رواية اللقاء الثاني الفصل الخامس عشر 15 - بقلم منة محمد
زينب رجعت مع خالد وقربت من مكان بسمله واسامه
زينب: كانت سفريتك عامله ازاي في الامارات
اسامه بص للفستان الغالي ورد بهدوء: شكلك كويسه
زينب بصت لبسمله بحقد وقالت: وانتي متفاجئ بسبب وجودي هنا معاكم
بسمله ابتسمت: شويه ( بصت لخالد) وانت كنت عارف اني هنا فجبتها مش كده
خالد: وانا مكنتش اعرف ان استاذ اسامه هيكون هنا اصلها حاجه متتصدقش يا ريسه
اسامه: انا قررت اكون معاها كنت عايز اعرف الي بيحصل مع الناس الي من طبقات عالية
خالد بضحكه: احنا بنتكلم عن البيزنيس والستات والاشاعات الوحشه
نفس الشئ الي بيحصل مع اصحابك
اسامه: لاء الامر مختلف احنا بناقش العلاقات الطيبه عن اكل العيش والقرش الي بيجي بطلوع الروح وحاجت كتير طبيعيه
خالد: وانا احب اشارك في اللمه دي
زينب مسكت ايده: خالد خلينا نمشي( لاسامه) اشوفك بعدين
اسامه عيونه ع ايدها وقال: مع السلامه
خالد: اتمني اشوفك تاني بسمله هانم
بسمله: انا كمان يا باشمهندس خالد
اسامه بصلها: انتي كويسه
بسمله: خالد بيحاول بكل جهده يخبطني
اسامه: خليكي هاديه وعايز تبقي راس حاربه ومتخافيش من حد
……………………قصص منه محمد كاتب……………
ع تربيزه في الحفله
مدحت بترحاب وشياكه: ياه فات وقت طويل يا مديره شركه حورس متألقه كالعاده
بسمله بابتسامه حلوة : ميرسي ع المجامله اللطيفه دي اوي ومبروك ع خطوبتك انت وعروستك
البيت: ميرسي يا روحي عقبالك
بسمله: اعرفكم استاذ اسامه المدير التنفيذي لشركه حورس
الراجل: اه وسهلا
بسمله: اسامه اعرفك ده مدير البنك المركزي السيد مدحت
مدحت مد ايده للمصافحه: انا سعيد اني اتعرفت عليك
اسامه صافحه: وانا سعيد اني قابلتك
مدحت: ياتري سلمتوا ع خالد
بسمله: طبعا اتقابلنا اول ما وصلنا وسلمنا
مدحت بمرح : سمعت ان بينكم معركه داميه
بسمله: وايه الغلط في كده الشغل يما بيحصل فيه
خالد: يظهر نسيتي تضيفي حاجه ان انا فيها الضحيه
بسمله بسخريه: متبقش زي الطفل الباكي يا خالد بيه
راجل اخر: صح خد الامر ببساطه هو السوق كده يوم ليك ويوم لغيرك ( شاور بأيده ع زينب وقال) اه هي جايه مع خالد
زينب قدمت نفسها ببتسامه : انا زينب
بسمله: وانا بسمله
خطيبه مدحت : وانا خاب املي يا بسمله لما لقيتك جايه مع موظف عندك
راجل ما: وهي يعني مينفعش تيجي مع موظف عندها
مدحت خفف الجو وقال بهزار: اعذرونا ياجماعه احنا في الواقع اصحاب مقربين
اسامه بهدوء: وانا معنديش مشكله
مدحت: اسفين بجد لو ضايقناكم
زينب: لاء عادي انا بقضي وقت ممتع وعندي سؤال
مدحت: اه طبعا اتفضلي
زينب: السؤال متوجهه لبسمله هانم اصلي سمعت اشاعه غريبه وعايزه اسمع منها شخصيا
بسمله بهدوء: اشاعه وكانت بتقول ايه
زينب بعيون كلها حقد وشر : انك غويتي راجل متجوز وفرقتيه عن مراته وكتبتي النهايه لجوازهم
خطيبه مدحت بدفاع : ده مجرد كلام فارغ بالنسبه لي وعشان كده مقدرش ابدآ اصدقه
مدحت: الكل هيموت من الفضول ويعرف مين هو حبيبك يا بسمله
البنت بضحكه: اصلها اول مره تيجي ومعاكي راجل لحفله زي دي
زينب: وبسأل ياتري ده نفس الراجل الي جبتيه معاكي الحفله وهو المتورط في الاشاعه دي
اسامه اتخنق من كلامها وشرب كاس ميه وخالد قاعد مترصد للمشهد
بسمله: انا مش متأكده من الاشاعه دي
اسامه مسك ايدها من تحت التربيزه وضغطت عليها بص لبسملته ببتسامه وقال: دي مش اشاعه دي حقيقه انا هو الراجل صاحب الاشاعه دي بس يظهر انك فهمتي الامور غلط
زينب بصتله بتحدي: ايه هو الغلط
اسامه: سبب طلاقي مكنش ابدا بسمله هانم بس مراتي مبقتش تثق فيا حاولت ارجع الامور بيني وبينها بس جهدي مكنش كافي
زينب : وانت شايف بعد الي عمله كان كافي انها ترجع
اسامه: ايوه لان انا معملتش حاجه اخجل منها وحاولت بكل جهدي اشرح لطليقتي وارجعها لعقلها بس هي رفضت فطلقتها ومش ندمان ع اي حاجه حصلت خلال جوازي ودلوقت بحاول بكل طاقتي اكون راجل بحق لبسمله
زينب رغرغت عيونها بالدموع وبصت لبسمله بملامح مشعلله بنار الغيره
خالد قام من مكانه وقال: الجو يخنق هنا( مسك كف زينب) تعالي نطلع نشم هواء
……………………………..قصص منه محمد كاتب……………..
