رواية احببته رغما عني الفصل السادس و العشرون 26 - بقلم اسماعيل موسى
جلس ادم وسط المجرمين والشمامين والحشاشين وضاربى الترامادول وسارق للمحافظ فى الاتوبيسات، الكل ينتظر موعد عرضه على النيابه لأن النيابة لا تعمل سداح مداح بل لها فترة صباحيه وفترة مسائيه وعلى المجرمين ومثيرى الشغب ان يحترمو مواعيد عمل وكلاء النيابه لأنهم ليس بشر عاديين.
احتاج ادم ان يشعل سيجارة لكنه تذكر أن علبة السجائر طارت أثناء الخناقة.
معك سيجارة؟ لكز ادم المجرم الذى يجلس جورارة
همس الرجل، لا والله، ثم ضيق الرجل حاجبه ، بص، اغمز الأمين حته بخمسين وهو يجيبلك علبة سجاير
مسك ادم حديد الحجز، ولوح للأمين، عايز علبة سجاير يا باشا ولما اقترب الشرطى دس ادم الخمسين جنيه فى يده وثم علبة السجاير.
اشعل ادم لفافة تبغ ومجها باستمتاع اول مره يدخل قسم الشرطه ولما يدخل المركز يزج به فى الحبس مثل المجرمين
لكن بكره هيطربق الدنيا فوق دماغ رزان وأهلها، الحق هيظهر العقد مزور
ثم شرد ادم وتذكر رودينه التى غادرتة صباح اليوم وهمس صدفه عجيبه
راح النعاس يطبق على جفني ادم ورأسه تهتز داخل حجره
ثم أشرقت الشمس على خير
وعندما آفاق وجد ان علبة السجائر قد سرقت
فى هذة البلد لا فرق ان تكون فى قسم شرطه او فى الشارع ستسرق على كل حال
تنهد ادم بغيظ، طيب إلى لفح علبة السجاير يحدفنى سيجاره؟
وردت عليه أنفاس متعبه متهالكه لا تعرف ما ينتظرها
الساعه عشرة صباحآ سمع ادم اسمه
__المتهم ادم على الفهرجى
تعالى يا متهم قابل النيابه
جلس ادم امام وكيل النيابه، شاب نحيل يرتدى بذة انيقه شعره مشذب بعنايه ويرتدى نظاره طبيه بعدسات لامعه
كان يلبس فى يدة ساعه ماركة روليكس وكل خمس لحظات يرفع كم بذته وينزله ويهز الساعه فى متلازمه لاحظهل ادم من اول دقيقه
اسمك وسنك وعنوانك
ادم على الفهرجى، 25 سنه، حى الحسين
انت بتتهم مراتك انها زورة عقد الزواج يا ادم؟
مش مراتى يا باشا لو مراتى هتهمها ليه !!
رفع وكيل النيابه عينه وطرف حاجبه الأيمن وهو يرمق ادم لثواني
سيد ادم ! انت بتتهم المدعوة رزان احمد فرغلى بتزوير عقد الجواز الخاص بك
ايوه يا باشا مظبوط
امس طلبت عرض عقد الزواج على خبير خطوط؟
مظبوط يا باشا
انت متأكد ان خبير الخطوط سيؤكد حجتك ان العقد مزور؟
تمام يا باشا
يعنى انت منتظر تقرير خبير الخطوط ومتأكد منه؟
ايوه يا باشا ومش عايز اى حاجه غيره
يوصل تقرير الخبير وحضرتك هتعرف كل حاجه بنفسك
ايه أقوالك فى اتهامك لوالد مراتك احمد فرغلى متولى وابنيه بالتعدى عليك داخل شقتك؟
يا باشا مش مراتى والراجل ده انا اول مره اشوفه هو واولادة
اسمع يا ادم
انت متهم على زمة قضية
ومراتك وحماك متهم على زمة نفس القضيه
ولحين وصول تقرير الخبير رزان مراتك وانت متهم وحماك متهم وياريت متقاطعنيش مره تانيه إلا لو كان عندك اقوال جديده حابب تضيفها
رد على السؤال لو سمحت؟
همس ادم بخنق، كانت خناقه محدود نابعه من سوء فهم يا باشا، لما تظهر الحقيقه انا هتنزل عن المحضر ضد مقتحمى شقتى..
عندك أقوال تانيه يا ادم؟
لا يا باشا معنديش
طيب اتفضل، يا عسكرى؟ خده على الحجز
خارج غرفة التحقيق صادفت احمد فرغلى واولاده وبنته رزان
بص عليه الراجل بغضب وحقد دفين ومكنش ناقص غير يقوم يضربنى وانا همست فى سرى كمت أدب بنتك فى الأول مكنش حاجه من كل دا حصلت
فى الفتره المسائيه طلبونى تانى لكن فى مكتب ضابط المباحث وكان احمد فرغلى موجود وأولاده
اتفضل اقعد يا استاذ ادم، قلت لو سمحت يا يافندم انا مش عايز اقعد معاهم
بصلى الضابط بقرف، اتفضل اقعد يا ادم متعطلنيش
قعدت غصب عنى، قال ضابط الشرطه بعد ما اشعل سيجارة
تقرير الخبير وصل
صرخت الحمد لله ظهر الحق
اسكت يا ادم صرخ ضابط المباحث بنبره متوعده
اخرج ضابط المباحث الملف وعينى تعلقت بالاوراق
كنت بصرخ فى سرى انطق اخلص
رفع الضابط عينه، تقرير الخبير بيقول العقد سليم
صرخت مستحيل إلى بيحصل دا تهريج
رفع الضابط ايده وصرخ أحترم نفسك يلا وإلا والله هحبسك بنفسى مش كفايه جاى هنا وعاملك هوجه على الفاضى؟
قلت يا باشا والله العقد دا مضروب؟
انت بتشكك فى ورق الحكومه يا ادم؟
قلت بسرعه لا يا باشا لا
همس الضابط طيب اسكت، نساييك وافقو يتنازلو عن المحضر تقدر تاخد مراتك وتروح شقتك
انصدمت حسيت الكرسى نزل بيا فى الأرض قلت لا لا
قلت اطلب حضرتك الشهود وهم هيقولوا الحقيقه
رفع الضابط عينه هو هستنى تعليمات سيادتك؟
الشهود أكدو ان العقد سليم
قلت طيب يا باشا لو هى مراتى بحق حقيقى وانا كداب اكيد دخلت عليها طبعا
_كمل همس الضابط ببرود
انا عايز تحليل يا باشا، التحليل هيثبت انى ملمستش البنت دى
صرخ حماى احمد فرغلى ما تحترم نفسك يا جدع انت
انت بتقول اى كلام وخلاص؟
رفعت رزان وشها وقالت انا موافقه يا بابا
الضابط بص لرزان وبصلى ولو ان دا ملوش لازمه لان عدم دخولك على مراتك لا يعنى انها مش مراتك
فيه ناس كتير متجوزه بقالها شهور ومدخلوش على زوجاتهم
لكن علشان اريحك وبموافقة خصيمك فى المعرض انا ممكن أوافق اعمل التحليل
قلت انا مش عايز غير كده يا باشا وبعدها مش هفتح بقى تانى
الضابط خرجنا بره المكتب وبعد شويه بعت معانا امين شرطه وعسكرى على المعمل
يتبع…
•تابع الفصل التالي "رواية احببته رغما عني" اضغط على اسم الرواية