رواية احفاد الطوبجي الجزء الثاني 2 الفصل الرابع والعشرون 24 - بقلم اميرة اسامة
🔥البارت الرابع والعشرين🔥
🌀كارما🌀
بعد ما فشل زيد انه يوصل لقاسم قرر انه يرجع على الشركه يطمن مراد واخواته و يشوف شغله اللي سابه
وصل زيد واول ما مراد واخواته عرفوا انه وصل راحوا وراه على مكتبه.
مراد....طمني يا زيد ايه اللي حصل
زيد....مسك راسه من الوجـ ـع والله ما عارف يا مراد هي تبان عدت على خير بس انا عارف انها معدتش على خير
سالم....هي فزوره يا زيد ايه اللي حصل بينهم
زيد....قاسم واجهها انا يمكن مسمعتش كلامهم كله لما كنت بحس صوتهم هادي ببعد لما الصوت يعلى كنت بقرب منهم احسن النقاش يتطور بس عدت على خير يمكن قاسم قرر ان علاقتهم من اللحظه دي تبقى عشان خاطر جنه وعُدي بس لكن بردوا ان مفيش اسوء من كده يحصل خير واكيد الوقت كفيل يصلح اللي حصل بينهم
مراد....طيب دي حاجه كويسه انا كنت خايف من اخوك قاسم بطبعه هادي بس في عصبيته عمره ما حكم عقله ويمكن ده اللي خلاه بعد عن فريده زمان كنت خايف مواجهته لزهره توصل للأنفصال
زيد....موصلتش بس تقدر تقول قاسم قرر انهم هينفصلوا من غير إنفصال
نادر.....ده كلام ساعه غضب وبعدين الموضوع لسه في اوله وسخن هو بس يهدى ويعدي بينهم وقت هيرجع زي الاول انت عارف ان قاسم بيحب زهره
زيد.....عارف عشان كده قولت انها عدت على خير بس المشكله مطلعتش بس في زهره
ياسين.....يعني ايه تقصد فريده؟
زيد....لا زهره قالت لقاسم ان روح كانت عارفه
ياسين....روح😳
زيد....يوم كتب كتاب فريده زهره راحت تشوفها من بعيد كانت حاسه من ناحيتها بالذنب واليوم ده رجعت منهاره وروح شافتها و أضطرت زهره انها تحكيلها كل حاجه وروح طبعاً نصحتها انها متجبش سيره وتكمل مع قاسم بس طبعاً قاسم لما عرف كان هيتجنن ازاي روح تعرف ومتقولش.
مراد.....ايوه بس حتى لو روح عرفت انا شايف انها اتصرفت صح وقتها كانت هتعمل ايه تاخد زهره من ايدها وتحطها قدام قاسم وتقوله مراتك خدعتك و كانت سبب في بعدك عن فريده لا طبعاً روح كانت صح.
سالم....انا كمان شايف كده وبعدين كلامها لا كان هيقدم ولا هيأخر هو اتجوز وفريده اتكتب كتابها لو كان عرف وقتها مليون في الميه كان طلق زهره
زيد....عارف وعارف كمان ان روح مغلطتش بس قاسم الوقت عامل زي اللي وقع في حفره كل ما يحاول يطلع يلاقي حد يعرفه هو اللي بيحاول ينزله فيها من تاني
نادر....ايوه يا زيد بس لو هيزعل من زهره او يزعل من نفسه او حتى يزعل من صاحبه مينفعش يزعل من روح لان موقفها صعب انا عارف روح كويس لا يمكن يكون ليها يد في خراب اي بيت حتى لو كانت علاقتها مش حلوه بزهره مستحيل كانت تخرب عليهم
زيد.....عارف مش هكدب عليكم انا يمكن اتصدمت من معرفه روح بس صدمتي مش عشان شايفها غلطانه خالص بالعكس اللي عملته روح مكانش ليه بديل بس اتصدمت و متسألونيش ليه انا نفسي مش عارف يمكن هقولكم زي ما قولت لروح هي الشخص الوحيد اللي كنت احب اشوفها بعيد عن أي شبهه او عن ان يتذكر اسمها في مواقف زي دي.
مراد....انت كلمت روح امته؟
زيد.....ماهو بعد اللي حصل قاسم سابها وخرج زي المجنون اتكلمت معاها شويه وحاولت أهديها وبعدين اضطريت اوصلها القصر لما روحنا اتفاجئنا ان قاسم كان سبقنا وشوفناه بيتكلم معاها في الجنينه واول ما شافنا مشي واتكلمت مع روح شويه وبعدين مشيت
مراد....طيب هو فين قاسم الوقت
زيد....مش عارف قافل موبايله وانا هتجنن عشانه وحاسس ان دماغي هتنـ ـفجر
سالم....طيب يمكن راح لفريده؟
زيد....كلمتها موبايلها بيرن بس مش بترد وصراحه انا معرفش قاسم ممكن يكون معاها ولا لا ولو مش معاها معرفش ممكن يروح فين قاسم تقريباً اول مره اشوفه في حياتي يكون متعصب ويخرج ويسيب البيت
ياسين.....هيروح فين يعني اكيد هيهدى ويروح.
نادر.....ماهو لازم يروح دي تبقى مصيبه لو مروحش هنقول للباشا ايه.
سالم.....يا عم الاهم نطمن عليه و من هنا لحد ما يرجع نقول للباشا اي حاجه في المصنع عنده ميتنج اي حاجه
مراد.....لا بس قاسم هيرجع حتى لو هو الوقت متعصب مش هيقدر يفضل بره لازم يرجع عشان راجح وعشان محدش يحس بحاجه وبالأخص جنه.
زيد......انا واثق انه هيرجع اكيد بس انا قلقان عشانه حالته كانت مش حلوه
مراد.....متقلقش هيرجع والدنيا هتهدى وهتبقى زي الفل انت كمان لازم تهدى وتريح دماغك شويه.
زيد.....مش عارف في ايه كل ما احاول اخرج من حاجه يحصل حاجه دماغي هتنـ ـفجر.
ياسين....فوق كده شويه وانا هبعتلك القهوه بتاعتك
مراد....طيب ما تروح انت لو مش وراك شغل كتير احنا كده كده قربنا نخلص
زيد.... هخلص حجات بسيطه وهمشي
سالم....انا لسه قاعد شويه
نادر...وانا كمان.
ياسين....انا همشي عشان ملك
مراد....روح انت انا هفضل معاهم لسه ورايا شويه حجات وبعدين هاخد راجح معايا داوود مش معاه انهارده قاعد مع ليلى.
