رواية اللقاء الثاني الفصل السادس عشر 16 - بقلم منة محمد
وقف بالعربيه قدام فيلا كبيره شبه السرايا ونزل ومدلها ايده تنزل
زينب لفت بعيونها حواليها ورجعتله بسؤال: احنا هنا ليه
خالد اخدها من ايدها وفضلوا يتمشوا في الممر الطويل الي كله زرع اخضر لحد ما وقفوا
خالد طلع علبه خاتم الالماظ من جيبه وبصلها بكل هدوء: تقبل تتجوزيني يا زينب
زينب ابسمت ابتسامه مهزوزه: ده طلب مفاجئ بالنسبه لي جدا
خالد: لو بتحبيني اقبلي لكن لو مش واثقه فيا ممكن ترفضي لان انا خايف تختفي عن حياتي وانا واقف مستني تحسي بحبي ناحيتك وعارف ان ده جنون بس مش مهم هسيب نفسي واعيش لحظه جنوني وقدامك ببقي حرفيا متوتر عكس قدام اي ست تانيه
زينب: انت فعلا بتحبني ومحتاجني في حياتك
خالد : مش لاقي سبب تاني غير اني بحبك وعايزك وكل احساسي بيقولي انك الست الصح اكمل حياتي معاها ومحتاجلك وعايزك
زينب : وانا قولت لك قبل كده انك هتخليني انجذبلك لو كنت فعلا عاوزني
خالد: ايوه فاكر
زينب: انا مش بحبك لكن موافقه اتجوزك وقتها هاخد القوه والمال الي عندك وبيهم هعلم اسامه وبسمله درس في جهنم
خالد : ولو عايزه ترميهم في مكان ابشع من كده انا جاهز لو ده الي انتي عايزاه
زينب نزلت دموعها ومدتله ايدها يلبسها الخاتم
…………………………قصص منه محمد كاتب…………………
ع الموبيل فتحت الكام
اسامه: مالك يا حبي
بسمله: ابدا مخنوقه وعايزه اتكلم معاك شويه
اسامه: ونتكلم ليه chat وcall استنيني ربع ساعه وهتلاقيني عندك نتكلم ونرغي براحتنا انا معاكي وجنبك متخافيش
بسمله انتظرت اسامه واخدته بالعربيه في مكان كبير ومهول
اسامه نزل وعيونه بتلف في المكان لحد ما رجعلها بنظراته بستفهام : ايه المكان ده
بسمله بأبتسامه: بدئت اخرج للمواقع واتعلم لما كانت شركتنا صغيره وده المبني الي بابا طلب مني اهتم بيه مهمتي الاولي كنت مسؤله اخطط وارسم بنايته لحد ما يكبر
اسامه: يعني المكان العظيم ده للمهندسه بسمله المارده
بسمله: وعدت نفسي ساعتها لما قصيت الشريط قلت نفسي هتجوز شغلي من اليوم لاهخونه وهكون افضل زوجه له
اسامه: عايزه تحسسيني بالذنب وتقوليلي اترهبتني بعد فراقي ورفضتي اي راجل غيري
بسمله: اسامه انا بشر وفراقك كسرني ومن يوم ما سبتني رميت نفسي هنا لما كنت في اصعب اوقاتي بحاول اجمع شتات نفسي يمكن ارتاح
اسامه : وجبتيني هنا عشان احس بالغيره
بسمله : لاعايزه اطلق دلوقت وبقولك انا عازبه زيك وبطلب منك تكتب كتابي عليك دلوقت عايزه ابقي حته منك عايزه اكون جوه حضنك وروحك عايزه اكون دايما معاك انام معاك اصحا معاك اسامه انت عايش جوايا
اسامه: انتي عارفه انتي بتطلبي مني ايه مش معقول اتجوزك من وري ابوكي التمن هيبقي غالي يا بسمله
بسمله: عارفه
اسامه: وانا مرضاش اعمل فيكي كده انتي غاليه عندي من اني اعمل حاجه زي دي
