رواية جنة الرسلان الفصل السابع عشر 17 - بقلم نور الشمس
الحلقة السابعة عشر
جنة الرسلان
الحلقة السابعة عشر
❄️❄️❄️❄️❄️❄️❄️
استمرت الحياة كما هي دون إضافة اي نكهة جديدة
❄️ عودة لميس و هنا من الأراضي المقدسة
❄️ استمرار الجميع في اذيه زينة
❄️ اصبح البرنامج الخاص بزينة باعلي مكانة وسط برامج التوك شو علي النت و الجميع ينتظر الحلقة بفارغ الصبر
❄️ جهزت روتانا الفيلا الخاصة بها و بماجد و فرشها لقرب الفرح
❄️ اصبحت زينة في الشهر السابع و الجميع يعلم بأنها في الشهر الخامس
❄️ نجحت زينة في السنة الثالثة من الجامعة بتقدير امتياز كما السنوات الماضية
❄️ نقلت زينة جميع اغراضها لجناحها القديمة التي تقع امام جناح رسلان و اشترت ثلاجة وضعتها بالجناح
❄️ استمرت زينة في احضار الطعام من الخارج و لم تتناول اي شي من بيت رسلان
❄️ عرف الجميع خبر حمل عزة و فرحو بشدة
❄️ بعد منصور عن تلك المرأة التي يعرفها بعد ان اختفت من البلد باسرها
❄️❄️❄️❄️❄️❄️❄️❄️❄️❄️
جاء موعد زفاف روتانا و تجهز قصر المغربي لخروج أجمل عروس
في جناح روتانا
❄️❄️❄️❄️❄️❄️
كانت روتانا تجلس علي السرير تتامل فستان الزفاف الملكي الذي احضرتة بعد ان قام مصمم ازياء مشهور بصنعة خصيصا لها بالإضافة لفستان الحنة و فستان هنا و لميس و رفضت زينة تجهيز فستان لها علي حساب رسلان او ماجد و قررت هي شراء فستان من اموالها الخاصة
روتانا بفرحة : شكل الفستان حلو اوي
هنا بابتسامة : مبروك يا روتو
رسلان بابتسامة : مبروك يا ست البنات و الله هتبقي احلي و اجمل عروسة في الدنيا
لميس بابتسامة : طبعا هو في اجمل و لا احلي من روتانا اجمل عروسة
روتانا بابتسامة : انا فرحانة اوي اوي اخيرا هتجوز ميجو حبيبي
رسلان بضحك : ههههههههههه سفلة طيب احترميني
روتانا بمشاكسة : سفلة بس بحبه بردو
هنا : هي فين زينة
روتانا بحزن : قاعدة في اوضتها و مش عوزة تيجي
رسلان بخبث : صح روتو خليها تيجي
نظرت له روتانا و باست خده و اسرعت الي جناح زينة و دخلت وجدت زينة تجلس أمام البلكونة و تنظر الي السماء
روتانا بحنان : حبيبتي تعالي معايا و فرحي
زينة بابتسامة مهزوزة : معلش روتو خليني انا هنا مش عوزة مشاكل مع رسلان و لميس
روتانا بحنان : هو صحيح ليه مبترحيش للدكتور يكشف عليكي و علي البيبي و نعرف نوعه ايه
زينة بابتسامة مكسورة : انا كويسة و هو كويس و نوعه ايه يا اما بنت او ولد مفيش نوع تالت
روتانا بحنان : انا عرفة انك زعلانه بس قولي يا رب و تعالي بقي افرحي معايا اشطا
زينة بابتسامة مهزوزة : اشطا
عادت البنات الي جناح روتانا
هنا بابتسامة : تعالي يا زوزو
رسلان بخبث : ايه رايك زينة في فستان الفرح
زينة بابتسامة : جميل اوي مبروك عليكي يا روتو
رسلان بخبث : عقبالك اوبس بس اذاي باللي في بطنك اصلك عمرك مهتلبسية صح
زينة بكسرة : لا رسلان هلبسه و هتزف بيه و انت هتكون شاهد علي كده بلاش تقلق
لميس بسخرية : اذاي يا حلوة مين هيقبل بواحدة ذيك حامل في الحرام
نظرت زينة لهم بكسرة و سحبت نفسها و عادت الي جناحها
روتانا بعصبية : انتم ليه كده ليه كل شوية تكسروها خلاص بقالها ٧ شهور عايشة في الذل و الكسرة ديه ارحموها بقي و تقو الله
