رواية لعبة الخداع الفصل العاشر 10 - بقلم نشوة عادل
ـ لا والله هى دى المفاجأة انت بتهزر ي خالد جايبنا الشركة فى نص الليل وتقول مفاجأة
لقاء: والله انا غلطانة انى طاوعتك ونزلت
خالد: خلصتوا انتم الجوز فعلا بنات حواء كلهم نفس العقلية ونفس التفكير
لقاء: انت مجنون ي ابنى ولا شارب حاجة انت قولت محضر مفاجأة صح مفاجأة ايه ان شاء الله اللى ممكن تكون ف الشركة وكمان ف وقت متأخر زى ده
نزل خالد من السيارة قائلا: بسيطة انزلوا معايا وانتم تعرفوا
نزلت لقاء مع ياسمين فقالت الاخيرة: معليش خلينا ناخده ع اد عقله عشان نخلص
استسلمتا الى الامر الواقع ونزلتا من السيارة رفقة خالد داخل الشركة ودخل ثم وقف الى جوار مكتبته
لقاء بتهكم: لا فرحنى وقولى انك جايبنا هنا عشان نقرأ من كتب المكتبة
خالد: مش انتى طول الوقت عاوزة تعرفى انا بشيل الفلوس فين ومستغربة انى معنديش اى حساب ف البنوك
لقاء بحزن: كان زمان لكن دلوقتى خلاص مبقاش يهمنى الفلوس المهم انك معايا
خالد: لا ده حقك وبما انك فوقتى لازم تاخديه
لقاء: صدقنى ي خالد انا مبقاش يفرق معايا اى حاجة خلاص
خالد: حتى لو مش محتاجة ليها دلوقتى هتحتاجيها بعدين
ازاح خالد كتاب اسود كبير مميز بالرف المتوسط وازاح قطعة من المكتبه وظهر زر غريب ما ان ضغط عليه تحركت المكتبة بشكل دائرى وظهرت من خلفها حائط كبير لكن الدهشة انها كانت ستار الكترونى وخلفه باب وعندما فتحه خالد وجدوا المال مخزن بحقيبتين كبيرتين
ياسمين باندهاش: ايه جو الافلام الهندى ده ي ابنى ده انا كنت مفكرة ان الكلام ده مش موجود اصلا
لقاء: انت عملت الغرفة دى ازاى
خالد: لا الغرفة دى موجودة من زمان كان بابا الله يرحمه هو اللى عملها لما كان بيحب ينام شويه بعيد عن دوشة الشغل والبيت كان بيجى هنا ومحدش يعرفها غيرى
لقاء: ايوة بس افرض حد اكتشف المكان بالصدفة والفلوس اتسرقت يبقى ازى الحال
خالد: مين اللى هيكتشفه وهيكتشفه ازاى اصلا ده جو ميجيش ف دماغ ابليس نفسه
ياسمين: ماشى ممكن بقى تاخدنا ناكل سوشى عشان انا جعانة جدا
خالد: هو انتى دايما كده همك ع بطنك
ياسمين: ي عم هو فيه احلى من النوم والاكل الليلة دى انا مليش فيها اصلا مش فاهمة انت جيبتنى هنا ليه
خالد وهو ينظر بعيناها: عشان انتى روحى وحتة منى ومقدرش اخبى عنك حاجة
عانقته ياسمين بحب ....لقاء: خلاص ي تامر انت وشيرين خلونا نمشى بقى
بالفعل ذهبوا الى المطعم واكلوا ثم عادوا الى المنزل وهم ف كامل فرحتهم
كريمة: ايه ي ولاد اتأخرتوا ليه خضتونى عليكم
ياسمين: كانت حتة خروجة انما ايه جامدة
شيماء: المهم انكم اتبسطوا
خالد: معليش ي شيما هعوضهالك مرة تانية
شيماء: انا مش زعلانة والله يا خالد ومبسوطة انكم بقيتوا احسن والشمل اتلم من جديد
كريمة: طب يلا ي ولاد عشان العشا
لقاء: احنا اتعشينا ي دادة انا حاليا جعانة نوم تصبحوا ع خير
دخل الجميع الى غرفهم وعندما دخلت لقاء تفاجئت بشخص ما ممدد ع السرير لتغلق الباب بالمفتاح سريعا وتقترب منه بغضب وفجأة ترتمى بين احضانه: وحشتنى ي كراميلا
كمال: انتى اكتر ي عيونى
لقاء: انت جيت هنا ازاى اوعى يكون حد شافك
كمال: اطمنى شيماء اللى فتحت ليا والولية التانية دى كانت نايمة المهم كنتم فين
لقاء بابتسامة: مش هتصدق
كمال: اوعى تقولى ان اخيرا عرفتى الفلوس فين
لقاء بفرحة: ايوة شنطتين كبار مليانين فلوس وكمان دولارات انا شوفتهم بعيونى
وبدأت لقاء تقص عليه ما حدث ...كمال: يا ابن اللعيبة ي خالد لا طلعت ناصح اوى
لقاء: واخيرا حلمنا هيتحقق وهموت واشوف شكلهم لما يعرفوا بعد ما ناخد الفلوس
خالد: مشكلة اخوكى انه مفكر نفسه اذكى واحد ف الدنيا وميعرفش ان من اول يوم اللى اسمها ياسمين جات فيه ع الشركة وانا عارف ان هى مراته
ونرجع بالزمن الى اليوم الذى تقدمت فيه ياسمين الى الوظيفة ف شركة كمال حينها قرأ الاسم وشك بها وقام بإجراء اتصال بصديق له يعمل بالشرطة وطلب منه الكشف عن بطاقتها وتأكد انها زوجة خالد وعندما وجدها ترحب بقربه منها فهم ما يدور من مخطط خالد وزوجته ليعود وينظر الى تلك الراطضة بين احضانه
كمال: كنت متأكد ان هو كشفنا خصوصاً لما البواب قال انه دخل وخرج وشكله كان حزين عرفت انه سمعنا وقتها وانه اكيد هيعمل حاجة بس ايه هى كانت صعبة لحد ما المدام جات لحد عندى ووفرت عليا عبء كبير
لقاء: فكك من كل ده دلوقتى فيه حاجة مهمة
كمال: ايه هى
لقاء: اللى اسمها شيماء دى انا مش مرتاحة ليها ي كمال
ابتسم كمال قائلاً: ليه بس لولاها مكنتش هبقى هنا دلوقتى وبعدين كتر خيرها كانت اول بأول بتعرفنا اللى بيحصل
لقاء: ايوة بس المبلغ اللى هتاخده كبير وخسارة فيها
كمال: ومين قالك انها هتطول منى مليم حتى
لقاء: ناوى ع ايه
كمال وهو يغمز لها: احنا هنقضى الليل كله ف الكلام ده بقولك وحشتينى خلى عندك سينس
اما ف غرفة ياسمين وخالد كان نائما على رجليها كالطفل وهو مغمض العينين وقال: تفتكرى اللى عملته ده صح
ياسمين: اللى هو ايه
خالد: انى عرفت لقاء مكان الفلوس كلها كنت مثلا جيبت ليها نصيبها او فتحت بيه حساب باسمها وخلاص
ياسمين: حبيبى دى اختك وده حقها
خالد: بس انتى عارفة كويس ان مكنش ليها حاجة من الورث وان ابويا كتبه كله ليا قبل ما يتوفى ووو..... يتبع
- يتبع الفصل التالي اضغط على ( لعبة الخداع) اسم الرواية