بسمله بدموع: اسامه واحنا لو معملناش كده بابا هيخلينا نعيد نفس الي حصل زمان لو عرف بعلاقتنا هيجبرنا نبعد تاني عشر سنين عن بعض ووقتها خسرتك وانا معنديش استعداد تاني اخسرك
اسامه: وانا مش عايز اخسرك بس عايز اتجوزك معززه مكرمه اخدك في النور قدام الناس كلها بس المره دي مجبر اسمع كلامك لان معنديش اي استعداد اضيعك تاني من ايدي
بسمله: انا عارفه انك بتحبني ويمكن اكتر مني كمان
اسامه: انا بعشقك يا بسمله مش بس بحبك وبقولهالك تقبلي تتجوزيني وتقسميني ع الحلوه والمره
بسمله: اقبل يا بشا اتجوزك
بعد ما تم كتب كتابهم اسامه اخدها وطلع ع شقتها ووقف يعمل فيها مقلب
اسامه: يله اطلعي وانا همشي
بسمله: تمشي تروح فين
اسامه: اروح
بسمله: تروح وتسيب مراتك اول ليله تنام لوحدها امال كنت بتتجوزني ليه
اسامه: هو انتي ادتيني فرصه اوافق ولا ارفض انتي عملتي الي طلع في دماغك وبس
بسمله كشرت :تقصد ايه يا اسامه
اسامه ابتسم ومسك دقنها : عايز اقولك انه خلاص مش عايز يوم يعدي عيوني متشفكيش مراتي احنا الاتنين اتعذبنا بما فيه الكفايه والليله لاهيبقي عندي شفقه ولا رحمه في حبك موافقه
بسمله: موافقه
اخدها وقضوا اول ليله كزوجين وبسمله قلقت لقت نفسها نايمه ع صدر اسامه فضلت تتأمل في ملامحه وتبتسم انه اخير بقي جوزها حبيبها ومكتوبه ع اسمه بعد سنين بعد وعذاب لحد ما حست انه صحي مثلت انها نايمه وهو اتسحب من جنبها واخد هدومه وطلع بره بسمله قامت لبست الروب وطلعتله
اسامه بصلها بأبتسامه: سوري حياتي صحيتك
بسمله اتعلقت في رقبته: لاء انا لازم اصحي في كل الاحوال
اسامه: انا اتحركت بهدوء عشان مصحكيش
بسمله : وبعدين انت هتمشي
اسامه : هرجع شقتي اخد شور واغير هدومي لايمكن اروح شغلي بنفس القميص الي لابسه من ليله امبارح
بسمله كشرت :خليك معايا ع الاقل النهارده
اسامه : مش هينفع انا وانتي منروحش الشغل ع الاقل واحد فينا يبقي موجود مش عايز الانظار تروح علينا
بسمله: تمام تحب تفطر ولا تشرب فنجان قهوه الاول
اسامه: لا قهوه وانا هعملها بنفسي
بسمله : لاء ليا مزاج اعملهالك بنفسي
اسامه ضمها من وسطها وباس خدها : انا مش عايز اسيبك واروح الشغل
بسمله : مش ده الكلام الي من المفروض تقوله لمراتك يوم صباحيتها
اسامه: بقولك ايه انا رجعت في كلامي هاخد اليوم اجازه واسمعك احلي كلام
بسمله : موافقه
اسامه ضحك : انا بهزر انتي مصدقتي
بسمله ضربته في صدره بغيظ: انت غلس وبارد ورخم
اسامه قرب يبوسها وهي ضمت شفايفها وبعدت عنه وهو سالها : ياخبر انتي زعلتي مني
بسمله : لاء بس انا مغسلتش اسناني
اسامه باسها من جبينها وخدها ورجع خطف شفايفها في بوسه مهلكه وسحبها في عالمهم الجميل بكلامه الحلو ولمسته الرقيقه
………………………………………
قدام البيت اول ما شافته اتنهد بصوت عالي!