في التوالت دخلت زينب تسمح لدموعها تشق طريقها ع خدودها قهرها بيحرق روحها نفسها مكتوم قلبها حزين غصتها في حلقها جسمها بيرجف بشكل مؤلم بسمله زقت الباب ودخلت تعدل المكيب في المرايا التانيه وزينب مسحت دموعها بسرعه وضربتها بنظره كره وحقد
بسمله الابتسامه ماليه وشها: خالد ع طول كده انسان سخيف هو احيانا بيهزر هزار تافهه وانا مكنش عندي ادني فكره انك جايه هنا يا مدام زينب
زينب: وشكل وجودي ازعجك بس احنا مطلقين وهو معاكي واظن حقي يبقي معايا شريك ولا انتي مفكره هكمل حياتي لوحدي
بسمله: في دي عندك كامل الحق وعشان اكون صريحه وصادقه انا مش مرتاحه كتير دلوقت
زينب: بس ده غير متوقع هو سبق وكأن عندي ذره ضمير
بسمله: خالد بيعاملك كويس جدا وده وشه اللطيف بيعامل الواحده ببذخ من المال ويعاملها بكل اهتمام ويعمل المستحيل يوصلها مهما كان الامر
زينب بغيظ : فجاه بتعامليني ع اني تلميذه عندك وواقفه تنصحيها وشكرا ع درسك السخيف ولا ده حصل معاكي
بسمله: هو ده واضح
زينب بقرف وحقد وكرهه : اسامه مش هيبقي ليكي لان عنده كرامه وعزه فس الي سابك زمان عشانهم لما ابوكي اهانوا ورجعتي غوتيه واستغليتي عجزه وخطفتيه مني ودمرتي علاقتنا اني انسانه زباله قذره
بسمله وشها اتغير وقالت : مدام زينب مش ملاحظه انك بتتمادي كتير مع واحدة انقذت حياتك من الموت وشربت ميه كتير من البحر لما حاولت انقذك في عز الليل عشان كده حتي لو بتكرهيني عامليني بأخلاق
زينب رمتها بنظره احتقار: هو انتي اصلا عندك اخلاق عارفه لو كنت موت ولا روحت في نصيبه اهون عليا الف مره اعيش في جحيم زي الي انا فيه دلوقت وقريب هتعيشي نفس الجحيم الي انا عشته
…………………قصص منه محمد كاتب……….
اسامه قابلها وهي خارجه ووقف قدامها: ليه عملتي كده
زينب ابتسمتله بتهكم: وانت لابس ساعه غاليه جدا
اسماه: كنت هديه
زينب: حبيبتك سخيه جابتلك ساعه غاليه وواضح من مظهرك عايش حياه مرفهه يا سيد اسامه وسايبها وجاي تقف معايا ايه حبيبتك مش هتحس بالغيره
اسامه: ابوكي عامل ايه ومؤمن
زينب بغضب: ده ميخصكش انت مفكرني هقدرك لما تسألني عنهم
اسامه: اسمعي انا اخدت وقت طويل بالتفكير واحنا في اليونان اعتقدت لما تنتهي الخلافات الي بينا هاخدي خطوه لقدام زي لعبه الشطرنج
زينب: خطوه انت روحت اوضتها قدامي وانا كنت مستنياك انت الملام انت الي قتلت حبنا بايدك انت الي هدمت كل الي بينا
اسمه: لاء انتي بيعاني من قبل ده ما حتي اقابل بسمله تاني واخدتيها زي فرصه تتخلصي مني
زينب: انت بتتهمني اني مسكتها فرصه عشان اسيبك وابعد
اسامه: ايوه انتي اصلا مكنتيش عايزه تسافري معايا وانا اشترتلك تذكره بالغصب من هنا بدئتي الانسحاب من حياتي يعني انا الي مصدوم ومتفاجئ من واحنا في اليوان ومع ذالك رجعت البيت ع امل نقعد ونحل الامور حتي لو عانينا وعشنا انا وانتي وقت صعب
زينب: ايه ندمت انك معاها
اسامه: انا لايمكن ارجع خطوه وري عشان احس بالندم انا بعرفك الاخيتارات الي اخدنها واختارنها وخلتنا نوصل للي احنا فيه دلوقت سواء كانت صح ولا غلط
زينب: انت غلطان يا اسامه كان لازم ترجع شويه لوري لليوم الي طلبت ايدي فيه وانت قلبك وكيانك مع واحده تانيه
بسمله واقفه فوق ومتابعه الحوار ين اسامه وزينب
خالد جه ووقف قدامها: سمعت اشاعة انك محبطه بس انا مصدقتهاش وشكلها من غيرتك صح
بسمله: انت بتفهم دايما غلط
خالد: هو انتي مش هنا عشان تقابلي مدير البنك وتاخدي قرض
بسمله: انا هنا عشان اتفادي الخبطه
خالد: ودي مجرد خبطه ولسه هخبطك كتير
بسمله: وانت بتهديدك ده تكسرت انا كده تبقي بتحلم والصفقه الي اخدتها قطم وسط لكن مش قطع رقبه
خالد: بسمله الي فضلت عازبه سنين طويله جابت حته موظف مرافق ليها عشان بس تبان نها لسه مرغوبه ولا بتحاولي تستغلي الحشد ده من الناس تلعني ان اسامه هو حبيبك القديم
بسمله وواضح انك سعيد يا خالد
