رواية احفاد الطوبجي الجزء الثاني 2 الفصل الثاني و الثلاثون 32 - بقلم اميرة اسامة
🔥البارت الثاني و الثلاثون🔥
😍دقات قلب😍
السعاده اللي كان سالم حاسس بيها متتوصفش فرحته ودموعه ونبرة صوته كإن روحه رجعلته من تاني
ماسك كف زيد مش راضي يسيبه وباصص على الدكتور وهو بيكمل كشف عليه وبيكتب كل حاجه في التقرير اللي في ايده.
فضل سالم يحسس على راسه بحب وكل شويه يوطي يبوس راسه ويرجع يقوم يبص على الدكتور.
زيد افتكر كل اللي حصل بس مكانش عارف ايه اللي حصلوا لسه ولا عارف تفاصيل الكام يوم اللي كان فيهم في غيبوبه.
الدكتور.....الحمد لله كده احنا حلوين اوي.
سالم...طمني يا دكتور.
الدكتور.....زي الفل متقلقش كل حاجه فيه كويسه الضغط والسكر و القلب كله تمام
سالم...يعني مفيش اي قلق؟
الدكتور....خالص مفيش اي حاجه تقلق خالص
سالم....طيب هو هيفضل في الرعايه؟
الدكتور.....بص في العادي اي شخص بيدخل في غيبوبه لما بيفوق منها بيبقى معرض يدخل فيها تاني بمعنى ايه يعني ممكن يفوق ثواني او دقايق يكلمك ومن غير اي انذار يدخل تاني في غيبوبه ممكن يفوق نص ساعه او ساعه ويرجع يدخل فيها ويمكن دي مش حاجه تقلق اوي لانها بتبقى عامله زي التوابع لسه العقل مترجمش صح لسه مفيش تركيز او انتباه قوي
وفي حالات بتفوق وخلاص مبترجعش تدخل في غيبوبه تاني احنا الوقت بقالنا حوالي نص ساعه وهو الحمد لله زي الفل مركز معانا طبعاً انت اكيد ملاحظ انه بيفتح ويبقى معانا ويرجع يسكت وتحس انه تاه شويه بيغمض عينه ينام دقيقه ويرجع يصحى كل اللي انت شايفه ده ميقلقش خالص هو بيحاول يقاوم اي حد فينا لما بيصحى من النوم بيفضل شويه على السرير بيحاول يقنع عقله انه خلاص صحي عشان جسمه يبدأ يستجيب ويقوم من على السرير الكام دقيقه دول اللي بتفضل فيهم على السرير بتفضل تغمض عينك تروح في النوم ويرجع عقلك ينبهك ان الوقت هيتأخر فا تروح مفتح تطمن ان لسه فاضل كام دقيقه فا تغمض لحد ما يجي الوقت اللي انت لازم تصحى فيه فا تلاقي تلقائي جداً جسمك اللي كان كله خمول وعينك اللي كانت بتغمض غصب عنك فتحت وفوقت وقومت بسرعه من على السرير زمان واحنا صغيرين لما كنا نصحى للمدرسه كنا نقول لامنا سبينا خمس دقايق ونبقى احنا نايمين اكتر من 8 ساعات قبلها يمكن الخمس دقايق اللي كنا بنعيط عليهم دول وبنطلبهم بالنسبالنا كانوا بال8 ساعات اللي نيمناهم كلهم وبعدها نقوم فايقين ونصحى خلاص بنشاط.
نفس الفكره في الغيبوبه انت عقلك وجسمك مريحين بقالهم فتره مستحيل لما هتفوق هتقوم على طول وهي دي التوابع اللي كنت بقولك عليها هي مش غيبوبه بالمعنى الحرفي لكن لسه العقل بيقاوح ما بين يصحى ويركز وبين انه لسه مشتغلش بنفس الكفاءه اللي كان عليها فا بيفضل ينام ويقوم يتوه ويركز يفتح ويغمض يعني كل اللي انت شايفه ده مش حاجه تقلق وفي حالته دي بعد نوم حوالي خمس ايام هو محتاج كام ساعه لحد ما العقل يستعيد نشاطه ووعيه الكامل ولما ده يحصل ونطمن عليه والكام ساعه دول يعدوا هنرتاح ووقتها يقدر يخرج على غرفه عاديه
سالم....يعني ممكن على بكره يتنقل اوضه عاديه ؟
الدكتور....وممكن قبل يعني كام ساعه تلات او اربع ساعات و ننقلوا
سالم....بفرحه الحمد لله يارب طيب انا كنت عايز اننا ننقلوا في جناح مش اوضه عاديه ويكون بسريرين عشان انا عايز منذر يتنقل معاه في نفس الاوضه وبصراحه انا عايز اعمل مفجأه لمنذر ولاهلي لما يجوا بكره
الدكتور....تمام مفيش اي مشكله انا هبلغهم الوقت يجهزولك الجناح وانت لو حابب تنقل اي حاجه من اوضه استاذ منذر في الجناح انقلها وكام ساعه كده ننقل البطل بتاعنا وبعدين فاجئ الكل زي ما انت عايز.
اه و بالمناسبه الجناح هيكون في نفس الدور اللي فيه استاذ منذر
سالم....تمام معنديش مشكله اي حاجه المهم ان زيد بقى كويس❣️
الدكتور....حمد الله على سلامته❣️
سالم....انا مش عارف اشكر حضرتك ازاي مفيش كلام يوفيك حقك
الدكتور....تشكرني على ايه بس ده شغلي
سالم...ازاي بس حضرتك تعبت معانا جدا الكام يوم دول وكفايه اهتمامك بحاله زيد
الدكتور.....حاله زيد بالنسبالي كانت جديده عليا و استفزتني ومقاومته معايا هي اللي خلت في عندي إصرار والحمد لله قدرنا نتخطى مرحله الخطر.
سالم....الحمد لله تسلم يا دكتور بجد
الدكتور....يلا تعالى نشوف موضوع الجناح وبعدين انا هرجعلوا تاني
بص سالم على زيد لقاه مغمض ونايم❣️
باسه بحب وبعدين راح مع الدكتور.
....................
في قصر الطوبجي.
دخل قاسم على الاوضه كانت زهره نايمه على السرير و مدياله ضهرها اول ما سمعت صوت الباب بسرعه غمضت عينها.
