رواية سلطان و الغرام الفصل الرابع و العشرون 24 - بقلم عائشة الكيلاني
غرام سقفت:ـ لا برافو برافووو حقيقي اقنعتنا كان قلبي حاسس انك كدب ما طبيعي تبقا كدا مانت تربيتها بس يا ترى بقا هشام دا اسمك الحقيقي ولا مزور زيك كدا يا شيخ هشام لا لا لحظة كدا
غرام اقتربت منه بسخرية:ـ استني بس لم اخد بركة من بركاتك هههههه هستني اي من واحد محتل شخصية اخويا يا حقير
هشام:ـ غرام
غرام بزعيق و صوت عالي:ـ اخرسس لخرسك بطرقتي و انتي يا ست يا م اوبس نسيت انكي انتي الى خربتي بيتنا تبقي محترمة ازاي مهى الى تستغل واحد متجوز و تخ.ون الست الى فتحت بيتها ليكي تقومي تستغلي عدم وجودها و تخون.يها مش بس كدا تو تو تو دى كمان لم ستها رجعت البيت حطت ليها مخ.در يعني خونت.يها و استغل..تيها و فتض..حيها اخص عليكى صح هنستنا اي من واحدة زيك واحدة***** همها الوحيد خراب بيوت الناس و بس اتفو عليكي و عليه
عايدة واقفة مربعة ايديها و بتبصلها بشر:ـ ايوة انا عملت كدا عايزة حاجة انا الى حطت المخد.ر لامك علشان اشيلها من طريقي و اكون صاحبت البيت بس ابوك غدر بيا خدعني لم رمن.ي بره البيت بهدومي علشان قولت له انى حامل فرحت لم عرفت افتكرت انه هيفرح لكن مسكني من شعري جرني اكنه بيجر كلبة ابني مات في بطني بسبب حسرتي على نفسي بعد ما حبيته بعني كل دا مش كفايه انى اخد حقي منكم
غرام ببرود:ـ بركة انه ميت لانى مكنتش هرحمه ولا هرحمك كنت هحسرك عليه زى ما عملتوا في اخويا... انا همشي و هعتبر لشوفتك ولا سمعتك حتي هشام هعتبر نفسي انا مسمعتكمش ولا سمعت خططكم الق.ذرة و دا وعد
غرام خرجت برا البيت ركبت عربيتها فتحت التسجيل لانها كانت بتسجل ليهم بعدين بعتت التسجيل لكل العيلة بيم فيهم سلطان و اتحركت بعربيتها
عايدة:ـ انت ازاي تسبها تمشي المفروض نخد روحها نفض.ح قبل ما تكشف سرنا انت غبي غبي يا خسارة تربيتي فيك يا خسارة غرام مش هتسكوت عيونها بتقول انها مش هتسبنا انا عارفها زى خالاتها مش هترحمني
هشام ببرود:ـ سلام يا عايدة لازم الحقها قبل ما تفتح بؤها بحرف
في القسم سلطان فتح التسجيل و بقا بيسمعه و هو مصدوم و فرحان في نفس الوقت
سلطان:ـ غرام انتي فين
غرام:ـ برا البيت شوية و هروح في حاجة ولا اي مال صوتك
سلطان:ـ لا ارجعي دلوقتي روحي و اقفلي الباب عليكى انتي و لؤي لحد ما ارجع اسمعي مش كل حاجه تجدلي فيها
غرام:ـ اوكية بس روق اصلا لؤي مع خالاتي ممكن تهدي بقا انا خلاص مروحة على البيت باي يا حبيبي
في بيت اهل لارا
مشيرة بحزن:ـ اه يا واطي بس الحمدلله انه مش ابنه اصلا دى مش بنادمة دى شيطانية دى مش طبيعية دى شيطانية ماشية على الأرض ازاي تعمل كدا بس تعرفي العيب علينا مكنش المفروض نسيب لارا لوحدها ة و احنا عارفين حالتها النفسية عاملة ازاي احنا السبب في موت لارا محدش السبب غيرنا وجع قلبي عليكي يا لارا اول مرة احس ان قلبي وجعني علشانها ماتت غدر الى قت.ل لارا احنا يا ماجي
