رواية اللقاء الثاني الفصل الثامن عشر 18 - بقلم منة محمد
(((بحبك بكل الحنان اللي فيكي وبحبك بكل الجنون اللي فيا)))
في الشركه
ابراهيم:اسامه تعال
اسامه: في ايه
ابراهيم بحزن :فيه اجتماع عاجل لمجلس اللاداره
اسامه :عاجل ليه في ايه
ابراهيم: سمعت انهم قرروا اقاله بسمله انت متعرفش
اسامه سابه وراح بسرعه دخل مكتبها لقاها بتلم حاجاتها في الشنطه
اسامه :ليه مقولتليش يا بسمله
بسمله بهدوء: اقولك ع ايه
اسامه: انك عارفه ان فيه اجتماع عاجل بخصوص اقالتك ليه مقولتليش قبل كده
بسمله: بابا بيحاول يخوفني ودي مش اول مره
اسامه:ايوه بس هيحضر واكيد هيزول تأثيرك
بسمله: وانا مشتغلتش طول السنين دي عشان ولا حاجه فيه مدرين هيقفوا في صفي
اسامه: يعني هتدخلي الخناقه وانتي ونصيبك وايه السبب وبعدين هنعمل ايه في مشارعنا الي حددنا معاد دخولها ايه السبب كده فجأه
بسمله بصتله وسكتت
اسامه بقهر: السبب هو انا
بسمله مسكت كف ايده: لاء مش انت ده موضوع عائلي تعال نروح نتعشا في مطعم الفندق لنتاخر
اسامه مسك دراعها وهي بتتحرك ناحيه الباب وقالها: بصي في عيني يابسمله وقوليلي الحقيقه
بسمله هربت بعيونها وقالت: بابا كان بيقوله دايما محتاجين مدراء محترفين وانا هاخد استراحه سنه اتنين ويمكن سنين اكتر واهي فرصه اعمل دراسات عليا عشان لما ارجع ابقي مؤهله يعني الموضوع ملوش علاقه ابدا بيك بنت مدمنه شغل اختلفت مع ابوها القلوق وهو راجل كبر في السن ومزاجه زي السفينه الدواره ليل ونهار وجايز يلغي الاجتماع سيبك انا ههتم بنفسي وانت متقلقش بخصوص الامر ده
اسامه اتك ع ايدها :انتي متاكده انك كويسه
بسمله: اه بالحق اخترت فيلم وعايزه اشوفه معاك ايه رآيك نروح يوم الجمعه
……………………………….
في كافيه الفندق قاعده بلبس الشغل عفريته برتقالي وطاقيه سوده وشعرها ضفيره ع جنب
كادي :سمعت من مؤمن انك اعز صاحب له صحيح
سيكا بياكل كوبايه ايس كريم وقالها :طبعا احنا كمان اخوات ربيته وهو صغير وكنت بشحت اللقمه عشان اكله بس انتي اكيد مش جيباني هنا عشان تعزميني ع جيلاتي من الاخر عايزه ايه
كادي: مؤمن اختفي اكتر من اسبوع حتي مش بيرد ع مكالماتي
سيكا: مش عشان يعني هو صاحبي هراقبه لمده 24 ساعه في اليوم الايام قصيره
كادي اتعصبت من اسلوبه: يعني انت عارف هو فين اه ولا لاء وعايش فين
سيكا بصلها: من نظرتي ليكي اقدر اقولك انك بنت بس انتي مش التيم بتاعه مؤمن بيحب البنت النعمه الي كلها انوثه
كادي حطت فلوس قدامه: امسك وخلينا نتكلم كزبونه جب لي مؤمن من تحت الارض
سيكا اخد الفلوس بفرحه وقالها: بصراحه كده انا غيرت فيكي راي وبقولك انتي ذوقه المفضل انتي فتاه احلامه هو قالي انه بيحب البنات المسترجله زيك
كادي بصتله وبرقتله وهو خاف: شوفتي رغيت كتير وساحت الجيلاتي وانا بمدح فيكي
…………………………..قصص منه محمد كاتب………………..
