رواية مملكة احفاد الطوبجي الفصل العاشر 10 - بقلم اميرة اسامه
في غرفه جلال قبل ما ينام.
اتصلت عليه رهف.
جلال….الوو
رهف….ايوه يا حبيبي فينك
جلال….انا وصلت خلاص يا قلبي هو رامي لسه موصلش ولا ايه
رهف….لا لسه بكلمه مش بيرد اكيد موبايله سايلنت بس انت وصلت امته
رهف….بضيق انت بتتكلم جد ولا بتهزر
جلال….اهزر في ايه مش فاهم
رهف…..يعني انت رجعت عملت كل ده يا جلال ومكلمتنيش
جلال…..لا والله ابدا بس اتشغلت معاهم بس كنت هكلمك اكيد
رهف….تكلمني اكيد!! جلال انا كلمتك وانت عالسرير خلاص يعني مستني تكلمني أمته
في الحلم لما تنام
جلال….رهف متكبريش الموضوع قولتلك كنت هكلمك بس انتي سبقتيني
رهف….انا بكبر الموضوع يا جلال يعني انت شايف ان دقيقه من وقتك تطمني عليك وبعدين تعمل اللي انت عايزه ولما تبقي تفضي تكلمني يبقي انا كده بكبر الموضوع انا لولا اني كلمتك انت مكنتش اتصلت يا جلال
جلال…..خلاص حكمتي اني مكنتش هكلمك وبعدين انتي مالك قلباها نكد كده ليه بدل ما تقولي حمدالله على السلامه
رهف…..انا قلباها نكد انا كنت بكلمك عادي علي فكره بس طريقتك هي اللي ضايقتني
جلال…..مالها طريقتي يا رهف بقولك لسه طالع عالسرير عشان انام شويه وكنت هكلمك قبل ما انام وانتي من اول ما عرفتي اني وصلت وانتي عايزه تتخانقي وتعمليها مشكله.
رهف….عشان انا لو مكانك يا جلال انت مكنتش هتسكت
جلال….يابنتي بقولك رجعت وقعدت معاهم شويه كنا كلنا قاعدين تحت فا مرضتش اكلمك واقفل معاكي علي طول استنيت اطلع.
رهف….تمام يا جلال لو انت شايف الدنيا بسيطه اوي كده وانا اللي مأڤوراها يبقي انت صح
جلال….ررررررهف بلاش طريقتك دي انا جاي تعبان ومش قادر ومش ناقص نكد
رهف…..بحزن انا بنكد عليك يا جلال طيب تمام انا اسفه وعموما حمدلله عالسلامه
جلال…..رهف .
سكتت رهف ومردتش بان علي صوتها انها بټعيط
جلال…..ردي عليا يا رهف
رهف…..ايوه
جلال…..بتنهيده ممكن اعرف انتي بټعيطي ليه الوقت
رهف……عشان انت طريقتك مش حلوه يا جلال
جلال……طريقتي مالها بس يا رهف قولتلك كنت هكلمك وياستي لو متصلتش عليكي علي طول وطمنتك اني وصلت حقك عليا بس والله محسبتهاش كده قعدت معاهم شويه وقولت لما اطلع اكلمك علي رواقه عامله قصه كبيره ليه بقي
رهف…..انت اللي عملت القصه بطريقتك يا جلال وانا لو مكانك ورجعت من اي مكان و معرفتكش انت مش هتسكت وهتتخانق معايا
جلال…يا رهف انتي غيري انا لازم اطمن عليكي
رهف……ده نظام خاص بيك يعني هو ايه اللي انتي غيري مفيش حاجه اسمها كده علي فكره زي ما بتطلب مني اطمنك عليا لما اوصل اي مشوار او لما ارجع اي مشوار يبقي تعمل انت كمان كده وإلا كل واحد يمشي علي راحته بعد كده ويعمل اللي هو عايزه
جلال….رهف متخلنيش اتعصب عليكي من فضلك هو ايه اللي كل واحد يمشي علي راحته ويعمل اللي هو عايزه
رهف…..ايوه ادام انت شايف ان سؤالي عنك نكد يبقي لا تنكد
عليا ولا انكد عليك انا لما اتصلت عليك كنت كويسه علي فكره ومكنتش متصله اټخانق معاك انا اتصلت عشان اشوفك وصلت لحد فين خصوصا ان رامي مبيردش علي موبايله كنت بتصل وانا عارفه انكم لسه عالطريق تقولي واصل من اكتر من ساعه وخلاص عالسرير والله يا جلال والله كمان مره لو الموقف ده انا عملته معاك لا كنت خليت ليلتي طين ومبطلتش خناق معايا بس انا لا بنكد وبوجع دماغك.