دخل قاسم بهدوء قلع القميص بتاعه وشال الحزام وفضل رايح جاي في الاوضه
زهره كانت بتفتح براحه وتغمض ضربات قلبها سريعه
قاسم....كان عارف انها صاحيه حركه عنيها ونفسها اللي قاعد يعلى ويهبط كانوا بيأكدولوا انها عامله نفسها نايمه
طلع سيجاره ولعها وخد نفس طويل
راح فتح الستاره وفتح شباك البلكونه ودخل جوه وقف وهو مش لابس اي تيشرت
فتحت زهره عينها وبصت عليه كان واقف بضهره ليها خدت نفس طويل
وحشها متقدرش تنكر ده💔
بتتعذب في بعدها عنه فجأه وبدون مقدمات مبقاش من حقها تتكلم معاه او تلمسه او تقرب حتى منه
فجأه وهي سرحانه وبصاله لف قاسم ضهره لسور البلكونه وشبك رجله في بعض وبصلها
اول ما جات عينها في عينه فضل قلبها يدق بسرعه جنونيه مبقتش عارفه تغمض عينها ولا تعمل نفسها نايمه
لكن عشان تتفادى نظراته غمضت عينها وضغطت عليهم بقوه🥺
خرج قاسم بخطوات بطيئه من البلكونه وراح على الكرسي
قاسم.....بهدوء من اول ما دخلت الاوضه وانا عارف انك صاحيه فا مفيش داعي تعملي نفسك نايمه قومي لسه مخلصناش كلامنا🤨
فتحت زهره عينها براحها واتنهدت تنهيده طويله وبعد كده قامت بهدوء نزلت رجلها وفضلت قاعده باصه للبلكونه وضهرها ليه
زهره....اظن مفيش كلام تاني يتقال بينا ياقاسم انا قولتلكم اني هريحكم مني قريب🥺
قاسم.....وهو انا لو عايز ارتاح منك هستنى انتي اللي تريحيني يا زهره🤨
زهره.....مش فاهمه؟
قاسم.....يعني انا مش مستني الكلمتين الخايبين اللي قولتيهم عشان ارتاح
زهره....كلمتين خايبين🥺
قاسم....اه كلمتين خايبين انتي شايفه يا زهره ان انفصالنا حل!!
زهره.....امال ايه الحل من وجهه نظرك يا قاسم انا معنديش اي حاجه اقدمهالكم غير اني ابعد انا قولتلكم لا كلام ولا اسف هيرجع اللي فات بس اللي في ايدي اعملوا عشانكم اني ابعد واسيبكم تعوضوا اللي فات
قاسم.....وهو انتي فاكره ان فريده ممكن توافق🤨
زهره....بوجع غمضت عينها💔 والله انت شايف ان العقبه في موافقه فريده يعني معنى كده ان انت معندكش مانع وادام انت معندكش مانع يبقى هتقدر تقنعها ياقاسم🥺
قاسم.... وانتي زعلانه ليه اني معنديش مانع ؟
زهره....وانا هزعل ليه ادام انت عايز كده يبقى انا موافقه على اللي انت عايزه🥺
قاسم.....لا والله🤨 طب ماهو انا من عشرين سنه كنت عايز كده يا زهره وانتي عارفه اني كنت بحب فريده ومع ذلك انتي بعدتينا عن بعض ورفضتي اننا نكمل بالسهوله دي الوقت راضيه وكمان بتضحي
زهره.....كانت غلطه يا قاسم كنت فاكره اني بعمل الصح ووقتها مجاش في بالي اصلا اني بغلط كنت بحبك لدرجه اني نيمت عقلي وضميري من ناحيه فريده ومن ناحيتك اه كنت شيفاك ضايع وتعبان بس خدت عهد على نفسي اني أعوضك و أعيشك سعيد وقدرت اكون قد العهد ده بس مكنتش اعرف ان ظهور فريده من تاني هيمحي العشرين سنه دول بأستيكه وتنسى كل اللي عيشته معايا.
قاسم.....انا لا نسيت ولا محيت حاجه بس لما اللي تنسيني الوجع طول العشرين سنه دول واتفاجئ ان هي كانت السبب في الوجع ده من البدايه يبقى في حاجه غلط وطبيعي جدا ان الوجع يرجع يصحى بس بدل ما كان وجع واحد بقوا وجعين بيتهيألي يا زهره انتي لسه مش مدركه اوي اللي انتي عملتيه معايا ومع فريده.
زهره....بدموع وغضب بسيط بصتله لا مدركه و واعيه جداً يا قاسم وعارفه انا عملت معاكم ايه بس قولي اعمل ايه اكتر من اني هبعد واسيبك تروح لفريده🥺🥺🥺 اعمل ايه اكتر من اني بعد ما حاربت عشان افوز بحبك بهدوء وبسهوله قررت اني ابعد انت شايف ان سهل عليا اخد قرار زي ده لو انت شايف انه سهل يبقى انت اللي مش مدرك يا قاسم الطريقه اللي بصلح بيها غلطي💔
قاسم.....وعشان تصلحي غلطك تقومي تدمري ولادك صح🤨 انتي ايه الانانيه اللي انتي فيها دي
زهره....انانيه ؟؟ طيب اعمل ايه قولي لو في عندك حل قولي عليه وانا هعمله عشانك وعشان ولادي وعشان فريده
قاسم.....مش هننفصل يا زهره انا معنديش استعداد اني اكسر جنه لو على عدي هو لسه صغير مش فاهم حاجه وحتى لما هيفهم في النهايه هو ولد لكن جنه انتي عارفه انها حساسه وهتتأثر بنتك بقت عروسه يا زهره فا مش بعد ما كبرت وبدل ما نركز معاها وفي حياتها تتفاجئ ان ابوها وامها بعد العمر ده كلوا بيتطلقوا🤨
زهره....تمام يا قاسم موافقه وفريده؟
قاسم.....دي بتاعتي انا بقى ملكيش دعوه بموضوع فريده انا هحلوا بطريقتي انا موضوعي هو إنفصالنا و ولادنا😒
زهره.....🥺💔 يعني ايه مش فاهمه انت عايز تتجوز فريده وانا على زمتك يا قاسم🥺
قاسم....باستفزاز ايه عند حضرتك مانع
زهره.....انت حر اتجوز ومش هزعل في النهايه انا قولتلك ده عقابي وانا راضيه بيه بس مش هرضى ابداً انك تتجوز فريده وانا على زمتك يا قاسم
قاسم....ليه؟
زهره.....من حقك انك تغضب تثور تعاقبني تزعل مني لكن مش من حقك تدوس على كرامتي يا قاسم🥺
قاسم.....بس انتي سبق وعملتيها يا زهره
زهره....انا عمري ما جيت على كرامتك يا قاسم🥺
قاسم.....لا دوستي على كرامتي يا زهره لما تعيشيني في كدبه عشرين سنه ولما تخدعيني وتستغلي حبي ليكي وثقتي فيكي يبقى دوستي على كرامتي
و دوستي على كرامه فريده لما أتهمتيها بحاجه معملتهاش لما طلعتيها خاينه
زهره....وانا بصلح غلطي يا قاسم وقولت اني هبعد عن حياتكم نهائي🥺 عايز ايه اكتر من كده
قاسم....مش كفايه يا زهره اننا ننفصل وتبعدي ده مش هيضيع وجع عشرين سنه ولا هيعوض البعد اللي حصل بينا
زهره.....🥺 يعني انت شايف إن عشان عقابي يكمل وتكون مرتاح يا قاسم يبقى لازم تكسرني صح💔 لو كسرتي يا قاسم هي اللي هتريحك وتطفي النار اللي جواك اعمل كده
