رواية هو انت مين الفصل الحادي والعشرون 21 - بقلم سحر السحرتي

  رواية هو انت مين الفصل الحادي والعشرون 21 - بقلم سحر السحرتي

 حلقة هدية لكل الناس اللي طلبت و بتشجعيني بكلامها الجميل 

هو انت مين 

حلقة ٢١

حسن :طب هدي نفسك هي اساسا استأذنت مني ان هي اجازه النهارده

 :ليه لهانم وراها ايه

: انت ناسي فرح دينا صاحبتها ومحسن ... وانت اصلا ليه مش مع محسن

: يوووه نسيته اصلا ميعاده معايا الساعه 5:00 هو عروسه هروح له من بدري

: لا عدي اليوم واهدى هو اصلا متوتر 

:ما افتكرش عنود هتعديه اما اشوف هتعمل في نفسها ايه 

:هتعمل ايه يعني هي طول عمرها بتلبس محترم

: بس النهارده فرح صاحبتها واكيد هتحب تغيظ-ني

*رد عليه بخ-بث وغمز له

:  وهي دي تفوت عليك ما انت قلت لدينا تلبسها هي واصحابها فستان واحد و تممت عليه كمان

: بس خايف تغير فيه حاجه انت عارفها مجن-ونه

: اياد لم نفسك انت بتحاول ترجعها وبلاش تعمل مشاكل النهارده 

 :هحاول ادعي لي وانت كمان خف على هند في الفرح

: مش عايزه تديني ريق حلو 

: ما كفايه انت مدي ريق حلو لكل الموظفات واللي مش موظفات 

: دى مجاملات بريئة

: اهي المجاملات البريئة دي هتطيرها من ايدك البنات بتحب الراجل قلبه يكون لها لوحدها مش عامل جمعية عمومية 

: هههههه تفتكر 

: اه ادخل البيت من بابه صدقني احسن 

*مساءا في الفرح طلت العروسه مع صديقتها كانوا جميعا كالحوريات ولكن عنود في نظر اياد الحوريه الوحيده في الكون فاقترب منها وهمس 

:هو كلكم لابسين زي بعض بس الفستان احلى عليك انت ...بجد اجمل من العروسه كمان 

*فابتسمت له :شكرا  على المجامله لطيفه

 :انت عارفه اني مش بجامل انا بقول لك اللي في قلبي على طول 

*ابتسمت اكثر وتركته وذهبت فاشار بيده على قلبه وكأنه اص-يب فيه فضحكت و اندمجت مع اصدقائها و العروسه 

بقلمي سحر السحرتي 

*رات اياد يطلب من منسق الاغاني اغنيه حماقي يا اللي زعلان مني 

$ياللي زعلان مني و مخاصمني

ومش عايز تاني تكلمني

$واخد على خاطرك اوي مني يا حبيبي انا آسف

$ده انت عمري وعمري مفيش بعده

$و مسهر عيني كده في بعده

و مطول ليلي وانا مواعده وعامل مش عارف

$سامحنى يا اللى قلبي وعيوني

مبطلوش عليك يسألوني

بلاش تسيبني وحياة هوانا سماح

$يا حب عمري خليك معايا

بلاش تروح و تعند كفايه

تعالى شوف ايه بعدك حصلي

ياللي ياللي ياللي

*وبدا يرقص مع العريس عليها و اشار لها انها منه اليها 

*ذهبت بدورها الى منسق الاغاني وطلبت اغنيه اصاله روحي واخداني

$روحي وخذاني تاخذني معاك

و عايزاني أذوب في هواك

وأقول لك أمرك

أؤمرني منايا رضاك

$معاك إنت الحياة تتعاش

ومن غيرك دي ما تسواش

وطول عمري أنا وقلبي بنستناك

*بدا كل ثنائي بالرقص عليها فاستأذنها بكل رجاء ان ترقص معه فوافقت

 : وحشتيني قوي يا قلبي مش ناويه تحني عليا و ترجعي 

:انت سبتني كام شهر  فات منهم شهر وبعدين هرد عليك 

 : يعني احتمال اه وارد 

*ردت عليه بخب-ث تريد ان تج-ننه

:واحتمال لا كمان وارد

 :يعني مش عايزه تريحيني خدي وقتك وانا مستني بس الاغنيه دي ليها معنى 

:ما اعرفش اغنيه بحبها وخلاص 

*احتضنها بين يديه فشعرت بحنين له ووضعت راسها فوق كتفه لتستنشق رائحه عطره التي تعشقها وهي تردد كلمات الاغنيه بصوت يسمعه لكي يشعر انها تعشقه مثلما يعشقها

