رواية اللقاء الثاني الفصل الرابع عشر 14 - بقلم منة محمد
في شقه ابراهيم ع الموبيل
ابراهيم: تمام…. تمام….هبلغه اشوفك بعدين
اسامه طلع من التوالت بيجفف شعره وقاله: معلش يا ابراهيم هقعد معاك يومين كمان استحملني يا صاحبي الحليوه
ابراهيم: عارف مين الي بتكلمني ع التلفون
اسامه: مين
ابراهيم: دي مديرتنا عايزك تبدء شغلك في الشركه
اسامه: ده انا قلت قبلت استقالتي واخدت مجراها
ابراهيم ابتسمله: ده كان عقد للشغل الي وكلتك بيه بس دلوقت انت اتعينت بشكل رسمي بس مالك كده كأنك مش فرحان
اسامة: سمعت ان الشركه خسرت صفقه كبيره والظروف الماليه اتأثرت
ابراهيم اتنهد بحزن وقاله: نعمل ايه معانا خصم بيشتغل في الضلمه خالد مندور صعب جدا
اسامه بستفهام : هو ايه سبب العداء الي بينه وبين شركه بسمله
ابراهيم بهدوء: انا سمعت انها رفضته لما اتقدملها وطبعا اخدها ع كرامته وبدء يحاربها
اسامه: يعني هو كان بيحبها
ابراهيم: هو ده يعرف يحب هو بس مقهور انه اترفض وبدء ينتقم
……………………..قصص منه محمد كاتب………………
يوم جديد خبط ع بابها ودخل الابتسامه ماليه وشه: انا جيت وهبدء شغلي كمدير مساعد لفريق حورس رسميا ومتكشر انك عطيني فرصه تانيه
بسمله مكشره في وشه وقالت: متشكرنيش من هنا ورايح لان احنا في اسوء وضع
اسامه ببيرود: يعني امشي وارجعلك وقت تاني تكوني رايقه
بسمله: انا مش هروق ليك ابدا يا اسامه
اسامه ابتسم: وبعدين هتفضلي تتعاملي معايا كده
بسمله: كدا الي هو ازاي
اسامه: تعالي ناكل سوي ونتكلم
بسمله رجعت دهرها لوري وربعت ايدها وبصتله اوي : انا وانت ونتكلم
اسامه: بصراحه جعان ونفسي ناكل انا وانتي سوي بعيد عن جو المكاتب
بسمله رسمت الجديه : استاذ اسامه
اسامه: قولي
بسمله: انا مديره الشركه الي انت شغال عندها
اسامه: عارف
بسمله: واضح انك مش عارف ان المدير التنفيذي لايمكن يجي ابدآ مكتب المديره ويسألها اذا حابه تاكل
اسامه: وانا في الحاله دي هفهم انك رافضه تاكلي وهاكل لوحدي
بسمله قامت بغيظ: استاذ اسامه
اسامه: نعم بسمله هانم عايزه مني اي حاجه اعملهالك
بسمله قعدت بنفس الغيظ وقالت: مش عايزه حاجه تقدر تمشي
…………………..قصص منه محمد كاتب……………….
في الشارع قاعد منتظره كتير
مؤمن: اتأخرت كده ليه
شيكا: اظن قولت لك انا مشغول فأنجز وادخل في الموضوع ع طول
مؤمن: شيكا هو انت لسه بتتجسس لحساب خالد المندور
شيكا: اظن هو سبوبه فيها لقمه عيش حلوه بس انا مش بعتمد ع شغله لوحده
مؤمن داس ع اسنانه بغضب : يعني شغال لسه لحسابه اه ولا لاء
شيكا: انت مالك بقيت عصبي عن اخر مرة شوفتك فيها ايوه بشوفه من وقت للتاني
مؤمن: انا شاكك انه سبب في طلاق اختي
شيكا: انا عارف انها كانت بتشتغل عنده جليسه بس سابت الشغل من مده
مؤمن: واسامه اتصرف بناء ع الي عرفه عنه انه واحد فلاتي وبتاع ستات وبدء يتخانق مع زينب لما اشتغلت عنده ولما رفضت طلقها لانه مقدرش يتحمل اكيد شك فيها
شيكا: لو ده حصل اكيد هيطلقها
مؤمن: لو اطلقوا احنا لازم نرجعهم لبعض
شيكا: ده الي هو ازاي لو طلع فعلا بسبب خالد ووساخته
مؤمن: انا وانت علينا نثبت براءه اختي ووقتها يرجعوا لبعض
شيكا: مؤمن انا محترف اني اكشف اوقات الخيانه والغش لكن من المستحيل القي دليل يثبت عدم الخيانه
مؤمن بنفعال ونبره قويه : وانت لازم تحاول
شيكا: حتي لو لقيته اسامه مش هيرجع لاختك مش هيحصل
مؤمن: وليه لاء
شيكا: لان يمكن سبب الطلاق مش خالد وجايز الخيانه منه هو في حق اختك
………………..قصص منه محمد كاتب……………..
