رواية هو انت مين الفصل الثامن 8 - بقلم سحر السحرتي

   

 رواية هو انت مين الفصل الثامن 8 - بقلم سحر السحرتي

*كان اياد ما زال ممسكا بيد عنود فتحدثت بخجل و مزح في نفس الوقت

:ايدي يا دكتور لو سمحت خلاص عدينا الطريق هي لزقت ولا ايه

:تصدقي نسيت فكرت ماسك ايد بنت اختي

: بنت اختك كبيره كده

: ما دي مش ايد كبيره شفتي كانت مستخبيه جوه ايدي ازاي

:طب انت عشان راجل ايدك كبيره

:لا ما تنكريش ان اللي يشوفك يقول عليك لسه في ثانوي

: ودي ميزه ولا عيب

: لما تعجزي هتبقى ميزه لكن دلوقتي عيب

: هههههه وعيب ليه بقى

: بحس الناس بتست-هيفك

:هو ما ينفعش نتقابل في مره من غير ما ترمي لك دبش-تين عليا

:ايه زعلتي

: لا اتعودت هههههه

: كده احبك اكثر لما تفوتي لي

*شردت قليلا في الكلمه لم تفق الا وهو يفتح باب البازار ويقول

:مش هتدخلي

:هاه … اه هدخل

*تقابلت مع صاحب البازار وعرضت عليه صور من اعمالها فاعجب جدا بها واتفق معها على عده لوحات وبعض الاكسسوارات

*سعدت عنود بهذا العمل لان صاحب البازار طلب اعمال متنوعه ووافق على اسعارهم

*بعد ان خرجت من البازار *تحدثت لاياد وهي سعيده جدا

:مش عارفه اشكرك ازاي يا دكتور اياد بجد انت ربنا بعتك ليا من السماء

*سحب يدها كي يعبر الشارع بحركه تلقائيه ليعود إلى السيارة

:ما تشكرنيش وينفع بيني وبينك تقولي اياد بس

:مش هقدر اخاف اغلط قدام حد

:ماشي لغايه لما تخلصي الترم ده و الماده اللي بدرسها لك تنجحي فيها … طب ايه هتروحي

:لا عندي شغل في المطعم

:هو انت مش هتبطلي شغل هناك مش خلاص اتفقتي هتعملي شغل للبازار

:لسه ما سلمتوش حاجه وما اعرفش التعامل معاه هيبقى ازاي وانا شايفه ان شغل المطعم الى الان فرصه لانه موافق بكام ساعه وبيطلع راتب معروف قد ايه

بقلمي سحر السحرتي

*امت-عض وجه اياد وهو يقول

:ماشي براحتك

:ممكن اعرف بما اننا اصحاب ايه اللي مضايقك في شغل المطعم

:عايزه الصراحه

:المفروض نبقى مع بعض صريحين

: اتضايقت لما شفتك اول يوم هناك وواحد بيت-حرش بيكي

:اظن انا اخذت حقي و مستر حامد كان راجل ووقف معايا ومش هيسمح انه يتكرر والتح-رش موجود في اي مكان وفي اي وقت المهم البنت

: بس انا بتضايق لما بشوفك بتهزري مع الزباين

:انا مش بهزر مع اي حد بهزر مع اسره او بنات لكن شباب لا طبعا …. وبعدين ايه اللي يزعلك انا مش بتمايص هزار خفيف ولا يتعدى حدود الادب

*لاحظ تغير ملامحها للض-يق

:عنود ممكن تاخدي على طريقه كلامي انا فعلا برمي دب-ش بس بحاول اتغير استحمليني

:دكتور ممكن اسال سؤال بصراحه و تفهمني من غير زعل تجاوب … انت مهتم بيا قوي كده ليه حضرتك مش بتهتم بباقي الطلبه كده و بتساعدني

:عشان احنا اصحاب

:هو اصلا ما فيش الكلام ده بين راجل وست او بين استاذ وطالبه بس انا في الوسط اللي عشت فيه قبل كده كنت بشوفه وكان عادي بالنسبه لي بس وضعي دلوقتي والمكان اللي عايشه فيه لا يسمح بالكلمه دي رغم ان ماما ما كانتش بتسمح بيه قبل كده و دلوقتي انا تايهه و حاسه بشيء غريب ومش عايزاه يزيد عن حده

