رواية اللقاء الثاني الفصل الثالث عشر 13 - بقلم منة محمد
زينب قاعده قدام باب الشارع وبتعيط شافها وهو جاي من بعيد
مؤمن قرب عليها سألها: بتعملي ايه هنا في الجو ده
زينب بصتله: كنت فين طول النهار
زينب: كان عندي شغل
زينب بستفسار: وشغل نوعه ايه
مؤمن: عندي واحد صاحبي بيشتغل في البرمجيات وطلب مني اساعده واشتغلت معاه وهكمل معاه
زينب: حلو ناويت تبقي مهندس برمجيات وتقبض بالدولار
مؤمن: لا هو مش للدرجه ومش عايز اخيب املك لما اقولك عن المرتب الي هيدهوني وهو هيطير في رحله لـ ايطاليا بس انا مش بغير منه انا بس بقولك
زينب: مؤمن ممكن تبقي سعيد مع الي عايزه وبتحبه بالطريقه الي انت عايز تكون عليها
مؤمن: والي يخليني مبسوط مش مهم الاهم ازي اكون مبسوط من غير الفلوس
زينب : محتاج قد ايه عشان تكون مبسوط مليون مثلا
مؤمن: مليون واحد ده قليل اوي بس مش بطال
زينب : بس انا هكون تعيسه بالمليون ده انا حاسه اني حزينه يله نعمل اي حاجه ونضحك
مؤمن : نعم
زينب : اظن اشتغلت مش هتعالجني اظن عالجتك كتير بعد ما كنت برجع من شغلي
مؤمن قام : ماشي لتذلينا
زينب ضحكت واخدته وشغلت اغنيه صوتها عالي جدا وفضلوا يرقصو لحد ما موبيل مؤمن رن برقم كادي اخده وبعد شويه عن مصدر الصوت!
مؤمن: ايوه يا قدري
كادي :مؤمن هو انت فين وايه صوت الموسيقي العالي ده
مؤمن حب يجننها قال: انا في الديسكو وبرقص مع شويه بنت حكايه
كادي بصراخ: مؤمن عايزني اجي اخلص عليك
مؤمن ضحك: يا هبله انا برقص انا وزينب اختي يله هكلمك تاني سلام
…………………….قصص منه محمد كاتب……………….
انغام سلمت ع اولادها البنات ونزلت مع الشغاله بالشنط
انغام للشغاله بأمر: روحي بالشنط للعربيه
الشغاله بطاعه: امرك يا هانم
انغام راحت ع فوقيه :انا ماشيه
فوقيه بصتلها بحتقار : غوري في ستين داهيه
انغام : انا عارفه انك فرحانه فيا بس متفرحيش اوي لاني هاخد منكم حقي تلات ومتلت
فوقيه بتعصيب شديد: اتكلمي معايا باحترام الي انتي اصلا متعرفوش ازاي يا حشره انتي تخوني الباشمهندس ابني مع راجل تاني
انغام بتهكم: واسم الله ع ابنك النجس الي كل ليله بيخوني مع واحد شكل
فوقيه زعقتلها بتحذير: قلت لما تتكلمي عن ابني تتكلمي بكل ادب واحترام سامعه
انغام رفعت حاجب: انا بشبهه بالي يناسبه
فوقيه: انتي ازاي ليكي عين تتكلمي وتشتمي
انغام: وانتي بدل ما واقفه تعلميني ايه هو الادب والاحترام روحي عملي ابنك ان مش من حقه كل يوم يتشعلق في ديل فستان ده غير ازواقه المختلفه
فوقيه : اولا ابني راجل وانا عارفه انه مش كامل بس انتي واحده ست وام لبنات يعني وضعكم مختلف
انغام : واشمعني الراجل يخون والمجتمع يقبل بكده
فوقيه : عشان احنا مجتمعنا كده و التفكير ده هو الي قضي عليكي وانا كنت ناويه ادمرك انتي وعيلتك بس الباشمهندس خالد ابني اترجاني معملش معاكم اي رد فعل عشان كدا اتغاضيت عن خيانتك
انغام : بدعي تعيشي بصحه كويسه عشان تشوفي بنفسك عايله مين الي هتدمر
فوقيه بصقت عليها: صحيح وقحه وسافله غوري من قدامي مش عايزه اخش فيكي في مصيبه وبناتك ابقي احلمي تشوفيهم يله غوري
انغام: غايره بس عايزه اشوفك هتعملي ايه لما تعرفي ان ابنك ماشي مع واحده من الحواري حته ممرضه بتشتغل في عياده ومسيره يجيبهالك لحد هنا