جلال……يا رهف بقولك مركزتش نسيت مخدتش بالي قعدت معاهم شويه والقاعده خدتني بس الاكيد اني كنت هكلمك
رهف….نسيت ومخدتش بالك انت واعي لكلامك يا جلال بجد
جلال….رهف بقولك ايه انتي شكلك طالبه خناق وانا بصراحه مش قادر ولو شديت معاكي وانا تعبان كده هتزعلي بجد
رهف……اكتر من كده لا وعلي ايه سلام يا جلال.
جلال……هو ايه اللي سلام يا جلال.
ركز جلال وعرف انها قفلت الخط
قام جلال من السرير وهو متعصب واتصل عليها تاني وهو بيولع سېجاره
مردتش عليه وسمعت تحت صوت رامي مع مامتها وبابها دخلت الحمام غسلت وشها عشان ميبانش عليها انها معيطه وخرجت لقت الموبايل لسه بيرن.
فصل ورجع اتصل تاني سابت رهف الموبايل ونزلت علي تحت تسلم علي رامي وتطمن عليه.
فضل جلال يرن وكبرت في دماغه انه مش هيسيبها غير لما ترد النوم راح من عينه و عصبيته زادت فضل يشرب في السېجاره پغضب وهو رايح جاي في الاوضه.
اتصل بيها اكتر من ست مرات وكل مره بيرن للاخر ويفصل وهي حتي مش بتكنسل غضبه زاد منها
وبعتلها مسدچ بصوته علي الواتس
جلال….ردي عليا حااااالا يا رهف
اتصل عليها تاني مرتين بدون اي رد منها.
رجع تاني بعتلها رساله وهو باين علي صوته العصبيه والڠضب
جلال…..تمام يا رهف ورحمه ايمن اخويا لا هتشوفي مني وش مشوفتبهوش قبل كده وانا هعرفك ازاي تقفلي الموبايل وانا بكلمك ومترديش لما اتصل ومتبقيش تزعلي بقي من رد فعلي وافتكري ان انتي اللي بدأتي النكد.
وبعد عشر دقايق قفل موبايله خالص ونام.
اما عند امير بمجرد ما خرج من الحمام اتصل علي فرح
خدت الموبايل وخرجت بره في الجنينه وردت عليه
فرح…..الوو
امير….ايه ياقلبي بتعملي ايه
فرح….بإبتسامه ولا حاجه كنت واقفه مع البنات و مامي في المطبخ انت بتعمل ايه خدت شاور
امير….اه وقولت اسمع صوتك قبل ما انام عشان معرفتش اتكلم معاكي اوي وحشتيني اوي علي فكره
فرح….بإبتسامه عبيطه انت كمان وحشتني اوي يا امير وعشان نكون متفقين اعمل حسابك دي اول واخر مره تسافر و تسيبني
امير….بضحكه جميله ده فرمان فرح الطوبجي ولا ايه
فرح…..بإبتسامه اه عاجبك ولا لا
امير….لا ياستي عاجبني انا اقدر اقول غير كده بس انا لو عليا والله كان نفسي تكوني معايا بس انتي عارفه السفريه دي كانت سفريه رجاله بس مكانش ينفع تيجي معانا
فرح…..مليش دعوه بقي المهم انك مش هتسافر تاني خالص
امير…..خالص خالص
فرح….بدلع وطفوله اه خالص خالص يا اما هفضل اعيطلك كل شويه
امير…..بضحك طيب وشغلي اعمل فيه ايه مسافرش
فرح….مليش دعوه حد غيرك يسافر انت خلاص مش هتسافر تاني
امير…..اوباااا طيب وسفريه اخر الاسبوع الجاي اعمل فيها ايه ده انا هقعد اقل حاجه اسبوعين تلاته
ودي سفريه شغل مقدرش اقول للباشا لأ
فرح….پصدمه بتتكلم جد ولا بتهزر
امير…..بتكلم جد اكيد
فرح….بس بابي مقالش ان في حد فيكم هيسافر
امير…..يمكن مجاتش صدفه بس انا عارف بموضوع السفريه ده من تاني يوم سافرت فيه اسكندريه
فرح……طيب وليه مش قولتلي
امير…..انتي عارفه بقي كنت مسافر وطول الوقت بنخرج واكيد مش هتصل بيكي اضيع المكالمه معاكي في الكلام عن الشغل
فرح….بحزن هتروح فين
امير….الامارات
فرح…..طيب خلي حد غيرك يروح عشان خاطري ده انا مكنتش طايقه نفسي خمس ايام وانت بعيد عني هقعد من غيرك اسبوعين يا امير
امير….طب اعمل ايه يا قلب امير ده شغل ومقدرش اقول للباشا خلي حد غيري يسافر