قاسم.....ايه مش حقي وحق فريده يا زهره💔 مجاش في بالك ابداً إن الدنيا دواره مجاش في بالك ابداً ان الكاس اللي شربتيه لغيرك هتشربي منه في يوم..إنتي شوفتي ان السنين بتمر وسرك متكشفش دي حاجه تطمن وكل ما كان الوقت بيعدي والسنين بتفوت قلبي بيرتاح اكتر بس انا لو مكانك يا زهره كنت خوفت واترعبت عارفه ليه يا زهره
انا اتعلمت من وانا صغير درس من روح بس الحقيقه اني وقتها مكنتش فاهمه بس مع السنين والمواقف كنت بفهمه اكتر والحقيقه اني بعتبر الدرس ده من اهم دروس حياتي
روح قالتلي في مره ان لما بعمل حاجه غلط في اي بني ادم ربنا لازم يعاقبني حتى لو الشخص سامحني لان ده حقه وربنا عادل مش معنى انه سامحني فا ربنا يسيب حقه بس وقتها قالتلي لما ربنا ياخد حق اللي انت غلط فيه متزعلش !! وقالتلي كمان اطمن لما ربنا ياخد حق اللي انت غلطت فيه في وقتها او بعدها بيومين تلاته بالكتير
وتقلق وتخاف و تترعب لما ربنا يأجل حسابك معنى ان حسابك بيتأجل وربنا سايبك تعيش براحتك و تطمن يبقى انت ذنبك كان كبير وكل ما المده تطول تخاف لان رد ربنا عليك بعد الوقت ده كلوا يعرفك ان عقابك هيبقى قد ذنبك
وانتي أطمنتي و أرتاحتي و عيشيتي عشرين سنه يا زهره كان لازم تعملي حساب اليوم ده كان لازم تقلقي وتعرفي ان اللي بعملوا معاكي ده لا هو سعاده في اني اشوفك مكسوره ولا فرحه بالوجع اللي انتي فيه💔
اللي انتي حاسه بيه ده كلوا يا زهره مش هو العقاب انتي بس مش متحمله تسمعي مني اني عايز اعوض فريده واتجوزها مش متحمله اني ارفض اني اطلقك وتفضلي على زمتي مع وجود فريده مش متحمله اني ادوس على كرامتك كل ده وجع بتحس بيه اي ست وهي في الموقف اللي انتي فيه
لكن ده مش عقابك يا زهره على اللي عملتيه معايا ولا عقابك على اللي عملتيه مع فريده حتى يا زهره مستني عقابي من ربنا على اللي عملتوا في فريده ومتستغربيش اني بقولك كده
انا غلطت ومعترف بغلطتي ولما عرفت الحقيقه بجد من قلبي ندمت بس انا غلطي الوحيد اني مسمعتش فريده وادتها حق الدفاع عن نفسها صدقت وغضبت وبعدت بس يمكن انا كان شعوري طبيعي شعور شاب حس انه اتخان من حبيبته واقرب صاحب ليه
شعور اني كرامتي اتجرحت ورجولتي اتهانت كنت متهور ودمي حامي كنت لاغي عقلي وبفكر بقلبي بس وقتها حسيت اني قدمت حب وفي الاخر لاقيت خيانه وكاشاب في سني رجولته كانت ناقحه عليه قرر انه يبعد وفكرت وقتها ان عقابي لفريده اني ابعد ومسمعهاش ومديهاش فرصه تدافع عن نفسها ومع كل اللي بقوله ده اكيد انا ليا عقاب ربنا سايبه ليا على جنب وراضي بيه.
الفتره اللي فاتت فكرت شويه في كل الكلام اللي قولته ده وقولت يمكن ربنا عاقبني لما بنتي اتخطفت هي واخواتي.
وفكرت في موت ايمن والوجع اللي حسينا بيه فكرت في المصايب اللي حصلت الفتره اللي فاتت مع الكل واخرهم اللي حاصل لزيد 💔🥺
بس رجعت وقولت لا اللي كان حاصل ده كله وجعنا كلنا لكن انا ليا عقاب عند ربنا هيوجعني انا بس ومن يومها وانا بدعي ربنا يازهره وبطلب منه اي عقاب في الدنيا لكن بلاش يوجعني في اي حد من اللي حواليا 💔 انا اللي غلطت وانا اللي لازم ادفع التمن مش حد تاني
وانتي كمان يازهره لازم تتقبلي العقاب وترضي بيه وتدعي من قلبك ان العقاب بتاعك ميبقاش في حد من ولادنا او حد بنحبه اتنهد تنهيده طويله وبعدين قام خد غيار ودخل على الحمام💔
فضلت زهره تعيط بوجع بعد ما دخل انهارت حرفياً مكانتش عارفه هي بتعيط على ايه بالظبط من كلام قاسم اللي معاه حق فيه ولا من اللي قاله عن جوازه من فريده
ولا على خوفها من العقاب واحساسها بالندم💔
.................
في غرفه مراد وتقى
مراد من فرحته بالخبر كان حاسس ان قلبه بيرقص مبسوط لدرجه متتوصفش ويمكن من كتر ما هو فرحان مكانش قادر يزعل من تقى على تفكيرها
وقدر جداً الطريقه اللي فكرت بيها وعارف انها لسه صغيره خوفها من انها تخسره خلاها تاخد قرارات غلط
كان عارف ان تقى بتحبه بشكل كبير اوي وانها من يوم ما هو دخل حياتها و اتجوزوا بتحس معاه بالامان والراحه
بس قرر مراد انه يلاعبها شويه بطريقته لكن من غير ما يضغط على اعصابها عشان متتعبش وميحصلش للحمل حاجه.
مراد.....تقى 🤨
تقى....ايوه🥺
مراد.....بكره الصبح هتروحي مع ملك وياسين الشركه وانا شويه وهاجي وراكم
تقى...ليه رايح فين؟
مراد.....هعدي الاول على المستشفى
تقى....🥺طيب ليه مش احنا بنروح مع بعض بعد الشغل
مراد.....هنروح تاني اخر النهار بس الدكتور بتاع التحاليل كلمني من شويه لاني سيبتلوا رقمي قاللي ان التحاليل جاهزه
تقى....طيب وايه يعني ناخدها اخر النهار لما نروح🥺
مراد....امممم قولتلوا كده والله انا كده كده جاي اخر النهار قالي انه مش هيبقى موجود وهو عايزني ضروري في موضوع مهم🙄🤨
بصتلوا تقى بصدمه وخوف🥺🥺
تقى.....موضوع ايه🥺
مراد....مقالش بكره لما اروح هعرف 🤨
تقى....اااا طيب اا يعني قالك التحاليل فيها حاجه🥺🥺
مراد....بقولك مقالش هعرف بكره ان شاء الله.
تقى....طيب ما تكلموا كده وتسألوا يمكن يعرفك🥺
مراد....لما قفلت معاه قلقت قولت اتصل بيه تاني اكلموا لقيت الموبايل مغلق
تقى...طيب جرب تاني.
مراد....الساعه 3 ونص الفجر مفرقتش من كام ساعه بكره نعرف في ايه🤨
يلا بقى عشان عايز انام
تقى....🥺🥺حاضر
راح مراد على التلاجه الصغيره اللي في الاوضه بتاعتهم طلع منها علبه لبن صغيره فتحها وراح على تقى
مراد....امسكي اشربي اللبن ده قبل ما تنامي.