*انتهت الاغنيه ولكنها ما زالت شارده معه وفي عينيه الى ان نبهتها هند 

:عنود الاغنيه خلصت والناس -بتتفرج عليكم 

*دفع-تهم بعفويه واسرعت تقف بجانب دينا فذهب مره اخرى طالب من منسق الاغاني اغنيه رامي صبري اهد الدنيا و اشار لها ثانيه

$سمعت انك نويت تصالحني

لأ ده بجد

$بيوصلني الكلام ده كتير

ومن كذا حد

$وانا ازاي اصدق ان انت ترجعلي

$ده انا اعمل اي حاجة عشان نكون مع بعض

$قولي عايز ايه وانا اجيبلك

ولا عايزني اتشقلب لك

$ده انا اهد الدنيا

عشان ثانية بس اشوفك فيها

$انا عارف ان انا محقوقلك

اعمل فيا اللي يروق لك

$قول عاللي ف قلبك كله

مفيش حاجة هنخبيها

 *فهمست لها دينا 

: اغاني الفرح النهارده شغال لحسابك انت وهو  ...حني عليه بقى

هند : اه يا عنود ده شكله داب خالص ومحلو كمان النهارده قوي

 دينا :ده حتى طلع بيرقص بطريقه تجنن 

:انم شايفين كده 

دينا :مش انا بس اللي شايفه البنت اللي هناك راسمه عليه و شايفه كده كمان 

*نظرت عنود باتجاه الفتاه التي تشير لها دينا وقالت بكل غ-يظ 

:نهارك مش فايت يا اياد 

*ذهبت اليه مسرعه و همست في اذنه 

:هتمشيها اغ-ير من واحده مش هتخلص من الحوار ده وانت اللي هتخسر لانك عارف كويس أن الشباب هت-موت عليا

*امسك يدها بحنيه

 :في ايه يا حبيبتي مش فاهم 

:البنت الماي-عة اللي بترقص جنبك وكل شويه تخبط فيك تلمها انت ولا المها انا ولا باين سيادتك عاجبك الوضع 

:تعرفي عني كده خلاص هبطل رقص خالص ولا  أن الجميل يزعل بتغ-يري عليا 

:و هغ-ير عليك ليه بس شايفاك بتت-لزق في البنات واحنا في فرح عيب كده

: بقيتي تحدفي دب-ش زيي انا دكتور محترم بقى انا  بت-لزق في البنات  

*بكل غي-ظ 

:اه ولم نفسك بقى 

:طب تعالي ارقصي انت معايا 

*بكل دلع

 :لو ما كنتش تتحايل عليا بس 

*ضحك لها وامسك يدها ولفها حول نفسها ثم احتضنها من ظهرها وهو يمسك يدها و يربعها حولها

: بحبك قوي انت توافقي و هعمل لك فرح احلى من ده واكبر 

:هفكر وارد عليك

بقلمي سحر السحرتي 

 *اندمجت معه في الفرح لانها شعرت أنه قد يضيع منها وهذه الفكرة أشعلت بداخلها ن-ار الغ-يرة فقررت أن تعطيه فرصه قبل ان تفقده للابد فلن ينتظرها طويلا

 *انتهى الحفل

: تعالي يا عنود اوصلك 

:انا معايا عربيتي

: الوقت متاخر يا حبيبتي عشان اطمن عليك

 :ماشي اللي تشوفه 

:بتبقي قمر وانت بتسمعي الكلام

 :انا قمر في جميع احوالي

 :اكيد طبعا يا قلبي

*ركبت معه فمسك يدها و اشبك اصابعهم مع بعضهم بكل حب و بق-وه كانها كادت ان ته-رب منه ولكنها استسلمت لهذا الشعور الذي تفتقده معه منذ فتره كان طوال الطريق يتحدث معها بحب  ويقبل يدها وهي تستجيب له و تجيبه بحب

