رواية عاق الوالدين الفصل الثالث عشر 13 - بقلم أيات عبدالرحمن
حمزه الصندوق اتقفل عليه من برا حاول كتير يخرج منه لكن ما قدرش الصندوق كان مقفول بإحكام فضل يخبط فيه وينادي لكن مفيش حد سامع افتكر والدته وهو معاها عمره ما حصل معاه اي حاجه زي كدا
…………..
راشد كان راجع من برا شاف زيزي وهي ماشيه
راشد بإستغراب : مش دي زيزي وكمل بتساؤل وقال: يا تري بتعمل اي هنا
زيززززي
وقفت لما سمعت صوته
وتلقائي ابتسمت وكإن روحها رجعت ليها برؤيته واختفت الابتسامه لما افتكرت كلام عمته
راشد: ازيك يا زيزي عامله اي
زيزي وهي بتتأمل ملامحه بحزن : الحمد لله
راشد: بتعملي اي هنا وكنتي فين
زيزي : كنت عندكم جيت اتطمن عليك وعلي الاولاد تليفونك مقفول من فتره طويله وقلقت عليكم
راشد اخد نفس طويل وقال : انا بخير يا زيزي شوفتي الاولاد واتطمنتي عليهم
زيزي : لا
راشد بإستغراب : ليه
زيزي: عمتك رفضت وبالمناسبة الف مبروك يا راشد
راشد : علي اي
زيزي : علي زواجك يا راشد
راشد ولأول مره من وقت وفا.ة فريده يضحك : اي دا انا اتجوزت وانا مش عارف
وياتري جيبت ولاد ولا لسه
زيزي بدموع طفوليه : انا مش بهزر عمتك قالت كدا ان انت اتجوزت بنتها
راشد : اممممم
زيزي بغضب : اممممم اي انت اتجوزتها صح
راشد : انتي عاقله صح انا مستحيل افكر اتجوز بعد فريده
فريده كانت هي كل حياتي ومستحيل حد تاني ياخد مكانها
زيزي قالت بوجع : وانا يا راشد
راشد: انتي اي
زيزي: انت عارف ان انا بحبك
راشد: زيزي لاخر مره هقولك انا وانتي مش هينفع نكون لبعض مهما حصل
شوفي حياتك وعيشي انا استكفيت بكدا
ومش هقدر ادخل حد حياتي غير فريده فهماني صح
زيزي: فهمت ولسه هتمشي
راشد : هتمشي من غير ما تشوفي الاولاد
زيزي مسحت دموعها وقالت : عايزه اشوفهم
راشد : تعالي واخدها ورجعوا ع الفيلا
…………
نيفين : طلقنننننني
خالد ببرود : حاضر
نيفين بصدمه : علي طول كدا
خالد : اومال عايزاني اعمل لسيادتك اي
نيفين: دا انت متنازل بقي
خالد : معلش ستات تخنق
نيفين : كل دا عشان بقولك عايزه اروح للدكتوره اتطمن علي البيبي
خالد : انتي مش كنتي هناك من اسبوع
نيفين: ايوه هي قالت تعالي كمان اسبوع
خالد : ايوه مش معناه تروحي كمان اسبوع عددياً تروحي كمان شهرين دا معناه
نيفين : بزمتك انت تنفع اب انت
خالد : لا انا مش نافع في اي حاجه ربنا ياخدني من وشك يا شيخه عشان ترتاحي
نيفين بغيظ :وكمان بتدعي ان ابنك يتولد يتيم
خالد بنفاذ صبر: يارب الصبر من عندك لا ما يرضنيش ابني يتولد يتيم ربنا .ياخدك انتي
نيفين : بتدعي عليا
خالد: ما انتي مستفزه الصراحه انا ماشي
نيفين بشك: هتروح ليها صح
خالد : هي مين دي اللي هروح ليها
نيفين: مراتك التانيه
خالد اتغاظ جدا منها شكاكه بطريقه لا تطاق :
ايوه رايح ليها تيجي معايا
نيفين: يعني انت متجوز اهو
خالد: ايوه طبعا متجوز
نيفين قعدت علي السرير وعيونها عليه وبتبكي
خالد : استغفر الله العظيم دا انتي بتنادي علي النكد من علي بعد مسافات طويله
افضلي عيطي طول النهار كدا لحد ما اروح لمراتي اتطمن عليها وراجع وطلع وقفل الباب وضحك عليها ومشي
كان نازل من علي السلم وبيضحك قابل معاذ
معاذ : مالك يا خالد بتضحك علي اي
خالد: ولا حاجه.