:هو ايه اللي مش عايزاه يزيد

:احترامي لك

: مش فاهم

: هسميه احترام لانه مش هياخذ مسمى اكبر من كده وحاول تفهم انا عايزه اقول ايه

: فهمت و تقدري تقولي بساعدك عشان شايف بذره فنانه موهوبه مش واخده حقها فبحاول على قد ما أقدر اوفر لك طرق سهله و مسمى اصحاب بدل كل شويه أقول استاذك او اخوك الكبير استريحتي من الشرح ده

:اه الحمد لله

:هو كان تعبك قوي

:الحقيقه اه جدا

: اشمعنا

:عشان متجوز وعندك ابن

:يعني لو ما كنتش متجوز كان ممكن يبقى اكثر من كده

*نظرت امامها ولم تجيب فابتسم من خجلها

:وصلنا المطعم حاولي بقى تقللي ساعات شغلك فيه عشان تقدري تجهزي طلبات البازار و تنتبهي للمحاضرات اللي عندك

:حاضر هكلم مستر حامد في الموضوع اتمنى يوافق

:لو ما وافقش قولي لي اكلم دكتور عزيز يستأذنه

: لا بلاش أتقل على دكتور عزيز اكثر من كده

بقلمي سحر السحرتي

*تركته وذهبت وقبل ان يتحرك لمح معتز يدخل المطعم فاندهش ولكنه رجح ان معتز يدخله كما دخلوه من قبل وليس لمقابله عنود لكن ما حدث عكس توقعاته

*دخل معتز وهو متع-صب و جذبها من يدها بق-وه

: ممكن افهم ليه طلبت من دكتور عزيز اني اسيب الماده اللي بدرسها لكم و يستبدلني بدكتور ثاني

*سحبت يدها بقوه وانف-عال

:لانك السبب ان لوحتي تتس-رق وكنت هتس-وء سمعتي والناس تفتكرني حرا-ميه

: السبب في ايه هو انا اللي قلت لها تعمل كده

: هي عملت كده عشان تنتقم مني لان مشاعرك الجياشه باينه في عينيك

: هو ذنبي ان لسه بحبك

:ولا ذنبي عشان تتس-رق لوحتي وهي دخلت المرسم بحجه انها بتزورك مش ناقصه تيجي بعد ما امتحن واجيب تقدير في الماده تقول انك كنت مسرب الامتحان بحجه انك كنت خطيبي

: هي ممكن تعمل كده

: ما اعرفش بس ممكن تعمل اكثر الست لما بتحس ان خطيبها او جوزها بيحب واحده ثانيه بت-ولع في اللي بيحبها فيا ريت تبعد عني اكبر مسافه ينفع

:واظن طلبتي ان اياد هو اللي يدرسلك

: انا كل اللي طلبته انك تسيب الماده هما احرار مين يمسكها ما يخصنيش حتى لو دكتوره اشجان هستحملها

: لكن انا لا … فين حبك ليا

:ارجع بالذاكره عمري قلت لك اني بحبك

:لا احنا اتخطبنا فتره قصيره

:اديك قلت فتره قصيره ما لحقتش لا اعرفك ولا احبك ابعد عني بقى وانسى انك كنت خاطبني

:انسى ازاي انا مه-ووس بيكي

:انت قلت بنفسك ه-وس مش حب معتز فوق لنفسك ومستقبلك انت لما اخترت شروق اخترتها عشان والدها يساعدك في كل حاجه مش عيب امسك في فرصتك و استغلها واحب افكرك كمان انك انت اللي سبتني فبلاش الدور اللي انت عايشه وبلاش تلمح ان في حاجه بيني وبين دكتور اياد لأننا مجرد طالبة واستاذ … عن اذنك عندي شغل

:مش هسيبك يا عنود و اتخلى عنك

:انت تخليت وسبت من زمان واخر مره اشوفك او تحتك بيا هتزعل

حامد: في حاجه يا عنود

:ابدا ده دكتور معتز استاذي في الجامعه

:اهلا اتفضل

:متشكر عندي محاضره بس شفت عنود داخله قلت اسلم واعرف سايبه المحاضرات ليه طلعت بتشتغل هنا