فوقيه بينها وبين نفسها : مين من الحواري انا لازم اعرف عنها
……………….قصص منه محمد كاتب…………………………
فوقيه: سمعت اسمك كتير بيتردد مع حفيدي وعرفت انك اهتميتي بيه في اليونان ولما رجع القاهره
زينب ابتسمت: انا معملتش حاجه انا كنت بدور عن شغل وحاله هادي كانت صعبه جدا
فوقيه: عندك حق بس هو دايما بيتكلم عنك ومن كلامه بقي عندي فضول اشوفك واقابلك شخصيا اليوم سمعت انك متجوزه بصحيح جوزك بيشتغل ايه
زينب: يا هانم انا سيبت شغلي وقت البريك ولازم ارجع بسرعه ممكن تقوليلي عايزه مني ايه
فوقيه: تمام معرفش لو كان عندك علم بالي هقوله لكن الباشمهندس خالد ابني متحاوط بالستات وبصراحه هو غصب عنه لان الستات بتتلف حواليه ماشاء الله شاب صغير ورئيس شركه كبيره عشان كدا اشاعات كتير انتشرت عنه بسبب الغيره ومعظمها غير صحيحه كل مرة يحصل كده واضطر اتدخل بنفسي بصفتي امه احيانا الستات بتحوم حواليه عشان ثروته بس احنا مش بنتاكل بالسهوله دي
زينب : فوقيه هانم اسـ
فوقيه قطعتها بحده : والي سمعته انك كسبتي قلب حفيدي وجزء من قلب ابني الباشمهندس خالد وعشان كده حبيت اشوفك واعرف انتي عايزه منه ايه
زينب مره واحده قامت بنفعال من كلامها المستفز: حاسبي ع كلامك معايا لو سمحتي
فوقيه بغضب : اقعدي رقبتي بتوجعني لما ببص لفوق
زينب: انا مش عايزه حاجه وبقولهالك لا مضطره اشوف لاهادي ولا ابنك ياتري ده رد كافي ولازم امشي
……………………………
تحت بنايه ابراهيم راجعين من السوبر ماركت
ابراهيم بصله وساله: لحد امتي هتفضل في الامارات
اسامه بهدوء: لسه هشوف لما اوصل هناك لو عجبني الشغل هستمر وافضل هناك ع طول
ابراهيم : قلت لمراتك انك مسافر
اسامة بنرفزه خفيفه: ابراهيم هو ممكن منتكلمش عنها هي مش مراتي دلوقت
ابراهيم : عارف انكم اطلقتوا بس كنتم سوي ونمتوا مع بعض في سرير واحد
اسامه اتعصب جدا : قلت انتهينا ( حس انه زودها وقال ) انا اسف لو زعلتك
ابراهيم: انا الي اسف يا صاحبي وانا مش زعلان منك انا زعلان انك هتسبني وتسافر ومش عايزك كل مشكله تواجها تهرب
اسامه: لو قصدك مسافر عشان هربان من بسمله لازم اعمل كده يا ابراهيم لاني مش عارف اشيلها من دماغي ولما بشوفها قلبي بيرفرف صدقني بحاول ابعد قد ما اقدر وبحاول ابقي بعيد عشان انساها
ابراهيم : ورغم اتجوزت لسه مسيطره ع قلبك وعقلك وع حياتك
اسامه : وعشان ابقي واقعي ببذل مجهود ابعد
ابراهيم حط ايده ع كتفه : وياصاحبي الانسان الي بيفضل يهرب ويبعد عشان ينسي عمره ما بينسي انت عامل زي المدمن المتعافي الي بيبعد عن كل شئ بيفكره بالماده المخدره الي كان مدمن عليها
اسامه بيضرب بعينه شافها قاعده في عربيتها بصله وقاله: ابرهيم اسبقني انت واطلع ع البيت
ابرهيم بتعجب: ليه
اسامه ضيق عيونه فكر وقاله: عايز اشتري حاجه مهمه من الفرن
ابراهيم: اه بيعملوا قرص بالعجوه تجنن هاتي لي معاك واحده او اتنين
اسامه :تمام هجبلك
بسمله نزلت وقربت عليه وبمرح: السهر مش مفيد لجسمك
اسامه قلدها: ومش مفيد لجسمك
بسمله : يعني انا بحاول انصحك زي ما بنصح نفسي
اسامه مبتسم : حاضر هسمع بنصيحتك بس جايه ليه
بسمله :ابدا اصلي حسيت انك بتنجرف بعيد عني وانا قاعده مستنياك عشان كده انا هنا وحاسه بتحسن بعد ما شوفتك المفروض كنت جيت من بدري يله اطلع ابراهيم مستنيك
