رواية عاق الوالدين الفصل السابع عشر 17 - بقلم أيات عبدالرحمن
عاق_الوالدين 14
حمزه كان في الصندوق لا حول ليه ولا قوة
زينب : وبعدين يا سيد هنفضل كدا يا اخويا مش لاقيين جنيه نصرف منه
سيد : ما تهدي شويه يا زينب اضر.ب الأرض تطلع فلوس يعني
زينب : لا يا اخويا لا تضر.بها ولا تضربك عيشه تقصر العمر
سيد: اللهم اخزيك يا شيطان وقرب على الصندوق يفتحه ليتفاجئ بحمزه في الداخل مغمي عليه
سيد بصياح : الله اكبر فرجت يا بت والدنيا هتحلي لينا
زينب : بسم الله الرحمن الرحيم جه منين دا
سيد : من الصندوق السحري دا يابت
زينب بتساؤل : وناوي علي اي يا سيد
سيد : هكون ناوي علي اي زي اللي قبله طبعا هاخده ع الدكتور وليد
زينب: مين الدكتور وليد دا
سيد : ها وليد مين
زينب: سيد فهمني ناوي على اي
سيد : خلاص دكتور وليد دا بياخد الاطفال ويحولهم اعضا.ء بشر.يه فهمتي
زينب : اييييه اعضا.ء بشر.يه
سيد: يابت اتهدي بقي رزق وجالنا هنعترض انا خدت قرار اعمليلي بقي شاي علي ما اكلم الراجل بقي
زينب دخلت المطبخ وهي مر.عوبه وقالت: انا لازم ابلغ الشرطه
لكن هنا دخل سيد وحط السكين .حوالين رقابتها وقال : اقسم بالله اخد رو.حك فيها فهماني
زينب بخوف : ححاضر حاضر حاضر يا اخويا حاضر
سيد مش اخوها للعلم بس دا زوجها
اتأكد ان حمزه مغمي عليه بس فبدء يفوق فيه وكلم الدكتور وليد
.............
بعد ساعات طويلة اوي
راشد كان واقف عند قبر فريده وبيبكي : ابننا راح يا فريده من وقت ما مشيتي وانا كل حاجه في حياتي اتدمرت ليه سيبتيني ليه
زيزي : هون علي نفسك يا راشد هيرجع والله هيرجع
راشد: يا تري هو فين دلوقتي وبيعمل اي ياتري اكل ولا لسه
زيزي بدموع: ان شاء الله ربنا هيحفظه خليك قوي ما ينفعش كدا وبصعوبه قدرت تاخده ويرجعوا الفيلا
سهام : انتي هتفضلي منورانا كتير كدا
صالح بصوت عالي : سهام فريده هنا في بيتها
معاذ بإستغراب : فريده مين يا حاج سلامة النظر
صالح : قصدي زيزي
راشد بص ليه وسكت
سهام : بيتها ازاي لا مؤاخذة
صالح : زيزي هتفضل هنا علي طول انا متفق معاها هتشتغل هنا
سهام : خدامه يعني
صالح : لا مربيه للولاد
رغده : وهما فين الولاد دول ما واحد فيهم اختفي
صالح : هيرجع ومش عايز كلام كتير
زيزي كلمت صالح قبل دا كله ما يحصل واتفقت معاه هتشتغل مربيه للطفلين واقتنع بكدا ولما راحت الفيلا فعلا سهام طردتها
الكل كان في حالة صمت رهيبه
زيزي خطرت ليها فكره
زيزي بسرعه : هو فيه حاجه انا عايزه اقولها
سهام : ما تنطقي ياام وش خير
سعاد : عمتي مش وقته قولي يازيزي يا حبيبتي عايزه تقولي اي
زيزي : انتوا هنا في مكان راقي جدا
سهام : هي ناقصه قر يا اختي
صالح: ما خلاص يا سهام كملي يا بنتي
زيزي : اكيد في كاميرات مراقبه اقل حاجه في بداية كل شارع كاميرا
راشد رفع رأسه ليها بأمل وقال : ازاي ما خطرتش الفكره دي علي بالي
زيزي : عشان انت قلقان علي حمزه
الكاميرات دي هي اللي هتحدد الوقت اللي حمزه خرج فيه وراح فين كمان
معاذ : فعلا عندها حق احنا لازم نراجع الكاميرات دي بأسرع وقت
راشد : بسرعه يلااااااا
راشد وخالد ومعاذ كانوا راجعوا الكاميرات وشافوا حمزه وهو دخل فيلا جيرانهم
فبسرعه راحوا ع فيلا جيرانهم وسألوا لكن مفيش حد يعرف حاجه راشد غصب عنه اتعصب وعمل مشكله خالد اعتذر من عزت واخد راشد ومشيوا
راشد: ازاي وانا شايفه داخل عندهم
معاذ : لازم نبلغ الشرطه ممكن يكونوا عملوا فيه حاجه لان هو دخل وما طلعش
زيزي : طب ما اكيد بردوا الفيلا دي فيها من جوا كاميرات تروحوا وتراجعوها ولو رفض او حذف المقطع اللي حمزه دخل فيه الفيلا تعرفوا الشرطه
خالد بإعجاب : البت دي مخابرات اشك ان انتي ما دخلتيش الشرطه
نيفين بضيق : مش وقته يا خالد بيه مش وقته
خالد بتجاهل: تعالي يا راشد بهدوء نعتذر من الراجل عشان نشوف ابنك فين
راشد بسرعه: يلا
وراحوا وراشد اعتذر وراجعوا الكاميرات وشافوا ان حمزه فعلا دخل الفيلا لعب شويه في العاب اولادهم ودخل الصندوق وما خرجش منه لحد ما جه سيد واخد الصندوق
راشد حط رأسه بين ايديه وفضل يبكي
عزت قرب منه وقال : اهدي انا معايا رقم صاحب المصنع اللي الشخص دا شغال عنده وهنوصل ليه في اقرب وقت
وطبعا علي ما اتحركوا واخدوا عنوان سيد كان سيد سلم حمزه يتحول لأعضا.ء بشريه
عزت وراشد ومعاذ وخالد وصلوا العنوان واول ما دخلوا لقوا زينب غرقا.نه في د.مها وووووووووو
بقلمي أيات الرحمن
- يتبع الفصل التالي اضغط على (رواية عاق الوالدين) اسم الرواية