في العياده وقت الاستراحه ماشيه بتشرب كوبايه شاي تلفونها رن برقمه
زينب ردت: الو
خالد: مدام زينب هو مش اجازتك بكره وبصراحه اجازه كمان الاولاد وقررنا نخرج في جنينه لانهم حاسين بالملل مش عايزه تيجي من زمان مشفتيش هادي
زينب: خالد بيه هو انت مسمعتش كلامي
خالد: اكيد سمعته وفاكر لما قولتلي هتاخدي الطريق الصعب وتقدري تعملي الي تعمليه بس انا هاخد الطريق السهل
زينب : انا هاخد مكان زميلتي عشان حصلها ظروف
خالد : ده خبر وحش كنا بنخطط نعمل حفله شوي اعتذرلها
زينب بيأجاز: اسفه جدا مش هقدر سلملي ع هادي بالنيابه عني
………………….في النادي………….
اسامه رحلها وجري معاها في التراك وقالها: حلو الجري في التراك منعش يساعد يصفي عقلك
بسمله كملت جري لوحدها وهو وقف ونداه عليها: بسمله
بسمله وقفت مكانها ولفت بصتله بغيظ
اسامه جري وسابقها وهو بيقول بضحكه مستفزه: خلاص اخدت اجابتي
بسمله راحت قعدت جنبه وبصتله بصه كلها غيظ: تعرف تبعد خالص عني بدل ما اعمل معاك الجلاشه
اسامه بضحكه: ده انتي لسه زعلانه اوي مني
بسمله: وهي هتفرق
اسامه: طبعا تفرق
بسمله: طيب
اسامه ضربها في كتفها: ماخلاص بقي والله العظيم بحبك اوي انتي متعرفيش انتي بالنسبه لي ايه انتي حياتي
بسمله: ولما انا حياتك ازاي قدرت تبعد تاني عني بعد ما اتقابلنا
اسامه: هو انتي مفكراها سهله عليا وقبل ما تصدري حكمك بحرماني منك اسمعي دفاعي الاول انا كنت في انهيار كامل بس وعد مش هبعد عنك تاني وهكون قريب بستمرار ومش هفرط فيكي مهما حصل لاني بحبك حب صافي وربنا يعلم اد ايه
بسمله: اسامه وانت بعيد انا كنت في مشاكل وكنت اتمني تكون جنبي لاني محتجالك فيها اكتر من وقت تاني ع الاقل اقولك الي بعاني منه لان ده من حقي عليك ولا انت شايف عكس كده
اسامه: ليكي كامل الحق بسمله وصدقيني انا نفسي نكمل باقي حياتنا مع بعض وتكوني ام عيالي نفسي لما اصحي من النوم الاقي ابتسمتك الجميله قدامي نفسي في كل حاجه فيكي عشان كدا هتجرء واقولك نفسي فيكي
بسمله : وانا اكتر منك واظن عارف
اسامه: عارف فـارجوكي متزعليش مني وفهميني خالد عمل معاكي ايه
بسمله: خالد اعلن عليا الحرب و معملش كده عشان الشغل وبس هو بينتقم عشان رفضته ومش بس كدا لما خسرناه انا وانت الفندق وهو متعودتش يخسر قدام حد خصا قدامي
اسامه: هو ع فكره بيشبهك شويه يعني في شغلك بتقفي قصاده بكل اسلحتك
بسمله بعصبيه خفيفه : هو الي بدء مش انا وانا طبيعي اعمل كل جهدي للدفاع عن حقي
اسامه: مفيش داعي تنفعلي وتتعصبي انتي معاكي حصانتك لمنافسه اي حد
بسمله: ولو قوينا سوقنا التجاري ده هيكون بمثابه حصانه اقوي
اسامه: لاء ده كده هتبقي متسلحه بقبضان حديد ومش عايزك تقلقي احنا هنكسب طول ما احنا مع بعض وايدينا واحده وقلوبنا واحده
بسمله: هو فيه سبب تاني للحرب دي بسبب زينب هو قرر يهزمني عشان يدوسك لانك معايا
اسامه بصلها وضحك بصوت خفيف
