رواية ام لاخواتها الفصل السابع عشر 17 - بقلم نورهان
ام لاخواتها ♥️
البارت 17
بعد اذن الادمن ممكن تنزلها من فضلك
چودي،، في نفسها مينفعش اعلقك بيا اكتر من كده المشكله دلوقتي مبقتش على قد اني اطمن علي اخواتي أنا اللي مش هعيش كتير خلاص انا بقيت كل اللي يتمناه اجوز لارين علشان اطمن عليها قبل ما اموت انا هي دي مهمتي في الدنيا فعلا صدق اللي قال الدنيا عبارة عن بابين واحده رحم الأم وده باب الدخول والتاني باب القبر وده باب الخروج منها سبحان الله يارب وبتفوق لنفسها بتبص حواليها وتجيب قالب طوب كبير وتقيل جدا وبتشيله رغم تقله عليها ويوسف بيكون مستغرب جدا اللي بيحصل وبيقولها
يوسف ،، انتي بتعملي ايه ردي علي سوالي يا چودي أنا بقولك بحبك وعايزك معايا وهقف جنبك في كل حاجه
چودي وهي بتحط قال الطوب جنب رجل يوسف بالظبط على اللغم بس انا مش بحبك ولا هينفع احبك للاسف
يوسف ،، ليه فيا ايه وحش وانا اوعدك اغيره
چودي ،، بتشد أيده وبعدته عن اللغم وبتفرح جدا أنه محصلش ليه حاجه انت مفيش فيك حاجه وحشه نهائي أنا اللي في شخص في حياتي بحبه جدا وناويين نتجوز بعد ما اجوز لارين على طول وسبب أن محدش يعرف اننا متفقين مش نعرف حد غير بعد ما اطمن علي اخواتي
يوسف وقلبه هيقف من كتر الصدمه بيمسكها من أيدها جامد وچودي بتتوجع جدا بس مش بتبين ده انتي ليه مقولتيش حاجه زي دي قبل كده ومين ده چودي بتشد أيدها منه وبتزقه جامد في صدره انت اكيد اتجننت انت مالك اقولك أو مقولكش انت مش من بقيت عائلتي اكيد واذي كان على النسب اللي بنا ده مش معناه انك تعرف حاجه عن حياتي الزم حدودك معايا يايوسف باشا احسنلك وابعد عن حياتي وكل الهبل اللي حصل ده انا هعتبر نفسي مسمعتش حاجه بتمشي ويوسف بيمسك أيدها وبتكون مدياه ضهرها ومش بترضي تلف ليه علشان مش يشوف دموعها اللي بدأت تنزل أنا فعلا هنساكي نهائي وانا فعلا غلط اني فكرت فيكي بس بكره تندمي يا چودي باشا انك ضيعتي حبي وهترجعي ليا
اللهم صل وسلم وبارك على سيدنا ونبينا وحبيبنا وشفيعنا محمد وعلى اله وصحبه اجمعين ♥️ 🙏 ♥️
ومش هتلاقيني تاني حتي لو صدمه أنا هطلب نقلي من الشغل لمحافظة تانيه ومش هتلمحيني تاني نهائي وبجد ندمان على حبك وبيسبها ويمشي وچودي بتركب العربية وتجري على تربت امها وتفضل تعيط جامد ماما أنا تعبت قوي يا امي أنا كمان بحبه قوي والله العظيم بحبه بس مش عايزه اظلمه معايا ايه ذنبه نتجوز ونعيش مع بعض سنه ولا اتنين وبعدين الموت يفرقنا واسيبه موجوع بعدي مش عايزه اكون انانيه في حقه كرهني ياامي كرهني قوي قلب بنتك اتوجع يا امي وبتفضل تصوت بصوت عالي جدا وبتشد شعرها جامد وبتقع على الأرض بتحس بوجع شديد في دماغها وبيغم عليها
عند منه
منه ،، اختك اتاخرت قوي يا لارين هي فين كل ده
لارين وهي بتكلم يامن على الواتساب زمانها جايه يامنه هي اول مره يعني
منه ،، بس انا حاسه انها مش بخير قلبي بيقولي أن فيها حاجه اتصلي عليها
