رواية مملكة احفاد الطوبجي الفصل الحادي عشر 11 - بقلم اميرة اسامه

  

رواية مملكة احفاد الطوبجي الفصل الحادي عشر 11 - بقلم اميرة اسامه

قبل كام ساعه و بعد ما الشباب طلعوا ناموا.

اتصلت ميار علي ملك عشان تطمن عليها كانت مستغربه ان ملك متصلتش بيها خالص من اول اليوم خاڤت تكون تعبانه فا كلمتها.

ملك كانت ناسيه الموبايل في الاوضه بعد ما نيمت ياسين ونزلت علي تحت تساعد البنات

رن موبايل ملك جنب ياسين قلق وفضل يبص حواليه وهو بيفتح عينه بالعافيه الموبايل كان عالكومدينو جنبه. منور حط ايده براحه وسحب الموبايل بص علي الاسم بنصف عين لمح اسم ميار فا رد عليها.

ياسين : الووو

ميار: ياسيييييين حمد الله علي السلامه

ياسين: بإبتسامه الله يسلمك يا ميار اخبارك ايه

ميار: بخير الحمد لله انتوا رجعتوا امته

ياسين: يعني من كام حوالي ساعتين تقريبا

ميار: معرفش والله انكم راجعين انهارده حمد الله علي السلامه ومعلش أزعجتك يا ياسو معرفش والله انك نايم

ياسين: ياباشا انت تتصل في اي وقت بس تقريبا كده ملك سابت موبايلها هنا ونسيته لو عيزاها ضروري هنزل اديهولها

ميار: لا لا خليك هكلمها بعد شويه انا كنت هطمن عليها بس عشان متصلتش عليا انهارده

ياسين: متقلقيش هي زي الفل بس نزلت مع البنات تحت

ميار: خلاص تمام انا شويه وهكلمها

ياسين: طيب طمنيني عليكي انتي كويسه

ميار: اه الحمد لله بخير

ياسين: مش ناويه تيجي ونقضي يوم كلما مع بعض ولا انتي خلاص مبقتيش عايزه تيجي هنا

ميار: لا طبعا ايه اللي بتقوله ده اكيد هاجي إن شاء الله وبعدين انت عارف من وقت ما نزلت الشغل في الشركه بتاعت منذر وانا مشغوله وبحاول اركز بردوا عشان اتعلم بسرعه بس اكيد هاجي والله.

ياسين: ربنا يوفقك يا ميار انا المهم عندي انك متبقيش واخده جنب وميبقاش في اي حزازيات من وجودك هنا انتي عارفه كلنا بنحبك يا ميار واكيد ملك محتجالك ديما زي ما انتي محتجالها لو انشغالك عننا بسبب الشغل اكيد هنقدر ده جدا بس لو انشغالك ده مجرد هروب فا ياريت تنسي اي حاجه

ميار: متقلقش يا ياسين اللي شاغلني عنكم الشغل مش اكتر والله واكيد مش هروب لاني مش هفضل هربانه علي طول علي الاقل عشان زي ما قولت ملك محتاجني وانا مليش غيرها

ياسين: البيت مفتوح ليكي اي وقت يا ميار وبجد نفسي نرجع نتجمع تاني كلنا زي الاول انا يمكن مش عارف اقولك ايه في الموضوع ده بالذات بس كل اللي عايز اقوله ان الحياه مش بتقف علي اي حد يا ميار

ميار: بإبتسامه حزن اطمن يا ياسين مفيش حاجه من اللي في بالك ده خالص وعشان اثبتلك ان شاء الله الاجازه الجايه هاجي واقضي معاكم اليوم

ياسين: ماشي يا ستي لما نشوف

ميار: ان شاء الله يلا روح كمل نوم وانا هبقي اكلم ملك تاني

ياسين: ماشي يا ميار لو طلعت الوقت هقولها واخليها تكلمك

ميار: اوك تمام يا ياسو مش عايز اي حاجه

ياسين: سلامتك

ميار: باي.

ياسين: باي.

قفل ياسين و ساب الموبايل جنبه وهو بيشتم جلال

ياسين: اه يا جلال الكلب البت طفشت بسببك بس أقول أيه يلا خير.

: : : :

قفلت ميار الخط وبصت للسقف وهي بتخرج نفس عميق بحزن

كانت حاسه بالزهق وكانت هتكلم ملك عشان تروحلها بس لما عرفت من ياسين انهم رجعوا قالت انها بتطمن عليها وبس كانت بتهرب من جلال بتحاول علي قد ما تقدر انها متشوفهوش وهي تقريبا من يوم ما مشيت من القصر مشافتهوش كانت بتروح وهو مش موجود ولو صدفه شافته بتمشي بسرعه بأي حجه.

كانت حابه انها تداوي ۏجعها بنفسها وكان لازم عشان تطلع من الحاله دي تبعد فورا كان لازم تتعود علي عدم وجوده في اسرع وقت.

قامت ميار من مكانها ومسكت موبايلها واتصلت علي نور .

رد عليها نور وهو نايم.

نور: بإبتسامه اهلا اهلا برنسيس ميار.