الخياطه نزلت لفوقيه: هشوفك تاني يا فوقيه هانم
فوقيه: شكرا واشوفك بعدين
زينب قعدت وفوقيه سألتها: الخياطه دي كويسه وهتفصلك فستان جميل ياخد العقل
زينب: كنا ممكن نشتري واحد بسعر ارخص ده غالي اوي
فوقي بحده: حتي لو مكنش عندنا معازيم فيه اقاربنا هيحضرو فكري في وضع الباشمهندس ابني خالد انك تشرفيه اه كنت هنسي اقرئي ده
زينب فتحت الملف وقرئت واتصدمت ووشها تعبيراته كلها اتغيرت
فوقيه :متزعليش مني بس انا بحافظ ع ثروه ابني وشفتها حكمه بكده لا هيبقي فيه بينكم مشاكل ولا خلفات ع الفلوس وانا عايزه ابقي واضحه معاكي لو قرتيه اتفضلي امضي
زينب رمت الورقه قدامها وقالت بعصبيه: اسفه لايمكن امضي ع حاجه زي كده
فوقيه : وليه اسفه مش قولتيلي انك مش طمعانه في ثروه ابني قلتي ده ولا مقلتيش
زينب: وانا لسه عند كلمتي بس انا عندي كبرياء لنفسي وعايزه احتفظ بيه
فوقيه بأسلوب ساخر: وعشان كبريائك حاسه انه هيتخدش لما توافقي ع اتفاقيه زي دي ولا انتي في دماغك حاجه ومش عايزه تمضي
زينب: وانا قلت اسفه
فوقيه بشخط وصوت عالي: متفضليش تتأسفي جوازك انا مكنتش موافقه ابدا عليه بس خالد هو الي اصر وانا عشان رغبته وافقت بعد طلاقه من انغام الي انا اخترتهاله وفرضتها عليه عشان كده المره دي اتنازلت وسيبته يختار الي هو عايزها وانتي مش قادره توقعي بجره قلم ع شئ صغير
زينب قامت :هشوفك بعدين
فوقيه بامر صاخب: اقعدي
زينب اخدت شنطتها وطلعت تجري في دخول خالد مبتسم ومعاه بوكيه ورد نداه عليها رفضت ترد وفوقيه لمت الاوراق بسرعه وبتخبيها في الدرج
خالد شافها ومسك منها الورق وبص فيه وزعق: ايه ده يا امي ايه ده
فوقيه يتريقه: فكرتها غلبانه طلعت طمعانه يا حبيب امك
خالد حدف الورق وطلع يجري ومسكها من دراعها وهو بينهج: زينب لو سمحتي متمشيش بالطريقه دي
زينب بنفعال: امال المفروض اعمل ايه اقعد واتعامل اقل من الزباله ولا احلف واقول مش عايزه اتجوزك عشان فلوسك اسمع انا مش بستعر اني واحده فقيره انا فخوره بفقر ابويا وبحب اخويا العاطل لكن عايشه احسن من اي حد عنده فلوس ( بكت بصوت) ازاي قدرت تحقرني كده بأي حق عندها تعمل فيا كده
خالد من غير ولا كلمه ضمها لحضنه ومسح ع شعرها: انا اسف معرفش انها هتعمل كده دي غلطتي اسف يا زينب
زينب ضمته وببكاء: انا تعبت اوي من حياتي والله تعبت يا خالد
……………………….قصص منه محمد كاتب………………
اسامه دخل المكتب لقاه همهمه بتحصل بين الموظفين واول ما شافه اتفرقوا
ابراهيم: اسامه تعال معايا لازم نتكلم
اسامه طلع معاه في جنب بعيد وقاله: جري ايه للموظفين
ابراهيم: ليه انت مشفتش الاعلان في جروب الشركه
اسامه: انا مش بقرء الحاجات دي كلها نميمه واشاعات
ابراهيم: بس فيه منها بيطلع حقيقي
اسامه: زي ايه اتكلم
ابراهيم: استخدموا الحروف الاولي الي تدل ع انها بسمله رؤف وانها ع علاقه غير شرعيه مع راجل متجوز واجبرته يطلق مراته والاشاعه انتشرت في الشركه وبره الشركه