:لو اعرف ان الفرح هيجمعنا تاني كنت خليت محسن اتجوز بدري عن كدة انت وحشتيني قوي مش قادر اوصفلك

: انا بحبك قوي يا اياد بس لسه مش مستعده نفسيا 

: انا معاك وهنسيك خودي وقتك كفايه عليا اشوف ضحكتك الحلوة

 *قبل ان يصل الى المنزل توقف بالسيارة 

 :وقفت ليه 

:عايز اقول لك تصبحي على خير

 :ما تقولها اول ما نوصل اشمعنا دلوقتي وهنا 

:اصل هقولها بطريقه ما تنفعش عند البيت

 :مش فاهماك

 :افهمك

 *وبدا يقبلها في خدها ونزل على رقبتها بكل حب وشوق وهو هائم في بحور عشقها كادت ان تستسلم له لكنها انتبهت 

:ما يصحش احنا في الشارع .... اياد لو سمحت ...  اياد ارجوك ...

: وحشتيني قوي يا عنود ما بقتش قادر استحمل بعدك عني و النهارده انت كنت جميله قوي 

: اياد لو سمحت ابعد

*لكنه كان كالمسحور في بحر عشقها لم يتركها الا عندما

وجد من يطرق على زجاج السياره ويبتسم له 

:بطاقتك انت و السنيوره وانزل من العربيه 

:حضرتك فاهم غلط دي مراتي و شدينا مع بعض شويه و بصالحها 

:مراتك تصالحها في البيت بطاقتك و تنزلوا بالذوق ولا عسكري ينزلكم

(اظن مش ممكن يعدي الفرح كده من غير اي مفاجأة)

*اعطاه البطاقه فتحدث 

بسخريه

: وكمان دكتور جامعه وتعمل كده في الشارع و يا ترى دي طالبه عندك بطاقتك يا اموره 

*اعطته البطاقه ونفس السخريه 

:ده طلعت فعلا طالبه عندك ومش مكتوب انها متزوجه 

:حضرتك احنا مكتوب كتابنا ولسه ما غيرناش البطايق وهي لسه متخرجه من شهر 

 :انا معاك اللي يثبت انكم متجوزين 

:هبعت حد البيت يجيب القسيمه بس اروحها

 :لا حضرتك هتشرفونا في القسم على ما تيجي القسيمه شايف البوكس الخمس نجوم اللي هناك ده اتفضل انت وهي بخطوه رومانسيه و اركبوا 

:طب بتستأذن حضرتك خلي البطايق معاك و هاجي وراك بالعربيه انا بقول لك مراتي و هجيب الاثبات ما يصحش اركبها في البوكس زي المج-رمين 

:بس يا دكتور ده مخالف للقانون

 :انا بكلم حضرتك راجل لراجل شكله قدام مراته هيبقى ص-عب ودي غلط-تي انا وهتتاكد انها مراتي بنفسك اول ما توصل القسيمة

بقلمي سحر السحرتي 

*استجاب الظابط لطلبه وفي السياره كانت عنود تبكي وتتحدث بصوت عالي 

:شايف الموقف الزب-اله اللي انت حطيتنا فيه هتعمل ايه دلوقتي لما نروح ويعرف اننا مطلقين

: انا مطلقتكيش رسمي ما قدرتش

 :نعم يعني ايه

 :ما قدرتش اروح للماذون و اطلقك رسمي ما قدرتش انطقها ثاني انا عارف ان احنا مطلقين  بس حسيت اني ممكن ام-وت لو نطقتها تاني

*تحدثت بعص-بية وصوت عالي 

:بعد ما نطلع من الموقف الزف-ت ده تطلقني رسمي ومش عايزه اعرفك تاني او اشوفك حتى

: انا اسف يا حبيبتي معلش بس بلاش تبعدي عني انا ما صدقت نرجع لبعض 

 :انا مش عايزه اسمع منك ولا كلمه و اوعى تفكر تقرب لي ثاني اتفضل شوف هتطلعنا ازاي من الموقف اللي حطيتنا فيه بسبب ته-ورك

*اتصل على حسن

: ايوه يا حسن روح الشقه عندي دلوقتي حالا هتلاقي في نسخه مفتاح مع البواب هات من المكتب قسيمه الجواز بتاعتي .... هفهمك بعدين و حصلني على القسم  بسرعه ارجوك 