ميار: بإبتسامه هو انا كل ما هكلم حد هلاقيه نايم بقي ولا ايه مينفعش كده

نور…امممم وكنت بتكلمي مين بقي ولاقتيه نايم اوعي يكون الخمس ايام اللي غبتهم عنك اتعرفتي علي حد وبقيتي تكلميه من غير ما اديكي درس في العلاقات العامه.

ميار: بضحك لا أطمن مقدرش اعمل كده من غير ما أخد عصارة خبرتك الجباره في تكوين العلاقات العامه يا مسيو نور. وبعدين انا دافعه

حق الكورس الخصوصي.

نور: كدابه مخدتش ولا مليم

ميار: بضحك تنكر اني عزمتك علي ايس كريم في اول درس.

نور: بإبتسامه وانا هاخد بقي حق ۏجع قلبي عزومه علي ايس كريم

ميار: والله لو عاجبك

نور: خلاص يا ستي عاجبني متزوقيش كنتي بتكلمي مين بقي

ميار: بقيت فضولي اوي

نور: اخلصي كنتي بترغي مع مين

ميار: مفيش والله كنت بكلم ملك وياسين اللي رد عليا كان نايم بردوا وعرفت انكم رجعتوا الناس اللي بترجع من غير ما تقول مكانش عيش وايس كريم اللي كلنا سوا

نور: بضحك لا والله ابدا كنت هكلمك بس بصراحه انا كنت راجع فاصل ومش شايف قدامي وھموت وانام منمناش من امبارح كمل بضحك او بمعني اصح منمناش كويس من ساعه ما روحنا

ميار: ايوه الله يسهلك يا عم اكيد مقضيها خروجات وسهر

نور: اهي عينكم دي اللي جابتنا الارض هو من ناحيه خرجنا وسهرنا حصل بس قلة النوم مكانتش بسبب الخروج والسهر

ميار: امال بسبب ايه بقي

نور: بضحك لا بلاش بقي خليها بعدين.

ميار: ايه الرخامه دي ما تقول

نور: مش رخامه والله بس عشان انتي قاعده لوحدك وكده

ميار: لا مش فاهمه ما تخلص يا نور

نور: الشقه كانت مسكونه ارتاحتي

بصت ميار حواليها بسرعه پخوف

ميار: انت بتهرج صح

نور: لا والله بجد كانت مسكونه وشوفنا كمان العفاريت كانوا بيتحركوا وسطنا عادي

ميار: .طب بس اسكت اسكت

نور: قولتلك بلاش انتي اللي قولتي قول

ميار: لا خلاص والنبي انا بخاف

نور: ماشي يا ستي خلاص سكت المهم يعني كنت هكلمك والله بس قولت ارتاح شويه انتي بقي سبقتيني.

ميار: حمد الله علي السلامه المهم انكم اتبسطتوا

نور: اه الحمد لله كله تمام طمنيني عليكي

ميار: انا بخير الحمد لله كله تمام

نور: الشغل عامل معاكي ايه

ميار: لا تمام الحمد لله بتعلم لسه بردوا.

نور: ان شاء الله تبقي اشطر كتكوت

ميار: بضحك اه انت جاي فايق عليا بقي

نور: عامل دماغ عفاريت

ميار: .ماشي يا رخم فاطيما كويسه

نور: اه الحمد لله بخير هتعملي ايه

ميار: ولا حاجه كنت هروح اطمن علي ملك واقعد معاها هي والبنات شويه بس خلاص مش نازله

نور: طيب ليه

ميار: بتوتر لا عادي بس عرفت انهم رجعوا من السفر فا قولت وقت تاني اكيد راجعين مرهقين.

نور: طيب ما تقومي تيجي تقعدي معايا انا و فاطيما شويه

ميار: لا مش هينفع بقي انهارده الساعه سبعه علي بال ما اجي واقعد الوقت هيتأخر

نور: هوصلك

ميار: لا خليها مره تانيه بقي وارتاح انت انهارده انا ممكن انزل اتغدي تحت اصلا مش عندي اكل وكملن عشان الاجازه متبقاش طارت عالفاضي كده.

نور: هتروحي بابلو بردوا

ميار: اه انت عارف انا بحب اروح فيه ديما

نور: .خلاص تمام وخلي بالك من نفسك.

ميار: تمام و حمدالله علي سلامتك يا مسيو نور

نور: بإبتسامه الله يسلمك لما ترجعي طمنيني عليكي

ميار: بإبتسامه تمام يلا باي

نور: باي.

قامت ميار تلبس عشان تنزل وكانت خاېفه وقاعده تبص حواليها.

: : :

في غرفه جنه.

كانت بتكلم هشام في الموبايل.

