رواية معشوقة المنتقم الفصل الرابع عشر 14 - بقلم سما احمد
💕معشوقة المنتقم💕
البارت الرابع عشر
في فرنسا
استيقظ مؤيد وهو يشعر بصداع رهيب في رأسه فضغط عليها بقوة واستغرب المكان الذي به ليست غرفته هذه ولا بمنزله كله وقف وخرج يتفقد المكان فوجدها تجلس وتضع قدم علي الأخري وتشرب قهوتها وكل تفكيرها بذلك الشاب الذي بالداخل
سيرين لنفسها
=وبعدهالك يا سيرين هتفضلي لحد امته هربانه هنا وسيبه الجمل بما حمل ل ياسمين ان مرجعتيش عشان الشاب اللي جوه ده وترجعيله حبيبته ارجعي عشان سيف وياسين
تنهدت بصوت مسموع وهي تحرك رأسها
=مش دول سيف وياسين ولادك حبايبك اللي من دور مؤيد ارجعي ووضحي ليهم مين هي ياسمين اه لازم ترجعي وتشوفي بنت اختك جاكلين زمانها كبرت الوقتي دي ملهاش غيرك بعد ستها وجدها اللي رجليهم والقبر صح ارجعي يا سيرين
مؤيد مخرجا اياها من افكارها
=سيرين
نظرت له وابتسمت ثم وقفت وذهبت احتضنته فحاوط خصرها بسعادة ليسمعها تقول
=جهز نفسك الأسبوع الجاي هننزل مصر انا موافقه علي عرضك
مؤيد بإبتسامه
=انا تحت امرك بس قوليلي اسمها
سيرين بشر
=ياسمين ياسمين مرات سمير المنشاوي
نزل اسمها كالصاعقه عليه
في القاهرة
كان خالد يجلس براحه بعدما امضي العقد مع ياسين وهو يفكر بطريقه ليقترب منها
خالد بخبث
=لقيتها مفيش غيرها نورسين المنشاوي
ومسك فونه ورن علي احدهم قائلا
=سيف بيه ازيك معاك خالد الفيومي
انهي المكالمه وجلس ينظر امامه اغمض عينه يتذكر عفويتها كلامها ضحكتها فتح عينه
خالد بحزن
=اه منك يا حالا انتشتليني من ضلمه ترميني في سواد اسوأ
في المساء
كان ينام وهو يحتضنها اما هي كانت تنظر له بعشق وتبتسم مهلا لا تحبني يا بني آدم يكفي وجودك يكفي هذه الحنيه ليذهب الي الجحيم اي حزن او دموع تزرع بيننا اعدك ان سأبذل قصاري جهد لنظل هكذا اقتربت وقبلته برقه من شفتيه ثم ابتعدت واعادت شعره عن عينه
جاكلين بهمس
=بموت فيك يا سيف
ووقفت ذهبت للحمام اخذت شاور ثم خرجت وهي تلف حولها فوطة صغيرة وذهبت لغرفة الملابس استغربت كيف ظبطوا الحقوا وهم بالأسفل ابتسمت
اخذت بنطلون أسود وبلوزة واسعة خضراء بكم بعد الكوع بقليل وارتدت حذاء رياضي وجمعت شعرها لأعلي خرجت وجدته مازال نائم كأنه لم ينم هناك لا تعلم انه يظل مستيقظ امامها يتابعها بخوف ان تتركه بدأت تمشي يدها بشعره وتحدد لحيته
جاكلين بحنيه
=سيف حبيبي قوم يلا سيف
بدأت تلكزة فتململ وفتح عيناه وجلس قائلا
جاكلين وهي تكور وجهه
=يا حبيب مامي يلا عشان مامي جعانه اوي اوي
سيف بحدة وهو يرفع حاجبه
=والله عيل انا يا هانم