: دلوقتي حسن هيعرف والدنيا كلها تعرف ويبقى شكلي ايه قدام الناس ... لا لا انا  من بكره مش راجعه الشغل شغل ايه دى انا هبقى لبانة على لسان كل الناس  و الاجراء اللي عايز تتخذه ضدي عشان الشرط الجزائي خده واعمل اللي انت عايزه 

:اهدي يا حبيبتي ما حدش هيعرف حاجه حسن صاحبي وفاهم انا بحبك قد ايه

 :ما يهمنيش اللي قلته هنفذه 

*لم يتكلم ثانيه لمعرفته الجيده بها فاي كلمه سوف تغض-بها وتتخذ قرارات مته-وره 

*وصل الى القسم وكانت لا تزال تبكي فسخر الظابط منها 

:انتم كده بعد ما تغل-طوا تعيطوا بعدين  وتندموا

*رد عليه اياد بح-ده 

:لو سمحت يا فندم هي بتعيط عشان الموقف اول مره تتحط فيه مش عشان هي غلط-انه وكلها دقائق وتشوف قسيمه الجواز وقلت لسيادتك انها غل-طتي مش غلط-تها

: ومش ماشي  بالقسيمة ليه لما انت صادق 

:احنا كنا في فرح مش رايحين احجز غرفه في فندق عشان امشي بيها

: لك أهل يا آنسة تتصلي بيهم

*نظرت له والدموع في عينيها فشعر اياد بها ورد وهو يمسك يدها 

 : هي مش محتاجه تتصل بحد هي عندها ٢٣ سنة وانا جوزها 

*وصل حسن ومعه القسيمه وهو داخل 

:هو انت عايز القسيمه ليه هو انت مش طل ...

 *لم يكمل كلامه فقد نظر اياد له بح-ده فابتلع كلماته وصمت 

*بعد ان انتهى هذا الموقف الس-خيف حاول اياد التحدث معها لكنها كانت غا-ضبة جدا 

 *رفضت عنود ان تركب مع اياد فلم يعترض وطلب من حسن ان يوصلها

: لو سمحت يا باشمهندس حسن ممكن توصلني لعربيتي 

:الوقت متاخر هوصلك البيت وبكره هبعت حد يجيبها على المكتب وتعالي في تاكسي

: انا مش جايه المكتب ثاني واللي انتم عايزين تعملوه اعملوه 

:اركبي وخلينا نتفاهم واهدي 

بقلمي سحر السحرتي 

*ركبت وهي غا-ضبة فتحدث حسن باللين المعهود به

: اولا الشغل ما لوش علاقه بالامور الشخصيه وقلت لك قبل كده افصلي حياتك الشخصيه عن الشغل ثانيا تصميماتك لازم تشرفي عليها بنفسك لانهم ممكن ينفذوها بطريقه تسيء لاسمك اللي لسه بتبنيه مش عشان الشرط الجزائي انت عارفه و متاكدة أن عمرنا ما هنتخذ ضدك اي اجراء فهمتيني 

 :انا مكسوفه منك ومش قادره ابص في وشك بعد اللي حصل 

:اياد فهمني كل حاجه ان هو اللي غلط وانا عارف اخلاقك كويس قوي ....  اعذريه بيحبك وكان المفروض بتحضروا لفرحكم دلوقتي ...انا عارف انه اته-ور بس افتكري انه مستعمد يعمل اي حاجه عشانك وانك مش هتلاقي حد يحبك قده ... وبعدين ما تخافيش اللي حصل محدش هيعرفه انتم اخواتي

*بكت وهي تقول

: الموقف ص-عب قوي و الظابط قال كام كلمة هانت كرامتي وكمان اكتشف انه ما طلقنيش رسمي 

:انا كام مره قلت له كان تقريبا بيبكي ويقول انا مش عارف نطقتها ازاي مش هقدر اعملها 

: مش عايزه اشوفه ثاني في حد بيحب واحده يحطها في الموقف ده ... مستغربة بجد ده كان عايش معايا في نفس البيت عمره ما اته-ور كدة 

 :انا معاكي انه موقف ص-عب بس يمكن عشان كان ضامن وجودك ويااه ويمكن لانك وحشتيه .... بس  هخليه يبعد عنك شويه على ما تنسي و هحل محله على بال محسن ما يرجع من الاجازه ولعلمك مش عشان انت خطيبته 