فرح…..بحزن طيب اللي تشوفه
امير…..طيب زعلتي ليه
فرح….عشان انت لسه راجع يا امير وحياتي متسافرش
امير……مش عيزاني اسافر
فرح…..لا عشان خاطري
امير….بإبتسامه حب ماشي يا ستي مش هسافر
فرح….بإبتسامه بجد طيب هتقوا ايه لبابي
امير….ولا حاجه اصلا مفيش سفريه شغل انا بعمل فيكي مقلب
فرح….علي فكره بقي انت رخم وانا مش هكلمك تاني
امير….ليه طيب بهزر معاكي وبنكشك شويه عايز اشوف هوحشك ولا لا
فرح…..انت واحشني وانا شيفاك قدامي اصلا
امير….اصلا
فرح….اه اصلا يا رخم علي فكره بقي مش هصدقك تاني كل شويه تعمل فيا مقلب
امير….اعملك ايه انتي اللي عبيطه وبتصدقي بسرعه
فرح….عشان بثق فيك وفي كلامك
امير…..ماشي يا ستي عموما انا مش هسافر الفتره دي خالص اطمني
فرح….ولا الفتره دي ولا اللي بعدها انت هتقعد هنا قدامي ومش هتروح مكان
امير…..خلي ابوكي يطردني و يعلقني من قفايا او اقولك لو جاتلي سفريه ابقي روحي انتي قوليله امير مش هيسافر اي مكان غير وانا رجلي علي رجله
فرح…..بضحك عشان يعلقني انا
امير…..بضحك انا مالي بقي انتوا احرار مع بعض
فرح…..طب قولي اتبسطت في الرحله
امير….بعيدا يعني عن حوار العفاريت والشقه المسكونه دي بس بصراحه اتبسطت اوي وكانت رحله جميله.
فرح….طيب الحمد لله يا حبيبي يلا روح نام شويه واعمل حسابك مش هسيبك تنام كتير
امير…..ماشي يا ستي وانا موافق انتي اصلا وحشاني اوي والله وهصحي اقعد معاكي
فرح…..ماشي يا روحي يلا روح ارتاح شويه
امير…..تمام عايزه حاجه
فرح …لا سلامتك
امير…..سلام يا حبيبي
فرح….بحب باي
.وصل عاصم علي الڤيلا بتاعتهم نزل علي و الشنط وكان عارف ان مليكه مع فريده مرضيتش تسيبها مع جدها لوحدها عشان متزهق كان مبسوط اوي ان فريده بتقرب من مليكه بالشكل ده عشان يفضل قريب منها يمكن فريده موافقتش علي طلب ارتباطه بيها واخر مره اعترفلها بحبه علي قد ما كان باين عليها انها مبسوطه بس مع ذلك رفضت كانت خاېفه تظلمه معاها
خصوصا بعد التجارب الكتير الفاشله اللي
مرت في حياتها كانت خاېفه متقدرش تكمل لكن عاصم رفض وقالها تاخد وقتها وهيفضل مستنيها عشان كده كان مبسوط انها صممت تاخد مليكه عندها الكام يوم دول لحد ما يرجع.
مقلهاش هو راجع امته فا قرر يعملها هي ومليكه مفجأه ويروح ياخدها.
اتصل علي البيوتي سنتر بتاعها وسأل عليها البنات قالوله انها مجاتش و واخده اجازه كام يوم
عرف انها خدت اجازه مخصوص عشان تفضل مع مليكه.
مشي بعربيته وراح علي الڤيلا بتاعتها
بعد وقت بسيط وصل وركن العربيه فتح الباب الحديد الخارجي ودخل مشي في الجنينه شويه لحد ما وصل للباب الداخلي
خبط كتير محدش رد ولا كان سامع صوت ليها او لمليكه فا عرف انهم مش موجودين مكانش عارف هما بيشتروا حاجه و راجعين ولا خرجوا ومكانش عايز يتصل عليهم عشان يعملهم مفجأه
فا رجع تاني قعد علي الكرسي في الجنينه وقرر يستناهم شويه لو مرجعوش هيمشي و يرجعلهم بليل.
ساب موبايله و مفاتيحه علي التربيزه ورجع ضهره لوراء علي الكرسي كان مرهق جدا راجع من طريق سفر وروح علي ورجع تاني كان ھيموت وينام.
وبالفعل عشر دقايق ونام عاصم علي نفسه من كتر التعب ومقدرش يقاوم الهواء والجو الجميل.
بعد حوالي ساعه إلا ربع وصلت فريده ومليكه علي الڤيلا مخدتش بالها من عربيه عاصم ولا كان في بالها انه هيجي انهارده.
