رواي زمزم قلبي الفصل الثلاثون 30 - بقلم بيان الجارحي
بعد مرور أربعة أشهر
كانت الأيام تسير عل ما يرام،وبسعادةٍ تغمر الجميع
فقد بدأت زمزم مشوارها الدراسي بالجامعة،فقد اقتعنت بأنها ستستطيع أن تركز على دراستها وعلى حفظ القرآن كاملا.
تركت بشرى عمل المخابرات،فهي لم تدخل إلا للتنفيذ أكبر عملية،وهي القضاء على عصابة الما….فيا ومازن،وتوجهها للعمل في شركة والدها كمترجمة.
وتحديد موعد عقدقران راجح وزمزم،ورتيل ورؤوف،التي استمعت لكلام زمزم وسلمت أمرها لله،فيسر الله أمرها،وجعل السبل بينها وبين رؤوف بسيطة وسلسة،وأيضا تامر ومرجان سكرتيرة إيهاب.
أما الباقي،فقد كانت السعادة تغمرهم،ويعيشون في راحة بال،يدعون للجميع بالتوفيق وتيسير الحال.
=====================================
في يومٍ من الأيام،وبالتحديد في صباح هذا اليوم،استيقظت زمزم بكل نشاطٍ وحيوية،توضأت ثم صلت ركعتان لله،ثم ضحى،وقرأت بعض الآيات من القرآن الكريم،ثم نزلت إلى الأسفل.
بالأسفل،كان الجميع يجلس في غرفة المعيشة،ذهبت لغرفة المعيشة ألقت السلام،ثم قبلت يد كل من إيهاب وزوجته،ووالدتها،وآينور فهي تعتبرها كوالدتها،ثم جلست بجانب بشرى
بشرى بابتسامة: أخبار عروستنا ايه؟
ابتسمت زمزم بهدوء وقالت: الحمدلله،ثم قالت مغيرة للموضوع،: فين جنان؟!
آينور بابتسامة: في الجنينة،اهو جات
ركضت جنان لاحتضان زمزم،احتضنتها زمزم بحنان وقالت: جناني عاملة ايه؟
جنان بفرح: الحمدلله،عارفة انا فرحانة اويييي
رؤوف بابتسامة: وأميرتنا فرحانة ليه؟!
جنان: لانه زمزم ورؤوف وتامر وراجح هيتوجزوا،وكمان زمزم وعدتني انها تعلمني ازاي أقرأ القرآن على الأحكام،وهبدأ انا واياها نحفظ سورة البقرة
ابتسم الجميع بسعادة،وقالت آينور: هيكون صعب عليكِ يا زمزم
زمزم بابتسامة وهي تربت على رأس جنان وتقول: لو تعبي هيكون كدا،فأنا حابة اتعب،جنان مش بس اختي،لا انا بعتبرها بناي وصاحبتي،بعدين انا عايزة استغلها وهي صغيرة علشان تحفظ قرآن،لأنه ذاكرتها بتكون أقوى
جنان بفرح: زمزم انا بحبك اوييي،ثم ابتسمت بحزن،فقالت زمزم برفع حاجب: ايه الابتسامة دي؟،مالك يا قلبي مين زعلك،ها؟
جنان بحزن: بكرة هيكون كتب كتابك،وانا مشترتش اي حاجة
ابتسمت زمزم وقالت: بقولكوا يا شباب انتوا والبنات،اميرتنا الحلوة زعلانة،ترضوا تخلوها زعلانة كدا؟
رؤوف:لا منرضاش اكيد،بقولك يا جنان،تعالي اطلعي مغ زمزم والبنات اوضتك،هتكلمك زمزم في موضوع مهم اوي
جنان برفع حاجب مثل زمزم: ايه هتقت…لوني وتخلصوا مني
ضحكت زمزم وقالت: بتقلديني،لا متخفيش منقدرش نعيش من دونك،يلا على فوق
صعدت الفتيات للأعلى،وبالتحديد لغرفة جنان،ثم دخلن
صرخت جنان فرحا،عندما وجدت على سريرها فستان كفستان زمزم لونه بنفسجي ومن الوسط به ثلاث ورود بيضاء،غير وواسع غير محدد للخصر أو ماشابه،وشوز باللون الأبيض،وعقد من الألماس مع اسوارة واقراط ألماسية
جنان بفرح: دا ليا انا؟!