لارين ،، اكيد تليفونها مقفول مدام في مأمورية ياموكه ما انتي عارفه طبعها
منه ،، وهي حسه بقبضه شديدة في قلبها معرفش اتصرفي أنا مش مطمنه بنتي فين
الباب بيخبط بتجري منه تفتح وهي مفكرها چودي بتفتح تلاقي چومانه وتيم وابنهم لارين بتجري تشيل ريان
چومانه ،، مالك يا منه شكلك عامل كده ليه في حاجه حصلت
منه ،، اختك طلعت مأمورية من بدري ومش رجعت ولا اتصلت أنا خايفه عليها قوي هاتولي بنتي
تيم ،، اهدي بس طيب استني اكلم يوسف اكيد هو معاها في المأمورية دي
چومانه ،، فكرة برضه اتصل يطمنا عليهم
وبيتصل بيه تيم
يوسف ،، ازيك يا تميم
تيم ،، مدام قولت تميم مش تيم يبقي في مصيبه
يوسف ،، لا مصيبه ولا حاجه مرهق شويه بس من الشغل انت ومراتك وابنك كويسين
تيم ،، اه كلنا بخير الحمد لله بقولك المهمه بتعتكم تمت ولا لسه
يوسف ،، ااه كل حاجه تمام الحمد لله بس انت من امته بتسال عن شغلي
تيم ،، اصل الصراحه چودي لسه مرجعتش والجماعة قلقانين عليها
يوسف وهو مفكر انها راحت تقابل حبيبها لا أنا خلصنا من حوالي أربع ساعات ومشيت معرفش راحت فين تلاقيها راحت تجيب حاجه او عندها مشوار
تيم ،، تمام ياحبيبي مبروك على المهمه
يوسف ،، الله يبارك فيك هقفل أنا علشان عندي شويه شغل
تيم ،، في رعاية الله ياحبيبي مع السلامه
منه ،، ها قالك ايه
تيم ،، اطمني العملية تمت بنجاح الحمد لله بقالها اربع ساعات كمان ومشيت
چومانه ،، طيب الحمد لله اهدي بقي ياموكه تلاقيها نسيت تفتح التليفون وراحت الشركه ثواني اكلم اونكل بدر وبتتصل على بدر تسال علي چودي
بدر ،، وهو قلق عليها تكون تعبت علشان عارف مرضها حب يطمنهم ااه هي عدد علي الشركه وفعلا تليفونها فصل بس انا بعدها الموقع تخلص شويه شغل اول ما تيجي هخليها تكلمكم سلام
چومانه كانت فتحه الاسبيكر وبيطمنه كلهم عليها
منه ،، الحمد لله يارب الف حمد وشكر لله هقوم أنا احط الاكل مدام هتتاخر
وعند بدر بيقلق جدا وبياخد التليفون ومفتاح العربية وبيروح على يوسف يعرف اخر مكان كانت فيه لأن مش عادتها تسيب التليفون مقفول
السلام عليكم
يوسف ،، وعليكم السلام ورحمه الله وبركاته اهلا ازي حضرتك يا مستر بدر
بدر ،، بخير الحمد لله نحمد ربنا على كل حال بقولك هو في حاجه حصلت في المأمورية أو بينك وبين چودي زعلتها
يوسف ،، ليه بتقول كده المهمه عده على خير الحمد لله وانا وچودي مفيش بنا غير الشغل وبس طبعا بدر بيشوف في عينه نظره حزن بيتاكد أن في حاجه حصلت
بدر ،، بص يا يوسف انت زي ابني وبنات نور برضه ولادي أنا عارف انك بتحبها ومن زمان
يوسف ،، هاا ايه اللي انت بتقوله ده لا طبعا الحقي
بيقطعه بدر بلاش تخبي عليا انا زي ابوك قولتلك
يوسف 😔 صدقني حتي لو فيه هي مش موافقه عليا وبتحب حد تاني
بدر ،، نعم حد تاني ازاي مش فاهم
لا اله الا انت سبحانك اني كنت من الظالمين ♥️ 🙏 ♥️
بيحكي يوسف ليه اللي حصل بينه وبين چودي وبيتاكد أن چودي قصده تبعده عنها علشان مرضها وبيعرف هي فين وبيكون خايف عليها جدا خصوصا انها كده اتعرضت لضغط نفسي والدكتور منبه عليها محدش يعرضها للزعل