هنا بحده : بجد انا زهقت منكم مفيش اهتمام بيها بقي ديه منظر واحدة حامل كلم مرة رحتم معاها للدكتور مش حفيدك ده لميس
لميس بغضب : ابن الحرام عمره ميكون حفيدي و لا هنسبه لعيلتي ابدا
هنا : هيحصل اسم و لقب المغربي غصب عنك و عن أي حد
لميس بحده : هو انتي فاكرة انها هتشيلة و هتلمسة لا يا هنا انا يوم متولد هاخد ابن الحرام و هرمية في اي ميتم و هحرمها منه
هنا بصراخ : انتي مجنونة هتحرقي قلب بنتك علي ابنها
لميس بحده : اه علشان تعرف ان ابن الحرام مش لازم يعيش و تعرف يعني ايه شرفها تضيعة مع كلب ولا يسوي
رسلان بغضب : كفاية كلام بقي انتن مش بتتعبو خلاص لميس انا هنفذ الكلام اللي اتفقنا عليه و خلصنا
روتانا بحزن : اطلعو برا مش عوزة اشوف حد فيكم
غادر الجميع الجناح و جلست روتانا حزينة علي زينة و ما يحصل معها
❄️❄️❄️❄️❄️❄️❄️❄️❄️❄️
في يوم الحنة
❄️❄️❄️❄️❄️
ارتدت روتانا فستان بيه الوان كثيرة و رفعت شعرها إلى الأعلي و زينت صدرها طقم من الماس باللون الأحمر و عملت مكياج جميل و نزلت الي الاسفل


اما زينة فجهزت نفسها و ارتدت فستان باللون الموف و عملت مكياج هادي و رشت عطرها و وضعت شعرها علي الجانب الأيمن و زينت صدرها بطقم من الماس باللون الازرق و نزلت


رقصت روتانا وسط البنات و كانت سعيدة للغاية
توجه رسلان الي زينة و سحبها من اديها و جعلها تقف بجواره
صديقة هنا : بسم الله ما شاء الله زينة كبرت و بقت ذي القمر
هنا بابتسامة : زينة طول عمرها قمر ١٤
صديقة هنا : فعلا قمر ١٤ اللهم بارك هي عندها كام سنة
هنا : عندها ١٩ و هتم ٢٠ قريب
صديقة هنا : هي في جامعة ايه
هنا : اعلام و رايحة اخر سنة
صديقة هنا بابتسامة : الظاهر مش هنبقي أصحاب و بس عاصم ابني منزلش عينة من عليها من اول موصل
هنا بصدمة : اه و مالو بس مينفعش
صديقة هنا : ليه هو عاصم وحش ده سفير فى الخارجية و كلها فترة و يسافر روسيا هيمسك هناك
هنا بابتسامة : يا روحي انا مقصدش كل الحكاية ان زينة متجوزة و حامل كمان
صديقة هنا بصدمة : متجوزة و حامل اكيد اهل ابوها جوزها غصب عنها
هنا بابتسامة : اطلاقا دبه متجوزة رسلان و حامل منه و كلها كام شهر و تولد
صديقة هنا : يستحيل تكون حامل بقي دبه منظر واحدة حامل هي اصلا بطنها باينة
هنا بابتسامة : بكرية بقي و كمان جسم زينة صغنن كده و حلو
صديقة هنا : مبروك يا هنا هتبقي تبتة
هنا بغيظ : فشر انا هبقي مامي مش تيتة ابدا قال تيتة قال انتم عوزين تكبروني
صديقة هنا بضحك : ههههههههههه هتكبري هتكبري بلاش تقلقي
استمرت الحفلة و كانت روتانا سعيدة بالاجواء الذي جهزها رسلان لها و كانت زينة طوال الحفل تقف بجوار رسلان فهو يعذبها بالوقوف بذلك الكعب
❄️❄️❄️❄️❄️❄️❄️❄️❄️❄️
في الفرح
❄️❄️❄️❄️
تجهزت روتانا و ارتدت فستان الزفاف الملكي بلونة الناصع و عملت مكياج جميل و رفعت شعرها إلى الأعلي

اما هنا فارتدت فستان باللون البيج ذو فتحة صدر

ارتدت لميس فستان مزيج من اللونين الفضي و الأخضر

اما زينة فارتدت فستان باللون الأحمر يحدد منحنيات جسدها و مغلق و رفعت شعرها إلى الأعلي و عملت مكياج ناعم

كانت زينة تجلس بجوار جدها رحيم الذي يضمها لحضنة بشدة و يبتسم لها و فرحان لزواج ابنة ماجد من روتانا
