رواية احفاد الطوبجي الجزء الثاني 2 الفصل الرابع و الثلاثون 34 - بقلم اميرة اسامة
🔥البارت الرابع و الثلاثون🔥
في صباح يوم جديد صحي الشباب الصبح فطروا مع بعض و رجعوا كل حاجه في الجناح زي ما كانت وبعد كده مشي الكل على الشغل وفضل مع زيد ومنذر جلال وأمير.
شويه و وصل راجح وروح وصبا وفيروز وكاريمان وباقي البنات راحوا على شغلهم اما زهره وليلى اتفقوا يروحوا مع بعض لكن بعد ما يتطمنوا على امور القصر كلها قعد معاهم راجح شويه وبعدين راح على المجموعه وسابهم.
قضوا اليوم معاهم وفي المساء رجع راجح والشباب والبنات كمان راحوا اطمنوا عليهم.
في خلال اليوم فضل مراد يتهرب من تقى بحجه الشغل وهي كانت هتتجنن وتعرف الدكتور قالوا ايه كان قاصد يجننها شويه وقدر فعلاً انه يخليها مش على بعضها طول اليوم.
راحوا كلهم على المستشفى وفضلوا معاهم زي كل يوم وفي خلال اليوم الدكاتره دخلوا اطمنوا على زيد و منذر وطمنوهم عليهم.
بعد حوالي ساعتين.
نادر..... انا هفضل معاكم انهاده روح ياسالم انت وامير وجلال
سالم.....لو عايزني افضل خليني وامشي انت
نادر....لا انا هفضل معاهم روحوا انتوا
امير....طيب بقول ايه بما اننا هنروح انا وجلال هنروح الاول نطمن على نور وفاطيما والبنات كانوا عايزين يجوا معانا و هشام ورهف ورامي هيسبقونا.
راجح ...طمني على نور صحيح عامل ايه؟
امير.....زي ماهو للاسف والله يا عمي حالته مش حلوه خالص
روح....اللي حصلوا مش سهل للاسف ربنا يعينه يارب انا عايزه اشوف يوم واجي معاكم اطمن عليه هو وفاطيما مشوفتهمش خالص ومش لازم نسيبهم لوحدهم
جلال....شوفي الوقت اللي يعجبك ونوديكي ياروح.
راجح....نروح معاهم الوقت يا روح احنا كده كده مروحين ومش ورانا حاجه خلينا نروح نطمن عليهم واشوف نور وبعدين ارجع انا وانتي و الولاد يخلصوا قعدتهم و يرجعوا.
روح....ماشي ياحبيبي تمام.
امير....كويس اوي طيب لو كده خلينا نقوم بقى عشان نلحق نقعد معاهم شويه.
روح....طيب بلغ فاطيما اننا جايين معاكم يا امير.
امير....تمام يا روح هبلغها.
قام الكل سلموا على منذر وزيد وبعد كده مشيوا كلهم وفضل معاهم نادر بس.
........................
بعد وقت مش طويل اوي وصلوا عند فاطيما ونور
كانوا قاعدين في الجنينه ومعاهم رهف وهشام و رامي
سلموا عليهم وسلمت روح وراجح على نور وشافوا الحاله اللي كان فيها اتأثرت روح جداً على الحاله اللي شافت بيها نور
طبيعي جداً اي شخص فينا مهما كانت شخصيته مرحه ومحب للحياه لما بيتعرض لموقف صعب بيتأثر بيه جداً وبيغير في شخصيته لكن روح متوقعتش ابداً الحاله اللي نور وصلها واستغربت جداً لان نور شخصيته مرحه كلها نشاط وحيويه بيحب الهزار والضحك ميختلفش ابداً عن جلال ويمكن كان هو اكتر من جلال كمان في خفه الدم وروحه الحلوه ازاي يوصل للحاله دي وايه هي الصدمه اللي توصل واحد بشخصيه نور للوضع ده سكتت روح ومقدرتش تقول اي حاجه الكلام راح منها.
قعد راجح جنب نور على الكرسي كان قاعد نور على الكرسي المتحرك بتاعه
ساند ايده الاتنين على الكرسي وباصص في الارض ساكت ومش بينطق.
راجح....بص لرامي ورهف وهشام عاملين ايه يا ولاد
ردوا التلاته الحمد لله.
راجح....عامل ايه يا رامي
رامي...الحمد لله يا آنكل بخير
راجح....ايه بابا راجع امته؟
رهف....بابتسامه اخر الاسبوع إن شاء الله حجز على يوم الخميس
راجح....يوصل بالسلامه إن شاء الله خلاص قرر الرجوع.
رامي....اه خلاص قرار نهائي.
راجح....والله كده افضل انا عمري ما حبيت الغربه ابداً
رامي....هو مكانش حابب اوي بس كمان كان مكمل لكن القرار ده عشان ماما ورهف رافضين خالص وبقالهم كذا سنه مش بيتكلموا غير في موضوع النزول
راجح....المهم انت تشد حيلك عشان هتشيل انت الشركه وكل حاجه على كتافك ابوك تعب واكيد محتاج يجي يرتاح وانت اللي هتبقى سنده
رامي....والله يا عمي انا بحاول هو فعلاً بقاله فتره عايزني اتعلم كل كبيره وصغيره عشان يرتاح بس انا عارف انه لما يجي مش هيقدر يقعد ده احنا كل ما بنكلموا على طول غرقان في الشغل نطلب منه يرتاح يقول حاضر ومفيش فايده
راجح....للاسف يا ابني اللي خد عالشغل
وبدأ مشواره من الصفر بيبقى صعب عليه اوي انه يوقف اه طلبنا للراحه بيكون طلب حقيقي بس تنفيذه أصعب مما تتخيل بتحس كده انها خطوه صعبه وتقيله فكرة انك خلاص مش هتروح الشغل تاني مش سهله يمكن انا الشباب كلهم اللي شايلين الشغل بس مقدرش اقعد بروح ميتهيأليش اني بعمل حاجه غير اني امضي شويه ورق هما يقدروا يمضوهم بدالي بس انا معرفش اقعد
رامي....والله يا عمي انا واثق ان بابا هيجي يعمل زيك بالظبط
راجح...المهم انت اعمل اللي عليك واجتهد وحافظ على كل طوبه اتبنت في مشوار ابوكم واي وقت تحتاج حاجه الفتره دي احنا معاك
رامي....من غير ما تقول والله يا عمي من كام يوم حبيت اسأل عن حاجه في الحسابات ومراد ساعدني وفهمني
راجح....اي وقت يا حبيبي تحتاج حاجه كلم اخواتك كلهم معاك.
رامي....ربنا يخليك لينا يا باشا❣️
راجح....وانت يا هشام عامل ايه في شغلك؟
هشام....شغلي ولا شغلي مع بابا تفرق😂
راجح....ياسلام الاتنين ولا تزعل
هشام.....كله تمام متقلقش يا باشا
راجح....عارف تنظم وقتك بينهم
هشام....والله بحاول على قد ما اقدر بس الحمد لله بتظبط في الاخر
راجح....ربنا يوفقك يا حبيبي وتحقق كل اللي تتمناه .