سالم.....متعرفش اخبارها ايه صحيح
زيد...انا مدخلتش والله ياسالم كنت بره وبعدين مشيت على طول.
سالم....تمام انا رايح اخلص اللي ورايا لو احتاجتوني انا موجود.
زيد...تمام روحوا يلا شوفوا اللي وراكم وانا هخلص اللي ورايا.
خرجوا كلهم وفضل زيد قاعد يخلص اللي وراه وهو عقله مع قاسم وكل شويه يتصل عليه ويرجع يتصل على فريده .
............................
في غرفه فرح
كانت قاعده هي وميار وجنه.❣️
جنه....بجد صعبانه عليا اوي و للحظه كده حاولت احط نفسي مكانها لثواني مقدرتش بجد الموضوع صعب جداً مقدرش اتخيل حياتي من غير بابي ومامي ربنا يكون في عونها.
ميار.....مـ ـوت الاب والام اكتر حاجه ممكن توجـ ـع في الدنيا دي كلها تحسي كده ان بعد موتهم الدنيا بتبقى فاضيه حواليكي حتى لو كان فيها ناس جنبك بس بجد صدقوني وجودهم بيفرق في حجات كتير اوي يمكن انا طول عمري قريبه من ملك وكانت بالنسبالي ومازالت هي كل حاجه علاقتي بمامي وبابي كانت هاديه وجميله جداً بس كنت بحسهم عادي مفيش جوايا ليهم العلاقه القويه اللي بيني وبين ملك
بس محستش بقيمتهم غير بعد مارحوا حسيت قد ايه هما كانوا فارقين معايا وانا مش حاسه وجودهم كان أمان انا مش حاسه بيه يمكن عشان كنت ضامنه وجودهم ويمكن كمان الامان اللي كنت حاسه بيه وهما عايشين كان مخليني ديماً مطمنه ومش شايله للدنيا هم
كنت اغلط واعمل مصايب اخرج مع صحابي اساسي في حياتي وكل حاجه اجري على ملك اقولها الحقيني يا ملك عملت كذا ملك تحل وتلحقني اجري عليها الحقيني يا ملك بوظت كذا ملك تصلح ورايا كنت ديما بحس انها سري واماني وحمايتي اللي بتخبي عليا كل حاجه وهي اللي بتقدر تقنعهم بأي حاجه انا عيزاها عشان كده كنت وقتها بحس ان ملك اهم بالنسبالي
بس بجد صدقوني لما راحوا حسيت قد ايه انا كنت بحبهم و وجودهم جمبي انا وملك كان الامان الحقيقي.
فاطيما بالنسبالي كمان موقفها أصعب بكتير مش بس مامتها و بباها اتوفوا لا دول اتوفوا في بلد غير بلدهم و مكانش في حد جنبها المواقف اللي زي دي اي راجل هو اللي بيخلصها لكن ان بنت وفي سننا تقف تعمل كده وكمان في غربه صعب اوي وصعب كمان عليها موقف اخوها بجد انا قلبي واجعني عشانها بجد
فرح....حبيبتي يا ميار ربنا يرحم مامتك و بباكي و يخليلك ملك هو فعلا موقف صعب وانا كمان صعبان عليا فاطيما جدا وبصراحه مكنتش اتخيل انها تصعب عليا كده
جنه....🙄تقصدي عشان امير؟
فرح....ايوه وغصب عني على فكره انا عارفه إن امير لو مهتم بيها مهتم بيها عشان صدقاتهم و العشره اليي بينهم
بس انا كل ما افتكر العلاقه اللي كانت بينهم مبقدرش.
ميار.....ايوه يا فرح بس امير واضح جدا انه بيحبك وكمان فاطيما بيتهيألي خلاص شالت امير من حساباتها هي لما كلمته كانت محتجاه يقف معاها ويساعدها بس
فرح....عارفه والله بس انا بحكيلكم اللي جوايا وبحس بيه.
جنه....انتي عارفه واحد زي امير ده بعد اللي قولتيه ليه المره اللي فاتت معبركيش تاني بس هو بيحبك وعارف انك مكنتيش تقصدي
فرح....بس انا فعلا مكنتش اقصد انا كنت متعصبه.
جنه....عارفه يا فرح انك مكنتيش تقصدي بس اقصد ان مش اي راجل في الدنيا بيقبل حاجه زي دي خصوصا موضوع مامته كلنا عارفين انه حساس بالنسباله فا معنى انه يعديها انه بيحبك جداً
ميار....بلاش تفكري في اي حاجه عدت يا فرح واقفي جمب فاطيما لانها محتاجه الكل يقف معاها
فرح....انا فعلا هعمل كده المهم بقى مخدتيش بالك يا ميار ان في واحده كده شكلها اخيراً بدأت تفتح قلبها🙄
ميار.....ابتسمت وبصت على جنه🤭 انا بصراحه خدت بالي
جنه...في ايه منك ليها اتعدلوا بدل ما اروقكم هي الحفله عليا🤨🙄
فرح....الله احنا قولنا حاجه غلط بس اقولك اتش لايق عليكي😉🤭🤭
جنه...بابتسامه ارتباك بقولك ايه انتي وهي انا غلطانه اني قاعده معاكم
ميار....مسكتها من ايدها استني هنا بتهربي ليه
فرح....مش هتمشي غير لما تحكيلنا😎
جنه..سندت بركبتها على حرف السرير احكيلك ايه يا هبله انتي وهي مفيش حاجه احكيها.