خالد بلع ريقه بخصوص ايه
بسمله قربت اوي عليه: عشان طرت مراتك انغام التافهه ودلوقت بتقضي وقت ممتع مع ست مطلقه وضع مريح
خالد: واو ثانكيو لحضرتك وبعدين زينب حره دلوقت بفضلك يا بسمله
بسمله: شكرا ع الملاحظه دي اني حطيت نهايه للثنائي ده عشانك يا خالد عن اذنك
………………………قصص منه محمد كاتب…………………
في العربيه
بسمله بصتله: شكرا ع الي قولته في حقي الليله
اسامه اتنهد بصوت عالي : وجهزي نفسك هتكوني تعبانه من دلوقت
بسمله: ليه انا
اسامه: الاشاعات حواليكي هتنتشر في كل مكان
بسمله: لو كانت الاشاعات حقيقه كان زماني دلوقت متجوزه 3 مرات وعندي عيال فريق كورة
اسامة: بس الاشاعه المره دي حقيقيه يا بسمله
بسمله: بس فيه ناس لسه ميعرفوش باقيتها كام مره استنيتك كام مره اشتقتلك وحشتني وانت متعرفش عن كل ده
اسامه: يعني ندمانه انك رجعتيلي
بسمله: هو انا لسه هفكر هندم ولا لاء
اسامه لف بكل جسمه ليها وضم وشها بكل حنيه وعيونه لمعو بعشق: وانا وعد مش هخليكي تندمي ولا تفكري في كل وقت وكل لحظه هتقضيها معايا واحبك اكتر من روحي
بسمله قربت منه لدرجه وشها بقي قريب من وشه : حبيبي انا من زمان فكرت بعقلي وبقلبي لقيت الاتنين عايزين نفس الشخص
اسامه قرب اوي منها يبوسها بس نغمه موبيلها فصلته عن بعض
بسمله سوق ع مهلك
اسامه اشوفك بكره يا قلبي
يارتي بكره مستني ليهم ايه وهل الخطه الجايه هتبقي الضربه القاضيه لبسمله واسامه من خالد وزينب
في شركه حورس داخل غرفه الاجتماع
ابراهيم: ده مفهوم مشروعنا الجديد برج سخني ضخم ع اعلي مستوي وده هيحقق نسبه ارباح كبيره للشركه
بسمله : تمام وامتي معاد التسليم النهائي
ابراهيم: يعني بعد حوالي ست شهور ويكون ع التسليم يا سياده الريسه
بسمله: بالتوفيق للكل ونتمني يرفع من مستوي الشركه في الوقت الراهن
ابراهيم : انا متفائل بالخير ان شاء الله
اسامه مدلها ملف وهو مبتسملها وقال : ممكن توافقي ع الطلب ده شخصيا
بسمله اخدت منه الملف وفتحته لقت ورقه مكتوب ممكن نخرج مع بعض يوم الاجازه من فضلك
بسمله قفلت الملف بسرعه قبل ما عيون ابراهيم ترشق فيه وقالت: مش عارفه هو الطلب كافي اني اوافق
اسامه بنظرات حب ورجاء : بس ده طلب مستعجل وطالب الموافقه عليه بوجهه السرعه
بسمله : هفكر في الموافقه
ابراهيم لـ اسامه: الموافقه ع ايه
اسامه خبطه ع صدره بخفيف: ده بس بينا ميخصكش انت
ابراهيم مسك دراعه : استني انت مش مروح معايا
اسامه ببتسامه كبيره : الاول اروح اتفرج ع الشقه الي ناويت اشتريها وبعدها ارجع الم حاجاتي من عندك واجهز نفسي اتأهل واخش دنيا
ابراهيم: الله يسهله ياعم
…………………………قصص منه محمد كاتب…………..
في منزل خالد فوقيه اتصلت بزينب عشان تراضيها
فوقيه: كنت بعمل شوبنج وقلت اشتريلك الشنطه دي واعتبريها هديه بسيطه انك اهتميتي بحفيدي كويس وعاملتيه كأنه ابنك وبشكرك بيها
زينب بخجل: انا معملتش حاجه وكلامك كفايه جدا عليا
فوقيه: ارجوكي متفكريش ترفضيها واقبليها بس لو مش عجبك ذوقي ممكن تبدليها للي تعجبك
زينب: لا مش كده بس
فوقيه قطعتها: لو مش هتاخديها زي المره الي عدت هزعل اوي وهاخد بجد ع خاطري
زينب: لو فعلا عايزني اخد الهديه هطلب اجي اشوف هادي اطمن عليه
فوقيه: طبعا انتي تنوري
خالد دخل بهيصه: زينب العيال بيدوره عليكي
زينب قامت: عن اذنك يا هانم والشنطه عجباني واعتبريني اخدتها
خالد تابع طيف زينب وهي خارجه وبص لفوقيه بغمزه: ايه رآيك فيها يا ام خالد
فوقيه بضحكه خفيفه: هي بسيطه ومش طماعه لو زي انغام كنت رفضتها بثلث من غير اي تفكير
خالد: وانا متفق معاكي
فوقيه: بس العيب الوحيد انها ممرضه ومن عيله فقيره
خالد: يا ماما انتي لسه قايله بعضمه لسانك انها مش طماعه مفيش داعي تعملي عليها حماه من دلوقت
فوقيه: تمام اطلع اقعد معاها وربنا يقدم الي فيه الخير
…………………..قصص منه محمد كاتب……………..