هشام....يارب يا باشا.
فاطيما....بإبتسامه طيب ممكن بقى أسال تشربوا ايه؟
راجح....ولا حاجه يا بنتي
فاطيما....يا خبر يا آنكل مينفعش طبعاً
راجح....طيب قهوه ساده بس انا ليا طلب قبل القهوه
فاطيما.....اتفضل طبعاً
راجح....انا عايزكم كلكم كده تتكلوا على الله وتدخلوا جوه
ضحكوا كلهم لراجح.
فاطيما.....حاضر هندخل
راجح....يلا ياروح خديهم كلهم وسيبوني مع نور شويه.
روح....حاضر يلا يا ولاد نسيبهم براحتهم.
فاطيما....اتفضلي ياروح تعالوا يا بنات يلا.
دخلت فاطيما على الڤيلا جوه راحت عملت القهوه وعملت نسكافيه لروح وليهم كلهم ساعدوها البنات
راحت بسرعه خرجت القهوه لراجح ودخلت تاني
قعدت مع روح والبنات والشباب.
امير وجلال ورامي وهشام قعدوا قريبين من بعض وفضلوا يتكلموا
اما روح والبنات بدأوا حديثهم مع بعض.
روح....عامله ايه يا حبيبتي طمنيني
فاطيما....بحزن كبير باين في أبتسامتها زي ما انتي شايفه يا روح بحاول اتأقلم مع وضع نور ومع اللي حصل لمامي وبابي والشغل اللي شيفاه بعيني بيتدمر وكل حاجه بابي حاول يبنيها طول السنين دي في لحظه بتروح من بين ايديا ومش عارفه اعمل ايه💔🥺
روح....طيب ليه يا فاطيما انا عارفه حبييتي ان كل الظروف اللي بتمري بيها صعبه عليكي جداً انتي لسه صغيره ومش حمل المسؤوليه الكبيره دي بس كمان اللي اعرفه انك بقالك كذا سنه بتشتغلي مع بابي انتي ونور يعني فاهمه الشغل كويس.
فاطيما.....صدقيني ياروح الحكايه مش حكايه اني فاهمه الشغل خالص🥺
فرح....انتي مش عارفه تكوني لوحدك يا فاطيما في الشغل يعني أقصد غياب نور عن الشغل مأثر عليكي و مخليكي مش مركزه صح
فاطيما.....ولا كده يا فرح يمكن نور في الشغل اشطر مني بكتير ويمكن كمان طريقه شغلنا فهمتها أكتر منه هو مش من بابي أكيد غياب نور عن الشغل هيأثر لاني هضطر أشيل الشغل كلوا فوق ضهري وده صعب أوي أنتوا عارفين ان الشغل بره غير الشغل في مصر الشغل بره محدش بيضايقك البلد نفسها بتدعمك محدش يقدر يبوظ شغلك ولا المنافسه عمرها بتوصل ان حد يحطك في راسه ويأذكي فوراً بتلاقي القانون بيحميكي لكن هنا لو مفيش حد واقف جنبك محدش هيرحمك وللاسف الدعم هيكون صعب بابي كان ليه معارف ونور كمان بيقدر يتصرف في الحجات اللي زي كده وعارف ناس كتير لانه كان ديماً مع بابي لما بينزلوا يخلصوا الشغل انا معرفش ولا اعرف اتعامل لو في مشكله لما كان بيحصل اي مشاكل كنت بكمل انا شغلي عادي بس ببقى مطمنه عشان عارفه ان بابي ونور هيقدروا يحلوها بس الوقت هعمل ايه فجأه لقيت نفسي شايله شغل وحمل كبير مضطره احل ماشكل الشغل ارضي الموظفين اتعامل مع الجهات الحكوميه احاول ابعد عن المنافسين و أتفادى مشاكلهم وفي نفس الوقت مطالب مني اني محسسهمش بضعفي وقلقي صدقيني ياروح صعبه انا لما نزلت اخر سفريه لمصر المفروض اني كنت جايه اخلص ورق وامشي شغل متعطل هنا وحتى دي بابي كان مظبطهالي هو ونور وقدرت اعمل ده بكل سهوله عشان هما كانوا مسهلين عليا كل حاجه بس الوقت انا لوحدي خالص مش عارفه ازاي هعمل كل ده
روح....فاطيما اسمعيني حبيبتي انتي مش لوحدك ولا حاجه يمكن الفتره دي صعبه علينا عشان الظروف اللي مرينا بيها اكيد انتي عارفه.
فاطيما....ايوه عارفه
روح....بس ان شاء الله كام يوم وزيد يخرج ونطمن عليه اكتر ووقتها شوفي محتاجه ايه وكلهم هيبقوا معاكي وبخصوص اي حاجه ليها علاقه بجهات حكوميه او خدمات راجح والشباب يقدروا يوفروهالك بسهوله
رهف....وانا كمان ممكن اكون معاكي انتي عارفه اني مش بشتغل يعني فاضيه اقدر اساعدك لو تحبي
جنه....حتى انا كمان يا فاطيما اقدر اساعدك لو احتاجتيني اينعم البيزنس انا مليش فيه بس لو في حاجه اقدر اعملها مش هتأخر عليكي
روح...اهو شوفتي انك مش لوحدك.
فرح....اكيد مش لوحدها كلنا معاكي يا فاطيما يمكن انا كمان زي جنه مش بقالي فتره كبيره بشتغل بس اقدر اقول ان الوقت اللي قضيته في المجموعه خلاني فهمت حجات كتير واقدر اساعد على الاقل لحد ما نور يرجع يقف على رجله.
ميار....انا كمان يا فاطيما ممكن اكون معاكي طول الوقت بس يعني نعدي كام يوم يكون منذر خرج من المستشفى انا بشتغل مع شمس ومريم الفتره دي في شركه منذر عشان بردوا الشغل ميتأثرش بسبب تعبه لكن اكيد لما يخرج مش هيبقى محتاجني فا انا ممكن اكون معاكي.
فاطيما....بجد يابنات مش عارفه اقولكم ايه انتوا جدعين اوي🥺
روح.....ده واجب عليهم يا فاطيما انتوا اخوات ولو موقفناش مع بعض في الظروف الصعبه يبقى منستاهلش نكون مع بعض يمكن الفتره دي مشغولين عنكم بس غصب عننا
فاطيما.....محدش مشغول ولا مقصر والله يا روح وانا عارفه الظروف كويس لو في حد مقصر اكيد انا بس كمان غصب عني لاني مقدرش اسيب نور لوحدوا يعني متقلقيش يمكن انا اكتر حد هيراعي ظروفكم لاني في نفس الظروف تقريباً
ميار....هي اكيد ظروف يا فاطيما اللي مخليانا كلنا مشغولين لكن في اقرب وقت الظروف دي هتنتهي والكل هيرتاح
فاطيما....يارب يا ميار انا حالياً مش بفكر في اي حاجه خالص كل همي هو اشوف نور بخير واحسن من الاول
روح.....هيبقى كويس يا فاطيما بس لازم زي ما بتفكري في نور تفكري كمان في الشغل لو فضلتي في الحاله دي وبالتفكير ده نور هيرجع بس للاسف هيلاقي الشغل ضايع فا لازم تحسبي حساب كل حاجه وتدي كل حاجه حقها عارفه حبيبتي انك مضغوطه بس حالياً مفيش غيرك يظبط الميزان❣️
بصتلها فاطيما بوجع وبسرعه اتجمعت الدموع في عينها🥺 وبمجرد ما عيطت الشباب بصوا عليها وانتبهوا لكلامهم
فاطيما.....بحاول بس غصب عني يا روح مش عارفه المسؤوليه كبيره فوق ما تخيلت فجأه حسيت اني ضهري اتكسر🥺 حسيت اني لوحدي.
