رواية الوشم السائر الفصل الرابع 4 - بقلم اسماعيل موسى
اوصلنى ضابط المباحث قرب بيتى وانا انزل من السياره همس خلى بالك من تليفونك يا عونى وابتسم
قلت يا باشا الحمد لله لسه مجوزتش، ضحك معاون المباحث ثم صرخ فى الشرطى السائق اطلع يا ابنى.
تنهدت بارتياح، كنت على لحم بطنى ومش عارف اكل ايه
محتار بين ان اكل ساندوتشات سريعه او اجهز مكرونه بالصوص، اشتريت نص كيلو مكرونه وانا طالع الشقه لقيت البنات قاعدين قدام باب الشقه
الدرس يا استاذ عونى، اتأخرت علينا؟
كنت نسيت الدرس ، اعتذرت لتلاميذى وفتحت الباب
خمس دقائق واكون جاهز يا بنات، افتحو الصفحه على الدرس وهرجع حالا
الحياه ليست سهله على الأطلاق، الإنسان علشان يأكل لازم يطبخ بنفسه، كمية هراء لا محدوده، شوحت المكرونه وزودت ميه بعد ما ضربت حبتين طماطم فى الخلاط وتخليت عن فكرة الصوص وسبتها وخرجت للطاولة
كنت اشرح واتابع الحله كل عشر دقائق اخيرا بعد ما يقرب من تلت ساعه طفيت النار وواصلت الشرح حتى تعبت
اخيرا أصبحت بمفردى ورحل الطالبات نحو بيوتهم
اكلت حتى امتلأت معدتى وتمددت على الأريكه مغمض العينين افكر
نيره؟
ايه حكايتك معايا بقا؟
مره تطلبى مساعدتى ومره تحاولى تقتلينى؟
وتذكرت جنونها وقضم يد زوج اختها شروق
أكان ذلك اشاره؟
اسامه متورط مثلا؟
لكن كيف؟
معها؟
ثم فكرت أكثر، حتى لو كان معها ما الفائده؟ كيف ينقذها ذلك من حبل المشنقه؟
اسامه لم يقتل احمد، لا سبب يدعوه لذلك ان العكس اذا كان صحيح هو ماكان سيحدث احمد يقتل اسامه
شعرت بصداع وخرجت للشرفه، دخنت سيجاره وقلت يا عم نام انت مال اهل_ك
رقدت على السرير ثم تذكرت الوشم الغريب على عنق احمد وصدره
فتحت النور وسجلت على ورقه الوشم
مفيش كاميرات فى العماره محدش شاف اى حاجه
اذا لما تفعلها نيره فأن المجرم كان هاديء جدا، هاديء لدرجة ثم ضيقت عينى
انه يرسم وشم على رقبة احمد؟
دا مجرم دماغ بقا؟
نيره بتخون احمد !! احمد يطردها، احمد مقلش لأى شخص نيرة كانت بتخونه مع مين؟ نيره ترجع الشقه
احمد يتقتل
نيره بتقول مقتلش احمد
ازاى ما سألت نيره ازاى؟
ومضى الليل عليه طويل، ولما أشرقت الشمس روحت على قسم الشرطه وترجيت معاون المباحث ربع ساعه لحد ما وافق اتكلم مع نيره وان تكون مقيده بالجدار
لما نيره شافتني ابتسمت، قلت انتى مبسوطه؟
قالت ازاى هكون مبسوطه وانا بينتظرنى حكم بالإعدام؟
قلت كويس وفرتى عليه كلام كتير
نيره؟ انتى كنتى بتخونى احمد؟
بصقت نيره على الأرض وهمست اما مش كده انا عمرى ما عمل كده !!
نيره؟ احمد كان بيخونك؟
صمتت نيره ولم تفتح فمها تحجرت نظرتها، كان بيخونك علشان كده انتى قتلتيه؟
غبى صرخت نيره، انت غبى زيهم، لو قتلته ليه هنكر والتهمه كده كده لبسانى؟
كان فيه وشم على رقبة احمد الوشم دا عمله امتى؟
فتحت نيره بقها، احمد مكنش على جسمة اى وشم يا عونى انت بتشتغلنى؟ بتشتغل مع الشرطه مثلا؟
متأكده يا نيره؟
ايوه متأكده الزفت كان جوزى مش عشيقى يعنى اكيد لو كان فيه وشم كنت هشوفه
كان الوقت مر وكنت احتاج اجابه واضحه
نيره احمد كان بيخونك؟
ترددت نيره دقيقه وهمست حتى لو كان دا هيفيدك بأيه؟
الا لو كنت عايز تثبت التهمه علي؟
مش عايز اثبت حاجه ردى من فضلك يا نيره؟
تطلعت نيره إلى الجدار وهزت قيد الحديد، للسبب دا اخترتك يا عونى لانك مش بتسأل كتير
قلت الحقيقه انا مش عارف انتى اخترتينى ليه؟ انا مش محقق ومش محامى
اخترتك لانك حليت القضيه إلى قبلها يا عونى؟
فاكر ولا افكرك؟
مكنتش متخيل ولا متوقع ان فيه شخص غيرى يعرف بأمر القضيه دى
قولت عرفتى ازاى يا نيره؟
قالت يا راجل دا حتى أسمى على اسمها؟
ابتسمت وقلت وانا بقوم، لكن هى كانت مجرمه يا نيره
- يتبع الفصل التالي اضغط على (الوشم السائر) اسم الرواية