:اه وانا فهمته اني سايبه محاضرات ما لهاش لازمه … ابقى اتفضل يا دكتور المطعم هنا اكله حلو

*انصرف معتز وهو غاض-ب جدا مما فعلته عنود

*مرت الايام قضتها عنود بين العمل في المطعم و الجامعه و طلبيه البازار

*لم تلتقي باياد الا قليلا ولم تراه سوى في المحاضرات لكنه كان دائم الذهاب للمرسم والتحدث دائما مع والدتها

*حاولت عنود او تعمدت ان تكون ساعات إيجاره للمرسم في وقت تواجدها في المطعم حتى لا تراه او تحتك به فقد بدات مشاعرها تنجرف نحو بشدة … بدات تشتاق اليه وتفكر فيه

بقلمي سحر السحرتي

*مر شهران واقتربت الامتحانات فتركت عنود العمل في المطعم لانها جمعت مبلغ من المال من عملها في البازار ففضلت الانتباه لمشاريع الجامعه والانتهاء من هذه السنه

*علم اياد بذلك فتعمد التأخر داخل المرسم ليلتقي بها

*عنود وجدت اياد مازال في المرسم فتعجبت

:دكتور اياد هو حضرتك لسه في المرسم مش خلصت

: قلت استناك عشان اساعدك في مشاريعك زي ما وعدتك

:ما فيش داعي انا خلاص اتفرغت الشغل بتاع البازار حلو زي انت ما قلت وفعلا بياخذ مني شغل من غير ما يفاصل وكمان بيزودني فاعتذرت لمستر حامد عشان الامتحانات قربت واقدر اركز بقى عشان اخلص السنه

:لا انا هساعدك زي ما وعدتك

:مش عايزه اتعبك

: مفيش تعب انا باجي اشتغل في المرسم و هساعدك بالمره مش هتعطليني تعالي بقى اشرحي لي ناويه تعملي ايه

*بعد ان شرحت له ماذا تخطط للمشاريع فشرح لها اسماء الخامات التي يجب ان تستخدمها وتكلفتها ليست عاليه

*في ذلك الوقت ارسلت لهم والدتها العشاء

:ماما بعتت العشا في وقته انا جعانه قوي

: تعرفي ان سندوتشات مامتك دي حلوه جدا

:اه ماما بتعمل ميكس جامد من ايام ما كنا في الفيلا واروح المدرسه اي حد يدوقها يقول لي سلفينا الداده بتاعتك تعمل لنا السندوتشات ما حدش كان مصدق انها ماما … ده حتى كنت بفكر استغلها و ابيعهم خفت تتعب

: انت اي حاجه جايبه فلوس دايسه فيها

:مش قادره اقول لك او اشرح لك احنا مرينا بايه

:انت دايما بتهربي ومش بتكملي الحكايه

:بعد الامتحانات

*نظر لها بخ-بث

:طب ايه محتاجه الساندوتش ده

: هههههه اه ليه

: طب هاتيه مامتك فوق تعمل لك غيره

*وقام بخط-فه والابتعاد عنها

*بكل طفوله وبراءة

:لا هات الساندوتش بتاعي ما ليش دعوه

*اسرعت خلفه لتاخذه منه لكنها لم تستطع لانه اطول منها فرفع يده للاعلى لم تجد وسيله غير انها تدوس على قدمه وتحاول الارتفاع لاعلى …. فاصبحت انفاسهم متقاربه وشردت قليلا في عينيه وعندما استوعبت ما فعلت ابتعدت سريعا و حمرت وجنتيها وقالت بخجل

:اسفه يا دكتور اصل اخويا الكبير كان بيعمل كده ويستغل اني قصيره فكنت بدوس على رجله عشان اوصل