مؤمن بغيظ: هو ليه كل مره تشوفتني فيها تتنهد وانت الي اتصلت بيا الاول
شيكا :عايز اعرف احوال زينب
مؤمن بعصبيه :ودي حاجه متخصكش
شيكا: انا اشتغلت لحساب خالد المندور اتجسس ع ناس
مؤمن: وايه الجديد مانت شغال جاسوس عنده
شيكا: بس الجديد ان اسم نسيبك كان في قايمه الرفض
مؤمن: وليه خالد هيعمل كده في اسامه , وقولي ليه اتصلت اصلا بيا
شيكا: عشان اقولك ان خالد وبسمله اعداء وهما زي القطه والكلب وكمان الست دي اسامه ع علاقه معاها مش مظبوطه يعني الي عايز اقلهولك ان اختك مخنتهوش
مؤمن :عارف
شيكا : ايه عارف وازاي عرفت ده
مؤمن بعدم اكترث: مش مهم بس ليه خالد دخلك في امور حياته الشخصيه اكيد فيه سر
شيكا نفخ بزهق :قلت لك من شويه لان هو وبسمله دي زي الكلب والقطه كل واحد فيهم بيحاول يوقع التاني الاول ولو حد مسك حاجه ع التاني هيهاجم من غير تردد
مؤمن :وانت لقيت ايه
شيكا :مفيش شغل خارج القانون ولا مخالف والي لقيته عباره عن فضايح
مؤمن : يعني عايز تنشر فضايح عن اسامه والي معاه للعالم
شيكا :انا عطيته كل الادله وده هيرجع لخالد لو حب يسحب الزناد ويضرب الرصاصه ولو ظهر اسم اسامه
مؤمن شده من لياقه قميصه ونبره كلها تهديد:عليا النعمه اشوه وشك
شيكا وسع عيونه بصدمه: معقول انت مجنون تمسك في صاحبك وتهدده
مؤمن صرخ فيه بغضب: انا عفاريت الدنيا بتنط في خلقتي ونفسي اضرب اسامه الي طعن اختي في دهرها لكن الي بتحاول تعمله انت افظع من خيانته ابعد عن الحياه الوسخه دي فاهم
شيكا تابع طيفه ومره واحده زعق: ايه الغلط في الي انا عملته بقولك اسامه خاين ورقبتي بتوجعني ( طلع يمد وراه) استناني
…………………………….قصص منه محمد كاتب…………….
علي الموبيل
اسامه: ياتري حبيتي قاعده بتعمل ايه
بسمله: قاعده بفكر فيك وبفكر في حضنك الحلو يا اسامه
اسامه يعني انا بجد حضني حلو
بسمله بشقاوه: ساعات
اسامه : ازاي يعني
بسمله :يعني لما تلين وتسمع الكلام تبقي حلو اما بقي لما بتنشف دماغك
اسامه :ها كملي كملي
بسمله ضحكت اوي: بتبقي زي القمر وحضنك يبقي حياه كلها سلام وامان لقلبي
اسامه: انا وقلبي محتاجين لحضنك وعايز اقولك طول ما انتي معايا الدنيا كلها حلوه وياريت تفضلي معايا ويخليكي ليا يانور عنيا
بسمله: وانا مش عايزه حاجه من الدنيا غير ابقي في حضنك واعيش بين ايديك