فجأه بعد ما كنت مسؤوله عن جزء بسيط من الشغل لقيت نفسي مسؤوله عن كل حاجه فيه💔
رهف....بحزن بلاش عياط عشان خاطري🥺
روح...سيبها يا رهف سبيها انا عايزه فاطيما تعيط.
فاطيما....بوجع الفتره دي حسيت اني كبرت خمسين سنه فوق عمري مريت بتجربه بيتهيألي عمري في حياتي ما هنساها💔 قبل ما اسافر من هنا كنت مرعوبه اروح اتفاجئ ان في حد جراله حاجه كنت بحاول اطمن نفسي بحاول اتفائل بس من جوايا قلبي كان بيقولي اني هروح مش هلاقي حد 🥺
مامي و بابي و حتى نور عمر ما حد فيهم شيلني اي هم كل اللي كنت بطلبه كان بيتعمل كانوا بيريحوني في كل حاجه حتى الشغل مكانوش بيحبوا يتعبوني فيه انا مفتكرش اني اتوجعت بالشكل ده قبل كده
كل حاجه حلوه في حياتي أتسرقت في لحظه تعبت و أتوجعت شيلت مسؤوليه الشغل بالكامل لقيت نفسي فجأه في بلد غريبه بدور فيها على أهلي كأني عيله صغيره تاهت وسط الزحمه بس الفرق اني كنت بدور عليهم عشان اطمن انهم عايشين مش قادره انسى اللحظات اللي كنت بتنقل فيهم من مستشفى لمستشفى وأسأل عليهم وسط زحمه لايمكن حد يتخيلها المستشفيات كانت مليانه ناس اللي تعبان واللي مات واللي اهلوا بيدورا عليه🥺 وانا كنت معاهم دخلت اوض كتير اشوفهم وسط المصابين بس كانت اصعب لحظه لما بقيت ادور عليهم في تلاجت الموتى 🥺 وقتها حسيت يعني ايه وحده بجد واتصدمت لما لاقيت مامي اول واحده كنت منهاره حرفياً بس مش عارفه ازاي جاتلي الجرأه اني اكمل لحد ما لاقيت بابي كمان بقيت بدور على نور زي المجنونه بدعي من قلبي الاقيه عايش لدرجه اني بقيت ادعي لربنا واقوله اني مش هعترض بس سيبلي نور بلاش تاخدهم كلهم💔💔
لحد ما لاقيته في مستشفى تانيه وعرفت وقتها ان نور اول واحد تم انقاذه وبعدها لقوا مامي وبابي واتنقلوا مكان تاني كل ده كوم ورحلتي في التدوير على نور كوم تاني الوقت والله ما كان بيعدي🥺 اليوم كان طويل الوجع مكانش بيخف فضلت 3 ايام حرفياً عيني مغمضتش لدرجه اني حقيقي مكنتش حاسه اني عايزه انام بدور وبس محتاجه ارتاح و الاقي نور عايش ولقيته عايش عرفت انه رجله اتصابت الجزء اللي كان نور واقف فيه وقع على رجله بالكامل عمل عمليه حمدت ربنا وقولت مش مهم مع الوقت هيتحسن ويخف و حتى لو مش هيخف خالص المهم انه معايا وبخير 🥺💔
اتفاجئت بعدها ان نور مش معايا اصلا في دنيا تانيه لا بيتكلم ولا بينطق ولا عمل اي رد فعل لما شافني🥺
عرفت بعدها ان مقر الشركه بتاعتنا اتدمر وكل حاجه خسرناها اه عرفت ان التأمين هيرجع كل حاجه لما الوضع الكارثي ده يتحسن بس في النهايه كل حاجه راحت🥺
روح....الفلوس والشغل يتعوضوا يا فاطيما المهم ان ربنا سمع منك وطمنك على نور
فاطيما....يمكن اطمنت عليه بس صدقيني يا روح قلبي موجوع عشانه كل اللي حكيتوا ده يمكن يوجع ويمكن هيفضل معلم جوايا بس اللي تاعبني اكتر هو نور 💔🥺
انا قولتلك ياروح اني مش قادره على الشغل واني شايفه الشغل يوم عن يوم بيتدمر وانتي قولتيلي ان مفيش غيري هيظبط الميزان كلامك ده كان هيبقى صح وهقدر عليه لو نور رجليه تعبانه ومستنية انه يخف وقتها كنت هقدر اسيبوا واروح الشغل واهتم بيه.
كملت فاطيما كلامها بإنهيار 💔
لكن انا مقدرش اسيب نور يا روح في حالته دي ولا اقدر أسيبوا وأجيبلوا ممرضه تقعد بيه المسؤوليات اللي شلتها فجأه كلها كوم و الحاله اللي نور واصلها كوم تاني انا بعمل لنور كل حاجه يا روح فاهمه يعني ايه كل
حاجه🥺💔
عارفه يعني ايه اخويا اللي كنت بفرح لما اشوفه داخل عليا الاوضه يطمن هو عليا اللي كنت بحس معاه بالامان اللي كنت برمي عليه اي مسؤوليه وهو يشيلها عني لاني اخته الصغيره المتدلعه💔 فجأه ابقى انا اللي بتعامل معاه على انه طفل🥺
انا اللي بأكلوا انا اللي بعملوا الشاور بتاعه انا اللي بدخلوا التويلت 💔
انتي متخيله نور حالته واصله لأيه
متخيله انا بعمل الحجات دي ازاي اصلاً
انا لما كنت بدخل على نور الاوضه والاقيه خارج من الشاور لافف الفوطه عليه كنت ببقى عايزه الارض تتشق وتبلعني 💔🥺 وفجأه بقيت مضطره اني اعمل انا كل حاجه ليه بنفسي مش قادره اسيبه كده ولا قادره اجيب ممرضه واكشف اخويا على حد وفي نفس الوقت الموضع صعب عليا اوي صدقيني ياروح المسؤوليه دي كبيره عليا اوي💔 حاسه اني بموت بالبطئ
البنات وروح كانوا بيسمعوها ودموعهم نازله والشباب كانوا متأثرين وعيونهم مدمعه.
روح.....قامت قعدت جمبها وخدتها في حضنها من غير ولا كلمه.