نزلت هي ومليكه كان معاهم شنط كتير وواضح انهم كانوا في السوبر ماركت كانوا داخلين بيضحكوا ومبسوطين
لمحت فريده عاصم من بعيد نايم ابتسمت بهدوء.
فريده……لوكا بابي هناك
مليكه….بسعاده جريت عليه بابيييييي
فتح عاصم عينه بتعب عينه كانت حمراء اوي ابتسم اول ما شافهم
مليكه….بابييييي
عاصم….لوكاااا حبيبه بابي
عاصم…..وحشتينيييي يا لوكا
مليكه…..وحضرتك وحشتني اووووي.
وقفت فريده مبتسمه وعينها في عينه وهو مركز معاها ومبتسم بحب.
نزل عاصم مليكه وبص لفريده
فريده….حمدالله علي السلامه
عاصم….مد ايده الله يسلمك يا فريده ايه الاخبار
فريده…..بإحراج من نظراته رجعت شعرها وراء ودنها الحمد لله بخير
ليه مقولتش انك جاي وليه نايم علي نفسك كده.
عاصم…..انا روحت علي البيت عرفت انك خدتي مليكه فا وصلت علي وجيت بس ملاقتش حد فيكم قولت هستناكم شويه لو اتأخرتوا همشي وارجع بليل بس
مش عارف نمت ازاي من غير ما احس بنفسي.
فريده…..شكلك مرهق اوي
عاصم……اه والله يا فريده سايق طول الطريق ومن امبارح اصلا محدش فينا نام خالص و يادوب روحت علي ورجعت عليكم هنا فا فاصل علي الاخر انا اصلا وانا جاي عليكي هنا عيني سقطت مرتين
فريده….انت بتهرج يا عاصم ازاي تسوق وانت في الحاله دي كنت ريحت شويه وجيت بليل
عاصم…..لوكا وحشتني وكنت عايز اشوفها و كمل بإبتسامه جذابه وبصراحه كده كان في ناس تانيه وحشاني اوي وجاي طول الطريق بفكر فيهم وفكر في اي تلكيكه تخليني اشوفهم وبصراحه
اتبسطت ان لوكا معاهم يعني مفيش تلكيكه احسن من كده
ابتسمت فريده بإحراج وغيرت الكلام بسرعه
فريده…..بإرتباك طيب ااااا تعالوا ندخل جوه احسن
عاصم……لا خليها مره تانيه بقي انا هاخد لوكا ونروح واكيد هنتقابل تاني اكيد طلعت عينك وعرفت كمان من البنات في البيوتي سنتر انك واخده اجازه كام يوم فا كفايه عليكي كده اوي
فريده…..انا معملتش حاجه وبعدين هو انا اشتكيتلك لوكا اصلا كانت مسلياني وقضيت معاها كام يوم حلوين اوي واعمل حسابك هي مش هتمشي الوقت احنا متفقين اننا نعمل مع بعض الغداء ونقضي اليوم سوا وخرجنا اشترينا شويه حجات عشان نيجي نلعب انا وهي في المطبخ
عاصم….اوبااااا بقي المفعوصه دي تدخل فريده لاشين المطبخ
فريده….بإبتسامه شوفت بقي عملت فيا ايه لا بس ميغركش انا بدخل المطبخ كتير لما بكون فاضيه.
عاصم…..ماشي ياستي خلاص خليها معاكي وانا هروح ارتاح شويه لاني فاصل وهرجع بليل اخدها.
مليكه….بابي خليك معانا ناكل سوا عشان خاطري
عاصم….مش هينفع يا لوكا انا بليل هاجي اخدك
فريده…..لوكا خلاص قالت كلمتها ومش هينفع تقولها لا وبعدين انا اكيد مش هسيبك تمشي وانت تعبان بالمنظر ده
عاصم….مش هينفع والله با فريده انا بليل هاجي تشرب معاكي القهوه واخدها
فريده…..مسكت المفاتيح بتاعته شالتها في الشنطه وبصتله وهي مبتسمه ورافعه حاجبها طيب وريني هتمشي ازاي
عاصم…..بضحكه جميله اه انا مخطۏف بقي
فريده ….امممم حاجه زي كده ابه رأيك يا لوكا نخطفه
مليكه…..بضحكه بريئه ايوه نخطفه.
عاصم……انا وقعت وسط عصابه اطفال بقي.
فريده…..حاجه زي كده اكيد مش هسيبك تنام بعد ما قولت انك نمت مرتين وانت سايق ادخل يلا اغسل وشك كده وظبطت نفسك واقعد علي الكنبه اتفرج علي اي حاجه لحد ما الغداء يخلص وهناكل مع بعض اتفقنا
عاصم……معنديش اختيارات اصلا انا واحد مخطۏف
فريده….بإبتسامه طب قدامي يا مخطۏف
عاصم…..يلا بينا.