اسامه بدون ادني تفكير طلع عشان يقتحم الاجتماع ويقول الحقيقه لكن اتفاجئ انها طالعه قدامه وعيونها مرغرغه بالدموع
بسمله ابتسمتله بدموع: مش عارفه اقولك ايه انا انطردت ببساطه
اسامه: ليه مقولتيش الحقيقه اننا متجوزين وبنحب بعض يجي اكتر من 14 سنه
بسمله: وبابا يعرف يأذيك مستحيل يا اسامه
اسامه: هيعمل ايه يعني هيطردني مش مهم انا مستحيل اقعد في مكان انتي مش فيه بسمله اجمدي احنا هنتجاوز المحنه دي سوي
بسمله: انا مطمنه اساسا وانا معاك
اسامه مسكها من كتافها : انتي قويه وقدها بصي لقدام انتي معملتيش اي حاجه غلط خدي خطوه واحده في نفس واحد هنكمل الي خسرتيه ونبنيه مع بعض لان دي مش نهايه العالم
بسمله لفت وبصتله: انا مستعده اخسر كل حاجه الا انت . انت كل حياتي يا اسامه انا اتعلقت بيك زي المسكن لكل همومي واوجاعي
اسامه: وانا هفضل معاكي واحميكي لحد اخر نفس فيا
…………………………………………
في غرفه نومهم الخاصه بعد ما تم الفرح
خالد قام وبصلها وابتسم: انا لو قلت انك ملاك هبقي معرفتش اعبر انتي احلي من الملاك يا حبيبتي
زينب: يمكن عندك حق اصلي مت مره
خالد :ولازم تاخدي هديه جوازك الاتنين غاروا في داهيه امبارح واحنا في ليله فرحنا
زينب بصتله بحماس: احكيلي بسرعه ايه الي حصل
خالد: بسمله انطردت بفضيحه زي ما طلبتي
زينب: نفسي اشوفها بتتالم عن الي عملته فيا
خالد ضحك : وانا كنت خايف اصحي ملقكيش جنبي وبتركبي الاتوبيس وسبتيني
زينب: اطمن احنا خلاص اتجوزنا وبقينا مع بعض لايمكن يكون حلم
خالد ضمها وباس جبينها: وانتي جوه حضني انا مبسوط وحاسس بالدفاء
زينب : ودلوقت ايه الي هيحصل
خالد : ولا حاجه هتروحي تسلمي ع ابوكي ونسافر ع شهر عسلنا
زينب :مش ده عن بسمله معقول ترجع تشتغل بعد ما انفصلت
خالد : مش هيكون كدا بسهوله لان القرار طلع من مجلس الاداره حتي سمعت ان اسامه هو كمان استقال
زينب بشماته:يعني الاتنين بقوا عاطلين نفسي اشوفهم
خالد: سيبك هما مناسبين لبعض وانتي طلعتي نفسك من مستنقع
زينب: في دي عندك حق اسامه كان مستنقع ونضفت منه
…………………………
اسامه وصل تحت منتظرها تنزل ودي مش بتنزل قلق جدا وقرر يطلعلها وفتح الباب
بسمله شافته جريت عليه: اسفه جدا يا اسامه صحيت متأخره
اسامه وزع عيونه ع الورق المحطوطه ع الكنبه وبسؤال: : هو انتي سهرتي طول الليل
بسمله: شويه اتلهيت في بدراسه مشروع بما اني عاطله عن العمل هو ممكن تستني اغير بس هدومي
اسامه مسكها:لاء مش هتجري بنومك خلينا نقعد احسن مع بعض وندخل ننام لحد ما نموت
بسمله ضحكت: لا يمكن نعمل كده
اسامه: ليه انتي وحشاني
بسمله: انت كمان وحشني بس لازم بعد ساعه اقابل صاحب الشركه اسلمه ورق يخصه ومعايا معاد معاه
اسامه ضمها من وسطها :بسمله هو ممكن تاخدي راحه من الشغل
بسمله :والشغل بمثابه راحه ليا
اسامه :حبيبتي عارف انك زعلانه ونفسك ترجعي للشغل تاني بس انتي انسانه من حقك تاخدي شويه راحه ع الاقل تلقطي انفاسك عشان تقدري تجري مسافه طويله فهماني حبيبه قلبي