هشام.....وليه يا فاطيما مقولتيش كل ده يمكن انا عن نفسي مفكرتش في الحجات دي ولا جه في بالي نور بيعملها ازاي بس ده عشان انا عارف ان نور يقدر يقف ويتعامل عادي برجله التانيه 💔
فاطيما.....بحزن نور يقدر يقف ويتعامل اه المفروض ميحملش اوي على الرجل السليمه الوقت عشان ميضغطش عليها بس المشكله مش في حالته الصحيه المشكله في حالته النفسيه ياهشام وبعدين الحجات اللي قولتها دي يا هشام طبيعي بتتكرر في يومنا اكتر من مره تفتكر هينفع كل شويه اكلمكم تيجوا من الشغل عشان تعملوا اللي بقولوا ده🥺
رامي.....على الاقل يا فاطيما نقسم اليوم علينا بدل ما بجيلك بعد الشغل انا وهشام كل واحد فينا يجي مره وسط اليوم.
فاطيما.....صعب يا رامي صدقني انا عارفه ان نور بيحبكم اوي وانتوا اخواته مش بس صحابه بس انا مش عايزه نور يتكسر قدامكم🥺
امير...بوجع ما عاش ولا كان اللي يكسره يا فاطيما بس زي ما انتي اخته احنا كمان اخواته واظن اهون على نور ان احنا اللي نعمل كده مش انتي💔 انا بجد اسف مش عارف اقول ايه بس انا اسف 🥺 اسف على الظروف واسف على الوضع اللي سيبناكي فيه لوحدك واسف على كل حاجه.
فاطيما....متتأسفش يا أمير انتوا ملكوش ذنب في الظروف ولا الوضع اللي اتحطينا فيه انا ونور 🥺 ده نصيب
روح....بصوا يا ولاد يمكن اللي فاطيما بتفضفض بيه ده صعب وصعب عليها اوي في سنها ده تشيل كل حاجه بالشكل ده بس انا بحترم رأيها جداً واللي هي بتعمله مع نور مفيش حد غيرها يقدر يعملوا وده افضل عشان نفسيه نور .
كمان يا فاطيما انا عارفه ان مساعدتك لنور فيها نوع من الاحراج بس يا حبيبتي اللي بتعمليه ده الأنسب لأخوكي هو ملهوش غيرك فا لازم تبعدي فكره الإحراج دي عنك خالص نور الوقت زي الطفل وشعوره بيكي الوقت مش بس شعور اخت انتي حاليا بديلة الام ❣️
فاطيما.....انا خايفه لما يفوق لنفسه يبقى في بينا حزازيه او شعور بالاحراج من ناحيته خايفه ميقدرش يتخطى كل ده 🥺
روح.....بالعكس يا فاطيما كل ده هتتخطوا مع بعض انتي اخته ومن دمه اللي بتعمليه ده لا عيب ولا حرام انتي مضطره واكيد مش هتسيبي اخوكي وهو محتاجلك❣️
امير....عموماً يا فاطيما من بكره احنا هنبقى معاكي ديماً ومش هنسيب نور خالص ومش عايزك تحملي هم اي حاجه تخص نور حتى يا ستي لو مش عيزانا نساعدك في اي حاجه شخصيه تخصه بس على الاقل نسنده ونشيله معاكي عشان مش هتقدري لوحدك
رامي....بطل هبل يا ابني انت كمان احنا هنيجي هنسند و هنشيل و هنعمل اي حاجه شخصيه ليه نور اخونا 💔 واللي بينا بعيد خالص عن الاحراج انا لو في وضع نور اكيد هبقى مبسوط ان رهف بتساعدني بس كمان عمري ما هضايق لو عرفت ان انت ولا جلال ولا هشام ولا نور بتساعدوني لما اتكشف على حد فيكم اهون عليا ما اتكشف على اي حد غريب يعني اللي بيتقال ده هبل وانا كل يوم يا فاطيما كنت باجي واول مره اسمع منك الكلام ده لاني انا كمان زي ما هشام قال كنت فاكر انك بتقومي نور بيقوم معاكي وبيساعد نفسه وبجد زعلان منك يا فاطيما اوي انتي قلبتي مزاجي في ثانيه بعد اللي سمعتوا ده
روح....رامي يمكن مجاتش فرصه او يمكن دي اول مره فاطيما تفضفض يعني نعذرها
رامي....بص لفاطيما بغضب بسيط لا ياروح مش هعذرها لما نبقى كلنا معاها وجنبها وتقرر انها متحملناش فوق طاقتنا تبقى غلطانه لما تعمل حجات لنور هي من جواها مش قادره تعملها وتقول عشان اخويا ميتكشفش على حد تبقى غلطانه اولاً عشان احنا الخمسه مش أغراب عن بعض قبل سفرنا وغربتنا ياروح كلمه إحراج وكسوف مكانتش في القاموس بتاعنا
وتاني حاجه غلط انها تضغط على نفسها وتبقى بتعمل حاجه لنور وهي مش قادره💔
فاطيما....يا رامي افهمني ارجوك🥺
رامي....قام وقف مش هفهم انا يا فاطيما اللي سمعته ده قفلني بجد
هشام....اقعد يا رامي
روح.....بهدوء يا رامي قولتلك مش وقته انا عارفه انك مضايق بس كمان هي غصب عنها.
امير.....اقعد يالا🤨
رامي....يعني انت عاجبك انت وهو اللي سمعتوا ده😡
امير...لا بس مش هنحاسبها كفايه اللي هي فيه وبما اننا عرفنا يبقى نتصرف في اللي جاي ونريحها مش هنقعد نعاتب فيها على اللي راح😡
جلال....امير معاه حق يا رامي المهم اللي جاي.
روح.....رامي انت و امير وهشام وجلال الفتره الجايه لازم تكونوا موجودين اكتر من كده قدام نور امير انت وجلال من الوقت ملكوش دعوه بزيد ومنذر خالص هما خلاص بقوا افضل المسأله مساله وقت ويخرجوا وهما هيقدروا الظروف وانا هفهمهم المهم نور ميتسابش الفتره الجايه خالص نظموا توقيت شغلكم كمان لازم نور يتعرض على دكتور نفسي ضروري
رامي....المفروض انه عنده كشف اخر الاسبوع وانا بكره هحجزله عند دكتور نفسي كويس جدا في نفس اليوم عشان يبقى خرج مره واحده.
ميار....هو نور كان في مكان بيحب يروح فيه قبل ما يسافر
فاطيما....أماكن كتير اوي
ميار...انا اقصد مكان خاص او مفضل يعني اوقات الاماكن بيبقى ليها دور كبير في نفسيتنا فهماني❣️
جلال.....نور مكانش بيحب يقعد في مكان واحد كان على طول بيتنطط من مكان لمكان وكان بيحب يمشي اكتر اوقات كتير لما كنا نخرج مع بعض يقولي تعالى نركن العربيه ونمشي تحسن وفعلا كان يركنا في اي مكان ونفضل نمشي ونروح مشاوير ومكانش بيتعب بيحب المشي.
