رواية هو انت مين الفصل العشرون 20 - بقلم سحر السحرتي

  رواية هو انت مين الفصل العشرون 20 - بقلم سحر السحرتي

هو انت مين 

حلقة ٢٠

دينا: بصراحه عنود عنيده جدا واللي مرت بيه صع-بها قوي ... هتحتاج تصبر عليها واعتذار منك بس طبعا هي مفهماني انك بترفض تعتذر ... طلع مش هي بس اللي عنيده

: اللي حصل مش سهل على اي راجل

: كلنا عارفين ومقدرين بس بص لها بطريقه ثانيه انها كانت تقصد بيها انقاذك مش س-وء سلوك منها 

:انا عمري ما بصيت ان س-وء سلوك 

:اظن هي اتع-اقبت على ده بما فيه الكفايه  ... انها تتع-ور في راسها ودم-ها يسيل ويا عالم كان عم جاد اخذ باله ولة لا كان ممكن يحصل ايه

: هو ده اللي ضايقني اكثر 

:يبقى كان كفايه ده عق-اب او حتى كنت سبتها من غير طلاق على ما تهدى وتفكر 

:وقتها الغض-ب اتمكن مني ما عرفتش انا بعمل ايه

 :حتى ما فكرتش ترجع بعد اسبوع او اثنين سبتها كام شهر وعارف انها هتبقى مسحوله في المشاريع وكنت و اعدها تساعدها فين وعدك ده وفين وعدك لمامتها انك تاخد بالك منها

:انا معترف اني غلطان بس اللي عملته كان كبير على اي راجل

 :دكتور اياد من اللي سمعته انها مك-سوره قوي وطبعها عندي فمش هترجع بسهوله وممكن كمان تضيعك من ايديها لو ما استعملتش الطريقه المناسبه معاها 

:يعني بمعرفتك بيها تنصحيني بايه

: الصبر والاهتمام يعني مهما ردت عليك رد بايخ استحمل وانت عارف هي بتحب ايه اعملوا ... على فكره عنود اتغيرت كثير عن زمان كانت مدلعة قوي من أهلها كلهم بلا استثناء في يوم وليلة تبقى مسؤوله عن امها و مجب-رة تشتغل وتصرف على البيت غير انها كانت مسؤوله عن أعمال البيت لان والدتها كانت مريضة جدا ده ماكانش سهل على اي حد شالت شيلة مش قدها لكن ما خذلتش امها

: عارف كل ده والدتها حكت لي كل حاجه وازاي كانت زعلانه انها بسبب الشغل ما قدرتش تحضر خطوبتك وانت اعز صديقه على قلبها

: وعشان عارفه ظروفها ما زعلتش وياما عرضت عليها مساعده رفضت بشده 

*اثناء حوارهم سويا حضرت عنود كانت عينيها مت-ورمة من البكاء ووجهت حديثها لدينا انا نازله البحر يا ديدي هتنزلي معايا

 *همس اياد في اذنها 

:صباح الخير حبيبي عامل ايه النهارده 

*نظرت له باستغراب من نبرته الحنونه و التفتت لدينا

: ها هتنزلي

: اه يلا بينا 

*ذهبت للسباحه هي ودينا وهو ذهب ليرتب لها غداء رومانسي عندما انتهت وجدته يتكلم مع دينا ويتفق معها على شيء

بقلمي سحر السحرتي 

*بعد ان انتهت من تبديل ملابسها 

:هو اياد كان بيتكلم معاكي في ايه 

:هقول لك بس بلاش تته-وري وتقولي له ...  هو عزمك على الغداء و هعمل اننا رايحين و نتفاجئ بوجوده وشويه و اتسحب و اسيبكم 

:يا سلام و مفكراني هنفذ

: عنود انا قلت لك عشان تهدي الدنيا ما بينكم هو ناوي يصالحك ويعتذر لك بلاش رد الفعل الاوفر احسن يزهق ويضيع من ايدك