تقى....مش عايزه🥺 وسيبني انام بقى
كتم مراد ضحكته وبصلها بغضب
مراد....هو انا كل ما هقول كلمه هتعترضي🤨🤨 بقولك ايه انا مش بحب دلع العيال الصغيره ده اشربي
تقى....مراد انا كلت من شويه مش هقدر اشرب وبعدين انت عارف اني مش بحب اشرب لبن وبقرف منه🥺
مراد....بتقرفي منه وهو لوحده بس لما يتحط على نسكافيه او قهوه بتشربي😡
تقى....🥺عشان طعم القهوه والنسكافيه بيبقى اقوى صدقني هرجع لو شربت🥺
مراد....الصبح بردوا في المكتب قولتي هرجع لو كملت اكل وكلتي ومحصلكيش حاجه يلا اشربي وبطلي دلع🤨🤨
تقى.....يامراد انا بجد تعبت من طريقتك دي انت ايه اللي حصلك انت مكنتش كده معايا🥺🥺
مراد...قولتلك انتي اللي بدأتي فا تتحملي طريقتي والوش التاني بتاعي ويلا اشربي واسمعي الكلام عايز انام مش هفضل اناهد لحد الصبح😡
مسكت منه تقى العلبه وفضلت تعيط
مراد....والله يا تقى لو ما بطلتي عياط لا هتزعلي مني بجد😡
مسحت دموعها بضهر ايدها وبدأت تشرب في اللبن وهي قرفانه.
وسابت شويه مقدرتش تكملهم🥺
تقى....والله العظيم لو شربت دول هرجع يا مراد🥺
مسك منها العلبه يشوف فيها قد ايه وبعد كده بصلها🤨 تمام هعديها المرادي يلا عشان تنامي
نزلت تقى تحت الغطاء ونامت على جنبها وهي مدياله ضهرها
ابتسم مراد بحب كان سامع صوت عياطها وقلبه مش مطاوعه تنام وهي معيطه كان حاسس كمان انها خايفه منه ودي اول مره يحس انها خايفه منه بالشكل ده خصوصا السر اللي هي مخبياه ضاغطها ومخليها متوتره.
حط مراد العلبه في الباسكت وراح على السرير قفل النور من جنبه ونام جنبها
اتنهد تنهيده طويله وقرب منها شدها بهدوء رفعها شويه حط دراعه تحت راسها وسحبها لصدره وحضن بطنها بأيده التانيه غمض عينه بسعاده من مجرد التخيل ان بطنها فيها ابنه او بنته❣️❣️❣️❣️
مراد....بصوت هادي بطلي عياط يا قلب مراد ❣️
فضلت تقى تعيط كأنها مصدقت كلمته وحضنه ليها❣️
لفها مراد ليه و سند راسها على صدره باسها من راسها بحب ومسح دموعها
سكتت شويه ومسكت في التيشرت بتاعه و غمضت عينها❣️
ابتسم مراد بحب وغمض عينه عشان ينام وهو مقرر بكره يكشف السر ويفرح العيله وينهي على الخوف اللي جوه تقى❣️
..............
في خلال ساعات الفجر
استلم سالم الجناح كان جناح كامل مجهز زي غرف الفنادق بالظبط
غرفه استقبال كبيره فيها كنبتين و اتنين كرسي تربيزه وتلفزيون ومكان صغير زي الكوفي كورنر وبعدين في باب بيدخل على غرفه كبير مجهزه بالكامل سراير لزيد ومنذر دولاب كنبتين كبار جلد و اتنين كرسي جلد تلفزيون تلاجه صغيره
وحمام كبير داخل الغرفه
الجناح كان مجهز بالكامل وگانه جناح في فندق مش مستشفى.
فضل سالم رايح جاي ينقل الحاجه من غرفه منذر بهدوء كان معاه ممرضه
بتساعده في نقل الحاجه ظبطوا الجناح وتقريبا الغرفه فضيت تماما مكانش فاضل غير منذر يصحى عشان ينقلوا
وفي خلال نقلوا للحاجه كان كل شويه يبص على زيد ويرجع في البدايه كان بينقل بكل حماس وفرحه لكن لما فضل يروح ويجي على زيد ويلاقيه في كل مره نايم كان بيقلق ويتوتر خاف احسن يكون زيد دخل تاني في غيبوبه
خلص كل حاجه وراح على زيد تاني الدكتور كان واقف جوه لمحه بيشيل بعض الخراطيم والأسلاك اللي كانت متوصله بيه و شاف زيد مفتح عينه والدكتور مبتسم وبيكلم
ابتسم سالم بسعاده ورجع الحماس مره تانيه❣️
لف وراح على الغرفه خبط ووقف جنب الباب.
سالم....ادخل
الدكتور....تعالى اتفضل البطل بتاعنا صاحي وسأل عليك.
قرب سالم منه وهو بيضحك بحب
سالم....ايه يا حبيبي انا هنا اهو كنت بس بشوف الجناح عشان لما تتنقل عليه ايه طمني عليك انت كويس؟
زيد...بضعف الحمد لله
الدكتور....احسن مني ومنك يا سالم باشا ماشاء الله هنستنى بس عليه يوم ولا اتنين و مش هنعرفه.
سالم...بإبتسامه من ساعة ما فاق من كام ساعه وكل شويه اجي ابص عليه الاقيه نايم ومش بيتحرك بصراحه كنت مرعوب يكون دخل في غيبوبه تاني
الدكتور....لا ده فاق مرتين ودي التالته انا كل شويه اجي اشوفه ومتابعه متقلقش مش بقولك سأل عليك كذا مره
سالم....بجد انا فاكر انه نايم من وقتها
الدكتور....لا خالص متقلقش هو بينام شويه ويقوم شويه بس المرادي هو افضل كتير وبدأ يركز اكتر ولا ايه يا بطل.
زيد ....بابتسامه ضعيفه الحمد لله
سالم....طيب مش هننقله بقى.
الدكتور......انا كنت بجهزه خلاص اهو وبنشيل من عليه كل الاجهزه اللي ملهاش لازمه
سالم.....طيب تمام الجناح جاهز ونقلت كل حاجه فيه
زيد...سالم
سالم....قرب منه ايوه يا حبييي
زيد....منذر فين يا سالم؟
سالم....والله بخير اطمن
زيد....طيب لما هو بخير مش بيجي ليه.
سالم.....هو نايم يا حبيبي في الاوضه بس خلاص هيصحى بعد شويه عشان معاد العلاج بتاعه انا بس عايز ننقلك عشان نعمله مفجأه وبعدين انا مش بكدب عليك والله انت مش عارف اي حاجه من اللي حصلت تروق بس شويه وهنحكيلك كل حاجه
زيد.....يعني هو بخير؟
سالم...زي الفل والله
الدكتور....اطمن هو بخير وهتشوفوا بعد شويه انت بس جاهز يا بطل ننقلك اوضه تانيه
زيد....هز راسه بهدوء.
الدكتور....تمام يلا بينا.
بدأوا ينقلوا زيد سالم كان بيساعدهم وهو طاير من الفرحه بعد حوالي نص ساعه كان تم نقل زيد للجناح نام على سريره وعلقولوا المحاليل الدكتور شاف الجرح واطمن عليه
الدكتور....بص يا بطل انت تقريباً كده ربنا بيحبك اوي الآلم اللي كنت هتحس بيه بعد العمليتين تقريباً محستش بيه بسبب الغيبوبه اللي كنت فيها بس انا عارف انك حاسس بوجع صح.
