رواية غرام في قلب الصعيد الفصل الرابع 4 - بقلم اسماعيل موسى
قضم جبر من كوز الذرة الساخن، عارف يا صقر بيه!!
انا ابن عمك بس يا جبر مش بيه ولا حاجه!!
_صمت جبر لحظه يفكر، خلينا منرفعش الالقاب دلوقتى يا صقر بيه لأن محدش يعرف إلى جاى ايه
انا عارف انك ابن عمى، لكن الكلام إلى كنت بسمعه عنك وعن عمى جبر خلانى اكرهك من قبل ما اشوفك
ابتسم صقر، اعجبه صراحة جبر واحترم عدم كذبه
اردف جبر خليك عارف اننا لم نرجع الدار لانا اعرفك ولا تعرفنى ولا اتكلمنا مع بعض ولا دردشنا ولا اى حاجه
ايوه يا عم انا مش ناقص علقة من ابويا بالجريدة
ابويا دايما يقول عليكم ناس شرانيين وانا مجرد ولد صغير معرفش فى كلام الكبار
ابتسم صقر مره اخرى حاضر يا جبر حاضر متقلقش انا متكلمتش معاك خالص
كويس همس جبر وهو بيشد فى المشيه
الا قولى يا صقر بيه هى والدتك فعلا ست شرانيه؟
يعنى قاسية وكده وهى إلى خلت عمى جبر يقاطعنا؟
شرد صقر لبعيد كانت بيوت القريه لاحت امامهم، الموضوع كبير يا جبر اكيد يوم ما هحكى ليك كل حاجة
لكن لازم تعرف اننا بشر زيكم عندما أخطاء وفينا حجات كويسه
_لكن عمى سعيد وابويا بيقولوا كلام غير ده خالص؟
توقف الكلام عندما وصلا البيت الكبير ذو الغرف المتعدده
السفرة كانت معده فى المنضره مفروشة على الطاوله
رص عليها ما لذ وطاب، دجاج مشوى، لحمه متبله، حمام محشى، اوزه ضخمه، سلاطات، طحينه أرز، وفاكهة
جلس الجد عبد الكريم على رأس السفره يليه أولاده مرتبين من الأكبر الى الأصغر، ثم الاولاد الشباب والصغار
عندما وصل صقر رفع الجد صوته، صقر تعالى اقعد جنبى
بص عبد التواب يمين وشمال فى غيظ ثم نهض وترك مقعده لصقر وجلس فى اخر الطاوله
كان الجد يقطع اللحم ويضعه امام صقر ونسى نفسه
مش كده يا جدى انت فاكر انى كنت عايش فى الجبل؟
همس الجد جسمك مش عاجبنى يا صقر كل واتغذى ابوك الله يرحمه كان طول بعرض يسد الباب
ابتسم صقر، انا ماشى على نظام غذائي يا جدى وبمارس تمارينى الرياضيه
__الشوربه يا جدى زى ما طلبت
انتى مين سمحلك تدخلى هنا وفيه حد غريب يا زفت انتى؟
صرخ عبد التواب فى بنته سادين بغضب وثوره
رفع عبد الكريم بصره إلى ابنه عبد التواب
محصلش حاجه يا عبده وصقر مش غريب
همس عبد التواب، لكن يا ابويا
__لا لكن ولا ما لكنش يا ابو جبر، رد الجد بحزم
صقر ابن اخوك وحفيدى ومهما إلى كان حصل فى الماضى فدا مش هيغير معزته فى قلبى
كانت سادين واقفه بخوف والدموع على عنيها
امشى انتى يا سادين يا بتى وشييى الشوربه هنا
خرجت سادين بسرعه وهى بتمسح دموعها،
ها شوفتيه؟ سألت هند بت عمها بصوت واطى
ايوه شوفته وابويا زعق فيا جامد
حلو زى ما بيقولو؟
ترددت سادين لحظه بعدها ابتسمت ايوه حلو
وهو شافك؟
ردت سادين بأستنكار ، طبعآ لا، ويشوفنى ليه اصلا؟
البت بت عبد الواحد شافته النهرده قاعد على شط النيل بتقول زى القمر، معقوله يكون ابن عمنا ومنعرفش شكله؟
اقفلى خشمك همست سادين بخوف لحسن حد يسمعنا عاد
حلو ولا وحش احنا مالنا
والنظام الغذائى على قولك يا صقر دا ايه يعنى؟ كان الجد يحاول ان يمسك تلابيب الحوار من جديد
قال صقر يعنى تاكل كميات محدده بسعرات ثابته وتمارس تمارين رياضيه قويه
__زى بتوع المصارعه يعنى؟ سأل العم الأصغر أمير باستفهام
حاجه زى كده يا عمى