فرح....يعني مفيش حاجه بينك وبين اتش😒
بصتلهم جنه وهي بتلعب في صوابعها
ميار....قولي قولي 😍
جنه....بصوا انا مش عارفه بس حاسه بحاجه غريبه من ناحيته
فرح....من ناحيته هو دي حاجه مقفوشه يعني وباين عليه جدا بس انتي ايه
جنه....🙄🙈 بصي انا اول مره احس اني مشدوده لأي ولد انتي عارفه اني طول عمري مش بفكر غير في مستقبلي واحلامي وانتوا بس بجد لما بشوفه بحس اني مبسوطه لما بتكلم معاه بحس اني مرتاحه عارفه ان في حاجه جوايا جديده عليا من ناحيه هشام بس مش عايزه امشي وراها غير لما اتأكد
ميار....هشام طيب جداً على فكره حتى مامته رغم انها تبان قويه وجامده من حكايتها مع بباه بس بجد حبيتها اوي وحساها طيبه وقلبها ابيض دمها خفيف جدا بصراحه تدخل القلب وكل تصرفاتها عكس الانطباع اللي خدته عليها في الاول
جنه....دي حقيقه هي يمكن تكون طبعها كده بس في حبها لوالده لكن هي حد جميل اوي وانا حبيتها بجد
فرح.....سيبي نفسك يا جنه هشام يستاهل بجد مؤدب ومحترم بيشتغل على نفسه طول الوقت واقف في ضهر بباه رغم تمسكه بحلمه يعني من الاخر راجل والاهم بقى انه دمه خفيف
جنه.....عارفه يافرح و عموماً انا سايبه نفسي بس مستنيه اللحظه او الموقف اللي هيخلوني اتأكد من شعوري ليه❣️
ميار....إن شاء الله هتتأكدي و هنفرح بيكي انتي كمان يا قلبي😍
فرح....بقولكم ايه احنا بقالنا كتير هنا تعالوا نشوف روح والبنات احسن يفجرونا
جنه.....يلا و بالمره اشوف عُدي عشان مامي خرجت
ميار.....يلا بينا❣️
..........................
في غرفه زهره.
فضلت روح قاعده جمبها لحد ما نامت
كانت بصالها بحزن ومش عارفه تعمل ايه اول مره تشوف زهره في الحاله دي واول مره كمان تشوف قاسم في حالته دي كانت حاطه أيدها على قلبها لا العلاقه تسوء بينهم فضلت تكلم نفسها وهي بصالها
روح.....ياترى يا روح غلطتي فعلاً زي ما قاسم قال ياترى كان لازم اتكلم و أقوله اللي زهره حكيتهولي
بس كنت هقوله ازاي ؟ وازاي كنت هخرب بيتك بأيدي يا قاسم
لا انا مش غلطانه ولو رجع بيا الزمن مره تانيه هعمل نفس اللي عملته وهتصرف نفس التصرف عشان احافظ على بيتك🥺
قامت روح وقفت بصتلها ثواني وبعدين خرجت بهدوء من الاوضه واول ما خرجت لمحت البنات وبسرعه حاولت تداري ملامحها وتبتسم.
جنه....ايه ده هي مامي رجعت يا ورح
روح....شششش وطي صوتك مامي نايمه
جنه...بإستغراب ايه ده نايمه ازاي الوقت؟
روح...راجعه مصدعه جداً بابي وصلها وقالي خليها تنام شويه
جنه...هما كانوا فين اصلاً
روح....مش عارفه انا مسألتش بس قالوا انهم رايحين يشتروا حاجه المهم الوقت روحي بصي كده على اخوكي وانا هروح اطمن على ليلى سيباها بقالي شويه لوحدها
جنه....طيب حاضر.
روح....ميار ممكن تقولي لعايده تحت تجهز حاجه دافيه لي ليلى
ميار....حاضر هجيب واطلعلك بسرعه
روح....ماشي يا قلبي.
دخلت روح هي وفرح على اوضه ليلى
كان داوود قاعد جمبهم وبيلاعب حور وهي نايمه وباين عليه السعاده.
روح...بابتسامه انت بتعمل ايه هتصحيها وتخليها تصحي ليلى
داوود...بإبتسامه جميله حلوه اوي ياروح مش كده
روح...بحب زي القمر يا داوود ماشاء الله ربنا يحميها وتتربى في عزك
فرح.....عايزه تتاكل يا داوود😍
داوود....وانا هتجنن و اكلها❣️ نفسي احضنها بس خايف عليها
روح....لا حرام هي مش حمل حضنك😂
داوود.....اول مره احس الاحساس الحلو ده ياروح لما عشت كل السنين دي مستني ليلى عمري ما فكرت في الاطفال كل اللي كنت عايزه اني ابقى مع ليلى بس اول ما عرفت ان ليلى حامل فضلت شويه مش مستوعب وبعد كده بقيت اعد الايام اللي هشوفها فيها وانهارده لما شوفتها قلبي اتخطف مش سهل بردوا انك تلاقي جزء منك نايم قدامك صح ياروح🥺
روح....بحب صح يا داوود احساس جميل ربنا يكتبه على قلب كل ام واب وجودهم في الحياه على قد ماهو متعب ومسؤوليه كبيره جدا على قد ماهو احساس ميتعوضتش بكنوز الارض
داوود ...معاكي حق اهي الصغننه دي حركت قلبي من مكانه وخلتني في لحظه بقيت مالك كل سعاده الدنيا في ايدي حاسس اني عامل زي العيل الصغير اللي ما صدق لقى لعبه لاقادر اسيبها ولا عارف انام شويه
فرح....بضحك بس متنساش حلاوه البدايات يا داوود بكره تصوت منها زي قاسم وعدي😂😂😂
داوود...بضحك تفتكري😂😂😂🤨
روح...لا ان شاء الله تكون هاديه هي ماشاء الله عليها شكلها هادي شويه عن عدي
فرح....هما كل البنات كده 😍 احنا قمر اصلاً
روح ...والنبي اسكتي ده انتي وفيروز كنتوا زنانين جدا 😒
داوود....ايوه على يدي انتي مكنتيش بتسكتي غير لما انا ومراد واخواتك نشيلك ونفضل نلف بيكي لحد ما تنامي 😂😂😂😂
فرح....بردوا احنا قمر😂😂
خبطت ميار وهي معاها اليانسون
روح...تعالي يا ميار
ميار.....خلي بالك عشان سخن
داوود....عقبالك يا ميار
ميار....ميرسي يا داوود ومبروك على القمر دي😍
داوود...ايه رأيك في عروستي الجديده😉
ميار.....ماشاء الله جميله خالص بس نفسي اشوفها وهي مفتحه😍
فرح....وانا كمان🙈🙈
داوود...كانت صاحيه من شويه بس رجعت نامت تاني واخده عين زيد😍
فرح...ياروحيييي هي عينها ملونه🙈
روح...يابت قولي ماشاء الله وانت كمان اسكت شويه 😒🤨
داوود....😂😂يعني هي هتحسدها وبعدين ماهي اكيد هتفتح ويشوفوها
روح....بردوا متقولش خليهم يتفاجئوا😂😂😂😂
فتحت ليلى عينها بهدوء
داوود...ايه يا حبيبي صح النوم❣️
ليلى...بإبتسامه هي نايمه لسه
روح...اه سيبيها و يلا قومي اشربي اليانسون لحد ما الاكل يخلص.