اما زينة فكانت تجلس تنظر علي ماجد و تتذكر ما كانت ستفعله معه في بوم زفافة فهي كانت سترقص معه و لن تتركة لروتانا و كانت هي و روتانا يضربون بعضهم البعض بس مشاكستها لها اما الان فهي تجلس وحيده حزينة ترغب بشدة في احتضان ماجد
كانت روتانا تجلس بجوار ماجد و اقتربت منه
روتانا بابتسامة : حبيبي
ماجد بابتسامة : عيون حبيبك
روتانا برجاء : علشان خاطري روح لزينة و هاتها ارقص معها ديه امنتيتها من يوم الخطوبة بتاعتنا
ماجد : لا
روتانا بحزن : علشان خاطري بلاش خاطري انا و رحمه منصور عندك بلاش تكسرها اكتر من كده شوف عاملة اذاي
نظر ماجد علي زينة و جدها تنظر له بضعف و تقاوم دموعها
هنا بحنان : علشان خاطري ماجد بلاش تزعلها النهاردة كمان ديه زينة حتي لو غلطت سامحها
وقف ماجد و توجه الي زينة و مسك اديها و سحبها خلفة لساحة الرقص و بالفعل اشتغلت الأغنية المفضله لها
نظرت زينة له و نزلت دموعها بغزارة فضمها لحضنة بكل برود
انفجرت زينة في البكاء و كان جسدها يرتجف بين أحضان ماجد
زينة بدموع غزيرة : اسفة عمو اسفة سامحني
ماجد : عمري مهسامحك انتى ضيعتي كل حاجة
نظرت له زينة بضعف و نفس متقطع
زينة بدموع غزيرة : صدقني هريحك مني و من عاري و فضحتي انت صح اللي ذي ملهمش مكان بينكم انا الموت ارحملي ربنا يريحكم مني قريب بس توعدني تدفني في حضن بابي
ماجد بخوف : تقصدي ايه
زينة بابتسامة مهزوزة : انسي مبروك يا حبيبي
ماجد بخوف : تقصدي ايه
زينة بابتسامة مكسورة : احضني ميجو احضني اوي وحشني اوي
استمرت الرقصة و كان الجميع يجلسون ينظرون عليهم بابتسامة
رحيم بابتسامة : زينة غيرانه علي ماجد
سعاد بابتسامة : اه شايف حضناه اذاي
محمد بابتسامة : ربنا يستر و تخليه يسافر مع روتانا
سعاد بابتسامة : لا هتسيبة يسافر خلاص بقي عايش معاها و في اي وقت تعوذه هيكون جمبها كمان روتانا بتحبها
رحيم بابتسامة : ربنا يحميهم بس البت ديه اللي يشوفها يقول انها مش حامل خالص ديه المفروض في أول السادس
سعاد بابتسامة : هي البكرية كده و كمان جسم زينة صغير مش بيبان حمل كان لسه بدري اوي الحمل ده البنت لسه صغيرة
رحيم بابتسامة : خليها تجبهم بسرعة و بعد كده تستريح
سعاد بغيظ : اه يا ناري من رسلان قال ايه مش عاوز يعرف نوع الجنين غير يوم الولاده علشان يبقي فرحان اكتر
رحيم بضحك : ههههههههههه متغاظة انتى منه
بعد انتهاء الرقصة تركت زينة ماجد و غادرت القاعة حتي تبكي بشدة
وقفت زينة في الجنينة تبكي فوجدت من يرفع لها منديل فاخذتة منه و مسحت دموعها
الشاب بابتسامة : للدرجة ديه بتحبيه
زينة بدموع : اه
الشاب : و ليه سابك متجوزكيش
زينة بابتسامة حزينة : مينفعش يتجوزني اصل العريس بيكون عمي و انا زعلانة انه هيسبني و يسافر شهر بحالة و انا بحبة اوي و مش عوزة اسيبة
الشاب بابتسامة : لا متزعليش هو شوية و هيجي بلاش تقلقي
زينة بابتسامة حزينة : بعد اذنك
عادت زينة الي الداخل و جلست بجوار جدها الذي ضمها لحضنة و قبل رأسها بكل حنان و حب
مر الوقت و انتهي الفرح و غادر العروسان لخارج البلاد لقضاء شهر العسل
طلبت زينة من جدها ان تسافر معهم لفترة و طلبت منه أن يطلب من رسلان و عدم اخباره بانه طلب منها
رحيم : قولت ايه يا ولدي عاوز زينة تفضل معايا شوية
رسلان : و الله يا جدو كنت هوافق بس للاسف انا هاخد جنتي و هنسافر اسبوعين ذي ممتعودين دايما