زمزم بابتسامة: مفيش غيرك أميرة تستحق كل دا يا وردتي
احتضنتها جنان بفرح وقالت:حبك موو.ت يا زمزم
ضحكت زمزم،ثم ساعدتها على وضع الفستان داخل الخزانة،ثم نزلن إلى الاسفل
في هذه الأثناء،دق باب المنزل،فتح الشباب،فكان تحسين ورماح
فرح الشباب بوجودهما،توجهوا لغرفة الضيوف،والباقي للمطبخ،حضرت إشراق القهوة،ثم قالت لزمزم بأن تنادي على تامر
توجهت زمزم لغرفة الضيوف،وقبل أن تدق الباب سمعت ما صدمها.
في الداخل
رماح: قلت ايه يا راجح؟،احنا محتاجينك معنا،مفيش حد يقدر يساعدنا،أو يحط خطط ذكية غيرك
راجح: اكيد موافق
تامر بصدمة: راجح،وزمزم،وامك وابوك،والعيلة،هتخليهم يزعلوا عليك،كفاية الي مر يا راجح كفاية
راجح بصبر: اهدأ يا تامر،محدش هيعرف،إلا في الوقت المناسب،بعدين ايه هنرجع نخاف؟،انا دخلت الشغل دا علشان انقذ الناس
تامر:شباب،رؤوف قولوا حاجة
رؤوف بهدوء: مقدرش أمنعه،هو عنده حق،وبعدين المهمة هتحصل بعد كتب الكتاب،وبعدين ليه القلق والخوف،خلينا نتوكل على الله
ابتسم تحسين بهدوء،فقال أحمد: قفشتك،مبتسم كدا ليه
ضحك تحسين وقال: ابدا،لكن متفاجئ من تغير رؤوف
ضحك رؤوف وقال: ولسا،هفاجئكوا أكتر وأكتر
وقف تامر بغضب وقال: اعمل الي تعمله يا راجح،بس اوعدك لو زمزم عرفت،وحصلها حاجة،هعمل حاجة مش هترضيك أبداً
كاد أن يخرج لولا يد راجح التي أمسكته وقال: هتعمل ايه يا تامر،فاكرني مش خايف،لا بالعكس أنا خايف،مش خايف على نفسي،لكن خايف عليكوا،عارف ايه هيحصلكوا لو حصلي حاجة،لكن دل شغلي ولازم اعمله،لو اتخليت عنه أرواح كتيرة حت..موت،اتوكل على ربنا يا تامر وخلاص.
دق الباب،فقال راجح: اهدأ وروح جيب القهوة ومتبينش لحد حاجة
خرج رؤوف فوجد زمزم تقف أمامه،شعر بالتوتر فقال: زمزم
حاولت زمزم كبت دموعها وقالت: ماما إشراق بتقولك تعال خد القهوة،ثم صعدت بسرعة لغرفتها
ذهب وأحضر القهوة،ثم دخل إليهم وأغلق الباب وضع القهوة ثم جلس،فقال راجح: مالك،في ايه؟
شد تامر شعره إلى الخلف وقال: زمزم يبدو أنها سمعت حاجة
وقف رؤوف بصدمة وقال: نعم؟،إزاي؟!
تامر: مش عارف يا رؤوف،بس لما فتحت الباب،كانت عايزة تعيط،ومستحيل حد يزعجها،فميش إلا أنها سمعت كلامنا
راجح بهدوء: خلاص اقعدوا انتوا الاتنين،لو عملتوا اي حركة كدا أو كدا هتجبرنا اننا نتكلم بكل حاجة،وهات بقا نقنعها انه مش هيحصل حاجة.