زيد...في الم في بطني غريب وفي الم في دراعي
الدكتور....اهو الالم ده اخف من اللي كنت هتحس بيه بعد العمليه بس متقلقش هديلك مسكن الوقت عشان لما يجيلك حبايبك يزوروك يلاقوك كويس وتعرف ترحب بيهم براحتك بس عايزين نتفق اتفاق انت المفروض بعد ما تفوق كده وتحس انك متزن ومش دايخ لازم نجرب نمشي اكيد انت عارف ان اي جرح مينفعش نفضل نايمين لازم نتحرك عشان العضلات تفك وشدة الجرح دي تخف انا عارف ان في البدايه هتبقى تعبان والجرح هيشد عليك بس نتحمل لحد ما تتعود
زيد...حاضر.
سالم....متقلقش يا دكتور انا همشيه كل شويه
الدكتور....انا عايزه كل ساعه يتمشى حتى لو عشر دقايق
سالم....تمام حاضر متقلقش عندي انا دي
الدكتور....خلاص تمام عايز استلمه منك زي الحصان🤨
سالم...بإبتسامه على بليل كده هخليه بيجري في الطرقه الطويله اللي بره
الدكتور....مش اوي كده😂 واحده واحده عليه حمد الله على سلامتك يا بطل شويه كده وهعدي عليك تاني
سالم...دكتور بخصوص الاكل صحيح
الدكتور....بعد المحلول ده هوقف محاليل يقدر بعدها ياكل بس طبعاً حجات خفيفه جدا يعني شوربه سوايل دافيه ممكن عصاير بس عصاير خفيفه كده يعني المهم تكون حجات بسيطه على الاقل انهارده لسه معدته بتشتغل بعد خمس ايام
سالم....تمام يا دكتور
الدكتور....يلا بعد اذنكم
سالم...اتفضل يا دكتور.
خرج الدكتور وراح سالم على زيد باس ايده وحضن راسه بحب❣️
سالم....رعبتنا يا شيخ حرام عليك🥺
زيد....حصل ايه يا سالم
سالم....هحكيلك كل حاجه بس لما تفوق كده شويه
زيد....طيب فين منذر كل ده
سالم....انت هتجنني زيه هروح اشوفه صحي ولا لا بس هسيبك لوحدك شويه تمام.
زيد....ماشي.
سالم....مش هتأخر عليك ❣️
خرج سالم وراح على غرفه منذر كان لسه نايم
دخل سالم بهدوء وراح قرب منه.
سالم....منذر منذر
فتح منذر عينه وبصلوا
منذر....صباح الخير
سالم...صباح النور ياعم صح النوم
منذر....الساعه كام
سالم....الساعه 8 يلا قوم عشان تاخد الدواء وتفطر
منذر.....ماشي
ساعده سالم وقوموا براحه لبسوا في رجله الشبشب بتاعه وراح بيه على الحمام.
سالم....وقفت ليه🤨
منذر...خلاص هدخل انت رايح فين😒
سالم....بضحك هنشوف ايه يا واطي احمد ربنا اننا عايزين نساعدك
منذر...مستغني يا اخويا عن مساعدتكم
سالم....الحق عليا مراعي ان ايدك عامل فيها عمليه😒
منذر....ايدي التانيه شغاله اتكل على الله بقى عشان مبقتش ارتاحلك انت واخواتك😒
سالم....😂😂😂عارف لو نادتلي مش هعبرك هخليك محتاس لحد ما تعملها على روحك
منذر...اعملها على روحي اكرملي وسع كده بدل ما أتغابى عليك😒
سالم....طيب ادخل يلا😂😂
دخل منذر وقفل على نفسه سالم كان واقف بيفكر هيقولوا ايه و يفاجئه ازاي
خرج منذر بعد وقت بسيط وبص لسالم
سالم...في ايه ياض بتبصلي كده ليه اوعى تكون عملتها على نفسك😂
منذر....😒 بقولك ايه
سالم...قول
منذر....انا عايزك تكلم كاريمان وتقولها تجيبلي بنطلون وتيشرت اتخنقت من البتاعه اللي انا لابسها دي حاسس اني عامل زي مسرحيه العيال كبرت
سالم....بضحك حاسس يعني مش متأكد
😂😂😂 اولاً كاريمان عندنا لو عايز لبس يبقى هنجيبلك من حد فينا ودي محلوله بس الاهم بنطلون ايه اللي عايز تلبسه هتقلعوا ازاي ده لما تدخل الحمام 😂😂😂😂 خليك في المريله اسهل تدخل بترفعها وبعدين بتتعامل
منذر....ما تحترم نفسك والله هضربك🤨وبعدين انت مالك انا هتعامل بالبنطلون
سالم....طيب يا سيدي هخليهم يجيبولك كام غيار استنى اتصل على روح.
اتصل سالم وطلب من روح لبس لمنذر عرف انهم خلاص فطروا و جاين سألته عن زيد مقالش اي حاجه غير انه لسه زي ماهو وبعد كده قفل.
منذر....سالم بقولك ايه هو في العلاج.
سالم....اااا اه صحيح انا نقلت الحاجه كلها في جناح هنا في نفس الدور وهنقلك عليه الوقت
منذر...باستغراب في جناح؟ اشمعنى ما الاوضه اللي احنا فيها كويسه
سالم.....امير وجلال لما كانوا قاعدين معاك كانوا مكسرين من النومه وانا صراحه تعبت اديك شايف طولي الكنبه صغيره عليا فا قولت الجناح احسن في سريرين وبعدين اكبر عشان لما بيجوا كلهم بنبقى زحمه
منذر ....طيب تمام المهم العلاج هناك
سالم...اه كله تمام هنروح الوقت و هخلي الممرضه تيجي تشوف لو ناسين حاجه تجيبها على الجناح.
منذر....طيب يلا ولا ايه
سالم....يلا.
خرج سالم بيه ومشي براحه معاه
منذر....بقولك ايه تعالى نشوف زيد الاول وبعدين نروح.
سالم.....لا الاول خد العلاج و أفطر وبعدين نشوفه.
منذر....طيب
فضلوا يقربوا لحد ما وقفوا عند باب الجناح وقف سالم وبصلوا 🙄
منذر....ما تفتح اخلص
سالم...بقولك ايه
منذر....ايه
سالم....قبل يعني ما تاخد العلاج وتفطر وبعدين نروح نشوف زيد انا عاملك مفجأه 🙄
منذر....مفجأه ايه؟
سالم.....ندخل الاول وهقولك يلا تعالى بس شوف الجناح
فتح سالم الباب دخلوا على اوضه الاستقبال وبعدين ابتسم سالم مسك اوكره الباب وفتحه غمز لزيد وبعدين دخل هو الاول ووراه منذر مكانش لسه شايف زيد.
بعد سالم من قدامه بص منذر لقى زيد باصلله ومبتسم و مادد كفه لمنذر❣️
منذر وقف لثواني مش مستوعب ومصدوم بيحاول يستوعب ان زيد قدامه صاحي وباصص عليه و ماددله ايده وزي اللي يكون ذاكرته رجعلتوا نسي تعبه و وجعه ولقى نفسه بيجري على زيد
منذر.....زيييييييد🥺🥺🥺
حضن زيد او بمعنى اصح نام فوقيه
غمض زيد عينه بآلم الجرح وجعه جداً لكن فرحته بمنذر خليتوا تجاهل الوجع
فضل منذر يعيط بانهيار جوه حضن زيد وزيد ضامم ضهر منذر بقوه وهو كمان دموعه نازله.