جنه: مدخلتش ليه عشان اشوفك اقضد يعني عشان نسلم عليكم

هشام: بإبتسامه احنا اصلا مشينا من بره بره انا والشباب مجيناش معاهم علي القصر وعلي فكره كان عادي يعني لو خلتيها اشوفك

ابتسمت جنن بإحراج

جنه…احممم ااا انت كويس

هشام: بضحكه جميله حس انها اتحرجت وبتتوه في الكلام اه ياستي كويس طمنيني علي زهره وعدي عاملين ايه

جنه: الحمد لله بخير و مامي كويسه

هشام: عامله ايه في الجلسات

جنه: الحمد لله كويسه بس مش عارفه عشان احنا لسه في الاول الدنيا تمام ولا هنكمل كده انا قلقانه بس بعد وقت من الكيماوي تبدأ تتعب اكتر

هشام: لا متقلقيش خير ان شاء الله وبعدين مش كل الكيماوي بيكون متعب ومرهق للمريض وزهره ان شاء الله قدها طول ما كلنا جنبها

جنه: كلنا جنبها والله روح والبنات حتي فريده صاحبتها مش بتسيبها وبابي بيحاول علي قد ما يقدر يغير المود بتاعها هو مكانش عايز يسافر ويسيبها بس مامي اللي صمتت يروح يغير جو

هشام: لا هو كده افضل يعني لما زهره تحس ان الكل جنبها بس في نفس الوقت مش موقفين حياتهم هتكون مرتاحه لانها لو حست ان الكل سايب كل حاجه ومهتم بيها هي بس ممكن تحس انها عبئ وانتي عارفه المړيض وقت ضعفه بيبقي حساس اوي حتي لو كان من الاهتمام الزايد

جنه: عندك حق لما بابي كان رافض يسافر مامي قالتله نفس الكلام قالتله متفكرش لما تقعد جنبي ومتروحش معاهم انا هكون مبسوطه بالعكس هضايق عشان هحس اني سبب في حرمانك من ابسط حقوقك روح واتبسط وخليني احس اني طبيعيه

هشام: شوفتي ده اللي بقوله الوسطيه في كل حاجه بتبقي افضل لا ينفع نبالغ في اهتمامنا ولا ينفع نتجاهل خالص

جنه: معاك حق

هشام: .عدي عامل ايه معاكي

جنه: مجنني طبعا بقيت مامي فجأه وبجد مبقتش قادره اتخيل الحياه من غيره

هشام: ر بنا يخليكي ليه ويخليه ليكي المهم بقي انتي. وحشتيني

سكتت جنه وابتسمت واټصدمت من كلامه.

هشام: بضحكه جميله ايه هنفضل نتلخم ونتصدم و وشنا يحمر كده كتير مفيش وانت كمان

جنه: هشام اسكت بقي

هشام: وانا قولت حاجه طيب بقولك وحشتيني يبقي تقولي وانت كمان.

جنه: بإبتسامه لت مش هقول

هشام: اوباااااا يعني مش وحشتك طيب ياستي شكرا

جنه: بضحك العفو

هشام: العفو طب تصدقي انا غلطان اني كلمتك يلا امشي مش مكلمك تاني بس بردوا وحشتيني

جنه: بضحك وإحراج وانت كمان

هشام: بإبتسامه انا كمان ايه

جنه: وحشتني ارتاحت

هشام: ده انا ارتحت اوي

جنه: بضحك طيب كويس انك ارتحت يلا بقي امشي

هشام: .امشي فين ارجع تاني للشقه المسكونه انتي مستغنيه غني للدرجادي.

جنه: صحيح انت شوفت عفريت زيهم

هشام: بضحك انا في الاول مشوفتش مع اني مكنتش مرتاح بسمع اصوات وحركات غريبه بس مكنتش متأكد بصراحه كنت فاكر حد من الشباب خصوصا ان احنا كنا كتير في الشقه ومكنتش مدي خوانه كلما مع بعض فا عادي بس اخر يوم امبارح كلنا شوفنا

جنه…لا واحنا كنا هنتجنن ونيجي معاكم ده كويس اننا قعدنا كان زماني مۏت.

هشام: بعد الشړ انتي پتخافي بقي وقلبك ضعيف وكده مع ان شكلك ميبانش عليه يعني

جنه: بص هو انا مش عارفه بخاف ولا لا يعني انا بحب افلام الړعب اوي بحب اسمع اي حكايه فيها عفاريت زي ما هما رجعوا حكوا كده ومش بخاف بس مش عارفه لو شوفت حاجه هيبقي شعوري ايه بيتهيألي هترعب

هشام: بضحك اكيد هتترعبي اذا كان احنا اترعبنا وخصوصا داوود ياعيني

جنه: يالهوي داوود بېموت في جلده وعنده استعداد مينامش لو سمع اي حكايه تخوف ده كويس انكم كنتوا معاه.

هشام: ده كله كوم بقي وقاسم كوم تاني

جنه: بضحك بابي حصله ايه انا سمعته وهو بيقول شاف عفريت

هشام: لا سيبك من اللي حصله

خلينا في اللي عمله معايا وخدي بالك انا ليا عنده حق عرب

جنه: بضحك طيب عملك ايه بس

هشام: بعد ماشاف اللي شافه والكل بقي اعترف باللي حصل معاهم مش هكدب عليكي بصي انا مش بخاف اوي يعني زيك كده بتفرج علي افلام واسمع حكايات ړعب وقلبي جامد شويه بس بصراحه وقتها حسيت اني مړعوپ كمل بضحك المهم سمعنا واحنا بره حاجه بتقع في المطبخ وانا كنت ھموت وادخل الحمام اقوله تعالي معايا مش عايز اعدي من قدام المطبخ لوحدي مرضيش ابدا

فضلت جنه تضحك علي موقف قاسم

جنه: وانت بجد كنت عايز تاخده معاك التويلت

هشام: بضحك لا مش للدرجادي بس علي الاقل يقفلي بره

جنه: هو انت حالتكم كانت صعبه اوي كده

هشام: اوي الموقف بصراحه علي قد ما كان كله ضحك بس والله يرعب مش سهل بردوا تبقي عارفه انك قاعده في شقه مسكونه مع العفاريت