ليلى...حاضر يا روح❣️
داوود....بقولك يا روح مفيش اي حاجه ناقصه محتاجاها
روح....لا يا حبيبي كل حاجه موجوده كان في طلبات ناقصه مراد بعتها
داوود...بابتسامه تمام يا روح ❣️
......................
في عربيه قاسم الصدمه وقعت على فريده زي الصاعقه .
قاسم.....تتجوزيني يا فريده💔🥺
فريده.....🥺💔انت بتقول ايه
قاسم.....بطلب طلب متأخر من عشرين سنه يا فريده💔
فريده....مبقاش من حقي يا قاسم
قاسم....وايه اللي يمنع ؟
فريده....في الف مانع🥺
قاسم.....لو زمان كنت هقولك يمكن لأننا اتخدعنا بس الوقت لو ايه حصل مش هيفرقني عنك غير المـ ـوت🥺
هزت فريده راسها وهي بصاله ودموعها نازله مسكت اوكره الباب عشان تنزل
مسك ايدها بسرعه.
قاسم.....فريده رايحه فين
فريده.... ارجوك سيبني يا قاسم انت مش واعي للي بتقوله
قاسم....لا واعي يا فريده وعارف انا بقول ايه و هكرر طلب تاني تتجوزيني يا فريده🥺
فضلت بصاله دموعها بتجري عقلها في صراع كأنها مش سامعه ولا شايفه كل اللي بيدور جواها سنين دموع عياط صريخ وجـ ـع رفض إنهيار مشاكل وكأن في اللحظه دي كل المشاهد القاسيه اللي مرت في حياتها حبت تاخد دور البطوله و بيتسابقوا مين يذكرها بالماضي اكتر .
الكلمه اللي اتمنتها و إتمنت تسمعها طول حياتها اخيراً قالها ثواني مرت بعمرها كله صراع بين القلب والعقل
توافق ولا ترفض وكأنه قرار مصيري
اصعب قرار ممكن تاخده في حياتها وهي واقفه قدام أختيارين أصعب من بعض.
يا توافق وتعوض نفسها اللي أتحرمت منه وترد الوجـ ـع لكل اللي وجعوها
وتنسى وجـ ـع قاسم ليها وتبدأ من جديد
يا ترفض وتحافظ على كرامتها وتحافظ على بيت قاسم
في الحالتين هي مش هتكون لا هتعرف ترضي نفسها على حساب الكل زي ما زهره عملت ولا هتقدر تتحمل قرار البعد اللي مبقاش فيه راجعه وفي النهايه حسمت قرارها.
بصلها قاسم وهو سرحان في عينها بيحاول يعرف هي بتفكر في ايه ساكته ليه ايه اللي بيدور جواها
قاسم.....ردي يا فريده موافقه؟
فريده.....لا يا قاسم 🥺💔
قاسم....لا؟ طيب ليه عشان زهره ماهي سبق وعملتها معاكي وده عقابها و اوعي تفكري اني بعفي نفسي من العقاب وطلبي ليكي تكفير عن الذنب خالص انا هتعاقب يا فريده لما نتجوز عقابي مش في جوازك بالمعنى الحرفي بس جوازي منك هيكون بدايه وجـ ـع لناس كتير وعارف اني ممكن اخسر حجات كتير وده لوحده عقاب.
فريده.....وانا مش عايزه حد يتعاقب يا قاسم ولا عايزه حد حياته تبوظ بسببي انا معملتهاش وانا اصغر من كده بعشرين سنه وقت ما عرفت من حاتم هعملها الوقت مش موافقه يا قاسم🥺
قاسم.....كرهتيني يا فريده.
فريده.....عمري ما كرهتك بس لو وافقت هكرهه نفسي 🥺 ودي مش هقدر عليها
قاسم....هنسيكي كل حاجه وهفضل جنبك لحد ما تتعودي على الوضع الجديد
فريده....بدموع متأخر اوي يا قاسم طلبك ده 🥺
اتمنيت اسمعه كتير وحلمت بيه اكتر بس يوم ما نطقته كان فاتك كتير اوي
فريده بتاعت زمان عرض زي عرضك ده كان زمانه مخليها طايره في السما 🥺
فريده بتاعت زمان لو كانت لسه عايشه كان زمانها اول ما سمعت طلبك إترمت في حضنك🥺💔
لكن فريده بتاعت الوقت طلبك ده مفرحهاش ده وجعها اوي مطلعهاش السماء🥺 ده نزلها سابع ارض مخلهاش تتمنى تترمي في حضنك خلاها عايزه تنزل وتمشي من قدامك بسرعه🥺
قاسم.....ليه يا فريده انت مش قولتي انك سامحتيني💔🥺
فريده.....سامحتك بس طلبك مرفوض يا قاسم عشان انا لو وافقتك عمري ما هحترم نفسي مش هعرف اكون معاك زي ما كنت هفضل طول الوقت شايفه فيك الراجل اللي حبيته و هو اداني ضهره زمان انت وجعتني يا قاسم ومدتنيش فرصه وانا كنت المفروض اقرب ليك من نفسك عايزني الوقت ارجعلك بسهوله عايزني ادوس على نفسي وكرامتي اكتر واقولك اه موافقه
لا يا قاسم🥺 انت غلطان فريده اللي قاعده قدامك الوقت دي مبقتش تبص وراها مبتشتريش اللي باعها حتى لو كانت هتمـ ـوت عليه🥺💔
قاسم.....بوجـ ـع افهميني ابوس ايدك يا فريده انا مبعتكيش انا اتلعب عليا زيك بالظبط
فريده......بس مكانش ينفع تصددددددق💔 وحتى لو كنت صدقت وشكيت فيا كنت هعذرك وهسامحك في حاله واحده بس لو كنت ادتني حقي في اني ادافع عن نفسي 🥺 بس حتى دي انت معملتهاش يعني صدقت و شكيت وحكمت عليا من غير رحمه طلبك مرفوض يا قاسم 🥺
انت جاي تطلب طلبك ده بس عشان متعصب و غضبان زي بالظبط ما عملت زمان نفس التهور ونفس الغلطات
انت حاسس بالذنب من ناحيتي يا قاسم مش اكتر يعني طلبك ده شفقه منك وتعويض حاسس انك كده هترضيني🥺💔 بس لا يا قاسم انا مستحيل اوافق على طلبك
قاسم.... شفقه ايه وتعويض ايه وذنب ايه فريده انتي متأكده اني بحبك لحد الوقت
فريده.....لا يا قاسم انت بيتهيألك انك بتحبني انت ممكن تكون لما شوفتني حنيت لايام زمان يمكن لما عرفت الحقيقه مسكت فيا اكتر والوقت انت جاي ترجع اللي فات وتكفر عن ذنبك وتعوضني انت غلطان
قاسم.....لا يا فريده انتي اللي غلطانه انا جاي ارجع حب اتسرق مني وحياه كنت راسمها معاكي وغيرك خدها انا عمري ما نسيتك طول السنين اللي فاتت ومش هكدب عليكي في اول فتره لما كنتي بتيجي على بالي كنت بجبر عقلي ينساكي ويفكر في اي حاجه تانيه عشان كنت لسه غضبان منك بس بعد الفتره دي لما كنتي بتيجي في بالي كنت بحن ليكي كنت بتمنى اشوفك او اعرف عنك اي حاجه لحد ما شوفتك يا فريده.