منذر.....حرااااام عليك يا اخي عملت فيا كده ليه اااااه يا زيد
سالم...بدموع وأبتسامه ومشاعر متلغبطه طبطب على ضهر منذر
سالم....ياض خلاص ياض ماهو قدامك اهو.
منذر....يا زييييييد 💔 كنت هموت والله عشانك يا زيد
زيد....بضعف بس يا منذر اهدى يا حبيبي انا بخير
منذر....قام منذر وبصلوا ومسك وشه بايده انت بجد كويس انت فوقت هو فاق يا سالم صح
سالم....بضحك من بين دموعه يا اخي ربنا ينتقم منك خلتني عيطت اه يا عم فاق وزي الفل اهو ايه رأيك في المفاجأة دي
منذر.....انت كنت عارف صح طب هو فاق امته فوقت امته يازيد انت كويس طيب قول اي حاجه خليني اسمع صوتك 🥺💔
سالم....ياض ابلع ريقك شويه قلبك هيقف فاق اهو وزي الفل والله بعد ما انت نمت بليل الدكتور جالي وقالي انه فاق ومن وقتها وانا معاه وطلبت الجناح ده عشان تبقوا مع بعض احسن
منذر....وجالك قلب ياسالم تسيبني كل ده من غير ما تقولي يا شيخ حرام ده انا كنت بموت ومستني اللحظه دي🥺
سالم...مرضتش اقلق من النوم والله
منذر....وانت مالك كنت صحيني 💔
سالم ..تصدق انا غلطان ياض🤨
منذر....زيد انت كويس صح 🥺
زبد...بابتسامه ودموعه نازله بخير عشان شوفتك بخير❣️
مسح منذر دموع زيد وبعدين مسك كف ايده فضل يبوس فيه ورجع تاني حضن زيد❣️🥺
منذر.....كنت عايز تسيبني يا صاحبي خمس ايام عدوا عليا كأنهم عمر حرام عليك وجعت قلبي💔
زيد....طيب خلاص عشان خاطري اهدى قولي حصلك ايه
منذر...انا بخير وبقيت زي الحصان لما شوفتك ابتسم من وسط دموعه انا كنت عارف اني بحبك بطريقه غبيه بس بعد اللي حصلك انا اكتشفت اني بحبك بطريقه اغبى🥺🥺❣️
سالم....بحب ياض خلاص بطل عياط وبعدين مالك نايم فوقيه كده ليه قوم الله يخربيتك عشان العمليه.
منذر...بضحك نسيت والله حقك عليا يا صاحبي ❣️ بس بالله عليك انت فوقت صح
سالم....الله يخربيت الغباء بتاع جلال لا مفاقش ده عفريته اقولك انت بتحلم يا منذر ابو ام اللي يعملك مفجأه تاني😒
ضحك زيد غصب عنه ومسك الجرح بتعب.
منذر....انت بتضحك بدل ما تقوم تديله جوز اقلام على وشه 😂🥺
زيد....انت اللي عصبتوا اتحمل بقى
منذر ...والله ما مصدق يا زيد انا من كتر ما انا اتصدمت وفرحت خايف اكون بحلم🥺
سالم...طب اديك انا جوز اقلام عشان تصدق انك صاحي ياض قاعد ادلع فيك واقومك عشان تيجي تشوفه ولسه شاكك انك نايم.
منذر....طيب خلاص صدقت بقولك ايه روح والباشا عرفوا
سالم....ولا اي حد يعرف كله هيتفاجئ انهارده.
منذر...خليهم يتفاجئوا ويفرحوا🥺❣️
الله يخربيتك يا سالم الكلب قلبي هيقف🥺
سالم....شايف قلت الادب يا زيد انا ساكت عشان خاطرك 😂😂
زيد....معلش امسحها فيا انا❣️
فضل منذر قاعد جنبه ماسك في ايده زي العيل الصغير اللي كان تايهه وما صدق لقى الامان .
..................
في قصر الطوبجي
فطر الجميع وخرجوا على عربيتاهم
تقى....مراد🥺
مراد....نعم🙄
تقى ....ممكن اجي معاك وبعدين نروح على الشركه مع بعض
مراد....لا مش ممكن انا هاجي وراكم على طول🙄 في حجات مهمه عايزك تخلصيها قبل ما اجي
تقى....والله هخلصها بسرعه لما نرجع
مراد...هو انا رايح اتفسح شبطانه فيا زي العيال الصغيره كده ليه🤨
تقى.....هو كل حاجه بقت لا🥺
مراد....اه زي ما كل حاجه بقيتي تعترضي عليها🤨
تقى.....طيب خلاص مش هعترض على اي حاجه تاني بس وحياتي عندك خدني معاك🥺
مراد ...بصراحه كده الدكتور طلب مني اروح لوحدي 🙄
تقى....طيب ليه🥺
مراد....مش عارف
تقى....يعني عندي مشكله🥺
مراد....هو انا لما قلقت سألته قاللي لا خالص والله هي زي الفل🤨 بس عايزك لوحدك ويلا بقى خليني اروح واخلص
تقى....برعب طيب🥺
مراد....يلا مش هتأخر عليكي سلام.
تقى....باي🥺
بصلوا امير وجلال من بعيد وضحكوا 😉😉😉👌
مراد....😉😉😉👍👍
خرجوا من باب القصر كل واحد راح على شغله وراح على المستشفى
روح وراجح وصبا وفيروز وكاريمان
ومراد وداوود وليلى.
وجلال وامير كانوا وراهم بالعربيه.
اما الباقي كلهم راحوا على الشركه وشمس والبنات على شكره منذر.
في عربيه روح وراجح وصبا.
روح.....هو سالم فيه ايه انهارده؟
راجح...ماله
سالم...كل شويه يسالني انتوا فين
صبا....بخوف لا يكون زيد تعبان🥺
روح....انا قلقت بردوا بس هو صوته عادي جدا وكويس لو في حاجه كنت حسيت.
راجح....عادي يمكن عايز يمشي على الشركه ومستنينا
روح...يمكن ربنا يستر.
راجح...خير ان شاء الله.
كاريمان.....متقلقيش ياروح مفيش حاجه يا حبيبتي هو تلاقيه فعلا عايز يمشي بس مستني نروح عشان منذر كمان ميبقاش لوحده
روح....ادينا هنروح ونطمن صحيح خدتوا اللبس لمنذر
كاريمان...اه خدته معايا.
روح....طيب كويس.
...............
سالم....بقولك ايه انا هخرج كده ابص عليهم عشان كلمت مراد قاللي انهم بيركنوا وطالعين عايز اقفشهم قبل مايروحوا يطمنوا على زيد في الرعايه
منذر.....طيب تمام روح انا قاعد مع زيد
سالم....انا بقول انك تاخد ساتر افضل عشان هيدخلوا يجروا عليه وانت هتتاخد في الرجلين😂😂
منذر....اول ما تيجي هقوم 😂
سالم....قول يارب تلحق بس 😂 روح وصبا هيطروا😂
زيد....بصوت هامس صبا❣️
خرج سالم يبص عليهم واول ما لمحهم خارجين من الاسانسير.