تحسين بمرح: إيهاب باشا،منورنا والله،إيه معلقتش يعني على كلامهم
ابتسم إيهاب وقال: اقول ايه،تاركها لراجح باشا،هو هيعرف يتصرف
تامر بغيظ: والله هتجل…طني انت وابنك
نظر له إيهاب برفع حاجب فقال بسرعة: يا رماح أخبارك يا صاحبي انت وتحسين
ضحك الجميع وأكملوا جلستهم بسعادة.
=====================================
اما بالأعلى وتحديدا في غرفة زمزم
كانت تجلس على سريرها وتبكي،سمعت صوت جنان،فأذنت لها بالدخول،دخلت جنان وأغلقت الباب،ثم ركضت لزمزم بحزن وقالت: زمزم بتعيطي ليه
زمزم وهب تمسح دموعها وتحاول كبت شهقاتها: مفيش يا قلبي،انا كويسة،بس اشتقت لبابا
جلست جنان بجانبها وقالت بحزن طفولي: الله يرحمه،خلاص متعيطيش وادعيله،ثم فتحت ذراعيها وقالت: لما كنت اعيط كنتِ تاخديني بحضنك،وجا دوري،هاتي حضن بقا يا سكرة،مش حلوة وانتِ بتعيطي
ضحكت زمزم من بين دموعها،واحتضنت جنان فقالت جنان وهي تربت على رأسها: قوليلي يازمزم،مالك
زمزم بحزن: عارفة يا جنان،خايفة..
جنان: خايفة من ايه؟
زمزم: خايفة يحصل لحد منكم حاجة
ابتسمت جنان بصمت وأغمضت عينيها وكأنها تحاول تذكر شيءٍ ما،ثم قالت: لما بابا ما…ت وقتها عيطت جامد،لكن ماما قالت ليا حاجة ” عيطي يا جنان،لكن اتذكري انه ربنا أراد كدا،واحنا منقدرش نوقف قدام القضاء والقدر وأمر ربنا” وأنا بقولك يا زمزم لو حد حصله حاجة،يبقا دا قضاء وقدر،مش لازم نعترض،يمكن تزعلي شوية،لكن دائما اتذكري انه دا أمر ربنا وهو أراد كدا.
نظرت زمزم لجنان وقالت في نفسها: ربي يجعلك من عباده الصالحين يا قلبي،مكنتش متوقعة منك الكلام دا،خصوصا انه عمرك صغير،صغير أوي،لكن سبحان الله،ثم قالت بصوت واضح: صح،ونعم بالله العلي العظيم.
جنان بتوتر: اا.زمزم….ممكن طلب
قبلتها زمزم على وجنتها وقالت: طبعا يا جناني،في ايه؟
جنان: عايزة أصلي انا وإياكِ علشان اتأكد انك مشزعلانة،وبعدها أعمل كيكة شوكولاتة
زمزم بابتسامة: أوامر أميرتي يلا
نهضت جنان وزمزم وتوضأن ثم صلتا ركعتان لله،ثم نزلن للأسفل لعمل كيكة شوكولاتة
=====================================
مر اليوم بسلام،ونسيت زمزم موضوع مهمة راجح،وتوكلت على الرحمن،أما الباقي فكان بالهم مرتاح،يدعون المولى بأن تكتمل سعادتهم.