انطلقت نظره متوعده من عين سعيد ناحيت اخوه أمير
لكن امير كان غارق فى ورك دجاجه
__يعنى انت على كده تعرف تلعب بالعصا؟
انا معرفش لعب العصا، لكن بلعب ملاكمه وتايكوندو وجودو
ودى زى لعبة العصا طيب؟ واصل أمير اسألته
تخلى عبد التواب عن صمته، دا لا عمره مسك عصا ولا عمر ابوة مسك عصا هيعرف يلعبها ازاى يا أمير، دا أصغر عيل فى أصغر عيله هيهزمه من اول جولة
على اقولك يا اخويا وتجشاء أمير بصوت عالى العصا عايزه رجال
_وانا راجل أجاب صقر بتحدى وبفجائيه اصابتهم بالاندهاش
ارتفع ضحك مكتوم بين الاخويه
لو كان عندنا فرح قريب كنا شوفناك بتلعب العصا يا واد اخويا لكن مفيش أفراح الا بعد ستة شهور
ليه كده سأل صقر
حداد على والدك يا صقر، أفهمه جده الكلام ببساطه
احنا هنفضل فى حداد لمدة ستة شهور قبل ما نحي الأفراح فى بيتنا دى عادتنا ودا سلو بلدنا
صمت صقر، وفكر فى سره، دا جدى كان فى قطيعه مع والدى ورغم كده هيعلن الحداد عليه 6 شهور؟
وشعر بوقار أكبر تجاه جده عبد الكريم واعمامه
الكل حاضر وانا هقول كلامى همس الجد عبد الكريم بصوت عالى
انا قولت ان ليك حق يا صقر وقلت انك هتاخد حقك
حق ايه يا جدى!؟
__همس الجد ورث ابوك جبر الله يرحمه
صرخ سعيد بصوت مسلوع لكنك يا والدى جردت جبر من كل أملاكة ايه إلى غير رأيك؟
احنا عارفين والبلد كلها عارفه ان الحج عبد الكريم مش بيرجع فى كلامه؟
رفع عبد الكريم بصره بغضب تجاه سعيد، المال مالى والأرض ارضى ما شأنك انت؟
ولا انت عايزنى اجردك انت من أرضك يا سعيد؟
__ لا يا ابويا معاش ولا كان إلى يكسر كلمتك
طيب كويس، من النهرده صقر واحد مننا وورث ابوه هيكون ليه كله
نهض عبد التواب وزعق بغضب، هو انت هتغير شرع ربنا ولا ايه يا ابوي؟
بتصلى بينا الخمس صلوات وكنت بتخطب بينا الجمعه يعنى عارف شرع ربنا
وشرع ربنا بيقول ايه يا عبد التواب يا ولدى؟ عرف ابوك اصل عمره كبر وعقله شت
بيقول انك جردت جبر اخويا من كل حاجه ووعدتنا هنا فى المكان ده توزعها علينا
هو انت ناقصك أرض يا عبد التواب؟
حتة الأرض البحريه إلى اشترتها من ورايا مش ماليه عنيك؟
انتى فاكرنى قاعد على ودانى؟
والله وبالله إلى يفتح خشمه منكم لامنع عنه ورثى خالص
شعر صقر بالاحراج، قال يا جد مفيش داعى لكل ده انا مش جاى هنا علشان ورث ابويا ولا غيره انا جاى عشان الدفنه والحمد لله مستورة
وشهد شاهدآ من أهلها همس سعيد وعبد التواب فى نفس واحد
صرخ عبد الكريم بقا كده؟
اطلع نام يا صقر والدى بكره ان شاء الله تخرج معايا افرجك على أرضك وتشوف هتعمل فيها ايه
اختك لارا كمان إلى حابسه نفسها فى غرفتها هتكون معانا
على فكره قول لاختك حريمنا مش بتعض والله، جدتها مقعدتش معاها ولا بنات عمامها ولا حتى حريم اعمامها
حاضر يا جدى هطلع اتكلم معاها
شطف صقر يده من كوز ما وطلع على غرفة لارا
اسمع يا واد انت وهو صرخ عبد الكريم ما ان خرج صقر
والله لو سمعت واحد منكم منع مراته او بنته من الكلام مع بنت اخوكم لكون مطين عيشته جاتكم قرف
جلس الجد امام الدار يستقبل شمس العصريه بينما فى الداخل كان الزعيق المكتوم يرتفع والتوعدات على آخرها
- يتبع الفصل التالي اضغط على (غرام في قلب الصعيد) اسم الرواية