*قاطعته

:انا مش خطيبته 

:قصدي اني مش بجاملك بس انت مهندسه شاطره قوي و شغلنا مع بعض هيفيدنا كلنا و ابعدي الشغل ثاني عن الامور الشخصيه ودائما افصلي حياتك

:حاضر يا باشمهندس الصبح هكون في الشغل بس هو يبعد عني وما يتكلمش معايا ابدا 

*مر اسبوعين بعد ذلك الحادث لم يستطع اياد ان يتحدث معها او ان يريها وجهه لكنه لم يستطع احتمال ذلك اكثر وذهب لها في المكتب

: باشمهندسه هند لو سمحت سبينا لوحدنا 

*تركتهم هند وذهبت لانها وجدت عين اياد تشع غض-با

عنود :دكتور اياد اظن كلامي مع المهندس حسن ان مفيش اي تعامل بينا 

:الموقف السخ-يف ده لازم يخلص 

:اظن مش انا اللي وقعت نفسي في الموقف السخ-يف ده زي ما بتقول 

:موقف حصل غص-ب عني واعتذرت و سبتك تهدي وقت طويل

: اسبوعين طويل بالنسبه لك انسى ايه ... انسى مسكتنا متلبسين ونروح القسم زي واحده فتاه ليل مص-طادة راجل ولة كلام الظابط السخ-يف ونظراته الوق-حة صح لا صبرت كتير فعلا

: انت ليه بتص-عبي الدنيا علينا ما تحاولي تنسي و تتعايشي ونرجع لبعض ونعيش السعاده زي ما كنا 

:لاننا مش هينفع نعيش مع بعض كل حاجه بتفرقنا اولا غل-طتي اللي عاقب-تني عليها عق-اب قاس-ي وثانيا غلط-تك ... للاسف الحياه مش بتجمعنا 

:وافقي نرجع يا عنود انا تعبت من بعدنا وانت وحشتيني قوي الحياة من غيرك ملهاش طعم 

:اتاقلم على الوضع لانه هيفضل كده

*لم يجد طريق أخر سوى ته-ديدها

: اخر كلام عندي قدامك اسبوع وتردي عليا يا نحدد معاد فرحنا يا كل واحد ينسى الثاني ويعيش حياته 

:مش محتاجه اسبوع ولا حاجه من دلوقتي عيش حياتك 

*نظر لها بغ-ضب وقال بح-دة غير معهودة 

:قدامك اسبوع فكري براحتك وكمان يكون شغلك في الفندق خلص لو حابه كمان تسيبي الشغل معانا براحتك لكن انا مش حابب تسيبيه في جميع الاحوال 

:اتفقنا بعد اسبوع هرد عليك على مساله رجوعنا ومساله الشغل 

*تركها وخرج  غاض-با وص-فق الباب بكل ق-وه خلفه

*مر الاسبوع وانتظر اياد اجابه عنود على طلبه لكنها لم تحضر الى العمل 

*شعر اياد بشعور غريب 

حسن :اهدى هي يمكن عايزه تبلغك انها رافضه ترجع لك انت عارف انها عنديه

: لا الموضوع مش كده انا من الصبح قلقان عليها و حاسس انها تعبانه  غير أن العمال امبارح قالوا إن كان وشها اصفر وتعبانه واستئذنت ومشيت بدري 

:طب ساعه لو ما جتش هتصل عليها

: انا بتصل من بدري مش بترد 

:يمكن مكسوفه تواجهك

: مين دي عنود هي عنيده لكن بتواجه اتصل عليها كده من تليفونك 

:مش بترد علي انا كمان

: انا رايح لها

: يا ابني اهدى مش هترضى تفتح لك وممكن تزود الطين بله

 :معايا لسه المفاتيح انا قلقان ومش مستريح 

*اسرع اياد اليها كالمج-نون فقد شعر ان هناك شيء خاطئ 

*وصل ورن الجرس فلم تفتح له ففتح الباب بمفتاحه وجدها ملقاه على الارض وتبكي وهي تتالم

ما هي اجابه عنود على طلبه وهل هذه لعبة ما تلعبها عليه

• يتبع الفصل التالي اضغط على (رواية هو انت مين ) اسم الرواية