فريده.....مبقتش تفرق يا قاسم كل اللي لازم تعرفه انها خلصت خلاص مستحيل اسيبك تدمر حياتك ومستحيل اوافق عليك انساني يا قاسم
قاسم....انساكي بعد ما لاقيتك مستحيل
فريده....انت مدورتش عليا عشان تلاقينيي يا قاسم القدر هو اللي جمعنا زي ما زمان فرقنا
زمان لما فرقنا يا قاسم فرقنا لصالح زهره 🥺 عشان كان مكتوبلها تعيش معاك وتكمل وتبني معاك عيله
بس المرادي القدر لما جمعني بيك جمعني عشان أظهر برائتي عشان الحقيقه تتعرف للكل عشان اسمع منك الكلمه اللي اتمنتها طول عمري
وارفضها وانا مرتاحه وراضيه لان حقي وكرامتي رجعولي ياقاسم واقدر اقولك الوقت ان بعد طلبك ليا رجعت لنفسي من تاني🥺
قاسم.....مش هسيبك يا فريده
فريده...ارجع لحياتك وبيتك ومراتك يا قاسم صلح اللي بوظته قبل ما يعدي عليه الزمن زي ما حصل زمان🥺💔
فتحت فريده الباب ونزلت وفضلت تمشي بسرعه لقدام بتحاول تشوف تاكسي بس مفيش الطريق سريع ومفيش حاجه بتقف
مشي جمبها قاسم بالعربيه وهو على اخره
قاسم....فريده اركبي 💔
فريده...امشي يا قاسم وابعد عني
قاسم....مش همشي قولتلك اركبي طيب هوصلك
فريده....قولتلك مش راكبه ابعد عني وعن حياتي بقى خلاص يا قاسم خلصت سيبني في حالي
قاسم.....مش هسيبك يا فريده انا بحبك وانتي كمان بتحبيني اركبي بقىىىى😡
فريده.....قولتلك مش هركب وانا مش بحبك افهمممممم انا مبكرهش حد في حياتي قدك💔 امشييييي
العربيه هديت خالص مع اخر كلمه ليها فضل باصصلها بصدمه وشايفها بتمد بسرعه ومش بتبص وراها
كل اللي جه في باله زهره واللي حصل بينهم الغضب كان بيزيد جواه داس بنزين بكل قوته العربيه طارت و مشي من جنب فريده بسرعه
وقفت فريده وهي بتحاول تتمالك اعصابها منهاره وكل وجـ ـع الدنيا فيها بصت على عربيته اللي طارت بغضب من جنبها 🥺🥺🥺 وفجأه سمعت صوت فرمله قويه وصوت تكسير زجاج
فريده.....قااااااااسم🥺💔
فضلت تجري بكل قوتها عليه شايفه العربيات بدأت تقف وتشوف صاحب العربيه حصل فيه ايه والناس البسيطه اللي كانت ماشيه على رجلها بدأت تتلم على العربيه.
فريده.....قااااااسم قاااااسم قربت منهم بسرعه وسعواااااا
لقت قاسم مغم عليه في دم جنب حاجبه نازل على وشه
فريده....بصريخ قاااااسم قاسم فوق
واحد من اللي واقفين .....انت اللي غلطت انت اللي جاي عكس😡
والله ما كنت عارف انه عكس اضطريت ادخل ومعرفتش ارجع كان لازم اكمل فجأه لقيته جاي في وشي وهو فداني وخبط في حرف عربيتي
واحد تاني يا جداع بطلوا خناق انتوا هاسيبوا الرجل مغم عليه وبتتخانقوا حد يجيب مايه بسرعه😡
فريده...قاسم ابوس ايدك فوق 🥺😭😭
متقلقيش هو كويس هاتوا مايه مايه بسرعه.
واحد جاب مايه بسرعه من عربيته وفضلوا يرشوا عليه جريت فريده بسرعه على الباب التاني فتحت التابلوه خرجت منه البرفيوم بتاعه وفضلت ترش هي والشباب بيساعدوها عشان يفوق
لحد ما فاق اخيراً بعد دقايق اول ما شافته فتح فضلت تعيط و اترمت في حضنه وهي ماسكه بأيدها القميص بتاعه بكل قوتها🥺💔
قاسم لثواني كده مكانش مركز باصصلها باستغراب هي والناس وبعدين افتكر
واحد من الشباب....انت كويس
قاسم....وهو ماسك جنب حاجبه بوجـ ـع ايوه ايوه الحمد لله
الشخص اللي خبطه...انا اسف جدا حقك عليا دي غلطتي انا عشان دخلت عكس
قاسم ...حصل خير
لو عايز تبلغ الشرطه حقك ولو عايز تروح المستشفى هاجي معاك واللي باظ في العربيه انا متكفل بيه صدقني والله غصب عني انا اول مره اجي المكان ده وتقريبا دخلت غلط لقيت نفسي عكس ومعرفتش ارجع
قاسم....يا عم قولتلك حصل خير انا كويس حاجه بسيطه اتكل على الله وشكراً يا شباب
طيب مش عايز مننا اي حاجه نشوف حتى الجرح ده في صيدليه شكله عايز كام غرزه
قاسم.....تسلم يارب انا هتصرف شكراً يا غالي شكراً يا رجاله.
فضل باصص عليهم العربيات بتتحرك قدامه وبيمشوا
كانت فريده قاعده جنبه بتعيط وماسكه لسه في كتفه
بصلها بهدوء واول ما شافها بتعيط مسك ايدها و قرب راسها من حضنه
فريده.....بانهيار انا اسفه لو كان حصلك حاجه مكنتش هسامح نفسي
قاسم....بطلي عياط انا كويس وبعدين انتي ملكيش ذنب هو اللي كان جاي عكس.