بسمله بغيظ: بتضحك ليه عشان توريني انك مش مهتم بخصوصها
اسامه بصدق نابع من قلبه : لا مهتم وبتمني لها الافضل وحقيقي عايزها مبسوطه في حياتها
بسمله بنظرات استغراب : وليه كأنك بتتكلم عن واحده غريبه
اسامه مسك ايدها بلطف : وهي بقت غريبه عني دلوقت وانتي الي قريبه
بسمله مدت شفايفها لقدام : اه وانا بقي المفروض اقع من كلامك الحلو صح
اسامه شد شفايفها و ابتسملها : اعترفي انك هتقعي من كلامي الحلو وبعدين احنا ممكن ناخد قرض وانتي في الحفله
بسمله: اسامه هو انت سرقت موبيلي من ورايا
اسامه ضحك: لاء سمعت من اختك ان فيه حفله وكلها رجال اعمال تقال لو اخدنا قرض هيطلعنا من الورطه الي فيها الشركه
بسمله: سيبك انا مش رايحه الحفله دي
اسامه: لاء روحي ليه متردده وكانها مسأله معقده فكري وانا هساعدك
بسمله بصت في الارض: لانها حفله لثنائي وكل واحده هتجيب حبيبها او جوزها وانا مش عايزه اروح لوحدي وحد يضايقني
اسامه مسك دقنها بلطف: وليه تروحي لوحدك انا اروحها معاكي
بسمله بمرح : ونلكم خالد
اسامه: تعرفي ان انا متوتر وانا بقولك كده
بسمله: وانا بقولك كده عشان اسحب منك التوتر
اسامة: تمام نروحها سوي
بسمله: بس كلهم من عائلات غنيه وكل واحد فيهم يفتخر هو من عيله مين وانت ممكن متحسش براحه لو روحت
اسامه: هو بصراحه فعلا لو ده الوضع 50% مش هبقي مرتاح اصل انا مش من عيله غنيه بس بفتخر اكون مين وتقدري ترفضي لو حبيتي
بسمله: هو انت مش ناوي ترجع ابدا الامارات
اسامه وهو بيقوم بخبث : لو لقيت لي واسطه هسيبك واسافر ( رش عليها ميه وهي اتغاظت وقامت تجري بغيظ وراه
…………….قصص منه محمد كاتب………………….
في المكتب
خالد: تقصدي ايه من كلامك هو مش المحامي خلص كل حاجه وخلصنا
انغام: وانت لازم تحافظ ع وضع العايله واسمها الي مرتبط ع كلمه منك
خالد: اعملي الي تعمليه واتحملي النتيجه
انغام: وده الي انا عايزه
خالد بنرفزه : هو انتي عايزه مني ايه
انغام: تديني شقه ومول اشغله ومش هبقي طماعه واطلب فيلا كبيره
خالد: عايزه تكسبي مني لـ اخر لحظه واوقع
انغام برفعه حاجب : انت عارف اني جشعه وطماعه وانا مش هقدر البي طلباتك لانك بتحب الستات بكل انواعها
خالد: انغام ممكن توقفي كلامك واتهامك
انغام: وانت ليه المره دي واخد كلامي ع صدرك ولا فيه واحده رفضتك
خالد: بتقولي ايه انتي انا خالد مترفضش
انغام: يمكن طلعت مش سهله زي ما توقعت لازم تحاول توصلها اكتر وتلين دماغها
خالد: يبقي انتي الي شاورتي عليها لـ امي
انغام: بالظبط ماهي لازم تفتح عنيها ع ابنها الي ساب بنت بياع اللحمه وتشوف هيرتبط بمين
خالد: موافق ع طلباتك فيه اي اوامر تانيه
انغام: ميرسي يا خلودي
خالد: تمام يبقي مشفش وشك تاني لان وقتها هتزعلي مني اوي
انغام ابتسمت واخدت توقعيه وقامت رمتله بوسه في الهواء وشاورت له اي وغمزته
………………………….قصص منه محمد كاتب………………..