اسامه :وانتي تستاهلي الحب وهعمل الي اقدر عليه والي مقدرش عليه عشان بس اشوفك مبسوطه ايه رايك نروح السينما
بسمله: ياه يا اسامه تعرف اخر مره روحت فيها سينما لما كنت معاك في الجامعه
اسامه وسع عيونه بصدمه: مستحيل
بسمله بأبتسامه: والله زي ما بقولك مفكرني هروح السينما لوحدي
اسامه :بس فيه اختك واسراء صحبتك
بسمله: حتي لو نزل فيلم جديد ونفسي اشوفه برفض اروح معاهم
اسامه :تمام خلينا نرجع ايامنا ونشوف فيلم سوا الليله
بسمله بدهشه: الليله
ابراهيم شاورله من بعيد :اسامه يله
اسامه : حبيبتي سوري لازم اقفل دلوقت الاجتماع هيبدء اختاري الفيلم الي عايزه تشوفيه وانا موافق جدا عليه
بسمله: اوكيه حبي ربنا يوفقك
اسامه: ثانكيو
بسمله تلفونها رن وكانت السكرتيره: بسمله هانم المدير التنفيذي السابق موجود هنا
بسمله بتعجب: خليه يدخل
رؤوف دخل ساند ع العكاز ووراه ماشيه الداده
بسمله خرجت من مكتبها بستفهام: بابا ايه الي جابك لشركتنا كادي عملت حاجه غلط تاني تعالي يا داده بس كادي بتشتغل في كافيه المطعم وواضح انها عقلت كتير
الداده بعد ما قعدت: الموضوع مش بخصوصها روف بيه كان بيتغداء مع صاحبه اليوم وبدؤا يدردشوا وظهر كلام عنك
بسمله :عني انا ايه الي قاله
رؤف خبط بالعكاز بنرفزه وغضب :هاتيه هنا حالا الراجل الي روحتي معاه الحفله
بسمله: فهمني الاول انت سمعت ايه بالظبط
رؤف: سمعت بالظبط الي عملتيه خليتي راجل متجوز يطلق مراته وجبتيه هنا يقعد جنبك في الشغل
الداده : يابنتي الاشاعه انتشرت بسرعه البرق وصاحبه مقرب للعيله عشان كده عرفنا لانه قلقان عليكي
رؤف بنرفزه وشخط: انتي ليه لسه قاعده مكانك قومي هاتيه قدامي
بسمله بضيق: بابا انا في مكان شغلي
رؤف بصوت عالي:يعني المفروض مكنش هنا انتي نسيتي اني دي شركتي الي عملتها واهتميت بيها بكل سنين حياتي
بسمله :بس انا الي بديرها دلوقت
رؤف :يعني ايه بتديريها اركن انا واقعد ع جنب
بسمله: انا مش قصدي كده بس لو حضرتك عايز تتكلم عن حياتي الخاصه نتكلم في البيت لكن لو عليت صوتك هنا انت هتخلي الي مايشتري يتفرج عليا
رؤف: حلو يعني انتي فخوره بلي عملتيه
بسمله: وانا هسمع لمحاضرتك ونصايحك في البيت عندي اجتماع مهم يا بابا
رؤف قام وبحده: تخلصي شغلك وتيجي ع البيت وعايز اشوفه وجها لوجهه جبيه معاكي
…………..قصص منه محمد كاتب……………….