رفعت نفسها وبصتله حطت ايدها على دقنه ولفت راسه ليها عشان تشوف وشه.
فريده.....قاسم دي مفتوحه خالص شكلها عايزه تتخيط فعلاً🥺
فضل قاسم باصص على ملامحها وساكت
بصتله فريده و بعدت بسرعه عنه بتوتر
قاسم...احممم متشغليش بالك انا هتصرف هوصلك واروح اشوفها
فريده.....توصلني ايه اطلع على اي مستشفى يا قاسم بسرعه وانا هكلم اخوك يجيلك
قاسم....لا متتصليش بحد مش عايز اي حد يقلق
فريده....لا هتصل هو اصلا متصل عندي كتير شكله كان بيسأل عليك واكيد قلقان
قاسم....فريده اسمعي الكلام متتصليش
فريده.....الوووو
زيد....فريده انتي كويسه مال صوتك قاسم معاكي
فريده....اهدى انا بخير وقاسم كمان كويس ايوه هو معايا بس انا كنت عايزه اشوفك
زيد....طيب حالا قوليلي اجيلك فين و انا هجيلك.
فريده....طيب بص يعني متقلقش هي حاجه بسيطه بس هنروح على المستشفى
قام زيد وقف بسرعه بفزع
زيد....اييييه حصل ايه لقاسم
فريده...اهدى والله اهو جنبي بخير بس في عربيه خبطته من الجنبه الازاز اتكسر وجنب حاجبه في فتح هو مش كبير بس لازم تكون معاه انا خايفه يتعب او يدوخ ومش هعرف اتصرف
زيد....فريده اديني قاسم لو فعلا كويس
فريده...بصت لقاسم و مدت ايدها بالموبايل
قاسم.....ايوه يا زيد
زيد....براحه غمض عينه وسكت ثواني
قاسم...متخافش يالا انا بخير جرح بسيط عايز غرزتين تلاته
زيد....وقعت قلبي طيب فيك حاجه تاني
قاسم....لا يا حبيبي انا بخير ومتجيش انا هتصرف
زيد....اديني فريده يا قاسم
قاسم.....امسكي يا فريده.
فريده...ايوه يا زيد
زيد....فريده انا نازل حالا وجايلك ابعتيلي لوكيشن و معلش اوعي تسيبي قاسم لحد ما اجي
فريده....حاضر مش هسيبه بس لو حد جاي معاك قولي عشان امشي قبل ما تطلع
زيد....انا جاي لوحدي اطمني خدي بالك منه ولو مش قادر يسوق سوقي بداله
فريده...حاضر على مهلك هو بخير اطمن
زيد...تمام يا فريده يلا باي
قاسم....قولتلك متقوليش عارف انه هيقلق
فريده....هتعرف تسوق
قاسم....كان حاسس ان الدنيا قدامه مزغلله من الضربه بصلها وهز راسه بلا
فريده....طيب انزل براحه تعالى مكاني انا هسوق
نزلت بسرعه وراحت عشان تسنده
قاسم....دا في أزاز كتير مكسور خدي بالك
فريده....حاضر ركبته مكانها وراحت على مكانه نزلت الازاز كله في الدواسه وركبت شدت الحزام عليها ومشيت بالعربيه.
بعد وقت بسيط وصلت دخل قاسم مع الدكتور عشان يخيط الجرح وهي فضلت واقفه بره دقايق ولمحت زيد جاي بيجري وبيتلفت شمال ويمين بيدور عليها رفعت ايدها ونادت عليه
فريده....زيد✋🏻
قرب منها بسرعه
زيد....فريده ازيك فين قاسم
فريده....الحمد لله قاسم جوه في الاوضه دي الدكتور بيخيطله الجرح
زيد....طيب ثواني هبص عليه راح على الاوضه خبط وبعدين فتح كان قاعد قاسم على حرف السرير والدكتور قدامه بيخيط الجرح جنب عينه ايه يا بطل بخير
قاسم....زي الفل اطمن
الدكتور.....اطمن بسيطه متقلقش
زيد....اطمن يا دكتور ان مفيش ازاز دخل في الجرح
الدكتور.....المدام عرفتني ان الازاز اللي جرحه وانا اطمنت عليه متقلقش الجرح زي الفل
زيد...بص لقاسم وبعدين بص للدكتور تمام يا دكتور انا خارج بره يا قاسم لحد ما تخلص
قاسم....تمام يا زيد.
خرج بره وقف مع فريده فضلوا يتكلموا وعرف منها كل اللي حصل.
زيد....انا مش عارف اقولك ايه والله يا فريده ومش عارف ليه كل ده بيحصل اصلا المهم اني مش عايزك تزعلي من طلب قاسم انتي اكيد عارفه ان قاسم مشوش ومش مركز في اي حاجه
فريده....عارفه يا زيد ومزعلتش صدقني بالعكس طلبه ده ردلي جزء كبير من كرامتي فكره اني ارفض طلب قاسم للجواز مني صعبه عليا ومش سهله بس كمان لازم قاسم يعرف ان طلبه بقى مستحيل خلاص
زيد....كنت عارف ان قاسم هيطلب منك الطلب ده و كنت واثق كمان انك هترفضي
فريده....ده الصح يا زيد مش هعرف اكون معاه بعد ما رفضني زمان ولا هعرف ابوظ حياته ويمكن تقول عليا مثاليه بس صدقني دي الحقيقه مش هقدر اوجـ ـع زهره🥺💔 يمكن هي قدرت زمان بس هي مشيت وراء شيطانها اكتر انا مش هقدر اطاوع شيطاني مش هقدر اشوف بيت كان هادي بقاله سنين بيتهد قدامي مش هقدر اشوف في عين جنه كسره ووجـ ـع لان هي الوقت اللي هتحس بكل ده مش عُدي مش هقدر اقتحم عيله عمرهم ما هيشوفوني غير اني خرابه بيوت وشخص وحش
زيد.....بإبتسامه سند ضهره على الحيطه وبصلها طول عمري بسمع اللي قريبين مني بيقولوا عليا مثالي وبقف معاهم في اي موقف بس طلع في حد مثالي اكتر مني بكتير
ابتسمت فريده وبصتله...مش مثاليه يا زيد هما بيشوفونا كده عشان يمكن مبيبقاش عندهم القدره اللي تخليهم يعملوا زينا مش كل الناس عندها طاقه كبيره للتحمل اللي جرب الوجـ ـع بيقدر يتحمل اكتر من اللي شاف قدامه حد بيتوجع هما بالكتير نصعب عليهم بس لو فكروا يحطوا نفسهم مكانها مش هيقدروا عشان كده ردود افعالنا في اي موقف بتترجم على انها مثاليه.