ابتسمت ميار وبصتلوا يبقى نور محتاج ده يا جلال جرب كده تاخده وتمشي بيه انت والشباب تتمشوا بيه على النيل في الشوارع وسط العربيات كلوا واشربوا وانتوا بتمشوا من غير ما تقعدوا في مكان صدقني هتفرق في نفسيه نور وبعدين هو بقاله شويه مسافر ولما جه مصر متنقلش خلوه يشوف كل حته وكل مكان.
روح....على فكره انا مع ميار جداً فكره حلوه اوي بجد
امير.....وانا كمان عجبتني ومستعد اعملها بكره كمان.
رامي....يبقى بكره نيجي ناخده ونخرج معاه .
فاطيما....طيب هتحتاجوني معاه.
هشام...لا الافضل يا فاطيما نكون احنا شباب مع بعض يعني نرجع يوم من ايام زمان في عقل نور وانتي كمان حاولي تاخدي بريك شويه
تنامي تخرجي تقعدي بهدوء براحتك.
روح....ممكن بردوا فاطيما والبنات يخرجوا هي كمان محتاجه تغير جو
رامي....تمام يبقى هي كمان تخرج مع البنات انتي مش كنتي بتقولي في حجات نقصاكي انتي ونور اخرجي واعملي شوبينج و ظبطي نفسك انتي والبنات تمام❣️
فاطيما...تمام ❣️
..................
في الخارج
راجح.....ايه يا نور هتفضل في الحاله دي لحد امته لو كل واحد فينا مات ليه حد غالي عنده استسلم للحاله دي كان زمان العالم كلوا ساكت مبينطقش مفيش صوت كل حاجه هاديه و ميته
عارف انك اكيد أتعرضت لحاجه صعبه انا مش عارفه انت شوفت ايه ولا حصل ايه يوصلك يا أبني للحاله دي
بس لازم تعرف ان الاصعب من اللي شوفته ده هو الفراق نفسه يانور
اللي شوفته مهما كان يوجع ويصدم قدام شويه بالكتير اوي لما يجي على بالك وتفتكر الموقف هتغمض عينك بقوه عشان تبعد المشهد ده عنك لكن الفراق هيفضل جوه قلبك بتحس بوجعه.
ولازم تعرف ان الفراق مش معناه موت بس !!
انت مفارق أختك يانور وده وجعه اكبر هي شايله فراق ابوها وامها جوه قلبها وكمان انت مفارقها وانت عايش وهتتجنن عليك فوق يا ابني لنفسك ومتعملش فيك وفي اختك كده انتوا الاتنين محتاجين بعض ويمكن فاطيما محتجالك اكتر
يا وااااد ياواد ده معروف عن الراجل انه بيشيل اكتر و اوعى تفكر ان كلامي ده تقليل من رجولتك بالعكس اتصدم و أتوجع و عيط و اتأثر وخد جنب شويه بس مع نفسك بس متطولش🤨
لما ايمن ابني مات يا نور الخبر نزل على قلبي قبل ودني وقتها جربت شعور انك تدبح بسكينه تلمه كان جوايا بركان بيغلي وعايز ينفجر قلبي كان بينزف وجوايا ألف صرخه عايزه تطلع كان نفسي اصرخ بعلو صوتي واقول ان قلبي اتقطع كان نفسي اقول يااااناااس واحد من ولادي فارقني وخد حته من قلبي معاه 💔
وكان حقي محدش يلومني انا أاااب وابني مات في عز شبابه و هو قلبي
بس اللي منعني يا نور نظرات الوجع والحزن والضعف اللي شوفتها في عين روح امه 💔 نظرات الوجع اللي شوفتها في عيون اخواته واخواتي.
مش عيب انك تمر بلحظات ضعف والناس تشوفك واقرب الناس ليك تشوفك عادي لكن لما تحس يا نور ان الضعف ده اقرب الناس ليك متعرضين ليه معاك يبقى لازم تعمل واقفه لضعفك
وتسندهم انت وتبعد الضعف ده عنك عشان لما اللي بيستقوى بيك يشوفك ضعيف هيضعف بيك بردوا
فهمتني يا نور اختك بتستقوى بيك ولما هتشوفك ضعيف هتضعف بيك يمكن هي الوقت مش مبينه وبتحاول تكون قويه عشانك وده بالنسبالي يوجع اكتر الضغط على النفس وحش يا نور
خرج يا حبيبي اللي جواك اصرخ عيط احكي بس خرجه متسيبهوش يموتك ويموت روحك بالبطئ كمل يا نور الحياه مش بتقف وعايزه القوي اللي يعافر اللي يقع ويقوم بسرعه اللي بيتعلم من كل درس وموقف اللي بيحول وجعه لقوه فاهمني يا نور انا عارف انك سامعني كويس و فاهمني لو محتاج تتكلم انا معاك لو عايز تتكلم بعدين انا موجود وهسمعك❣️
فضل راجح باصصله بحب طبطب على رجله وحس انه مش معاه اصلاً باصص على الارض وساكت حتى مش بيتحرك
راجح قصد بكلامه انه يحسسه ان هو احسن من ناس كتير كان عايز يقويه و يشجعه لكن هو كان متأكد انه موجوع اوي و وصوله للحاله دي مكانش سهل
كمل راجح القهوه وفضل ساكت.
نور....ماما كانت بتحضر الاكل كنت لسه راجع انا وبابا من الشغل🥺
حرك راجح راسه وبص لنور اتفاجئ لما سمع صوته اخيراً محبش يعلق او يتكلم وسابه يحكي.
نور....في اليوم ده رجعنا بدري الجو كان غريب ومرعب لما نزلنا الصبح على الشركه كان كويس او معقول قبلها حذروا ان في انقلاب في الجو خلال ساعات بابا قال لو الجو وحش مش هننزل بس الصبح كان برد ومطر خفيف وضباب بس عادي مش قوي روحنا الشغل بس بعد حوالي ساعه وربع من وصلونا الجو قلب اكتر صوت الهواء كان فظيع بيضغط الازاز والشبابيك ورغم انهم مقفولين بس الهواء كان بيعمل صوت فيهم وقتها بابا قال نمشي افضل وقال للموظفين يمشوا بسرعه وكلنا مشينا💔🥺
الضباب اللي كان عادي الصبح بقى اقوى يادوب عينينا تجيب متر او متر ونص قدام العربيه كنا ماشين بسرعه ضعيفه لاننا مش شايفين اي حاجه لحد ما وصلنا البيت المطر مكانش بيقف وصوت الهواء الشبابيك والابواب كانوا بيترزعوا صوت الشجر بره كان مخيف
كل حاجه في اليوم ده كانت مرعبه زي افلام الرعب بالظبط💔🥺
ماما قامت عشان تحضر الاكل وبتقول لبابا انا قولتكم بلاش تروحوا هتروحوا على الفاضي
قام بابا وراح عليها وقبل ما يقول اي كلمه حسينا ان الارض نفسها بتتهز صوت الهواء بره مكان هوا طبيعي ولا كان مجرد عاصفه كان إعصار بيشيل البيت من جذوره💔.