سالم.....مراااااد مرااااد
مراد.....ده بيعمل ايه ده
روح.....قربت منه شويه انت قالقني على فكره كل شويه تتصل في ايه
سالم....هيكون في ايه جسمي باظ من نومه الكنبه ومستنيكم تيجوا عشان اطمن على زيد.
كاريمان....قولنالك ياروح اصل هي جايه طول الطريق خايفه فكراك مخبي عنها حاجه
سالم....هخبي ايه بس.
راجح.....طمني مفيش جديد؟
سالم.....لسة ياباشا بس الجديد اني نقلت منذر في جناح بدل الاوضه
مراد....اشمعنى؟
سالم....عشان اللي يبات معاه يبقى ليه سرير وكنبه اكبر النومه متعبه جداً وبعدين الجناح اكبر عشان عددنا
راجح....المهم انه مرتاح فيه.
سالم...اه مرتاح
مراد...كويس عشان امير وجلال جايين ورانا بيجبوا بس شاحن لجلال وهيجوا عشان لو هتمشي انت
سالم....مصدقوا خلعوا من الشركه🤨
مراد...حاسس ان الموضوع على هواهم فعلا😂
كاريمان... هو فين الجناح ده يا سالم
سالم....تعالوا هناك اهو قرب من روح حط ايده في ايدها عامله ايه ياروح❣️
روح ...الحمد لله يا حبيبي.
صبا.....روح لحظه انا هروح اشوف زيد وبعدين هجيلكم.
مسكها سالم من أيدها بسرعه تعالي بس اعرفي مكان الجناح وبعدين روحي.
قربوا من الجناح وقف سالم وساب روح وصبا قدامه فتحت روح الباب ودخلت
سالم....ايه رايكم في الاستقبال هنا اكبر
روح....ايوه اكبر
سالم....افتحي يا صبا افتحي هو قاعد
خبطت صبا على الباب وبعدين فتحت
اول ما شافت زيد اتسمرت في مكانها ثواني😳 وبعدين فضلت تصرخ وجريت عليه
كل اللي كان وراها اتخضوا من صريخها
وبعدين دخلوا بسرعه وراها.
صبا.....زيييييييد 💔💔💔 ااااه
حضنها زيد بايده حضن كسر ضهرها رغم ضعفه وتعبه حط راسه في رقبتها وبقى ياخد نفس طوووووويل يعوض الايام اللي كان بعيد فيها عن ريحتها الاقرب لقلبه.
زيد....ششش
صبا.....قلبي هيقف يا زيد حرام عليك يا حبيبي حرام عليك 💔💔🥺
زيد....انا جنبك يا روحي
صبا.....طيب يلا نمشي من هنا عشان خاطري 🥺💔
سالم....بضحك يمشي فين يا مجنونه هو كان في رحله😂😂😂🙈
وبعدين ادي فرصه لغيرك روح فاضلها ثانيه وتخنقك هي وفيروز😂😂
روح...بدموع سيبها ياسالم سيبها ياحبيبي دي كانت هتتجنن وتشوفوا🥺
صبا.....اااااه متعملش فينا كده تاني الله يخليك يا زيد 💔💔🥺
راجح.....صبا اهدي يا بنتي عشان متتعبيش
زيد....انا اسف حقك عليا بس اهدي❣️
صبا...بإنهيار كانت مش حاسه بنفسها خالص ولا باي حد حواليها نسيت كل حاجه لما شافت زيد
صوتك وحشني 🥺
زيد.....انتي اللي وحشتيني يا قلب زيد❣️
سالم.....تصدقوا بالله لو الدكتور شاف اللي انتوا بتعملوا في زيد هياخدوا تاني يحطوا في الرعايه اكرملوا العمليه يا جدعاااان😂😂😂🙈
بعدت صبا عنه وهي بتضحك من بين دموعها وبتبص لسالم انت مالك رخم ليه كده زي جلال وامير 🥺
سالم....رفقاً بالعمليه 😂😂 ده منذر كان نايم فوقيه من شويه😂😂🙈
حضنتوا روح من غير ولا كلمه دموعها نازله بس وتنهيدات طويله وشكر لربنا في سرها 🥺❣️
زيد.....وحشتيني❣️ ووحشني حضنك
روح....روحي رجعتلي يا زيد روحي رجعتلي يا ابن عمري❣️🥺
زيد...بطلي عياط انا بخير والله
روح....خلاص مش هعيط ابتسمت وباست ايده بحب ❣️🥺
قربت منه فيروز وفضلت تعيط في حضنه هي كمان .
زيد....فيروز كفايه عياط يا حبيبتي والله بخير.❣️
فيروز....خوفتنا عليكي يا زيد 🥺 الدنيا طلعت وحشه من غيرك اوي🥺
زيد....انا معاكم اهو يا قلب اخوكي❣️
فيروز....يارب ديماً يا حبيبي🥺
مراد...يابت وسعي بقى خليني اخده في حضني مفيش احترام للكبير كده خالص 😒
فيروز....بضحك خلاص تعالى 🥺😂
مراد....وقف بصلوا تصدق بالله هتصدق ان شاء الله انا لو عرفت اربيك بجد مكنتش عملت فينا اللي عملتوا
زيد...بضحكه ضعيفه على اساس انك عرفت تربي ابنك🙈
مراد....بضحك كان نفسي والله بس حاولت ومعرفتش حبيبي يا زييييد
قرب خدوا في حضنه بكل قوته وهو عينه مدمعه🥺
مراد....انت عارف ياض لو كان جرالك حاجه انا عمري ما كنت هرجع مراد اللي انت عارفه💔🥺
زيد...طيب اهدى يا حبيبي انا بخير والله العظيم.
منذر...ايه ياعم ما انت كنت بتضحك قلبتها دراما ليه يا كبير🥺
مراد....رفع راسه وبص لمنذر ولاد راجح كلهم في قلبي وهما عارفين بس قاسم وسالم وزيد ونادر اقرب ليا مش عشان حاجه بس طول عمرنا اخوات اصحاب عمري ما كنت بتعامل على اني عمهم يمكن عشان سننا مش بعيد فا هما كانوا ملازمني طول حياتي 🥺💔
وزيد بالاخص كان صاحبي وحبيبي سفرنا وشغلنا كله واحد من زمان
سالم....وانا ايه يا عم مراد😒
مراد.....لا انت ونادر صحاب الصياعه اكتر قاسم عقل شويه جنان شويه زيد ده الحته البعيده اللي لما تتخنق وتحب تبعد عن الدنيا تروحلوا وحشتني يا ابن الكلب🥺💔
سالم....بضحك طب خد ساتر الباشا وراك😂😂😂😂
بص بسرعه مراد وضحك
مراد....بقولك ايه انا اقصده هو😂😂
راجح....لا بعدين نتحاسب فكرك يعني هنشر غسيلنا الوسخ قدام الدكاتره لينا بيت يلمنا وسع كده😒
قرب راجح منه وحضنه حضن طويل
راجح.....وحشتني يا ابن الكلب💔
ضحكوا كلهم على راجح.