تحت قدام بيت بسمله اسامه وصل وزمرلها تنزل وهي نزلت ولابسه بنطلون كاتنج وعليه تي شيرته سوده كات وشعرها كحكه فوضويه بس طالعه كيوت وجميله واسامه لابس بنطلون كارجو بني علي تي شيرت اسود وكوتس ابيض في اسود وشعره كله ع وري طالع خطير وجذاب
بسمله بشقاوه: انا رايحه للشغل
اسامه: وانا خارج مع واحده كدا لابسه بنطلون كانتج وتي شيرت اسود وزي القمر
بسمله شدته من لياقه قميصه: هو انت متعرفش تفرق بين الحياه الشخصيه والحياه العمليه ولا ايه
اسامه بأبتسامه: يعني افهم بطرد
بسمله: امم هفكر شويه كمديرتك
اسامه ضحك وراح فتحلها الباب الي وري وقالها: تمام اركبي العربيه واقعدي في الكنبه الي وري وفكري في الي هتعمليه
بسمله: هو انت بجد عاوزني اطردك بسبب هزارك مع مديرتك
اسامة ابتسم ع مشاكستها اللذيذه وفتحلها الباب قدام وهي ابتمست وركبت جنبه وهي في منتهي السعاده الي يما اتحرمت منها واسامه طول الطريق يناغشها لحد ما وصلوا ونزلوا قدام محل ع البحر وقاعدوا بره في الشارع واسامه طلب الاكل ع زوقه الخاص
اسامه حط الشوكه واخد عليها نوع من الاكل وقربه من بسمله: يله حبي جربيه
بسمله هزت دماغها برفض: لاء مش بحبه
اسامه: عشان خاطري دوقيه هيعجبك
بسمله جات تاكلها منه هو اكلها وضحك وقدملها واحده تانيه واكلتها شويه اخدها ع سوق شعبي ووقفت تختار ميكب اب وتوك لشعرها وجات تدفع هو رفض ومنعها ودفع الحساب وهما ماشين لقوا عروسه وعريس بيتصوره ع حنطور متزين بالورد اسامه شدها وطلع موبيله عشان يتصوره
بسمله برفض : لاء مش هتصور
اسامه شدها عليه وباس خدها وعد من من واحد لحد تلاته ولقطها واخدها يتمشوا ويتكلموا سوي
اسامه وقف في مكان وقالها: حبيتي انا هدخل المحل الي في الزقاق اشتري حاجه وهرجع ع طول
بسمله: هتشتري ايه
اسامه: حاجه مهمه
بسمله قلدمت: ما نروح سوي ليه رافض
اسامه: اختك شغاله هنا ولو شافتنا مع بعض هتتجمد اكتر من الجيلاتي الي واقفه تبيعها
بسمله: وانت خايف عليا
اسامه: طبعا خايف عليكي عشان كدا خليكي واقفه هنا واستنيني ومتحتكيش بحد حتي لو حد حاول يعاكسك
بسمله: افرض طلع شاب وسيم عنك
اسامه: ده مش محتمل اطلاقا
بسمله: متعرفش يمكن المحتمل يحصل
اسامه: هو انا ممكن امشي
بسمله: خلاص امشي
اسامه: اديني عشر دقايق
بسمله زقته من دهره: زق عجلك
في نفس اللحظه مؤمن كان جاي لكادي شافها واقفه راح عليها: اهلا
بسمله لفت وبصتله بأبتسامه: اهلا معرفش ابدا اننا هنتقابل هنا بس انبسط
مؤمن بنفس الابتسامه: هو حضرتك جايه تقابلي كادي انا كمان كنت داخل الفندق اطمن عليها
بسمله: لاء انا هنا عشان حاجه تانيه
مؤمن: اه فهمت
بسمله: بصحيح انا معرفش اسمك انا بسمله
مؤمن: وانا مؤمن خليل
بسمله رددت الاسم وعرفته: مؤمن خليل
مؤمن: ايوه
اسامه جاي : بسمله اسف لاني وقفتك شويه
مؤمن بصدمه: اسامه
بسمله: ده مؤمن حبيب كادي ممكن تديني مفتاح العربيه همشي واستناك فيها
اسامه: اه اكيد
بسمله بصت لمؤمن: اشوفك بعدين
مؤمن : اكيد طبعا ( لف لاسامه) هو انتم بتتقابلوا وعايز اعرف انت قابلت الست دي بعد ما طلقت اختي ولا كنتم مع بعض قبلها
اسامه : اهدي وافهم الموضوع بسمله تبقي حبيبتي