واقفه تغسل المواعين سمعت الباب بيخبط
زينب من وري الباب: مين
الصوت: انا من مكتب خالد بيه
زينب فتحت وشافت معاه كياس كتير سألته: ايه كل ده
الراجل: ده من فوقيه هانم
زينب: انا مش محتجالهم ارجوك خدهم
الراجل: هتحطيني في مشكله لو رجعهتم انا اسف
زينب لبست واخدت الاكياس في تاكسي وطلعت ع فيلا خالد وفي السكله اتصلت بيه
خالد: اهلا يا مدام زينب عامله ايه
زينب: الحمد لله
خالد: زينب انا عايز اعتذرلك عن اي حاجه وحشه ليا في دماغك
زينب: انا قريبه من بيتك ممكن تيجي
خالد: اه تمام مسافه السكه
زينب دخلت وحطت الحاجه لفوقيه وقعدت بعد تصميم منها
فوقيه: ليه رجعتي الهديه انا بعتهم كأعتذار مفيش داعي ترجعيهم
زينب: وده اعتذار كتير عليا ولا يمكن اقبله
فوقيه: ومكنش المفروض تجبيهم بنفسك
زينب: بصراحه عملتها حجه اشوف هادي ولقيته سبب
فوقيه بأحراج : انا كنت مزودها معاكي انا اسفه بس انا مسؤله عن العيله وبخاف عليها جدا عشان كده كبرت وكبرت انا كمان معاها
زينب: ربنا يديكي الصحه
فوقيه: استني دقيقه هادي زمانه راجع مع اخواته من المدرسه
هادي دخل وهو بيلعب مع اخته الصغيره وشافها جري عليها: زينب
زينب ضمته اوي: عامل ايه يا هادي واضح انك طولت شويه
هادي: كنت باكل كتير
زينب قرصته من خده وضحكت: شاطر ايوه اهتم بصحتك
زينب اخدت هادي وقعدت بيه في الجنينه وفضلت تعلمه يرسم ويلون لحد ما خالد وصل
هادي جري عليه: بابا
خالد ضمه: حبيب بابا قضيت وقت جميل مع زينب
هادي: ايوه ورسمنا ولونا
خالد بصلها : انتي ماليانه بالمفاجأت يا مدام زينب
زينب: لان الاعتذار كان كتير عليا وعشان كده رفضت اخدها وطبعا عارفه انه عيب نرجع هديه عشان كدا جيت بنفسي
خالد : وياتري امي رضتيك وقدمت لك اعتذار
زينب هزت له دماغها: ايوه
خالد : انا شايف انها بتحبك لانها نادر لما تعتذر للناس وعارف انه شئ غريب ان اقول قلبي دق لما شوفتك قدامي حسيت اني بقالي يما مشفتكيش وحسيت كمان انك هاديه ومرتاحه وطبيعيه وده بيخليني متوتر
زينب : متوتر ليه
خالد : لما خلتيني كملت كلامي و متعصبتيش وكررتي انا مش هبقي لقمه سهله ولا عملتي الي عملتيه
زينب بأبتسامه واسعه: يعني لازم اتعصب وازعق
خالد ضحك: مش ده الي عودتيني عليه
زينب: بس المره دي انا كنت فعلا مشتاقه اشوف هادي وبصراحه عرفت مش انا الشخص الي اهتم بهادي كان هو الي بيهتم بيا وبيهون كتير عليا
خالد: هو ممكن اتكلم معاكي شويه
زينب: اه اتفضل
خالد: فيه حفله ولازم احضرها وكنت بفكر اعتذر المره دي ممكن تحضريها معايا ولا تضايقي بسبب اسامه لانه رجع من الامارات شكلك متعرفيش
زينب كشرت بضيق وقالت : احنا مفيش بينا سبب عشان يتكلم معايا خلاص انتهينا
خالد: انتي فعلا مش ناويه ترجعيله
زينب: انا الي طلبت الطلاق وهو بصراحه حاول معايا لحد النهايه بس انا لابفكر ارجعله ولا ابص ورايا او حتي ازعل عشان مع حبيبته الي اتمناها من سنين عشان كده عمري ما هسامحها ونفسي انتقم منها ع عجرفتها ووقحتها بس الي اكيد لا انا ولا هي هنتقابل تاني وهفضل اكرها وادعي عليها لحد ما اموت
……………………قصص منه محمد كاتب…………………..