 :يعني ارجع له بسهوله

: لا طبعا ما قلتش كده بس حاجه زي النهارده اتفاجئي و اعملي نفسك هتمشي وانا امسك فيك فتقعدي عشان خاطري وهكذا لغايه لما تحسي انه قدم اعتذار كافي يعني ترخي شويه وتمسكي شويه  

:انت شايفه كده

 :انا شايفه انك بتحبيه وانت غلطتي وهو زودها في رد فعله وما قدرش انه كان عشانه

: بجد انت شايفه كده ولا بتهديني وخلاص

: لا لما فكرت فيها من وجهه نظرك لقيت اسبابك صحيحه لكن طريقتك اللي كانت غلط لانك كنتي مش قادره تفكري وادينا بنصلح 

:طب يلا عشان جعانه ولما تلاقيني زودتها اغمزي لي

: على فكره هو كمان اداني الشيكولاته دي عشانك بس قلت له انك هترفضي وبلاش فلوسه تضيع على الأرض فهاكلها

*خطفتها من يدها 

: هاتي دى انا ممكن اكلك انت شخصيا يا حبيبي يا اودي وكمان النوع اللي بحبه

: بالنص بقى 

: انت مش مخطوبه ما تخليه يجيبلك ما شفناش حاجه منه

: رخ-مة زي خطيبك 

 *ذهبا الى المطعم المتفق عليه 

دينا :ايه ده دكتور اياد هنا مش كنت تقول كنا جينا مع بعض 

*تتظاهر بالغض-ب 

عنود: يا سلام يعني مش مرتبينها انا شايفاكم بتتكلموا مع بعض

: ده كان بيسالني على خطيبي

 :طب انا ماشيه المطعم ده مش عاجبني

: يا بنتي ده من احسن المطاعم هناكل ونمشي

 :لا مش عايزه خلاص 

:عشان خاطري انا جعانه قوي

 :عشانك انت بس على ترابيزه ثانيه 

:ما يصحش دكتور اياد يقعد لوحده وبعدين ممكن حد يعاك-سنا واحنا بنتين قمرات

: اللي يعاك-سنا هشل-فطه

: اقعدي بس واهدي الاكل هنا حلو قوي

بقلمي سحر السحرتي 

 *جلست عنود وعلامات عدم الرضا على وجهها ولاحظ اياد ذلك ورن هاتف دينا فاستأذنت لتتحدث مع خطيبها فتحدث بحزن 

:لو متضايقه اني قاعد معاكم هقوم اقعد على ترابيزه ثانيه

: لا خلاص عشان دينا مش هقدر احرجها 

: ايه رايك اطلب لك على ذوقي 

 :متشكره بس هدفع حسابي 

: انا عازمك انت ودينا 

:انت تقدر تعزم دينا لانها  بنت استاذك انما انا بأي مناسبه 

:استاذك و عازمك مش كفايه وبعدين ياما والدتك عزمتني سبب كافي

*وقال بحنية وحب

: ارجوك ما ترفضيش 

:حاضر المره دي بس ما تعملهاش تاني

 :واذا عملتها هتكسفيني 

:اه فبلاش تضطرني اعملها 

*بدا ينظر في عينيها بحب كانت تعهده وشردت هي الاخرى داخل عينيه ارادت ان تقول له :وحشتني قوي يا اجمل من رات عيني

 *فشعر بها و نطقها  هو 

:وحشتيني قوي يا احلى حاجه حصلت لي في عمري

 :هو ينفع اطلب منك طلب 

:اتفضلي يا حبيبه قلبي

 :ممكن بلاش الكلام ده لان زي ما قلت لك امبارح مش هقدر ارجع

: هو انا طلبت منك ترجعي انا بعبر لك عن مشاعر حاسسها جوايا ما طلبتش منك حاجه 

:يعني اسيبك تتكلم وما اردش عليك

 :بالضبط كده 

*وصل الطعام و تأخرت دينا 

:انا هقوم اشوف دينا فين

 :ما تكلميها في التليفون 

: للاسف نسيته في الفندق

 :خلاص هكلمها انا

 *اتصل على دينا وقال 

:بتعتذر اضطرت ترجع لان خطيبها شحن لها هديه ولازم تستلمها بتقول النهارده عيد خطوبتهم 