جنه: بصراحه اه بس المهم ان كلكم بخير الحمد لله

هشام: الحمد لله

جنه: روبي عرفت اللي حصل

هشام: .يانهار اسود دي روبي لو عرفت هتعسكر معايا في الاوضه

جنه: بضحك پتخاف

هشام: جداااااا ده يوم ما بتشوف كابوس بيبقي نهاري اسود لو ھموت وانام بفضل صاحي إجباري ولو سهران مثلا بره بتتصل بيا وترجعني

جنه: .بضحك بتتكلم جد

هشام: اه والله عشان كده معرفتهاش

جنه: خلاص لما تيجي انا هحكيلها وخليها تفضل ماسكه فيك

هشام: بضحك طب جربي كده وشوفي هعمل فيكي ايه

جنه: هتشوف تيجي هي بس و هحكيلها كل حاجه

هشام: لا اوعي متهرجيش والله هتكرهني في حياتي وساعتها العفاريت هيبقوا أهون منها

جنه: بضحك خلاص مش هقولها حاجه

هشام: ايوه كده ارجعي لعقلك كفايه جنان روبي عليا

جنه: طب والله دي عسل

هشام: والله انتي اللي عسل

جنه: بإبتسامه إحراج

ااا انت هتعمل ايه الوقت هتنام

هشام: .ايوه غيري الكلام بس ماشي هعديها اه هنام شويه

جنه: ماشي

هشام: لما اصحي هكلمك

جنه: تمام مش عايز حاجه

هشام: .سلامتك

جنه: باي

هشام: باي

: : :

اما عند رامي بعد ما قعد شويه مع رهف و والدته و والده كان حاسس ان رهف فيها حاجه بس مرضيش يسألها قدامهم.

طلع علي أوضته خد شاور وخرج مسك الموبايل عشان يتصل علي فاطيما كانت وحشاه اوي وكان نفسه يقولها كل اللي في قلبه بس مكانش قادر كان خاېف تكون لسه متعلقه بأمير وكمان علاقته بيها كانت قويه وكانت قريبه منه جدا وكان بينهم هزار وضحك وحكايات ومواقف لكن الحب اللي جواه مكانتش تعرف عنه حاجه إلا انها مؤخرا بقت تحس بشعور غريب من ناحيته وكانت شايفه ان طريقته معاها بقت غريبه ديما بيعبر عن اللي جواه بس بطريقه مش مفهومه بالنسبالها يتعصب عليها يغير عليها وغيرته تبقي واضحه پيتخانق معاها لو مقالتلوش انها نزلت لو مردتش علي موبايلها

علي قد ما كانت مش فاهمه طريقته دي لكن كانت بتبقي مبسوطه بإهتمامه.

اتصل عليها رامي وهو بينشف شعره بالفوطه.

فاطيما: .الناس اللي مكانتش بتسأل وهي مسافره

رامي: بإبتسامه ايوه خديهم بالصوت انا مش مكلمك لما وصلنا و كلمتك تاني يوم خرجنا فيه حصل ولا لا

فاطيما: ايوه هو حصل بس..

رامي: قاطعها مفيش بس انتي فين بقي طب انا اتصلت مرتين ومتصلتش تاني أسألي مش يمكن جرالي حاجه.

فاطيما: لا مفيش حاجه حصلتلك وبعدين ما انا كلمتك علي فكره لما كنت بكلمك نور

رامي: ماهو ده الفرق اللي بيني وبينك انا بتصل بيكي اتصال خاص انما انتي بتاخديني فوق البيعه بس تمام واديني بعمل بأصلي تاني اهو وبتصل عشان اطمن عليكي بس انا من جوايا زعلان

فاطيما: بضحك لا متزعلش يا صاحبي وبعدين انت عارف انك غالي عندي ومقدرش علي زعلك لو اني انا اصلا اللي كنت زعلانه منك

رامي: مني انا ليه ان شاء الله

فاطيما: هو ايه اللي ليه مش اخر مره كلمتني قبل ما تسافر كنت متعصب عليا عشان مردتش علي الموبايل.

رامي: غيبوبه فوقي كده معايا يابت انا لسه بقولك اتصلت بيكي مرتين وانتي كلمتيني وانتي بتكلمي نور يعني اكيد اتصالحنا ميبقاش قلبك اسود.

فاطيما: بضحك استني بس انت بتقولي غيبوبه

رامي : بضحك اه علي طول تايهه الكيتامين مبهدل الشباب الايام دي.

فاطيما: بضحك كيتامين في عينك يا ساڤل.

رامي: بإبتسامه انا ساڤل طب تصدقي انا غلطان اني عبرتك يا غيبوبه

فاطيما: طب انت عارف لو مكنتش كلمتني والله كنت زعلتك

رامي: اتنيلي واتكلمي علي قدك

فاطيما: مش هرد عليك عشان انت لسه راجع من سفر وبصراحه وحشتني يا صاحبي

ابتسم رامي وسكت ثواني

رامي: .والله انتي كمان وحشتيني اوي المهم طمنيني عليكي كنتي عامله ايه واحنا مسافرين.