: هههههه كان برضو ساندويتش

: لا شوكولاته

: انت بتحبي الشوكولاته

:بم-وت فيها

:خلاص كل ساندوتش هخطفه منك هجيب لك شوكولاته مكانه

:اتفقنا … ايه استنى هو انت كل يوم هتتعشى عندنا

: عندك مانع سندوتشات مامتك عجبتني جدا

:طب ما تتغدى كمان

:تصدقي فكره حلوه وساعات اصلا مامتك بتغديني معاها

: هههههه طب اسهل انقل اقامتك هنا وهات المدام والاولاد بالمره

*فقال برومانسية

:ينفع بجد انقل اقامتي هنا

*ونظر لها بنظرات عاشقة فأرادت أن تهرب من تلك النظرات التي بدأت في تملك قلبها

:ها …. انا بهزر هروح املا الكاتل ميه تشرب شاي

: اشرب شاي بالنعناع و هجيب نعناع من الزرع اللي في الشباك عايزه

:اه بس مش كثير … عاااا

*ص-رخت فاسرع اليها

: في ايه الميه وقعت على ايدك ولا حاجه

*كانت تشعر بالذع-ر والخوف

:فار … فار كبير …فار كان بي-برق لي وعايز يعض-ني

*اقترب منها كي يقوم بتهدئتها ولكنهما تاهها سويا في عيون بعضهما واطال النظر الى شفتيها وقبل ان يتهور و يقبلها تراجع

:هو فين الفار ده

:حدفت عليه العلبه دي و اتح-بس تحتها

بقلمي سحر السحرتي

*كانت علبه بلاستيك شفافه فضحك عليها

:اللي في العلبه ده الصغير اللي كان بي-برق لك وعايز يعض-ك

: اه هو انا بخ-اف قوي من الحيوانات

*كانت متوتره مما كان سيفعله فاكملت بعص-بيه

:خذ اعمل انت الشاي وانا هجيب النعناع

*واسرعت واختفت من امامه ظلت شارده تفكر في مشاعرها وما كان سيحدث الى ان اخرجها من شرودها

:اتفضلي الشاي بتهربي انت اكيد بتعمليه وحش

*بخوف وتوتر: انت عملت ايه في الفار

:غطسته في الشاي

: يع ايه ده مش هشرب

*ضحك من قلبه وكانت ضحكته رجوليه خطفت قلبها و ابتسمت

:فعلا رخ-م

: ليه بس بهزر معاكي

:عملت ايه بجد

:خلاص رميته

:يعني م-ات خلاص

: ما لكيش دعوه بالتفاصيل دي … انا كنت فاكرك اجمد من كده

:لا انا جبانه قوي في الحاجات دي

:الحق اشرب الشاي واروح قبل الوقت ما يتاخر و نتقابل بكره على الساعه 3:00 ماشي هستناكي

:عندك شغل هنا

:اه مش كثير ممكن يخلص في ساعه هاجي على الساعة اثنين اخلصه تكوني خلصتي محاضرات

*في اليوم التالي اتصلت على والدتها

:ايوه يا ماما انا هخلص محاضرات واروح اسلم البازار شغل كانوا طلبوه قولي لدكتور اياد مش هعرف الحقه و اعتذري له لاني ممكن اتاخر والتليفون هيفصل شحن

*عادت إلى المنزل كانت الساعه تعدت الخامسه ودخلت المرسم ونادت على والدتها بصوت مرتفع

: يا مااامااا انا جيت جعاااانه ابعتي لي اي حاجه ما فطرتش من الصبح

*ردت عليها :عامله دوشه ليه

:هم-وت من الجوع يا فاطيما الحقيني

:طب ما تطلعي وغيري وكلي

: لو طلعت هشوف السرير هكسل وعندي شغل كثير وحياتي ابعتي اي حاجه هم-وت من الجوع يا طمطم

:عيوني 10 دقائق ينزل لك اكل سخن

*دخلت المرسم ابدلت ملابسها وكانت تعمل وتستمع الى اغنيه و بطير لزياد برجي وتردد الكلمات وهي تتراقص و تلتف حول نفسها

$وبطير من كثر الفرح لبعيد

$و بصير عم برسم معك مواعيد

$ويزيد حبك بالقلب بيزيد $خليك حدي غمرني بدي اياك $بحبك انا بحبك انا و بهواك

*كانت تعيد اخر جزء كانها تحدثه من قلبها فقد وقعت في حبه دون ان تشعر أو ربما لا تريد أن تعترف

*وفجاه اص-طدمت في صدره وعيناها اتسعت من المفاجاه

يتبع…. 

• يتبع الفصل التالي اضغط على (رواية هو انت مين ) اسم الرواية