=====================================
في صباح اليوم التالي
استيقظت زمزم على صوت والدتها وهي تقول: يا زمزم اصحي بقا،كسلك دا هيوديكِ في دا…هية
استيقظت زمزم بنعاس،وقالت وهي تمسح عينيها: في ايه يا زنود،اهدي أهو صحيت
أمسكت زنود أحد الوسائد ورمتها على زمزم وقالت: زنود؟ واهدي؟! اقول عليكِ ايه بس،واقسم بالله يا زمزم اذا ما لحقتيني خلال عشر دقايق ليكون الشب…شب معلم على وجهك،فوقي يلااا
ثم قالت بتحسر متصنع: عيني عليكِ يا ابني يا راجح،ربنا ابتلاك ببنتي،ربنا يكون معاك
نظرت زمزم بصدنة لوالدتها،فقالت زنود بغيظ: انتِ لسا هتصفني فيا،قومي يلااا
فرت زمزم من أمام والدتها هاربة،تنفذ ما قالته،ونزلت زنود إلى الاسفل
كان الجميع يجلس على المائدة ينتظرون إتمام وضع الإفطار،رأى احمد والدته فقال: صحيت؟
زنود بغيظ: افهم لمين طالعة،لسانها عايز يتقص منه متر،دي قصيرة لكن والله الطول جاي في لسانها
ضحك الجميع وخرجت إشراق وهي تضحك وقالت: معلش اهدي بس
جلست زنود بعد أن رأت زمزم قادمة من أعلى السلم وقالت: بقولك يا راجح،غير رأيك يا ابني،الطريق في أوله،دي مجنونة
سمعتها زمزم ونظرت لها بصدمة ورفع حاجب،ضحك الجميع وقال محمد: والله يا صاحبي،أمب معاها حق
زمزم بغيظ: صباح الخير،ايه متكمل يا سي محمد
ضحك الجميع وردوا الصباح،جلست زمزم بجانب نهلة وقال رؤوف: قلت ايه يا راجح
نظر له راجح برفع حاجب وقال: ناوي تمو…تني؟! لا معلش انا موافق عليها
زنود بتحسر متصنع: والله فعلا إن الله اذا أحب عبدا ابتلاه،ربنا معاك يا ابني
ضحكت نهلة وقالت: افطري يا زمزم مالك
زمزم بغيظ: حاضر،ثم أكملت بهمس: دا والله امه دعياله لانه هياخدني
جنان مصححة لكلام زمزم: No,no دا امه داعية عليه
ضحك الجميع وأكملوا تناول الإفطار في جو مرح،وسعيد.
=====================================
قبل حلول غروب الشمس
دخلت زنود وآينور لغرفة زمزم،فقد كانت الفتيات هناك وايضا رتيل ومرجان
وقفتا بصدمة من جمال زمزم،فقد كانت ترتدي فستان باللون البتفسجي وثلاث ورود من الوسط،واسع غير محدد الخصر أو ما شابه،وحجاب باللون الأبيض،وشوز باللون الأبيض،ولم تضع أي مساحيق تجميل.
وهكذا جنان،أما رتيل فقد ارتدت فستان باللون الوردي الداكن وبه ثلاث ورود من الوسط باللون الأبيض تماما مثل زمزم
ومرجان فستان باللون الأزرق الداكن وثلاث ورود من الوسط باللون الأبيض تماما مثل زمزم.
أما بشرى وأخواتها فقد ارتدين فساتين باللون الأحمر الداكن،مشابه لفستان زمزم،حتى الحجاب.
زنود بفرح: تبارك الرحمن،ايه الحمال دا،وجنان،يا حبيبتي ايه السكر دا
ابتسمت الفتيات وقالت آينور بابتسامة: يلا على تحت.
عقد القران” حضره بعض الأصحاب والجيران،وبعض أصدقاء الشباب وإيهاب،وبالتأكيد عائلة رتيل حضرت جميعها،أما عائلة مرجان فلأنها مغتربة،لم يستطع الحضور سوى أخاها الأكبر الذي يدعى رماح،رفيق راجح بالعمل”،بالإضافة إلى أن عقد القران كان خالي من أية موسيقى وغناء،وتخلله بعض الأناشيد الخالية من الموسيقى،والتي لم يكن صوتها مرتفع كثيرا.
وكان عقد القران منفصل،حيث الرجال خارجا،والنساء في الداخل.