يوسف ،، وبس ده كل اللي حصل
بدر بيقوم بسرعه طيب انا هجيلك تاني بس هقولك حاجه قبل ما امشي اوقات كتير الدنيا بتجمعنا بالشخص الصح في الوقت الغلط والعكس صحيح
يوسف ،، قصدك ايه
بدر ،، بكره تفهم وبيطلع يجري على تربه نور ده المكان الوحيد اللي چودي بتروح هناك وهي زعلانه أو فرحانه
اول ما بيوصل ويشوفها وقعه بيتخض عليها يشلها يوديها العربية ويجري بيها على المستشفى وهناك بيكون قلقان عليها جدا
بيخرج الدكتور من غرفة الكشف
بدر ،، طمني چودي كويسه
الدكتور ،، هي الحمد لله لحقناها على اخر لحظه قولت لحضرتك لازم تبدأ في العلاج باسرع وقت غير كده مش هتعيش كتير
بدر والدموع في عينه حاضر هحاول اتصرف واقنعها
وبيدخل لي چودي بتكون نائمه على السرير سرحانه والدموع بتنزل من عينيها
بدر ،، احم حمدالله على سلامتك
چودي ،، اونكل بدر الله يسلمك
بدر ،، يوسف حكالي على اللي حصل يا چودي ليه كده ليه تتعبي قلبك وقلبه وقلوب اللي حواليكي ليه في ايدك تلحقي نفسك ورافضه خصوصا اني متأكد أن انتي كمان بتحبيه وقوي
چودي ،، غصب عني مش عايزه اعلقه بيا اكتر من كده وخلاص هانت لارين قدامها سنه واجوزها ووقتها هبدا العلاج زي ما وعدك ولو ليا عمر ومكتوب ليا اكون مع يوسف اكيد هنكون مع بعض غير كده اكون بظلمه وبظلم اللي حواليا بجد
بدر ،، بس
چودي ،، مفيش بس من فضلك خلص ورق المستشفى علشان الحق اروح
بدر ،، تمام زي ما تحبي
وبيخلص ورق المستشفى وتروح البيت
وبيعدي فترة تكون لارين وروضة خلصه الامتحانات وبيجهزه للجواز
يامن ،، يلعن ابو ام الجواز على اللي عايز يتجوز
لارين ،، لا والله بقي كده طيب خلاص انا هقول لي چودي نلغيه خالص 🥺🥺
روضه ،، وانا كمان معاكي
احمد ،، العب طيب نعمل ايه
يامن ،، ياستي بقالنا عشر ايام بندور على ام الفساتين تعجب حضرتكم وانتم مفيش حاجه عجباكم نهائي
لارين ،، ما أنا مش لاقيه حاجه عجباني
روضه ،، وبعدين ده بيتلبس مره واحده في العمر
بتدخل چودي ايه اللي بيحصل هنا
بتجري عليها روضه ولارين
لارين ،، ياچودي مش لاقيه فستان مميز ويامن بيقولي زهقت من اللف على المحلات
روضه ،، احنا نفسنا في فستان شيك يكون حاجه كده مبسوطين بيها مش مجرد تقضيه غرد
يامن ،، يا چودي عشر ايام الهوانم مش موافقين على حاجه نهائي
احمد ،، ونبي اتصرفي انتي يا چودي وحليها
چودي ،، خلصته في اتيليه فاتح جديد وانا اخد أجازه طويلة من الشغل لحد بعد الفرح چومانه هتيجي نروح نجيب الفساتين النهارده باذن الله وانت يا يامن وأحمد تأمن على القاعه بكره علشان مش فاضل غير يومين بس على الفرح
بيعدي وقت چومانه بتيجي ويروحه كلهم يختاره الفساتين
وچودي بتقف قدام فستان ابيض شيك قوي وبتفتكر يوسف اللي اتنقل بلد تانيه ومتعرفش عنه حاجه نهائي وبتتخيل نفسها بيه
روضه ولارين بيختاره فعلا فساتين مميزه جدا وفيهم شبه من بعض
