*حزن على حالها فتكلم بحنيه 

:هو ما فيش امل ترجعي لاياد انا متاكد انه بيحبك 

:لا مش عايزه ارجع

 :يعني هو فاتحك في موضوع الرجوع وانت رفضتي 

:اه فاتحني النهارده

 :ليه يا غب-يه 

:عشان سابني لوحدي في اكثر وقت كنت محتاجه له فيه 

:بصراحه انا لو مكانه ما كنتش سبتك بس كنت دبح-تك انت عملتي حاجه ما فيش راجل في الدنيا يقبلها على نفسه وكويس انه فكر يرجع لك ثاني

 *بكت بشه-اقات وعلا صوتها 

:هو ما فيش حد معايا ح-رام عليك ....  انت عارف انا كنت محتاجه له قد ايه عارف انا بخ-اف من الحيوانات قد ايه لما كان بيطلع لي فار في بيت جدو لانه قديم كنت ببقى عامله ازاي من الخ-وف و بنادي عليه مش موجود ....  انا مره نمت فوق الكرسي لاني خايفه الفار يطلع يعض-ني ....  عارف لما النور كان بيقطع كنت بص-رخ ازاي وانا لوحدي ....  انا كنت شايله جبل و مستحمله عشان ماما اللي كانت مقوي-اني ... اه غل-طت كان يفضل جنبي و مخاصمني 

:ما هو قال لام جابر تقعد معاكي و تبات كمان رفضتي ليه

: كنت هدفع لها منين ولا انت تقبل على اختك تعيش على الصدقة 

:صدقة  ازاي 

:ما لما هو اللي يدفع لام جابر وما فيش اي رابط بينا تبقى صدقة ولا لها مسمى ثاني 

: ما انت كنت بتدفعي لها 

:مش ملاحقه لاني كنت بشتغل على مشروعات الجامعه عشان اخلص السنه اللي فاضله ليا فبشتغل على قد احتياجي ...  زمان كنت بشتغل اكثر و باجل الامتحانات عشان ماما كانت موجوده

: انا اسف يا حبيبتي ما كنتش اعرف ان الوضع كده 

:الوضع اسوء من كده بس انا اللي مش بتكلم  ... الناس شايفه ضحكتي و شقاوتي بس ما حدش حاسس بيا  ... الراجل الوحيد اللي حبيته وسلمته قلبي سابني و شاف غلط-تي ك-ارثه رغم اني عملت كده لاحساسي بالذن-ب لانه اتظ-لم بسبب عملة اختي...انت بقول لك عايزة اسافر مش قادر تقدر اني تعبت من الوحده وقلت هجره غير شرعيه فهمني بالراحه انت كمان طلعت فيا وجيت عليا خلاص ما بقتش محتاجه حد جمبي لان كل تصرفاتي بقت وح-شه 

: يا حبيبتي ما تزعليش

: لا زعلانه قوي عارف يا احمد انا كنت بخاف ام-وت ما حدش يحس بيا و اتح-لل في البيت على ما حد ياخذ باله اني لوحدي من بعد اللي حصلي من معتز

:مش للدرجه دي يا عنود بلاش تأفروي الامور

: انا فعلا مأفوره انا عموما هشوف محامي يتصرف في موضوع اني ممنوعه من السفر و احوش واجي اعيش مع بابا ولة دي كمان عندك مانع فيها 

:لا يا حبيبتي لو محتاجه فلوس هتصرف وابعت لك 

:مش عايزه حاجه من حد انت او غيرك 

:طب انت مش ناويه ترجعي خالص لاياد 

:نفسي يا احمد بس قلبي زعلان و معبي كام شهر سايبني ولسه مفكر دلوقتي البعد بيعلم الجفا زي ما بيقولوا 

:اعذريه وكلنا فاهمين سبب تصرفه انت بس عشان عنديه مش قادره تشوفي او تفهمي 

:خلاص يا احمد انا كنت بكلمك عشان ارتاح شويه قرف-تني امشي ما تتكلمش ثاني معايا

: يا بنت ده انا الكبير لسانك طويل قوي 

:الكبير تطبطب عليا مش تزعلني بزياده تفهمني بالراحه انت عارف ان انا محتاجه حب وحنان الفتره دي و الفتره دي كانت صع-به عليا قوي 

:انت عارفه لو ينفع احكي لبابا عشان يعقلك كنت حكيت هو اللي بيعرف يمشي دماغك دي مش عارف ازاي يقول لك الكلمه في ثانيه تنفذيها 

:مع السلامه يا احمد 

:طب ما تضايقيش نفسك

 :لا انا زعلانه الدنيا كلها مزعلاني حتى حضن ماما اللي كان بيهون عليا ما بقاش موجود  وحضن اياد من بعدها بردة ما بقاش موجود 

*و اغلقت الهاتف اراد اياد ان يقفز لها و ياخذها بين احضانه ويعتذر لها لكنه لم يتمكن من ذلك سمع صوت بكائها و شه-قاتها و تأل-م لحزنها وادرك ان عودتها اليه لن تكون بسهوله وعليه الصبر فهي فعلا اخطات ولكن كان من اجله لشعورها بالذن-ب انه متهم بسبب اختها وذلك شعور رهيب 

بقلمي سحر السحرتي 

*نامت عنود هذه الليله وهي جالسه على المقعد في التراس وهي تبكي كانت تحدث نفسها بصوت عالي 

: انا تعبت يا رب تعبت قوي صبرني و قويني

*في الصباح كانت دينا على الشاطئ فسالها اياد عن عنود

: ما ناميتش امبارح كويس عشان كانت بتكلم باباها و اخوها 

: يعني هي لسه نايمه في التراس

: انت عرفت منين انها نايمه في التراس

: قلقت ووقفت في التراس عندي بس وشفتها ما انت عارفه ان غرفتكم جنبي

: اظن مش قادر تقول انك سمعت مكالمتها مع اخوها زي انا ما سمعتها

 *نظر بخجل في الارض

: اه سمعتها ومش عارف اصلح ده ازاي 

:انا سمعتها برده وعملت نفسي نايمه لانها عمرها ما قالت لي الكلام ده فاحترمت رغبتها 

:دليني يا دينا ارجعها ازاي

هل فعلا دينا لديها الحل وهل عنود مخطئة في عندها برفضها العوده الى اياد

• يتبع الفصل التالي اضغط على (رواية هو انت مين ) اسم الرواية