مؤمن: هايل و انا اتهمت اختي المسكينه عشان ولا حاجه انت عارف ان دي خيانه لما يقابل راجل متجوز واحده تانيه بالطريقه الواطيه دي
اسامه: مؤمن اسمعني
مؤمن قطعه بغضب: اسمع ايه ازاي خليت اختي كل ليله تبكي بدل الدموع م لحد ما دبلت وانكسرت وانت عايش مع حبيبتك وماشي مبسوط بيها بالطريقه دي وطبعا هي غنيه دي بقي طموحك
اسامه: انت تعرف عني ان انا من النوعيه دي الي بيجري وري واحده عشان فلوسها
مؤمن: امال ايه السبب ولا عشان اختي مغفله عشان حبيتك واخلصتلك وعاملتك بما يرضي الله وانا كمان كنت مغفل زيها
اسامه: مؤمن اسمع عشان تفهم
مؤمن زقه جامد: متنطقش اسمي ومتحاولش اننا نتقابل تاني
اسامه رجع لبسمله وهو حرفيا مضايق لانه بيعز مؤمن وبيعتبره زي اخوه الصغيروركب العربيه وهو مستاء ومكشر
بسمله: حصل ايه بينك وبينه اكيد اتخانق معاك مش كده
اسامه: دي اول مره تحصل انه يمد ايده عليا
بسمله مسكت ايده بنبره رجاء: عشان خاطري بترجاك لا تزعل ولا تضايق خليك بخير عشاني
اسامه بصلها: بس هو فعلا معجب بـ اختك
بسمله: وهي كمان معجبه بيه
اسامه: معقول الطفله دي بتحب وقدرت تختار راجل كويس زي مؤمن رغم يبان قاسي بس هو قلبه طيب جدا وابن حلال هيعاملها كويس
بسمله: وانا واثقه طالما انت شهدت له بكده
اسامه : ايه رآيك ناكل حاجه حلوه تحبي تاكلي ايه
بسمله بصتله وابتسمت وهو ابتسملها وقال: يله نتحرك
……………….قصص منه محمد كاتب………………….
زينب قاعده تطبق الغسيل مع ابوها وهو شد تي شيرت وسألها: هي دي بتاعتي يا زينب بس انا اول مره اشوفها
زينب شدتها لانها بتاعه اسامه ونزلت دموعها وقامت دخلت غرفتها وابوها اتقهر عليها وقام يصلي في المسجد كان مؤمن وصل وهو شايط ع اخره ودخل فتح الباب عليها بدون ما يخبط
مؤمن بزعيق: ليه مقولتليش
زينب: عن ايه
مؤمن: ان اسامه خانك وانك اطلقتي منه للسبب ده
زينب: وانت سمعت منين وعرفت ازاي
مؤمن: لسه شايفه من شويه معاها وكان في منتهي السعاده وانا الي فكرت انك انتي الي عملتي الغلط في حقه اتاري اختي الساذجه هي الي طلعت مخدوعه في حبيبها وعشره عمرها انا اتقهرت عليكي من اسامه انه طعنك في دهرك وهو عمره ما كان كده
زينب: اهدي مفيش داعي تتعصب عشان الي عمله فيا
مؤمن: هو انتي غبيه كده ازاي تخبي خيانته حتي عننا ازاي تستهوني في حقوق نفسك كده
زينب: لانه خلاص انا وهو انتهينا ومفيش حاجه هترجع واياك تقول حاجه لبابا فاهم
مؤمن ضرب ايده في المرايا : بجد انتي مش معقوله (سابها وطالع للخارج)
زينب بتحاول تجري وراه : مؤمن تعال يا مؤمن
اما مؤمن طلع تاني وراح للفندق واستني لما كادي خلصت الطلبات للزباين وقرب منها وفضل واقف مكانه
كادي بصتله: مش هتقول ازيك ولا اي حاجه بدل مانت واقف زي تمثال ابو الهول ولا جاي تخطف نظره سريعه
مؤمن واقف مش لاقي اي كلام حتي يقلهولها
كادي بصت لكف ايده المجروح وطلعت مسكته بخوف: ايه الي حصل لـ ايدك اتخانقت مع حد
مؤمن شد ايده منها وقال: اظن ده طبعكم لان الحياة عنكم سهله
كادي بتعجب: في ايه يامؤمن
مؤمن: انا بقيت كل يوم اسمع استيائك وسخطك وعدم رضاكي
كادي: مؤمن اتكلم ع طول وفهمني مالك
مؤمن: انا بعترف اني استمتعت شوه بعمايلك بس من هنا ورايح متتصليش بيا تاني
كادي طلعت وراه: مؤمن استني يا مؤمن
……………………………….