بسمله لفت واتعلقت في رقبته: فهماك وعارف حسيت بالغيره واتمني اكون زيك روح اعملنا قهوه ع ما البس قميص نوم مريح
اسامه بس جبينها بحب: تمام حبي
بسمله داعبت انفه بمرح وقالت: هلبس واجيلك بسرعه
اسامه وهو رايح لماكينه القهوه شاف علبه دواء اخدها وقرء الي مكتوب عليها
بسمله: يعني مش شامه ريحه قهوه
اسامه : ممكن اعرف ايه ده من امتي بتاخدي البرشام ده
بسمله بلعت ريقها وخطفته منه وقالت: ده عشان الصداع
اسامه: لاء مش للصداع ده علاج هرمونات ومعني كده دكتور نسا هي الي وصفته
بسمله: وانت ليه واخد الموضوع بجديه كده وبعدين عادي يعني تاخده واحده في سني وبعدين قريت روشتته بيعالج كمان من هشاشه العظام
اسامه بغضب : هو انتي بتهزري انتي مش مهتمه بصحتك ومش مدركه حجم الكارثه الي وقعتي نفسك فيها اسمعي البرشام ده ممنوع تاخديه انتي سامعه. لان الوضع مش عجبني فالحه بس تشتغلي ليل مع نهار وجسمك محتاج راحه طبيعيه مش برشام ممكن يقلب لقدر الله بسرطان انتي مهمله ليه كده
بسمله:اوعدك اهتم بصحتي
اسامه حط ايده في وسطه: وهو ده بقي السبب انك روحتي المستشفي قبل كده
بسمله ضمت حواجبها بستغراب: في ايه يا اسامه
اسامه : في ان انا معنديش استعداد اخسرك في ان وضعك مش عاجبني تولع كل حاجه الا صحتك واسمعي الكلام انا دماغي صغيره ( لم الورق كله في الفايل) وسيبك من الشغل انا الي هشتغل ليل مع نهار وملكيش غير انك تقعدي في البيت وتخلفيلي ولاد وتربيهم وبس
بسمله ابتسمتله وضمته بحب: انت هتبدء بقي تتصرف زي اي زوج وتتحكم وتخنقني
اسامه :ايوه انتي مش عايزه تتعاملي غير كده
بسمله :حبيبي انا اخترت الاقاله وده مش ذنبك مفيش داعي تحس بالمسؤليه
اسامه بقهر: انتي غلطانه انا مسؤل وحاسس بالعجز لما منعتيني اقول للناس اننا متجوزين ووقفت اتفرج عليكي وانتي بتقعي واحنا مش بنعمل حاجه حرام احنا اخدنا حقنا
بسمله : طيب متزعلش تمام هسمع كلامك وهعيش معاك باوامرك من هنا ورايح اسفه
اسامه :اوعديني
بسمله: اوعدك بس تفضل بس جنبي
اسامه: وانا عايز افضل عمري كله معاكي مهما حصل مهما تعبت انتي تستاهلي اتعبلك العمر كله اي نعم موعدكيش اعيشك نفس الاول انك تسافري وتعملي شوبنج
بسمله ضمته: وايه علاقه ده بكلامنا
اسامه خايف قدام تبصي للماضي وتخافي من المستقبل
بسمله: ازاي يعني
اسامه قصدي في الاول هنعيش حياه صعبه اعمل ايه لو فيه احلام انا معرفتش احققهالك
بسمله: ده مستحيل يحصل ابدا احنا مع بعض هنعدي الصعب وده احلي حلم صدقني انا مبسوطه وبحبك اوي والامور الي ذكرتها ولا تهمني و لو رجع بيا الزمن تاني هختارك تاني وانا مغمضه انت عالمي وانا مستحيل اتخلي عن عالمي
اسامه: وبكررهالك تاني الازمه الي انا وانتي فيها هتعدي وتبقي صغيره
بسمله :طيب يله تعالي احط دماغي ع صدرك للحظه استريح من هموم الدنيا
اسامه: اه تعالي عشان اعرف اشفي غليلي منك
………………………………………….