قبلت كلتا وجنتاه فأتي ليتحدث قبلت شفتيه برقة وابتعدت فأبتسم قائلا
=ايوه كدة اتظبطي
جاكلين بطفولية
=يلا بقا جعانه يا ناس جوعتني انت وابنك
سيف بخبث
=طب ساعديني اخد شاور سريع وننزل تاكلي براحتك
جاكلين بصراخ
=سييييف يا سااافل
حملها بين يديه وذهب للحمام وهي تضرب صدرة فقال
=بطلي التفكير الوحش دا فيا هتقعدي بهدوء واحترام
عضت كتفه بشراسه قويه فانزلها لتجري لغرفة الملابس واغلقتها عليا فقال بصوت عالي
=ماشي يا جاكي قدامنا الليل طويل وهنفخك ههههههه
ضحكت هي الأخري وهي تضع يدها علي قلبها الذي عاد يطرق كما سبق
بعد وقت
كانوا الفتيات الأربعه يجلسوا سويا في الحديقه اما ياسمين فلم تكن بالمنزل في الأساس وسيف وياسين سويا بالمكتب
فجأه قطع الصمت صوت رائع وكانت نورسين تغني وهي تتذكر ذلك الحقير كما تنعته مؤخرا
"عامل ايه في حياتك يا حبيبي
طمني عليك
انا ذكرياتك حب عمرك اللي مش ناسيك
عامل ايه في حياتك يا حبيبي
طمني عليك
انا ذكرياتك حب عمرك اللي مش ناسيك "
اردفت حالا بحزن دفين
"واما بتضايق دلوقتي بتكلم مين
مين حبك في الدنيا دي قدي وارتحت لمين
دا انا وانت كنا بنفهم بعض من نظرة عين
عامل ايه في حياتك يا حبيبي
طمني عليك "
اكملت نورسين
"انا ذكرياتك حب عمرك اللي مش ناسيك
انا بسأل دايما يا حبيبي اخبارك ايه
وبقول للي بيروح او يجي
سليملي عليه
انا نفسي اعرف لو لسه فاكرني فاكرني بأيه"
وصمتت كلا منهما فقالت جاكلين بمرح
=قفشتك يا نورسين بتغني لمين
نظرت خلفها لتتأكد ان لا احد اتي واردفت ببرود
=مؤيد بيه
حالا بصدمة
=انتي جريئه اوي
نورسين بضحك
=جريئه وقويه لدرجه اني ممكن اقتل ياسمين هانم ببرود
شهقت الثلاثه بصدمة كيف لها ان تقول هكذا علي امها اما نورسين نظرت امامها ببرود حتي اتي سيف وياسين
سيف بغمزة
=مش يلا عشان ترتاحي يا جاكي ولا ايه شكلك تعبانه
اتسعت عيناها بصدمة من جرأته فضحكت نورسين وياسين
حالا بضحك
=اقعدوا شويه اقعد يا سيف ربنا يهديك
جلس بجانب جاكلين وياسين بجانب حالا التي نظرت له بنظرة ناريه واشارت علي ماهي لم يعبأ لشئ
سيف بجديه
=نورسين جايلك عريس
نورسين بإستفزاز
=بيربي فراخ اصلي متربية علي الغالي لازم يغذيني
ياسين بنفس الجدية
=مش بنهزر والمرة دي ابن عيله ام ميته وعايش مع ابوه مستقل بنفسه ووحيد واسمه خالد الفيومي لو تعرفيه
نورسين بجمود
=موافقه
سيف بجدية
=هو جاي بكرة اقعدي معاه
نورسين وهي تقف
=ماشي
شدها سيف لتجلس مرة اخري اما حالا كانت في حالة صدمة زهول غيرة هل هل سيصبح ملك غيرها لن تقدر علي المكوث والمقاومه
نورسين بلامباله
=صحيح مؤيد عامل ايه فين اراضيه