:نعم هي الخطوبه كمان بيعملوا لها عيد 

:اللي بيحبوا بعض بيبقى كل يوم عيد بالنسبه لهم ...  كلي بقى قبل الاكل ما يبرد 

*بعد ان تناولوا الطعام 

:شكرا يا دكتور على العزومه وذوقك كان حلو هقوم اروح 

:استني عايز اتمشى معاكي شويه واقول لك كلمتين مهمين

: انتظرت كي يمشي معها فقد قررت ان تهدا الامور قليلا 

*امسك يدها فسحبتها منه 

:ممكن بلاش تجاوزات انا استنيتك نمشي سوا و هسمعك اكثر من كده بلاش تضغط عليا 

:يا عنود وحشتيني قوي ومحتاج امسك ايدك 

:اياد بلاش تضغط علي انا بتكلم معاك بالعافيه 

:خلاص تحبي تقعدي على الكورنيش 

:ماشي نتمشى هو قريب من هنا 

*جلس فوق احد المقاعد 

:بصي لي يا عنود

 *فنظرت له وجد الدموع في عينيها تجاهد كي تستقر بداخلهم

: انا اسف وانت عارفه اني مش بقولها وعارفه اني مش غلطانه

 :عارفه بس مع اعتذارك انا مش قادره اقبله او ارجع

: ما ترجعيش خذي وقتك فكري و تعافي من جرحك وانا مستنيك 

:واذا تعفيت وقررت اسيبك هتقبل

 :هقبل اي حاجه طول ما هتبقي سعيده تحبي تاخدي وقت قد ايه 

:شوف انت سبتني قد ايه و تضربهم في اثنين او ثلاثه 

:كثير قلبي مش هيستحمل انت متاكده اني بحبك قوي

 *وامسك يدها وقبل كفها فلم تنهره هذه المره فاكمل

:ولو ما كنتش بحبك قوي ما كنتش زعلت منك للدرجه دي لان بجد بغ-ير عليك و بج-اهد نفسي تبقى غي-ره معقوله مش مجن-ونه

: يا اياد عق-ابك كان ق-اسي قوي مش قادره اوصف لك

: عارف و ندمان نتفق انا انسى وانت تنسي 

:بالسهوله دي

: اه ربنا خلق الراجل بطبعه غي-ور جدا تخيلي بقى لما وانا  كنت في الس-جن وواحد بيته-جم عليك وكنت هتم-وتي فيها كل ده عمل فيا ايه 

*كادت ان تضعف امام حنيته لكن وحش العند افاقها و كأن عقرب لدغ-ها فقامت من مجلسها 

:اه كنت سبتني يوم اثنين اسبوع مش كام شهر وطلاق كمان هفكر كام شهر وابقى اقول لك ردي سلام 

*وتركته وذهبت تعجب من هروبها ولكنه ايقن انها هربت لانها بدات تلين فانتظر اليوم التالي كي يكمل مط-اردته لها 

*في اليوم التالي ابتعدت عنه عنود وجلست مع اسلام ومجموعته تلعب معهم كره الشاطئ والكره المائيه وكلما اقترب اياد ليلعب معهم انسحبت 

*مر ذلك اليوم لم يستطع التحدث معها او الانفراد بها فقرر انه في اليوم التالي سيدبر خطه اخرى مع دينا