قاعدين سوي ع صخره قدام البحر
بسمله حطت ايدها على كتفه: لسه مقابلتك مع مؤمن زعجاك لانه اخو زينب
اسامه : هو ميعرفش قد ايه حاولت مع اخته اني احافظ عل علاقتنا كتير وقلت لها تعالي نقعد ونحل مشاكلنا سوا بس هي بتصرفاتها بتوضح انها مش عايزني ابدا واتأكدت لما قالتلي الطلاق ده افضل قرار ومبقتش فاهم حاجه هي كانت بتحبني ولا مستغنيه عني ومصدقت فرصه جتلها اننا ننفصل
بسمله : وليه متقولش انها زي اي ست متحملتش جوزها وحبيبها مع واحده تانيه
اسامه بقهر: حقها واظن سيبتك ورجعتلها عشان مبقاش بظلمها بس هي عملت ايه بعدتني بكل قوتها وفجاه وبدون اي مقدمات قالتلي انتهي كل الي بينا والعشر سنين الي عشناهم سوا اتبخروا بلمح البصر حتي قبل ما يتم الطلاق مزهقتش لحظه من محاولاتي معاها بس لما لقيتها كلها رايحه ع الفاضي استسلمت وطلقتها
بسمله : انا مقدره وفاهمه ان الانفصال مش بينك وبينها بس كمان انفصال لكل العلاقات وبصراحه انا زعلانه بعد ما فكرت في كده اكيد واجهت وقت عصيب من غير ما تعرفني وانا بكل بساطه كنت انانيه حبيت تكون جنبي وتبتسم
اسامه مسك ايدها بتملك وقالها: انا لو مبتسم عشان انتي معايا عشان كده متفكريش في الامور التانيه الاوقات الحلوه او السيئه ولا تعني اي حاجه بعد ما تمر وتعدي
بسمله: اسامه هسال سؤال وتجاوبني عليه بكل صراحه وانا اقسملك بالله ما هزعل منك انت لسه بتحب زينب
اسامه مركز عيونه عيونها ووضح لها: بسمله علاقه الراجل بمراته بتبقي مرهونه برصيد بيتحدد ع حسب معزه الشخص وكل ما التعامل كان بحب واهتمام كل ما الرصيد بيزيد وكل ما التعامل كان فيه تهاون وتعدي واساءه متكرره الرصيد بيقل زينب قدرت تعمل بلوك من قلبي بأفعالها والقلب لو اتقفل مره بتبقي النهايه حتي لو فاقت بعد الي عملته وحاولت تعوضني مشاعري خلاص خلصت وصبري انتهي وشغفي ليها انطفي كده جاوبتك
بسمله: وانا هفضل موجوده جنبك وكل ما تضيق عليك الدنيا افتكر اني في حياتك ومعاك وهكون لك الدنيا كلها
اسامه باس ايدها بحب طاغي وقالها: ربنا يخليكي ليا بس عارفه انا جبتك هنا ليه
بسمله: ليه
اسامه : عشان مش عايز افكر في اي حد تاني غيرك انتي اتمني تعملي زي
بسمله: وانت لو شفت كميه الحب الي ليك جوايا هتلاقيني بعمل زيك واكتر
………………………………قصص منه محمد كاتب…………………..
في بيت عائله بسمله دخلت بعد فسحتها مع حبيبها: انا جيت يا بابا
رؤف: تعالي المسؤل عن انشاء البرج اتصل بيا وقال ان الشغل ماشي كويس جدا
بسمله: دي بدايه مبشره امال فين كادي
رؤف : رجعت من شغلها في الفندق ما خلصت شغلها وقاعده جوه وقافله ع نفسها حتي مجاتش ع الغداء يله اقعدي هنا وقوليلي كل حاجه عن الشغل
بسمله: هقولك كل حاجه لما اطمن الاول ع كادي
روف: متتأخريش وتفضلي ترغي معاها
بسمله هزت له دماغها وخبطت ع الباب وجالها صوت كادي: قلت مش عايزه اكل
بسمله فتحت الباب: وليه مش عايزه تاكلي
كادي: بسملتي ايه الي جابك عندنا
بسمله: سمعت ان كان فيه زباين كنتير في كافيه الفندق اكيد رجعتي تعبانه
كادي : عادي الوقت بيطير لما بكون مشغوله
بسمله: بس النهارده اجازتك مش هتخرجي مع حبيبك
كادي: تصوري طلعت دماغه بايظه اكتر مني
بسمله: ليه
كادي رفعت كتافها ومطت شفتها لتحت وقالت: معرفش جه قالي اياك تتصلي بيا مره تانيه وقالي انه بقي بيستمتع لما بيسمع شكوتي
بسمله : ده بجد
كادي : هو اليوم بدء زي يهزي بكلام غريب ومفهمتش منه اي حاجه سيبك ايآ كان انا عرفاه كويس زي دهر ايدي اكيد بيهزر معايا وهيرجع يتصل لو انا طبعا معبرتوش لمده اسبوع او اكتر
بسمله: قال حاجه تانيه
كادي بستفهام : زي ايه
بسمله : خلاص متشغليش بالك
كادي : تعرفي مؤمن بيعشق حاجه اسمها كمبيوتر وناويه اشتريله لاب توب من اول مرتب اقبضه هديه وهيكون راح عليه لو متصلش بيا في خلال اسبوع
…………………………قصص منه محمد كاتب……………………
في بيت خالد دخلت بعد ما سمحت لها بالدخول
فوقيه نبره كلها استهزاء : جيتي في الوقت المحدد واضح انك متفائله عشان كده مش بتتسرمحي بره