سيف بحزن فهو قريب جدا منه
=مش عارف وحشني الغبي
نورسين بسخرية
=متشوفش وحش يا اخويا اما اقوم انام ايه ده ياسمين هانم جايه علي هنا خليني شوية
وصلت ياسمين لهم فمسكت جاكلين ملابس سيف الذي حزن فقالت ياسمين
=متجمعين ليه
نورسين بسخريه
=ظروف بس ايه اللي مطلعك متأخر ايه في مخطط خبيث ولا طفل توهمي امه انه مات
قالتها بسخرية اشد وخبث واضح فبدت مبهمه للكل الذين استغربوا من حديثها انحني سيف لأذن جاكلين
سيف بهمس
=متيجي نطلع في مواضيع لازم اخد رأيك فيها وهيطول شرحها طول الليل
جاكلين بعدم فهم
=مواضيع ايه
سيف بخبث
=يعني مقاسات الهدوم بعد الحمل والامكانيات اللي احلوت بعد الحمل
ضربته بيدها بغيظ فاردف
=انتي ناسيه هتاخدي شهر ونص اجازة بعد الولادة وانا هولع بفكر اتجوز عليكي لما ترجعي
جاكلين بغيظ
=روح اتجوز من الوقتي
سيف بغمزة
=واضيع حلاوة الحمل دي بتهزري
جاكلين بعبوس
=معتش تكلمني يا سيف نهائي فاهم روح اتجوز
ووقفت لتذهب فحملها بين يديه قائلا
=عن اذنكم يا جماعه
ضحكوا عليهم كلهم الا ياسمين التي توشك علي الإنتحار من ابنة شيرمين
في غرفة ماهي
كانت تقف مع ياسين التي اخبرته انها تريدة ضروري جدا ومسحت دموعها كلما تساقطت
ياسين بحدة
=انتي جايباني هنا عشان تعيطي
ماهي وهي تنظر له
=لا انا جايباك هنا عشان اقولك اني عرفت من غير ما تقول انت جايبني ليه
ياسين بسخريه
=وجايبك ليه ان شاء الله
ماهي بقهر
=عشان الطفل اللي في بطني مراتك بتعاملني كويس عشانه انتم عايزينه انا فهمت ليه بقالها اكتر من سنه ومخلفتوش عشان هي مش بتخلف مش كدة
واردفت بقلب مهشم
=خلاص سبني امشي وطلقني واما اخلف الطفل خدوه مش عايزاه
سحب يدها وقربها له صارخا
=هو ده اللي فهمتيه مني ومن حالا انا جبتك عشان الطفل طب كنت بدور عليكي ليه وانا معرفش انك حامل جربتي تسألي نفسك مرة يا هانم انا قولتلك بعشقك يا ماهي فاهمه يعني ايه ياسين المنشاوي يقول لواحدة كدة يعني هي اغلي من حياته وحالا ازاي تفكري في واحدة بتأكلك بإيديها كأنك اختها تفكير زبالة كدة عايزة تطلقي يا ماهي ماشي هطلقك بس هكمل واجبي وهتفضلي هنا لحد اما ابني يجي بعدين عايزاه خديه مش عايزاه سبيه
ونفض يدها وتركها وذهب اما هي جلست تبكي فما بيدها سوا البكاء
في اليوم التالي
كانت تجلس وتقضم اظافرها بغيظ وتنظر له وهو يعمل فهو حتي لا يتركها اخذها معه العمل وهي رأت الموظفات الرائعات وهي كالكورة وفجأة صرخت بغيظ
سيف بخضه
=في ايه
جاكلين بعبوس
=عايزة اروح روحني يا سيف يلا بسرعة
سيف بجدية
=طيب هرن علي السواق يروحك لنورسين وانا.....