 *تفاجا اياد بعوده عنود الى القاهره 

:رجعت ليه

: انت عارف عنود مش بتكمل معانا الفتره كلها عشان المصاريف زي كامب الفيوم

: وما قلتليش ليه

 :فكرتك عارف من بابا

: خلاص انا نازل انا كمان

 :اتمنى تتوفق معاها هي طيبه و تستاهل 

:هبقى اكلمك لو احتجت حاجه

: لا انا جوازي كمان شهر مش فاضيه بكمل اللي ناقصني

: هي عنود هتنزل معاكي

: لو مواعيد شغلها تسمح لها اكيد مش هتسيبني 

:صحيح شغلها دي فرصه هايله 

:مش فاهمه

 :بعدين تفهمي 

*بعد مرور ايام واستلام العمل باسبوع عقد اجتماع مع المهندسين لاستلام المكتب تصميم ديكور لاحد الفنادق الكبيره فقد تعاملوا مع احد فروعه وكان عملهم محط انظار الجميع 

*دخل الجميع وتحدث حسن 

:احنا هنصمم ديكور جزء من الفندق بيجددوه وطبعا بما اننا حصلنا على ثقتهم بعد الشغل اللي فات معاهم طلبونا بالاسم من غير ما يعملوا مناقصه ... ده شيء كويس ونقطه لينا عايزين نعمل شغل حلو واكيد هيكملوا تجديد باقي الفندق بس بياخذوا جزء جزء عشان ما يتقفلش كله ... الباشمهندس محسن هيعرض عليكم شغلنا اللي فات عشان الناس الجديده وعشان ما نكررش حاجه اتعملت 

*بعد عرض صور ما تم تنفيذه ظهر اياد وقدمه حسن

 :دكتور اياد شريكنا هنا وهو مسؤول عن اختيار التصاميم اللي هتتنفذ بس محسن هو اللي بيشرف على التنفيذ وانا طبعا تخصصي الميزانيه زي ما انتم عارفين 

*تحدث اياد :مطلوب من المصممين الجداد و القدام تقديم تصميم اولي واللي هيكون احسن تصميم هو ده اللي هيتنفذ بالتوفيق للجميع ...  اه خلال يومين التصاميم تكون عندي عشان هنبدا بعد اسبوع 

*كان وجه عنود متحول للون الاحمر من الغض-ب فانصرف الجميع الا هي وتوجهت لتتحدث الى حسن 

:باشمهندس حسن انا مش هقدر اشارك معاكم في المشروع ده 

:ليه يا باشمهندسه انا متفائل ان تصميمك هو اللي هيتنفذ و هتتفوقي على زمايلك الجديد والقديم منهم

 :لاني مستقيله من المكتب اظن عيب قوي الخطه الباي-خه اللي عملتوها عليا 

:خطه ايه انت قدمتي في الوظيفة واحنا قبلناكي

: انت عارف اللي كان بيني وبين دكتور اياد و افتكرتك دلوقتي انت حضرت خطوبتنا بس ما لحقتش اتعرف عليك يومها 