بيجي يوم الفرح چودي بتلبس فستان احمر ناري قط ونازل مجسم عليها وفي بعض الكسره شيك قوي عليها ورسمه الايلاينر بطريقة تخطف الانظار وبتحط احمر شفايف احمر ناري وبتفرد شعرها على ظهرها بتكون مليكه بجد
منه ،، لبست فستان اسود مجسم عليها من اختيار لارين على حجاب دهبي وميكب هادي مبين ملامحها وحقيقي كانت جذابه جدا وبيكون فيها شبه كبير من نور بالميكب ده
چومانه بتلبس فستان احمر ناري قط شبه فستان چودي وعليه هيلز فضي وميكب سيمبل وبتفرض شعرها زي چودي وبيكونه عاملين تناسق الالوان تحفه كل اللي يشوفهم يحلف أن ما في جمال كده وملبسه ريان ابنها بدله كلاسيك رمادي فاتح شبه بتعت تيم بالظبط
چودي وبدر بيطلعه يجيبه البنات مع بعض ويكون معاهم صلاح اخو روضه
بيدخله يتوهمه من شكل البنات
لارين لابسه فستان قب سك لحد الخصر ونازل منفوش جدا وعامله تسريحه شعر مميزه مخلياها قمر جدا
وروضة لبسه فستان مشابه ليه بس الطرحه اطول من لارين
چودي ،، بسم الله ماشاء الله تبارك الرحمن ايه القمر ده ياناس لا أنا كده ممكن ارجع في كلامي
لارين ،، ياريت يلا بينا
چومانه ،، أنا بقول كده برضه يلا نروح وانا كمان اطلب الطلاق احنا ملناش غير بعض اساسا
بدر ،، بس يا جزمه انتي وهي ده الواد يفضحنا
چودي ،، مالك يا روضه في ايه
روضه ،، أنا مش عايزه اتجوز مستحيل ابعد عنكم انتم اخواتي واهلي
چومانه ،، بلاش هبل طيب ما أنا اتجوزت وخلفت اهو بعد عنكم لا طبعا مستحيل الجواز سنه الحياه
لارين ،، اومال فين منه
چودي ،، تحت في القاعه مش رديت اطلعها معانا دي مجنونه ممكن لو شافتك كده تحلف ما في جواز وترجع بيكم على البيت يلا بقي ننزل
بتنزل لارين في ايد بدر وچودي
وچومانه وراها ماسكه ليها الطرحه
وروضة نازله في ايد صلاح بتلاقي حد وراها بيمسك الطرحه وبتكون ياسمين وبتكون مفاجاه حلوه للبنات اللي من زمان مش شفوها
بينزله
يامن ،، احي دي بتعتي بجد
چودي ،، حافظ عليها يايامن وخد بالك منها دي بنت عمري
بدر ،، اللهم صل على النبي في حاجه غلط النهارده
بيضحكه كلهم
يامن ،، دي جوه قلبي اوعي تخافي عليها
احمد ،، بسم الله ماشاء الله تبارك الله القمر ده بتاعي لوحدي
صلاح ،، خد بالك منها دي الغاليه
احمد ،، اوعدك احافظ عليها لآخر العمر بيلاقي روضه عينها دمعه مالك يا روحي في ايه اهدي
روضه ،، جعانه قوي يااحمد ماكلتش غير سبع ساندويتشات شاورما وطبقين مكرونه اليوم كله واربعه مربه بالقشطه
احمد ،، 😳😳😳😳😳😳 احي ده انا اضحك عليا في الجوازه دي ولا ايه بيضحكه كلهم وبيبدا الفرح وبدر بيشوف منه ويتصدم من جمالها وبيحس قلبه بيتحرك ليها
بدر ،، ازاي أنا عمري ما اخد بالي منك يا منه انتي جميله ورقيه قوي
وچودي اللي بتتصدم لما بتشوف يوسف وبتحس أن قلبها بينبض بشده ويوسف اللي اول ما يشوفها بيحس أنه نفسه يخدها في حضنه ويعاتبها وچودي بتعتبه على بعده عنها وبيبدا الفرح وبيكون حلو جدا والبنات كلهم مبسوطين قوي وچودي بتحس بتعب شديد في دماغها بس مش بتبين لحد وبيخلص الفرح وأحمد بياخد روضه على بيتهم وچودي بتاخد البنات لي امها علشان يكتبه الكتاب زي چومانه هناك