جاكلين بغيظ وغيرة
=لا انت هتروحني وهتقعد معايا كمان مش هترجع شركة الأداب دي
رغما عنه انفجر ضاحكا فذهبت له ومسكت لياقته صارخه
=سيف انا واحدة حامل ومش عايزة اولد في غير معادي فاهم
رفع يداه لظهرها وجذبها اكثر قائلا
=بتغيري
تمردت دموعها وصمتت فشدها لتجلس علي فخذة ورفع يده وفك شعرها واقترب من شفتيها يقبلها وهو يبعثرة بيده وينهل من شهدها وحين ابتعد نزل لعنقها يقبله ويده اتجهت لأزرار قميصها يفتح اول اثنين ثم رفع رمود الكتروني وضغط علي زر ليغلق الباب وعاد يقبلها وهي تبادله وتمسك رقبته بين يديها وبعدته عنها بصعوبه فظل ينظر لها بعشق فقط الاعين تتحدث
جاكلين بهمس
=سيف يلا نمشي
سيف بهمس
=مش هقدر استني لما نروح
جاكلين بأعين ضيقه
=عشان خاطري
داعب انفه بأنفها بإبتسامه واومأ برأسه فاقتربت بخبث وقبلته بجانب شفتيه متعمدة لمس شفتيه وفي لحظة كان يعادو تقبيلها ويحملها لأريكه حولها لسرير
في المساء
كان ياسين يقف امام المرآه يعدل من مظهره ليستقبل عريس اخته
حالا بشرود
=هو ايه فايدة البوس بين الراجل ومراته الحبيب وحبيبته دا حتي قرف ايه المتعه في كدة
ياسين بخبث
=تعالي وانا اعرفك المتعه
حالا وهي تفيق من شرودها
=بعينك يا سافل
ياسين بحدة
=انا سافل طب وربي لبوسك من بؤقك يا حالا الكلب
واتي يقترب فصرخت وجرت وهو خلفها نزلت من علي السلم وهي تصرخ بقوة وهو خلفها يجري كشاب مراهق لم يري العريس الذي حضر لتوه ولا للكل ولا حتي ماهي
ياسين بعصبية
=خدي يا بت هنا
حالا بصراخ
=بعينك يا سافل
ياسين بحدة
=سافل طب وربي لابوسك من بؤقك امسكيها يا نورسين
حالا بصراخ اشد
=عااااا ابعدي يا نورسين يا سافله ذي اخوكي
نورسين بضحك
=ههههههه راجل وعايز يبوس مراته
حالا بتوعد
=ماشي يا نورسين الكلب هو....
مسكها ياسين وحاوطها وهو يضحك بقوة اما هي كانت تتلوي بين زراعيه قائله
=والنبي سبني يا ياسين ابعد بالله عليك عااااا يا نووورسين ابعديه
ياسين بضحكة رنانه
=ههههههه ابدا ابوسك الأول من بؤقك
اغتاظت منه فرفعت رأسها وعضت وجنته بقوة فصرخ وهي لا تتركه اما نورسين فانفجرت ضاحكه هي وجاكلين وسيف رغما عنه اما خالد الذي كاد يجن وهشم هاتفه بين يديه وماهي التي تشعر بقلبها يهشم وتكاد تجن
ياسين بصراخ
=وشي يا بنت المجنونه
ضربته بكوعها فابتعد وانفجرت ضاحكة وهي تخرج لسانها له قائله
=ههههههه بص علي ادك يا اللي زمن هدك جاي تلعب مع حالا
ياسين وهي يفرك وجنته
=انا جوزك يا بنت المجنونه
حالا بغيظ
=اتجوزت قرد جوزي تبوسني عيني عينك غصب عني
ياسين بحدة
=تعملي كدة في وشي تمشيني بعلامه
حالا بتفكير
=هصالحك بس متخمش وعد
ياسين بإبتسامه
=وعد
اقتربت ووضعت يدها علي فمه وقبلته من وجنته بقوة ثم ابتعدت فأبتسم بحنيه
سيف مقاطعا بمرح
=لو خلصتوا جو روميو وجوليت تعالوا هنا
نظر كلاهما في نفس الوقت ليري ماهي تمسح دموعها ولمحت يد خالد تنزف وعروقه بارزه لكن ليعلم انها لن تصبح له وهو الآن سيتزوج اخت زوجها
ذهبت وجلست مع ياسين ثم رأت ماهي لتلعن نفسها
جاكلين بهمس لحالا
=هبطتي الراجل عشان بوسه يخربيتك
حالا بهمس لها
=صح مين بتتكلم اللي ادتها ليه قدام الكل
جاكلين بضحك
=والله شكل كل اللي في البت دي قلالات الادب
حالا بضحك هي الاخري
=انتي بتقولي فيها