:ده ايه علاقته بالشغل 

:علاقته اني مش عايزه اتعامل معاه 

:حاولي تفرقي بين امورك الشخصيه والشغل 

:افرق او لا ده شيء يخصني استقالتي هتبقى على مكتبك بعد خمس دقائق 

:طب افتكري ان في شرط جزائي 

*ابتسمت بسخريه

:وطبعا انتم هتطالبوا بيه

: اكيد زي ما انت كنت هتطالبي بيه لو مشيناك قبل المده 

:مفيش عندي مانع اتح-بس لانكم حاطين مبلغ يعج-زني عن الدفع 

:عايزه نصيحتي 

:لا مش عايزه اسمع منكم حاجه 

:اسمعي بس دي فرصه كويسه بلاش تخسريها 

*تدخل اياد :ممكن تسيبنا يا حسن لوحدنا 

*تركهم وخرج كادت أن تخرج هي الأخرى 

: استني رايحة فين

: ماشية مش عايزه مكان يجمعني بيك ما صدقت خلصت الجامعه 

: جبا-نة

*عادت بعد أن كادت أن تخرج 

: نعم بتقول ايه 

بقلمي سحر السحرتي 

: انت خايفه تصميمك يبقى وحش قدام زمايلك صح 

:لا طبعا انا واثقه ان لو عملت تصميم هيمسحهم كلهم

: اشك مفيش حد يسيب فرصه زي دي الا اذا كان فاش-ل او خاي-ف من الخس-اره

: انت متاكد اني مش حاجه منهم

: انا بتحداك تعملي تصميم يمسح تصاميم زمايلك تحبي امد لك المده تبقى اسبوع عشان تقدمي حاجه عليها القيمه

*أجابت بكل تحدى وثقة

 :انت طلبت منهم يقدموه خلال يومين انا خلال يوم هيكون عندك 

:طب خدي دي تشجعك

 * امسكها من يدها وقربها من حضنه وقبلها قبله على شفتيها بحب وعشق لا محدود

*فامسكت كوب الماء و القته على وجهه 

:ودي عشان تفوقك وتفكرك ما تلمسنيش تاني 

:يا مجن-ونه عملتي ايه

: حذرتك  قبل كده انت واحد مش من حقه يلمسني احمد ربنا انها مش شوربه سخنه زي الراجل اياه 

*وتركته وذهبت لكنه ضحك على جن-ونها وعلى انه عرف كيف يروض-ها  ويكسب عندها لمصلحته  ...فقد تحداها حتى لا تترك العمل 

*بعد يوم كانت عنود تسلم التصميم الاولي لاياد الذي كان مبهور به 

:انا متاكد ان مفيش حد هيقدم حاجه احسن منك 

:اظن اقدر بقى اسيب الشغل دلوقتي 

: ليه مش فاهم ده ايه علاقته بالتصميم اللي سلمتيه

:انت تحدتني وانا كسبت التحدي المفروض اسيب الشغل بمزاجي 

:احنا ما اتفقناش على كده غير اننا لسه ما شفناش تصاميم زمالك ولو تم اختيار تصميمك لازم تشرفي على تنفيذه 

:يعني التحدي جه على الفاضي

 :هو انا اتفقت معاكي على حاجه و خلفتها 

:لا انا اللي غ-بيه كان لازم اتفق قبل ما اسلم التصميم

 :طول عمرك يا حبيبتي مش غريبه عليك

: انت بتشت-مني 

:انا بأكد على كلامك بس ما تزعليش لو عايزه مكافاه من نوع خاص عندي استعداد 

:مكافاه ازاي من نوع خاص  

*نظر على شفتيها و غمز لها 

:يظهر ان دش الميه بتاع المره اللي فاتت مش نافع

 :لا ما انا حذر المره دي و شايل كل كوبايات الميه 

:بس في حاجات ثانيه ممكن تف-تح دماغك

: هي هتوصل للدرجه دي 

:واكثر لو قربت بالطريقه الوق-حه دي ثاني سلام اشوفك بكره وانت بتستلم التصاميم 

:استني لسه مواعيد العمل

: انا اشتغلت التصميم في البيت لو مش عاجبكم افصلوني 

:خلاص انا موافق على اذن الانصراف

 *نظرت له من فوق كتفها وهي تقول بسخريه 

:وانا ما طلبتش اذنك

 *وتركته وذهبت وهو يضحك على هذه العن-يده 

بقلمي سحر السحرتي 

*في اليوم التالي قدم الباقين تصاميمهم و تفحصها كل الشركاء و اجمعوا ان تصميم عنود هو الافضل وتم الاعلان عن ذلك 

*في اليوم التالي تم عقد اجتماع مع المسؤولين عن الفندق وعرض التصميم عليهم الذي ابهرهم كما ابهر المهندسين احد المسؤولين