يوم الحفله اسامه لبس بدله شيك جدا وطالع قمر اربعتاشر ووقف بالعربيه وبسمله نزلت لابسه فستان طويل لونه موف وكات ولمت شعرها ديل حصان وكانت فاتنه
اسامه بصلها بأنبهار ومدلها يده: يله بينا
بسمله ابتسمت وركبت العربيه وهو مال بجسمه عليها ربطلها الحزام وبصلها شويه وراحت عيونه ع شفايفها ونفسه يقطفها بس اتمالك نفسه واتعدل مكانه
بسمله مسكت ايده: استني البس دي الاول
اسامه اخد منها العلبه وفتحها لقاها ساعه رجالي ماركه غاليه جدا اتردد شويه
بسمله بكدب : كنت اشترتها بابا بس هو مش عايزها لانها صغيره شويه ومش عايزه ارجعها ومش ضروري تلبسها لو مش عجباك او محبتهاش او مش عايزها براحتك
اسامه فهم نيتها وابتسم وقال: لاء عايزها وبحبها وعجباني
بسمله: متفهمنسيش غلط اعتبرها هديه قصاد الورد
اسامه : تعرفي كنت هبقي اهبل اوي لو سبت حد غيري يحبك
بسمله: وانت حبي وقدري وهفضل احبك لحد ما تفارق روحي جسمي
اسامه مسك ايدها وباسهم وقال :بعيد الشر يا روحي
………….
في الحفله خالد دخل ومعاه زينب ووقف وقالها: استحملي ساعه عشاني او اقل
زينب: معاك
خالد: تعرفي حياتي كانت تصعب ع الكافر وانتي عارفه
زينب: لاء معرفش( ضحكت) بهزر
زميل خالد : اهلا يا خالد عامل ايه
خالد: انا زي الفل اقدملك مدام زينب
زميله مد لها كف ايده: اهلا يا مدام زينب اشرفت بمقابلتك
زينب حطت ايدها في ايده : اهلا وسهلا
زميله: فيه اشاعه بتقول انه لعيب بس ده مش صحيح
خالد: لاء انا لعيب ومحترف ومعروف عالميا وبلاش ولا عايزني ابدء بفضايحك
زميله ضحك: لاء وع ايه خالي الطابق مستور
في الخارج
بسمله: اسامه فيه ناس احتمال متحبهمش جوه يعني بطبيعتك الي انا عرفاها
اسامه: احنا هنا عشان القرض الي عايزينه مش نحكم ع الناس ثم خليكي حذره لما تناديني تقولي يا استاذ اسامه
بسمله: انادي عليك دلوقت
اسامه: مش عايز حد يعرف علاقتنا وياخدوها واحده عليكي يله بينا يا بسمله هانم
اسامه علق ايدها في دراعه ودخلوا وبيلف شاف نظرات زينب الي كلها غل وحقد عليه وبسمله بتلف تشوفه عيونه ع مين لقت زينب بصتلها بحتقار وطلعت تجري ع الشارع
بسمله بصت لـ اسامه: انت كويس
اسامه: احنا هنا عشان مهمتنا
اما خالد طلع يجري وراها ومسكها: زينب
زينب بنفعال عليه : ليه مقولتليش ان الست الحقيره دي جايه مع اسامة انطق ليه مقولتليش
خالد: اهدي يا زينب
زينب نزلت ايده عنها بعصبيه : سبني
خالد: متجريش بعيد مش انتي الي المفروض تهربي الست الوقحه الي شايفه نفسها احلي واحده في الكون جوه مع الراجل الي سابك عشانها تقدري تقفي وتلعنيهم مش تهربي اقفي وواجهي وافضحيهم معقول هتفضلي تهربي وتكرهي بس من بعيد طول حياتك
زينب بعدم فهم: عايزني اعمل ايه
خالد: الفرصه جاتلك انتقمي منها وانا معاكي وهساعدك ورجاء سبيني اساعدك بس الاول لازم تبقي هاديه
زينب: انا هنزل واسلم عليهم والعنهم بس بطريقتي
استوب ومنتظره رايكم واتري زينب هتعمل ايه في بسمله واسامه
- يتبع الفصل التالي اضغط على ( رواية اللقاء الثاني) اسم الرواية