استمعوا لهم وكاد قلبها ان يخرج من محله وهي تراهم يحددوا وقت الخطوبه بعد يومين تجمعت دموعها رغما عنها ووقفت استأذنت وذهبت تبكي في الحمام وحدها
مر اليومان
اتي يوم الخطوبه كانت تقف وحدها وتراه يلبس نورسين التي يبدو عليها الجمود التام الخاتم كم تمنت ان يلبسها له مؤيد لكن امنيتها كانت سابقه
سيف بحزن
=جاكي فكي بقا
كانت تمسح دموعها كلما تمردت فشدها ليذهبوا للحديقه وجلس بجانب شجرة شدها لتجلس بحضنه
سيف وهو يمسح دموعها
=هسافر عشر أيام ونورسين انا قولت ليها مش هتسيبك وحالا كمان الاتنين هيناموا معاكي في اوضتنا وهكلمك علي طول هسهر والكاميرا مفتوحه كأني معاكي وهيفوتوا بسرعة
جاكلين ببكاء
=هتوحشني اوي يا سيف
زاد من ضمها وهي تبادله وتدفن وجهها بعنقه فبدأ يحرك يده علي ظهرها لتهدأ
سيف بوقاحة
=بقي هتقلبيها كدة بدل ما نطلع اوضتنا نعيش لحد اما يجي بكره
جاكلين بعبوس
=انا بعيط يا أستاذ وحضرتك بتفكر في قلة الأدب
سيف بغمزة وهو يبعد وجهها برقه
=بزمتك في احلي من كدة
جاكلين بصراخ
=سييييف
حملها ووقف قائلا
=دا احنا فينا من سيف اما نشوف الموضوع ده فوق
ضحكت رغما عنها من حركاته
في اليوم التالي
كان سيف ينام وهي بحضنه تبكي كالطفلة وتمسك ملابسه قائله
=مش هسيبك تمشي يا سيف
سيف بحنيه
=اهدي يا جاكي
اكملت وتيرة بكائها وهي تدفن رأسها بصدرة فقبل رأسها وحضنها بحنيه يهدئ من روعتها حتي بدأت تهدأ ثم استسلمت لسلطان النوم فاعادها عنه وانحني يقبلها ثم وقف واخذ شنطته ونزل وبحدة خبط المنضدة
سيف بفحيح
=وربي ان رجعت ولقيت خدش في جاكي خدش بس ل الكل هيندم لا يهمني ام ولا اخ ولا اخت مفهوم
وحمل شنطته وذهب فصعدت نورسين لغرفته وجلست بجانب جاكلين تمسد علي شعرها
نورسين بحزن
=ياااه يا جاكلين لو كنا اتولدنا وعيشنا مع اهلنا الاصليين كان زمان انتي وابيه سيف بتحبوا بعض من زمان وانا كنت هعيش مع اكتر انسانه كرهتها بسعادة كان يمكن اهلنا متقتلوش
تمردت دموعها في صمت ونامت بجانب جاكلين تحضنها فاكانتا رائعتان
دخلت ياسمين بعد نوم الكل عليهما فهي تأكدت من نوم حالا مع زوجها اليوم وبيدها سكينه
ياسمين بخبث
=تم تهجم مجرم بمساعدة بعض الحراس ودخوله لغرفه سيف المنشاوي وظنه انه وزوجته وقتل ما بها وكانوا زوجته جاكلين السيوفي واخته نورسين المنشاوي
وحركت السكينه بيدها ورفعتها واتت لتنزلها خبطت في شئ وسحبت منها لتجد نورسين تستيقظ وتجذبها من شعرها
نورسين بفحيح
=بقا جايه تقتلي بنت سيرين ههههههه الشر بعينه انا اي بكرهها بس بنتها اعمل ايه والوقتي هوريكي
وخبطتها بالسكينه في زراعها ودفعتها للخارج صارخه
=لو اتكررت لينا تصرف تاني سوا يا حلوة
واغلقت الباب بقوة وفتحت النور وجلست بضعف ويدها تنزف فهي اصابتها حين انزلتها جلست تبكي من الألم فهي بالرغم من قوتها الا انها فتاة استيقظت جاكلين وشهقت
جاكلين بخضه
=دم في ايه
نورسين بهدوء
=هششش قومي ساعديني اربط ايدي مفيش حاجه
كانت جاكلين ترتعش ووقفت تضمد جرحها وهي تكاد تموت خوفا وحين سألتها اخبرتها انها ستقول في الوقت المناسب ففهمت جاكلين من لكن تفكيرها اخبرها مستحيل ام تفعل هكذا
**************************
كدة البارت الرابع عشر خلص
- يتبع الفصل التالي اضغط على (رواية معشوقة المنتقم) اسم الرواية