رواية الوشم السائر الفصل السابع 7 - بقلم اسماعيل موسى
دخلت الشقه وانا متغاظ، كانت فكرة حمقاء انى طلبت مساعدت لبنى، مسمعتش منها غير كلام يسم البدن هيغير مزاجيتى أكثر من شهرين لقدام
_مع كل يوم اقضيه حى تزداد رغبتى فى قتل كل نساء مدينتى
رتبت المقعد والطاولة ، انا معنديش فلوس ولا دهب ومش قادر اتخيل شخص ممكن يتعب نفسه فى قلب الشقه كده على الفاضى
وانا بعدل الأريكه شفت رسمه على الحيطه، كانت مختفيه وراء الخشب، كان مرسوم وردة كبيره منتهيه برأس ثعبان
فركت راسى انا شفت دا فين؟
جثة احمد
صدره ورقبته كان عليها نفس الوشم
وشم يجمع وردة وثعبان قد يشير إلى العلاقة بين الجمال والخطر أو بين الحب والخيانة، الوردة قد ترمز إلى جانب جذاب أو بريء، بينما الثعبان يوحي بشيء خفي أو معقد، يمكن أن يمثل صراعًا داخليًا بين الرغبات النقية والغرائز المظلمة، أو مزيجًا من الجمال القاتل الذي لا يخلو من التحذير
وبينما افكر فى ما يعنيه الوشم، هاجمنى خاطر قوى، القاتل كان هنا فى شقتى، كان هنا وتركلى إشاره
مش معقول يكون وصل هنا علشان بهزر معايا؟
ولأول مره احس بالخطر الكبير، القتله إلى بيستخدمو الأوشام بيكونو معقدين جدا وحذرين جدا وغامضين جدا
قعدت شويه وانا مضطرب، مين ممكن يعمل كده؟
معقول الشاب إلى قليل شروق يكون بيبعتلى تحذير انه خد باله منى؟
ولا شروق نفسها بتوصلى رساله؟
او يمكن جوزها إلى اعتقد انه خاين؟
كلها أفكار من غير دليل منطقى مجرد افتراضات دا على ترجيح ان نيره بريئه
مقدرتش اقعد فى الشقه ولا دقيقه فكرت اتصل بالضابط فتحى لكن افتكرت انه حذرنى يشوفنى ولو حتى صدفه
بس كان لازم اعمل حاجه
خبطت على لبنى صاحبت العماره، فتحتلى وهى لابسه عباية الطبخ
فيه ايه يا عونى؟ عايز ايه؟ تكونش جيبت الإيجار؟
__قلتلها انتى ليكى كام إيجار؟
همست لبنى خمسمية
قلت كويس، هاتى ميتين ويقبالك سبعميه، تأملت لبنى ملامحى تحذر ان كنت امزح، لكن وشى كان صارم زى الجزرة
همست لبنى حاضر، دخلت جوه جابت ورقه بميتين حطتها فى ايدى على الباب
__قلتلها شكرا ومشيت،الموضوع قلب جد ولازم الاقى حل بسرعه
خدت تاكسى تجاه شقة شروق وجوزها اسامه لازلت اعتقد ان البدايه ستكون هناك
احمد جوز نيره خانها مع اختها شروق واضطرت لقتله
او اسامه عرف ان شروق فى علاقه مع احمد فقتله
ثم صفعتنى حقيقه موجعه
القاتل يستطع رسم وشم دقيق ودا مستغرب فى حالة اسامه او نيره
ثم انا اصلا منطلق من فكرة ان نيره بريئه، وتسللت خلف جذع شجره وراقبت الشقه
شروق؟ من اول ما شوفتها وانا حاسس انها عميقه جدا وغامصه وتأكدت من كده بعد ما شوفتها مع الشاب فى المنتزه بس لو شروق هى المتهمه او اجرت شخص للقتل
كان ممكن تقتل جوزها اسامه مش جوز اختها
وأصبح عقلى مثل فرن العيش وانا وسط شرودى سمعت صراخ فى العماره قدامى وبدأت الناس تتجمع، حاولت انى مظهرش قدام الغفير لحد ما سمعت واحد من الجيران بيقول
جوز شروق إلى فى الدور التانى اتقتل
- يتبع الفصل التالي اضغط على (الوشم السائر) اسم الرواية