ويوسف بيستاذن علشان هيسافر الصبح وياسمين بتروح علشان تسلم على امها
بيوصله كلهم عند نور وبيتكتب الكتاب
لا اله الا انت سبحانك اني كنت من الظالمين ♥️ 🙏 ♥️
چودي قدام قبر امها سانده منه وچومانه وجوزها وابنها معاها ولارين بفستان الفرح وجوزها
چودي ،، ماما لارين كمان اهي كده كل واحدة في بيتها مع الراجل اللي يستهلها يارب اكون حافظت على الامانه بتعتك ياحبيبتي
چومانه،، وحشتيني قوي ياماما يارب تكوني في نعيم الاخره
لارين ،، كان نفسي تكوني معايا ياماما قوي ودخليني بيتي يانور عيني وبتعيط
يامن جوز لارين ،،، الف شكر ليكي يا حماتي على الهديه الغاليه دي ووعد مني احافظ عليها طول العمر
تيم جوز چومانه ،، وعدك هنا اني احافظ على چومانه ووفيت بوعدي معاكي وهفضل محافظ على الامانه لحد ما نتقابل في الجنه باذن الله
منه ،،، بناتك اتجوزت يانور وچودي كانت قد الامانه وانا عملت كل اللي اقدر عليه علشان احافظ عليها
چودي ،، يلا نقرأ الفاتحه علشان نروح لارين بيقرا كلهم الفاتحه وبيوصله لارين بيتها وچودي بتبصلها كأنها بتودعها بتاخد منه وتروح عند العربية
چودي ،، چومانه خدي جوزك وابنك وروحي يلا
چومانه ،، طيب ما ابات معاكي النهارده
چودي ،، لا يااختي أنا هاخد منه واروح
تيم ،، طيب ما اوصلكم بالعربيه
چودي ،، وهي بتحضن اختها قوي وبتبوس عدي ابنها لا مستر بدر هيوصلنا ويتمسك أيده خد بالك من چومانه وحافظ عليها هي وعدي
تيم ،، دول في قلبي چودي بتبتسم ليهم وبتمشي
في عربيه مستر بدر ،،
مستر بدر ،، اي يا چودي مش كفايه كده اظن أنا سبتك سنتين اهو زي ما قولتي
چودي وهي حسه بدوخه خفيفه فعلا كفاية كده الحمد لله ربنا قدرني لحد ما اطمنت على بناتي والفضل يرجع لك
مستر بدر ،، عيب تقولي كده خلينا نلحق علشان خاطرهم علي الاقل
منه ،، انتم بتكلمه على ايه أنا مش فهمه حاجه
چودي ،، هقولك بعدين ياموكه مستر بدر بيبص ليها وعينه بتلمع بالدموع وبيوصلهم عند البيت وچودي بتنسي الشنطه في العربيه وبتطلع البيت
چودي ،، الفرح كان حلو جدا يا منه
منه،، عقبال فرحك انتي كمان اهو كل واحدة وصلتيها بيتها مفيش غيرك دلوقتي
چودي ،، بتغير الموضوع طيب انا هدخل اخد شاور وانام لاني تعبت جدا بتدخل الحمام تحس بدوخه شديدة وبينزل دم كتير من منخيرها وبتقع على الأرض منه بتسمع صوتها وتطلع تجري عليها اول ما بتشوفها بتفضل تصرخ وفي نفس الوقت بيكون طالع مستر بدر يديها الشنطه اللي نسيتها بيسمع صوت منه بيطلع يجري ويتصدم بشكل چودي بيخودها ويجري علي المستشفى اول ما بتوصل بتكون اخواتها واجوزهم هناك لأن منه بتتصل عليهم بيجي الدكتور اول ما يشوفها
الدكتور ،، عمليات بسرعه
بدر ،، ايه اللي حصل يادكتور چودي مالها
الدكتور ،، أنا قولتلك كان لازم تعمل العمليه الورم سيطر على المخ
منه والبنات في حالة صدمه