شال معاهم الشنط وراحت فريده علي الباب فتحت بالمفتاح ودخلوا التلاته
فريده….يلا روح علي التويلت اغسل وشك كده وتعالي ارتاح هنا.
عاصم……امشي كده
فريده….اه اول باب يمين
مليكه كانت واقفه مبسوطه وضحكتها مرسومه علي وشها
عاصم…..بتضحكي مبسوطه هاا
ابتسمت فريده ولعبت في شعر مليكه وبعدين خدوا الشنط وراحو علي المبطخ فضوا الاكياس مع بعض
شالتها فريده قعدتها علي التربيزه اللي في وسط المطبخ وفضلت مليكه تلعب في الحاجه اللي اشتروها مع بعض
خرج عاصم وهو بينشف وشه بالمناديل ابتسم لما شافهم مع بعض في المطبخ
فريده….يلا روح اقعد علي الكنبه
بعد اذنك عشان متعطلناش
عاصم…..بقي كده ماشي يا ستي
فريده….بإبتسامن طيب تحب تشرب اي حاجه
عاصم….يعني لو قهوه عشان افوق شويه يبقي عملتي معايا احلي واجب.
فريده…..بس كده عيوني
عاصم…..بإبتسامه جذابه تسلملي عيونك
ابتسمت فريده و اتوتر وبسرعه ادتله ضهرها وراحت تعمل القهوه
راح عاصم قعد علي كنبه عامله زي الشازلونج فريده بتحب تقعد عليها مسك عاصم الريموت شغل التلفزيون كان في قناه افلام اجنبي سابها وسند ضهره نزل لتحت شويه رفع رجله حطهم علي
بعض وربع ايده ومال براسه شويه علي كتفه كان بيقاوح في النوم بس ڠصب عنه عينه قفلت ونام تاني.
مليكه…..ديدا هو احنا مش هنعمل الاكل مع بعض بقي
فريده….حالا يا قلب ديدا نعمل بس لبابي القهوه بتاعته عشان ميفضلش يعطلنا وبعدين نبدأ علي طول اتفقنا
مليكه….اتفقنا
خلصت فريده القهوه حطتها في الفنجان و حطت كوبايه مايه
مليكه…..ديدا بابي نايم تاني وضحكت ضحكه جميله وهي حاطه ايدها علي بوئها.
ابتسمت فريده علي ضحكتها
فريده…..نام بجد
مليكه….ايوه نام ورجعت ضحكت تاني ضحكه جميله
فريده….طيب وطي صوتك يا مجنونه عشان ميصحاش
مليكه……مش هيشرب القهوه
فريده….لا حرام خليه نايم لما نخلص الاكل ونصحيه ياكل نبقي نعمله غيرها
مليكه…..طيب مش هنغطيه
فريده…..اممم طيب خليكي قاعده مكانك عشان مش توقعي وانا هطلع اجيبله حاجه نغطيه بيها عشان التكييف اوك
مليكه….اوك يا ديدا.
خرجت فريده من المطبخ طلعت علي فوق بسرعه جابت غطاء خفيف ونزلت تاني قربت منه بهدوء و غطته كان نايم في سابع نومه ومش حاسس بالدنيا
مسكت الريموت وطت الصوت شويه وراحت علي مليكه وبدأوا الاتنين يعملوا الاكل مع بعض
مر حوالي ساعه ونص الاكل كان خلص الساعه كانت 8 ونص
مليكه…..ديدا….اروح اصحي بابي
فريده…..امممم طيب ايه رأيك نسيبه نايم عشان حرام شكله تعبان اوي ولما يصحي يبقي ياكل هو
مليكه….طيب انا هاكل
فريده….اه لوكا تاكل طبعا
مليكه….طيب وديدا
فريده…..انا لسه مش جعانه اوي ايه رأيك تاكلي انتي ولما بابي يصحي نبقي ناكل معاه تاني
مليكه….اوك موافقه.
فريده……اوك يلا بينا نحط الاكل بتاع لوكا.
حطتلها فريده الاكل وفضلت تأكلها .