ماجي بدموع:ـ كونا ملهيين في دنيتنا و حياتنا و نسينها خالص نسينا لارا اخر العنقود دلوعت البيت من زمان و انا بشوف بيت لارا أو بشبه بالمزرعة السعيدة كلها بهجة و فرح انا تقريباً نسيت ان لارا بشر زينا و بتنجرح و بتزعل كان وشها ملين بالبهجة و الضحك صوتها الى بتندن بيه معظم الوقت ضحكتها الى بترن في البيت كانت طاقة انا كنت بخد الامل و البهجة منها في يوم و ليلة بقت ادعس واحدة فينا حياتها بقت حزن و اكتئاب كانت مكتييبة خسرت ابنها جوزها اتهمها انها مهملة و مات بسببها مع ان لارا كانت اكتر واحدة بتهتم بعيالها عمري ما شفت ام بتحب عيالها و تخاف عليهم زى لارا احنا السبب في موتها سبنها لميسون و دماغها لحد ما بقت مش هى ماتت غدر انخدر بيها كونا على طول صدينها لحد ما سمعنا البقاء لله اختكم ماتت ماتت مقهورة و مظلومة ماتت بشكل بشع ملامحها مكنتش باينة انا مش قادرة انسا شكلها و هى بتموت
فلاش
لارا:ـ ماجي لو جرلي حاجة بنتي امانة في رقبتك خدى بالك منها انا مش هلقي حد اوصيه على غرام غيرك متخليهاش تحس انها لوحدها متخلهاش تحس بغيابي.. حوالي تسمعيها على اد ما تقدري ارجوكي خليكي جانبها
باك
ماجي:ـ دلوقتي في نسخة مصغرة منها بس نسخة مصغرة و هى مهمومة كبرتي قبل اوانك يا غرام كبرتي بدري اوى شوفتي الى محدش يقدر يشوفه ولا يستحمله و دلوقتي لازم تسكوتي و تستحملي يارب متكنش نهايتك زى امك يارب يا سلطان متبقش زى امين يارب متخدش ندالت عمك
بعد شوية غرام جت خدت ابنها و روحت طالعت اوضتها و قفلت على نفسها كويس تحت
زينب بغضب:ـ انت اي جابك هنا امشي اطلع بره حالا
عامر:ـ زينب اسمعني انا كان غصب عني
زينب بزعيق و غضب:ـ اسمع اي هاا اسمع اي اسمع انك صدقت كلام الدكتورة المزيف ولا ان خليت الى يسوا و الى ميسواش يتكلم عليا اسمع ان امى ماتت بقهرتها بسبب كلام امك و احتقارها ليا ولا كلامك ليا زمان... مفيش حاجه تتسمع ولا تتحكي بينا دا لو كان فيه حاجة اصلا كويس اننا مكتبناش الكتاب لاني كنت هبقا ادبست في عيلة زى عائلتك انا مسامحك يا عامر اه والله مسامحك لانى نسيتك اصلا و بالنسبة انى متجوزتش ليه لان ولاد الحلال مسبوش حاجة الا و نشروها عني قالوا حاجات مش فيا اه صحيح انا مش مستنية رجعتك و تقولي انا مصدقك سامحني تو ارجع لمراتك و عيالك الا انا الى هروح اقولها لمي جوزك اتجوزت على طول صح بامارة انك عندك بنت على اسمي زينب ههههه روح يا عامر ربنا يهديك روح لاهلك و انسني زى ما انا نسيتك
عامر نزل راسه في الارض و خرج و خزن و خذلان الدنيا فيه لان كان بيحسب زينب مستنيه و هترجعلو بس حصل العكس اختارت كرامتها عن حبها
بليل تم القبض على عايدة هى و هشام و اعترفوا بكل حاجة و طبعا لارا رجعت لمحمود بعد ما راح خدها من عند اخوها و اتفهمو
في بيت رؤوف
زينة:ـ بتحبني يا رؤوف
رؤوف:ـ دا كلام يا حبيبتي اكيد بحبك