فاطيما: .ولا حاجه بس بصراحه رهف كانت مسلياني وقعدت معايا يومين والبنات كمان كانوا بيجولي يعني كنت تمام.

رامي: بقولك ايه صحيح البت رهف مالها متعرفيش

فاطيما: مالها رهف كنت مكلماها امبارح اطمن عليها واشوفها وصلت البيت ولا لا وكانت كويسه وانا وهي والبنات كنا بنرغي لحد الفجر

رامي: مش عارف وشها مقلوب ومش تمام.

فاطيما: مش عارفه والله يارامي هبقي اكلمها واشوفها بس انت مسألتهاش

رامي: لا كنا قاعدين كلمت مرضتش اتكلم قدامهم عشان لو في حاجه مش عايزه تقولها

فاطيما: .هي رهف كده بحالات بس اطمن مفيش حاجه اكيد

رامي: خير ان شاء الله الواد نور نلم ولا ايه.

فاطيما: مش عارفه كان بياخد شاور وقال هينام صحيح مش هشوفك ولا ايه وحشتني القاعده معاكم كلكم حاسه انكم مسافرين بقالكم كتير

رامي: بغرور والله مش عارف اشوف وقتي هيسمح ولا لا وهقبقي اقولك

فاطيما: بضحك لا بقولك ايه مش عايزه اشوفك خلاص يا عم المغرور

رامي: بضحك يابت طب اتخايلي عليا شويه

فاطيما: لا مفيش منه الكلام ده

رامي: طب نتكلم جد بقي شوفي والله انتي مع البنات وباقي العيال ونتقابل كلنا

فاطيما: البنات اكيد مش هيقولوا لا بس انتوا اللي هترخموا لسه راجعين من سفر واكيد شبعتوا خروج وسهر

رامي: لا انتي عرفاني مش هقول لا وباقي الشباب ميتهيأليش هيقولوا لا دول صيع وما هيصدقوا.

فاطيما: خلاص هنظبطها ونتفق

رامي: ماشي يا ستي وانا جاهز

من الوقت.

فاطيما: اشطا هتنام ولا هتعمل ايه

رامي: اه هنام شويه

فاطيما: ماشي يلا روح

رامي: عايزه حاجه يا غيبوبه

فاطيما: بضحك اتلم لا شكرا

رامي: بضحكه جميله سلام

فاطيما: بإبتسامه باي يا رامي

: : : .

في غرفه قاسم

طلع علي السرير بعد ما خد شاور

قاسم: ااااه مش قادر

زهره: شكلك تعبان اوي

قاسم: اه والله جسمي مكسر خالص بس سيبك مني طمنيني عليكي عامله ايه و بتاخدي العلاج ولا لا

زهره: اه باخده الحمد لله

قاسم: طيب والدنيا عامله معاكي ايه.

زهره: بحزن بصراحه انا تعبت اوي يا قاسم البرشام بتاع الكيماوي بمجرد ما باخده بحس ان الدنيا بتلف بيا وبفضل ارجع كتير تعبت اوي ومبقاش مستحمله ۏجع معدتي كأن في ڼار بتنزل معدتي اول ما باخده ومش عايزه اخده تاني خلاص

قاسم: ياحبيبي الدكتور قال دي فتره مؤقته لازم تتحملي يا زهره انا مش هقدر اقول اني حاسس بيكي ولا هقدر اقولك اي كلام وخلاص عشان مهما قولت مش هوصل للي بتحسي بيه بس لازم تاخديه وتكملي

زهره: بس انا بجد تعبت اوي ومش عاره هفضل كده لحد امته

قاسم: فتره بسيطه وهتعدي وسواء كانت فتره صعبه او سهله لازم يبقي عندك يقين من جواكي انها هتعدي وهترجعي احسن من الاول وهترتاحي

زهره: بحاول اكون ايجابيه علي قد ما اقدر يا قاسم بس اوقات بيتملكني الخۏف اوي وبحس ان كل اللي بنعمله ده مفيش منه فايده

قاسم: بلاش عبط يا زهره وبلاش الكلام ده لو عالتعب فا ده عادي لازم تتعبي ولازم تحاربي الموضوع مش سهل بس كمان مش صعب كل الحكايه انه عايز شويه قوه منك شويه ايجابيه نبعد عن اليأس والسلبيات تماما واكيد هتعدي

زهره: بحاول والله يا قاسم كمان الجلسات النفسيه اللي الدكتور بيعملها بتقويني شويه يعني الجلستين اللي حضرتهم مع المړضي قوتني شويه خصوصا لما شوفت وسمعت حمايه حالات معانا يمكن يكونوا اصعب مني بكتير.

قاسم: .وقادرين يكملوا يا زهره اصعب منك وقادرين عارفه ليه

زهره…ليه

قاسم: عشان عايزين يعيشوا جواهم يقين ان مهما كانت الفتره دي صعبه بس اكيد هتعدي

زهره: .يارب يا قاسم انا بس مضايقه عشان حاسه ان الكل تعبان معايا روح والبنات وبابا وانت و الشباب كلهم وفريده كمان ديما تكلمني واوقات بتسيب شغلها وتجيلي لما بس تعرف من روح اني برجع او تعبانه.