نزلت الفتيات،واقتربت منهن إشراق وقالت: ايه الجمال دا،أحلى ملكات
بشرى بغيظ: نسيتينا يا ماما
إشراق: اسكتي،بس تكونن مكانهن أبقى امدح جمالكن،لكن جنان العسل عسولة تبارك الرحمن
ابتسمت الفتيات وقالت جنان: هو مش أختي ملكة،يبقا انا هكون زيها
ضحكت زمزم وقالت: قلب أختك،محدش رافع معنوياتي غيرك
ثم ذهبن وجلسن،فقالت زمزم: بت رتيل،جدتك فين،مش شايفها يعني
إشراق: قاعدة هناك،مع عمتك
زمزم بابتسامة رايحة أسلم عليها وجاية
جنان: خذيني معاك
مدت زمزم يدها لجنان،فأمسكت بها،وتوجهت لأسمهان
رأتها نهلة فقالت: بسم الله ما شاء الله،قمر يا قلبي
ابتسمت زمزم،ثم سلمت على أسمهان،ومن ثم زوجات عم رتيل،وعادت لمكانها
بعد مرور نصف ساعة،أعلن المأذون عقد قران كل من زمزم وراجح،ورتيل ورؤوف،ومرجان وتامر.
إشراق بسعادة وهي تحتضن الفتيات وقالت: عارفات،دا أحلى يوم في حياتي،مبارك يا وردات
نهلة: طب إيه،مش هناخد صورة
بشرى بابتسامة: ثواني ثواتي،هنادي بابا والشباب
بعد دقائق،دخل إيهاب وأولاده وأخوة زمزم ورتيل ومرجان الذين كانوا يرتدون نفس بعضهم،” قميص باللون الأسود،وجاكيت باللون الأزرق الداكن” كحلي ” وبنطال باللون الاسود وحذاء أسود”
احتضنت زمزم إيهاب وقبلت يده فقال إيهاب: اليوم أقدر أقول اني اطمنت عليكِ يا حبيبتي،ثم قال لراجح: من هنا لحد الفرح،لو سمعت إنك زعلتها مش هتشوف الخير
ابتسم راجح وقال: متقلقش،دي غالية يا بابا،ومستحيل أزعلها
احتضنه إيهاب،ثم فعل هكذا مع مرجان،ثم نظر لرؤوف وقال: رتيل بنتي يا رؤوف،لو زعلتها مش هتكون راضي
رؤوف بابتسامة: ولا يهمك يا غالي.
ثم أخذوا صورة جماعية،وهم يبتسمون بسعادةٍ،ثم أخذوا صور متفرقة،وهكذا إلى أن انتهوا،ثم خرج إيهاب والباقي حيث الرجال
وأكملت الفتيات جلستهن مع بعضهن
كانت تنظر إشراق لزمزم بسعادة،فقالت آينور: فرحانة اوي،ربي يفرحك يا حبيبتي،ايه سر الفرح دا
إشراق بابتسامة: عارفة يا آينور،زمزم عاشت إيام وسنين كلها عياط ووجع،لكن ربنا الهمها صبر،علشان تلقى عوض جميل أوي،والحمدلله اليوم زمزم لقيت عوضها اتمنى تفضل سعيدة كدا
قبل أن ترد آينور،جاء صوت إمرأة من خلفهما،كانت زوجة أحد رجال الأعمال الذين يعملون مع إيهاب وقالت: مبارك يا إشراق هانم،تبارك الرحمن جميلات أوي،محترمات ما شاء الله،وخاصة زمزم
ابتسمت إشراق وسلمت عليها وقالت: تسلمي دا من ذوقك
بدأ الناس يرحلون،إلى أن خلا المنزل من الناس
ولم يتبقى سوى العائلتين
كانت زمزم والفتيات في غرفة المعيشة،ينظرن إلى الصور التي التقطت
نظرت بشرى لزمزم بخبث وقالت: بقولكن يا بنات والله أنا اخويا راجح والله انه مز تبارك الرحمن
نظرت زمزم لبشرى برفع حاجب وقالت بغيرة: نعم؟!،بتتكلمي عن مين
بشرى: بتكلم عن اخويا حبيب قلبي والله
زمزم بغيرة: حبك برص يا بشرى،مش مسموح ليكِ تقولي عنه كدا
بشرى بصدمة مضحكة: بدأت الغيرة يا عيني يا عيني.