انغام: جيت اطمن ع بناتي ممكن تقنعي ابنك ميحرمنيش منهم
فوقيه: انتي بتخرفي تقولي , انتي بخيانتك حرمتي نفسك من ولادك
انغام: تمام معترفه بس انا ام بناته ومعيش حاجه اصرف بيها ع نفسي اما انتم حتي لو قربتوا تفلسوا هتعرفوا تأكلوا نفسكم انما انا لاء فبلاش تتعاملوا معايا بالبخل ده فيها ايه لو عطاني مول تجاري صغير بدل ما افضحكوا واخلي الناس تاكل وشكم لو عرفوا اني بشتغل عند العالم الغريبه بياعه في محل
فوقيه كتفت ايديها وعوجت وشها : وانتي تعرفي اي عن الشغل اهلك عندهم مولات ايه الي تعرفيه يا جاهله عن اداره مول تجاري غير الشوبنج منه
انغام: هو انتي قلقانه ولا غيرانه لو نجحت في السوق ووسعت دايره علاقاتي وعملت لنفسي حياه جديده بدل ابنك الي كل حيانه نسوان ولا هتشفقي عليا لو فلست انتي خليه يديني المول وانا ههتم بيه وانتي تعالي وابقي حطي اللمسات الاخيره في اقرب وقت ممكن
فوقيه بصتلها من فوق لتحت : هو مش اتفق معاكي انه هيطلقك ولا انتي عايزه تفضلي تستغليه والسلام
انغام: انا مطلبتش منه الطلاق هو الي عمل حيله وقرر يطلقني
البنتين جريوا ع السلم: ماما
انغام ضمته: بناتي عاملين ايه
البنت الصغيره: انتي وحشتينا اوي يا ماما
البنت الكبيره: احنا مش كويسين من غيرك يا ماما
انغام: تسمحيلي يا حماتي هقعد معاهم شويه في الجنيه اشبع منهم
فوقيه: وياريت تمشي قبل ما خالد يوصل
البنات طلعوا مع انغام في الجنينه والبنت الكبيره طلعت صوره لخالد وزينب وهما قريبين اوي من بعض وهنا نار الحقد والغيره شعللت سابت البنات وركبت عربيتها وطارت ع العياده ودخلت بخطواتها السريعه لحد ما وقفت قدام زينب
انغام بجمود: انتي زينب ياتري فكراني
زينب بهدوء: ايوه حضرتك مدام خالد
انغام بدون سابق انذار لطشتها بالقلم وزينب اتفاجئت وحطت ايدها ع خدها بذهول وواضح الصدمه القويه على ملامحها
زميله زينب بنفعال: ليه كده ايه الي عملته دلوقت
انغام بصراخ: انا لسه ع ذمته ازاي تلفي عليه رغم قدام الخلق انا لسه مراته وبالقانون هو راجل متجوز
زينب صرخت في وشها وهي بتزقها في كتفها: هو انتي مجنونه
انغام بنظراتها حقد وشر: انتي لسه مشفتيش جناني عشان كده متستفذنيش وتخرجيني عن شعوري ولو حاسه بالاهانه اجري اشتكي لخالد واطلبي منه يطلقني وبسرعه عشان يلحق يتمتع معاكي
زينب جريت تعيط واتصلت بخالد وحكتله ع زياره انغام وبس
……………………..قصص منه محمد كاتب…………
في كافيه
خالد بغضب: ليه روحتي لزينب
انغام: كان عندي فضول
خالد: عن ايه
انغام: اعرف هدفها هي جليسه اطفال وبس ولا عشقتك عشان كده مقدرتش اتحكم في ايدي مكانها لما لقتها بتمثل انها بريئه ووديعه زي العندليب
خالد : ايه الي قولتيه ده يعني ايه مقدرتيش تمسكي ايدك مكانها
انغام : ايه مبلغتكش صحيح طلعت ذكيه
خالد عيونه اتحولت لدهشه وعلامات تعجب اترسمت ع وشه ونطق بصدمه: لهو انتي ضربتيها بالقلم
انغام : واضربها بالجزمه انا لسه مراتك وع ذمتك ولو عايزني ابعد عنها خالص طلقني بس بسرعه يا تتحمل الي يجيلك مني
خالد بنرفزه : اظن قولت لك متحلميش اديكي مول ولا غيره
انغام حطت رجل فوق التانيه : والمحامين هيكونوا متحمسين لما ارفع قضيه طلاق للضرر
خالد: انتي مالك فارده قلوعك ومستقويه عليا يظهر نسيتي فعلا نصيحتي تحبي احذرك مره تانيه
انغام: اه حبيبي انا زهقت لما بفتكر الاوقات الي قضيناه سوا وذكريتنا تقدر تدمره او تفصله من الجامعه يله اعمل الي تعمله
خالد: طريقنا معروف خلينا ننتهي بالذوق ولا هتدخلي معركه خسرانه
انغام : ساعه الطوفان الكل بيغرق وانت عايز تجردني من كل حاجه حتي بناتي
خالد: ياريت متختبريش صبري واخليكي تروحي في حته انتي مش عايزها
انغام: تصدق انت صعبان عليا لانك شخص يائس
خالد: بمعني
انغام: يعني بتشفق ع الغلبانه المسكينه قليله الحيله زينب عايز تجيبها البيت في اقرب وقت بعد ما نتطلق ليه تجيب بضاعه رخيصه
خالد: لو كنت عايز عشيقه بدل مراتي مفيش قوه هتقف في طريقي