مليكه….ديدا
فريده….نعم يا قلب ديدا
مليكه….خلاص انا مش عايزه اكل هاكل معاكي ومع بابي
فريده….لا مش هينفع انتي كنتي جعانه
مليكه….مش هعرف اكل لوحدي
فريده…..سكتت شويه وبعدين ابتسمتلها خلاص يا ستي هاكل معاكي
مليكه….طيب و بابي هياكل لوحده
فريده….اه ملناش دعوه بيه انا هاكل مع لوكا حبيبتي انتي عارفه يا لوكا اني عامله زيك
مليكه….مش بتعرفي تاكل لوحدك
فريده…..لا خالص عشان كده ما بصدق و ببقي مبسوطه لما حد بياكل معايا
مليكه….طيب لو مفيش حد مش بتاكلي خالص خالص
فريده….بإبتسامه لا مش كده بس اغلب الوقت بكون في الشغل باكل اي حاجه بسرعه وممكن لو في شغل كتير بنسي الاكل اصلا ولما برجع بكون مرهقه ممكن اكل بسكوت مع النسكافيه او القهوه وخلاص.
مليكه….بس بابي بيقول لازم ناكل عشان نعيش
فريده….طبعا بابي صح ولازم نهتم بأكلنا واوعي تعملي زيي ابدا بس انا بيبقي ڠصب عني بس لوكا بقي اليوم اللي قعدتهم معايا كانت فاتحه نفسي علي الاخر
مليكه….خلاص هاجي عندك كل شويه عشان ناكل مع بعض
فريده…..يا سلام وانا موافقه طبعا
كلوا مع بعض واتبسطوا علي الاخر وبعدين مليكه طلبت منها انها تطلع تلعب بلعبه الميكب اللي جابتها فريده ليها.
خدتها فريده و طلعتها في الاوضه فوق و سابتها تلعب براحتها دخلت فريده تاخد شاور سريع وبعدين خرجت لبست فستان رمادي قصير ظبطت الميك اب بتاعها وظبطت شعرها
ونزلت علي تحت عاصم كان لسه نايم بصت عليه بهدوء وابتسمت وبعدين خدت علبه السجاير بتاعتها من علي التربيزه وراحت وقفت قدام شباك كبير جنب الباب الداخلي بيبص علي الجنينه وعلي نافوره كلها إضاءة بألوان مختلفه وجميله.
ضمت ايد علي صدرها والايد التانيه كانت ماسكه بيها السېجاره
وفضلت واقفه سرحانه وهي بتنفخ في الدخان.
اتقلب عاصم وفتح عينه لما لقي مفيش صوت بص علي نفسه لقي عليه غطاء بص في الساعه بسرعه كانت الساعه داخله علي عشره.
قام بسرعه وقف ولمح فريده واقفه وضهرها ليه من بعيد
قرب منها بهدوء ووقف وراء ضهرها شافت فريده إنعكاس صورته علي الازاز ابتسمت بهدوء ونفخت الدخان
فريده……صباح الخير
عاصم….صباح النور
فريده….بإبتسامه طيب مش تاكل الاول قبل ما تشرب السېجاره.
عاصم…..انا مش عارف ازاي نمت
فريده…..انا روحت عملت القهوه ومتأخرتش لقيتك نمت علي نفسك شكلك مرهق بجد
عاصم…..اه كنت تعبان اوي بس ليه مصحتنيش
فريده….بإبتسامه صعبت عليا وعلي فكره احنا كلنا من غيرك كمان
عاصم….اممم كمان
فريده…..كنت هستناك بس لوكا معرفتش تاكل لوحدها وانا مرضتش اخليها تستني وكلت معاها عشان تاكل ممكن بقي تاكل انت كمان يلا
عاصم….بإبتسامه فضل باصصلها بحب انا كمان مش بعرف اكل لوحدي
فريده…..لا متهرجش هتاكل
عاصم….والله لو عيزاني اكل تاكلي معايا
فريده….بس انا شبعانه مش هقدر خالص
عاصم…..خلاص يبقي علي الاقل تقعدي معايا
فريده….اكيد مش هسيبك واقعد بعيد
عاصم….ماشي
فريده……ثواني والاكل يكون جاهز
عاصم….تحبي اساعدك في حاجه
فريده….لا خليك مرتاح اصلا كل حاجه جاهزه
عاصم….طيب انا هدخل الحمام وهرجع.
فريده…..تمام تحب تاكل هنا ولا بره في الجنينه
عاصم…..زي ما انتي تحبي
فريده…..بإبتسامه يبقي في الجنينه.
عاصم بإبتسامه هز راسه بالموافقه ودخل علي الحمام
جهزت فريده الاكل و خرجته علي بره في التربيزه اللي قدام النافوره والكنبه اللي قدام التربيزه
كانت عامله زي المرجيحه
خرج عاصم لقاها قاعده مستنياه ومجهزاله الاكل كان شكله حلو وحتي طريقه تقديمه تفتح النفس.
عاصم……تسلم ايدك الاكل شكله حلو اوي
فريده…..ميرسي يا عاصم يلا تعالي عشان ميبردش من الهواء
عاصم….هي لوكا فين صوتها مش طالع.
