رواية اللقاء الثاني الفصل السابع عشر 17 - بقلم منة محمد
(((بحبك بكل الحنان اللي فيكي واحبك وكل الجنون اللي فيا)))
وصل البيت وفتح الباب ودخل لقها لابسه بيجامه قصيره ومتزوقه ومستنياه اول ما شافته جريت عليه
اسامه خطفها لحضنه : ورده حياتي وحشتيني
بسمله: انت اكتر يا اسامه بس اتاخرت كده ليه
اسامه اتنهد : والله انا كنت عايز اخلص واجيلك بفارغ الصبر
بسمله قامت من جنبه : ثواني احطلك تاكل
اسامه شدها وقعت في حضنه وطلع خاتم وحطه في صوباعها وباس ايدها وقال: للاسف معرفتش اجبلك شبكه واعملك فرح فقلت اشتري ع الاقل خاتم يارب يعجبك
بسمله دمعت عيونها بفرحه وقالت: انت عندي اجمل من اي شبكه وفرح
اسامه سحب شفايفها تغوص بين شفايفه لدرجه طحنهم وهي اتفاعلت معاه في جنونه
اسامه بعد عنها وحط جبينها ع جبينها: انا اسف اني كنت اجرسيف معاكي غصب عني كنت عامل زي العطشان ولقيت كوبايه ميه ساقعه
بسمله بشقاوه: ميه ساقعه ولا عايز تبقي قليل الادب
اسامه قرص خدها: بس متنكريش كانت بوسه لذيذه ( ضحك وغمزها) وبعدين ختمك ع جسمي بعد ماتش امبارح ولا نسيتي
بسمله ابتسمت : ده عشان بحبك اوي يا اسامه لدرجه عايزه اكون قريبه منك الزق في جلدك حتي نسمه الهواء متعرفش تمر بينا
اسامه ضمها بقوه بين ضلوعه: وانا نفسي ادخلك بين ضلوعي وتكوني انتي انا وانا انتي
بسمله بصتله: صح كنت بعيد عني ومقدرش اشوفك كل يوم ولا اقدر احضنك لما توحشني بس صدقني رغم البعد الي بيني وبينك انت عايش جويا وواخد كل عقلي وواخد قلبي حتي تفكيري يعني انت فضلت عايش جوايا بالكامل
اسامه :وانا ربنا يقدرني اعوضك في الدنيا عن اي حاجه وحشه بسمله انتي اجمل حاجه في حياتي
بسمله: وانا لو اتكررت حياتي الف مره هختارك انت كل مره وجودك معايا بيعوضني الحرمان الي عشته ومفيش حاجه ترضيني غير حضنك
اسامه بمرح : كده طيب ما تجيبي بوسه اجرسيف تاني
بسمله: لاء
اسامه ضربها قفاه: تصدقي انتي بت رخمه
بسمله لعبت حواجبها: عارفه وهتستحملني
اسامه : انا مستحمل وقابل ومبسوط انا عايزك كده انا بحبك زي ما انتي وهفضل جنبك في كامل تفاصيله في حياتك هتعشيها ووقت ما تميل انا معاكي بس مالك احكيلي
بسمله :مفيش يا اسامه
اسامه مسك دقنها وبص في عيونها: لاء فيه حاجه حصلت قوليلي ايه الي حصل في البيت
بسمله ابتسمت: نفس الحاضره المعتاده وبفضل اسمعها من وقت للتاني عشان اكون بنت محترمه ومؤدبه
اسامه بشك : يعني محصلش اي حاجه تانيه
بسمله :هو انت عايز تتملق من التقرير الي هنرجعه سوي لاء انت لازم تموت ع رجلك لو عايز تنجح
اسامه: لهو انا مقلتلكيش الناس مبسوطه اوي من شغلي ونفسي اوصل عشان متندميش وتكوني فخوره بيا
بسمله: عمري ما اندم اني حبيبتك بالعكس انا فخوره بيك
اسامه سحبها ع رجله و مسك وشها بين ايده: والله يابت انتي معجونه من بسكوته ونعمه في حياه اي راجل
بسمله: عارفه كتير اتمنوني
اسامه: طب خلي حد فيهم كده يبصلك وانا اخرملك عينه
بسمله : وانا مش بيملي عيني راجل غيرك لان انت مالي قلبي وتسد عين الشمس
اسامه: طيب ما تحني وتجيبي بوسه
بسمله : قلت لاء شفايفي وجعتني منك
اسامه مسكها من كتافها: خلاص لفي واديني قفاكي
بسمله بغيظ: هو انت مش بتبسط غير لما تغلس عليا
اسامه ضحك ولفها وفضل يعملها مساج وهي ضحكت وقالت: انت مش بس حضنك الي جميل ده انت ايدك خفيفه
اسامه ضمها اوي لصدره : حبيتي قوليلي ايه المشكله خلينا نفكر سوي ونحاول نحلها مع بعض متشليش الهم لوحدك
بسمله لفت وبصتله: بجد عايز تعرف مشاكلي
اسامه مسك ايدها بين ايديه : ده سؤال عبيط يله قوليلي في ايه
بسمله : لو خسرت كل حاجه املكها هتفضل تحبني لو مفضليش اي حاجه
اسامه: هو انتي شاكه في حبي
بسمله: لاء بس اعتبره فضول
اسامه حرك ايده ع شعرها وقال: لو الي بتقوليه ده حصل وقتها هتعرفي هحبك ولا لاء
………………………..قصص منه محمد كاتب…………….