منه ،، هو يقصد ايه يا مستر بدر يعني چودي كانت تعبانه ومخبيه علينا انطق حد يرد عليا
الدكتور ،، الانسه چودي جالها ورم على المخ من سنتين وكان لسه في اوله وانا نصحتها اننا نبدا العلاج وهي اللي رفضت وكان معاها الاستاذ بدر
منه ،، أنت كنت عارف الكلام ده وخبيت عليا يا استاذ بدر سبتها تموت نفسها
مستر بدر ،، غصب عني حلفتني انتي مقولش لحد قولتلها تتعالج وانا اساعدها رفضت وقالت لما اجوز لارين الأول علشان اطمن عليها زي اختها وحلفتني على المصحف أن ده هيكون سر وغصب عني وفقت قدام اسرارها
منه ،، وانت شايف أن ده الصح كنت شايفها وهي بتموت وسكت شيفها وهي بضيع نفسها وسكت يعني چودي هتروح مني يعني ايه هخسر چودي مش كفايه نور لااااااااااااا وبيغم عليها
چومانه ،، يعني ايه امي التانيه هتروح
لارين ،، هي كانت بتوصلني بيتي علشان تروح مني مش عايزه اتزفت أنا عايزة اختي ياچوووووودي أنا لسه محتجالك
داخل اوضه العمليات الدكتور بيعمل كل اللي يقدر عليه علشان ينقذ حياتها وبيخرج وهو حزين
مستر بدر طمني يادكتور
الدكتور ،، مخبيش عليك هي في لحظاتها الأخيرة يامه حظرتكم محدش سمع كلامي والإعمار بيد الله
چودي بعد ما تتنقل اوضه العنايه وتفوق تطلب تشوف منه واخواتها
چودي وهي في حالة لا يرسي لها مالكم يابنات نور مينفعش اشوف دموعكم خدو بالكم من نفسكم وسامحوني لو كنت قصرت في حاجه انتم اغلي ماليا خدو بالكم من بعض وخلو بالكم من خالتكم من بعدي هسالكم عليها في الاخره
البنات واجوزهم محدش قادر ينطق من الصدمه
لارين ،، چودي لا ونبي ورحمه ماما ما تسبيني اهون عليكي
چومانه ،، چودي أنا عارفة أن كل ده هزار انتي مش هتمشي صح
استغفر الله العظيم من كل ذنب عظيم ♥️ 🙏 ♥️
منه ،، چودي هو انا فعلا اكبر منك وخالتك بس والله أنا بستقوي بيكي اوعي تعملي زي نور وتسبيني علشان خاطري چودي ،، هات ايدك يا يامن انت وتيم اوعدوني انكم تحافظه علي البنات ومنه
تيم ،، هو وعد احافظ عليهم لآخر نفس فيا بس قومي انتي احنا كلنا محتجنلك
يامن ،، چودي اوعدك احافظ علي امنتك بس صدقيني البنات عايزينك اكتر مننا
چودي ،، مستر بدر أنا مش عارفه اقولك ايه بجد بشكرك علي تعبك معايا 15 سنه وانت في ظهري كنت ونعم الاب أنا أول مرة اقولها بس انا بحبك يابابا
مستر بدر والدموع على خده وانتي كنتي ونعمه البنت صبرتي على مرضك ووقفتي قدام الدنيا وحرمتي نفسك من كل حاجه لحد ما وصلتي اخواتك بيتهم يكفيني فخر اني اسمع منك كلمه بابا
چودي ،، كمل من بعدي يابابا وخد بالك من اخواتي ومنه
مستر بدر ،، وهو بيعيط بصوت اوعدك يابنتي اوعدك
چودي وهي عينها على الباب وشايفه روح امها وبتضحك ليها وبتمد ليها أيدها ماما
نور ،، كفاية كده ياچوچو تعالي معايا ياروح قلب ماما چودي وهي بتضحك واخر كلمه نطقتها اشهد وان لا اله الا الله واشهد أن محمد رسول الله
وفجأة أيدها بتقع والدكتور بيكشف عليها
الدكتور وعينه في الأرض
البقاء لله
- يتبع الفصل التالي اضغط على (رواية ام لاخواتها) اسم الرواية