فريده….في الاوضه فوق بتلعب بالميك اب
عاصم ….وانتي مسلماها الميك اب بتاعك كده عادي
فريده….بإبتسامه لا متقلقش دي لعبه بتاعت ميك اب انا جيبتهالها عشان تتبسط
عاصم…..انا قولت انتي مستغنيه عن حاجتك
فريده….لا متقلقش وحتي لو حاجتي فداها.
ابتسم عاصم وبدأ ياكل بهدوء وهي بصاله ومبتسمه.
عاصم….ده في شيف مدفون مكنتش اعرف عنه حاجه بجد الاكل حلو اوي
فريده…..يعني علي قدي ومتنساش اني قاعده لوحدي فا اتعلمت
عاصم…..تسلم ايدك يا فريده هانم
ضحكت فريده بإحراج واتوترت تاني
فريده……كمل اكلك
عاصم….شبعت والله مش قادر خلاص.
فريده…..طيب هقوم اشيل الاطباق واعملك قهوه بدل اللي سيبتها.
عاصم…..ماشي
دخلت فريده شالت الاطباق وعملت قهوه ليه وليها وطلعت بسرعه تطمن علي مليكه لقتها نايمه علي السرير واللعب جنبها
شالت اللعب كلها وغطتها كويس وقفلت النور عليها ونزلت تاني
فريده…..اسفه اتأخرت عليك كنت بطمن علي لوكا.
عاصم…..ايه بهدلت الدنيا اكيد
فريده…..لا ظالمها والله دي نامت علي نفسها
عاصم…..بجد نامت
فريده….اه والله شكلها تعبت من اللعب.
عاصم….طيب هاتي القهوه دي من ايدك و أقعدي عشان عايزك
فريده…..ابتسمت خير
عاصم…..خير اكيد اقعدي يلا
رفعت فريده حاجبها.
عاصم…..بإبتسامه اصل بتاعتك احلي
فريده……خلاص خد من علبتي
عاصم….لا اللي في ايدك بتبقي احلي
ابتسمت فريده ومردتش عليه ومسكت علبه السجاير بتاعتها طلعت غيرها ولعتها وخدت نفس وبعدين بصتله
فريده…..كنت عايزني في ايه
عاصم…الاول عشان منساش انا لما جيت لقيت باب الڤيلا من بره مفتوح علي فكره شكلك نستيه
فريده…..لا منستش انا كنت سيباه
عاصم……طيب متتكررش تاني
فريده….ما الباب جوه بيبقي مقفول
عاصم….حتي لو متضمنيش ممكن حد يدخل ويستغل عدم وجودك ولما ترجعي يعمل فيكي حاجه ومحدش هيحس بيكي غير ان مش معاكي حد يساعدك في البيت او ياخد باله من الباب بره
فريده….هو انا مش بسيبه ديما يعني لما بكون بعمل رياضه الصبح وبجري حوالين الڤيلا او لما بروح الماركت غير كده بقفل
عاصم……يتقفل في اي وقت هتخرجي بره باب الڤيلا مفهوم
فريده….بإبتسامه تمام ادي اول حاجه تاني حاجه ايه بقي
عاصم….لسه مفكرتيش
بصتله فريده ثواني من غير رد وفضلت تلعب في شعرها
فريده…..اااا عاصم انا رديت عليك اخر مره اتكلمنا قبل سفرك
عاصم…..بس قولتلك هسيبك تفكري
فريده…..ايوه عارفه بس …
عاصم……عارف انك خاېفه تجربي يا فريده وحقك مقدرش اقول حاجه بس سؤالي هنا انتي خاېفه مني يا فريده
فريده…..خاېفه منك ! يعني ايه
عاصم…..يعني خاېفه اكون تجربه فاشله ولا خاېفه تجربي و متقدريش فريده انا مش شايف دنيتي غير بيكي صدقيني مش هعرف اكمل غير وانتي معايا انا محتاجك بجد وبحبك ومش عايزك تخافي مني.
فريده….بإبتسامه حزن مين قالك اني خاېفه منك يا عاصم وليه بتفكر بالطريقه دي
عاصم….مش تفكير يا فريده انا بس بتناقش معاكي بحاول احط ايدي علي السبب اللي مخليكي مش عارفه تاخدي قرار.
فريده…..عايز تعرف السبب
عاصم…..اكيد.
فريده…..بعيدا عن التجارب اللي فشلت في حياتي يا عاصم
يمكن وارد ان اي علاقه متنجحش حتي لو كانت ظاهره في البدايه انها هتنجح قدام عيون كل الناس
عاصم……اكيد مش كل اللي بنشوفه بيلمع بيفضل محتفظ بلمعته علي طول.