اسامه شدها عليه وبصلها كتير: سوقي ع مهلك وارجعي لبيتك بالسلامه
في مكان مخصص للمقابلات والصفقات
دخلت بعد اتصالها بيه بعد نص ساعه وكانت في منتهي الاناقه والشياكه
خالد بصلها وابتسم: ليه اتأخرتي يا حضره المديره طلبت تشوفيني يبقي ع الاقل تيجي قبل المعاد كنت قاعد لوحدي وحاسس بالملل
بسمله قعدت وحطت رجل ع التانيه واتكلمت بهدوء: عارفه انت بتكره الاحساس بالملل
خالد : هتبقي خساره ليا لو عزمتيني ع الغداء وشربنا سوي كاسين
بسمله : هو انت زهقان اوي كده لدرجه عايز تتخانق معايا من اول وجديد سمعت انك نويت تدخل مشاريع مشتركه احنا بالفعل اتفاقنا عليها
خالد برفعه حاجب: هو انتي لحقتي تعرفي ده انا قلت هتعرفي اللاسبوع الجاي
بسمله اظن انت عارف الصفقه دي بتاعتي واتفقت عليها قبلك
خالد: بجد
بسمله : وبنخطط نوسع لشغلنا اكتر نبني مطاعم وكافيهات في اروبا
خالد : وانا حقيقي معرفش بكل ده
بسمله: لكن بفضلك الصفقه اتلغت كلها
خالد: انا ,وانا عملت ايه
بسمله: متستعبطش يا خالد انت عارف ان ده شغلنا احنا بس انت روحت واخدت الصفقه مننا
خالد : هو انا شرير اوي كده بجد موقف محرج جدا
بسمله: انت مش انسان اصلا, انت بتنتقم عشان اخدت منك فندق الجوهره
خالد هز دماغه برفض: لاء متفهمنيش غلط يا بسمله انا قدمت عرض وشركتي ربحت لرؤيه الاداره ابدء معاهم المشروع الجديد
بسمله : يعني ناوي تكمل
خالد: بالظبط الي ناوي اعمله اظن نعرف بعض من سنين طويله وعارفه لما بحط حاجه في دماغي مش بسيبها استني عندي فكره
بسمله : قولهالي
خالد : ليه متتنزليش يا بسمله ارفعي العلم الابيض لان انتي وشركتك هتخسري وانتي الي هتتالمي جامد
بسمله ابتسمت ببرود : وهتعمل ايه لو مستسلمتش
خالد : انتي دقيقه لغايه للي بيتعلق بالمكسب والخساير نامي الليله كويس وخدي حمام دافي وبعدها اقعدي فكري كويس وطلعي الاله الحاسبه واحسبي الحساب وقتها هتلاقي اجابتك
بسمله بهدوء: الشغل مش بيجي دايما زي ما بنخطط له بتقابلنا دايما ثغرات
خالد رفع حاجب بتهكم : تغرات ! تؤ مش دي بسمله ابدا الي اعرفها ثغرتك هتكون اسامه حبيبك القديم اصل انا عرفت ان هو الي حرك عمليه استحواذك ع فندق الجوهره وبسمله الي انا عارفها وحافظها كويس مكنتش ابدا تقبل بالشروط دي
بسمله بصتله بغيظ : وانا مش هنا عشان اتكلم عن حياتي الشخصيه انا هنا جايه اتفاوضي تنجنب الخناق والمشاكل ع الفاضي
خالد نظره كلها تهديد: انتي يعني مش ناويه تستسلمي هيكون فيه دم لان انا مش هخسر في المرتين ثانيا ليا رغبه شديده اسحق اسامه تحت رجليا
بسمله ضربت التربيزه وبنبره تحذير: : خااااااالد
خالد:عارف انك هنا عشان نتكلم عن الشغل لكن انا هنا عشان اتكلم في المسائل الشخصيه
بسمله تلفونها رن برقم اسامه وكان بيسلم عليها بس هي كنسلت وتابعت كلامها وقالت : وده بسبب زينب لو هزمتني ده مش معناها ان اسامة هو الي هيخسر
خالد :ده اختيارك دلوقت بس رآي تسلمي وتتراجعي
بسمله رجعت دهرها لوري : يعني بتقولي هتعمل الي انت عايزه بغض النظر عن قراري فلا يمكن نسميه اختيار
خالد: خلاص اعتبري تهديد و بعدها هتضربي دماغك في الحيط
بسمله: واضح انك مش بتهزر
خالد: لو كنتي فاهمه الي بقوله فاتمني تختاري الخيار الصائب والمنافسه دي هتكون المواجهه الحقيقيه