سمعت صوت صريخ امي و صوت ابويا وهو بيتآلم كل اللي فاكره وقتها اني بقيت اصرخ و انادي عليهم كنت فاكر اني هقدر اجري عليهم وألحقهم بس الصدمه وقتها خلتني مركزش ان نص السقف اللي وقع عليهم كان واقع على رجلي🥺💔
فجأه مبقاش في سقف ولا حيطان بقى مننا للسما يمكن ربنا كان كاتبلي عمر الاعصار اللي حصل بقى ياخد معاه الطوب اللي حواليا ويخليني اقدر اخد نفسي بس مكنتش شايف اي حاجه الضباب مرعب سامع صريخ في كل مكان بس مش شايف حد بقيت اصرخ وانادي على امي وابويا ملهمش صوت
صوتهم اختفى شويه بقيت بس سامع صوت زي حد بيصارع الحياه صوت سكرات الموت مش فاكر كان صوت طالع من امي ولا من ابويا
كنت بحاول ارفع راسي وابص عليهم كنت شايف دم كتير ولمحت حد فيهم مش عارف هو مين الدم مغطي ملامحه ومبوظها🥺💔
صوت صريخ الناس وكلاكسات العربيات صوت الهواء الفظيع كان مغطي على كل حاجه والصوت اللي كنت سامعه طالع من امي او ابويا مبقتش سامعه💔💔🥺
فضلت مرمي في الارض مش قادر اتحرك ولا حاسس برجلي كأنها جزء مش موجود في باقي جسمي مش فاكر ايه اللي حصل نمت او غيبت عن الوعي وقد ايه معرفش بس صحيت على صوت الاسعاف فتحت عيني بصعوبه لاقيت ناس بتشيلني وكل اللي فاكره اني سامع صوت بيقول اني عايش وخدوني على العربيه معرفش انا فضلت قد ايه في حالتي دي بس لما صحيت عرفت اني عملت عملية بقيت ادور على امي وابويا بعيني مش لاقيهم سمعت كلام من الناس اللي حواليا بيتكلموا على عدد الوفيات كنت مصدوم
نزلت دموع نور وبقى يبص شمال ويمين عين زايغه في كل مكان زي اللي بيفتكر حاجه
نور.....انا فجأه حسيت ان شريط اليوم ده بيمر قدام عيني وافتكرت كل حاجه حصلت🥺💔
بابا قام راح لماما عشان يكلمها ويرد عليها فجأه ماما صرخت السقف وقع عليها بابا رجع خطوه لوراء عشان يلحق نفسه وقع عليه باقي السقف من الجنب جزء من السور الحديد بتاع السلم وقع في نفس اللحظه اللي كان بيقع فيها السقف على بابا شوفت الحديد بيدخل في بطنه وقتها افتكرت الصوت كان طالع من مين انا في اللحظه دي كنت مصدوم مش عارف مين فيهم اللي مطلع الصوت ده بس لما فوقت في المستشفى عرفت انه كان صوت ابويا امي ماتت في لحظتها ابويا فضل يصارع الموت ساعات وانا سامعه
بس مكنتش قادر اروحلوا معرفتش انقذ حد فيهم 💔💔 سمعت صوت موتهم بودني ومقدرتش اعمل حاجه صوتي راح من كتر الصريخ راح من كتر ما طلبت مساعده بس مفيش فايده الكل كان بيصرخ معايا اليوم ده كأنه يوم القيامه صعب كابوس مرعب
في المستشفى مكان معايا موبايل مكنتش اعرف حاجه عن امي وابويا مش معايا حد اعرفه مناظر شوفتها عمري ما هنساها وفجأه حسيت اني خايف ومرعوب لحد ما قدرت فاطيما توصلي انا شوفتها وقلبي اطمن بس مكنتش عارف اقولها حاجه مكنتش عارف اتكلم كنت خايف اقولها اني معرفش مكان ماما وبابا لحد ما سمعتها بتكلم امير كانت فكراني نايم وقالتوا انهم ماتوا🥺🥺💔 قالتلوا انها دفنتهم لوحدهم الضعف والخوف اللي كنت حاسس بيهم بقوا اضعاف كلهم راحوووووو🥺 معرفتش انقذ حد مقدرتش اكون في ضهر فاطيما معرفتش اطبطب عليها واخدها في حضني صوت الموت في ودني لحد الوقت
راجح....اهدى يانور💔
نور....صوتهم ملازمنييييي صوت الصريخ في ودني طول الوقت اااااااااااااااه
راجح....نووووور
نور....اااااااااااااااااااااااه يا امييييييييي
قام راجح بسرعه حاول يمسكه كان بيخبط ضهره جامد في الكرسي كان خايف يقع او رجله يحصلها حاجه
سمعوا صوت صريخ قوي خرجوا كلهم يجروا من جوه
فاطيما.....نووووور ده نووور🥺
راجح....اهدى يا نووووور
نور....لييييييييه 💔🥺
جري عليه امير وجلال وهشام ورامي حاولوا يمسكوا ويهدوا بأي طريقه مكانوش عارفين.
امير......اهدى يا نوووور💔
نور.....يا اميييييييببييي
جريت فاطيما ودخلت وسطهم خدته في حضنها مسكها نور بقوه وهو بيصرخ
نور...ااااااااااااااااه راحوا يا فاطيمااااااااااااا معرفتش انقذهم مقدرتش اروحلهم
روح......عيط يا نور اصرخ سيبووووه
نور.....اااااااااه💔💔
فضل نور يصرخ كتير بوجع لحد ما هدي خالص عينه بتقفل وتفتح بسيط وكأنه مكانش منهار من ثواني
فضل ساند على كتف فاطيما وهي وخداه في حضنها
طبطب امير على راسه وباسه
رامي كان ماسك ايده وهشام وجلال ايدهم على ضهره💔💔
راجح....ودوه على اوضته يرتاح يا ولاد هو محتاج ينام
قامت فاطيما بهدوء ومسك امير راسه سنده في حضنه
فاطيما....طيب نجيبلوا دكتور 🥺
راجح.....اخوكي بقى كويس يا فاطيما هو بس محتاج ينام ودوه يا حبيبتي وهو هيبقى كويس متقلقيش
راحوا الشباب ودوه على الاوضه بتاعته طلعوه على السرير غطوه كويس وقعد امير جنبه هو والشباب لحد ما غمض وراح في النوم
بعد وقت بسيط نزلوا تحت
امير.....فاطيما هو نام الوقت بس لو في اي حاجه كلمينا
فاطيما....انا خايفه يصحى وينهار بالشكل ده تاني🥺
راجح....ولا هيحصلوا حاجه نور خرج جزء كبير من اللي جواه ومفتكرش انه هيصحى لحد الصبح
روح.....بكره لازم تعملوا اللي قولنا عليه لازم نور يخرج خصوصا بعد اللي حصل بس لما تخرجوا متجيبوش سيره اي حاجه تفكره باللي حصل متعملوش اي حاجه غير انكم تهزروا وتضحكوا معاه وتبسطوه بس
هشام....تمام يا روح متقلقيش فاطيما انا اقرب واحد ليكي يعني لو حصل اي حاجه كلميني انا في لحظه هكون عندك تمام
فاطيما.....تمام يا هشام🥺
رامي.....طيب انا رأيي رهف تبات معاكي عشان متبقيش لوحدك
رهف....تمام انا ممكن افضل عادي
جلال....يكون افضل بردوا
رهف....خلاص انا هفضل معاها
راجح....ماشي يا ولاد خلونا نسيبها ترتاح ولو حصل اي حاجه كلمينا بس انا واثق انه هيفضل نايم انتي بس كل شويه ادخلي بصي عليه طمنيه انك جنبه واخرجي
فاطيما....حاضر يا انكل وبجد مش عارفه اقولك ايه يمكن هو وجع قلبي بس صوته كان واحشني اوي 🥺❣️
راجح....انا معملتش حاجه يا بنتي انا حاولت اخليه يخرج بس اللي جواه وده المطلوب الحمد لله ربنا يطمنا عليه
فاطيما....يارب.