انت خارج ولا اي
معاذ : ايوه هاخد حبيبة للدكتوره
خالد : مالها حبيبه
معاذ : كانت عند الدكتوره من اسبوع وحددت ليها موعد النهارده
خالد ضحك تاني : بقي كدا
نيفين وحبيبه اخوات نيفين بتغير من حبيبه لدرجة كبيره لان معاذ بيحبها ومش بيرفض ليها طلب اما خالد متزوجها غصب عنه وجاف جدا في معاملته معاها
معاذ : مش فاهم حاجه
خالد بضحك : مش مهم المهم ان انا فاهم واخدوا وخرجوا برا
كان راشد داخل ومعاه زيزي
خالد : اهلا زيزي
سهام : اي اللي جاب البت دي هنا
راشد : انا يا عمتي خير فين الأولاد
سهام : عبد الرحمن نايم وحمزه مش عارفه راح فين
راشد : نعععم وسابها ودخل يشوف حمزه فين
اما سهام فمسكت زيزي من كتفها وقالت : انتي ما عندكيش د.م يابت انتي غوري يلا من هنا
زيزي بعدت ايديها وقالت : انا مش همشي غير لما اتطمن ع حمزه وعبد الرحمن ودخلت جوا
راشد قلب الفيلا علي حمزه لكن حمزه مش موجود
الكل كانوا بيبحثوا عنه مالوش اثر في الفيلا ودا ذاد من جنون راشد كان بيلف حوالين الفيلا وبينادي بصوت عالي هو زيزي اللي كان واضح جدا عليها القلق والخوف
مفيش رد ولا ظهور راشد قعد على الارض بضعف وقال : حمزه يا زيزي حمزه راح مني
زيزي نزلت لمستواه : اهدي يا راشد هيرجع بإذن الله اهدي
الليل دخل وحمزه ما ظهرش والشرطه رفضت البحث عنه لسه ماكملش علي اختفاؤه اربعه وعشرين ساعه صوره اتنشرت ع السوشيال ميديا وكل اللي يعرفهم كان بيشير البوست
صالح تعب وقلبه وجعه هو بيحب اولاد راشد وخصوصا حمزه لان هو اللي كان بيدافع عنه
معاذ : اهدي يا حاج هيظهر ان شاء الله
سهام قربت علي زيزي وقالت : الليل دخل هتنامي هنا النهارده ولا اي
سعاد : عمتي ارجوكي مش وقته
سهام بصت لزيزي بغضب وسكتت
مر الليل والبحث عن حمزه مستمر والنهار طلع و الظهر اذن يعني مر وقت طويل علي اختفاؤه
حمزه كان في الصندوق اغمي عليه بسبب ان هو ما اكلش ولا شرب ف اغمي عليه
الجيران رجعوا من رحلتهم وهما مش عارفين اي حاجه عن اللي حصل تقريبا كدا الاماكن دي كل واحد بيكون منشغل بحياته فقط
بابي انا هلعب شويه
عزت : لا ياروح بابي نرتاح شويه وبعدين العبي انتي واخوكي
بلسان : لا يا بابي مش بحب العب معاه يحيي بيدخل الصندوق وبيتقفل عليه من برا وبزهق لحد لما بفتحه
عزت بإبتسامه : خلاص يا قلب بابي لو دي مشكلتك اوعدك ان هنتخلص من الصندوق دا في اسرع وقت
بلسان بفرحه : اوك بس هتتخلص منه ازاي يا بابي
عزت :هكلم حد من اللي بيشتروا الأثاث القديم ييجي يا خده
بلسان: بسرعه بقي قبل يحيي مايعرف
ضحك بصوت عالي : حاضر سنيوريتا بلسان تؤمر بحاجه تانيه
بلسان : ثانك يو دادي
عزت دخل الفيلا واتكلم مع شخص ييجي ياخد الصندوق دا في اسرع وقت
وبالفعل بعد ساعتين جه الشخص دا واخد الصندوق في عربيته ومشي
اقتباس البارت اللي جاي
الشخص اللي اخد الصندوق مش غني ولا حاجه بيطلع ليه من الاساس المستعمل كام جنيه يعني مش ألاف وكمان هو من الناس المدمنه ف أخد حمزه بعد ما اتأكد ان هو عايش وبخير لطبيب بياخد الاطفال يحولها لأعضا.ء بشر.يه ووووووووووو
- يتبع الفصل التالي اضغط على (رواية عاق الوالدين) اسم الرواية