زيد....بحب حقك عليا يا حبيبي
راجح....حمد الله على سلامتك يا ابني الحمد لله يارب❣️
سلمت عليه كاريمان وباسته وليلى وداوود وفضل داوود حاضنه دموعه نازله من غير اي كلام❣️
بعد السلام والدموع والفرحه قعدوا كلهم فضلت صبا جنبه ماسكه ايده
راجح...من بعيد عينه عليه ونظراته كلها حب وعشق وفرحه باينه جوه عينه .
روح....انت عارف لو اخواتك عرفوا ان زيد فاق وانت مقولتش هيزعلوا منك بجد🥺
سالم....في حد يزعل من المفاجأة🤨
روح ...ايوه المفروض كنت عرفتنا من بليل🥺
سالم....يعني انتي زعلانه🤨
روح...اه زعلانه
سالم...تصدقي انا غلطان اني فاجئتك
تعالى يا عم زيد ارجعك الرعايه
روح...بس يارخم بعد الشر عليه يارب ما يقرب منها تاني بعمره🥺
سالم....خليه ينفعك يا ست روح ماهو حبيب القلب😒
روح....وانت روح قلبي ياسالم ❣️
سالم....اوبااااا والله انتي اللي قلبي😉
راجح....طيب ارجع اقعد على الكرسي عدل متفضلش تقرب شويه شويه هتبقى في حضنها ارجع احسنلك😒
ضحكوا كلهم على راجح.
سالم...مش فاهم يعني ايه مشكلتك ابقى في حضنها😒 وانا اول مره احضنها
راجح...اه بس ادام عدتهالك قبل كده يبقى نخلي عندنا دم
سالم....اشمعنى سكت لما خدت زيد في حضنها😒
راجح....شويه كده لحد ما يخف بعد ما يخف لو فكر يقرب هزعلوا هو كمان
مراد....لا خد بالك راجح بيقلب بسرعه😂😂😂
سالم....الله يقلب واحد بيحضن امه ايه اللي مزعلوا😒😒
راجح.....انت شكلك عايز تضرب على الصبح او قلة النوم بوظت دماغك بس انا ممكن اظبطهالك🤨🤨
سالم....بضحك خلاص خلاص😂😂
روح....بتحبوا تجيبوا لنفسكم الكلام😂
راجح....عيال ولاد كلب متربوش😡
داوود...الوقت يقولها تربيتك😂😂😂
روح...اه ماهو كل ما ميعرفش ياخد معاهم حق ولا باطل يجيبها فيا😂
سالم....خلينا في المهم محدش يقول لحد فيهم والله هزعل بجد
روح....ماشي مش هقول
سالم....وفين جلال وامير يجوا يشوفوا المقالب اللي على حق🤨
مراد....زمانهم جايين
سالم...شاحن ايه اللي بيدورا عليه الصبح هما هيلاقوا محلات فاتحه العيال دي شكلهم بيشتغلوكم وبيصيعوا عليك يا كبير😉
مراد....تفتكر🤨 استنى اتصل بامير الكلب ده.
امير.....الو
مراد...انت فين ياض🤨
امير....ركنا وطالعين اهو في ايه
مراد ...لقيتوا شاحن😒
امير...لا المحلات كلها قافله على الضهر كده جلال ينزل يشوف
مراد.....يعني مكنتوش بتصيعوا زي ما سالم قال🤨
امير.....انت بتسخن عليا انا يا عم مراد طب كنا بنصيع خلي سالم ينفعك😒
مراد...استنى ياض هتفرحوا فينا
امير....مش سخنك عليا خليني انا بقى افرحوا فيك😒 يلا اقفل طالع في الاسانسير.
مراد....بضحك قلب عليا منك لله ياسالم بقولك ايه اخرج هاتهم طالعين في الاسانسير
سالم....وسع بسرعه🏃🏃🏃
زيد حضر نفسك عندك طالعه على العمليه😂
منذر.....خد ساتر يا زيد🙄
زيد....لا عادي انا حاسس اني مبقتش حاسس بالجرح🙈
مراد.....انت هتلاقي تيران داخله عليك الوقت 😂
...............
سالم....خد يالا انت وهو🤨
امير....عايز ايه ياعم السخان😡
سالم...عليا انا شاحن ايه يا واطي منك ليه اللي هتجيبه الساعه تسعه ونص🤨
جلال...وربنا الشاحن بتاعي باظ كنت فاكر هلاقي المحل فاتح
سالم....محل😒
امير....ده محل في المول بتاع الموبايلات عنده كل حاجه اصلي بس اغلب المحلات لسه مفتحتش اصلا
وبعدين هنصيع فين الصبح كده😒
سالم....اقولك فين ومتزعلش😉
جلال....في طيبه قلبه😂😂
امير....طيبه قلبي انا بردوا المهم ايه اللي موقفك هنا 😒
سالم...تعالوا نقلنا في جناح عشان في سرير زياده والمكان اكبر عشان اللي يبات يبقى مرتاح
جلال....اه احسن بردوا عضمي اتكسر من الكنبه هنام على السرير وامير ينام على الكنبه عادي😂😂
امير....وحياه امك😒
سالم....😂😂😂😂واطي ده بقولك
دخلوا وراء سالم واول ما لمحوا زيد الاتنين جريوا عليه
ومحدش من الموجودين توقع انهم ممكن ينهاروا بالشكل ده
فضل جلال يبوس في كل حته في زيد وامير ماسك كفه ساند راسه عليه ومنهار.
الكل كان متأثر ودموعهم رجعت نزلت تاني على امير وجلال.
راجح....ماخلاص يا ابن الكلب انت وهو احنا ناقصين وجع قلب💔
مراد....ولا يا جلال قوم خلاص امير قوم يالا 🥺💔
منذر...منك لله يا سالم الكلب🥺💔
سالم....بدموع الحق عليا عاملكم مفجأه😂😂🥺
داوود....هي مفجأه حلوه بس صعبه لو قولت الموضوع كان هيبقى اخف من الصدمه دي 😂🙈
زيد....خلاص ياض انت وهو انا كويس والله
امير....وحياه امك انت فوقت بجد🥺🥺
زيد....بضحكه جميله وحياة امي فوقت❣️ خلاص ياض بطل عياط انت وهو
جلال....مسح دموعه وقام سابهم عشان يخرج مسكه سالم وخده في حضنه
سالم....بضحك ياض من امته وانت عندك دم😂😂🙈
طيب بس بس بقى وربنا هعيط كلوا إلا دموع جلجل❣️
امير....بضحك من بين دموعه انت منك لله يعني بوتجاز بتسخن علينا مراد وعامل مفجأه توقف قلبنا
سالم....ياض هي دي المقالب مش المقالب بتاعتكم😒
جلال وهو في حضنه...طيب قابل بقى وسد يا سالم على المقالب🥺🥺
سالم....الله فوقت يا اخويا عليا😒
زيد....بحب تعالى ياض انت وهو🥺❣️
قربوا منه خدهم في حضنه ❣️
السعاده كانت واصله حدود السماء في قلوب عيله الطوبجي لكن لسه الفرحه مستمره والعيله لسه هتفرح اكتر❣️
وللحديث بقيه.....
•تابع الفصل التالي "رواية احفاد الطوبجي الجزء الثاني 2" اضغط على اسم الرواية