نادت إشراق على زمزم ورتيل ومرجان حتى يأتينبالعصير والحلوى،نظرت زمزم لبشرى باستعباط وقالت: حبيبة قلبي يا بشرى،روحي قدمي العصير
ضحكت بشرى وقالت: على عيني والله،لكن ماما طلبتك انتِ ورتيل ومرجان
مرجان برجاء: يا بشرى روحي انتِ وورود وأزهار،بليييز
رتيل وزمزم: بليييز بليييز يا بشرى
بشرى بغضب متصنع: قدااامي ويلا احملن العصير والكيك بسرعة
زمزم بهمس وهي تحمل العصير: اشوف فيكِ يوم يا بشرى
ضحكت الفتيات،وتوجهن لغرفة الضيوف،قدمن العصير والحلوى،ثم جلسن بجانب بعضهن
آينور بهمس لإشراق: والله البنات ثواني ويمو…تن من الكسوف
ضحكت إشراق بخفة،ونظرت لإيهاب الذي قال: وكأنكن مش عارفات انه اتكتب كتابكن،ومش عارفين مين الي كتبوا عليكن ولا إيه،ترا جو الكسوف دا مش ماشي معايا،لو ما اعرفكن كان قلت،لكن اعرفكن مجنونات
زمزم بهمس سمعنه الفتيات: إيهاب المالكي يق…صف ولا يبالي،الله يستر من الباقي
كتمت الفتيات ضحكاتهنَّ بصعوبة.
أسمهان: معرفتكيش يا رتيل فين جنانك
رتيل بهمس: جدتي بدأت تق..صف،استعدن
زمزم بتذمر وهنس: طب وانا علاقتي ايه،في الأيام العادية مبعرفش اتكلم كلمتين على بعضهن،يبقا هتكلم في يوم زي دا
جنان بخبث لبشرى وورود وأزهار: نغير الجو بقا
بشرى بفهم: يلا
بشرى:زمزم تعالي هقولك حاجة مهمةاوي
زمزم بترقب: ايه هتقتل…يني وانا معرفش
رؤوف: الله على الذكاء،بالله يا بشرىلو قدرتي تعملي فيها كدا اعملي
بشرى بضحك: لااا مقدرش،اصل هي تخص المقدم راجح
سحبتها زمزم بسرعة وقالت: شملك نعستي تعالي قوليلي عايزة ايه،وروحي نامي
ضحك الحميع،وخرجت زمزم وبشرى للحديقة
ورود: حبيبتي يا مرجان،منورة والله،بقولك ايه
مرجان بترقب: ربنا يستر،خير
ورود: تعالي بس كنت ناوية اق..تلك لكنك نخصي تامر ب….وقبل أن تكمل،سحبتها مرجان خارجا وهي تقول،الله يهديكِ تعالي قولي عايزة ايه،وذهبت لغرفة المعيشة
ضحكت حنان وقالت: آخر وحدة يلا
أزهار: والله هو بصي يا اخت رتيل،انا مغرمة بقصص الق…تل،لكن للأسف الشديد ابن عمي ميستغناش عنك ف….قاطعتها رتيل وقالت:تعالي تعالي،والله بدأتن تلخبطن في الكلام،وذهبت للحديقة الخلفية
نظرت جنان للشباب وغمزت لهم،ضحكوا مرة واحدة،وفهموا أنهن أفسحن المجال لهم،ليحدثوا الفتيات،فأمسكت جنان هاتف والدتها من دون أن تعرف،ورنت على راجح،فقال: معلش عن اذنكم،عندي اتصال مهم
وخرج إلى الحديقة
بالحديقة
زمزم: ايوا مالك
بشرى: مالي
زمزم: بتت مش قلتي عايزاني
بشرى باستعباط: محصلش
جاء صوت راجح من الخلف الذي قال: مهمتك خلصتك با بشرى
بشرى بغمز: عد الجمايل ها
ضحك راجح ودخلت بشرى للداخل،فنظرت زمزم لراجح بغضب طفولي وقالت: صاير تخطط خطط كتيرة يا سي راجح
ضحك راجح وقال: دا انا بريء،متعصبة ليه؟
زمزم وهي ما زالت غاضبة: مدخلكش ها ولا مش ها
رفع راجح حاجبه وقال: ايه؟!