هي طالعه تركب الاسانسير واسامه نازل من الاسانسير التاني وركبت وطلعت خبطت
بسمله اعتقدت انه هو وهي رايحه ع الباب: هو انت نسيت حاجه
كادي دخلت بهيصه:دي انا بس ليه متفاجئه ولا كنتي بتعملي حاجه وحشه
بسمله: ايه الي جابك هنا في الوقت ده
كادي كشرت: اصلي سمعت انك اتخانقتي مع باباتي خناقه كبيره
بسمله بعدم اكترث: عادي ايه الجديد
كادي: وانتي ليه بتتصرفي كأنك مش عامله حاجه قوليلي مين هو بجد موظف عندك اوصفيلي شكله
بسمله: انا تعبانه وهدخل انام
كادي شدتها : اقعدي مش هتعرفي تهربي ابدا مني واعرفي انا معاكي ومقيداكي انه حقك تعيشي حياتك حتي لو اطردتي
بسمله نغزتها في جنبها بمرح: مين دي الي تطردت
كادي حطت دماغها ع رجل اختها وقالت : بابا فعلا متعصب بس هو بيتكلم ويهدد ويرجع يسكت بس تصوري انا حاسه بالغيره منك مؤمن بعد عني
بسمله مسحت ع شعرها: معقول متصلش بيكي كل ده
كادي: ايوه وتعرفي اختفي قاسي وحقير
بسمله:قومي نامي في السرير
كادي: ياستي طبطبي عليا خدي شويه بخاطري
بسمله: تمام هعمل كده
كادي شدت ايدها وجريت بيها وهي بتقول : بجد
………………….
في غرفه مؤمن قاعد قدام شاشه الكمبيوتر بيسطب شغل الباب خبط
مؤمن: زينب انا هنام
زينب فتحت الباب: انت كل ده كنت سهران فين
مؤمن بصلها: طلعت اتمشي وقابلت بنتين رخمين قعدت معاهم في كافيه
زينب: بنات مين دول
مؤمن: بنات مهيبرين بس تعرفي شوفت خالد وشكله فعلا مليونير كبير انتي محظوظه ياختي
زينب: قوم احسن نام
مؤمن: انتي عارفه انه مش الراجل الي هيعاملك بشكل كويس وانتي رايحه تتجوزيه ليه
زينب: وضح بتتكلم عن ايه
مؤمن: هو في السر بيدور وري اسامه والبنت الي معاه وناوي ينشر حكايتهم للعلن يعني عايز يفضحهم شوفتي وساخه اكتر من كده
زينب : انا عارفه
مؤمن بصدمه: عارفه
زينب: انا الي طلبت منه يعمل فيهم كده
مؤمن استغربت تصرفاتها : انتي
زينب: اظن قلت عليا مغفله وغبيه وانا مش هفضل عايشه مطلقه والناس تستغل ده وتطمع فيا فقررت انتقم للي حصل معايا
مؤمن: زينب ازاي قدرتي تتغيري وتوصلي للدرجادي
زينب: هو انت بجد متعرفش بسبب مين
مؤمن: افهمي اي نعم انتي وهو اطلقتم بس فيه روابط مابينا اسامه ابن خالتنا يعني رابطنا بيه صله رحم فا فيه شئ معقول وشئ مش معقول
زينب: وانا هعمل الي مش معقول وهحذف حتي صله الرحم من قاموسي فريح نفسك يا خويا مفيش حاجه هتغير قراري
مؤمن اتعصب: تمام اعتبري كلامي مجازي واعملي الي تعمليه اقتليه قطعيه حتت صغيره وبقولهالك مقدما انا مش هحضر فرحك
زينب: بس انت اخويا
مؤمن حدف اماوس وصرخ : اطلعي وسبيني لوحدي اطلعي
…………….قصص منه محمد كاتب……………..