قاسم: زهره محدش فينا تعبان ولا مضايق لان كلما بنحبك لو في حد بيعمل عشانك حاجه فا هو بيعملها عشان بيحبك بجد عشان انتي تستاهلي الكل يتعب عشانك عشان محدش فينا عايز يشوفك ضعيفه ومحدش فينا هيقبل انه يخسرك.

زهره: ربنا يخليكم ليا ياحبيبي انا بجد مش عارفه كان ممكن يحصلي ايه لو انتوا مش في حياتي ومهما حاولت اعمل عشانكم مش هقدر اردلكم ولو جزء بسيط من اللي بتعملوا معايا

قاسم: حياتنا احنا من غيرك يا زهره اللي متنفعش ولو شايفه ان اللي بنعمله معاكي ده محتاج منك رد جميل فا احسن رد للجميل ممكن تعمليه عشاننا هو انك تكوني قويه تتمسكي بالحياه عشان كل اللي بيحبوكي وقتها هتبقي رديتي الجميل لينا.

زهره: بإبتسامه انا بحبك اوي يا قاسم.

قاسم: بحب باس ايدها وانا بمۏت فيكي يا قلب قاسم قوليلي صحيح هو مفيش جلسه قريب

زهره: جلسه كيماوي

قاسم: لا انا اكيد عارف مواعيد الكيماوي كلها وحافظها انا اقصد جلسه بينك وبين الدكتور والمړضي.

زهره: اه ده بكره في جلسه بس ممكن مروحش بقي خليني اقعد معاكم.

قاسم: لا هتروحي يا زهره وهنبقي نقعد مع بعض بليل لما نرجع احنا كده كده كلنا هننزل الشركه بقالنا كام يوم سايبين الحمل كله علي الباشا وملك والبنات انا هاجي بس قيل وقت الجلسه اوصلك وارجع علي الشغل وبعد كده هرجع اخدك

زهره: لا لو عايزني اروح يبقي تروح انت كمان شغلك وملكش دعوه بيا خليني اتعامل عادي ومحسش اني تعبانه

قاسم: بإبتسامه مين قال انك تعبانه انا بس هاجي اوصلك عادي وبعدين قولتلك همشي واسيبك وبيتهيألي لو بتعامل معاكي علي انك تعبانه مكنتش هسيبك.

زهره: ماشي بس بردوا خليني براحتي وكده كده السواق هيوصلني.

قاسم: خلاص زي ما تحبي بس لو زهره هانم حابه اني اجي اوصلها بنفسي وابقي بدل السواق

موافق علي فكره.

زهره: بإبتسامه حب ربنا ما يحرمني منك ابدا يا حبيبي

قاسم: ولا منك يا عمري

زهره: طيب يلا نام بقي شويه وارتاح وانا هنزل تحت اشوف لو البنات محتاجين مساعده

قاسم: ماشي يا قلبي

زهره: مش عايز تاكل اي حاجه لحد ما الاكل يجهز

قاسم: لا مش قادر احنا كلنا وجبنا اكل واحنا عالطريق هاكل معاكم بليل علي طول

زهره: ماشي يا حبيبي يلا انا هنزل

قاسم: ماشي بحبك علي فكره.

زهره: بضحكه جميله وانا بحبك اوي

: : : …

في غرفه داوود

ليلي: يلا انا هنزل بقي شويه كده لما الاكل يجهز هطلع اصحيك

داوود: انتي هتنزلي وتسبيني.

ليلي: ايه عايز ايه

داوود: بإبتسامه توتر بقولك ايه لولي ما تخليكي معايا لحد ما انام.

ليلي: بضحك وده حب زياده ولا خوف يا خواف

داوود …بضحك لا حب

ليلي: عليا انا بردو.

داوود: خليكي معايا شويه وبلاش رخامه انا اصلا فاصل يعني هنام علي طول والله.

ليلي: ب ضحك انت بتتكلم جد عايزني اقعد معاك لحد ما تنام يا خواف.

داوود: طب بزمتك انتي لو مكاني مش هتخافي

ليلي: اكيد هخاف بس المفروض انت اللي متخافش

داوود: ليه ان شاء الله هو الخۏف ليكم انتو بس استهدي بالله واقعدي بقي هنام بسرعه والله.

ليلي: بضحك طب بزمتك انا الوقت لو حصلي موقف زي كده وخۏفت هتبقي خاېف انت كمان يعني بدل ما استقوي بيك هترعبني اكتر.

داوود: لا عيب عليكي وبعدين حتي لو خۏفت شويه بس اكيد مش هسيبك زي ما انتي عايزه تسبيني وتنزلي

ليلي: بضحك انت بجد طلعت خواف اوي انا مكنتش اعرف انك پتخاف كده وشكلي هغير رأيي في الجوازه دي .