سلموا كلهم عليها وسابوها وسابوا رهف معاها وروحوا
........................
في قصر الطوبجي
في غرفه مراد وتقى.
تقى....مراد من فضلك قولي بقى
مراد....اقولك ايه؟
تقى....مراد انت بتلعب باعصابي صح يعني مش عارف تقولي ايه🥺
مراد.....قولتلك يا تقى اننا هنكرر التحاليل تاني بس هنتابع مع دكتور في عياده خاصه
تقى.....طب ليه وبعدين هي التحاليل مش كانت في مستشفى خاصه ايه الفرق
مراد.....الفرق اني كنت مستعجل عشان اعرف انتي فيكي ايه بس انا بفضل اني اكون تبع دكتور وهو اللي موجهني
وبعدين قولتلك اني مش مرتاح للدكتور ده ولا التحاليل دي يعني كلامه مش مفهوم وغريب في انيميا شويه في نقص في ڤيتامين د بس بسيط
خلينا نروح لدكتور افضل وهو يقولنا نعمل ايه🙄
تقى.....لا خلاص انا مش رايحه لدكتور ولا هعمل تحاليل تاني ولو على الانيميا هجيب انا ادويه وفيتامينات هاخدهم
مراد...مفيش حاجه هتتاخد من دماغك هنروح ونكشف ونعمل التحاليل اللي هيطلبها وبعد كده خدي العلاج اللي الدكتور هيكتبه.
تقى....انا مصدقت عملت التحاليل وعدت على خير مش هعملها تاني
🥺
مراد.....يعني ايه مصدقتي ويعني ايه عدت على خير🤨
بصتلوا تقى بأرتباك
تقى....اااا اقصد يعني كنت خايفه يكون في مشاكل في التحاليل ومصدقت انها مش فيها حاجه خطر 🥺
مراد....اممممم تمام فهمت عموما جهزي نفسك هنروح بكره🤨
تقى....يا مراد 🥺
مراد....ايوه يا تقى ايه هنفضل نناهد كتير 🤨 اعتراضك ده اصلا قالقني هسالك يا تقى انتي في حاجه مخبياها عليا عايزه تقوليلي حاجه🤨
تقى.....🥺🥺🥺انا ااا لا مفيش
مراد....تمام يا تقى هصدقك بس انا مش هكرر سؤالي ده تاني ولازم تعرفي حاجه مهمه لو عرفت يا تقى انك مخبيه عني حاجه صدقيني رد فعلي مش هيبقى حلو وهيزعلك فا لو عندك حاجه مخبياها عليا قدامك فرصه تقوليها الوقت بلاش اعرفها بنفسي
تقى.....مراد انااا🥺
مراد.....انتي ايه؟
تقى.....بص انا حاسه اني نفسيا مش مظبوطه خالص اليومين دول سيبني براحتي شويه وصدقني هبقى اتكلم معاك بس بلاش نروح بكره 🥺
مراد...يعني في حاجه صح؟
تقى.....🥺🥺🥺💔 لا مفيش بس
مراد...تمام يا تقى اوك مش هنروح للدكتور وهستنى يومين اقولك هستنى لاخر الاسبوع كده كويس
هزت تقى راسها وفضلت ساكته🥺
.............
خلص اليوم وجه يوم جديد
الكل راح على شغله واليوم كان بيعدي من غير اي احداث رهف قامت من النوم وبعد شويه سابت فاطيما لما اطمنت ان نور كويس وقالتلها هتيجي اخر النهار و على المغرب..
وصل الشباب والبنات عند فاطيما و نور
لاول مره من فتره طويله ابتسامه جميله وهاديه اترسمت على ملامح فاطيما.
رامي....ايه الابتسامه الحلوه دي نور كويس
فاطيما....كويس الحمد لله انهارده صحيت لقيتوا صاحي قولتله صباح الخير ورد عليا مكنتش مصدقه
ابتسم وخدني في حضنه نزلت دموعها وهي بتضحك كنت حاسه انه اول مره يحضني من كتر فرحتي بيه❣️
فطرنا مع بعض وكان بياكل لوحدوا محبتش اضغط عليه في الكلام واكتفيت بالحجات البسيطه دي
امير...بفرحه طيب هو فين
فاطيما....في الاوضه انا قولتلوا انكم هتيجوا تاخدوا هو مردش ولا قال اه ولا اعترض بس هو لسه ملبسش هلبسوا
امير....لا سيبيه انا هروحلوا تعالوا يلا يا شباب معايا
فرح....طيب انتي جاهزه عشان نخرج
فاطيما.....اه خمس دقايق بس واكون معاكم
فرح....طيب يلا اطلعي لحد ما هما يلبسوا❣️
فاطيما....طيب اعملكم حاجه تشربوها
ميار.....هناكل ونشرب ونعمل كل حاجه لما نخرج يلا بقى.
فاطيما.....ماشي ثواني و جايه❣️
..................