فريده…..بالظبط بس انا خۏفي مش من الفشل يا عاصم انا عندي مشكله مع حاجه تانيه خالص
عاصم….ايه هي
فريده…..تسمع عن حلاوة البدايات.
بصلها عاصم وسكت عشان تكمل
فريده…..هي دي مشكلتي الاكبر يا عاصم حلاوة البدايات.
عاصم انا كل اللي حبتهم وحبوني
كنت ديما انا الطرف اللي بيحب اكتر يعني اقصد ان حتي لو مكنتش بقدر أعبر عن حبي ليهم لكن كنت بقدم كل حاجه بكل صدق يمكن اغلبهم معرفوش قيمة الحجات دي غير بعد نهايه علاقتنا
كلهم كانوا يجننوا كانوا حلوين بجد لكن في البدايات في الاول تلاقيهم عندهم مخزون كبير اوي من الونس و الدفئ والحنان والحب والطيبه والشغف للعلاقه
لحد ما يوصلولي.
لكن انا كنت ديما بحاول ادور علي اللي بعد الخطوه دي البدايات ديما حلوه اوي يا عاصم لكن مع الوقت مشاعرهم كانت بتبقي بارده وبيتغيروا الوقت كان بيثبتلي إن قربهم مني كان بدافع الفضول أو نزوه او يمكن مجرد نوبة إحتياج والقدر وقعهم فيا عشان أسدلهم الفراغ اللي بيحاولوا يملوا علي حسابي .
عاصم مفيش مره لقيت اللي اتغير عشاني مفيش مره لقيت اللي حاول يضحي عشان يفضل جنبي.
انا كنت الطرف اللي ديما بيدي من غير مقابل انا الشخص اللي عمره ما وقف مشاعره عند نقطه البدايه انا كنت ديما بحاول اخلي علاقتنا ليها خطوه تكمل حلاوة البدايات
بس هما لا هما اكتفوا باول خطوه وبعدين كتبوا بأيدهم النهايه.
انا خاېفه عاصم خاېفه اسيب قلبي وحياتي معاك تقف عند حلاوة البدايات خاېفه اعافر بعد كده عشان نكمل مع بعض الخطوه التانيه وانت تكون فقدت الشغف.
انا مش هكدب عليكي يا عاصم كل اللي بقوله الوقت ده بقوله عشان انا حاسه ان في حجات حلوه من ناحيتي ليك وخاېفه اتوجع خاېفه اخسر المشاعر اللي جوايا دي خاېفه ان انت تكون مبهور في البدايه زي اي حد دخل حياتي وانبهر بحلاوة البدايات يا عاصم
ابتسم عاصم بهدوء مسك كف ايدها وبص في عينها.
عاصم…..بس انا مش زي اي حد يا فريده كل اللي انبهروا بحلاوة البدايات معاكي مكانوش مبهورين بعلاقه جديده ومتحمسين لحب جديده دول كانوا مبهورين بست جميله ليها شخصيه قويه وطريقه تجذب اي راجل ليها.
كانوا شايفين فريده من بره مش هكدب عليكي لو قولت اني منبهرتش زيهم بأحلي ست في الدنيا بس كمان انا شوفت قلبها من جوه انبهرت بيه وبكم الحب اللي من غير مقابل انبهرت من الراحه والامان اللي بيخرجوا منك ويجبروا اللي قدامك يحس بيهم من غير اي مجهود منك
انبهرت بالطفله اللي جواكي انبهرت بحجات كتير اوي يمكن انتي متعرفيش انها عندك اصلا
فريده انتي مش مجرد ست جميله وعندها من الانوثه مخزون يكفي ويفيض لكل ستات العالم انتي ست يتمناها اي راجل نفسه يعمل عيله وبيت بجد لانه عارف ومتأكد ان وجودك في حياته هيغنيه عن أي ست
انا بحبك يا فريده بحبك عشان انتي فريده مش بحبك عشان اي حاجه تانيه.
فا لو انتي فاكره اني هبقي زي اي حد هينبهر بحلاوة البدايات وبعد كده مشاعره هتبقي زيها زي الجماد تبقي غلطانه ولازم تعرفي اني هفضل مستني ردك ومش هزهق ولا همل يا فريده وهفضل مستنيكي لحد ما تتأكدي من كل حرف انا قولته ماشي يا فريده.
ابتسمت فريده وهزت راسها بهدوء وهب حاسه ان قلبها مصدق كل كلمه بيقولها.
ابتسم عاصم وباس كفها بهدوء
وبعد وقت بسيط قام عشان يمشي وخد مليكه وهي نايمه حطها في العربيه وسلم علي فريده واطمن انها قفلت عليها
وبعدين مشي.
- يتبع الفصل التالي اضغط على (مملكة احفاد الطوبجي) اسم الرواية