اسامه واقف يكمل ابراهيم عن الشغل موبيله رن برقمها بعد ورد: ايوه
زينب: انا زينب
اسامه: عامله ايه فات مده مسمعتش صوتك
زينب: عايشه هو انت مشغول
اسامه ضم حواجبه بستفهام : ليه
زينب: انا قريبه من شغلك وعايزه اشوفك شويه
اسامه: قوليلي في ايه ع التلفون
زينب: لانتقابل وش لوش فيه حاجه مهمه عايزه ادهالك
اسامه اتنهد ونزل ركب عربيته ورحلها ودخل قعد: في ايه
زينب: عامل ايه مع حبيبتك اموركم ماشيه تمام ولا ملوش للازمه السؤال
اسامه: قلتي فيه حاجه عايزه تدهاني
زينب مدت كف ايدها المقفوله وفتحتها ع التربيزه: دبلتك مش عايزه ارميها بنفسي خدها و
اعمل بيها الي انت عايزه
اسامه: بقي ده الي جابك المسافه دي لحد هنا
زينب جيت اشوفك وعملت الدبله حجه اصل عندي فضول موت اعرف لـ اي مدي انت سعيد
اسامه مد ايده اخد الدبله وقالها : اوكيه ههتم بيها
زينب بكيد: هتجوز
اسامه سكت شويه وبعدها سألها: لمين لخالد
زينب: هعمل فرح ع الضيق عشان كده مطبعتش كروت ومش هقدر طبعا اعزمك بعتذر
اسامه: ايه الي بتفكري فيه شايفه انك هتكوني مبسوطه بالجوازه دي
زينب: ليه مفكرني بتجوز عشان مقهوره منك عشان انت جرحتني بلاش تقع في الوهم زي ما لقيت واحده غيري اقدر القي راجل غيرك يدخل حياتي
اسامه : هتندمي كتير ع الجوازه دي
زينب: ست فقيره مطلقه لقت راجل مليونير مشهور وناجح شايف ده شيئ استاهل اندم عليه
اسامه: هو انتي كويسه
زينب : ولو مكنتش هتسيب الست دي وتتمسك بيا
اسامه : ده مستحيل يحصل واظن انتي الي سبتي ايدي لحد النهايه وانا كنت متمسك بيكي ووقتها سبتيني وانتهينا
زينب اتغير لون وشها: متضحكش علي نفسك انت استغليت الفرصه عشان تروح تبدء مع حبك القديم ونسيت حبنا
اسامه: اظن حاولت بكل طاقتي اننا نبدء من اول وجديد بس افتكري انتي عملتي ايه فبلاش تظلميني
زينب : وانا بتجوز خالد مش عشان بحبه ودايبه فيه عشان انتقم منك انت و الي معاك بالقوه الي هاخدها منه
اسامه: انتي من امتي قلبك بقي حقودي كده
زينب: من يوم الي اتخليت عني وسبتني عشانها الزباله
اسامه: زينب سيطري ع لسانك لان بسمله مش زباله.. وروحي اعملي الي انتي عايزه
زينب: اتمرمغ في السعاده الي فيها حاليا بس هتخسرها قريب
اسامه :وانتي خدي النصيحه دي من راجل كان في يوم من الايام جوزك وشخص عارفك اكتر من اي حد مش هتكوني سعيده بعد ما تحطمي حياتي وهتتوجعي وحقيقي مش عارف المفروض اقولك ده لكن اعملي كل مجهودك وعيشي سعيده بدل ما انتقامك يتقلب عليكي وتعاني عن اذنك لازم امشي
…………………………….قصص منه محمد كاتب………………
في مكتب بسمله دخلت وقعدت بكل غرور وثقه
بسمله بصتلها: اهلا وسهلا خير يا مدام انغام ايه الي فكرك بيا
انغام: قلت اعدي عليكي اصلي كنت دايما كنت فاهمه غلط وشكيت ان فيه حاجه بينك وبين خالد وانتم مخبين عني
بسمله: كان المفروض تثقي في جوزك اسفه قصدي طليقك دلوقت وطبعا زعلت جدا لما سمعت.
انغام: عادي يا روحي متزعليش الطلاق نصيب زي الجواز اهم حاجه تتجوزي قبل القطر ما يفوتك
بسمله: ممكن اعرف ايه الي جابك هنا
انغام: انا خسرت الحضانه ع اولادي ولازم احارب مع خالد عشان ارجعهم بس مش هقدر احارب فيه لوحدي عشان كدا بطلب منك تساعديني
بسمله: مفيش سبب عندي عشان اساعدك يا انغام
انغام: لاء فيه يا بسمله عدونا واحد ولو اتحدنا سوي هنقدر نشوط خالد المتكبر ونرميه للهلاك
بسمله حركت دماغها برفض: لاء يا انغام انا مش هشارك في ده
انغام: لا ء ليه عندك ايه تخسريه
بسمله: انا فاهمه شعورك كأم لكن معنديش اي نيه اتورط في اي مشكله لو عايزه احارب ضد خالد هحارب لوحدي وبطريقتي الخاصه
انغام قامت بغل: اسفه ضيعت وقتك لكن فيه حاجه واحده مش مقبوله متقوليش ابدا انك فاهمه شعوري كأم حتي عشان تحاولي تكوني لطيفه لان الامومه احساس انتي محستهوش يا بسمله
بسمله قررت تتابع وتتعالج عشان تقدر تحمل من اسامه وتقوي الرباط المقدس الي بينهم
- يتبع الفصل التالي اضغط على ( رواية اللقاء الثاني) اسم الرواية