دخل الشباب على نور دخله مخبرين اتخض نور ورفع راسه😳
امير....اوبااااااا ده في واحد خارج معانا لسه ملبسش🤨
جلال.....واللي مواعيده مش مظبوطه في الحاله دي نعمل في ايه🤔
رامي.....بنعلقوا🤨
هشام....او بنعفي عنه ونديله فرصه دقيقتين تلاته يلبس فيهم بسرعه🙄
ابتسم نور بهدوء
امير.....طيب موافقين على الاعفاء يا شباب🧐🧐
رامي....موافقوووووون
جلال.....وانا هتطوع واطلعله طقم شيك اصل صاحبنا معروف عنه انه النزاهه😉
رامي ...ومعاكسه البنات😎
ضحك نور ضحكه بسيطه ❣️
هشام....وانا هتطوع واساعده في اللبس
راح جلال بسرعه هو ورامي طلعوا طقم شيك خد منه امير وهشام وبداوا يلبسوا
جلال....اوعى السيكس باكس😉😉
رامي....اوعى تفكر انه راجل رياضي وبيهتم بصحته انا لسه قايل انه بتاع بنات😉😉
امير....على يدي شد يا هشاااااام😂
جلال....هو البنطلون ضيق اوي كده😂😂
امير....لا خايف على رجله🙈🙈
هشام.....بس اللهم لا حسد الجته لسه جامده😉😉
رامي....اوبااااا هشام عينه زاغت على الواد اللي حيلتنا😂😂
جلال....حقه هي دي جته عاديه 😉😉
امير.....انا لو مكانك اخاف منهم🙄
ضحك نور وابتسامته من غير ولا كلمه كان كفيل بالنسبالهم انهم يكتفوا بيهم
لبسوا جلال الشراب والكوتشي
حطلوا رامي من البرفيوم بتاعه وظبطوا على الاخر بصلهم نور بحب
نور......وحشتوني اوي🥺❣️
ابتسموا كلهم وقربوا منه وحضنوا
بعد وقت بسيط كانوا خرجوا والبنات خرجوا مع نفسهم
ركن امير عربيته في جراچ في وسط البلد وقعدوا نور على الكرسي وبدأت رحلتهم في الشوارع
فضل هشام يزق فيه وهما طول الطريق بيضحكوا ويهزروا معاه و يفكروا بخروجات خرجوها مع بعض
وقف رامي دخل اشترى من محل سوري ساندوتشات شاورما وحاجه ساقعه وسندوا على رصيف في الشارع ووقفوا يكلوا وهما مبسوطين بعد ما خلصوا مشي هشام بيه تاني واول ما قربوا من كوبري قصر النيل مسك جلال الكرسي بداله وسابهم وفضل يجري بيه وهما يجروا وراه ونور مبسوط وبيضحك قفشوا امير ووقفوا على الكوبري
امير....الله يخربيتك ويخربيتك يا هشام ملاقتش غير جلال وتديلوا الكرسي😂😂😂🙈
هشام....والله خدوا من ايدي قولت بيريحني معرفش انه هيركب في رجله قطر ويجري بيه😂😂😂🙈
جلال....طب بزمتك يانور اتبسطت ولا لا😂😂😂
نور....بضحك اتبسطت والله.
امير.....بقول ايه تعالوا ناكل حمص🙈
هشام....لا هات فشار ريحته حلوه اوي
امير...ايه ياض البرود ده ماتجيب اللي انت عايزه وانا اجيب اللي انا عايزه😒
رامي...امسكوا في بعض احسن بقولكم ايه سيبكم من الاكل تعالوا نتصور مع بعض
جلال.....اه واطلع اقعد على السور وانا هزقك😂😂😂
رامي...امشي ياض يا بارد من وشي😒
وقفوا اتصوروا مع بعض و بعدين وبعتوا الصور لفاطيما عشان تتبسط وراحوا اشتروا حمص و فشار
جلال....بقولكم ايه تعالوا معايا😍
امير...على فين يا مصيبه🙄
جلال...تعالى بس😒
امير....طيب هات نور متمسكهوش انت
رامي....مودينا فين ياض🤨
جلال....بضحك تعالوا هركبكوا مركب ونرقص مع البنات😂😂😂
هشام....الله يخربيت فقرك😂😂
نور....عارفين انا نفسي في ايه اوي
امير....ايه يا حبيبي قول
رامي...اكيد نفسه يرمي ابن عمك من الكوبري 😒
جلال....طيب انا عرفت نور نفسه في ايه ادام سرح وابتسم كده😉
رامي...لا وانت ماشاء الله بتجيبها وهي طايره🤨
جلال....طب والله عرفت
نور....بضحكه جميله طيب قول نفسي في ايه❣️
جلال....زلابيه سخنه غرقانه في العسل😉
ضحك نور😂😂 ومدلوا ايده 👊
ضربه جلال بايده وضحك👊
جلال....عيب انا عارف
هشام.....طيب معلش سؤال😂😂 ده واحد عايز يركبنا مركب عشان يرقص مع البنات ايه اللي دخل الزلابيه في الموضوع
جلال....مره انا وهو خرجنا مع بعض وروحنا جيبنا زلابيه كانت ريحتها فظيعه وبعدين روحنا ركبنا مركب وكان يوم تحفه والمطر مطر علينا❣️ وانا عارف اني لما قولت مركب الزلابيه جات في باله عشان هو اصلا بيحبها 😂
امير....بس كده احلى زلابيه ياعم هتجيلك الوقت يلا بينا
مشيوا مع بعض وراحوا اشتروا زلابيه وبعدين ركبوا مركب مع بعض
وقضوا باقي يومهم في ضحك وهزار وحكايات وحاولوا انهم ميذكروش اي موقف وحش خالص عشان ميخسروش الضحكه اللي اخيرا اترسمت على وشه.
خلصوا خروجتهم ورجعوا نور على الڤيلا كانت الساعه اتنين الصبح البنات كانوا وصلوا فاطيما ومشيوا مع الجاردات ورهف استنت رامي
نور.....شكراً يا شباب على الخروجه الحلوه دي
امير....على ايه يا نور احنا كنا محتاجين الخروجه دي اكتر منك بقالنا كتير متجمعناش
جلال.....السهره الجايه هتبقى عندنا في القصر لما زيد ومنذر يخرجوا
نور....سلملي على زيد كتير يا جلال
جلال....حاضر والله هو سألني عليك انهارده لما كلمته وبيسلم عليك
نور....هشوفه ان شاء الله لما يخرج
امير....ان شاء الله نتجمع على خير يا حبيبي.
دخلوا جوه وساعدوا في الغيار ونيموا على السرير فاطيما كانت مبسوطه اوي انه فرحان وبيضحك ونفسيته اتحولت خالص بعد الخروجه دي
خرجت بره معاهم توصلهم شكرتهم كتير وكانت فرحانه جداً
سلموا عليها وبعدين مشيوا ❣️
...................
بعد مرور ثلاث ايام
اتحسن زيد جداً واتكتبلهم على خروج
الدكتور اجل خروجهم لبعد العصر عشان الدكتور الاستشاري يطمن عليهم تاني
في اليوم ده روح وباقي البنات فضلوا في القصر يحضروا اكل ويستعدوا لاستقبالهم كانوا فرحانين جداً
واللي راح المستشفى صبا وفيروز بس
ياسين كان بايت معاهم واول ما وصلت صبا وفيروز مشي على الشركه يخلص شويه شغل لحد ما الدكتور يجيلهم
..............
قعدت صبا جمب زيد وفيروز مع منذر وكل واحد فيهم كان في دنيا تانيه.
الفرحه في عيونهم ظاهره جداً
احداث كتير حصلت في اليوم ده الفرحه كانت في قلوب الكل والتجمع اللي اتحرموا منه فتره رجع تاني مع خروجهم لكن في نهايه سهرتهم
اتكسر قلب شخص فيهم💔
اشوفكم مع تجمع من نوع خاص
وللحديث بقيه.....
•تابع الفصل التالي "رواية احفاد الطوبجي الجزء الثاني 2" اضغط على اسم الرواية