داوود: بضحك لا انتي ادبستي خلاص وبعدين مش انتي جامده وعامله فيها سبع رجاله خليكي بقي

ليلي: علي فكره انا مش بخاف وانت عارف انا اغلب الوقت قبل ما مامي الله يرحمها تتوفي كنت ديما قاعده لوحدي

داوود: علي فكره انا معنديش مشكله اني اقعد لوحدي في مكان بس بعد الموقف ده انا مش تمام واكيد هاخد فتره لحد ما انسي

ليلي: بضحك لا هو بحالتك دي انت هتفضل كده كتير

داوود: طب نختصر علي بعض يعني مش هتقعدي معايا

ليلي: بضحك لا

داوود: طب فين تولين حبيبه بابي هاتيها تنام جنبي وحشاني اوي

ليلي: لا يارجل وحشاك ولا عايز تتحامي فيها مش عيب عليك

داوود: بضحك امشي يابت مش عايزك ولا عايز بنتك يلا اخرجي

ليلي: يعني مش هتخاف

داوود: ملكيش دعوه بيا بقي يلا امسي يا رخمه

ليلي: بضحك ماشي همشي انت اللي قولت

داوود : بقولك ايه استني خليكي جدعه بقي خمس دقايق طيب.

فضلت ليلي تضحك عليه وصعب عليها راحت قعدت جنبه مسك أيدها بحب وغمض عينه ونام

اول ما حست انه راح في النوم بجد قامت بهدوء من جنبن شغلت قرآن بصوت واطي وسابته وخرجت

: : : :

وصلت ميار علي الكافيه اللي بتقعد فيه طلبت الاكل وفضلت قاعده تلعب في الموبايل

شويه والاكل وصل كانت زهقانه و سرحانه حاسه انها فجأه بقت لوحدها كان نفسها تفضل موجوده وسط الكل بس مقدرتش تكمل وكانت شايفه انها تتوجع وهي بعيد افضل كتير من انها تتوجع وهي قريبه من جلال وشيفاه قدامها .

خدت نفس طويل وبعدين مسكت الشوكه عشان تاكل وفجأه لقت حد قعد جنبها ومسك منها الشوكه.

نور: جعاااان ھموت من الجوع والله بصلها وهو رافع حاجبه وهي مبتسمه ومصدومه من وجوده

علي فكره انا جيت هنا كتير بس مكلتش خالص هنا وبيقولوا بقي ان المكرونه بالوايت صوص بتاعتهم تجنن.

ميار: بضحك انت بتعمل ايه هنا يا مچنون انت مش قولت هتنام

نور: ماهو انا نايم وبحلم كمان اني باكل مكرونه بالوايت صوص وعلي فكره بقي طعمها في الحلم يجنن

ضحكت ميار وحطت ابدها علي جبهتها وفضلت تهز في راسها شمال ويمين

ميار: انت مچنون بجد والله خضتني.

ابتسم نور وبصلها طب بزمتك مش حلوه المفجأه

ميار: تجنن والله بس متخيلتش بصراحه انك تكون هنا فكرتك نمت.

نور : وهو بياكل ماهو انا مش هكدب عليكي كنت هتجنن وانام بس قولت بقي حرام تلميذتي غلبانه و خارجه لوحدها فا قولت اجي اكل معاها وافتح نفسها

ميار: بضحك ايوه صح بس واضح ان نفسك انت اللي اتفتحت

نور: بضحك

المكرونه حلوه اوي بصراحه

ميار: .بإبتسامه بالف هنا

نور: طب ايه مش بتاكلي ليه

ميار: بضحك ابدا اصل في واحد كده اقتحم التربيزه بتاعتي وخد مني الشوكه وخد مني الاكل كمان

نور: قليل الذوق بس مين ده

ميار: ده واحد كده مچنون

نور: بإبتسامه غمزلها بس كاريزما

ميار: بإبتسامه مش اوي كده انا اللي اقول مش انت متبقاش مغرور

نور: اتكلمب مع المسيو بتاعك احسن من كده

ميار: حاضر يا مسيو سوري

نور: خلاص تقبلته ابتسم وقرب منها الشوكه يأكلها وهو بيضحك

ميار: بضحك بتعمل ايه يا مچنون

نور: .بأكلك عشان متقوليش كلت اكلك.

ميار: لا كل انت بالهنا والشفا

نور: بتكسفي ايد المسيو بتاعك والله احطك في دماغي واسقطك كلي يلا

ابتسمت ميار وقربت من الشوكه وكلت منه

ضحك نور ونادي علي الويتر طلب منه يجيب اوردر تاني

عشر دقايق وكان الاورد جهز وكلوا مع بعض قدر نور يظبط مودها بطريقه لذيذه ويحسسها انها مش لوحدها.

بعد ما كلوا طلبوا عصير

ميار: صحيح مش ناوي تديني كلاس جديد

نور: .هو في حاجه في الطريق ولا ايه

ميار: هو لازم بكون فيه مش المفروض اخد الكلاس عشان اعرف اطبقه.

نور: اه بحسب في جو جديد في الكام يوم اللي سيبتك فيهم.

ميار: ليه لحقت

نور: ما انا بقول بردوا ويكون في عامك انا لازم اعاين اي جو واقولك تمام ولا لأ

ميار: هو ايه اللي تقولي اه او لأ

انت كمان عايز تاخد قرار بالنيابه عني

نور: اه طبعا لو مش عاجبك شوفي مدرس غيري هو ده نظامي

ميار: بضحك لا خلاص المسيو اللي نعرفه احسن من اللي منعرفوش

نور: ايوه كده اظبطي وعموما يا بنتي اهم حاجه في اي علاقه القبول

ميار: بضحك يا بنتي مالك قلبت ليه يا حاج

نور: .بس بقي متفصلنيش خليني اتقمص الدور

ميار: طيب يلا كمل يا حاج قولي بقي قبول من انهي نوع

نور: يعني لازم تكوني متقبله الشخص اللي شاكه ان ممكن بحصل بينكم كيميا.