في بيت عائله زينب قاعدين حواليها
خليل: مش قادر افهم الي عايزه تقوليه فعلا قررتي تجوزي
زينب: ايوه اتقدم لي واحد كويس وانا وافقت وهو جاي بنفسه بعد شويه يطلبني منكم ويعرفكم بنفسه
مؤمن: يعني طلع الي في دماغي صح
زينب: قصدك ايه
مؤمن: سمعت انه مليونير كبير وانتي وافقتي بسبب فلوسه
زينب بنرفزه شديده : مؤمن حاسب
خليل: وانت عرفت ازاي يا بني
مؤمن: وتعرف هو اب وعنده عيال
خليل: يعني سبق واتجوز قبل كده
مؤمن: هو بيتجوز بستمرار الي تعجبه
زينب بشخط : مؤمن اقفل بؤق
مؤمن قام من مكانه وهو بيشد جاكته : هقفله وهقوم اغور من وشك مش عايز اضيع وقتي واتكلم معاكي
خليل: انت رايح فين بس
مؤمن: جايلك ضيف استقبله واقعد معاه ورحب بجوز بنتك الجديد انا مش هقبل بوجود واحد تاني
خليل :مؤمن
زينب: سيبه ده احسن لما يبقي مش موجود يبقي يقابلوا في وقت تاني
خليل: قوليلي ايه الي بيحصل بالظبط عرفتي الراجل ده منين
زينب: هو وقف جانبي وساعدني كتير لما كنت بمر باصعب وقت في حياتي وهو استناني لحد ما تقبلته
اثناء كلامهم الباب خبط وزينب قامت فتحت وخالد دخل وبصلها ورجع بص لخليل
زينب: اتفضل في الصالون
خالد دخل ومد ايده يسلم: انا سعيد اني شوفتك يا عمي انا خالد المندور
خليل سلم: اتفضل اقعد وانتي كمان يا زينب اقعدي
خالد بهدوء: كان نفسي اتعرف عليك من زمان بس قلت مش هتبقي لطيفه ازورك كده من فراغ وبصراحه فرحت لما زينب وافقت وقلت اجي
خليل: سمعت منها انك مطلق جديد وهي نفسك بس مش شايف انكم مستعجلين ع جوازكم
خالد :حضرتك ممكن تتكلم بصراحه وتاخد راحتك
خليل :انتم الاتنين فشلتوا في جوازكم عشان كده اتمني تاخدوا حذركم المره دي و
خالد قطعه: انا متأسف لمقطعتك بس انا مش شايف ان الطلاق يعتبر فشل لو بصيت للناحيه التانيه وهو اننا مش شرط نستمر في علاقه ميؤس منها , والجواز والطلاق اختيار وانت بتعمل افضل ما عندك والنجاح والفشل ده بتاع ربنا
خليل : الجواز لازم يتم بين عايلتين شبه بعض عشان محدش يشوف التاني اقل منه وزينب تدخل في مشاكل بسبب انها من عايله فقيره وانت شكلك غني عنها
خالد: وانا شاري زينب وعشان كدا هتخطي كل الخطوات الي مش ضروريه رغم ده هيزعج مني زينب شويه هعمل فرح مقتصر ع قد العايلتين وبس عمي انا مش عايز اي حاجه من زينب غير انها تبقي جنبي ومعايا ده كل الي طمعان فيه
خليل :انا سمعت عندك عيال
خالد: وعندهم امي بتربيهم معايا يعني زينب مش مجبره ع تربيتهم ابدا
خليل : تمام سبني افكر وابقي ارد عليك نورت
خالد قام واستأذن وزينب طلعت معاه يتمشوا شويه
خالد :شكله اتصدمت لما عرف ان عندي تلات اطفال وبجد مش عارف هعمل ايه لو رفضني
زينب: انت خايف
خالد مسك ايدها وبصلها: انا قلقان وخايف لما الموضوع يكون متعلق بيكي انتي بقيتي مهمه عند واحد معاق زينب انا ممكن ابلغ الصحافه عن بسمله واسامه في اي وقت واحقق رغبتك في الانتقام منهم انا لسه عند وعدي ولا ناويه تغيري رآيك لان انا حاسس بيكي وحاسس بمدي الكره الي مالي قلبك منهم وانك بتمثلي الكره ده لانك مش كده وخصوصا لواحده طيبه زيك