زيد....طيب سيبك من الناس الوقت انتي ناويه على ايه في حياتك؟
فريده.....قاسم بره حياتي يا زيد خلاص
يمكن هو قدر يردلي حقي من غير ما يحس بطلبه ده مش هكدب عليك رفضي كان صعب عليا اكتر لاني كنت اتمنى في يوم من الايام اقول موافقه بس خلاص انا كده راضيه ومبسوطه كفايه اني هنام وانا مش حاسه اني مظلومه وانا مش حاسه ان في حد شايفني خاينه او كدابه لازم افوق يا زيد واركز في حياتي انا استاهل افضل من كده بكتير مش شكر في نفسي والله بس انا مش شخص و حش عشان افضل طول عمري موجوعه الفتره الجايه في مهرجان قوي وكبير هيتعمل في مصر للاشخاص اللي حققوا نجاح وسابوا بصمتهم تعلم في وقت بسيط هيضم عدد كبير من رجال الاعمال والفنانين وكبار المشاهير اتبعتلي منه دعوه محتاجه اركز فيه وبيتهيألي هيتبعت ليكم دعوه بردوا
زيد ....اتبعت فعلًا بس مكنتش اعرف ان في حد بيشارك فيه غير رجال الاعمال يعني باعتبارهم ليهم دور في البلد
فريده...انا كمان اتفاجئت بس عرفت انه مش خاص برجال الاعمال بس اللي ليهم دور في البلد هي الجوايز لأي شخص كان ليه دور فعال
زيد.....طيب كويس وبجد فرحت ليكي جداً
فريده.....انا كمان فرحت وزي ما قولتلك لازم اركز في شغلي وحياتي واقفل صفحه الماضي دي خالص
زيد....يعني مش هتشوفي قاسم خالص ولا حتى هتخليه موجود على انه معرفه قديمه او صداقه قديمه
فريده.....لو عليا هعمل كده بس انا واثقه ان قاسم مش هيستسلم بسهوله
زيد...عارف عشان كده سألتك انا رأيي لازم قاسم يشوفك عاديه بس ديما مشغوله مفيش وقت تشوفيه فيه لو بعدتي مره واحده مش هيستسلم لكن لو حسستيه ان وجوده في حياتك زيه زي اي شخص شويه شويه وهيرجع لعقله.
فريده....تمام يا زيد المهم خليك معاه وخليك مع زهره وحاول على قد ما تقدر ترجع اللي بينهم زي ما كان
زيد....هعمل جهدي وان شاء الله هقدر
فريده.....واثقه فيك يا زيد المهم الوقت انا لازم امشي قبل ما هو يطلع
زيد...تمشي فين انتي معاكي عربيه
فريده...لا بس هاخد تاكسي او اطلب اوبر كده افضل
زيد.....طيب تمام زي ما تحبي وقبل ما يسلم عليها خرج قاسم من الاوضه بصلها زيد ورفع كتفه بيتهيألي نوصلك في طريقنا افضل
بصتله فريده بقله حيله وسكتت
خرجوا مع بعض نادى زيد على واحد من الجارد بتوعه اداله مفاتيح عربيه قاسم عشان ياخدها تتصلح ويرجعها على القصر ومشي هو وفرده وقاسم وصلوها وكانوا طول الطريق ساكتين
وبعد ما وصلوها مشيوا على طول على القصر.
.................
في القصر.
زهره كل ده كانت نايمه او عامله نفسها نايمه عشان مش قادره تتكلم مع اي حد
اول ما زيد وقاسم وصلوا وشافته روح راحت عليه جري بفزع
روح...في ايه جراله ايه يا زيد
زيد...زي الفل يا روح اهو خدش بسيط اطمني
روح...خدش ايه ده قميصه كله دم في ايه ياقاسم🥺
مراد.....في ايه ايه اللي حصله.
قاسم....ياجماعه انا زي الفل متقلقيش ياروح حادثه بسيطه جدا بس الازاز اتكسر وعورني خمس غرز مش قصه يعني
روح...حادثه وغرز وبتقولي مش قصه
زيد....ياروح ماهو كويس قدامك اهو قولي الحمد لله انها جات سليمه
اخواته قربه منه والكل شافه واطمن عليه
روح...طيب تعالى ادخل ارتاح يلا الحمد لله يارب 🥺 عايز توجـ ـع قلبي انت كمان يا قاسم🥺🥺
حضنها قاسم بحب بعد الشر عليكي انا زي الفل مكنتش سايق بسرعه والله ده واحد كان جاب عكس وخبطني بس الحمد لله انا بخير
ياسين....طيب مسكتوا😡
قاسم....ياعم مشيته ده شكله راجل غلبان وكان تايهه اصلا عدت على خير اطمنوا.
راجح...الحمد لله قدر ولطف تعالى ارتاح هاتيلوا عصير يا روح
الوقت كان بيجري وبعد وقت بسيط طلع كل واحد على اوضته
دخل قاسم بهدوء مكانش عايز يدخل ولا قادر يشوفها
اول ما فتح الباب ودخل فتحت زهره عينها بخجل واول ما شافت القميص واللزق اللي على راسه قامت بفزع جريت عليه.
زهره....قااااسم فيك ايه يا حبيبي ايه الجرح ده انت متخانق ولا متعور
وقبل ما تقرب منه وتلمسه رجع قاسم بجمود خطوتين لوراء ومد كفه في وشها عشان يوقفها
قاسم...انا كويس
وقفت زهره وبصتله بوجـ ـع مش قادره تنطق بس كمان عذراه
زهره...طيب خليني اساعدك حتى يا قاسم انا عارفه انك زعلان مني بس جرحك ملوش علاقه بالزعل
بصلها قاسم بغضب مخلوط بنظره وجـ ـع
قاسم.....هتعملي ايه هتخليني اخف لو تقدري يلا اعملي كده جرحي اللي في وشي بسيط يا زهره اقدر اداويه بنفسي حتى لو زعلان بس تقدري انتي تضيعي الجرح اللي في قلبي
زهره...بصتله بدموع اديني فرصه وانا اقدر صدقني🥺
قاسم.....لو خدتي الف فرصه مش هتقدري يا زهره ولا تضيعي الجرح ولا هتقدري تنسيني اللي حصل عشان كده خليكي بعيد من فضلك والتزمي باتفاقي معاكي طول ما انا معاكي في اوضه واحده متقربيش مني ولا حتى بالكلام انا هعمل كل حاجه لنفسي وارجوكي اسمعي كلامي متخلنيش اسيب الاوضه خالص والكل ياخد باله💔
وقفت زهره من غير ما تنطق شيفاه رايح جاي في الاوضه بيطلع لنفسه هدوم ولا كأنها موجوده دخل خد شاور وطلع بعد وقت بسيط مبصش عليها بصه واحده تجاهلها تماماً وهي مش قادره تتكلم
خد مخده وغطاء وراح على الكنبه
زهره...بحزن طيب تعالى نام انت على السرير عشان متتعبش انا هنام على الكنبه🥺💔
مردش عليها واداها ضهره ونام
قعدت زهره على السرير بوجـ ـع وفضلت تعيط في صمت🥺💔
..............