انغام: اهو ده كلام وحش اوي عشان كدا احسن نشتغل مع بعض في الحياه التانيه اما في حياتنا دي خلينا ننهي امورنا ونطلق بكل شياكه واحترام
خالد بصلها بغيظ ومسك موبيله وحطه ع ودنه: خالي مدير المول يجي مكتبي في الشركه بعد نص ساعه ( قفل وبصلها) وبحذرك تقري من زينب مره تانيه
……………………قصص منه محمد كاتب……………………
في العياده
اسراء: ادخل
زينب فتحت ودخلت: حضرتك ناديتيني
اسراء: اه تعالي يا زينب جبت لي جدول مواعيدي
زينب: ايوه وحجزت للمرضي الجاين معاد مع دكتور تاني والباقي حجزتلهم بعد ما ترجعي من ندوتك الطبيه
اسراء: شكرا اوف راح فين شاحن موبيلي كان هنا من شويه
زينب ضحكت من غير صوت وقالت لها: حضرتك حطتيه جوه شنطتك
اسراء: بجد ( دورت وطلعته) انت مين دخلك هنا اه بسمله جايه هنا كمان شويه
زينب كشرت بستياء : بس هي محجزتش معاد
اسراء: انا اقنعتها تيجي لانها اكيد هطنش بحجه ان انا رايحه ندوه دي مشكله لما تصاحبي دكتوره ومش بتتعامل معاكي ع ان الامر جد وبتهمل كل نصيحي ياريت تهتمي بيها كويس
زينب: فهمت
اسراء: تمام روحي انتي يا زينب
زينب هزت لها دماغها وطلعت وهي ماسكه دوسيه الكشوفات وماشيه بتكشيره وملامحها اتجهمت لما لقتها مقربه عليها
بسمله وقفت قدامها مبتسمه : ياتري رجعتي بأمان في الليله اياها
زينب بقتضاب : تعالي من الطريق ده
بسمله: عارفه فين تبديل اللبس مش شايفه اننا لازم نعتذر عن الي حصل بينا في الحفله
زينب: ماتسيبك بقي من الاعتذار والاخلاق الي ماسكه فيهم
بسمله: بس دي طبيعتي
زينب: ولازم تكوني راضيه الراجل الي بتحبيه اعلن بكل فخر وعمل اعلان انه معاكي
بسمله: ومين الي خلاه يعمل كده مش انتي لما سألتي سؤال وقح الاول وبالتالي هو رد عليه
زينب: وانتي عارفه ان كل الي بيحصل انتي مستفيده منه
بسمله: افهمي مفيش سبب واحد يخليني ابدا في دور الخسرانه ومقدرش امثل كأني ضحيه مسكينه لان انا مش كده
زينب بنظرات احتقار: انتي مش كده متأكده امال مين الي خطفت واحد من مراته ودمرتله حياته
بسمله: انا مستحيل ادمر اسامه وصدقيني لو عايز يكمل معاكي عمري ما كنت هعترض ولا اقبل اقف في طريقه
زينب: وكده بتسميه حب الست مننا لما بتحب الراجل بجد بتبقي عايزه ملكها ليها لوحدها ومفيش واحده تاتيه تشاركها فيه
بسمله: ده قبل ما يتجوز ويبقي فيه ست ع ذمته انا لو كنت اتجوزته قبل منك كنت هقول نفس كلامك رغم اسامه كان يستحيل يفكر في واحده غيري لانه بيعشقني بجنون بس ربنا مأرادتش نجتمع, واتجوزك وبعدها قابلني وكان اللقاء الثاني زي ما يكون ربنا بيعوضني ويرجعلي حبيبي لحضني من تاني
زينب: انتي مستفزه وانا قرفت منك وبجد مش قادره اتحملك و
بسمله تابعت: ورغم كده لو كان كمل معاكي انا كنت مش هعترض ابدا وهشيل كرامتي وغروري ع جنب وهقبل ابقي الزوجه التانيه في حياته لانه الاكسجين لحياتي وان شاء الله يديني من وقته ساعه واحده او اقل لكن انتي سبتيه ومشيتي
زينب وانتي الي جبرتيني ابعد عنه وانا مكنش في نيتي خلتيني اقسي عليه وانا بحبه
بسمله وانا كل ليله كنت بصلي وبدعي تحصل معجزه تجمعنا وحصلت
زينب : لو كنتي مبسوطه انك غلبتيني واخدتيه فمبروك عليكي انتصارك المؤقت بس متنسيش ان دي مجرد جوله اولي
بسمله: هنشوف الانتصار هيبقي حليف مين يا زينب
زينب: بصراحه خساره فيكي الكلام غرفه الكشف من هنا
بسمله: وانا قلت لك عارفه
زينب:كده غيري هدومك وتعالي وهبعتلك ممرضه تانيه
زينب جريت ع الاوضه وقعدت مقهوره لحد ما موبيها رن برقم خالد فتحت الخط
خالد: متنسيش معادنا ع العشاء الليله مش كده
زينب بتعجب: الليله
خالد: انا مسحول في الشغل طول النهار لو شاركتيني هيبقي ممتع وكمان اتاسفلك ع الي عملته المجتونه انغام انا اسف يا زينب
زينب : ده مش غلطك
خالد: عندي موضوع مهم محتاج ابلغك بيه عشان كدا لازم اشوفك الليله
ياتري هيحصل ايه تاني وتعالوا نجدد الاحداث ونفرح ونشرب الشربات ياتري بمين
- يتبع الفصل التالي اضغط على ( رواية اللقاء الثاني) اسم الرواية