زينب بحقد: انت غلطان انا عايزك تبدء بفضيحتهم عايزاهم يعانوا ويعيشوا أكبر تعاسه ممكنه ده الي في عقلي ودي هتكون اغلي هديه جواز تدهالي ياخالد
…………………….قصص منه محمد كاتب…………………………
في العربيه تلفونها رن بأسمه فتحت الخط وردت: ايوه يا اسامه
اسامه: ها حبي جاهزه نشوف الليله فيلم وياتري اختارتي ولا لسه مقررتيش
بسمله بحزن: يظهر مش هينفع نروح الليله
اسامه عاقد حواحبه: ليه
بسمله: لازم ارجع البيت عند بابا فيه امر خاص
اسامه بقلق: فيه حاجه يا بسمله لازم اعرفها
بسمله: لاء يا روحي مفبش داعي تقلق انا اسفه
اسامه بهدوء: لاء عادي نبقي نروح في اي يوم تاني بس انتي راجعه اجيلك الليله لانك وحشتيني
بسمله: لسه مش عارفه هتصل بيك
اسامه: تمام منتطرك
بسمله ركنت العربيه وخبطت ودخلت والداده سألتها بعيونها فين صاحب الاشاعه
رؤف لف وبصلها: ليه جايه لوحدك فين العيل ده
بسمله بغضب منه: متقولش عنه كده ده بيضايقني
رؤف بعناد: انا اقول زي منا عايز
الداده بتهدي الجو المشحون وقالت: بسمله الجو حر تحبي تشربي عصير ساقع
بسمله بضيق شديد: ممكن شويه ميه بارده ياداده لو سمحتي
الداده وهي بتتحرك:عنيا
رؤف بحده: اظن قولت لك مليون مره لما تعوزي تتجوزي يبقي واحد من نفس قيمتك ومكانتك ومستواكي بس روحتي لواحد متجوز ده بقي افضل اختيارتك
بسمله :هو طلق
رؤف : هو طلق بسببك خاين وندل فعلا ساب مراته وعياله عشان طمعان فيكي الرجاله الي زيه ملهمش اي فايده ولا ليهم امان
بسمله بنفعال: هو مش كده ابدا هو مختلف تماما عن الي بتقوله
رؤف بسخريه: ده لانك مهوسه بحبه
بسمله :انا فعلا بحبه وانا الي شدتيه ليا وهو كان متمسك بمراته للنهايه وحاول يحمي علاقته معاها بس للاسف فشل يكمل
رؤف :وانتي مفكره الناس هتاخد بكلامك ده انا الكلام الي سمعته عنك قتلني
بسمله :وانت ليه تهتم بالقيل والقال والاشاعات انا لقيت حبي الي راح مني من سنين ولقيت سعادتي الي كانت غايبه معاه ولو سعيده دلوقت فبسببه هو
رؤف :انهي سعاده وهو حته موظف عندك واكيد مليان عيوب ليه اختارتي زباله زيه
الداده: اهدي يارؤف بيه مش كده
رؤف: مش عايز اقول الازيد من كده اطرديه من الشركه حالا وانهي امورك معاه
بسمله بنرفزه شديده: انت بتقول ايه
رؤف : اسمعي انا بحاول الجم الالسنه واخلي الي عملتيه تحت الكتمان لكن بما ان الاشاعه طلعت حقيقي مش هتبقي قادره تكملي مديره شركه انتي خربتي بيته وخطفتي راجل متجوز مين هيبقي عايز يشتغل معاكي ولا حتي يحترمك بعد كده
بسمله :وانا ميهمنيش كلام الناس ومفيش قوه تخليه يبعد عني وميهمنيش الناس تبصلي ازاي ولا حتي انت يا بابا
رؤف : انتي متاكده
بسمله : ايوه وانا مش هطرده من حياتي
رؤف: لو مش هتعملي كده يبقي استقيلي من منصبك انا مش هقبل ان شركتي تقع هيبتها والناس تتريق عليا بسبب حبك
بسمله : يعني اخده تهديد كل مره بتطلب مني استقيل من منصبي كل ما تتعصب
رؤف :ونفذي كلامي المره دي اما بقي لو هتعاندي اقسم بالله لجمع مجلس الاداره وهعمل اجتماع واطردك من الشركه
- يتبع الفصل التالي اضغط على ( رواية اللقاء الثاني) اسم الرواية