زينة:ـ هتستحمل اى حركة مجنونة هعملها بيم انى حامل و بتوحم
رؤوف:ـ انتي هتقتلي حد ولا اي اوعى يكون الوحم جاي معاكي بكدا
زينة بابتسامة:ـ لا طبعا يا حبيبي قتل اي هو انا مجنونة علشان اق.تل و اقولك
زينة مسكت ايده بابتسامة و عض..ته بكل قوتها
رؤوف بص لايده بصدمة و وجع:ـ يا بت المجانين اي دا اااي دا
زينة:ـ اهو انت الى ابن مجانين و بعدين مانا قولت انى بتوحم اي الغريب في كدا استحمل بقا يا حبيبي الكام شهر دول
زينة قامت دخلت المطبخ و سابت رؤوف جن جنونه من تصرفاتها
عند سلطان في البلد
غرام:ـ برضو متعصب كنت عايزني اعمل اي ما هو كان هيشلني كان لازم امشي وراه و ارقبه و الحمدلله سجلت ليهم من غير ما حد يحس
سلطان ربع ايده :ـ يا سلام و لو كان كمين ليكى ولا كانوا عملوا فيكي حاجه كان هيبقا حلو غرام الموضوع ميتخدش كدا على الاقل كنتي خدي عمتي معاكي او حد خالاتك بس مش لوحدك يا غرام انتي مش شوفتيها و هى بتعترف كانت عاملة ازاي
غرام بابتسامة:ـ نظراته كلها حقد و غدر و انها مش هتسكوت بس انا اخد حقي و سجلت ليهم اي الى مزعلك بقا
سلطان:ـ في انى خايف عليكي افرض كان حصلك حاجة ولا كانوا عملوا فيكي حاجة كدا يبقا حلو
غرام:ـ اقعد و اخليه يموتني بقهرتي كدا يبقا حلو دا زور التحاليل عارف يعني اي البجاحة وصلت فيهم انهم يزورو التحاليل بس علشان الفلوس الى هى في الاصل حرام انا مش ندمانة و لو رجع الزمان لوراء كنت عملت نفس الى عملته و بعدين انا اهو قدامك كويسة مف حاجة حصلت ذات انى كنت عاملة حسابي كويس و بعت ليك بسرعة المهم ان مسبتش حقي ولا حق امي روق بقا شكلك بيبقا رخم و انت مكشر
سلطان حاوط خصرها و قربها منه اكتر سند جبينه على جبينها :ـ مش هتسكوتي الا لم تجننيني اكتر من كدا هتجنيني اكتر من كدا اي هتخليني احبك اكتر من كدا اي يا قلب و عيون سلطان
غرام بحب:ـ انا مش مصدقه انى معاك دلوقتي و ابننا بخير انا الى مش عارفه انت عملت فيا اي خلتني مهووسة بيك يا سلطان بحبك لدرجة مستحيل استوعبها ولا اعبرلك بالي جوايا ليك بحبك يا سلطاني و سلطان قلبي
سلطان ضمها له شالها و قعد يدوخ بيها بفرح و حب و عد اليوم على خير
تاني يوم صحي سلطان على رن الفون
غرام:ـ في حد يتصل بحد دلوقتي يارب تسيب شغلك و ارتاح
سلطان:ـ مش هرد عليكى نتكلم بعدين زى ما انتي عارفه تلفون مهم و لازم ارد اكيد في حاجة
سلطان قبل راسها و قام غرام حدفت المخدة في الارض بملل و غيظ
سلطان خلص خرج من الشرفة و وجهه متغير غرام جريت عليه بقلق لم لقيته كدا:ـ مالك يا سلطان اي الى حصل مالك في اي هربوا ميسون جرلها حاجة
سلطان بصلها :ـ ميسون.........
يتبع
رايكم في تصرف غرام مع هشام و عايدة صح ولا غلط
يا تري ميسون هببت اي تانى أو جرلها اي
البارت ـ الاربعة و العشرين و القبل الاخير
سلطان و الغرام
عائشة الكيلاني
•تابع الفصل التالي "رواية سلطان و الغرام" اضغط على اسم الرواية