: لو هيتنفذ بالجمال ده هتبقوا المكتب المسؤول عن تنفيذ اي شغل لينا للابد

 *استدع اياد عنود و ابلغها بالخبر 

:وشك حلو علينا يا حبيبي شفتي

 :ده مش وشي ده شغلي وانا مش حبيبك وحاول تلم الدور عشان نعرف نشتغل مع بعض 

*جز على اسنانه من تلك العن-يده

 :اول الاسبوع هنبدا شغل حضري نفسك 

:هو باشمهندس محسن اكيد المسؤول معايا 

 :لا هنزل معاه لانه هيقوم باجازه بعد اسبوعين فانا اللي هكمل 

:ليه هيقوم باجازه 

:عشان عريس و هيتجوز

: ايه ده نفس معاد دينا ... استنى هو محسن ده هو محسن خطيب دينا 

:صح يا قلبي عقبال فرحنا 

:هو انا ممكن اسالك محسن ده صديقك الانتيم 

: عرفتي منين انا عمري ما قلت لك

 :اصله رخ-م قوي زيك 

*وتركته واسرعت من امامه 

*مرت الايام كانت تعمل عنود مع اياد الذي كان يتعمد دائما العمل معها ويبعد محسن من التعامل معها كي يقترب منها اكثر فاكثر  

*لمست حنيته وحبه الدائم لها كانت تتعمد هي الاخرى ان تهتم به بطريقه معينه مثل ان تقوم باعداد السندوتشات واثناء فتره الغداء تطلب منه ان يشاركها فيها فهي تعرف كم يحبها ويعشق تناول الطعام معها 

: تعالي يا دكتور انا عملت حسابك معايا في السندوتشات 

: هو كل يوم بكره انا هعزمك مرة انت ومرة انا 

: لا مفيش داعي مش بحب اكل من بارة البيت وبعدين انت استاذي

*نظر لها بغ-يظ : يعني بتعملي حسابي كل يوم عشان انا استاذك بس

: اه امال عشان ايه اه نسيت انت كمان مديري في الشغل 

*نظر بحب : بس

*نظرت بخجل: اه هتاكل ولة اخلصهم كلهم لوحدي 

: لا تعمليها هاكل طبعا 

*وكان آخر سندوتش فخ-طفه اياد كما فعل قبل سابق أراد أن تجري وراءه كما حدث من قبل ولكنها لم تتحرك

: ايه مش عايزه الساندوتش 

: احنا بينا اتفاق قديم 

: هو ايه مش فاكر 

: كل سندوتش قدامه شيكولاته 

: ياااه ده اتفاق قديم قوي 

: ومازال قائم

: لا ما انا نسيته 

: كدة ماشي 

*وقامت بالجري وراءه فحص-رها بين الحائط وصدره فخجلت من فعلته

: دكتور اياد العمال معانا ما يصحش 

: معاكي بنسى الدنيا 

: ارجوك بلاش كدة حد يشوفنا ويتج-راء عليا

*فابتعد سريعا عندما لفتت انتباهه

: اسف مقدرش طبعا بس مش هتحني عليا بقى 

: انت قلت اخد وقتي 

: براحتك يا عنود 

*وتركها وذهب وهو غاض-ب 

*كان اياد معجب بطريقه عنود في العمل و اجتهدها ونشاطها غير انها حقا فنانه موهوبه وكان دائما يمدح عملها وهي تستمتع بهذا

*بعد فتره من العمل ذهب اياد غاض-با الى المكتب فتقابل مع حسن 

:مالك في ايه

 :الست عنود ما راحتش الفندق النهارده يومها اسود انا ما عنديش دلع في الشغل ومش هفوتها

لماذا تغيبت عنود عن العمل وماذا سيفعل اياد معها

• يتبع الفصل التالي اضغط على (رواية هو انت مين ) اسم الرواية