بسمله بتحدي وثقه : وانا هكسبها وهكافئك بحاجه حلوه بعد ما انتصر عليك
خالد ابتسملها بصفار وهي بدلته نفس نوع الابتسامه لحد ماخرجت واتصلت باسامه تلفونه خارج نطاق التغطيه اتصلت ع ابراهيم
ابراهيم: ائمريني يا هانم
بسمله بتتكلم بسرعه: ابراهيم هو اسامه راح فين
ابراهيم :مش فاهم
بسمله: بعتلي رساله بيودعني وبيقولي اشوفك ع خير هو راح مكان وانت عارفه صح
ابراهيم :بصراحه هو مسافر الامارات وحاليا في المطار
بسمله ركبت عربيتها وطارت ع المطار ودخلت تجري وسط المسافرين لحد ما بالعافيه شافته وندهت بكل صوتها عليه
اسامه راحلها : ايه الي جابك
بسمله ببكاء :عشان انا كنت زي الغبيه قاعده مستنياك وانت مسافر رايح ع فين بعد ما ندهت عليا لكن سايبني وماشي بالطريقه دي متروحش الامارات مش بس الامارت متروحش اي مكان وتسيبني ارجوك يا اسامه خليك جنبي
اسامه: مش هينفع
بسمله طلعت فلوس كتير من شنطتها وقالت بعياط: بسبب الفلوس دي انا دمرت حياتك صح كنت انانيه لما فكرت في نفسي وحبي ( رمتهم ع الارض) دلوقت مش عايزه اعمل معاك اي اتفاقيات تقدر تحبني او تكرهني براحتك بس خليك جنبي
اسامه :مش عايز لاني لوفضلت لا هعرف احبك ولا اكرهك ومش برمي اللوم ابدا عليكي انا الي بوظت كل حاجه لما ضعفت قدامك ووافقت افضل معاكي عشان اشبع منك ومش عايز اكرر نفس الغلطه
بسمله: يعني مصمم تسافر
اسامه :هرجع اوعدك
بسمله مدت له ايدها وهو مسكها وسلم عليها
بسمله :مع السلامه يا اسامه ورغم كانت مقابلتنا مشؤمه بس عمري ما هنساها
بسمله بتلف تمشي وهو شدها لحضنه ولف ايده حواليها وقال :مقابلتنا المشؤمه منتهتش لسه هنكملها لما ارجع ممكن تستنيني لحد ما يجي الوقت ده
…………………………قصص منه محمد كاتب…………………
طالعه من البيت في طريقها لمكان شغلها لقته واقف قدام عربيته اتخططه وكملت طريقها
خالد وقف قدامها: مدام زينب واضح اننا مكتوبلنا نقابل بعض لان انا مش باجي المكان هنا وشوفتي اتقابلنا صدفه ربنا رايد نشوف بعض
زينب بضيق: اظن قلت كل كلامي في التلفون
خالد : والكلام في التلفون مكنش كافي عشان كده جيت هنا ممكن اخد من وقتك نص ساعه
زينب برفض قطعي: لاء
خالد: استني تمام ربع ساعه من فضلك لحد ما اوصلك للعياده ع الاقل اديني فرصه للاعتذار من فضلك
زينب ركبت ع مضض العربيه وقاعده هطرشق ع اخرها
خالد: تعرفي كل واحد فينا كان له انيس لما اتقابلنا اول مره بس بقينا سناجل دلوقت هو اسامه لسه في الامارات
زينب: فكرتك عايز فرصه تعتذر ولا انا غلطانه
خالد : مش انا الي اعتذر لان امي هي الي لازم تعتذرلك شخصيا بسبب الي عملته اتجاهلك
زينب بضيق: مفيش داعي لان انا مش عايزه اشوفها
خالد: ده انتي واخده ع خاطرك منها اوي بس بصراحه حقك لكن هي لازم تعتذرلك يله يا مدام زينب تعالي بيتي لو مره واحده وبالمره تشوفي هادي
زينب : ممكن تنزلني هنا هركب الاتوبيس
خالد : مدام زينب
زينب بنرفزه : بقولك وقف العربيه وهعتبر نفسي اني قابلت زميل من ايام المدرسه كان شخص لطيف لان انا ست مطلقه فهيشفوني الناس لقمه سهله
خالد بصلها بدهشه :ايه الي بتقوليه ده بس انا مش شيفك كده
زينب : وانا مش عايزه لا انت ولا غيرك يشوفني سهله لاني هاخد الطريقه الصعبه في التعامل يعني ممكن توقف لانك هتحاول ع الفاضي
…………………………..قصص منه محمد كاتب……………….