ميار: يعني يكون شكله حلو

نور: مش شكل بس يعني طريقه اسلوب تحسي كده انك مشدوده ليه بتحبي تسمعيه وهو بيتكلم بتحبي تشوفيه وهو ماشي قدامك طريقته في الكلام بتعجبك حتي لو مش بيوجهه الكلام ليكي

ميار: امممم طب بص انا هقولك حاجه بس تفهمني

نور: ايوه اعترفي انا قولت سيبتك كام يوم علي راحتك

ميار : بضحك لا مش كده والله بس في حد في الشركه في المواصفات دي طريقته جميله وليه كاريزما كده وهو بيتكلم يعني دمه خفيف وفي نفس الوقت جد جدا في شغله بيخلي اليوم حلو في الشغل هو انا كده ابقي متقبلاه ولا عادي

نور: .لا ما هو انتي بردوا فاهمه الموضوع غلط احنا بنقابل ناس كتير في حياتنا فيهم الصفات دي واكيد مش هنمشي نحب علي نفسنا كل ما نلاقي الصفات دي فيهم

ميار: بضحك الله مش انت اللي بتقول

نور: انا بقول ان لازم الصفات دي تكون موجوده لو حاسه انك بتكراشي عليه

ميار: لا هو انا بحب الكلام معاه وقعدته لذيذه لكن مش في اي مشاعر جوايا عشان كده بسألك خصوصا ان زي ما انت قولت بقابل ناس كتير فيهم الصفات دي بس ببقي عادي وانت الوقت بتقول لو فيهم الصفات دي يبقي انا كده متقبلاه افهم ايه انا بقي الوقت.

نور: طيب بعيدا عن الهزار والضحك بصي يا ميار تقبلك للاشخاص اللي فيهم صفات حلوه مش كلهم بيبقي ليهم نفس الشعور في ناس ممكن تحبي قعدتهم والكلام معاهم بس كصحاب وفي ناس بتتشدي ليهم وانتي من جواكي حاسه ان اعجابك بيهم مش بس صداقه فا هنا في فرق تقبلنا للناس ليه اكتر من فرع ناس يبقوا صحابنا ناس زمايلنا ناس اخواتنا وناس تانيه هما دول اللي نحس ان جوانا في حاجه بتتحرك ناحيتهم فهماني.

ميار: ايوه فهمتك

نور: انتي بقي الشخص ده شعورك ناحيته ايه بعد ما تقبلتيه وتقبلتي الكلام معاه

ميار: لا هو عادي مفيش حاجه

نور: يعني مجرد شخص مرح ولذيذ زميل شغل مش اكتر

ميار: اه هو كده فعلا

نور: بس يبقي لسه مفيش حاجه في الطريق

ميار: .امممم ماشي يا مسيو

نور: ده انتي شكلك هتطلعي عين المسيو

ميار: والله انت اللي عرضت عليا تبقي المسيو بتاعي يبقي تتحمل بقي

نور: انا نطقت اديني

متحمل اهو.

ضحكت ميار وكملوا قعدتهم مع بعض وبعد شويه وصلها نور وسابها ومشي.

وهي طلعت وكانت مبسوطه

انتهي اليوم علي الجميع بعد ما الشباب صحيوا وكلوا مع بعض وقضوا وقت جميل .

في صباح يوم جديد صحيت فريده من النوم ظبطت نفسها ولبست عشان تروح شغلها بعد اجازه كام يوم بسبب قعدة مليكه معاها.

خرجت علي الجنينه وراحت عشان تفتح الباب الخارجي عشان تخرج بعربيتها اتفاجئت بعاصم واقف قدام الباب ساند علي عربيته ومولع سېجاره وباصصلها.

ابتسمت وراحت عليه.

فريده: .عاصم

عاصم: بإبتسامه صباح الخير

فريده: صباح النور انت بتعمل ايه هنا

عاصم: مستنيكي

فريده: مستنيني انا ليه وواقف من امته اصلا

عاصم: واقف من نص ساعه تقريبا اما ليه بقي عشان وحشتيني وقولت اجي اوصلك.

فريده: بإبتسامه انت مچنون يا عاصم صح

عاصم: بإبتسامه جذابه اه احيانا

فريده: بس انا هاخد العربيه هتوصلني ازاي.

عاصم: لا ما انتي هتسبيها وهتيجي معايا

فريده: وهرجع ازاي يا مچنون

عاصم: حط السېجاره في بوئه وقرب منها مسك ايدها وراح ركبها قداك وهي بتضحك ومصدومه ورجع قفل الباب وركب مكانه.

فريده: عاصم بلاش جنان

عاصم: هتعرفيني هتخلصي امته وهاجي اخدك وارجعك

فريده: مچنون

عاصم: بغمزه البركه في اللي كانت السبب في جناني

ابتسمت فريده بإحراج وسكتت

عاصم: بإبتسامه حطي الحزام

فريده : اطلع يا مچنون

 

• يتبع الفصل التالي اضغط على (مملكة احفاد الطوبجي) اسم الرواية