رحيم : طيب خليها تيجي اسبوع واحد علي الاقل و خدها الاسبوع التاني مكان ما انت عاوز
رسلان : تمام يا جدو نرتب الدنيا و نيجي علي الصعيد
رحيم : لا رتب انت دنيتك و هي هتسافر معانا بكرا الصبح تمام تمام
ضم رحيم زينة لحضنة و قبل خدها بكل حنان و حب
رحيم بابتسامة : هتيجي معايا يا قلب رحيمك و تفضلي قاعده قدامي كده لغاية مشبع منك
زينة بابتسامة هادية : و انا كمان هفضل قدامك لغاية مشبع منك و عوزة اروح لبابي علشان وحشني اوي اوي اوي
رحيم بحنان : هنروح كمان مهرة وحشتيها اوي بس مش هينفع تركبيها مش مهم المهم انك تلعبي معاها
غادر الجميع الي القصر و جهزت زينة شنطة ملابس لها و في الصباح صدمت عندما وجدت رسلان يحمل حقيبة ملابس له و ينزل امامها
رسلان بسخرية : كنتي فاكرة اني هسيبك تهربي
زينة بهدوء : انا مش ههرب بلاش تقلق انا بس وحشني بابي و جدو و المكان كله و هحاول اشبع منه علي قدر الإمكان لان النهاية قربت
رسلان باستغراب : تقصدي ايه
زينة بهدوء : مقصدش هسافر مع جدو صح
رسلان : اه هنقابلة في المطار
جلست زينة في السيارة و وضعت رأسها علي الشباك تنظر للطريق و للناس حتي وصلو الي المطار
رحيم بحنان : تعالي يا حبيبتي في حضني
زينة بابتسامة حزينة : رحيمي
ضمها رحيم لحضنة و توجه الجميع إلى الطيارة
فضلت زينة بين أحضان جدها تحت استغراب الجميع من شدة تعلقها بيه الجميع يعلم بأنها تحبه و لكن لماذا كل هذا التعلق
وصلت الطيارة الي الاقصر و تم إنهاء الإجراءات القانونية و ركب الجميع السيارات و نطلقت الي قصر الرفاعي
❄️❄️❄️❄️❄️❄️❄️❄️❄️
في قصر الرفاعي
❄️❄️❄️❄️❄️❄️
وصلت السيارات إلى القصر و نزلو
سلوي بابتسامة : حمد لله على السلامة يا جماعة
سعاد بحنان : اطلعي يا قلبي استريحي
زينة بابتسامة : ماشي تيتة
رحيم بحنان : يالا يا رسلان مع مراتك استريحو شوية من الطريق
رسلان بابتسامة : حاضر يا جدو
صعد رسلان خلف زينة التي توجهت إلي احدي الغرف و فتحتها و دخلت و هو خلفها
رسلان بجمود : شوفي مكان تنامي فيه انا هنام علي السرير
زينة بهدوء : اطمن هعمل كده
توجهت زينة الي الدولاب و اخذت ملابس منزلية لها و توجهت إلي الحمام و اخذت دش و تؤضات و خرجت تصلي فروضها بخشوع تام و بعد ذلك توجهت إلي الكنبة و نامت
نظر رسلان الي زينة و توجه الي الحمام و اخذ دش منعش و تؤضا و خرج يصلي فروضه بخشوع تام و نام علي السرير
مر الوقت سريعا و صحيت زينة علي صوت خبط علي الباب ففتحت و كانت الخادمة تخبرها ان الغداء جاهز
زينة : رسلان اصحي
رسلان : صحيت
غسلت زينة وشها و نزلت الي الاسفل و خلفها رسلان
تناول الجميع الطعام وسط الهدوء التام و بعد ذلك اخذت عزة زينة و توجهو إلي الجنينة و جلسو
عزة : مالك زوزو
زينة : مفيش
عزة : زينة انتي فيكي حاجه كبيرة انتي مش زينة الشقية اللي بتضحك و بتلعب
زينة بتنهيدة : يمكن كبرت و فتحت عيني علي الدنيا
عزة : يعني ايه
زينة بابتسامة مكسورة : انسي انتي اخبارك ايه في الحمل عرفتي نوعه
عزة بابتسامة : اه انا حامل في بنت و هي كويسة بس منصور مش طايقني كان عاوز ولد بس مش مهم المهم عندي ان بنتي توصل بالسلامة
زينة بابتسامة حزينة : ربنا يقومك بالسلامة
عزة بمشاكسة : انتم السابقون و نحن اللاحقون