في غرفه زيد وصبا.
صبا....زيد مش هتقولي مالك من وقت ما طلعنا وانت ساكت وشكلك مش طبيعي في ايه
زيد...قولتلك يا صبا اني بخير مفيش حاجه
صبا....يعني انت مش شايف شكلك ده حتى كلامك باين انك متعصب.
زيد...بتنهيده طويله صبا سيبيني انام انا كويس
صبا....مش هسيبك غير لما اعرف
زيد...بعصبيه لاول مره في حياته على صبا انتي مبتسمعيش الكلام ليه😡 قولتلك مفيش حاجه
بصتله صبا بفزع من صوته وبسرعه عينها دمعت و انسحبت بهدوء راحت على السرير نامت وادتله ضهرها
بصلها زيد بحزن ودخل على البلكونه يشرب سيجار وسابها💔
........................
بعد مرور اربع ايام
خلال الاربع ايام دول حصل احداث كتير جداً لكن كان اهم حدث فيهم
هو ان منذر وفيروز اخيراً لقوا البيت وكتبوا العقد بتاعه الكل كان مبسوط
رغم ان كل واحد كان في حاجه مضيقاه في الاربع ايام دول لكن حاولوا يخبوا وجعهم ده عشان ميضيعوش فرحة فيروز ومنذر.
اتجمعوا كلهم في القصر وقرر منذر يعزمهم على اكله حلوه بمناسبه البيت الجديد.
منذر.....بصوا بقى العشاء انا قولت انه عليا وراحه للكل انهارده يعني سيبولي نفسكم خالص انهارده هاخد معايا زيد وساعه زمن هكون هنا اتفقنا
سالم....بس بسرعه انا واقع من الجوع وممكن انسى انك عريس واضيع فرحتك لما ابوظ وشك🤨
منذر....😂لا وعلى ايه مش هتأخر يا عم
جلال.....انا عايز حمااااام😉
منذر....ماقولتلك سيبلي نفسك هجيبلك كل حاجه بتحبها
جلال....ماشي ياعم
منذر.....يلا يا زيد
زيد....يلا بينا يا صاحبي❣️😉
خرج زيد ومنذر من القصر راحوا على الجنينه.
زيد.....افتحوا البوابه ومحدش يخرج ورانا احنا مش هنتأخر
منذر....اخيراً خارج من غير جارد
زيد....انا ديما بخرج من غير جارد إلا في اوقات معينه وهما الوقت ملهمش لزوم
منذر....انا معرفش ابدا اربط نفسي بيهم بصراحه الله يكون في عونكم مش ناقصه خنقه يا جدع عاملين فيها ساكنين في قصر الرئاسه اركب🤨
زيد....بضحك 😂😂😂طيب حط لسانك في بوئك بدل ما اوريك شغل الرئاسه
منذر....😂😂😂ماشي ياعم
خرجوا بره القصر عشان يجيبوا الاكل
وفي طريقهم لمحوا عربيه واقفه على الطريق وواقف قدامها شابين بيشاورا ليهم
منذر....بقولك ايه مش وقته اخلع منهم سالم هيعلقنا لو مجبناش الاكل بسرعه
زيد...ياعم هو الاكل هيطير ركن زيد وهو بيكلمه وبعدين بصله خلينا نشوفهم يمكن محتاجين مساعده
منذر....ماشي يا عم الحنين
زيد.....مساء الخير يا شباب خير
شاب منهم....مساء النور اسف لو عطلتكم بس احنا من السويس واول مره ننزل القاهره وكنت عايز اروح المكان اللي في الورقه ده
بص زيد على الورقه وبعدين بصله.
زيد....طيب انت قريب هتدخل الشارع اللي قدامك ده في اخره هتدخل شمال في شمال
الشاب....والله انا بقالي ساعه بعمل زي ما بتقولي كل شويه حد يقولي نفس الكلام ومش بوصل
زيد....طيب اركب وامشي ورايا انا هوديك
الشاب.....تسلم يا حبيبي هتعبك انا اسف
زيد....مفيش تعب ولا حاجه
ركبوا ومشيوا وراء زيد
منذر.....ياجدع انت هو ده طريقنا اصلا ايه اللي هيودينا الشارع ده ما انت وصفتله
زيد...بيقولك مش عارف يوصل مجاتش من العشر دقايق دول حرام شكلهم اغراب والمكان هنا عامل زي المتاهه وضلمه خد بالك مش كتير بيعرفوا يمشوا هنا غير صحاب المنطقه اللي بيجي جديد بيتوه فيها
منذر....ماشي يا عم الgbs يارب نخلص
زيد....😂😂😂انا شايف لسانك بيطول من الصبح مش عارف الڤيلا الجديده قوت قلبك ولا نسبك ليا بس خد بالك انا ممكن ابوظ وشك عادي🤨
منذر.....😂😂😂ياعم بوظ هي جات عليك اخواتك كلهم طمعانين في وشي
فضلوا ماشيين وبعدين وقفوا للعربيه
زيد.....اهو يا كابتن المكان ده هو نفس العنوان.
بص الشابين لبعض بإبتسامه خبيثه وبعدين بصوا لزيد ومنذر
الشاب....متأكد؟
زيد....اه طبعاً متأكد
منذر.....زيد زيد زيد
بصله زيد ايييييه في ايه😒
منذر.....بص قدامك 😳
بص زيد قدامه لقى عربيات كتير واقفه محاوطاهم نوروا كشافات العربيات في عينهم.
وفجأه لمحوا رجاله بتقرب عليهم
منذر...قولتلك متقف يا زيد ده طلع كمين💔
ااااااااااااااااه
وللحديث بقيه....🥺💔
•تابع الفصل التالي "رواية احفاد الطوبجي الجزء الثاني 2" اضغط على اسم الرواية