زمزم بتذمر: ايه مخبي عليا ها؟
عمل نفسه لم يفهم وقال: هو الجنان بدأ،ولا دا جزء من هرموناتك،ولا ايه،بس اعرف علشان أعرف اتصرف
زمزم: اعتبره جنان رسمي،ولة مقلتش هرتكب فيك جري..مة قت..ل
أمسك يدها بابتسامة وأجلسها على الأريكة وجلس بجانبها وقال: نتكلم بهدوء وعاتبيني زي ما انتِ عايزة،لكن من دون عصبية او زعل،انا لسا واعد بابا وقايلة مش هزعلك،وانا مش عايزة ازعلك،أو أخلف بوعدي،دا أولا،تانيا…انا خايف عليكِ من الزعل،الزعل وحش أوي،صح ولا إيه؟!
ابتسمت زمزم بهدوء،فقد استطاع امتصاص غضبها وحزنها في ثوانٍ،وقالت: صح
ابتسم بهدوء وقال: ايوا بقا،سكرتي زعلانة ليه؟
زمزم بصوت حزين: سمعتكوا امبارح لما قالوا ليك عن المهمة،وانك موافق،أخذت نفسا عميقا ثم أكملت: صدقني مش زعلانة إنك هتطلع،دا شغلك وواجبك تجاه بلدك وأهل بلدك،صح انا خايفة عليك،لكن،،،،لكن مقدرش أمنعك،انا زعلانة انك قلت ليهم مش هتقولي،إلا لبعد ما تخلص المهمة،أو قبلها بيوم
راجح بهدوء وابتسامة مطمئنة: لاني حافظك يا زمزم،وعارف انك هتزعلي،وتعيطي،رفعت نظرها له وقالت بدموع: لا مش صح،ابتسم وقال: زمزم،قدامك حد بيشتغل في المخابرات يعني عارف الي قدامه كويس
ثم أكمل بمرح: بعدين بعد ما اعرفتي،هتنكدي علينا كلنا
زمزم بغضب طفولي: مش نكدية..
راجح بمرح: يا ستي خلاص مش نكدية،لكن مجنونة
ضحكت زمزم وقالت: ممكن أسألك سؤال ؟
راجح: اسألي اكيد
زمزم بترقب ورفع حاجب: حبيت قبل كدا؟
ضحك راجح وقال: ناوية على مو.. تي صح
زمزم برفع حاجب وصدمة: يبقا حبيت قبل كدا،دا نهارك مش معدي،ولا ليلتك معدية..
راجح بضحك: يا بنتي افهمي،متتعصبيش روقي بس
زمزم برفع حاجب: قول قول بسرعة.
راجح: بصي الي حبيتها وحدة تعرفيها،ويمكن انا الي ربيتها،لحد عمر معين،بعدها خليت ماما واخواتي يهتموا فيها،بسبب شغلي وكمان لانه مينفعش تتعلق فيا ولا أنا بردو،لكن كنت متابعها من بعيد،تابعتها وحبيتها بكل حالاتها وقت حزنها،وفرحها،غضبها،وجنانها،لكن مكنتش بقدر اعمل حاجة ليها،مرة على مرة كلامنا قل،لأنها كبرت،وانا خفت من ربنا،لاني مش من محارمها الي أكلمها وقت ما انا عايز،لكن الحمدلله البنت صارت من نصيبي لاني كنت ادعي ربنا كل بوم يجمعنا بالحلال.
زمزم بتساؤل وحزن: مين دا هي؟!
راجح بضحك: مش قلت مجنونة،ركزي وهتعرفيها.
يتبع….
•تابع الفصل التالي "زمزم قلبي" اضغط على اسم الرواية