بعد شهر من الاحداث
فوقيه :البيت نور زينب انتي اكيد تعتبي عارفه السفر متعب
زينب بهدوء :لا انا كويسه
فوقيه :خالد الجوزا مرتين مش امر محرج بس كمان مش امر تفتخر بيه اتصرف بطريقه حكيمه انت كبير كفايه متعملش افعالك القديمه زي زمان
خالد: امي عملت ايه بس
فوقيه: اسمع كلامي ونفذه وبس
خالد بضحكه: حاضر
فوقيه :زينب بما انك بقيتي فرد في العيله واجب عليكي تتصرفي كانك من الطبقه الاستقراطيه يعني نقي كلامك وحافظي ع تصرفاتك في كل الاوقات وخدي الامر كانك متراقبه بستمرار خليكي حذره
زينب بضيق :هحاول بكل جهدي
فوقيه: انتي كمان ممكن تخلفي حته عيل بلاش تاخدي احتياطك
خالد بصلها بتحذير: ماما ايه الكلام ده بس
فوقيه : هادي ابنك بس مش ابنها يكون احسن لو خلفتلها حته عيل منها
خالد اتك ع اسنانه: ايه الي بتقوليه ده يا امي
فوقيه :هو انا قلت ايه غلط مش فاهمه
زينب :انا مقدرش اخلف
فوقيه بصدمه :قلتي ايه
زينب بصت في الارض بأحراج وقالت: عندي مشاكل في الرحم وده سبب اني مخلفتش من جوزي الاولاني بسبب صحتي انا
فوقيه :وانت كنت عارف
خالد: ايوه عارف
فوقيه بصت لخالد وقامت من المكان وهي متعصبه
خالد اخدها لغرفه نومهم وبصلها: ليه مقولتليش كان ممكن تقوليلي انك مبتخلفيش
زينب :مجتش فرصه اقولك والموضوع حساس بالنسبه لي واكيد انت مش عايز اطفال مني
خالد :مين قالك كده مش يمكن عايز زينب مش معني اننا بنام في سرير واحد بقينا متجوزين المفروض نشارك بعض في كل حاجه حتي لو صغيره الصراحه وحسم الامور اهم الاشياء في حياتنا
زينب حطت وشها لتحت: حقك عليا انا غلطانه اسفه
خالد ابتسملها هو بيمسك دقنها: بلاش نتأسف لبعض كتير احنا بقينا واحد نشارك بعض في اتفه الامور ونهتم ببعض اهتمام كامل
زينب: ممكن اقولك ع حاجه واحده
خالد: اه طبعا اتفضلي
زينب: ان اوضتنا غريبه عليا
خالد ضحك وهو بيضمها: هتتعودي عليها قريب
زينب رفضت تضمه لان احساسها كله لسه مع اسامه
- يتبع الفصل التالي اضغط على ( رواية اللقاء الثاني) اسم الرواية