زينة بابتسامة : مش عرفين مين الاول
عزة : اعملي حسابك لو جبتي ولد هيتجوز بنتي غصب عنك
زينة بابتسامة مكسورة : ادعيلي عزة كل متفتكريني ادعيلي
عزة بخوف : مالك يا اختي حاسة بأية
زينة بابتسامة مهزوزة : بابي وحشني اوي و نفسي اروحله
عزة بفزع : بعد الشر عليكي يا حبيبتي حاسة بأية
زينة بابتسامة حزينة : مفيش بس انا دلوقتي في السادس و خايفة
عزة بحنان : متخفيش يا روحي انا اول متولدي هاجي افضل معاكي و كمان روتانا معاكي
زينة بابتسامة : انسي
الخادمة : ست عزة ستي سلوي عوزاكي
عزة : طيب انا جاية
زينة بابتسامة : روحي عزة
دخلت عزة و نظرت وجدت رسلان يجلس فتوجهت له
عزة بحزن : رسلان
رسلان : نعم عزة في حاجه
عزة بدموع : خلي بالك من زينة زينة في حاجه كسراها و خايفة طمن قلبها الست مننا بتحب جوزها يضمها لحضنة و يطمن قلبها طبطب علي قلبها و عرفها انها غالية عندك زينة طفلة انحرمت من ابوها و انت كنت مالي حياتها و كنت بتهتم بيها و كانت ذي الوردة المفتحة ليه دلوقتي لما بقت ملكك بقي ده شكلها زينة مكسورة من جوا اوعي رسلان تكون انت وقتها هتطلب السماح مش هتلقية مهما عملت الست لما بتتكسر من جوا عمرها مهتغفر و لا هتسامح ربنا يصلح حالك و حالها
نظر رسلان لعزة و لكلامها الذي لمس أوتار قلبه و توجه الي الخارج و وقف يشاهدها و هي تجلس علي المرجيحة
رسلان لنفسه : اذاي كسرتها بالشكل ده اذاي هنتها اذاي اذتها مهما حصل ديه زينة اللي اتولدت علي ايدي اللي مسكت ايدي اول متحركت هي ديه زينة اللي ضحكتها كانت بتسمع المكان كله هي ديه زينة اللي كانت بتجري عليا علشان تاخد من المحفظة و تفضل تضحك هي ديه زينة اللي كانت بتعمل فيا مقالب راحت فين ضحكتها و شقاوتها و برائتها انا اللي كسرت كل ده هي مش اول واحدة و لا آخر واحدة تغلط و زينة عمرها متغلط
توجه رسلان الي زينة و جلس بجوارها و نظر لها و لكن كانت زينة انتظارها موجهه للنيل
رسلان بحنان : جنتي مالك حاسة باية
زينة : لا رد
رسلان بحنان : زوزو حبيبتي انا بكلمك
زينة بكسرة : ايه خطة جديدة علشان لما تقتلوني محدش يشك فيكم و الكل عارف انكم بتحبوني
رسلان بصدمة : انتي بتقولي ايه
زينة بكسرة : مفيش انسي
رسلان : زينة الموضوع ده مينفعش يتفتح هنا لما نرجع القاهرة نتكلم
زينة بكسرة : صدقني مفيش كلام يتقال كل حاجة حصلت و نتهت للابد انت مش بس كسرت خاطري لا انت كسرت قلبي و روحي بس انا هريحكم كلكم قريب جدا
وقفت زينة و توجهت إلي الداخل و سألت عن جدها و علمت بانه في المكتب و دخلت له
دخل رسلان بعد فترة الي الداخل و سأل علي زينة و اخبره محمد بأنها في الداخل مع رحيم فاسرع الي المكتب و خبط و دخل
دخل رسلان وجد زينة تجلس علي قدم جدها و تضع رأسها على صدره و تغمض عيونها و هو يضمها لحضنة بكل حنان و حب فهي أصغر احفادة و ابنة ابنه الراحل
رحيم بجدية : عاوز حاجه رسلان
رسلان : هي نايمة
رحيم بابتسامة : اه يا روحي دخلت و نامت في حضني
رسلان : بعد اذنك هاخدها تطلع تنام فوق و انا كمان هنام
رحيم بحنان : ماشي يا ولدي شلها براحة اوعي تخليها تصحي
حملها رسلان بهدوء و حنان كما تعود دائما و خرج من المكتب و صعد الي الاعلي
❄️❄️❄️❄️❄️❄️❄️❄️❄️❄️
- يتبع الفصل التالي اضغط على (رواية جنة الرسلان) اسم الرواية