راجعه البيت بعد خناقه كبيره مع ابوها بعد ما خالد اخد منها الصفقه لقته قاعد مستنيها بصتله وهي مكشره جدا
اسامه ابتسملها: انا رجعت يا حضره المديره الجميله
بسمله بصت ع الشنط ع دهره وفي وايده : انت ليه عامل كده
اسامه: جيت من المطار ع هنا لانك وحشتيني هو انا موحشتكيش
بسمله: وانت بقي مفكرني هاخدك بالحضن ولا هيغمي عليا من الفرحه انك فجأتني بالطريقه دي
اسامه: ده الي انا فكرت فيه او ع الاقل هتديني ابتسامه
بسمله: وانا مش عايزه ابتسم لاني مش فرحانه اني شوفتك يا اسامه
اسامه: طيب هو انتي قبلتي استقالتي وخلتيها تاخد مجراها
بسمله: وبتسأل ليه
اسامه: لو مقبلتهاش عايز ابدء اشتغل معاكي من بكره وابقي جنبك خطوه بخطوه
بسمله: باذن مين
اسامة: بأذنك انتي صاحبه الشركه
بسمله بصتله بتكشيره اكبر وسيباه وماشيه
اسامه وقف قصادها: استني جبتلك ورد معايا لقيت شجره طويله وحلوه اوي زيك وكمان ذكيه فقطفت منها ورد وجبتهولك
بسمله: اسامه انت لا اتصلت ولا بعت لي رساله لمده 60 يوم ياتري عندك علم انا كنت حاسه بأيه او حالي عامل ازاي في الوقت ده انا مبطلتش عياط
اسامه: وانا كنت خايف ارجع بمجرد ما اسمع صوتك لو كانوا 60 يوم بالنسبه لك كانوا ستين سنه بالنسبه لي
بسمله : وانا قبلت استقالت واخدت خلاص مجراها
اسامه مسك ايدها: واهون عليكي يا قاسيه ابعد ومبقش جنبك
بسمله : ايوه لاني متوقعتش تاذيني بالطريقه دي البشر ميعملش عملتك
اسامه ابتسم :ممكن تهدي وتسمعيني
بسمله: لاء مش هسمعك يا اسامه ومش عايزه منك اي توضحكات لان انا اترجيتك وقلت لك محتجالك جنبي لكن انت عاندت ومشيت وقولتلي مع السلامه مشفتش لهفتي عليك مشفتش دنيتي الي كانت بتلف وتدور حواليك انت مشفتش ده كله
اسامه: انا معرفش انك زعلانه مني بالشكل ده
بسمله ضربته بغيظ في صدره: انا بسببك دخلت في حاله اكتئاب وبتمني اعذبك زي ما عذبتني
اسامه بقهر: كرهتيني يعني
بسمله نزلت دموعها: مش بكرهك انا متغاظه اوي منك وبقولك مع السلامه مش هينفع اكمل معاك يله ارجع الامارات تاني مش عايزه اشوفك ثانيه قدامي
اسامه بيمسحلها دموعها بحنيه: طب اعمل ايه عشان تحني وتسامحيني ارمي نفسي في البحر
بسمله شخطت فيه بغيظ: روح ارمي ومش هعطف عليك حتي لو شربت ميه البحر كلها يا اسامه
اسامه ابتسملها: اعمل ايه لازم اتحمل
بسمله من وراه قلبها قالت : بنصحك متتحملش كتير مستحيل ارجعك لان انا مش هضغط عليك ورآي تكمل في السكه الي انت ماشي فيها ونهايه علاقتنا انت الي كتبتها
اسامه تابع طيفها وراح قعد ع الكرسي وقال: انا قاعدلك هنا طول الليل ورانا ايه
استوب ومنتظره رايكم ع الاحداث فضلا ونكمل ونشوف هل بسمله هتحن ع اسامه ولا خلاص كده هيفضل قاعد طول الليل في عز البرد
- يتبع الفصل التالي اضغط على ( رواية اللقاء الثاني) اسم الرواية